spot_img
Home Blog Page 5603

ଦିଲୀପ କୁମାରଙ୍କ ଦେହାନ୍ତରେ ସବୁଠି ଶୋକ, ଦୁଃଖ ପ୍ରକାଶ କଲେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ମହାନ ଅଭିନେତା ଦିଲୀପ କୁମାରଙ୍କ ଦେହାନ୍ତରେ ଏକ ଯୁଗର ଅବସାନ ଘଟିଛି । ହିନ୍ଦୀ ସିନେମାର ଏହି ଭେଟରାନଙ୍କୁ ହରାଇ ଭାଙ୍ଗି ପଡ଼ିଛି ବଲିଉଡ୍ । ଟ୍ରାଜେଡି କିଙ୍ଗଙ୍କ ଦେହାନ୍ତରେ ଅଭିନେତା, ନେତା ସମସ୍ତେ ସ୍ତବ୍ଧ । ଦିଲୀପଙ୍କ ପରଲୋକଙ୍କ ନିରବୀ ଯାଇଛି ସବୁକିଛି ।

ଦିଲୀପ କୁମାରଙ୍କ ନିଧନ ଖବର ଶୁଣି ଶୋକ ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦିଲୀପଙ୍କ ପତ୍ନୀ ସାୟରା ବାନୋଙ୍କ ସହ ଫୋନରେ କଥା ହୋଇ ଆଶ୍ୱାସନା ଦେଇଛନ୍ତି । ଏଥିସହ ଟ୍ୱିଟ୍ କରି ମୋଦି ଲେଖିଛନ୍ତି, ଦୀଲିପ କୁମାରଙ୍କ ଦେହାନ୍ତ ଆମ ସାଂସ୍କୃତିକ ଦୁନିଆ ପାଇଁ ଏକ ବଡ଼ କ୍ଷତି ।

ସେହିଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ କରି ଶୋକ ବ୍ୟକ୍ତ କରିଛନ୍ତି । ନବୀନ ଲେଖିଛନ୍ତି, ଭାରତୀୟ ସିନେମାରେ ଜଣେ ଅଗ୍ରଣୀ ମନୋରଞ୍ଜନକାରୀ ଥିଲେ ଦିଲୀପ । ସିନେମା ପ୍ରେମୀ ତାଙ୍କୁ ସବୁଦିନ ତାଙ୍କ ଅମୂଲ୍ୟ ଯୋଗଦାନ ପାଇଁ ମନେ ରଖିବେ । ଶୋକ ସନ୍ତପ୍ତ ପରିବାର ବର୍ଗଙ୍କୁ ସମ୍ବେଦନା ଜଣାଇଛନ୍ତି ନବୀନ ।

ବିଗ୍ ବି ଅମିତାଭ ବଚ୍ଚନ ଲେଖିଛନ୍ତି, ଏକ ସଂସ୍ଥା ଚାଲିଯାଇଛି । ଯେତେବେଳେ ଭାରତୀୟ ସିନେମାର ଇତିହାସ ଲେଖା ହେବ ତ ଏହା ପର ଓ ପୂର୍ବରେ ଦିଲୀପ କୁମାର ହିଁ ରହିବେ ।

ଏଥିସହ ପଢ଼ନ୍ତୁ: ଚାଲିଗଲେ ଦିଲୀପ କୁମାର, ୯୮ ବର୍ଷ ବୟସରେ ଦେହାନ୍ତ

ଡେଲ୍ଟା ଠାରୁ ଅଧିକ ଘାତକ କରୋନାର ଲାମ୍ବଡ଼ା ଭାରିଆଣ୍ଟ

କ୍ୱାଲଲାମପୁର: କରୋନା ଭୂତାଣୁ ସଂକ୍ରମଣରେ ଡେଲ୍ଟା ପରେ ଅଧିକ ଘାତକ ଲାମ୍ବଡ଼ା ଭାରିଆଣ୍ଟ ବୋଲି ଦାବି କରାଯାଇଛି । ମାଲେସିଆର ସ୍ୱାସ୍ଥ୍ୟ ମନ୍ତ୍ରାଳୟ ଲାମ୍ବଡ଼ାକୁ ଭାରିଆଣ୍ଟ ଅଫ୍ କନସର୍ଣ୍ଣ କହିବା ସହ ଡେଲ୍ଟାଠୁ ଅଧିକ ଘାତକ ବୋଲି କହିଛି । ମାଲେସିଆର ଦାବି ଅନୁସାରେ, ବିଗତ ୪ ସପ୍ତାହରେ ୩୦ରୁ ଅଧିକ ଦେଶରେ ଲାମ୍ବଡ଼ା ଭାରିଆଣ୍ଟ ମିଳିଛି । ପ୍ରଥମେ ଲାମ୍ବଡ଼ା ଷ୍ଟ୍ରେନ୍ ପେରୁରେ ମିଳିଥିଲା । ଏହି ଷ୍ଟ୍ରେନରେ ଦୁନିଆରେ ସବୁଠୁ ଅଧିକ ମୃତ୍ୟୁ ହେଉଛି ବୋଲି କହିଛି ମାଲେସିଆ ।

ଲାମ୍ବଡ଼ାକୁ ନେଇ ଅଧିକ ଅଧ୍ୟୟନ ହୋଇନଥିବା ବେଳେ ଡେଲ୍ଟା ତୁଳନାରେ ଅଧିକ ସଂକ୍ରାମକ କୁହାଯାଉଛି । ପେରୁରେ ମେ ଓ ଜୁନରେ ମୋଟ ନମୁନାରୁ ୮୨ ପ୍ରତିଶତ ଲାମ୍ବଡ଼ା ଭାରିଆଣ୍ଟ ମିଳିଥିବା ଜଣାପଡ଼ିଛି । ଦକ୍ଷିଣ ଆମେରିକୀୟ ଦେଶ ଚିଲିରେ ମେ ଓ ଜୁନରେ ୩୧ ପ୍ରତିଶତରୁ ଅଧିକ ନମୁନା ଲାମ୍ବଡ଼ା ଷ୍ଟେନର ଥିଲା ।

ପୂର୍ବରୁ ବିଶ୍ୱ ସ୍ୱାସ୍ଥ୍ୟ ସଂଗଠନ ଲାମ୍ବଡ଼ାକୁ ଭାରିଆଣ୍ଟ ଅଫ୍ କନସର୍ଣ୍ଣ ଘୋଷିତ କରିଛି । ଡବ୍ଲୁଏଚଓ ଅନୁସାରେ, ଲାମ୍ବଡ଼ା ଅଧିକ ସଂକ୍ରାମକ ଏବଂ ଏହା ଆଣ୍ଟିବଡି ଉପରେ ଆକ୍ରମଣ କରୁଛି । ଏହାରି ଭିତରେ ଇଂଲଣ୍ଡ ଲାମ୍ବଡ଼ାକୁ ଭାରିଏଣ୍ଚ ଅଫ୍ ଇନଭେଷ୍ଟିଗେସନ୍ ଲିଷ୍ଟରେ ରଖିଛି । ପିଏଚଇ ଅନୁସାରେ, ଏଯାବତ୍ ବ୍ରିଟେନରେ ଲାମ୍ବଡ଼ାର ୬ଟି ମାମଲା ମିଳିଛି ।

୨୪ ଘଣ୍ଟାରେ ଆଉ ୨୬୦୨ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଖସୁଛି କରୋନା ଗ୍ରାଫ୍ । ଦିନକରେ ୨୬୦୨ ସଂକ୍ରମଣ ମାମଲା ଆସିଛି । କ୍ୱାରେଣ୍ଟାଇନରୁ ୧୪୯୫ଟି ମାମଲା ଆସିଥିବା ବେଳେ ୧୧୦୭ଟି ହେଉଛି ସ୍ଥାନୀୟ ସଂକ୍ରମଣ ମାମଲା । ଖୋର୍ଦ୍ଧାରୁ ସର୍ବାଧିକ ୫୨୯ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୩୯୭ଟି ପଜିଟିଭ୍ କେସ୍ ଆସିଛି ।

ଅନୁଗୁଳରୁ ୯୯ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୧୬୪, ବରଗଡ଼ରୁ ୧୩, ଭଦ୍ରକରୁ ୯୫, ବଲାଙ୍ଗିରରୁ ୫, ବୌଦ୍ଧରୁ ୨୧, ଦେବଗଡ଼ରୁ ୫, ଢେଙ୍କାନାଳରୁ ୯୩, ଗଜପତିରୁ ୯, ଗଞ୍ଜାମରୁ ୮, ଜଗତସିଂହପୁରରୁ ୯୧, ଯାଜପୁରରୁ ୧୮୩, ଝାରସୁଗୁଡ଼ାରୁ ୨୬, କଳାହାଣ୍ଡିରୁ ୯, କନ୍ଧମାଳରୁ ୨୦, କେନ୍ଦ୍ରାପଡ଼ାରୁ ୫୯ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦୁଝରରୁ ୭୨, କୋରାପୁଟରୁ ୩୨, ମାଲକାନଗିରିରୁ ୩୨, ମୟୂରଭଞ୍ଜରୁ ୧୪୧, ନବରଙ୍ଗପୁରରୁ ୧୮, ନୟାଗଡ଼ରୁ ୬୨, ନୂଆପଡ଼ାରୁ ୫, ପୁରୀରୁ ୧୭୪, ରାୟଗଡ଼ାରୁ ୩୩, ସମ୍ବଲପୁରରୁ ୨୫, ସୋନପୁରରୁ ୧୭, ସୁନ୍ଦରଗଡ଼ରୁ ୬୪ ଓ ଷ୍ଟେଟପୁଲରୁ ୧୦୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୨୯ ହଜାର ୭୮୮କୁ ବୃଦ୍ଧି ପାଇଛି । ୨୮ ହଜାର ୧୫ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୮ ଲକ୍ଷ ୯୭ ହଜାର ୩୬୨ ଜଣ କରୋନାରୁ ସୁସ୍ଥ ହୋଇଛନ୍ତି । ନୂଆ ୫୯ଟି ମୃତ୍ୟୁ ମାମଲାକୁ ମିଶାଇ ରାଜ୍ୟରେ ମୋଟ ମୃତ୍ୟୁସଂଖ୍ୟା ୪ ହଜାର ୨୯୯କୁ ବୃଦ୍ଧି ପାଇଛି ।

ପ୍ରଧାନମନ୍ତ୍ରୀ ମୋଦିଙ୍କ ମନ୍ତ୍ରିମଣ୍ଡଳର ସନ୍ଧ୍ୟାରେ ସମ୍ପ୍ରସାରଣ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟ ଥର କ୍ଷମତାକୁ ଆସିବା ପରେ ଆଜି ସନ୍ଧ୍ୟାରେ ପ୍ରଥମଥର କ୍ୟାବିନେଟ୍ ସମ୍ପ୍ରସାରଣ କରିବେ । ସନ୍ଧ୍ୟାରେ ନୂଆ ମନ୍ତ୍ରୀ ପଦ ଓ ଗୋପନୀୟତାର ଶପଥ ପାଠ କରିପାରନ୍ତି । ନୂଆ କ୍ୟାବିନେଟ୍ ସ୍ୱାଧୀନ ଭାରତର ସବୁଠୁ ଯୁବ ଟିମ୍ । ସମ୍ପ୍ରସାରଣ ପରେ ନୂଆ ଟିମ୍ ବୟସ ଅନୁପାତରେ ସବୁଠୁ କମ୍ ରହିବ, ଅଧିକ ମହିଳା ଓ ପ୍ରଶାସନିକ ଅନୁଭବ ଥିବା ବ୍ୟକ୍ତିଙ୍କୁ କ୍ୟାବିନେଟରେ ସ୍ଥାନ ମିଳିବ ।

PM Narendra Modi Cabinet Expansion Today

ରିପୋର୍ଟ ଅନୁସାରେ, ନୂଆ କ୍ୟାବିନେଟରେ ଅଧିକ ଶିକ୍ଷିତ ସ୍ଥାନ ପାଇବେ । ପିଏଚଡି, ଏମବିଏ ଓ ପ୍ରଫେସନାଲ୍ କୋର୍ସ କରିଥିବା ସାଂସଦଙ୍କୁ ସାମିଲ୍ କରାଯିବ । ବିଶେଷକରି ଆସନ୍ତା ବର୍ଷ ନିର୍ବାଚନ ହେବାକୁ ଥିବା ରାଜ୍ୟ ଉପରେ ନଜର ରଖି କ୍ୟାବିନେଟ୍ ସମ୍ପ୍ରସାରଣ ହେବ । ଆସନ୍ତା ବର୍ଷ ୫ଟି ରାଜ୍ୟରେ ନିର୍ବାଚନ ହେବା ସହ ୨୦୨୪ରେ ଲୋକସଭା ନିର୍ବାଚନ ହେବ ।

ତେବେ ସମ୍ପ୍ରସାରଣରେ ଉତ୍ତରପ୍ରଦେଶକୁ ଅଧିକ ଗୁରୁତ୍ୱ ଦିଆଯିବ । କାରଣ ଆସନ୍ତା ବର୍ଷ ପ୍ରଥମରୁ ୟୁପିରେ ନିର୍ବାଚନ ହେବ । ଆଉ ରାଜନୀତିକ ଦୃଷ୍ଟିକୋଣରୁ କେନ୍ଦ୍ର ରାଜନୀତିରେ ଗୁରୁତ୍ୱ ବହନ କରେ ଉତ୍ତରପ୍ରଦେଶ । ସୂତ୍ର ଅନୁସାରେ କ୍ୟାବିନେଟ୍ ସମ୍ପ୍ରସାରଣରେ ପଶ୍ଚିମବଙ୍ଗକୁ ମଧ୍ୟ ଗୁରୁତ୍ୱ ଦିଆଯିବ । ବିହାରର ଜେଡିୟୁ ଓ ଅପନା ଦଳକୁ ପ୍ରତିନିଧିତ୍ୱ ମିଳିପାରେ । ଜ୍ୟୋତିରାଦିତ୍ୟ ସିନ୍ଧିଆ, ସର୍ବାନନ୍ଦ ସୋନେୱାଲଙ୍କୁ ମଧ୍ୟ କ୍ୟାବିନେଟରେ ସାମିଲ୍ କରାଯାଇପାରେ ।

ଚାଲିଗଲେ ଦିଲୀପ କୁମାର, ୯୮ ବର୍ଷ ବୟସରେ ଦେହାନ୍ତ

ମୁମ୍ବାଇ: ହିନ୍ଦୀ ସିନେମାର ଭେଟରାନ୍ କଳାକାର ଦିଲୀପ କୁମାର ଆଉନାହାଁନ୍ତି । ବୁଧବାର ୯୮ ବର୍ଷ ବୟସରେ ଆଖି ବୁଜିଛନ୍ତି ଦିଲୀପ କୁମାର । ଦୀର୍ଘ ଦିନ ଧରି ସେ ଅସୁସ୍ଥ ଥିଲେ । ଆଜି ସକାଳେ ମୁମ୍ବାଇର ପିଡି ହିନ୍ଦୁଜା ହସ୍ପିଟାଲରେ ତାଙ୍କର ପରଲୋକ ହୋଇଛି । ଦିଲୀପଙ୍କ ନିଧନରେ ଶୋକରେ ଡୁବି ଯାଇଛି ମାୟାନଗରୀ । ସମସ୍ତେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।

ସକାଳ ୭ଟା ୩୦ ସମୟରେ ଦିଲୀପ କୁମାରଙ୍କ ଦେହାନ୍ତ ହୋଇଛି । ଗତ ମାସକ ମଧ୍ୟରେ ତାଙ୍କୁ ଦୁଇଥର ମେଡିକାଲରେ ଭର୍ତ୍ତି କରାଯାଇଥିଲା । ଜୁଲାଇ ୫ରେ ତାଙ୍କ ସ୍ୱାସ୍ଥ୍ୟାବସ୍ଥା ନେଇ ଟ୍ୱିଟରରେ ସୂଚନା ଦିଆଯାଇଥିଲା । ଦିଲୀପଙ୍କ ପତ୍ନୀ ସାୟରା ବାନୋ କହିଥିଲେ ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଛି । ଏହି ସୂଚନାର ଦୁଇଦିନ ପରେ ସମସ୍ତଙ୍କୁ ଛାଡ଼ି ଆରପାରିକୁ ଚାଲି ଯାଇଛନ୍ତି ଦିଲୀପ କୁମାର ।

 Veteran actor Dilip Kumar passes away at the age of 98

୧୯୨୨ ଡିସେମ୍ବର ୧୧ରେ ବ୍ରିଟିଶ୍ ଶାସନାଧୀନ ଭାରତର ପେଶାୱରରେ ଜନ୍ମ ଗ୍ରହଣ କରିଥିଲେ ଦିଲୀପ କୁମାର । ତାଙ୍କ ପ୍ରକୃତ ନାମ ଥିଲା ମୋହମ୍ମଦ ୟୁସୁଫ୍ ଖାନ । ସେ ନାସିକରେ ପାଠ ପଢ଼ିଥିଲେ । ପିଲାଟି ଦିନରୁ ରାଜ କୁମାରଙ୍କ ସାଙ୍ଗ ହୋଇଥିଲେ । ସେବେଠାରୁ ବଲିଉଡକୁ ଯାତ୍ରା ଆରମ୍ଭ କରିଥିଲେ ଦିଲୀପ । ୨୨ ବର୍ଷ ବୟସରେ ଦିଲୀପଙ୍କୁ ମିଳିଥିଲା ପ୍ରଥମ ଫିଲ୍ମରେ ଅଭିନୟ କରିବାର ସୁଯୋଗ । ୧୯୪୪ରେ ସେ ଫିଲ୍ମ ‘ଜ୍ୱାର ଭାଟା’ରେ କାମ କରିଥିଲେ ।

୫ ଦଶନ୍ଧିର ଅଭିନୟ ଜୀବନରେ ଦିଲୀପ ୬୫ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି । ସେଥିମଧ୍ୟରୁ ୧୯୪୯ରେ ଅନ୍ଦାଜ, ୧୯୫୨ରେ ଆନ୍, ୧୯୫୫ରେ ଆଜାଦ, ୧୯୬୦ରେ ମୁଘଲ ଏ ଆଜମ, ୧୯୬୧ରେ ଗଙ୍ଗା ଯମୁନା ଓ ୧୯୬୭ରେ ରାମ ଔର ଶ୍ୟାମରେ ନିଚ୍ଛକ ଅଭିନୟ ଦର୍ଶକଙ୍କୁ ସବୁଦିନ ପାଇଁ ମନେ ରହିବ ।

 Veteran actor Dilip Kumar passes away at the age of 98

୧୯୭୬ରେ ଦିଲୀପ ଅଭିନୟ ଠାରୁ ୫ ବର୍ଷ ଦୂରେଇ ଯାଇଥିଲେ । ଏହାପରେ ୧୯୮୧ରେ ସେ କ୍ରାନ୍ତି ଫିଲ୍ମ ମାଧ୍ୟମରେ ବଲିଉଡକୁ ଫେରିଥିଲେ । ଏହାପରେ ୧୯୮୨ରେ ଶକ୍ତି, ୧୯୮୪ରେ ମଶାଲ, ୧୯୮୬ରେ କରମା, ୧୯୯୧ରେ ସୌଦାଗର ଏବଂ ୧୯୯୮ରେ କିଲା ଥିଲା ଦିଲୀପଙ୍କ ଅଭିନୀତ ଶେଷ ଚଳଚ୍ଚିତ୍ର ।

ବର୍ଦ୍ଧିତ ତୈଳଦରକୁ ନେଇ ଆଜି ସବୁ ବ୍ଲକରେ ବିକ୍ଷୋଭ କରିବ କଂଗ୍ରେସ

ଭୁବନେଶ୍ୱର: ବଢୁଥିବା ତେଲ ଦରକୁ ନେଇ ଆଜିଠୁ ରାଜରାସ୍ତାକୁ ଓହ୍ଲାଇବ ରାଜ୍ୟ କଂଗ୍ରେସ । ଦର ବୃଦ୍ଧି ପ୍ରତିବାଦରେ ଆଜି ସମସ୍ତ ବ୍ଲକ ଆଗରେ ବିକ୍ଷୋଭ କରିବ କଂଗ୍ରେସ । ସାରା ଦେଶରେ ଦିନକୁ ଦିନ ପେଟ୍ରୋଲ ଓ ଡିଜେଲ ଦର ବଢିବାରେ ବେଲଗାମ ହେଉଛି । ରାଜ୍ୟର ସମସ୍ତ ସ୍ଥାନରେ ପେଟ୍ରୋଲ ଦର ୧୦୦ ଟପିଛି । ଏହାର ପ୍ରଭାବରେ ପରିବହନ ଭଡ଼ା ବଢ଼ି ଆବଶ୍ୟକୀୟ ସାମଗ୍ରୀର ଦର ମଧ୍ୟ ବଢିବାରେ ଲାଗିଛି  ।

Congress To Protest In Every Block Against Fuel Price Hike

କରୋନା ସମୟରେ ଲୋକ ରୋଜଗାର ହରାଇ ଥିବା ବେଳେ ତୈଳ ଦର ବୃଦ୍ଧି ବୋଝ ଉପରେ ନଳିତା ବିଡ଼ା ସାଜିଛି । ଏହାର ପ୍ରତିବାଦରେ ଆଜିଠୁ ୧୭ ତାରିଖ ଯାଏ ପ୍ରତିବାଦ କରିବ ରାଜ୍ୟ କଂଗ୍ରେସ । ଆସନ୍ତା ୯ରେ ଜିଲ୍ଲାସ୍ତରରେ, ୧୪ରେ ଭୁବନେଶ୍ୱରରେ ଦର ବୃଦ୍ଧି ବିରୋଧରେ ପ୍ରତିବାଦ ହେବ । ପରେ  ୧୫ତାରିଖରେ ଲୋକଙ୍କୁ ତେଲ ନକିଣିବାକୁ ଦଳ ଅନୁରୋଧ କରିବ । ୧୭ରେ ପ୍ରତି ପେଟ୍ରୋଲ ପମ୍ପ ଆଗରେ ଦସ୍ତଖତ ଅଭିଯାନ କରିବ କଂଗ୍ରେସ ।

ପୁସ୍ତକ ଉନ୍ମୋଚନ କଲେ ମୁଖ୍ୟମନ୍ତ୍ରୀ, ଜୀବନର ସଂଘର୍ଷ ଲେଖିଲେ ଜିଲ୍ଲାପାଳ

ଭୁବନେଶ୍ୱର: ପୁସ୍ତକ ଉନ୍ମୋଚନ କଲେ ମୁଖ୍ୟମନ୍ତ୍ରୀ । ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ‘ ଆଜିର ଦିନଟି ମୋର’ଓ ରବିପ୍ରିୟ ଦାଶଙ୍କ ‘ ଉର୍ବଶୀର ଗାଁ’କୁ ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜିର ଦିନଟି ମୋର’ ପୁସ୍ତକରେ ବିଜୟ ଅମୃତା କୁଲାଙ୍ଗେ ନିଜ ଜୀବନର ସଂଘର୍ଷ ଓ ସଫଳତାକୁ ଅତି ଜୀବନ୍ତ ଭାବରେ ଉପସ୍ଥାପନ କରିଛନ୍ତି । ସଫଳତା ଉପରେ ସମସ୍ତଙ୍କର ଅଧିକାର ଅଛି । କିନ୍ତୁ ତାକୁ ଛୁଇଁବା ପାଇଁ ଦରକାର ଉଦ୍ୟମଶୀଳତା, ସାଧନା ଓ ପ୍ରତିବଦ୍ଧତା ।

ପୁସ୍ତକଟି ଯୁବ ସମାଜ ପାଇଁ ପ୍ରେରଣାଦାୟୀ ହେବା ସହିତ ପାଠକୀୟ ଆଦର ଲାଭ କରିବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ସେହିଭଳି ରବିପ୍ରିୟ ଦାଶଙ୍କ କବିତା ସଙ୍କଳନ ‘ଉର୍ବଶୀର ଗାଁ’ ପୁସ୍ତକକୁ ବି ଉନ୍ମୋଚନ କରିଛନ୍ତି ନବୀନ । ପ୍ରକୃତିର ମହନୀୟତା ସହିତ ତାଙ୍କ ଜୀବନ ଯାତ୍ରାର ଅନୁଭବର ସାବଲୀଳ ଉପସ୍ଥାପନା କବିତା ଗୁଡିକୁ ଅଧିକ ଆକର୍ଷଣୀୟ କରିପାରିଛି । ପୁସ୍ତକଟିର ସଫଳତା କାମନା କରିଛନ୍ତି ମୁଖ୍ୟମନ୍ତ୍ରୀ ।

ସ୍ମାର୍ଟ ସୁନ୍ଦରୀଙ୍କ ସ୍ମାର୍ଟ କାରନାମା, 6 ଘଣ୍ଟାର ଶେଷ ହେଲା ହାଇଡ୍ରାମା

ଭୁବନେଶ୍ୱର: ସ୍ମାର୍ଟ ସୁନ୍ଦରୀଙ୍କ ସ୍ମାର୍ଟ କାରନାମା। 6 ଘଣ୍ଟାର ଶେଷ ହେଲା ହାଇଡ୍ରାମା ।୧ଲକ୍ଷ ୪୦ ହଜାର ଟଙ୍କାର ମୋବାଇଲ ଚୋରି ନେଇ ସହିଦ ନଗର ଥାନାରେ ହୋଇଥିଲା ଅଭିଯୋଗ । ପୋଲିସ ର ତଦନ୍ତ ପରେ ଉକ୍ତ ଯୁବତୀ ଚୋରି କରିଥିବା iphone ର ଦାମ ଦେଇ ମାମଲାର ରଫା ଦଫା କରିଥିଲେ । ପୋଲିସ ସହାୟତାରେ ମୋବାଇଲ ଦୋକାନ ମାଲିକ ୧ ଲକ୍ଷ ୪୩ ହଜାର ଟଙ୍କା ଫେରି ପାଇଛନ୍ତି । ନଗଦ50 ହଜାର ଦେଇଥିବା ବେଳେ କର୍ଡ଼ରେ 90 ହଜାର ଦେଇଥିଲେ। swip ମେସିନ ବବଦକୁ 3 ହଜାର ଦେଲେ ଯୁବତୀ  ।

ଆଜି ସକାଳ ସମୟରେ ସହିଦନଗରର ଏକ ମୋବାଇଲ ଦୋକାନରୁ ଆଇଫୋନ ମୋବାଇଲ କିଣି ନେଇ ଛୁ ମାରିଥିଲେ ଯୁବତୀ । ଦୋକାନରୁ ଆଇ ଫୋନ କିଣିବା ପରେ ଯୁବତୀ ଘରୁ ଟଙ୍କା ଆଣିବେ କହି ଯୁବତୀ ନିଜ କାର ଓ ଦୋକାନୀର କର୍ମଚାରୀ ମାନେ ମିଶି ଘର ପର୍ଯ୍ୟନ୍ତ ଯାଇଥିଲେ । ହେଲେ ଘରକୁ ଯିବାକୁ କହି ପେଟ୍ରୋଲ ପମ୍ପରୁ ପେଟ୍ରୋଲ ପକାଇବାକୁ କହି କାରରେ ଫେରାର ହୋଇଯାଇଥିଲା ।

ଏତିକିରେ ତାଙ୍କ ପିଛା କରି ଘର ପର୍ଯ୍ୟନ୍ତ ପହଞ୍ଚିଥିଲେ ଦୋକାନ କର୍ମଚାରୀ । ହେଲେ ଘରେ ପହଂଚିବା ପରେ ଯୁବତୀ ଜଣଙ୍କ ଆଉ ଫୋନ ନେଇନଥିବା କହି ବଚସା କରିଥିଲେ । ଏହାପରେ ଦୋକାନ ମାଲିକ ଏନେଇ ସହିଦନଗର ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ନିକଟରେ ସମସ୍ତ ମାମଲାର ଟଙ୍କା ଦେଇ ରଫା ଦଫା କରିଛନ୍ତି।

ଭୁବନେଶ୍ୱର ବିମାନ ବନ୍ଦରର ନୂତନ ନିର୍ଦ୍ଦେଶକ ଭାବେ ଯୋଗ ଦେଲେ ପ୍ରଭାତ ରଂଜନ ବେଉରିଆ

ଭୁବନେଶ୍ୱର:  ବିଜୁ ପଟ୍ଟନାୟକ ବିମାନ ବନ୍ଦରର ନୂତନ ନିର୍ଦ୍ଦେଶକ ଭାବେ ଯୋଗ ଦେଇଛନ୍ତି ପ୍ରଭାତ ରଂଜନ ବେଉରିଆ । ଦାୟିତ୍ବ ନେବା ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ପ୍ରଭାତ କହିଛନ୍ତି, ଅନେକ ବିକାଶମୂଳକ ଓ ନବୀକରଣ କାମ ବାକି ରହିଛି, ଏହାକୁ ତ୍ବରାନ୍ବିତ କରାଯିବ ।

ଅନେକ ପ୍ରୋଜକ୍ଟ ସହ ଅନ୍ତର୍ଜାତୀୟ ବିମାନ ସେବା ବୃଦ୍ଧି କରାଯିବା ପାଇଁ ଆଲୋଚନା ଚାଲିଛି । କରୋନା ପାଇଁ ଏ ସବୁ ପ୍ରକଳ୍ପ କାମ ଅଟକି ରହିଛି । ପୁରୀରେ ହେବାକୁ ଥିବା ନୂତନ ବିମାନ ବନ୍ଦର ବାବଦରେ କହିଛନ୍ତି, ରାଜ୍ୟରେ ଯେତେ ଅଧିକ ବିମାନବନ୍ଦର ନିମାର୍ଣ ହେବ, ଅର୍ଥନୀତି ଓ ପର୍ଯ୍ୟଟନର ସେତିକି ବିକାଶ ହେବ ।

ଜଗତସିଂହପୁର ଓ ପାରାଦ୍ୱୀପରେ କୋଭିଡ ସ୍ଥିତି ଅନୁଧ୍ୟାନ କଲେ କେନ୍ଦ୍ରୀୟ ଟିମ୍

ଭୁବନେଶ୍ୱର: ଜଗତସିଂହପୁର ଓ ପାରାଦ୍ବୀପ ଚିକିତ୍ସାଳୟ ଯାଇ କୋଭିଡ 19 ପରିଚାଳନା ସ୍ଥିତିର ଅନୁଧ୍ୟାନ କରିଛନ୍ତି କେନ୍ଦ୍ରୀୟ ଟିମ୍ । ଏହି ଟିମରେ ଆଲ ଇଣ୍ଡିଆ ଇନଷ୍ଟିଚ୍ୟୁଟ ଆଫ ହାଇଜିନ ଆଣ୍ଡ ହେଲଥର ସଦସ୍ୟ ଥିଲେ । ଡାକ୍ତର ପ୍ରଶାନ୍ତ ମହାପାତ୍ର ଓ ଡାକ୍ତର ଶିବାନୀ ଦତ୍ତ ଙ୍କୁ ନେଇ ଏକ ଦୁଇ ଜଣିଆ ଟିମ୍ ପ୍ରଥମେ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ପାରାଦ୍ଵୀପ ସ୍ଥିତ କୋଭିଡ ହସ୍ପିଟାଲ ର ସ୍ଥିତି ଅନୁଧ୍ୟାନ କରିଥିଲେ।

କୋଭିଡ ରୋଗୀଙ୍କ ପାଇଁ ଆବଶ୍ୟକୀୟ ବେଡ଼, ସାନିଟାଇଜର , ଖାଦ୍ୟ ଓ ମେଡିକାଲ ରେ ଆଡ଼ମିଶନ ହେଉଥିବା ରୋଗୀ ଙ୍କ ଲିଷ୍ଟ ଏବଂ ସୁସ୍ଥ ହେଉଥିବା ରୋଗୀଙ୍କ ରେକର୍ଡ ଯାଞ୍ଚ୍ କରିଥିଲେ। ରାଜ୍ୟ ସରକାର କୋଭିଡ ପରିଚାଳନା ପାଇଁ ଯେଉଁ ପଦକ୍ଷେପ ନେଇଛନ୍ତି ସେଥିରେ ସେମାନେ ସନ୍ତୋଷ ବ୍ୟକ୍ତ କରିବା ସହିତ ଅନ୍ୟ ଡାକ୍ତରଖାନା ଗୁଡିକ ର ସ୍ଥିତି ଅନୁଧ୍ୟାନ ପରେ ସଠିକ୍ ତଥ୍ୟ ସାମ୍ନାକୁ ଆସିବ ବୋଲି ଗଣମାଧ୍ୟମ ନିକଟରେ ପ୍ରକାଶ କରିଛନ୍ତି।