spot_img
Home Blog Page 5600

କରୋନା କାଳରେ ସଂଘର୍ଷ କରୁଥିଲେ ଏହି ୫ ବିଭାଗ, ତେଣୁ ବଦଳିଲେ ମୁହଁ

ନୂଆଦିଲ୍ଲୀ: କରୋନା ସଂକଟ କାଳରେ କେନ୍ଦ୍ର ସରକାରଙ୍କ ୫ ବିଭାଗ ଆଶା ମୁତାବକ କାମ କରିପାରୁନଥିଲେ କିମ୍ବା ସେମାନେ କାମ କରିବାକୁ ସଂଘର୍ଷରତ ଥିଲେ । ପ୍ରବାସୀ ଶ୍ରମିକ ଘରକୁ ପଳାୟନ କରୁଥିବା ବେଳେ ସେମାନଙ୍କୁ ଟ୍ରେନ୍ ଯୋଗାଇ ଦେବାରେ ରେଳବାଇ ବିଫଳ ହୋଇଥିଲା । କରୋନାର ଦ୍ୱିତୀୟ ପ୍ରବାହର ସଠିକ ଅନୁମାନ କରି ନପାରିବାରୁ ଦେଶ ବିରାଟ ବିପଦର ସମ୍ମୁଖୀନ ହୋଇଥିଲ । ସେହିଭଳି ଲକଡାଉନ୍ ଭିତରେ ନାଗରିକଙ୍କ ଆୟ ହ୍ରାସ ପାଇଥିବା ବେଳେ ଯେଉଁଭଳି ଭାବେ ପେଟ୍ରୋଲ ଦର ବଢୁଛି ତାକୁ ନେଇ ମଧ୍ୟ ସରକାରଙ୍କ ଭାବମୂର୍ତ୍ତି କ୍ଷୁର୍ଣ୍ଣ ହେଉଥିଲା । ଏମିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ ଟି ବିଭାଗର ମୁଖ୍ୟଙ୍କୁ ବଦଳାଇ ନୂଆ ଚେହେରା ଉପରେ ବିଶ୍ୱାସ ପ୍ରକଟ କରିଛନ୍ତି ।

Worst Affected Ministry Of India During Corona, Minister Changed

ସ୍ୱାସ୍ଥ୍ୟ
କରୋନା ସଂକଟର ପ୍ରଥମ ପ୍ରବାହ ବେଳେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ମହାମାରୀକୁ ରୋକିବା ଓ ଲୋକଙ୍କ ସତର୍କ କରାଇବାରେ କିଛି ମାତ୍ରାରେ ସଫଳ ହୋଇଥିଲା । କିନ୍ତୁ ଦ୍ୱିତୀୟ ପ୍ରବାହର ଅନୁମାନ କରିବାରେ ମନ୍ତ୍ରଣାଳୟ ସମ୍ପୂର୍ଣ୍ଣ ରୂପେ ବିଫଳ ହୋଇଥିଲା । ଦ୍ୱିତୀୟ ପ୍ରବାହ କାଳରେ ଯେଉଁଭଳି ଭାବେ ଦେଶରେ ଅକ୍ସିଜେନ୍,ଶଯ୍ୟାର ସଂକଟ ସୃଷ୍ଟି ହୋଇଥିଲା ତାହା କେନ୍ଦ୍ର ସରକାରଙ୍କ ଛବିକୁ ଧୂମିଳ କରିଥିଲା । କେବଳ ଦେଶ ନୁହେଁ ବିଦେଶରେ ମଧ୍ୟ ମୋଦି ସରକାରଙ୍କ କରୋନା ମ୍ୟାନେଜମେଣ୍ଟକୁ ନେଇ ପ୍ରଶ୍ନ ଉଠିଥିଲା । ତେଣୁ ହର୍ସବର୍ଦ୍ଧନଙ୍କ ସ୍ଥାନରେ ମନସୁଖ ମାଣ୍ଡଭିଆଙ୍କୁ ନୂଆ ସ୍ୱାସ୍ଥ୍ୟମନ୍ତ୍ରୀ ଭାବେ ନିଯୁକ୍ତି ମିଳିଛି ।

Worst Affected Ministry Of India During Corona, Minister Changed

ରେଳ
କରୋନାର ପ୍ରଥମ ପ୍ରବାହରେ ଯେଉଁ ଲକଡାଉନ୍ ଲାଗୁ ହୋଇଥିଲା ସେହି ସମୟରେ ପ୍ରବାସୀ ଶ୍ରମିକ ନିଜ ଗୃହ ରାଜ୍ୟକୁ ଫେରିବାକୁ ଅନେକ ସମସ୍ୟାର ସମ୍ମୁଖୀନ ହୋଇଥିଲେ । ଏହି ସମୟରେ ରେଳ ମନ୍ତ୍ରଣାଳୟକୁ ଅନେକ ସମାଲୋଚନାର ଶିକାର ହେବାକୁ ପଡିଥିଲା । ପିୟୁଷ ଗୋଏଲଙ୍କଠାରୁ ଏହି ବିଭାଗ ଏବେ ପୂର୍ବତନ ଆଇଏଏସ ଅଧିକାରୀ ଅଶ୍ୱିନୀ ବୈଷ୍ଣବଙ୍କ ହାତକୁ ଯାଇଛି । ନୂଆ ରେଳମନ୍ତ୍ରୀଙ୍କ ପାଇଁ କରୋନା ସଂକଟକାଳରେ ମାଲ ପରିବହନ ସହିତ ମୋଦିଙ୍କ ବୁଲେଟ୍ ଟ୍ରେନ୍ ସ୍ୱପ୍ନକୁ ଟ୍ରାକକୁ ଆଣିବା ସବୁଠାରୁ ବଡ଼ ଚ୍ୟାଲେଂଜ୍ ହେବ ।

Worst Affected Ministry Of India During Corona, Minister Changed

ଶିକ୍ଷା
କରୋନା ମହାମାରୀ କାରଣରୁ ସ୍କୁଲ, କଲେଜ ପ୍ରାୟ ଦେଢ ବର୍ଷ ହେବ ଏକରକମ ବନ୍ଦ ଅଛି । ଅନଲାଇନ୍ କ୍ଲାସ ଜରିଆରେ ପଢା ଚାଲିଛି । ତେବେ ବଡ କଥା ହେଉଛି କରୋନା କାଳରେ ପରିକ୍ଷା ପରିଚାଳନାକୁ ନେଇ ଦେଶବ୍ୟାପି ଅସନ୍ତୋଷ ରହିଛି । ରମେଶ ପୋଖରିୟାଲଙ୍କଠାରୁ ଶିକ୍ଷା ମନ୍ତ୍ରଣାଳୟ ଛଡାଇ ନେଇ ମୋଦି ଏହାକୁ ପୂର୍ବତନ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଦେଇଛନ୍ତି । ଧର୍ମେନ୍ଦ୍ରଙ୍କ ପାଖରେ ଏବେ ଶିକ୍ଷା ବ୍ୟବସ୍ଥାର ନୂଆ ଚ୍ୟାଲେଂଜକୁ ବାସ୍ତବତାର ଜାମା ପିନ୍ଧାଇବାକୁ ପଡିବ ।

Worst Affected Ministry Of India During Corona, Minister Changed

ପେଟ୍ରୋଲ
କରୋନା କାଳରେ ଦେଶର ଅର୍ଥନୀତି ଭୁସୁଡି ପଡିଛି କହିଲେ ଭୁଲ ହେବ ନାହିଁ । ସାଧାରଣ ଲୋକଙ୍କ ପାଖରେ ରୋଜଗାରର ଘୋର ଅଭାବ ଭିତରେ ବଢୁଥିବା ତୈଳ ଦର ସରକାରଙ୍କ ଛବିରେ ଦାଗ ଲଗାଇଛି । ପେଟ୍ରୋଲିୟମ ବିଭାଗକୁ ଧର୍ମେନ୍ଦ୍ରଙ୍କଠାରୁ ନେଇ ହରଦିପ ପୁରୀଙ୍କୁ ଦିଆଯାଇଛି । ଏବେ ପୁରୀଙ୍କ ପାଇଁ ଚ୍ୟାଲେଂଜ୍ ହେବ ବଢୁଥିବା ତୈଳଦର ଭିତରେ ତାଙ୍କୁ ସରକାରଙ୍କ ଇମେଜ ପାଇଁ ମଧ୍ୟ କସରତ କରିବାକୁ ପଡିବ ।

Worst Affected Ministry Of India During Corona, Minister Changed

ଶ୍ରମ
କରୋନା ମହାମାରୀ ଭିତରେ ଦେଶକୁ ଅନେକ ଥର ଲକଡାଉନ ଭିତରେ ରହିବାକୁ ପଡିଛି । ଏହି ଲକଡାଉନ ଦ୍ୱାରା ସର୍ବାଧିକ ଶ୍ରମିକ ପ୍ରଭାବିତ ହୋଇଛନ୍ତି । ପ୍ରବାସୀ ଶ୍ରମିକଙ୍କ ପଳାୟନ ସହିତ କାରଖାନରେ ଛଟେଇ ଦେଶରେ ଆର୍ଥିକ ସଂକଟ ସୃଷ୍ଟି କରିଛି । ମୋଦିଙ୍କ ନୂଆ ଟିମରେ କେନ୍ଦ୍ର ଶ୍ରମ ମନ୍ତ୍ରଣାଳୟ ମୁଖ୍ୟଙ୍କ ଚେହେରା ମଧ୍ୟ ବଦଳିଛି । ସନ୍ତୋଷ ଗଙ୍ଗୱାରଙ୍କ ସ୍ଥାନରେ ଭୁପେଶ ଯାଦବଙ୍କୁ ନିଯୁକ୍ତି ଦେଇଛନ୍ତି ପ୍ରଧାନମନ୍ତ୍ରୀ ମୋଦି । ଲକଡାଉନ୍ ଭିତରେ ଶ୍ରମିକଙ୍କ ସ୍ୱାର୍ଥରକ୍ଷା ଭୁପେଶଙ୍କ ପାଇଁ ବଡ ଚ୍ୟାଲେଂଜ୍ ହେବ ।

ଗର୍ଭବତୀ ମହିଳାଙ୍କ ପାଇଁ ଟିକାକରଣ କେନ୍ଦ୍ରରେ ରହିବ ସ୍ୱତନ୍ତ୍ର ପ୍ରତୀକ୍ଷା କକ୍ଷ

ଭୁବନେଶ୍ୱର: ରାଜ୍ୟରେ ଯେତିକି କୋଭିସିଲ୍ଡ ଟିକା ଅଛି ଆଉ ୨ ଦିନ ଟିକାକରଣ ଚାଲିବ । ତା’ପରେ ଅଧିକାଂଶ ଜିଲ୍ଲାରେ ଟିକାକରଣ ବନ୍ଦ ରହିବ । ବର୍ତ୍ତମାନ ୧, ୯୦ ହଜାର ୯୮୦ ଡୋଜ୍ କୋଭିସିଲ୍ଡ ଏବଂ ୨ ଲକ୍ଷ ୯୮ ହଜାର ୮୧୦ କୋଭକ୍ସିନ ମହଜୁଦ୍ ଅଛି । ୧୫ ତାରିଖରେ କେନ୍ଦ୍ର ସରକାର ୩ ଲକ୍ଷ ୧୬ ହଜାର ୪୭୦ ଡୋଜ୍ କୋଭିସିଲ୍ଡ ଟିକା ରାଜ୍ୟକୁ ପ୍ରଦାନ କରିବେ ।

Special Room For Pregnant Women In Covid Vaccination Centre

ଜୁଲାଇ ମାସର କୋଟା ଅନୁସାରେ ରାଜ୍ୟକୁ ୨୫ ଲକ୍ଷ ୩୧ ହଜାର ୮୦୦ ଡୋଜ୍ କୋଭିସିଲ୍ଡ ଏବଂ ୫ ଲକ୍ଷ ୧୯ ହଜାର ୧୧୦ ଡୋଜ୍ କୋଭକ୍ସିନ୍ ଟିକା ମିଳିବ । ଜୁଲାଇ ମାସରେ କେନ୍ଦ୍ର ସରକାର ୧୦ ଲକ୍ଷ ୪୩ ହଜାର ୯୩୦ ଡୋଜ୍ କୋଭିସିଲ୍ଡ ଏବଂ ୧ ଲକ୍ଷ ୭୦ ହଜାର ୨୫୦ ଡୋଜ୍ କୋଭକ୍ସିନ ଟିକା ପ୍ରଦାନ କରିଛନ୍ତି । ଏହି ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ୨୮ ଲକ୍ଷ ଲୋକ କୋଭିସିଲ୍ଡର ଦ୍ଵିତୀୟ ଡୋଜ୍ ନେବାକୁ ଅଛନ୍ତି । ଟିକା ଅଭାବ ଥିବାରୁ ଦ୍ଵିତୀୟ ଡୋଜ୍ ନେବାକୁ ଥିବା ଲୋକଙ୍କୁ ପ୍ରାଧାନ୍ୟ ଦେବାକୁ ଜିଲ୍ଲା ମାନଙ୍କୁ ନିର୍ଦ୍ଦେଶ ଦିଆଯାଇଛି ।

ଗର୍ଭବତୀ ମହିଳାଙ୍କୁ ଟିକା ଦେବା ପାଇଁ ପ୍ରଥମେ ସ୍ୱାସ୍ଥ୍ୟକର୍ମୀଙ୍କୁ ତାଲିମ୍ ଦିଆଯିବ । ଶିଶୁଙ୍କ ସ୍ୱାସ୍ଥ୍ୟ ଉପରେ କେତେ ବିପଦ ପଡ଼ିବ । ଟିକା ନେଲେ କ’ଣ ଭଲ ହେବ ଗର୍ଭବତୀ ମହିଳାଙ୍କୁ ସଚେତନ କରାଇବେ । ତାପରେ ସେମାନେ ସ୍ୱେଚ୍ଛାକୃତ ଭାବେ ଟିକା ନେବାକୁ କହିଲେ ଦିଆଯିବ । ଗର୍ଭବତୀ ମହିଳାଙ୍କ ପାଇଁ ଟିକାକରଣ କେନ୍ଦ୍ରରେ ସ୍ୱତନ୍ତ୍ର ପ୍ରତୀକ୍ଷା କକ୍ଷ ହେବ । ଘର ଘର ବୁଲି ଟିକା ଦେବାକୁ ଗାଇଡଲାଇନରେ ମନା କରାଯାଇଛି ।

ଦେଖା କରିବାକୁ ଆସିଥିଲା ପ୍ରେମିକ, ଧରା ପଡ଼ିବା ଭୟରେ ଟ୍ରଙ୍କରେ ଭର୍ତ୍ତି କରିଦେଲା ପ୍ରେମିକା

ବାରିପଦା: ପ୍ରେମିକଙ୍କୁ ଟ୍ରଙ୍କରେ ତାଲା ପକାଇଲେ ପ୍ରେମିକା । ପଢ଼ିବାକୁ ଅଡ଼ୁଆ ଲାଗୁଥିଲେ ମଧ୍ୟ ଏମିତି ଘଟିଛି ମୟୂରଭଞ୍ଜ ଜିଲ୍ଲାର ଶୁକୃଳି ବ୍ଲକରେ । ଯେଉଁଠି ଜଣେ ଯୁବତୀ ତାଙ୍କ ପ୍ରେମିକକୁ ଟ୍ରଙ୍କରେ ତାଲା ପକାଇ ଦେଇଛନ୍ତି । ପରିବାରର ସଦସ୍ୟଙ୍କ ଠାରୁ ପ୍ରେମିକଙ୍କୁ ବଞ୍ଚାଇବା ପାଇଁ ଏମିତି କରିଛନ୍ତି ଯୁବତୀ ।

Viral Viedo Girl Locked Lover In Trunk Mayurbhanj

ଆଉ ଶେଷରେ ଭାଇ ହାତରେ ଧରା ପଡ଼ିଛି ଭଉଣୀ । ସମସ୍ତଙ୍କ ଗୋପନରେ ପ୍ରେମିକାକୁ ଭେଟିବାକୁ ଆସିଥିଲା ପ୍ରେମିକ । ଘରେ କେହି ନଥିଲେ । ସେହି ସୁଯୋଗରେ ପ୍ରେମିକାକୁ ଭେଟିବାକୁ ଆସିଥିଲା ପ୍ରେମିକ । ତା’ପରେ ହଠାତ୍ ଆସିଗଲେ ଘର ଲୋକ । କଣ କରିବେ କିଛି ବୁଦ୍ଧିବାଟ ଦିଶିଲାନି । ଶେଷରେ ପ୍ରେମିକକୁ ଟ୍ରଙ୍କରେ ପୁରାଇ ଚାବି ମାରିଲା ପ୍ରେମିକା ।

Viral Viedo Girl Locked Lover In Trunk Mayurbhanj

ଘର ଲୋକ ଆସି ଝିଅକୁ ପଚରାଉଚରା କରିଥିଲେ । ହଡ଼ବଡ଼େଇ ଯିବା ଓ ପାରିପାର୍ଶ୍ୱିକ ସ୍ଥିତିରୁ ଜାଣି ପାରିଥିଲେ ଯୁବକ ଜଣଙ୍କ ଟ୍ରଙ୍କରେ ଛପିଛି । ପରେ ପ୍ରେମିକା ଟ୍ରଙ୍କର ଚାବି ଖୋଲିବାରୁ ଯୁବକ ଜଣଙ୍କ ତା’ଭିତରୁ ବାହାରି ଥିଲେ । ଏଭଳି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଥିବା ବେଳେ ମୋବାଇଲରୁ ମୋବାଇଲକୁ ଘୁରି ବୁଲୁଛି ।

ଟୋକିଓ ଅଲମ୍ପିକ ସରିବା ପର୍ଯ୍ୟନ୍ତ କୋଭିଡ୍-୧୯ ଏମର୍ଜେନ୍ସି ଘୋଷଣା କରିବ ଜାପାନ

ନୂଆଦିଲ୍ଲୀ: ଜରୁରୀକାଳୀନ ପରିସ୍ଥିତି ଘୋଷଣା କଲା ଜାପାନ । ଟୋକିଓ ଅଲମ୍ପିକ ବେଳେ କରୋନା ସଂକ୍ରମଣ ବଢ଼ିବା ଆଶଙ୍କା କରି ଖେଳ ସରିବା ଯାଏଁ ଜାପାନ ଏମର୍ଜେନ୍ସି ଘୋଷଣା କରିଛି । ବିଶେଷଜ୍ଞଙ୍କ ସହ ବୈଠକ ପରେ ସରକାରୀ ଅଧିକାରୀ ଆସନ୍ତା ସୋମବାର ଠାରୁ ଅଗଷ୍ଟ ୨୨ ଯାଏଁ ଜରୁରୀକାଳୀନ ପରିସ୍ଥିତି ଲାଗୁ କରିବାକୁ ପ୍ରସ୍ତାବ ରଖିଥିଲେ ।

ଗତବର୍ଷ କରୋନା ମହାମାରୀ ପାଇଁ ସ୍ଥଗିତ ଥିବା ଅଲମ୍ପିକ ଜୁଲାଇ ୨୩ରୁ ଅଗଷ୍ଟ ୮ ଯାଏ ଚାଲିବ । ଖେଳ ସମୟରେ ବିଦେଶୀ ଦର୍ଶକଙ୍କୁ ମଧ୍ୟ ପ୍ରବେଶ ଅନୁମତି ମିଳିବ ନାହିଁ । ୬ ସପ୍ତାହର ଏମର୍ଜେନ୍ସି ସମୟରେ ସ୍ଥାନୀୟ ଦର୍ଶକଙ୍କୁ ଅନୁମତି ଦେବା ସମ୍ଭାବନା ବହୁତ କମ୍ । ଦର୍ଶକଙ୍କ ପ୍ରବେଶ ନେଇ ଶୁକ୍ରବାର ନିଷ୍ପତ୍ତି ନିଆଯିବ । ସ୍ଥାନୀୟ ଆୟୋଜକ ଅନ୍ତରାଷ୍ଟ୍ରୀୟ ଅଲମ୍ପିକ ସମିତି ଓ ଅନ୍ୟ ପ୍ରତିନିଧିଙ୍କ ସହ ଆଲୋଚନା କରିବେ ।

ଏବେ ଟୋକିଓରେ ବିଶେଷ କଡ଼ା ପ୍ରତିବନ୍ଧକ ନାହିଁ । ବାର୍ ଓ ରେଷ୍ଟୁରାଣ୍ଟ ଖୋଲିବା ସମୟ ହ୍ରାସ୍ କରାଯାଇଥିଲେ ମଧ୍ୟ ସଂକ୍ରମଣ ଥମୁନାହିଁ । ପ୍ରଧାନମନ୍ତ୍ରୀ ଯୋଶିହିଦେ ସୁଗା ଗୁରୁବାର ଜରୁରୀକାଳୀନ ପରିସ୍ଥିତି ନେଇ ଘୋଷଣା କରିପାରନ୍ତି । ତେବେ କରୋନା ଆରମ୍ଭ ପରେ ଏହା ଜାପାନରେ ଚତୁର୍ଥ ଜରୁରୀକାଳୀନ ପରିସ୍ଥିତ ହେବ ।

‘ତୃତୀୟ ଲହର ପାଇଁ ସରକାର ପ୍ରସ୍ତୁତ’

ଭୁବନେଶ୍ୱର: ତୃତୀୟ ଲହର ପାଇଁ ସରକାର ପ୍ରସ୍ତୁତ । ମୁଖ୍ୟତଃ ୩ଟି ପ୍ରସଙ୍ଗ ଉପରେ ଗୁରୁତ୍ୱ ଦିଆଯାଉଛି । ଲୋକଙ୍କୁ ଟିକାକାରଣ କରିବା, ୩ ମାସିଆ ସର୍ଭେଲାନ୍ସ ଓ ଭିତ୍ତିଭୂମି ପ୍ରସ୍ତୁତ କରାଯିବା ସହ ସ୍ୱତନ୍ତ୍ର ଗ୍ରୁପର ଚିକିତ୍ସା କରାଯିବ । ଏହି ତିନୋଟି ପ୍ରସଙ୍ଗ ଉପରେ ଫୋକସ୍ କରାଯାଉଥିବା ସୂଚନା ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ଯେହେତୁ ତୃତୀୟ ଲହର ଶିଶୁ ଆକ୍ରାନ୍ତ ହେବାର ଆଶଙ୍କା ରହିଛି । ଏହାକୁ ଦୃଷ୍ଟିରେ ରଖି ଟ୍ରେନିଂ ଆରମ୍ଭ କରାଯାଇଥିବା ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ।

ଏଥିସହ ପଢ଼ନ୍ତୁ: ଖସୁଛି ସଂକ୍ରମଣ, ୨୪ ଘଣ୍ଟାରେ ଆଉ ୨୫୪୨ ପଜିଟିଭ୍

ବିଭିନ୍ନ ଜିଲ୍ଲାରେ କେନ୍ଦ୍ରୀୟ ସ୍ଥିତି ଅନୁଧ୍ୟାନ କରୁଛନ୍ତି । କେନ୍ଦ୍ରୀୟ ଟିମ୍ ଏପର୍ଯ୍ୟନ୍ତ କେବଳ ୨ଟି ଜିଲ୍ଲା ଯାଇଛନ୍ତି । ଜଗତସିଂହପୁର, ପୁରୀ ଏବଂ ଭୁବନେଶ୍ୱରର ଏକ ଘରୋଇ ହସ୍ପିଟାଲ ବୁଲି ଦେଖିଛି କେନ୍ଦ୍ରୀୟ ଦଳ । ମୃତ୍ୟୁ ସଂଖ୍ୟାକୁ ନେଇ ଗତକାଲି ସ୍ୱାସ୍ଥ୍ୟ ସଚିବ ସ୍ପଷ୍ଟୀକରଣ ଦେଇଛନ୍ତି । କୌଣସି ମୃତ୍ୟୁ ଲୁଚା ଯାଉନାହିଁ । ହସ୍ପିଟାଲ ଗଲା ପରେ ଜଣେ ଲୋକ ଯଦି ମୃତ୍ୟୁବରଣ କରୁଛି, ତେବେ କେଉଁ କାରଣରୁ ତାଙ୍କର ମୃତ୍ୟୁ ହେଲା ସେ ନେଇ ରିପୋର୍ଟ ଦିଆଯାଉଥିବା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।

ମନ୍ତ୍ରୀ ଭାବେ ଦାୟିତ୍ୱ ନେଲେ ଅଶ୍ୱିନୀ ବୈଷ୍ଣବ, ଅନୁରାଗ ଠାକୁର

ନୂଆଦିଲ୍ଲୀ: ମନ୍ତ୍ରୀ ପଦ ମିଳିବାପରେ କାର୍ଯ୍ୟଭାର ସମ୍ଭାଳିଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ଦାୟିତ୍ୱ ନେବାର ପ୍ରଥମ ପ୍ରତିକ୍ରିୟାରେ ସେ କହିଛନ୍ତି, ଆହୁରି ଉନ୍ନତି କରିବ ଭାରତୀୟ ରେଲୱେ । କିଭଳି ସମସ୍ତ ଲୋକଙ୍କୁ ସୁବିଧା ମିଳିବ ସେ ଦିଗରେ କାମ କରାଯିବ । ପ୍ରଧାନମନ୍ତ୍ରୀଙ୍କ ଭିଜନରେ ରହିଛି ଏହି ବିଭାଗ । ଏଥିପ୍ରତି ସ୍ୱତନ୍ତ୍ର ଭାବେ ଦୃଷ୍ଟି ଦିଆଯିବ ବୋଲି ଅଶ୍ୱିନୀ ବୈଷ୍ଣବ କହିଛନ୍ତି । ମନ୍ତ୍ରିମଣ୍ଡଳରେ ସାମିଲ କରାଯାଇଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି ସେ ।

ସେହିଭଳି ଅନୁରାଗ ଠାକୁର ସୂଚନା ଓ ପ୍ରସାରଣ ଏବଂ ଯୁବ ଓ କ୍ରୀଡ଼ା ବିଭାଗର ଦାୟିତ୍ୱ ସମ୍ଭାଳିଛନ୍ତି । ପ୍ରଧାନମନ୍ତ୍ରୀ ନୂଆ ଦାୟିତ୍ୱ ଦେଇଥିବାରୁ ଏହାକୁ ସୁଚାରୁରୂପେ ତୁଲାଇବେ ବୋଲି କହିଛନ୍ତି ଅନୁରାଗ । ବିଗତ ୭ ବର୍ଷରେ ଭାରତକୁ ଆଗକୁ ନେବାକୁ ପ୍ରଧାନମନ୍ତ୍ରୀ ଆଖିଦୃଶିଆ କାମ କରିଛନ୍ତି ।

ଅନ୍ୟପଟେ ଆଜି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ପାର୍ଟି ଅଫିସରେ ସମସ୍ତ ମନ୍ତ୍ରୀଙ୍କ ସହ ବୈଠକ କରିବେ । ଗତକାଲି ମୋଦି କ୍ୟାବିନେଟରେ ବଡ଼ ପରିବର୍ତ୍ତନ ହୋଇଥିଲା । ରବିଶଙ୍କର ଓ ଜାଭେଦକରଙ୍କ ସମସ୍ତ ୧୨ ମନ୍ତ୍ରୀଙ୍କୁ ପଦରୁ ହଟା ଯାଇଥିଲା ।

ଓଡ଼ିଶା ରାଜ୍ୟ ପଣ୍ୟାଗାର ନିଗମର ଅବସରପ୍ରାପ୍ତ ଭାରପ୍ରାପ୍ତ ଅଧିକ୍ଷକଙ୍କ ଘରେ ରେଡ୍

ବଲାଙ୍ଗିର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ । ଓଡ଼ିଶା ରାଜ୍ୟ ପଣ୍ୟାଗାର ନିଗମର ଅବସରପ୍ରାପ୍ତ ଭାରପ୍ରାପ୍ତ ଅଧିକ୍ଷକ ଗଣପତି ପୁରୋହିତଙ୍କ ଘରେ ସକାଳୁ ରେଡ୍ କରିଛି ଭିଜିଲାନ୍ସ । ବଲାଙ୍ଗିର ସହରର ପ୍ୟାଲେସ ଲାଇନ୍ ସମେତ ସହରର ଚାରୋଟି ସ୍ଥାନରେ ଭିଜିଲାନ୍ସର ଚାରୋଟି ଟିମ୍ ଚଢ଼ାଉ ଜାରି ରଖିଛି ।

Vigilance Raid Former In Charge Superintendent Of OSWC Titilagarh

ବଲାଙ୍ଗିର ଭିଜିଲାନ୍ସ ଡିଏସପି ସଦାନନ୍ଦ ପାଣିଙ୍କ ନେତୃତ୍ୱରେ ସମ୍ବଲପୁର, ବରଗଡ଼, ବଲାଙ୍ଗିର ଓ ସୋନପୁର ଭିଜିଲାନ୍ସ ଟିମ୍ ଚଢ଼ାଉ ଜାରି ରଖିଛନ୍ତି । ପ୍ୟାଲେସ ଲାଇନରେ ଥିବା ୨ଟି ଘର, ରାଜେନ୍ଦ୍ର ପଡ଼ାରେ ଗୋଟିଏ ଘର ଓ ସଦର ବ୍ଲକ ଅନ୍ତର୍ଗତ ଖଟବାହଲି ଗାଁରେ ମଧ୍ୟ ଭିଜିଲାନ୍ସ ଚଢ଼ାଉ କରିଛି ।

Vigilance Raid Former In Charge Superintendent Of OSWC Titilagarh

ଗଣପତି ପୁରୋହିତ ଟିଟିଲାଗଡ଼ ଓଡ଼ିଶା ରାଜ୍ୟ ପଣ୍ୟାଗାର ନିଗମର ଭାରପ୍ରାପ୍ତ ଅଧିକ୍ଷକ ଭାବେ କାର୍ଯ୍ୟ କରି ଗତ ବର୍ଷ ମେ’ ମାସରେ ଅବସର ଗ୍ରହଣ କରିଛନ୍ତି । ତାଙ୍କ ନାଁରେ ପଣ୍ୟାଗାର ନିଗମରୁ କୋଟି କୋଟି ଟଙ୍କାର ଚାଉଳ ହେରଫେର କରିଥିବା ଅଭିଯୋଗ ରହିଛି । ପୂର୍ବରୁ ୨୦୦୯ ମସିହାରେ ମଧ୍ୟ ଗଣପତିଙ୍କ ଉପରେ ଚଢ଼ାଉ କରିଥିଲା ଭିଜିଲାନ୍ସ ।

ଦେଶରେ ୨୪ ଘଣ୍ଟାରେ ୪୫ ହଜାରରୁ ଅଧିକ ପଜିଟିଭ୍

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ମାମଲା କମୁଛି । ପ୍ରତିଦିନ ପ୍ରାୟ ୪୫ ହଜାର ସଂକ୍ରମଣ ମାମଲା ଆସୁଛି । ବିଗତ ୨୪ ଘଣ୍ଟାରେ ଦେଶରେ ୪୫ ହଜାର ୮୯୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଗୋଟିଏ ଦିନରେ ପ୍ରାଣ ହରାଇଛନ୍ତି ୮୧୭ ଜଣ ଆକ୍ରାନ୍ତି । ଗତ ୨୪ ଘଣ୍ଟାରେ କରୋନାରୁ ସୁସ୍ଥ ହୋଇଛନ୍ତି ୪୪ ହଜାର ୨୯୧ ଜଣ ।

ଦେଶରେ କରୋନା ମାମଲା

ମୋଟ ସଂକ୍ରମଣ- ୩ କୋଟି ୭ ଲକ୍ଷ ୯ ହଜାର ୫୫୭

ମୋଟ ସୁସ୍ଥ- ୨ କୋଟି ୯୮ ଲକ୍ଷ ୮୨୫

ସକ୍ରିୟ ମାମଲା- ୪ ଲକ୍ଷ ୬୦ ହଜାର ୭୦୪

ମୋଟ ମୃତ୍ୟୁ- ୪ ଲକ୍ଷ ୫ ହଜାର ୨୮

୧୧ଟି ଖଣି ନିଲାମ ପାଇଁ ଆଜିଠୁ ଟେଣ୍ଡର ପ୍ରକ୍ରିୟା

ଭୁବନେଶ୍ୱର: ୧୧ଟି ଖଣିର ନିଲାମ ପାଇଁ ବିଜ୍ଞପ୍ତି ପ୍ରକାଶ କରିଛନ୍ତି ରାଜ୍ୟ ସରକାର । ଆଜିଠାରୁ ଆରମ୍ଭ ହୋଇଛି ଟେଣ୍ଡର ପ୍ରକ୍ରିୟା । ଏଥିରେ ୭ଟି ଲୁହାପଥର ଖଣି ଏବଂ ୨ଟି ଲୁହାପଥର-ମାଙ୍ଗନିଜ ଖଣି ରହିଛି । ନଦୀଡ଼ିହି, ପୁରେଇବାହଲ, ଚାନ୍ଦିପୋଷି, ପଥରିପୋଷି ପାହାଡ଼, ଡୋଲଟା ପାହାଡ଼, ନେତ୍ରାବନ୍ଧ ପାହାଡ଼ ଏବଂ ଗନ୍ଧଲପଡା ଲୁହାପଥର ଖଣି ନିଲାମ ହେବ ।

Auction Process For 11 Mines Started From Today

ସେହିଭଳି ନଦୀଡ଼ିହି ଓ ତେହେରାଇ ଲୁହାପଥର-ମାଙ୍ଗନିଜ ଖଣି ନିଲାମୀ କରାଯାଉଛି । ଏହା ସହ କାଶିଆ ଲୁହାପଥର-ଡୋଲାମାଇଟ ଏବଂ କର୍ଲପଟ ବକ୍ସାଇଟ୍ ଖଣି ନିଲାମ ପାଇଁ ଟେଣ୍ଡର ଡକାଯାଇଛି । ପ୍ରଥମଥର ପାଇଁ ବକ୍ସାଇଟ୍ ବ୍ଲକ ଅକ୍ସନ ହେବ । ନିଲାମୀର ଶେଷ ତାରିଖ ଅଗଷ୍ଟ ୨୦ ତାରିଖ ରହିଛି । ପୂର୍ବରୁ ରାଜ୍ୟ ସରକାର ୨୪ଟି ଖଣିର ନିଲାମୀ ପ୍ରକ୍ରିୟା ସାରିଛନ୍ତି ।

ଖସୁଛି ସଂକ୍ରମଣ, ୨୪ ଘଣ୍ଟାରେ ଆଉ ୨୫୪୨ ପଜିଟିଭ୍

ଭୁବନେଶ୍ୱର: ରାଜ୍ୟରେ ଖସୁଛି କରୋନା ଗ୍ରାଫ୍ । ଦିନକରେ ୨୫୪୨ ସଂକ୍ରମଣ ମାମଲା ଆସିଛି । କ୍ୱାରେଣ୍ଟାଇନରୁ ୧୪୫୮ଟି ମାମଲା ଆସିଥିବା ବେଳେ ୧୦୮୪ଟି ହେଉଛି ସ୍ଥାନୀୟ ସଂକ୍ରମଣ ମାମଲା । କଟକରୁ ସର୍ବାଧିକ ୪୨୮ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ୪୨୪ଟି ପଜିଟିଭ୍ କେସ୍ ଆସିଛି ।

ଅନୁଗୁଳରୁ ୬୦ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୨୨୧, ବରଗଡ଼ରୁ ୧୭, ଭଦ୍ରକରୁ ୧୦୦, ବଲାଙ୍ଗିରରୁ ୨, ବୌଦ୍ଧରୁ ୭, ଦେବଗଡ଼ରୁ ୭, ଢେଙ୍କାନାଳରୁ ୩୪, ଗଜପତିରୁ ୧୫, ଗଞ୍ଜାମରୁ ୧୩, ଜଗତସିଂହପୁରରୁ ୧୨୮, ଯାଜପୁରରୁ ୧୩୯, ଝାରସୁଗୁଡ଼ାରୁ ୨୪, କଳାହାଣ୍ଡିରୁ ୧୦, କନ୍ଧମାଳରୁ ୧୯, କେନ୍ଦ୍ରାପଡ଼ାରୁ ୧୬୭, କେନ୍ଦୁଝରରୁ ୬୯, କୋରାପୁଟରୁ ୪୦ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି ମାଲକାନଗିରିରୁ ୪୨, ମୟୂରଭଞ୍ଜରୁ ୧୨୪, ନବରଙ୍ଗପୁରରୁ ୧୨, ନୟାଗଡ଼ରୁ ୭୮, ନୂଆପଡ଼ାରୁ ୮, ପୁରୀରୁ ୧୫୦, ରାୟଗଡ଼ାରୁ ୩୭, ସମ୍ବଲପୁରରୁ ୨୮, ସୋନପୁରରୁ ୫, ସୁନ୍ଦରଗଡ଼ରୁ ୫୭ ଓ ଷ୍ଟେଟପୁଲରୁ ୭୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୩୨ ହଜାର ୩୩୦କୁ ବୃଦ୍ଧି ପାଇଛି । ୨୭ ହଜାର ୫୮୦ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୯ ଲକ୍ଷ ୨୮୨ ଜଣ କରୋନାରୁ ସୁସ୍ଥ ହୋଇଛନ୍ତି । ନୂଆ ୫୭ଟି ମୃତ୍ୟୁ ମାମଲାକୁ ମିଶାଇ ରାଜ୍ୟରେ ମୋଟ ମୃତ୍ୟୁସଂଖ୍ୟା ୪ ହଜାର ୪୧୫କୁ ବୃଦ୍ଧି ପାଇଛି ।