spot_img
Home Blog Page 5472

ରାଜ୍ୟସ୍ତରୀୟ ସ୍ୱାଧୀନତା ଦିବସରେ ମୁଖ୍ୟମନ୍ତ୍ରୀଙ୍କ ପତାକା ଉତ୍ତୋଳନ: କହିଲେ, ଯୁବପିଢ଼ିଙ୍କ ଉପରେ ନିବେଶ, ଭବିଷ୍ୟତ ଉପରେ ନିବେଶ

ଭୁବନେଶ୍ୱର: ସ୍ଥାନୀୟ ପ୍ରଦର୍ଶନୀ ପଡ଼ିଆରେ ଚଳିତ ବର୍ଷ ରାଜ୍ୟସ୍ତରୀୟ ସ୍ୱାଧୀନତା ଦିବସ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପତାକା ଉତ୍ତୋଳନ କରିଛନ୍ତି । ଏବଂ ରାଜ୍ୟବାସୀଙ୍କୁ ୭୫ତମ ସ୍ୱାଧୀନତା ଦିବସ ଅବସରରେ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଜାତିର ପିତା ମାହାତ୍ମା ଗାନ୍ଧୀ, ପଣ୍ଡିତ ଜବାହାରଲାଲ ନେହେରୁ, ନେତାଜୀ ସୁଭାଷ ଚନ୍ଦ୍ର ବୋଷ, ଉତ୍କଳ ମରି ପଣ୍ଡିତ ଗୋପବନ୍ଧୁ ଦାସ, ଉତ୍କଳ ଗୌରବ ମଧୁସୂଦନ ଦାସ, ବୀର ସୁରେନ୍ଦ୍ର ସାଏ, ଗୋପବନ୍ଧୁ ଚୌଧୁରୀ, ନବକୃଷ୍ଣ ଚୌୁଧୁରୀ, ମାଆ ରମାଦେବୀ, ମାଳତି ଚୌଧୁରୀ, ପାର୍ବତୀ ଗିରି, ଶହୀଦ ଲକ୍ଷ୍ମର ନାୟକ, ହରେକୃଷ୍ଣ ମହତାବ ଓ ବିଜୁ ପଟ୍ଟନାୟକଙ୍କ ପ୍ରତି ଏହି ଅବସରରେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ମୁଖ୍ୟମନ୍ତ୍ରୀ । ଦେଶର ଶାନ୍ତି ସୁରକ୍ଷା ନେଇ ସଂଗ୍ରାମ କରି ଶହୀଦ ହୋଇଥିବା ଆମର ବୀର ଯବନାମାନଙ୍କ ପ୍ରତି ମଧ୍ୟ ଏହି ଅବସରରେ ମୁଖ୍ୟମନ୍ତ୍ରୀ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି  । ଏଥିସହିତ କରୋନା ଲଢ଼େଇରେ ଶହୀଦ ହୋଇଥିବା କରୋନା ଯୋଦ୍ଧାଙ୍କ ପ୍ରତି ମଧ୍ୟ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।

ଭାରତର ଗଣତନ୍ତ୍ର ଭାରତର ସବୁଠାରୁ ବଡ଼ ସଫଳତା । ଆମ ଗଣତନ୍ତ୍ର ହିଁ ଆମ ବିକାଶକୁ ଅଧିକ ସୁଗମ କରିଛି । ଦେଶକୁ ମଜବୁତ୍ କରିଛି । ଇନ୍‌ଭେଷ୍ଟମେଣ୍ଟ ଇନ୍ ୟୁଥ୍‌ ଇଜ୍ ଇନ୍‌ଭେଷ୍ଟମେଣ୍ଟ ଇନ୍ ଫୁ୍ଚର ବୋଲି ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି । ୪୦ ବର୍ଷ ପରେ ଭାରତୀୟ ହକି ଦଳ ପଦକ ବିଜୟୀ ହୋଇଛି । ୨୦୧୮ରେ ଆମେ ହକି ବିଶ୍ୱକପ୍ ଆୟୋଜନର ଏକ ମାତ୍ର ଲକ୍ଷ୍ୟ ଥିଲା ପୁଣିଥରେ ହକିକୁ ଲୋକପ୍ରିୟ କରିବା । ଭାରତୀୟ ଦଳକୁ ପୁଣ ଥରେ ଶ୍ରେଷ୍ଠ କରି ଗଢ଼ିତୋଳିବ । ଟୋକିଓ ଅଲିମ୍ପିକ୍ସ ସାରା ଦେଶରେ ଖୁସିର ମାହୋଲ ସୃଷ୍ଟି କରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ରାଜ୍ୟରେ ଶିକ୍ଷା କ୍ଷେତ୍ରରେ ଚାଲିଛି ରୂପାନ୍ତର । ୫-ଟି ଉପକ୍ରମରେ ପ୍ରଥମ ପର୍ଯ୍ୟାୟରେ ୧୦୭୨ ସ୍କୁଲର ରୂପାନ୍ତର କରାଯାଇଛି । ସେହିପରି ମୋ ସ୍କୁଲ ଅଭିଯାନରେ ୫ ଲକ୍ଷରୁ ଅଧିକ ପୁରାତନ ଛାତ୍ରଛାତ୍ରୀ, ୩୨ ହଜାରରୁ ଅଧିକ ସ୍କୁଲର ବିକାଶ ପାଇଁ ଆଗେଇ ଆସିଥିବାରୁ ମୁଖ୍ୟମନ୍ତ୍ରୀ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ଏହି ଅବସରରେ କୋଭିଡ ମହାମାରୀକୁ ବିଶ୍ବ ଇତିହାସର ସବୁଠାରୁ ବଡ ସ୍ୱାସ୍ଥ୍ୟ ସମସ୍ୟା ଭାବରେ ବର୍ଣ୍ଣନା କରି ଏହାର ମୁକାବିଲାରେ ମାନବ ଜାତି ନିଶ୍ଚୟ ସଫଳ ହେବ ବୋଲି ମୁଖ୍ୟମନ୍ତ୍ରୀ ଆଶାବ୍ୟକ୍ତ କରିଥିଲେ । କୋଭିଡ ସମୟରେ ଦେଶର ୧୭ଟି ରାଜ୍ୟକୁ ଦୁଇ ମାସ ଧରି ମେଡିକାଲ ଅକ୍‌ସିଜେନ ନିରନ୍ତର ଭାବରେ ଯୋଗାଇ ଓଡିଶା ବହୁ ମୂଲ୍ୟବାନ ଜୀବନ ବଞ୍ଚାଇପାରିଛି ବୋଲି ମୁଖ୍ୟମନ୍ତ୍ରୀ ପ୍ରକାଶ କରିବା ସହିତ ଏହା ଓଡିଶା ପାଇଁ ଗର୍ବର ବିଷୟ ବୋଲି କହିଛନ୍ତି ।

ସ୍ୱାଧୀନତା ଦିବସ ଅବସରରେ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା: ସର୍ବଶ୍ରେଷ୍ଠ ରାଜ୍ୟଭାବେ ଗଢ଼ିତୋଳିବାକୁ ଆହ୍ୱାନ

ଭୁବନେଶ୍ୱର: ୭୫ତମ ସ୍ୱାଧୀନତା ଦିିବସ ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ରାଜ୍ୟପାଳ ରାଜ୍ୟବାସୀଙ୍କୁ ଏ ଅବସରରେ ଶୁଭେଚ୍ଛା ଜଣାଇବା ସହ ଆମ ରାଜ୍ୟ ଓଡ଼ିଶା ଦେଶର ସର୍ବଶ୍ରେଷ୍ଠ ରାଜ୍ୟ ଭାବେ ପରିଣତ କରିବା ନେଇ ସଂକଳ୍ପ ନେବାକୁ ଆହ୍ୱାନ ଦେଇଛନ୍ତି ।

ଅନ୍ୟପକ୍ଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ଟ୍ୱିଟ୍ ଯୋଗେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇବା ସହ ଦେଶର ଏକତା ଓ ଅଖଣ୍ଡତାକୁ ବଜାୟ ରଖି ଏକ ସମୃଦ୍ଧ ଭାରତ ଗଠନ ପାଇଁ ସଂକଳ୍ପବଦ୍ଧ ହେବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ ।

https://www.youtube.com/watch?v=7wonpuHCQeI

ଐତିହାସିକ ଲାଲକିଲ୍ଲାରେ ପ୍ରଧାନମନ୍ତ୍ରୀଙ୍କ ପତାକା ଉତ୍ତୋଳନ: ସବ୍‌କା ସାଥ୍, ସବ୍‌କା ବିକାଶ, ସବ୍‌କା ପ୍ରୟାସ ପାଇଁ ଆହ୍ୱାନ

ନୂଆଦିଲ୍ଲୀ: ୭୫ ତମ ସ୍ୱାଧୀନତା ଦିବସ ଅବସରରେ ଐତିହାସିକ ଲାଲକିଲ୍ଲାରେ ପତାକା ଉତ୍ତୋଳନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗତ ଥରଭଳି ଚଳିତ ଥର ମଧ୍ୟ କରୋନା କଟକଣା ମଧ୍ୟରେ ଦେଶ ପାଳୁଛି ସ୍ୱାଧୀନତା ଦିବସ । ଲାଲକିଲ୍ଲାରେ କଡ଼ା ସୁରକ୍ଷା ମଧ୍ୟରେ ପତାକା ଉତ୍ତୋଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ପତାକା ଉତ୍ତୋଳନ କାର୍ଯ୍ୟକ୍ରମରେ ୩ ସେନା ମୁଖ୍ୟଙ୍କ ସମେତ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ଓ ପ୍ରତିରକ୍ଷା ମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତିମାନେ ଉପସ୍ଥିତ ଅଛନ୍ତି ।

Image

ଏହି ଅବସରରେ ଦେଶର ସମସ୍ତ ସ୍ୱାଧୀନତା ସଂଗ୍ରମାୀଙ୍କ ମନେ ପକାଇଛନ୍ତି ପ୍ରଧାନମନ୍ତ୍ରୀ ।  ଏବଂ ସେମାନଙ୍କୁ ପ୍ରଣାମ କରିବା ସମୟ ବୋଲି ପ୍ରଧାନମନ୍ତ୍ରୀ କହିଛନ୍ତି । ଏଥିସହିତ କରୋନା କାଳରେ ଲୋକଙ୍କ ସେବାରେ ଜଡ଼ିତ ସ୍ୱାସ୍ଥ୍ୟକର୍ମୀ, ଡାକ୍ତର, ସଫେଇ କର୍ମଚାରୀ, ଭ୍ୟାକ୍ସିନେସନ୍ କାର୍ଯ୍ୟକ୍ରମରେ ଜଡ଼ିତ କର୍ମଚାରୀ, ବୈଜ୍ଞାନିକମାନଙ୍କୁ ଅଭିନନ୍ଦନ ଜଣାଇବାର ସମୟ । ଏଥିସହିତ ନୂଆଦିଲ୍ଳୀରେ ଅନୁଷ୍ଠିତ ସ୍ୱାଧୀନତା ଦିବସ ଅବସରରେ ଉପସ୍ଥିତ ଅଲମ୍ପିଆନ୍‌ଙ୍କୁ ଉତ୍ସାହିତ କରିବା ନେଇ ସମ୍ମିଳୀତ ଭାବେ କରତାଳି ଦେବାକୁ ଆହ୍ୱାନ ଦେଇଥିଲେ ।

Image

ଆସନ୍ତା ବର୍ଷଠାରୁ ଅଗଷ୍ଟ ୧୪କୁ ବିଭାଜନ ବିଭିଷୀକ ସ୍ମୃତି ଦିବସ ଭାବେ ପାଳନ କରାଯିବ କରାଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ସେ ଆହୁରି କହିଛନ୍ତି ଯେ,“ଅମୃତ କାଳକୁ ୨୫ବର୍ଷ ବାକି ଅଛି, କିନ୍ତୁ ସେ ପର୍ଯ୍ୟନ୍ତ ଆମକୁ ଅପେକ୍ଷା କରିବାକୁ ପଡିବ ନାହିଁ । ସ୍ୱାଧୀନତାର ୧୦୦ ବର୍ଷ ପାଳନ ଅବସରରେ ଆମକୁ ଏକ ନୂତନ ଭାରତ ଗଠନ ଆରମ୍ଭ କରିବା ଆବଶ୍ୟକ | “ସବକା ସାଥ, ସବକା ବିକାଶ, ସବକା ବିଶ୍ୱାସ” ସହିତ “ସବକା ପ୍ରୟାସ” ଦ୍ୱାରା ଆମେ ଆମର ଲକ୍ଷ୍ୟ ହାସଲ କରିପାରିବା । ଭାରତ ସ୍ୱାଧୀନତାର ୧୦୦ ବର୍ଷ ପାଳନ କରିବା ପୂର୍ବରୁ ଆମକୁ ଆତ୍ମନିର୍ଭରଶୀଳ ଭାରତ ନିର୍ମାଣର ଲକ୍ଷ୍ୟକୁ ପୂରଣ କରିବାକୁ ପଡିବ ।

ଜମ୍ମୁ-କଶ୍ମୀରରେ ହେଉଥିବା ବଡ଼ ପରିବର୍ତ୍ତନ ବିଷୟରେ କହିବାକୁ ଯାଇ ପ୍ରଧାନମନ୍ତ୍ରୀ କହିଥିଲେ ଯେ, ଜମ୍ମୁ-କଶ୍ମୀରର ବିକାଶ ଏବେ ସମସ୍ତେ ଦେଖିପାରୁଛନ୍ତି | ଜମ୍ମୁ-କଶ୍ମୀର ଏବେ ଅନ୍ୟ ରାଜ୍ୟ ଭଳି ବିଧାନସଭା ନିର୍ବାଚନ ପାଇଁ ପ୍ରସ୍ତୁତ ହେଉଛି |

ଏହା ସହ କ୍ଷୁଦ୍ର ଚାଷୀଙ୍କୁ ଧ୍ୟାନରେ ରଖି ସରକାର ନୀତି ପ୍ରସ୍ତୁତ କରୁଛନ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ | ତାଙ୍କ କହିବା ମୁତାବକ, କ୍ଷୁଦ୍ର କୃଷକମାନେ ଦେଶର ଗର୍ବ | ଆଗାମୀ ବର୍ଷରେ ଆମକୁ ଦେଶର କ୍ଷୁଦ୍ର ଚାଷୀଙ୍କ ସାମୂହିକ ଶକ୍ତି ବୃଦ୍ଧି କରିବାକୁ ପଡିବ। ସେମାନଙ୍କୁ ନୂତନ ସୁବିଧା ଦିଆଯିବାକୁ ପଡିବ | ଦେଶର ୮୦% ରୁ ଅଧିକ ଏମିତି କୃଷକ ଅଛନ୍ତି, ଯେଉଁମାନଙ୍କର ୨ ହେକ୍ଟରରୁ କମ୍ ଜମି ଅଛି | ଦେଶରେ ପୂର୍ବରୁ କରାଯାଇଥିବା ନୀତିଗୁଡିକରେ ଏହି ଛୋଟ ଚାଷୀଙ୍କ ଉପରେ ଧ୍ୟାନ ଦିଆଯାଇନଥିଲା, ବର୍ତ୍ତମାନ ଏହି କ୍ଷୁଦ୍ର ଚାଷୀଙ୍କୁ ଧ୍ୟାନରେ ରଖି ନିଷ୍ପତ୍ତି ନିଆଯାଉଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

Image

Image

Image

https://www.youtube.com/watch?v=7wonpuHCQeI

ସ୍ୱାଧୀନତା ଦିବସ ପାଳନ ପୂର୍ବରୁ ଭାରତ-ପାକିସ୍ତାନ ସୀମାନ୍ତରେ ଉଭୟ ସୈନ୍ୟଙ୍କ ମଧ୍ୟରେ ମିଠା ଦିଆନିଆ

ନୂଆଦିଳ୍ଲୀ: କେତେବେଳେ ଶତ୍ରୁତା ତ କେତେବେଳେ ବନ୍ଧୁତ୍ୱର ନିଦର୍ଶନ। ସ୍ୱାଧୀନତା ଦିବସର ଅବ୍ୟବହିତ ପୂର୍ବରୁ ଭାରତ-ପାକିସ୍ତାନ ସୀମାନ୍ତରେ ଉଭୟ ପକ୍ଷର ସୈନ୍ୟଙ୍କ ମଧ୍ୟରେ ହୋଇଛି ମିଠା ଦିଆନିଆ। ଜାମ୍ମୁ ଓ କାଶ୍ମୀରର ନିୟନ୍ତ୍ରଣ ସୀମାରେଖାରେ ଉଭୟ ପକ୍ଷ ମଧ୍ୟରେ ମିଠା ଦିଆନିଆ ହୋଇଛି। ଉଭୟ ପକ୍ଷର ସୈନ୍ୟ ଏକ ଆନନ୍ଦ ମୁହୂର୍ତ୍ତରେ କେଇ କ୍ଷଣ କଟାଇଛନ୍ତି। ସେହିପରି ଅଟ୍ଟାରି-ଓ୍ୱାଘା ସୀମାନ୍ତରେ ମଧ୍ୟ ବିଏସଏଫ ପକ୍ଷରୁ ମିଠା ବିନିମୟ ହୋଇଛି। ଆଜି ପାକିସ୍ତାନର ସ୍ୱାଧୀନତା ଦିବସ ହୋଇଥିବାବେଳେ ଆସନ୍ତାକାଲି ହେଉଛି ଭାରତର ସ୍ୱାଧୀନତା ଦିବସ। ଚିଲେହନା ତିଥଓ୍ୱାଲଠା କ୍ରସିଂ ପଏଣ୍ଟରେ ପାକିସ୍ତାନ ସୈନ୍ୟଙ୍କୁ ଭାରତୀୟ ସୈନ୍ୟ ମିଠା ଖୁଆଇଥିଲେ। ସୀମାରେଖାରେ ଦୁଇ ଦେଶର ସୈନ୍ୟଙ୍କ ମଧ୍ୟରେ ସ୍ଥିରତା ବଜାୟ ରଖିବା ଲାଗି ଅନେକ ବର୍ଷ ଧରି ଏହି ପରମ୍ପରା ବଜାୟ ହୋଇଆସିଛି।

ସ୍ୱାଧୀନତା ଦିବସରେ ୫୦୦୦ ଯବାନଙ୍କ ସୁରକ୍ଷା ବଳୟରେ ରହିବ ଲାଲ କିଲ୍ଲା

ନୂଆଦିଲ୍ଲୀ: ରାତି ପାହିଲେ ଦେଶ ପାଳିବ ୭୫ତମ ସ୍ୱାଧୀନତା ଦିବସ। ସଜେଇ ହେଲାଣି ଭାରତ। ଦିଲ୍ଲୀରୁ ପଲ୍ଲୀ ଚାଲିଛି ପ୍ରସ୍ତୁତି। କାଶ୍ମୀରଠୁ କନ୍ୟାକୁମାରୀ ସୁରକ୍ଷା କଡାକଡି କରାଯାଇଛି। ସ୍ୱାଧୀନତାର ୭୫ ବର୍ଷରେ ପାଦ ଦେବାକୁ ଯାଉଛି ଭାରତ। ଏଥର ସ୍ୱାଧୀନତା ଦିବସକୁ ସ୍ୱତନ୍ତ୍ର ଭାବେ ପାଳନ କରିବା ପାଇଁ ଜୋରୋଦାର ପ୍ରସ୍ତୁତି ଚାଲିଛି। କାଲି ଲାଲ କିଲ୍ଲାରେ ପତାକା ଉତ୍ତୋଳନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅବସରରେ ସାରା ବିଶ୍ୱ ଦେଖିବ ଭାରତର ପରାକ୍ରମ। ଏ ନେଇ ବ୍ୟାପକ ବ୍ୟବସ୍ଥାର ବନ୍ଦୋବସ୍ଥ ହୋଇଥିବାବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ସୁରକ୍ଷା ଜୋନ୍ ଭିତରେ ରହିଛି ସମ୍ପୂର୍ଣ୍ଣ ଦିଲ୍ଲୀ। ଡ୍ରୋନ୍ ସାହାର୍ଯ୍ୟରେ ସ୍ଥିତି ଉପରେ ନଜର ରଖାଯାଇଥିବାବେଳେ ଯାଞ୍ଚ କଡାକଡି କରାଯାଉଛି। ୯ଟି ଆଣ୍ଟି ଡ୍ରୋନ୍, ୩୦୦ ସିସିଟିଭି, ୫୦୦୦ ଯବାନ ସୁରକ୍ଷା ବ୍ୟବସ୍ଥା ଉପରେ ରଖିବେ କଡା ନଜର ।

ସ୍ୱାଧୀନତା ଦିବସ ପୂର୍ବରୁ ଦେଶବାସୀଙ୍କୁ ରାଷ୍ଟ୍ରପତିଙ୍କ ସମ୍ବୋଧନ

ନୂଆଦିଲ୍ଲୀ: ସ୍ୱାଧୀନତା ଦିବସ ପୂର୍ବରୁ ଦେଶବାସୀଙ୍କୁ ସମ୍ବୋଧନ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ଦେଶବାସୀଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି। ଦେଶବାସୀ ୭୫ ବର୍ଷର ସ୍ୱାଧୀନତା ଦିବସ ପାଳନ କରିବାକୁ ଯାଉଛନ୍ତି, ଏଣୁ ଏହା ସ୍ୱତନ୍ତ୍ର ଅଟେ ବୋଲି କହିଛନ୍ତି ରାଷ୍ଚ୍ରପତି। ଦେଶକୁ ସ୍ୱାଧୀନ କରିବାରେ ପିଢି ପରେ ପିଢି ଯେଉଁମାନେ ବଳିଦାନ ଦେଇଛନ୍ତି, ଆଜି ତାଙ୍କୁ ସାରା ଦେଶବାସୀ ମନେ ପକାଉଛନ୍ତି। ଦେଶ ସବୁ କ୍ଷେତ୍ରରେ ଉନ୍ନତି ଆଡକୁ ଅଗ୍ରସର ହେଉଛି, ତଥାପି ଆହୁରି ଆଗକୁ ଯିବାର ଅଛି। ଅଲିମ୍ପିକ୍ସରେ ଖେଳାଳିମାନେ ଦେଶର ନାଁ ଗୌରବ କରିଛନ୍ତି। ଯାହାକି ବିଶ୍ୱ ଦରବାରରେ ଭାରତର ଏକ ନୂଆ ପରିଚୟ ସୃଷ୍ଟି କରିପାରିଛି। ଯେତେବେଳେ ସାରା ଦେଶବାସୀ କରୋନାରୁ ମୁକୁଳିବା ପାଇଁ ଚାହିଁ ବସିଥିଲେ ସେତେବେଳେ ଦେଶର ବୈଜ୍ଞାନିକମାନେ ଦିନ ରାତି ଏକ କରି ଟିକା ଉଦ୍ଭାବନ କରିଛନ୍ତି। ଭାରତ ବିଶ୍ୱରେ ବଡ ଟିକାକରଣ ଅଭିଯାନ ଚଳାଇଛି। ଏବେ ବି କରୋନାର ଭୟ ରହିଛି, ଏଣୁ ସତର୍କତାର ସହ ମୁକାବିଲା କରିବା ପାଇଁ ଦେଶବାସୀଙ୍କୁ ଅପିଲ୍ କରିଛନ୍ତି ରାଷ୍ଟ୍ରପତି। ଶିକ୍ଷା, ସ୍ୱାସ୍ଥ୍ୟ ସବୁ କ୍ଷେତ୍ରରେ ଦେଶ ଏବେ ଉନ୍ନତି ପଥେ ଆଗେଇ ଚାଲିଛି, ଆହୁରି ବିକାଶ ପାଇଁ ଦେଶବାସୀ ସଂକଳ୍ପ ନେବା ଉଚିତ୍ ବୋଲି କହିଛନ୍ତି ରାଷ୍ଟ୍ରପତି।

ବିଜେପି ମୁଖପାତ୍ର ପୀତାମ୍ବର ଆଚାର୍ଯ୍ୟ ସବୁବେଳେ ମିଛ କୁହନ୍ତି: ବିଜେଡି ମୁଖପାତ୍ର ଲେନିନ୍‌ ମହାନ୍ତି

ଭୁବନେଶ୍ୱର: ଓବିସି ସଂରକ୍ଷଣକୁ ନେଇ ବିଜେପି ଅଭିଯୋଗର ଜବାବ ରଖିଛି ବିଜେଡି। ବିଜେପି ମୁଖପାତ୍ର ପୀତାମ୍ବର ଆଚାର୍ଯ୍ୟ ସବୁବେଳେ ମିଛ କୁହନ୍ତି। ସେ ଜଣେ ଅଭ୍ୟାସଗତ ମିଛୁଆ ବୋଲି ବିଜେଡି ମୁଖପାତ୍ର ଲେନିନ୍‌ ମହାନ୍ତି କହିଛନ୍ତି। ପୀତାମ୍ବର ଯେଉଁ ସ୍ତରକୁ ଯାଇ ମନ୍ତବ୍ୟ ଦେଇଛନ୍ତି ତାହାକୁ ନିନ୍ଦା କରିଛି ବିଜେଡି। ଏମିତି ମିଛ କହିଲେ ପୀତାମ୍ବର କୌଣସି ପବ୍ଳିକ୍ ଲାଇଫକୁ ଆସିପାରିବେ ନାହିଁ ବୋଲି ଲେନିନ୍‌ କହିଛନ୍ତି। ନିର୍ବାଚନ ଆସିଲେ ବିଜେପି ଏମିତି ଅଭ୍ୟାସଗତ ମିଛୁଆଙ୍କୁ ବ୍ୟବହାର କରିଥାଏ। ଓଡ଼ିଶାବାସୀ ଏଭଳି ମିଛୁଆଙ୍କ ଷଡ଼ଯନ୍ତ୍ରକୁ ଭୁଝିସାରିଲେଣି। ସେଥିପାଇଁ ଓଡିଶାବାସୀ ସେମାନଙ୍କୁ ଜବାବ ଦେଉଛନ୍ତି। ନିର୍ବାଚନ ଆସିଲେ ପୀତାମ୍ବର ବାବୁଙ୍କ ଦେଖା ମିଳେ ଆଉ ନିର୍ବାଚନ ସରିଗଲେ କୁଆଡ଼େ ଉଭେଇଯାଆନ୍ତି ପିତାମ୍ବର ବାବୁ। ସବୁ ପ୍ରତିଶ୍ରୁତି ନିର୍ବାଚନ ପରେ ପାଣିର ଗାର ପାଲଟେ ବୋଲି କହିଛନ୍ତି ଲେନିନ୍‌ ମହାନ୍ତି। ତାଙ୍କର ଏଭଳି ମିଛୁଆ ବ୍ୟବହାର ପାଇଁ ଲୋକ ତାଙ୍କୁ ଭଲ ପାଉନାହାଁନ୍ତି। ଓବିସି କ୍ଷେତ୍ରରେ ବୈପ୍ଳବିକ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର। ଯାହାର ପ୍ରଶଂସା ଦେଶବାସୀ କରିଛନ୍ତି ବୋଲି ଲେନିନ୍‌ ମହାନ୍ତି କହିଛନ୍ତି।

ଗଲୱାନରେ ପରାକ୍ରମ ଦେଖାଇଥିବା ୨୦ ଯୋଦ୍ଧାଙ୍କୁ ବିରତା ସମ୍ମାନ

ନୂଆଦିଲ୍ଲୀ: ଭାରତ ଏବଂ ଚୀନ୍ ମଧ୍ୟରେ ଅବସ୍ଥିତ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) ର ସୁରକ୍ଷା ପାଇଁ ନିୟୋଜିତ ଇଣ୍ଡୋ-ତିବ୍ଦତୀୟ ସୀମା ପୋଲିସ୍ (ITBP) ର ୨୦ ଜଣ ଯବାନ ପୂର୍ବ ବର୍ଷ ଲଦାଖ କ୍ଷେତ୍ରରେ ଦୁଇ ଦେଶର ସେନା ମଧ୍ୟରେ ସଂଘର୍ଷ ହୋଇଥିଲା । ଦୁଇ ଦେଶର ସଂଘର୍ଷ ବେଳେ ଭାରତୀୟ ସେନା ଯେଉଁଭଳି ଭାବେ ବିରତ୍ୱ ଦେଖାଇ ଚୀନ ସେନାକୁ ଅବରୋଧ କରି ସାହସିକତା ଦେଖାଇଥିଲେ, ସେଥିପାଇଁ ୨୦ ଭାରତୀୟ ଯବାନଙ୍କୁ Gallantry Award 2021 ସମ୍ମାନରେ ସମ୍ମାନିତ କରାଯିବ । ସ୍ୱାଧୀନତା ଦିବସ ଅବସରରେ ବିଭିନ୍ନ କେନ୍ଦ୍ର ତଥା ରାଜ୍ୟ ପୋଲିସ୍ ବାହିନୀ ପାଇଁ କେନ୍ଦ୍ର ସରକାର ଘୋଷଣା କରିଥିବା ମୋଟ ୧୩୮୦ ସେବା ପଦକ ମଧ୍ୟରେ ଏହି ପଦକ ରହିଛି ।

ପଦକ ତାଲିକାରେ ଗାଲାଣ୍ଟ୍ରି (ପିପିଏମଜି) ପାଇଁ ଦୁଇଟି ରାଷ୍ଟ୍ରପତି ପୋଲିସ୍ ପଦକ, ୬୨୮ ସାହସିକତା ପାଇଁ ପୋଲିସ ପଦକ, ବିଶିଷ୍ଟ ସେବା ପାଇଁ ୮୮ଟି ରାଷ୍ଟ୍ରପତି ପୋଲିସ୍ ପଦକ ଏବଂ ସମ୍ମାନଜନକ ସେବା ପାଇଁ ୬୬୨ ପୋଲିସ୍ ପଦକ ଅନ୍ତର୍ଭୁକ୍ତ। ଜମ୍ମୁ-କଶ୍ମୀର ପୋଲିସର ସବ୍-ଇନ୍ସପେକ୍ଟର ଅମର ଦୀପ ଏବଂ ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (CRPF) ର ସହିଦ ହେଡ୍ କନଷ୍ଟେବଳ କାଲେ ସୁନୀଲ ଦତ୍ତାତ୍ରେୟଙ୍କୁ (ଗ୍ୟାଲେଣ୍ଟ୍ରି ପାଇଁ ରାଷ୍ଟ୍ରପତି ପୋଲିସ୍ ପଦକ) ପ୍ରଦାନ କରାଯାଇଛି ।

ବାଟବଣା ବିଏମସିର ଭିକାରୀ ମୁକ୍ତ ଅଭିଯାନ, ଥଇଥାନ କେନ୍ଦ୍ରରୁ ଫେରି ପୁଣି ଭିକ୍ଷାବୃତ୍ତି ଆପଣାଉଛନ୍ତି ଅନ୍ତେବାସୀ

ଭୁବନେଶ୍ୱର: ବାଟବଣା ବିଏମସିର ଭିକାରୀ ମୁକ୍ତ ଅଭିଯାନ। ଥଇଥାନ କେନ୍ଦ୍ରରୁ ଫେରି ପୁଣି ଆପଣାଉଛନ୍ତି ଭିକ୍ଷାବୃତ୍ତି। ପରିଚାଳନା ଗତ ତ୍ରୁଟିକୁ ଦାୟୀ କଲେ ବୁଦ୍ଧିଜୀବୀ। ରାସ୍ତା କଡ଼ରୁ, ପ୍ରମୁଖ ଛକ ଏପରିକି ଧାର୍ମିକ ଅନୁଷ୍ଠାନ ନିକଟରୁ ଭିକ୍ଷୁକଙ୍କୁ ହଟାଇ ସ୍ମାର୍ଟସିଟି ଭୁବନେଶ୍ୱରକୁ ଭିକାରୀ ମୁକ୍ତ ସହର ଗଢିତୋଳିବାକୁ ସ୍ୱପ୍ନ ଦେଖିଛି ବିଏମସି। ଭିକ୍ଷୁକଙ୍କୁ ଚିହ୍ନଟ କରି ଉଦ୍ଧାର କରିବା ଓ ସେମାନଙ୍କୁ ଆଶ୍ରୟ କେନ୍ଦ୍ରରେ ଥଇଥାନ କରିବା ପାଇଁ ୩ଟି NGOଙ୍କୁ ନିୟୋଜିତ କରାଯାଇଛି। ତେବେ ଅଭିଯାନ ଆରମ୍ଭ ହେବାର ମାସକ ପରେ ଏହା ବାଟବଣା ହୋଇଥିବା ପରିଲକ୍ଷିତ ହୋଇଛି। ଥଇଥାନ କେନ୍ଦ୍ରରୁ ବିଭିନ୍ନ କାରଣରୁ ଫେରି ଆସି ପୁଣି ଭିକ୍ଷାବୃତ୍ତି କରୁଛନ୍ତି ଅନ୍ତେବାସୀ।

ଭିକ୍ଷାବୃତି ଦ୍ଵାରା ଉଭୟ ସମାଜ ଓ ପରିବେଶ ପ୍ରଭାବିତ ହୋଇଥାଏ। ତେବେ ବଳ ପୂର୍ବକ ନୁହେଁ ବରଂ ବୁଝାସୁଝା କରି ସେମାନଙ୍କ ମାନସିକ ସ୍ତରରେ ପରିବର୍ତ୍ତନ ଆଣପାରିଲେ ଏହି ଅଭିଯାନ ସଫଳ ହୋଇପାରିବ ବୋଲି କହିଛନ୍ତି ବୁଦ୍ଧିଜୀବୀ।

ଭିକ୍ଷୁକଙ୍କୁ ଉଦ୍ଧାର କରି ସେମାନଙ୍କୁ ଆତ୍ମନିର୍ଭରଶୀଳ କରିବାକୁ ସ୍ଵତନ୍ତ୍ର ତାଲିମ ଦିଆଯାଇଛି। ଏହାସତ୍ତ୍ୱେ ଅନ୍ତେବାସୀମାନେ ବାହାରି ପୁଣି ଭିକ୍ଷାବୃତ୍ତି କରିବା ଦୁର୍ଭାଗ୍ୟଜନକ ବୋଲି କହିଛନ୍ତି ବିଏମସି ଅତିରିକ୍ତ କମିଶନର।

ଅନ୍ୟର ହାତଟେକା ଦାନରୁ ଖର୍ଚ୍ଚ ଭରଣା କରୁଥିବା ଭିକ୍ଷୁକଙ୍କୁ ଆଶ୍ରୟ କେନ୍ଦ୍ରରେ ହାତଖର୍ଚ୍ଚ ଅର୍ଥ ନମିଳିବା ଅଭିଯାନ ଫେଲ ମାରିବାର ମୁଖ୍ୟ କାରଣ ବୋଲି ଜଣାପଡିଛି ।

ଆସାମ-ମିଜୋରାମ ସୀମାରେ ପୁଣି ବଢିଲା ବିବାଦ, ସ୍କୁଲରେ ବୋମା ବିସ୍ଫୋରଣ

ନୂଆଦିଲ୍ଲୀ: ଆସାମ ଓ ମିଜୋରାମ ଭିତରେ ସୀମା ବିବାଦ କମିବାକୁ ଯାଉଥିବା ବେଳେ ସୀମାବର୍ତ୍ତୀ ଏକ ସ୍କୁଲରେ ବିସ୍ଫୋରର ପରେ ବିବାଦ ବଢି ଯାଇଛି। ସ୍କୁଲରେ ବିସ୍ଫୋରଣର ଏହି ଘଟଣା ଆସାମର ହେଲାକାଣ୍ଡି ଜିଲ୍ଲାର ଗୁଟଗୁଟି ଅଞ୍ଚଳରେ ଘଟିଛି। ଏହି ବିସ୍ଫୋରଣ ଘଟଣାରେ ଧନ-ଜୀବନ କ୍ଷୟକ୍ଷତି ହୋଇଥିବାର ଖବର ମିଳିନାହିଁ, କିନ୍ତୁ ଏହି ଘଟଣା ପରେ ଦୁଇଟି ରାଜ୍ୟ ଭିତରେ ବିବାଦ ବଢିବାର ଦେଖିବାକୁ ମିଳିଛି।

ମିଳିଥିବା ସୂଚନା ଅନୁସାରେ, ଗୁଟଗୁଟି ଅଞ୍ଚଳର ପକୁଆ ପୁଞ୍ଜି ଲୋୟର ପ୍ରାଇମେରୀ ସ୍କୁଲରେ ବୋମା ବିସ୍ଫୋରଣ ହୋଇଥିଲା। ଏହି ବିସ୍ଫୋରଣ ଲୋୟର ଇଣ୍ଟେସିଟି ଏକ୍ସପ୍ଲୋଜନ ଦ୍ବାରା ହୋଇଥିଲା। ଏହି ବିସ୍ଫୋରଣରେ ସ୍କୁଲର ଏକ କାନ୍ଥ ଆଶିଂକ ଭାବରେ କ୍ଷତିଗସ୍ତ ହୋଇଛି। ରିପୋର୍ଟ ଅନୁସାରେ, ଯେଉଁ ସ୍କୁଲରେ ଏହି ବିସ୍ଫୋରଣ ହୋଇଥିଲା ତାହା ଆସାନ ଓ ମିଜୋରାମ ସୀମାରେ ରହିଛି। ଏହା କରୋନା କାରଣରୁ ବନ୍ଦ ଥିଲା ଓ ରାତିରେ ସ୍କୁଲର ଆଖପାଖରେ କେହି ଉପସ୍ଥିତି ନଥିଲେ।