୧୧୧ ଦିନ ପରେ ସବୁଠୁ କମ୍ ୩୪ ହଜାର ୭୦୩ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଖସୁଛି କରୋନା ସଂକ୍ରମଣ ମାମଲା । ବିଗତ ୨୪ ଘଣ୍ଟାରେ ଦେଶରେ ୩୪ ହଜାର ୭୦୩ ନୂଆ ସଂକ୍ରମଣ ମାମଲା ଆସିଛି । ଦେଶରେ ୧୧୧ ଦିନ ପରେ କମ୍ ସଂକ୍ରମଣ ମାମଲା ଚିହ୍ନଟ ହୋଇଛି । ସକ୍ରିୟ ସଂକ୍ରମଣ ମାମଲା ୪ ଲକ୍ଷ ୬୪ ହଜାର ୩୫୭କୁ ହ୍ରାସ୍ ପାଇଛି । ଏବେ ସୁସ୍ଥତା ହାର୍ ୯୭.୧୭ ପ୍ରତିଶତ ରହିଛି । ଲଗାତାର ଅଷ୍ଟମ ଦିନରେ କରୋନାର ମାମଲା ୫୦ ହଜାର ତଳେ ରହିଛି । ସଂକ୍ରମିତଙ୍କ ସଂଖ୍ୟା କମିବା ସହ ମୃତ୍ୟୁସଂଖ୍ୟା ମଧ୍ୟ ହ୍ରାସ୍ ପାଇଛି ।

COVID19 | India reports 34,703 new cases in the last 24 hours; lowest in 111 days. Active cases decline to 4,64,357. The recovery rate rises to 97.17% pic.twitter.com/WRxg5DdrOm

— ANI (@ANI) July 6, 2021

ରାଜଧାନୀ ଦିଲ୍ଲୀ ସହ ଉତ୍ତରପ୍ରଦେଶ, ବିହାର, ଝାଡ଼ଖଣ୍ଡ, ପଞ୍ଜାବ, ଗୋଆ, ମଧ୍ୟପ୍ରଦେଶ, ରାଜସ୍ଥାନ ଓ ଗୁଜରାଟ ସମେତ ଦେଶର ୧୦ ବଡ଼ ରାଜ୍ୟରେ ଏବେ କରୋନା ସଂକ୍ରମଣ ମାମଲା କମିଛି । ତେବେ ମହାରାଷ୍ଟ୍ରରେ କର୍ଣ୍ଣାଟକ, ଆସାମ, ପଶ୍ଚିମବଙ୍ଗ, ମିଜୋରାମ, ତେଲଙ୍ଗାନା, ଜାମ୍ମୁ-କାଶ୍ମୀର ଓ ଝାଡ଼ଖଣ୍ଡରେ ଏବେ ମଧ୍ୟ ସଂକ୍ରମଣ ମାମଲା ଅଧିକ ରହିଛି ।