spot_img
Home Blog Page 5503

ଶେଷ କ୍ୱାର୍ଟରର ଶେଷ ୬ ସେକେଣ୍ଡରେ ଜର୍ମାନୀକୁ ମିଳିଥିଲା ପେନାଲ୍‌ଟି ସୁଟ୍‌, ଶ୍ରୀଜେସ୍ ଏବଂ ଢିଫେଣ୍ଡର କରିଦେଲେ କମାଲ

ଭୁବନେଶ୍ୱର: ପୂରଣ ହେଲା ୪୧ ବର୍ଷର ସ୍ୱପ୍ନ। ହକି ଇଣ୍ଡିଆକୁ ଟୋକିଓ ଅଲିମ୍ପିକ୍ସରେ ମିଳିଲା ବ୍ରୋଞ୍ଜ ମେଡାଲ୍। ବିଜୟ ସହ ମେଡାଲ୍ ହାତେଇବାରେ ସକ୍ଷମ ହୋଇଛନ୍ତି ଭାରତୀୟ ପୁରୁଷ ହକି ଟିମ୍‌। କୋଟି କୋଟି ଭାରତୀୟଙ୍କର ଆଜି ସ୍ୱପ୍ନ ପୁରଣ ହୋଇଛି। ସମସ୍ତଙ୍କ ଆଖିରୁ ଝରୁଛି ଖୁସିର ଲୁହ ଆଉ ଶୁଭୁଛି ଚକ୍‌ଦେ ଇଣ୍ଡିଆ। କାରଣ ଜର୍ମାନୀଙ୍କୁ ୫-୪ରେ ମାତ୍ ଦେଇଛି ଭାରତୀୟ ଟିମ୍। ଏହି ବିଜୟ ସହ ବ୍ରୋଞ୍ଜ ହାତେଇଛି ଭାରତୀୟ ପୁରୁଷ ହକି ଟିମ୍। ବ୍ରୋଞ୍ଜ ପାଇଁ ଅଲମ୍ପିକ୍‌ ସ୍ୱର୍ଣ୍ଣ ବିଜେତା ଜର୍ମାନୀ ବିରୋଧରେ ହୋଇଥିଲା ଘମାସାନ ଲଢେଇ। ସବୁଠାରୁ ଲୋକ ଠାଙ୍କୁରା ଥ୍ରୀଲର ଥିଲେ ଶେଷ ୬ ସେକେଣ୍ଡ।

ଆରମ୍ଭରୁ ପ୍ରଥମ କ୍ୱାର୍ଟରରେ ଗୋଲ୍ ଦେଇଥିଲା ଟିମ୍ ଜର୍ମାନ। ଯାହାପରେ ଭାରତ ଉପରେ ଚାପ ପକାଇଥିଲା ଜର୍ମାନ। ହେଲେ ଏହା ପରେ ପ୍ରଥମ କ୍ୱାର୍ଟରର ଶେଷ ସମୟ ମଧ୍ୟ ଭାରତ ଦେଇଥିଲା ଗୋଟିଏ ଗୋଲ ଯାହା ପରେ ପ୍ରଥମ କ୍ୱାର୍ଟରର ସରିବା ବେଳକୁ ୧-୧ ରେ ସମାନ ରହିଥିଲା ଗୋଲ୍। ଏହା ପରେ ୨୪ ମିନିଟରେ ନିକୋଲାସ ୱେଲେନ ଜର୍ମାନୀ ପାଇଁ ଗୋଲ ସ୍କୋର କରିଥିଲେ ଏବଂ ୨୫ ମିନିଟରେ ବେନେଡିଟ ଫର୍କ ଗୋଲ ସ୍କୋର କରି ଦଳକୁ ୩-୧ରେ ଆଗକୁ ନେଇଯାଇଥିଲା। ଯାହାପରେ ଭାରତ ଉପରେ ବଢ଼ିବାକୁ ଲାଗିଥିଲା ଚାପ। କିନ୍ତୁ ଭାରତୀୟ ଖେଳାଳି ନିଜର ରଣ କୌଶଳରେ ପରିବର୍ତ୍ତନ ଆଣି ମ୍ୟାଚ୍‌କୁ ନିଜ ଅଧିନକୁ ଆଣିଥିଲେ।

ଗୋଲ ପରେ ଗୋଲ କରିଥିଲା ଭାରତୀୟ ଦଳ। ଆଟାକ ପରେ ଆଟାକ କରିଚାଲିଥିଲା। ଦୁଇଟି ଗୋଲରେ ପଛରେ ପଡ଼ିଯିବା ପରେ ଭାରତୀୟ ଦଳ ଖେଳରେ ଭଲ ପ୍ରତ୍ୟାବର୍ତ୍ତନ କରିଥିଲା। ଦ୍ୱିତୀୟ କ୍ୱାର୍ଟରରେ ମୋଟ ୪ଟି ଗୋଲ୍ ସ୍କୋର କରାଯାଇଥିଲା। ଯେଉଁଥିରେ ଭାରତ ଦେଇଥିଲା ଦୁଇଟି ଗୋଲ ଏବଂ  ଜର୍ମାନୀ ମଧ୍ୟ ୨ ଗୋଲ ସ୍କୋର କରିଥିଲା। ୨୭ ମିନିଟରେ ହାର୍ଦ୍ଦିକ ସିଂ କର୍ଣ୍ଣରରେ ବଲ୍‌କୁ ରୋକିବା ପରେ ଏକ ଚମତ୍କାର ଗୋଲ ସ୍କୋର କରିଥିଲେ। ତା’ପରେ ୨୯ ମିନିଟରେ ହରମାନ ପ୍ରୀତ ଏକ ଗୋଲ ସ୍କୋର କରି ସ୍କୋରକୁ ୩-୩ରେ ପରିଣତ କରିଥିଲେ।

ଏହା ପରେ ତୃତୀୟ କ୍ୱାର୍ଟରରେ ମଧ୍ୟ ଭାରତୀୟ ଦଳ ଆକ୍ରମଣ ଜାରି ରଖିଥିଲେ। ରୁପିନ୍ଦର ପାଲ ସିଂ ଏକ ପେନାଲ୍ଟି ଷ୍ଟ୍ରୋକ୍ କରି ୪-୩ରେ ଗୋଲ ସ୍କୋର କରିଥିଲେ। ୩୪ ମିନିଟରେ ସିମରନଜିତ୍ ତାଙ୍କର ଦ୍ୱିତୀୟ ଗୋଲ୍ ସ୍କୋର କରି ସ୍କୋରକୁ ୫-୩ ରେ ଆଗକୁ ନେଇଯାଇଥିଲେ। ତୃତୀୟ କ୍ୱାର୍ଟର ପରେ ଭାରତ ୫-୩ ଗୋଲରେ ଆଗୁଆ ହୋଇସାରିଥିଲା। କିନ୍ତୁ ରୋମାଞ୍ଚ ବଢ଼ିଚାଲିଥିଲା ଆଖିର ପତା ସ୍କ୍ରିନ୍‌ର ତଳକୁ ଖସିବାକୁ ନାରାଜ ଥିଲା। କାରଣ ଅଲମ୍ପିକ୍‌ରେ ଜର୍ମାନୀ ହେଉଛି ସ୍ୱର୍ଣ୍ଣ ପଦକ ବିଜେତା ଟିମ୍‌। ଆଉ ଗୋଟିଏ ଗୋଟିଏ ମିନିଟରେ ସବୁ ବଦଳିଯାଏ। ଶେଷ କ୍ୱାର୍ଟରେ କିଛିବି ହୋଇପାରିଥାନ୍ତା।

ମ୍ୟାଚର ଅନ୍ତିମ କ୍ୱାର୍ଟରରେ ଉଭୟ ଭାରତ ଏବଂ ଜର୍ମାନୀ ଆକ୍ରମଣାତ୍ମକ ଢ଼ଙ୍ଗରେ ଖେଳିଥିଲେ। ୪୮ ମିନିଟରେ ଲୁକା ୱିନଫେଡର୍ ଭାରତ ବିପକ୍ଷରେ ଗୋଲ ସ୍କୋର କରି ଦଳକୁ ୪-୫ ସ୍କୋର କରିଥିଲେ। ସବୁଠାରୁ ରୋମାଞ୍ଚକର ଥିଲା ଶେଷ ୬ ସେକେଣ୍ଡ। କାରଣ ଶେଷ ୬ ସେକେଣ୍ଡରେ ଜର୍ମାନୀକୁ ମିଳିଥିଲା ପେନାଲଟି ସୁଟ୍‌। ସେତେବେଳକୁ ଭାରତ ପାଖରେ ନଥିଲା ରିଭ୍ୟୁ। ଆଉ ଜର୍ମାନୀକୁ ମିଳିଥିଲା ପେନାଲଟି ସୁଟ। କିନ୍ତୁ ଭାରତୀୟ ହକି ଟିମ୍‌ର ଗୋଲ କିପର ଶ୍ରୀଜେସ୍ ଗୋଲକୁ ରକ୍ଷଣାତ୍ମକ ଢ଼ଙ୍ଗରେ ରୋକି ଦେଇଥିଲେ ଏବଂ ଭାରତ ରଚିଥିଲା ଇତିହାସରେ ନିଜର ନାମ। ଯଦି ଦେଖିବା ତେବେ ଆଜି ଶ୍ରୀଜେସ୍ ବହୁଲ ଭଲ ପ୍ରଦର୍ଶନ କରିଛନ୍ତି ।

ସିମରନଜୀତ ସିଂହ ଦୁଇଟି ଗୋଲ୍ ଦେବାରେ ସକ୍ଷମ ହୋଇଛନ୍ତି। ଏଥିସହ ହରମନପ୍ରିତ୍ ସିଂହ , ଭୁପିନ୍ଦର ସିଂ ପାଲ୍ ଓ ହାର୍ଦିକ ସିଂ ଗୋଟିଏ ଲେଖାଏଁ ଗୋଲ୍ ଦେବାରେ ସକ୍ଷମ ହୋଇଛନ୍ତି। ଗୋଲକିପର ଶ୍ରୀଜେସ୍ ଦମଦାର୍ ପ୍ରଦର୍ଶନ କରି ବିରୋଧୀ ଦଳକୁ ନିରାଶ କରିଥିଲେ। ଏହି ଐତିହାସିକ ବିଜୟ ପରେ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ। ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପୂର୍ବତ୍ତନ ହକି ଖେଳାଳି ଦିଲୀପ୍‌ ତିର୍କି ଟିମ୍ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି। ଭାରତୀୟ ହକିକୁ ଆଗେଇ ନେବା ପଛରେ ଓଡ଼ିଶା ସରକାରଙ୍କ ରହିଛି ଅତୁଳନୀୟ ଅବଦାନ। କିଭଳି ହକି ଇଣ୍ଡିଆ ଆଗକୁ ଯିବ ଓ ସମସ୍ତ ଖେଳାଳି ଭଲ ପ୍ରଦର୍ଶନ କରିବେ ସେ ନେଇ ଓଡ଼ିଶା ସରକାର ଅନେକ ପଦକ୍ଷେପ ନେଇଛନ୍ତି। ଆଜି ହକି ଇଣ୍ଡିଆ ଅଲିମ୍ପିକ୍ସରେ ମେଡାଲ୍ ହାସଲ କରିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସବୁଠି ପ୍ରଂଶସା କରାଯାଉଛି।

ଶେଷ ଥର ପାଇଁ ୧୯୮୦ ରେ ଭାରତୀୟ ହକି ଦଳ ପଦକ ଜିତିଥିଲା। ଯେଉଁଥିରେ ଦଳକୁ ସ୍ୱର୍ଣ୍ଣ ପଦକ ମିଳିଥିଲା। ଅଲମ୍ପିକର ଇତିହାସ ବିଷୟରେ କହି ଭାରତ ୧୨ତମ ପଦକ ଜିତିଛି।

 

ଅଲମ୍ପିକ ହକି ଇତିହାସରେ ଭାରତ ଅଧ୍ୟାୟ

ଭୁବନେଶ୍ୱର: ଟୋକିଓରେ ଇତିହାସ ରଚିଛି ଭାରତୀୟ ହକି ଟିମ୍ । ୪୧ ବର୍ଷ ପରେ ଭାରତକୁ ଅଲମ୍ପିକରେ ପଦକ ମିଳିଛି । ଜର୍ମାନୀ ସହ ରୋମାଞ୍ଚକର ମୁକାବିଲାରେ ବ୍ରୋଞ୍ଜ ହାତେଇଛି ଭାରତ । ଟୋକିଓରେ ୫-୪ ଗୋଲରେ ଭାରତ ବିଜୟୀ ହୋଇଛି ।

These Are The Other Olympics In Which India Have Won Medals

ଏହା ପୂର୍ବରୁ ଭାରତୀୟ ହକି ଟିମ୍ ୧୯୮୦ ମସିହାରେ ବାସୁଦେବନ ଭାସ୍କରନଙ୍କ ଅଧିନାୟକତ୍ୱରେ ମସ୍କୋ ଅଲମ୍ପିକରେ ସ୍ୱର୍ଣ୍ଣ ଜିତିଥିଲା । ଏବେ ଟୋକିଓରେ ବ୍ରୋଞ୍ଜ ପଦକ ଜିତିବା ପରେ ଭାରତର ଅଲମ୍ପିକ ପଦକ ସଂଖ୍ୟା ୧୨କୁ ବୃଦ୍ଧି ପାଇଛି । ଅଲମ୍ପିକରେ ଭାରତ ଜିତିଥିବା ୧୨ ପଦକ ଭିତରେ ୮ଟି ସ୍ୱର୍ଣ୍ଣ, ଗୋଟିଏ ରୌପ୍ୟ ସହ ୩ଟି କାଂସ୍ୟ ରହିଛି । ଏଭଳି ସଫଳତା ହାସଲ କରିବାରେ ଭାରତ ବିଶ୍ୱର ଏକମାତ୍ର ଦଳ ।

ହକିରେ ଶେଷଥର ପାଇଁ ୧୯୮୦ରେ ଭାରତ ପଦକ ଜିତିଥିଲା । ମସ୍କୋ ଅଲମ୍ପିକରେ ଭାରତୀୟ ହକି ଦଳର ନେତୃତ୍ୱ ନେଇଥିଲେ ବାସୁଦେବନ ଭାସ୍କରନ । ତାଙ୍କ ନେତୃତ୍ୱରେ ଭାରତୀୟ ହକି ଟିମ୍ ଗୋଲ୍ଡ ମେଡାଲ ପାଇଥିଲା । ତା’ପରେ ୧୯୮୪ରେ ଲସ୍ ଆଞ୍ଜେଲ୍ସ ଅଲମ୍ପିକରେ ଭାରତୀୟ ଦଳର ପ୍ରଦର୍ଶନ ଭଲ ରହିଥିଲା । ଲସ୍ ଆଞ୍ଜେଲ୍ସ ଅଲମ୍ପିକରେ ଭାରତୀୟ ପୁରୁଷ ହକି ଦଳକୁ ପଞ୍ଚମ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଥିଲା । ତା’ପର ଠାରୁ ମେଡାଲ ଆଶାରେ ଥିଲା ଭାରତୀୟ ହକି ଦଳ । ଯାହା ଟୋକିଓରେ ପୂରଣ ହୋଇଛି ।

These Are The Other Olympics In Which India Have Won Medals

ଆସନ୍ତୁ ନଜର ପକାଇବା ଭାରତୀୟ ହକିର ସ୍ୱର୍ଣ୍ଣିମ ଇତିହାସ ଉପରେ । କେବେ, କେଉଁଠି କାହା ଅଧିନାୟକତ୍ୱରେ ଭାରତୀୟ ହକି ଦଳ ହାତେଇଥିଲା ଅଲମ୍ପିକ୍ ପଦକ…

ଦିନ ଥିଲା ହକିର ସର୍ବଶ୍ରେଷ୍ଠ ଟିମ୍ କହିଲେ ଭାରତକୁ ବୁଝୁଥିଲା ଦୁନିଆ । ସେତେବେଳେ ହକିର ଯାଦୁଗର ମେଜର ଧ୍ୟାନଚନ୍ଦ ସିଂଙ୍କ ୧୧ ଜଣିଆ ଟିମ୍ ବିପକ୍ଷ ଦଳ ଉପରେ ଭାରି ପଡ଼ୁଥିଲେ । ୧୯୨୮ରୁ ୧୯୫୬ ମସିହା ଭାରତୀୟ ହକି ଟିମ୍ ପାଇଁ ଥିଲା ସ୍ୱର୍ଣ୍ଣିମ ଯୁଗ । ସେ ସମୟରେ ଭାରତ ୬ ଥର ଅଲମ୍ପିକ ହକିରେ ସ୍ୱର୍ଣ୍ଣ ପଦକ ଜିତିଥିଲା ।

These Are The Other Olympics In Which India Have Won Medals

ଭାରତୀୟ ହକି ଟିମ୍ ଅଲମ୍ପିକରେ ପ୍ରଥମ ଥର ପାଇଁ ୧୯୨୮ରେ ସ୍ୱର୍ଣ୍ଣ ଜିତିଥିଲା । ଏମ୍ସଟର୍ଡମ ଅଲମ୍ପିକରେ ଭାରତୀୟ ହକି ଦଳକୁ ମିଳିଥିଲା ସ୍ୱର୍ଣ୍ଣ ପଦକ । ଉକ୍ତ ଅଲମ୍ପିକରେ ମେଜର ଧ୍ୟାନଚନ୍ଦ ଏକାକୀ ୧୪ଟି ଗୋଲ୍ ଦେଇଥିଲେ । ଯେତେବେଳେ କି ୫ଟି ମ୍ୟାଚରେ ଭାରତ ମୋଟ ୨୯ଟି ଗୋଲ୍ ଦେଇଥିଲା । ଫାଇନାଲରେ ଭାରତ-ନେଦରଲାଣ୍ଡକୁ ଭେଟିଥିଲା । ଧ୍ୟାନଚନ୍ଦଙ୍କ ଲଢ଼ୁଆ ପ୍ରଦର୍ଶନ ଦଳକୁ ଭେଟି ଦେଇଥିଲା ସ୍ୱର୍ଣ୍ଣ । ସବୁଠୁ ବଡ଼ କଥା ହେଲା ଏହି ଅଲମ୍ପିକରେ ଭାରତ ବିପକ୍ଷରେ କୌଣସି ଟିମ୍ ଗୋଟିଏ ବି ଗୋଲ୍ କରିବାରେ ସକ୍ଷମ ହୋଇନଥିଲେ ।

ଏହା ପରେ ଭାରତୀୟ ହକି ଦଳ ୧୯୩୨ରେ ଲସ ଆଞ୍ଜେଲ୍ସ ଅଲମ୍ପିକ, ୧୯୩୬ରେ ବର୍ଲିନ ଅଲମ୍ପିକ, ୧୯୪୮ରେ ଲଣ୍ଡନ ଅଲମ୍ପିକ, ୧୯୫୨ରେ ହେଲସିଙ୍କି ଅଲମ୍ପିକ ଓ ୧୯୫୬ରେ ମେଲବର୍ଣ୍ଣ ଅଲମ୍ପିକରେ ଲଗାତାର ୬ ଥର ସ୍ୱର୍ଣ୍ଣ ପଦକ ଜିତିଥିଲା ।

୧୯୬୦ ରୋମ୍ ଅଲମ୍ପିକରେ ଭାରତ ଫାଇନାଲକୁ ଯାଇଥିଲା । ଲଗାତାର ସପ୍ତମ ଥର ସ୍ୱର୍ଣ୍ଣ ଜିତିବା ପାଇଁ ବେଶ୍ ଦମର ସହ ଲଢ଼ିଥିଲେ ଭାରତୀୟ ଖେଳାଳି । ଆଉ ପାକିସ୍ତାନ ଠାରୁ ୦-୧ରେ ହାରିବାକୁ ପଡ଼ିଥିଲା । ଫଳରେ ଭାରତକୁ ପ୍ରଥମ ଥର ପାଇଁ ରୌପ୍ୟରେ ସନ୍ତୁଷ୍ଟ ହେବାକୁ ପଡ଼ିଥିଲା । ଆଉ ୧୯୬୪ରେ ଟୋକିଓରେ ରୋମ୍ ଅଲମ୍ପିକର ପ୍ରତିଶୋଧ ନେଇଥିଲା ଭାରତ । ଫାଇନାଲରେ ପୁଣିଥରେ ଭାରତ-ପାକିସ୍ତାନ ମୁହାଁମୁହିଁ ହୋଇଥିଲେ । ଭାରତ ରୋମର ଅଲମ୍ପିକର ପ୍ରତିଶୋଧ ନେଇ ସପ୍ତମ ସ୍ୱର୍ଣ୍ଣ ଜିତିଥିଲା ।

These Are The Other Olympics In Which India Have Won Medals

୧୯୬୮ରେ ମେକ୍ସିକୋ ଅଲମ୍ପିକରେ କାଂସ୍ୟରେ ସନ୍ତୁଷ୍ଟ ହୋଇଥିଲା । ଏଥିସହ ୧୯୨୮ ପରେ ଭାରତ ପ୍ରଥମଥର ପାଇଁ ଫାଇନାଲରେ ସ୍ଥାନ ପାଇ ପାରି ନଥିଲା । ସେମି ଫାଇନାଲରେ ଭାରତ-ଅଷ୍ଟ୍ରେଲିଆ ଠାରୁ ହାରିଥିଲା । ଏହା ପରେ ପଶ୍ଚିମ ଜର୍ମାନୀ ସହ ହୋଇଥିବା ମ୍ୟାଚ୍ ଜିତି ଭାରତ ବ୍ରୋଞ୍ଜ ପଦକ ପାଇଥିଲା । ଏବେ ଟୋକିଓରେ ତାର ପୁନରାବୃତ୍ତି ହୋଇଛି । ଭାରତ-ଅଷ୍ଟ୍ରେଲିଆ ଠାରୁ ହାରି ଫାଇନାଲକୁ ଯାଇ ପାରିନଥିବା ବେଳେ ଜର୍ମାନୀକୁ ୫-୪ରେ ହରାଇ ପୁଣି ଥରେ ବ୍ରୋଞ୍ଜ ହାତେଇଛି । ଏହା ପରେ ୧୯୭୨ରେ ମ୍ୟୁନିଖ ଅଲମ୍ପିକରେ ଭାରତ କାଂସ୍ୟ ପଦକରେ ସନ୍ତୁଷ୍ଟ ହୋଇଥିଲା ।

୧୯୭୬ ମାଣ୍ଟ୍ରିୟଲ ଅଲମ୍ପିକ୍ ଭାରତୀୟ ହକି ଦଳ ପାଇଁ ବହୁତ ଖରାପ ଥିଲା । ପ୍ରଥମଥର ପାଇଁ ଭାରତୀୟ ହକି ଦଳ ନକ୍ ଆଉଟ୍ ପର୍ଯ୍ୟାୟ ପୂର୍ବରୁ ଅଲମ୍ପିକରୁ ବିଦାୟ ନେଇଥିଲା । ୧୯୨୮ ପରେ ପ୍ରଥମ ଥର ପାଇଁ ଭାରତ ଅଲମ୍ପିକରୁ ଖାଲି ହାତରେ ଫେରିଥିଲା । ଏହାପରେ ୧୯୮୦ରେ ମସ୍କୋ ଅଲମ୍ପିକରେ ଭାରତ ଲଢ଼ୁଆ ପ୍ରଦର୍ଶନ କରି ସ୍ପେନକୁ ମାତ୍ ଦେଇ ହକିରେ ଅଷ୍ଟମଥର ପାଇଁ ସ୍ୱର୍ଣ୍ଣ ଜିତିଥିଲା । ଟୋକିଓ ଅଲମ୍ପିକ ପୂର୍ବରୁ ହକିରେ ମସ୍କୋରେ ଭାରତକୁ ମିଳିଥିଲା ଶେଷ ପଦକ ।

କରୋନା କଟକଣା ସହ ଖୋଲିଲା ଭିତରକନିକା ଜାତୀୟ ଉଦ୍ୟାନ

କରୋନାର ଦ୍ୱିତୀୟ ଲହରରେ ପ୍ରଭାବିତ ହୋଇଛି ରାଜ୍ୟର ସମସ୍ତ ପର୍ଯ୍ୟଟନସ୍ଥଳ। ତେବେ ଅନ୍‌ଲକ୍‌ ପ୍ରକ୍ରିୟାରେ ଆରମ୍ଭ ହେବା ପରେ ରାଜ୍ୟ ସରକାର ସମସ୍ତ ପର୍ଯ୍ୟଟନ କେନ୍ଦ୍ର ଏବଂ ଧର୍ମାନୁଷ୍ଠାନ ଖୋଲିବାକୁ ନିର୍ଦ୍ଦେଶ ଦିଆଯାଇଛି। ସ୍ଥାନିୟ ପ୍ରଶାସନକୁ ଦାୟିତ୍ୱ ଦେଇଛନ୍ତି ରାଜ୍ୟ ସରକାର। କରୋନା ସ୍ଥିତି ଦେଖି ପର୍ଯ୍ୟଟନ କେନ୍ଦ ଖୋଲିବାକୁ ନିର୍ଦ୍ଦେଶ ଦେଇଛନ୍ତି। ସେପଟେ ଆଜିଠୁ ପର୍ଯ୍ୟଟକଙ୍କ ପାଇଁ ଖୋଲିଲା ଭିତରକନିକା ଜାତୀୟ ଉଦ୍ୟାନ। କରୋନା କଟକଣା ମଧ୍ୟରେ ଆଜିଠୁ ଭିତରକନିକା ଖୋଲିଛି। ଜାତୀୟ ଉଦ୍ୟାନରେ ପର୍ଯ୍ୟଟକମାନେ ଭ୍ରମଣ କରିବା ସମୟରେ ସାମାଜିକ ଦୂରତା ସହ ମାସ୍କ ଓ ସାନିଟାଇଜରକୁ ଗରୁତ୍ୱ ଦିଆଯାଇଛି। ଭିତରକିନିକାରେ କେବଳ ଦିନବେଳା ପର୍ଯ୍ୟଟକ ବୁଲି ପାରିବେ। ସକାଳୁ ସଂଧ୍ୟା ଯାଏ ଜାତୀୟ ଉଦ୍ୟାନ ଭିତରେ ପର୍ଯ୍ୟଟକମାନେ ବୁଲିପାରିବେ। ସଂଧ୍ୟା ପରେ ଭିତରକନିକରେ ପ୍ରବେଶ ଉପରେ କଟକଣା ରହିଛି। କୌଣସି ପର୍ଯ୍ୟଟକଙ୍କୁ ରାତ୍ରି ଯାପନ ପାଇଁ ଅନୁମତି ଦିଆଯାଇନାହିଁ। କୁମ୍ଭୀରଙ୍କ ପ୍ରଜନନ ପାଇଁ ମେ’ ପହିଲାରୁ ଭିତରକନିକା ବନ୍ଦ ଥିଲା।

ନୀଳଗିରି ଜଙ୍ଗଲରୁ ୩୦ଲକ୍ଷ ଟଙ୍କାର ଗଞ୍ଜେଇ ଜବତ

କୋରାପୁଟ: କୋରାପୁଟ ଜିଲ୍ଲା ବଡପଡ଼ା ନୀଳଗିରି ଜଙ୍ଗଲରୁ ୩୦ଲକ୍ଷ ଟଙ୍କାର ଗଞ୍ଜେଇ ଜବତ। ଲମତାପୁଟ ଓ ସଗର MDR ରାସ୍ତା ପାର୍ଶ୍ଵରେ ଥିବା ବଡପଡ଼ା ଗାଁ ନିକଟ ନୀଳଗିରି ଜଙ୍ଗଲରୁ ମାଛକୁଣ୍ଡ ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିଛି।

ବଡ଼ପଡ଼ା ନୀଳଗିରି ଜଙ୍ଗଲରେ ଗଞ୍ଜେଇ ମାଫିଆମାନେ ଗଞ୍ଜେଇ ଗଚ୍ଛିତ କରି ରଖିଥିବା ପୋଲିସ କୌଣସି ସୂତ୍ରରୁ ସୂଚନା ପାଇଥିଲା। ମାଛକୁଣ୍ଡ, ଲମତାପୁଟ ଓ ଜଳାପୁଟ ପୋଲିସ ଏକ ସ୍ୱତନ୍ତ୍ର ଟିମ ଗଠନ କରି ବଡ଼ପଡ଼ା ଗାଁ ନିକଟ ନୀଳଗିରି ଜଙ୍ଗଲରେ ଗଞ୍ଜେଇ ଜବତ କରିଥିଲେ।

୧ ହଜାର ୧୦କେଜି ୯୦୦ଗ୍ରାମ  ଗଞ୍ଜେଇ ଜବତ କରାଯାଇଛି। ଜବତ ଗଞ୍ଜେଇର ମୂଲ୍ୟ ୩୦ଲକ୍ଷ ଟଙ୍କାରୁ ଅଧିକ ହେବ। ପୋଲିସ ଏହି ମାମଲାରେ କାହାରିକୁ ଗିରଫ କରିନଥିବା ବେଳେ ଏହାର ଅଧିକ ତଦନ୍ତ ଜାରି ରହିଥିବା ମାଛକୁଣ୍ଡ ପୋଲିସ ପକ୍ଷରୁ ସୂଚନା ଦିଆଯାଇଛି।

ISIS ପାଇଁ ପାଣ୍ଠି ସଂଗ୍ରହ ଓ କ୍ୟାଡର ଚୟନ କରିବା ଅଭିଯୋଗରେ ୪ ଗିରଫ

ନୂଆଦିଲ୍ଲୀ: ଭାରତରେ ଇସଲାମିକ ଷ୍ଟେଟ ଅଫ ଇରାକ ଆଣ୍ଡ ସିରିୟା ବା ଆଇଏସଆଇଏସ ସଂଗଠନ ଲାଗି ପାଣ୍ଠି ସଂଗ୍ରହ ଓ କ୍ୟାଡର ଚୟନ ଘଟଣାରେ ୪ ଜଣ ଗିରଫ। ଏହା ସହ ଜାମ୍ମୁ ଓ କାଶ୍ମୀର, କର୍ଣ୍ଣାଟକର ବିଭିନ୍ନ ସ୍ଥାନରେ ଚଢାଉ କରିଛି ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏ। ଜାମ୍ମୁ ଓ କାଶ୍ମୀରର ତିନିଟି ସ୍ଥାନରେ ଓ କର୍ଣ୍ଣାଟକର ମାଙ୍ଗାଲୁରୁ ଓ ବେଙ୍ଗଳୁରୁର କିଛି ସ୍ଥାନରେ ଏହି ଚଢାଉ ହୋଇଛି। ଆଇଏସଆଇଏସ ଆତଙ୍କବାଦୀ ସଂଗଠନର କିଛି କର୍ମୀ ନୂଆ ସଦସ୍ୟଙ୍କୁ ଚୟନ କରୁଥିବା ଅଭିଯୋଗ କ୍ରମେ ଏନଆଇଏ ପକ୍ଷରୁ ଏହି ଚଢାଉ କରାଯାଇଥିଲା। ସେମାନଙ୍କ ନିକଟରୁ ଡିଜିଟାଲ ଯନ୍ତ୍ରପାତି, ମୋବାଇଲ, ହାର୍ଡଡିସ୍କ, ପେନଡ୍ରାଇଭ, ବହୁ ସିମ୍ କାର୍ଡ ଜବତ ହୋଇଛି। ଦେଶରେ ଆଇଏସଆଇଏସ ସଂଗଠନ ସକ୍ରିୟ ଥିବା ଖବର ପାଇ ଏନଆଇଏ ନିଜ ଆଡୁ ମାମଲା ରୁଜୁ କରି ତଦନ୍ତ ଚଳାଇଥିଲା। ଗତ ମାର୍ଚ୍ଚରେ ଏନେଇ ମାମଲା ରୁଜୁ ହୋଇଥିଲା। କେରଳର ମହମ୍ମଦ ଅମିନ ନାମକ ଜଣେ ବ୍ୟକ୍ତି ଓ ତାଙ୍କର ସହଯୋଗୀ ଟେଲିଗ୍ରାମ, ହୁପ୍, ଇନଷ୍ଟାଗ୍ରାମ ଆଦି ଜରିଆରେ ଆଇଏସ କାର୍ଯ୍ୟକଳାପର ପ୍ରସାର କରୁଥିଲେ ଏବଂ ନୂଆ ଯୁବକମାନଙ୍କୁ ସଂଗଠନରେ ସାମିଲ କରିବା ଲାଗି ଯୋଜନା କରୁଥିଲେ। ମହମ୍ମଦ ଅମିନ ଗତବର୍ଷଠାରୁ ଦେଶର ବିଭିନ୍ନ ସ୍ଥାନରେ ଏହି କାର୍ଯ୍ୟରେ ଲିପ୍ତ ଥିଲା।

ଜାମ୍ମୁ ଓ କାଶ୍ମୀରରୁ ୩୭୦ ଧାରା ଉଚ୍ଛେଦର ୨ ବର୍ଷ ପୂର୍ତ୍ତି

ନୂଆଦିଲ୍ଲୀ: ଜାମ୍ମୁ ଓ କାଶ୍ମୀରକୁ ପ୍ରଦାନ କରାଯାଇଥିବା ସ୍ୱତନ୍ତ୍ର ପାହ୍ୟା ମାନ୍ୟତା ପ୍ରତ୍ୟାହାରକୁ ପୂରିଲା ଦୁଇ ବର୍ଷ। ସଂସଦରେ ଅନେକ ବାଦବିବାଦ ପରେ ହଟିଥିଲା ଧାରା ୩୭୦। ଗୃହିତ ହୋଇଥିଲା ଜାମ୍ମୁ ଓ କାଶ୍ମୀର ପୁନର୍ଗଠନ ବିଲ୍। ଏହି ବିଲ୍ ଗୃହିତ ହେବା ଯୋଗୁ ଜାମ୍ମୁ ଓ କାଶ୍ମୀର ଏବଂ ଲଦାଖ ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ ହୋଇଥିଲା। ତେବେ ଜାମ୍ମୁ ଓ କାଶ୍ମୀରର ବିଧାନସଭା ରହିଥିବାବେଳେ ଲଦାଖର ବିଧାନସଭା ରହି ନଥିଲା। ୩୭୦ ଧାରା ଉଚ୍ଛେଦକୁ ନେଇ ସରକାର ଦେଖାଇଥିଲେ ନାନା ପ୍ରତିଶ୍ରୁତି ଓ ବିକାଶର ସ୍ୱପ୍ନ । ଏପରିକି ଆତଙ୍କବାଦୀ କାର୍ଯ୍ୟକଳାପ ବନ୍ଦ ହେବ ବୋଲି ଗୃହରେ କହିଥିଲେ। ମାତ୍ର ଦୁଇ ବର୍ଷ ପରେ ବି ସ୍ଥିତି ରହିଛି ପୂର୍ବବତ। ସରକାର କହିଥିଲେ ଲୋକଙ୍କ ନିକଟରେ ପହଞ୍ଚିପାରିବ ବିକାଶ। ଭୋଟବ୍ୟାଙ୍କ ରାଜନୀତି ଓ ଶୋଷଣ ବନ୍ଦ ହେବ। ଏହି ଧାରା ରହିବା ଯୋଗୁ ଲୋକଙ୍କ ବିକାଶ ପ୍ରଭାବିତ ହେଉଥିଲା। ଯେଉଁମାନେ ନାଗରିକତ୍ୱ ପାଇନାହାନ୍ତି ସେମାନେ ଏହା ପାଇବେ। ଏହା ସହ ରାଜ୍ୟରେ ଶାନ୍ତି ପ୍ରତିଷ୍ଠା ହେବ। ମାତ୍ର ଏହି ଧାରା ଉଚ୍ଛେଦର ୨ ବର୍ଷ ପରେ ସ୍ଥିତି ସୁଧୁରିଲା ନାହିଁ। ନା ହୋଇଛି ରାଜ୍ୟର ଆର୍ଥିକ ବିକାଶ ନା କମିଛି ଆତଙ୍କବାଦ।

ସିବିଆଇ ନିର୍ଦ୍ଦେଶକ ଆଲୋକ ବର୍ମାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଲାଗି କେନ୍ଦ୍ର ଗୃହମନ୍ତ୍ରାଳୟର ସୁପାରିଶ

ନୂଆଦିଲ୍ଲୀ: ବଢିଲା ପୂର୍ବତନ ସିବିଆଇ ନିର୍ଦ୍ଦେଶକ ଆଲୋକ ବର୍ମାଙ୍କ ଅଡୁଆ। ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଲାଗି ସୁପାରିଶ କରିଛି କେନ୍ଦ୍ର ଗୃହମନ୍ତ୍ରାଳୟ। ସେବା ନିୟମ ଉଲ୍ଲଂଘନ ଓ ପଦବିର ଅପବ୍ୟବହାର ଅଭିଯୋଗ କ୍ରମେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ଲାଗି ଏହି ସୁପାରିଶ ହୋଇଛି। ବିଭିନ୍ନ ଅଭିଯୋଗ କ୍ରମେ ତାଙ୍କୁ ଗତ ୨୦୧୯ ଜାନୁଆରୀରେ ସିବିଆଇ ନିର୍ଦ୍ଦେଶକ ପଦରୁ ହଟାଇଦିିଆଯାଇଥିଲା। ଯଦି ତାଙ୍କ ବିରୋଧରେ ହୋଇଥିବା ସୁପାରିଶକୁ ୟୁପିଏସସି ଗ୍ରହଣ କରେ ତେବେ ତାଙ୍କର ପେନସନ ହ୍ରାସ ହେବ ବା ସ୍ଥାୟୀ ଭାବେ ଏହାକୁ ରଦ୍ଦ କରାଯିବ।

ଏହା ସହ ସେ ପାଇବାକୁ ଥିବା ଅବସରକାଳୀନ ସୁବିଧା ବି ବନ୍ଦ ହେବ। ସିବିଆଇ ନିର୍ଦ୍ଦେଶକ ପଦରୁ ହଟିବା ପରେ ତାଙ୍କୁ ଅଗ୍ନିସେବା ବିଭାଗ ଡିଜି ଭାବେ ଯୋଗ ଦେବା ଲାଗି ନିର୍ଦ୍ଦେଶ ଦିଆଯାଇଥିଲା। ଏଥିଲାଗି ଗୃହମନ୍ତ୍ରାଳୟ ପକ୍ଷରୁ ପର୍ସୋନେଲ ବିଭାଗକୁ କୁହାଯାଇଥିଲା। ମାତ୍ର ଶ୍ରୀ ବର୍ମା ଏହି ପଦବିରେ ଯୋଗ ଦେଇନଥିଲେ। ସିବିଆଇ ନିର୍ଦ୍ଦେଶକ ପଦରୁ ହଟିବା ପ୍ରସ୍ତାବକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସିଜେଆଇ ନୋମିନି ଜଷ୍ଟିସ ଏ.କେ. ସିକ୍ରି ଓ ଲୋକସଭାରେ ତତକାଳୀନ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ ସ୍ୱୀକୃତି ଦେଇଥିଲେ।

କେନ୍ଦ୍ରୀୟ ଦୁର୍ନୀତି ନିବାରଣ ଆୟୋଗ ବା ସିଭିସି ବର୍ମାଙ୍କ ବିରୋଧରେ ଅନେକ ପ୍ରମାଣ ପାଇବା ପରେ ତାଙ୍କୁ ସିବିଆଇ ମୁଖ୍ୟ ପଦରୁ ହଟାଇବା ଲାଗି ପଦକ୍ଷେପ ନିଆଯାଇଥିଲା। ସିବିଆଇ ମୁଖ୍ୟ ପଦରୁ ହଟିବା ପୂର୍ବରୁ ସିବିଆଇର ସ୍ୱତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନାଙ୍କ ବିରୋଧରେ ବର୍ମା କିଛି ଗୁରୁତ୍ୱପୂର୍ଣ୍ଣ ଅଭିଯୋଗ ଆଣିଥିଲେ।

ଯୁକ୍ତ ଦୁଇ ପ୍ରଥମ ବର୍ଷ ଆଡମିଶନ ପାଇଁ ଜାରି ହେଲା ଆଡମିଶନ ସଂକ୍ରାନ୍ତ ମାର୍ଗଦର୍ଶିକା

ଭୁବନେଶ୍ୱର: ଯୁକ୍ତ ଦୁଇ ପ୍ରଥମ ବର୍ଷ ଆଡମିଶନ ପାଇଁ ଆରମ୍ଭ ହେଲା ପ୍ରକ୍ରିୟା। ଇଚ୍ଛୁକ ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଜାରି ହେଲା ଆଡମିଶନ ସଂକ୍ରାନ୍ତ ମାର୍ଗଦର୍ଶିକା। ଆଡମିଶନ ପାଇଁ କେବଳ ସାମ୍‌ସ ପୋର୍ଟାଲରେ ଅନଲାଇନରେ ଆବେଦନ ଗ୍ରହଣ ହେବ। ଏନେଇ ଖୁବଶୀଘ୍ର ବିଜ୍ଞପ୍ତି ପ୍ରକାଶ ପାଇବ। ଆବେଦନ ସମୟରେ କୌଣସି ଘରୋଇ ଏଜେଣ୍ଟ କିମ୍ବା ଏଜେନ୍ସିକୁ ଛାତ୍ରଛାତ୍ରୀମାନେ ଡକୁମେଣ୍ଟ ନଦେବା ଲାଗି ନିର୍ଦ୍ଦେଶାଳୟ ପକ୍ଷରୁ ସତର୍କ କରାଇଦିଆଯାଇଛି। କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ଷ୍ଟ୍ରିମରେ ଆଡମିଶନ ଲାଗି https://samsodisha.gov.in ଓ୍ୱେବସାଇଟ ଜରିଆରେ ଅନଲାଇନରେ ଆବେଦନ କରାଯିବ। ଅନଲାଇନ କମନ ଆପ୍ଲିକେସନ ଫର୍ମ ବା ସିଏଏଫ ପୂରଣ ଓ ଦାଖଲ ପୂର୍ବରୁ ଛାତ୍ର ଏବଂ ଅଭିଭାବକଙ୍କୁ ପୁଙ୍ଖାନୁପୁଙ୍ଖ ଅନୁଧ୍ୟାନ କରିବାକୁ ପରାମର୍ଶ ଦିଆଯାଇଛି। ଅନଲାଇନ ଆବେଦନ କରିବାକୁ ହେଲେ ମୋବାଇଲ ଫୋନ ନମ୍ବର ସହିତ ସାମସ ପୋର୍ଟାଲରେ ପଞ୍ଜୀକରଣ କରିବାକୁ ପଡ଼ିବ।

ରାଜ୍ୟରେ ୧୩୪୨ ନୂଆ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଦିନକରେ ୨୯ ଜିଲ୍ଲା ଓ ଷ୍ଟେଟପୁଲରୁ ୧୩ଶହ୪୨ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ୬୮ ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା। ବୌଦ୍ଧରେ ଦୈନିକ ସଂକ୍ରମଣ ରହିଛି ଶୂନ। କ୍ୱାରେଣ୍ଟାଇନରୁ ୭୭୫ ଓ ଲୋକାଲ କେସ୍ ୫୬୭ ରହିଛି। ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୧୬ଶହ ୩୦। ଖୋର୍ଦ୍ଧାରୁ ସର୍ବାଧିକ ୪୭୭, କଟକରୁ ୧୬୪, ଷ୍ଟେଟପୁଲରୁ ୧୦୫, ଜଗତସିଂହପୁରରୁ ୭୮, ଯାଜପୁରରୁ ୬୬, ବାଲେଶ୍ୱରରୁ ୫୯, ପୁରୀରୁ ୫୫, କେନ୍ଦ୍ରାପଡାରୁ ୪୩, ମୟୂରଭଞ୍ଜରୁ ୪୧, ଭଦ୍ରକରୁ ୪୦, ଅନୁଗୁଳରୁ ୩୦, ନୟାଗଡ଼ରୁ ୨୮, କେନ୍ଦୁଝରରୁ ୨୩, ଢେଙ୍କାନାଳରୁ ୧୯, ରାୟଗଡ଼ା ଓ ସମ୍ବଲପୁରରୁ ୧୮ଜଣ ଲେଖାଏଁ, ସୁନ୍ଦରଗଡ଼ରୁ ୧୩, କୋରାପୁଟରୁ ୧୧, ଗଞ୍ଜାମରୁ ୯, ବରଗଡ଼ରୁ ୮, ମାଲକାନଗିରିରୁ ୭ ସଂକ୍ରମିତ, କନ୍ଧମାଳରୁ ୫, ଗଜପତି ଓ ସୋନପୁରରୁ ୪ଜଣ ଲେଖାଏଁ, ବଲାଙ୍ଗୀର, ଦେବଗଡ଼, ଝାରସୁଗୁଡା, କଳାହାଣ୍ଡି, ଓ ନୂଆପଡାରୁ ୩ଜଣ ଲେଖାଏଁ, ନବରଙ୍ଗପୁରରୁ ୨ ସଂକ୍ରମିତ ଚିହ୍ନଟ ହୋଇଛନ୍ତି। ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୮୩ହଜାର ୫୨୩ ଥିବା ବେଳେ ମୋଟ୍ ସୁସ୍ଥ ହେଲେଣି ୯ଲକ୍ଷ ୬୩ହଜାର ୭୧୮। ଆକ୍ଟିଭ କେସ୍ ରହିଛି ୧୩ହଜାର ୫୧୬।

ବ୍ରୋଞ୍ଜ ପଦକ ଜିତିବା ପରେ ଭାରତୀୟ ହକି ଦଳକୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ଏବଂ ଦିଲୀପ ତିର୍କି

ଭୁବନେଶ୍ୱର: ଅଲମ୍ପିକ୍‌ରେ ଇତିହାସ ରଚିଲା ଭାରତ। ଟିମ୍ ଇଣ୍ଡିଆ ୪୧ ବର୍ଷ ପରେ ଅଲିମ୍ପିକ୍ସରେ ଦେଶ ପାଇଁ ପଦକ ଆଣିଛି। ବ୍ରୋଞ୍ଜ ପଦକ ମ୍ୟାଚ୍‌ରେ ୫-୪ ଗୋଲରେ ଜର୍ମାନୀକୁ ପରାସ୍ତ କରିଛି। ଏହି ମ୍ୟାଚ୍‌ରେ ଏମିତି ଏକ ସମୟ ଆସିଥିଲା ଯେତେବେଳେ ଭାରତ ୩-୧ ଗୋଲରେ ପଛରେ ଥିଲା। କିନ୍ତୁ ଏହା ପରେ ଭାରତୀୟ ଟିମ୍‌ ପଦକ ଜିତିବା ଟ୍ରାକ୍‌କୁ ପୁଣି ଫେରିଥିଲା। ଜବରଦସ୍ତ ଗେମ୍‌ ପ୍ଲାନ୍‌ରେ ଅଲମ୍ପିକ୍‌ ସ୍ୱର୍ଣ୍ଣ ବିଜେତାକୁ ପରାସ୍ତ କରିଛି। ଏହା ପରେ ସୋସିଆଲ ମିଡିଆରେ ଟିମ୍‌ ଇଣ୍ଡିଆ ପାଇଁ ଅଭିନନ୍ଦନ ବାର୍ତ୍ତା ଆସିବାରେ ଲାଗିଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍ କରି ଟିମ୍ ଇଣ୍ଡିଆକୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦି  ତିହାସିକ ଲେଖିଛନ୍ତି! ଏହା ହେଉଛି ଏମିତି ଏକ ଦିନ ଯାହା ପ୍ରତ୍ୟେକ ଭାରତୀୟଙ୍କ ସ୍ମୃତିରେ ଲିପିବଦ୍ଧ ରହିବ।  ବ୍ରୋଞ୍ଜ ପଦକ ଜିତିବା ପାଇଁ ଆମ ପୁରୁଷ ହକି ଦଳକୁ ଅଭିନନ୍ଦନ। ଏହି ସଫଳତା ସହିତ ସେ ସମଗ୍ର ଦେଶର ବିଶେଷ କରି ଆମର ଯୁବକମାନଙ୍କ ଆଶା ପୂରଣ କରିଛନ୍ତି। ଏଭଳି ହକି ଦଳ ପାଇଁ ଭାରତ ଆଜି ଗର୍ବିତ ବୋଲି ପ୍ରଧାନମନ୍ତ୍ରୀ ଟ୍ୱିଟ୍‌ କରିଛି ଜଣାଇଛନ୍ତି।

ସେପଟେ ପୂର୍ବତନ ହକି ଖେଳାଳି ତଥା ସାଂସଦ ଦିଲୀପ ତିର୍କି ଏହାକୁ ଏକ ଐତିହାସିକ ବିଜୟ ବୋଲି କହିଛନ୍ତି। ତିର୍କି ଟ୍ୱିଟ୍ କରି ଐତିହାସିକ ବିଜୟ କହିଛନ୍ତି! ଭାରତୀୟମାନଙ୍କ ପାଇଁ ବହୁଦିନର ସ୍ୱପ୍ନ ସାକାର ହୋଇଛି। ଟୋକିଓ ଅଲିମ୍ପିକ୍ସରେ ଜର୍ମାନୀକୁ ପରାସ୍ତ କରି ବ୍ରୋଞ୍ଜ ପଦକ ଜିତିଥିବାରୁ ଭାରତୀୟ ପୁରୁଷ ହକି ଦଳକୁ ଅଭିନନ୍ଦନ ବୋଲ ଦିଲୀପ କହିଛନ୍ତି ।