ନୂଆଦିଲ୍ଲୀ: ଦେଶରେ କରୋନା ସଂକ୍ରମଣର ଦ୍ୱିତୀୟ ପ୍ରବାହ ବେଶ୍ ଚିନ୍ତାଜନକ ଥିବାବେଳେ ଦେଶବାସୀଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କରୋନା ବିରୋଧରେ ଦେଶ ଆଜି ବଡ଼ ଲଢ଼େଇ କରୁଛି । କିଛି ସପ୍ତାହ ପୂର୍ବ ଯାଏ ସ୍ଥିତି ଠିକ୍ ଥିଲା । ଏବେ କରୋନାର ଦ୍ୱିତୀୟ ପ୍ରବାହ ଭୟଙ୍କର ହେଉଛି । ଯେଉଁ କଷ୍ଟ ଆପଣ ସହିଥିଲେ, ସହୁଛନ୍ତି ତାହ ମୋତେ ଜଣା ଅଛି । ଯେଉଁ ଲୋକ ନିଜର ପରିଜନକୁ ହରାଇଛନ୍ତି । ସେମାନଙ୍କ ସହ ମୋର ସମବେଦନା ରହିଛି । ପରିବାରର ସଦସ୍ୟ ଭାବେ ମୁଁ ଆପଣମାନଙ୍କ ଦୁଃଖରେ ସାମିଲ୍ ଥିବା କହିଛନ୍ତି ପ୍ରଧାନମନ୍ତ୍ରୀ ।
କରୋନା ଯୁଦ୍ଧ ବଡ଼ ଅଟେ । ଆମ ସମସ୍ତଙ୍କୁ ମିଳିତ ଭାବେ ଲଢ଼ିବାକୁ ପଡ଼ିବ । ମୁଁ ଦେଶର ସମସ୍ତ ଡକ୍ଟର, ମେଡିକାଲ ଷ୍ଟାଫ, ପାରା ମେଡିକାଲ ଷ୍ଟାଫ, ସଫେଇ କର୍ମଚାରୀ, ଆମ୍ବୁଲାନ୍ସ ଡ୍ରାଇଭର, ସୁରକ୍ଷାକର୍ମୀ, ପୋଲିସ ସମସ୍ତଙ୍କୁ ଧନ୍ୟବାଦ ଜଣାଉଛି । ଆପଣମାନେ ଜୀବନକୁ ବାଜି ଲଗାଇ କରୋନା ବିରୋଧରେ ଲଢ଼େଇ ଜାରି ରଖିଛନ୍ତି । ଆଜି ପୁଣିଥରେ କରୋନାର ଦ୍ୱିତୀୟ ଲହର ବେଳେ ଆପଣଙ୍କ ପରିବାର ଚିନ୍ତା ଛାଡ଼ି ଅନ୍ୟମାନଙ୍କ ଜୀବନ ବଞ୍ଚାଇବାକୁ ଆଗେଇ ଆସିଛନ୍ତି । କଠିନରୁ ଅଧିକ କଠିନ ସମୟରେ ଆମକୁ ଧୈର୍ଯ୍ୟ ହରାଇବା ଅନୁଚିତ୍ । କୌଣସି ପରିସ୍ଥିତିରୁ ମୁକୁଳିବା ଲାଗି ସଠିକ ନିଷ୍ପତ୍ତି, ସଠିକ୍ ପ୍ରୟାସ ବିଜୟ ଦେଇ ପାରିବ । ଏହି ମନ୍ତ୍ରକୁ ନେଇ ଆଜି ଦେଶ ଦିନରାତି କାର୍ଯ୍ୟ କରୁଛି ।
Work is on to increase the number of beds in hospitals. In some cities, large COVID19 dedicated hospitals are being built: PM Modi during an address to the nation on the COVID19 situation pic.twitter.com/B3j9yWzYOK
— ANI (@ANI) April 20, 2021
ବିଗତ କିଛି ଦିନରେ ନିଆଯାଇଥିବା ପଦକ୍ଷେପ ସ୍ଥିତିକୁ ଦ୍ରୁତଗତିରେ ସୁଧାର ଆଣିବ । ଏବେ କରୋନା ପାଇଁ ଦେଶର ଏକାଧିକ ସ୍ଥାନରେ ଅକ୍ସିଜେନ୍ ଚାହିଦା ବହୁତ ଅଧିକ ବଢ଼ିଛି । ଏହି ବିଷୟରେ ସରକାର ସମ୍ବେଦନଶୀଳତାର ସହ କାମ କରୁଛନ୍ତି । କେନ୍ଦ୍ର ସରାକର ଓ ରାଜ୍ୟ ସରକାର, ଘରୋଇ ସଂସ୍ଥା ସମସ୍ତଙ୍କ ପୂରା ଚେଷ୍ଟା ସମସ୍ତ ଗୁରୁତରଙ୍କୁ ଅକ୍ସିଜେନ୍ ମିଳୁ । ଅକ୍ସିଜେନ୍ ଉତ୍ପାଦନ ଓ ଯୋଗାଣକୁ ବଢ଼ାଇବା ଲାଗି ବିଭିନ୍ନ ଉପାୟ କରାଯାଉଛି । ରାଜ୍ୟରେ ନୂଆ ଅକ୍ସିଜେନ୍ ପ୍ଲାଣ୍ଟ ସହ ୧ ଲକ୍ଷ ନୂଆ ସିଲିଣ୍ଡର ପହଞ୍ଚାଇବା ଉଦ୍ୟମ ହେଉଛି । ଶିଳ୍ପ ସଂସ୍ଥାରେ ବ୍ୟବହୃତ ଅକ୍ସିଜେନକୁ ମେଡିକାଲରେ ବ୍ୟବହାର, ଅକ୍ସିଜେନ୍ ରେଳ ଆଦି ପ୍ରୟାସ କରାଯାଉଛି । ଏବେ ବଢ଼ୁଥିବା କରୋନା କେସ୍ ଦେଖି ଦେଶରେ ଔଷଧ ଉତ୍ପାଦନ ବୃଦ୍ଧି କରାଯାଇଛି । ଜାନୁଆରୀ, ଫେବ୍ରୁଆରୀ ତୁଳନାରେ ଅଧିକ ଔଷଧ ପ୍ରସ୍ତୁତ କରାଯାଉଥିବା କହିଛନ୍ତି ପ୍ରଧାନମନ୍ତ୍ରୀ । ଔଷଧ ଉତ୍ପାଦନ ବୃଦ୍ଧି ପାଇଁ ପଦକ୍ଷେପ ନିଆଯାଉଛି ।
India with two 'made in India' vaccines started the world's largest vaccination program. Till now, more than 12 crore vaccine doses have been administered. From 1st May, those above the age of 18 years can be vaccinated: PM Modi pic.twitter.com/qZ6oCddjth
— ANI (@ANI) April 20, 2021
ଏଥିସହ ହସ୍ପିଟାଲ ଗୁଡ଼ିକରେ ଶଯ୍ୟା ସଂଖ୍ୟା ଦ୍ରୁତଗତିରେ ବୃଦ୍ଧି କରାଯାଉଛି । କିଛି ସହରରେ ଚାହିଦାକୁ ଦେଖି ବଡ଼ ବଡ଼ କୋଭିଡ୍ ହସ୍ପିଟାଲ ନିର୍ମାଣ ହେଉଛି । ଗତବର୍ଷ କରୋନାର ଅଳ୍ପ କିଛି ମାମଲା ଆସିଥିଲା । ଆମ ବୈଜ୍ଞାନିକ ଦିନରାତି କାମ କରି କରୋନା ଭ୍ୟାକ୍ସିନ୍ ପ୍ରସ୍ତୁତ କରିଥିଲେ । ଦୁନିଆରେ ଭାରତରେ ସବୁଠାରୁ ଶସ୍ତା ଭ୍ୟାକ୍ସିନ୍ ମିଳୁଛି । ଭାରତରେ କୋଲ୍ଡ ଚେନ୍ ବ୍ୟବସ୍ଥା ଅନୁକୂଳ ଟିକା ଆମ ପାଖରେ ଅଛି । ଟିମ୍ ୱାର୍କ ଯୋଗୁଁ ଭାରତ ୨ଟି ଦେଶୀ ଟିକା ସହ ଟିକାକରଣ ଆରମ୍ଭ କରିପାରିଥିଲା । ଅଧିକରୁ ଅଧିକ ଅଞ୍ଚଳରେ ଲୋକଙ୍କୁ ଟିକା ଦିଆଯିବା ପରେ ଗୁରୁତ୍ୱ ଦିଆଯାଉଛି । ଏବେ ସୁଦ୍ଧା ୧୨ କୋଟି ଲୋକଙ୍କୁ ଟିକା ଦିଆଗଲାଣି । ଆମ ସ୍ୱାସ୍ଥ୍ୟକର୍ମୀ, ସମ୍ମୁଖ କରୋନା ଯୋଦ୍ଧା ଓ ବରିଷ୍ଠ ନାଗରିକଙ୍କ ବଡ଼ ଶତକଡ଼ା ଭ୍ୟାକ୍ସିନ୍ ନେଇ ସାରିଲେଣି । ମେ ୧ରୁ ୧୮ ବର୍ଷରୁ ଅଧିକ ବୟସ୍କ ଯେକୌଣସି ବ୍ୟକ୍ତି ଭ୍ୟାକ୍ସିନ୍ ନେଇପାରିବେ ।
ଭାରତରେ ପ୍ରସ୍ତୁତ ଭ୍ୟାକ୍ସିନର ଅଧା ସିଧାସଳଖ ରାଜ୍ୟ ଓ ହସ୍ପିଟାଲଗୁଡ଼ିକୁ ମିଳିବ । ଗରିବ, ବୃଦ୍ଧ, ନିମ୍ନ ମଧ୍ୟବିତ୍ତ ଓ ୪୫ ବର୍ଷରୁ ଅଧିକ ଲୋକଙ୍କୁ କରାଯାଉଥିବା ଟିକାକରଣ ଜାରି ରହିବ । ପୂର୍ବଭଳି ସରକାରୀ ହସ୍ପିଟାଲରେ ମାଗଣା କୋଭିଡ୍ ଟିକାକରଣ ଜାରି ରହିବ । ଆମ ସମସ୍ତଙ୍କ ପ୍ରୟାସ ଜୀବନ ବଞ୍ଚାଇବା । ଏଥିସହ ଆର୍ଥିକ ଗତିବିଧି ସହ ଜୀବନଜୀବିକାକୁ ଜାରି ରଖିବା । ରାଜ୍ୟ ସରକାରଙ୍କୁ ଅନୁରୋଧ ସେମାନେ ଶ୍ରମିକଙ୍କୁ ଭରସା ଦିଅନ୍ତୁ । ସେମାନେ ଯେଉଁଠି ଅଛନ୍ତି, ସେଇଠି ରୁହନ୍ତୁ । ଗତବର୍ଷ ପରିସ୍ଥିତି ଏବେର ସ୍ଥିତି ଠାରୁ ବହୁତ ଅଲଗା ଥିଲା । ସେତେବେଳେ ଆମ ପାଖରେ ସ୍ୱାସ୍ଥ୍ୟ ବ୍ୟବସ୍ଥା ଏତେ ସୁଦୃଢ଼ ନଥିଲା । କରୋନା ଟେଷ୍ଟ ପାଇଁ ଲ୍ୟାବ, ପିପିଇ କିଟ୍, କରୋନା ଚିକିତ୍ସା ନେଇ କୌଣସି ସୂଚନା ନଥିଲା । ତଥାପି ଆମେ ଖୁବ୍ କମ୍ ସମୟରେ ଏଥିରେ ପାରଜ୍ଞମ ହୋଇ ପାରିଥିଲେ । ଆଜି ଆମ ପାଖରେ ବଡ଼ ମାତ୍ରରେ ପିପିଇ କିଟ୍ ସହ କରୋନା ସମ୍ପର୍କିତ ଅନେକ ବ୍ୟବସ୍ଥା ରହିଛି ।
I urge the States to consider lockdowns only as the last option and focus creating on micro containment zones: PM Narendra Modi pic.twitter.com/B1CnFlNsIj
— ANI (@ANI) April 20, 2021
ଏହାର ଶ୍ରେୟ ସମସ୍ତ ଦେଶବାସୀଙ୍କୁ ଦେଉଛି । କୋଭିଡ୍ କଟକଣାକୁ ମାନି ଆପଣ ଦେଶକୁ ଆଣିଛନ୍ତି । ଜନ ଭାଗିଦାରୀ ଶକ୍ତି ଦ୍ୱାରା ଆମେ କରୋନାକୁ ହରାଇ ପାରିବା । ଦେଶବାସୀଙ୍କୁ ଅନୁରୋଧ କରୁଛି ସଂକଟ ଗଢ଼ିରେ ଆପଣମାନେ ଗରିବଙ୍କୁ ସାହାଯ୍ୟ କରୁଛନ୍ତି । ଯୁବକମାନେ ଛୋଟ ଛୋଟ କମିଟି ଗଠନ କରି କୋଭିଡ୍ ନିୟମ ପାଳନ ପାଇଁ ଅନୁପ୍ରାଣିତ କରନ୍ତୁ । ଏମିତି କଲେ ପ୍ରଶାସନକୁ କଣ୍ଟେନମେଣ୍ଟକି ସଟଡାଉନ୍ ଆବଶ୍ୟକ ହେବ ନାହିଁ । ଏଥିସହ ଡରର ମାହୋଲ୍ କମାଇବା ଲାଗି ଲୋକଙ୍କୁ ଭ୍ରମିତ କରନ୍ତୁ ନାହିଁ । ଆଜି ଆମକୁ ଦେଶକୁ ଲକଡାଉନରୁ ବଞ୍ଚିବା ଦରକାର । ରାଜ୍ୟକୁ ବି ଅନୁରୋଧ ସେମାନେ ଲକଡାଉନକୁ ଅନ୍ତିମ ବିକଳ୍ପ ରୂପେ ବ୍ୟବହାର କରନ୍ତୁ । ଲକଡାଉନ ଉପରେ ଧ୍ୟାନ କେନ୍ଦ୍ରିତ ନକରି ମାଇକ୍ରୋ କଣ୍ଟେନମେଣ୍ଟ ଉପରେ ଗୁରୁତ୍ୱ ଦିଅନ୍ତୁ । ଅର୍ଥ ବ୍ୟବସ୍ଥାକୁ ସୁଧାରିବା ସହ ଦେଶବାସୀଙ୍କ ସ୍ୱାସ୍ଥ୍ୟର ଧ୍ୟାନ ରଖିବା । କରୋନା ବିରୋଧୀ ଯୁଦ୍ଧ ପାଇଁ ଅନୁଶାସନ ଜରୁରୀ । ଦରକାର ହେଲେ ହିଁ ଘରୁ ବାହାରନ୍ତୁ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି ।
