Corona: ପୁରୀ ଓ ଜଗତସିଂହପୁର ଜିଲ୍ଲାରେ ସ୍ଥିତି ଅନୁଧ୍ୟାନ କରିବ ବିଶେଷଜ୍ଞ ଦଳ
ଭୁବନେଶ୍ୱର: କରୋନା ସ୍ଥିତି, ଭିତ୍ତିଭୂମି, ଭବିଷ୍ୟତ ଯୋଜନା ସମ୍ପର୍କରେ ଅନୁଧ୍ୟାନ ପାଇଁ ଓଡ଼ିଶା ଆସିଛନ୍ତି କେନ୍ଦ୍ରୀୟ ପ୍ରତିନିଧି ଦଳ । ଗତକାଲି ସ୍ୱାସ୍ଥ୍ୟ ବିଭାଗ ସହିତ ଆଲୋଚନା କରି ପ୍ରାଥମିକ ତଥ୍ୟ ହାସଲ କରିଥିଲେ ଟିମ୍ । ଆଜି ପୁରୀ ଓ ଜଗତସିଂହପୁର ଜିଲ୍ଲାରେ ସ୍ଥିତି ଅନୁଧ୍ୟାନ କରିବ ବିଶେଷଜ୍ଞ ଦଳ । କରୋନାର ପ୍ରଥମ ଲହରକୁ ସଫଳତାର ସହ ମୁକାବିଲା କରିବା ପରେ ଦ୍ୱିତୀୟ ଲହରର ଚେନକୁ ରୋକିବାରେ ଅଗ୍ରଣୀ ଭୂମିକା ଗ୍ରହଣ କରିଛି ଓଡ଼ିଶା ।
ଟେଷ୍ଟିଂ, ଟ୍ରେସିଂ, ଟ୍ରିଟମେଣ୍ଟ ସହ ଟିକାକରଣକୁ ଫୋକସ୍ କରି କରୋନା ଚେନକୁ ରୋକିବାରେ ସଫଳତା ପାଇଛି ରାଜ୍ୟ । ବର୍ତ୍ତମାନ କରୋନା ସ୍ଥିତି, ଭିତ୍ତିଭୂମି, ଭବିଷ୍ୟତ ଯୋଜନା ଓ ଟିକାକରଣ କିପରି ଚାଲିଛି, ତାହା ଅନୁଧ୍ୟାନ ପାଇଁ ଓଡ଼ିଶା ଆସିଛି କେନ୍ଦ୍ରୀୟ ଟିମ୍କେ । ନ୍ଦ୍ରୀୟ ଟିମର ମୁଖ୍ୟ ଶିବାନୀ ଦତ୍ତ ଓ ପ୍ରଶାନ୍ତ ରାଘବ ମହାପାତ୍ର ସ୍ୱାସ୍ଥ୍ୟ ବିଭାଗ ସହ ପ୍ରାଥମିକ ଆଲୋଚନା କରିଛନ୍ତି ।
ଯେଉଁସବୁ ଜିଲ୍ଲାରେ କରୋନା ସଂକ୍ରମଣ କମୁନାହିଁ, ସେସବୁ ଜିଲ୍ଲାର ସ୍ଥିତି ସମ୍ପର୍କରେ ବି ଜନସ୍ୱାସ୍ଥ୍ୟ ନିର୍ଦ୍ଦେଶକଙ୍କ ସହ କେନ୍ଦ୍ରୀୟ ଟିମ୍ ଗତକାଲି ଆଲୋଚନା କରିଥିଲେ । ଓଡ଼ିଶାରେ ୭ ଦିନ ରହିବା ସହ ବିଭିନ୍ନ ଜିଲ୍ଲା ବୁଲି ଅନୁଧ୍ୟାନ କରିବେ ଟିମ୍ ସଦସ୍ୟ । ପ୍ରତ୍ୟେକ ଦିନ ସନ୍ଧ୍ୟାରେ ସରକାରଙ୍କ ସହ ବୈଠକ କରି ରିପୋର୍ଟ ଦେବେ ।
