ଭୁବନେଶ୍ୱର: UG ଓ PG ପରୀକ୍ଷା ନେଇ ଉଚ୍ଚଶିକ୍ଷା ମନ୍ତ୍ରୀଙ୍କ ସୂଚନା । ରାଜ୍ୟର ସମସ୍ତ ବିଶ୍ୱବିଦ୍ୟାଳୟ କୁଳପତିମାନଙ୍କ ସହ ବୈଠକ ହୋଇଛି । ପିଲାଙ୍କ ପରୀକ୍ଷା ହେବା ନେଇ ଗ୍ରୀନ୍ ସିଗନାଲ ଦେଇଛନ୍ତି ମନ୍ତ୍ରୀ । ୧୮ତାରିଖରେ ଆଉ ଏକ ବୈଠକ ବସିବ । ଏହାପରେ ଏନେଇ ନିଷ୍ପତ୍ତି ନିଆଯିବ ବୋଲି କହିଛନ୍ତି ମନ୍ତ୍ରୀ । ଗତ ବର୍ଷ ଅନେକ ରାଜ୍ୟ ସରକାର ପରୀକ୍ଷା କରିନଥିଲେ । ଏଥର ରାଜ୍ୟରେ ମେ ୫ରେ ଲକଡାଉନ ହୋଇଛି । ଅନଲାଇନରେ ପିଲାଙ୍କ ପାଠପଢ଼ା ଚାଲିଛି । ତେଣୁ ଆସନ୍ତା ୧୮ ତାରିଖର ବୈଠକରେ ପରେ ପରବର୍ତ୍ତି ନିଷ୍ପତ୍ତି ନିଆଯିବ ବୋଲି କହିଛନ୍ତି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ।
PNBରେ କେବଳ ୨୫୦ଟଙ୍କାରେ ଖୋଲନ୍ତୁ ଆକାଉଣ୍ଟ, ମାଚ୍ୟୁରିଟି ପରେ ମିଲିବ ୧୫ଲକ୍ଷ ଟଙ୍କା
ନୂଆଦିଲ୍ଲୀ: ଯଦି ଆପଣ ଆପଣଙ୍କ ଝିଅ ପାଇଁ ଏକ ଭଲ ବିନିଯୋଗ କରିବକୁ ଚାହୁଁଛନ୍ତି । ତେବେ ଆଜି ଆମେ ଆପଣଙ୍କୁ ଏକ ଯୋଜନା ବିଷୟରେ ଅବଗତ କରାଇବୁ । ଯେଉଁଠାରେ ଆପଣ ମାତ୍ର କିଛି ଟଙ୍କା ବିନିଯୋଗରେ ଏକ ଆକାଉଣ୍ଟ୍ ଖୋଲିପାରିବେ । ଆପଣ ସୁକନ୍ୟା ସମୃଦ୍ଧି ଯୋଜନା ଅଧୀନରେ ପଞ୍ଜାବ ନ୍ୟାସନାଲ ବ୍ୟାଙ୍କରେ ଏକ ଆକାଉଣ୍ଟ ଖୋଲିପାରିବେ | PNBରେ ମାତ୍ର ୨୫୦ଟଙ୍କା ବିନିଯୋଗରେ, ଆପଣ ଆପଣଙ୍କ ଝିଅର ବିବାହଠାରୁ ଆରମ୍ଭ କରି ତାର ପାଠପଢା ପର୍ଯ୍ୟନ୍ତ ଏକ ବଡ଼ ଧନରାଶୀ ସଞ୍ଚୟ କରିପାରିବେ ।
ଏହି ଯୋଜନା ସହ ଜଡିତ କିଛି ବିଶେଷ କଥା
ଯଦି ଆପଣ PNB ରେ ସୁକନ୍ୟା ସମୃଦ୍ଧି ଆକାଉଣ୍ଟ ଖୋଲିବାକୁ ଚାହୁଁଛନ୍ତି, ତେବେ ଆପଣଙ୍କୁ ସର୍ବନିମ୍ନ ୨୫୦ ଟଙ୍କା ଜମା କରିବାକୁ ପଡ଼ିବ । ଯେଉଁଠାରେ ଆପଣ ସର୍ବାଧିକ ୧,୫୦,୦୦୦ ଟଙ୍କା ପର୍ଯ୍ୟନ୍ତ ଜମା କରିପାରିବେ । ଆକାଉଣ୍ଟଟି ଝିଅଟିକୁ ୨୧ ବର୍ଷ ହେବା ପର୍ଯ୍ୟନ୍ତ ପରିଚାଳିତ ହୋଇପାରିବ । ଯଦି ଆପଣ ଚାହାଁନ୍ତି, ମାଚ୍ୟୁରିଟି ରାଶି ଝିଅ ୧୮ ବର୍ଷ ହେବା ପରେ ବାହାର କରିପରିବେ ।
ଗୋଟିଏ ପରିବାରର ଦୁଇ ଝିଅଙ୍କ ପାଇଁ ଆକାଉଣ୍ଟ୍
PNB ରେ, ଗୋଟିଏ ପରିବାରର ସର୍ବାଧିକ ଦୁଇଟି ଝିଅଙ୍କ ପାଇଁ ଏହି ଆକାଉଣ୍ଟ ଖୋଲାଯାଇପାରିବ । ଏହି ଯୋଜନା ଅଧୀନରେ, ପିତାମାତା କିମ୍ବା ଅଭିଭାବକ ଗୋଟିଏ ଝିଅଙ୍କ ନାମରେ PNB ରେ କେବଳ ଗୋଟିଏ ଖାତା ଖୋଲିପାରିବେ । ଝିଅଟିର ବୟସ ୧୦ ବର୍ଷରୁ କମ୍ ହୋଇଥିବା ଆବଶ୍ୟକ ।
ମାଚ୍ୟୁରିଟି ପରେ, ମିଳିବ ୧୫ ଲକ୍ଷରୁ ଅଧିକ ଟଙ୍କ
ଯଦି ଆପଣ ଏହି ଯୋଜନାରେ ପ୍ରତି ମାସରେ ୩୦୦୦ ଟଙ୍କା ବିନିଯୋଗ କରନ୍ତି, ଅର୍ଥାତ୍ ବାର୍ଷିକ ୩୬୦୦୦ ଟଙ୍କା ବିନିଯୋଗ କରନ୍ତି । ତେବେ ୧୪ ବର୍ଷ ପରେ, ଆପଣ ବାର୍ଷିକ ୭.୬ ସୁଧହାରରେ ୯,୧୧,୫୪୪ ଟଙ୍କା ପାଇବେ । ୨୧ ବର୍ଷରେ ଅର୍ଥାତ୍ ମାଚ୍ୟୁରିଟି ପରେ ଆପଣ ୧୫,୨୨,୨୨୧ ଟଙ୍କା ପାଇବେ ।
ଆକାଉଣ୍ଟ ଖୋଲିବାକୁ ହେଲେ କଣ ଆବଶ୍ୟକ ?
PNB ର ଯେକୌଣସି ଶାଖାରୁ ଆପଣ ସୁକନ୍ୟା ସମୃଦ୍ଧି ଯୋଜନା ଆକାଉଣ୍ଟ ଖୋଲିପାରିବେ । ସୁକନ୍ୟା ସମୃଦ୍ଧି ଆକାଉଣ୍ଟ ଖୋଲିବା ଫର୍ମ, ଝିଅଟିର ଜନ୍ମ ପ୍ରମାଣପତ୍ର, ଜମାକାରୀଙ୍କ ପରିଚୟ କାର୍ଡ ଯେମିତି କି ପାନ କାର୍ଡ, ରେସନ କାର୍ଡ, ଡ୍ରାଇଭିଂ ଲାଇସେନ୍ସ, ପାସପୋର୍ଟ ଇତ୍ୟାଦି । ଜମାକାରୀଙ୍କ ଠିକଣାର ପ୍ରମାଣ ପାଇଁ ପାସପୋର୍ଟ, ରାସନ କାର୍ଡ, ବିଦ୍ୟୁତ୍ ବିଲ୍, ଟେଲିଫୋନ୍ ବିଲ୍ ଇତ୍ୟାଦି ଏବଂ ଟଙ୍କା ଜମା କରିବା ପାଇଁ ନେଟ–ବ୍ୟାଙ୍କିଙ୍ଗ ମଧ୍ୟ ବ୍ୟବହାର କରିପାରିବେ ।
ଆତଙ୍କବାଦୀ ଆକ୍ରମଣରେ ୨ଜଣ ପୋଲିସ ସହିଦ ହୋଇଥିବା ବେଳେ ୨ ଜଣ ସାଧାରଣ ନାଗରିକଙ୍କ ମୃତ୍ୟୁ
ଅରମାପୋରା: ଜାମ୍ମୁ କାଶ୍ମୀରର ସୋପୋରରେ ଆତଙ୍କବାଦୀ ଆକ୍ରମଣରେ ଦୁଇ ଜଣ ପୋଲିସ ସହିଦ ହୋଇଛନ୍ତି । ଏହି ଆକ୍ରମଣରେ ୨ଜଣ ସାଧାରଣ ନାଗରିକଙ୍କର ମଧ୍ୟ ମୃତ୍ୟୁ ହୋଇଥିବା ଜଣାପଡ଼ିଛି । ସୋପୋରରେ ଅରମାପୋରାର ନାକା ନିକଟରେ ପୋଲିସ ଏବଂ CRPFର ମିଳିତ ଦଳ ଉପରେ ଆତଙ୍କବାଦୀ ମାନେ ଅଚାନକ ଆକ୍ରମଣ କରିଥିଲେ । ଏବଂ ଏହି ଆକ୍ରମଣରେ ୪ ଜଣଙ୍କର ପ୍ରାଣ ଯାଇଛି ।
ଶନିବାର ଦିନ ଆତଙ୍କବାଦୀମାନେ କରିଥିବା ଏହି ଆକ୍ରମଣରେ ୨ ପୋଲିସ କର୍ମଚାରୀଙ୍କ ସହ ୨ଜଣ ସାଧାରଣ ନାହରିକଙ୍କ ମୃତ୍ୟୁ ହୋଇଛି । ସୋପୋର ଆକ୍ରମଣ ବିଷୟରେ ଡିଜିପି ଦିଲବାଗ ସିଂ କହିଛନ୍ତି ଯେ, ଏହି ଆକ୍ରମଣରେ ୪ ଜଣଙ୍କର ମୃତ୍ୟୁ ହୋଇଛି। ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରେ ୨ ଜଣ ପୋଲିସ ସହିଦ ହୋଇଥିବା ବେଳେ ଏବଂ ୨ ଅନ୍ୟ ଜଣ ସାଧାରଣ ନାଗରିକ ପନିପରିବା ବିକକାଳିଙ୍କ ପ୍ରାଣ ଯାଇଛି । ଆତଙ୍କବାଦୀଙ୍କ ଏହି ଆକ୍ରମଣରେ ୨ ଜଣ ପୋଲିସ କର୍ମଚାରୀଙ୍କ ବ୍ୟତୀତ ଜଣେ ସାଧାରଣ ନାଗରିକ ମଧ୍ୟ ଆହତ ହୋଇଛନ୍ତି। ତେବେ ସମୁଦାୟ ଏହି ଆକ୍ରମଣରେ ୪ ଜଣଙ୍କର ମୃତ୍ୟୁ ହୋଇଥିବାବେଳେ ୩ ଜଣ ଗୁରୁତର ଆହତ ହୋଇଛନ୍ତି ।
ସରକାରୀ ସୂତ୍ରରୁ ପ୍ରକାଶ ଯେ ଆତଙ୍କବାଦୀମାନେ ହଠାତ୍ ସୁରକ୍ଷା ବାହିନୀର ମିଳିତ ଦଳ ଉପରେ ଗୁଳି ଚଳାଇବା ଆରମ୍ଭ କରିଥିଲେ। ଆତଙ୍କବାଦୀଙ୍କ ଏହି ଆକ୍ରମଣ ପରେ ସମ୍ପୂର୍ଣ୍ଣ ଅଞ୍ଚଳକୁ ପୋଲିସ ଏବଂ CRPFର ମିଳିତ ଦଳ ଘେରିଛନ୍ତି । ଏବଂ ବର୍ତ୍ତମାନ ଆତଙ୍କବାଦୀଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ ଜାରି ରହିଛି।
‘ସଂକ୍ରମଣ ହାର ୫ ପ୍ରତିଶତରୁ କମ୍ ହେଲେ ମଧ୍ୟ ପୂରା ଅନ୍ଲକ୍ କରାନଯାଉ’
ଭୁବନେଶ୍ୱର: ରାଜ୍ୟରେ ସଂକ୍ରମଣ ହାର ଧିରେଧିରେ କମୁଛି । ୧୭ତାରିଖ ବେଳକୁ ୫ପ୍ରତିଶତକୁ ଆସିବା ସମ୍ଭାବନା ରହିଛି । ଯେଉଁ ସବୁ ଜିଲ୍ଲାରେ ସଂକ୍ରମଣ ହାର ୫ପ୍ରତିଶତକୁ ଆସିବ ସେଠି ପୂରା ଅନଲକ ନକରି ସାମାନ୍ୟ କୋହଳ କରିବା ଉଚିତ୍ । ନହେଲେ ପୁନଃ ସଂକ୍ରମଣ ଭୟ ରହିଛି ବୋଲି ମତ ରଖିଛନ୍ତି ବରିଷ୍ଠ ଚିକିତ୍ସା ବିଶେଷଜ୍ଞ ଡା.ନିରୋଜ ମିଶ୍ର । ଅପରପକ୍ଷରେ ଟିକା ବ୍ୟବଧାନ ନେଇ ପ୍ରତିକ୍ରିୟା ରଖି ସେ କହିଛନ୍ତି ଯେ, ଦ୍ୱିତୀୟ ଡୋଜ୍ ଟିକା ୬ରୁ ୮ସପ୍ତାହ ମଧ୍ୟରେ ନେଇଯିବା ଉଚିତ୍ । କେନ୍ଦ୍ର ସରକାର ୮୪ ଦିନ ପରେ କୋଭିସିଲ୍ଡ ଟିକା ନେବା ପାଇଁ କହିଛନ୍ତି, କିନ୍ତୁ, ଏହା ପୁର୍ବରୁ ଟିକା ନେଲେ ପୁନ୍ଃ ସଂକ୍ରମଣ ଭୟ ରହିବନି । ବିଭିନ୍ନ ଗବେଷଣାରେ ଏହି ତଥ୍ୟ ଆସିଥିବା କହିଛନ୍ତି ଡାକ୍ତର ନିରୋଜ ମିଶ୍ର ।
ଅପରପକ୍ଷରେ ରାଜ୍ୟରେ ସଂକ୍ରମିତଙ୍କ ସଂଖ୍ୟା ଧୀରେ ଧୀରେ କମିବାରେ ଲାଗିଛି । ୨୪ ଘଣ୍ଟା ମଧ୍ୟରେ ୬୭ହଜାର ୧୨୨ ଟେଷ୍ଟିଂ ହୋଇଥିବା ବେଳେ ୪ହଜାର ୮୫୨ ସଂକ୍ରମିତ ଚିହ୍ନଟ ହୋଇଛନ୍ତି । ଏବଂ ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୮ହଜାର ୫୧୬ ଜଣ । ସେହିପରି ୪୭ ଜଣଙ୍କ ଜୀବନ ନେଇଛି କିଲର ଭାଇରସ୍ । ଦିନକରେ କ୍ୱାରେଣ୍ଟାଇନ୍ରୁ ୨ହଜାର ୭୬୫, ଲୋକାଲ କେସ୍ ରହିଛି ୨ ହଜାର ୮୭ । ଖୋର୍ଦ୍ଧାରୁ ସର୍ବାଧିକ ୬୪୯ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ, କଟକରୁ ୫୦୫, ଯାଜପୁରରୁ ୩୮୨, ବାଲେଶ୍ୱରରୁ ୩୬୪, କେନ୍ଦ୍ରାପଡାରୁ ୨୮୭, ଅନୁଗୁଳରୁ ୨୭୫, ପୁରୀରୁ ୨୩୭, ଭଦ୍ରକରୁ ୨୨୨, ମୟୂରଭଞ୍ଜରୁ ୨୧୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ଜଗତସିଂହପୁରରୁ ୧୮୦, ସୁନ୍ଦରଗଡ଼ରୁ ୧୫୭, ଢେଙ୍କାନାଳରୁ ୧୫୦, ନୟାଗଡ଼ରୁ ୧୩୬, ନବରଙ୍ଗପୁରରୁ ୧୦୮, ରାୟଗଡ଼ାରୁ ୧୦୫ ସଂକ୍ରମିତ ଚିହ୍ନଟ ହୋଇଛନ୍ତି । ଷ୍ଟେଟପୁଲରୁ ୯୮, କେନ୍ଦୁଝରରୁ ୯୬, ମାଲକାନଗିରିରୁ ୮୯, କୋରାପୁଟରୁ ୮୮, କନ୍ଧମାଳରୁ ୮୩, ବରଗଡ଼ରୁ ୬୧, କଳାହାଣ୍ଡିରୁ ୬୦, ବୌଦ୍ଧରୁ ୫୭, ଗଜପତିରୁ ୪୮, ସମ୍ବଲପୁରରୁ ୪୧, ଗଞ୍ଜାମରୁ ୪୦, ସୋନପୁରରୁ ୩୫, ବଲାଙ୍ଗୀରରୁ ୩୧, ନୂଆପଡାରୁ ୨୨, ଦେବଗଡ଼ରୁ ୨୦, ଜଗତସିଂହପୁରରୁ ୧୬ ପଜିଟିଭ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୮ଲକ୍ଷ ୪୭ହଜାର ୩୧୩ ଥିବା ବେଳେ ମୋଟ୍ ସୁସ୍ଥ ହେଲେଣି ୭ଲକ୍ଷ ୮୧ହଜାର ୪୮୮, ଆକ୍ଟିଭ କେସ୍ ୬୨ହଜାର ୫୧୫ ।
ଦୀର୍ଘ ୭୦ଦିନ ପରେ ଦେଶରେ ସବୁଠୁ କମ ସଂକ୍ରମିତ ଚିହ୍ନଟ
ନୂଆଦିଲ୍ଲୀ: ଦେଶରେ ଖସୁଛି କରୋନା ସଂକ୍ରମଣ । ଲଗାତର କିଛି ଦିନ ହେବ କରୋନା ସଂକ୍ରମଣ ହ୍ରାସ ପାଉଥିବା ବେଳେ ସୁସ୍ଥତା ହାର ବଢ଼ିବାରେ ଲାଗିଛି । ଦେଶରେ ଗତ ୨୪ ଘଣ୍ଟାରେ ସାରା ଦେଶରୁ ଚିହ୍ନଟ ହୋଇଛନ୍ତି ୮୪ ହଜାର ୩୩୨ କରୋନା ସଂକ୍ରମିତ । ସେହିପରି ଗୋଟିଏ ଦିନରେ ଆଉ ୪ହଜାର ୨ଜଣଙ୍କ ଜୀବନ ନେଇଛି ମହାମାରୀ କରୋନା ।
ଏହାସହ ଗତ ୨୪ ଘଣ୍ଟାରେ ୧ ଲକ୍ଷ ୨୧ ହଜାର ୩୧୧ ଆକ୍ରାନ୍ତ ସୁସ୍ଥ ହୋଇଛନ୍ତି । ତେବେ ସାରା ଦେଶରେ ଏବେ ସୁଦ୍ଧା ମୋଟ ୨ କୋଟି ୯୩ ଲକ୍ଷ ୫୯ହଜାର ୧୧୫କରୋନା ପଜିଟିଭ୍ ଚିହ୍ନଟ ହୋଇ ସାରିଲେଣି । ସେମାନଙ୍କ ମଧ୍ୟରୁ ୨ କୋଟି ୭୯ ଲକ୍ଷ ୧୧ ହଜାର ୩୮୪ ଜଣ ସୁସ୍ଥ ହୋଇଛନ୍ତି । ମୋଟ ମୃତ୍ୟୁ ସଂଖ୍ୟା ୩ ଲକ୍ଷ ୬୭ ହଜାର ୮୧ ପାର କରିଥିବା ବେଳେ, ଆକ୍ଟିଭ୍ କେସ୍ ୧୦ ଲକ୍ଷ ୮୦ହଜାର ୬୯୦ ରହିଛି । ସେହିପରି ଏବେ ସୁଦ୍ଧା ଦେଶରେ ମୋଟ ୨୪ କୋଟି ୯୬ ଲକ୍ଷ ୩୦୪ ଜଣଙ୍କୁ ଟିକା ଦିଆଗଲାଣି ।
ସେହିପରି ବିଭିନ୍ନ ରାଜ୍ୟରେ ମଧ୍ୟ କରୋନା ଗ୍ରାଫ କମିବାର ଲାଗିଛି । ଉତ୍ତରପ୍ରଦେଶରେ ଶୁକ୍ରବାର ଦିନ ୭୪ଜଣ ସଂକ୍ରମିତ ହୋଇଥିବା ବେଳେ ୬୧୯ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ଦିଲ୍ଲୀରେ ୨୩୮ଟି ନୂଆ ସଂକ୍ରିତ ଚିହ୍ନଟ ହୋଇଥିବା ବେଳେ ୨୪ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିଲା । ଏବଂ ମହାରାଷ୍ଟ୍ରରେ ୧୧,୭୬୬ଟି ଚିହ୍ନଟ ହୋଇଛନ୍ତି ଏବଂ ୨୨୧୩ ଜଣଙ୍କର କରୋନାରେ ମୃତ୍ୟୁ ହୋଇଛି ।


