ଆରଡ଼ି: ଦୀର୍ଘ ୪ମାସ ପରେ ଅର୍ଥାତ ଆସନ୍ତା ୨୩ରେ କୋଭିଡ କଟକଣା ମଧ୍ୟରେ ଖୋଲିବ ଆରଡିପୀଠର ବାବା ଆଖଣ୍ଡଳମଣିଙ୍କ ମନ୍ଦିର। ଏଥିପାଇଁ ସ୍ୱତନ୍ତ୍ର ଏସଓପି ଜାରି କରିଛନ୍ତି ଭଦ୍ରକ ଜିଲାପାଳ ତ୍ରିଲୋଚନ ମାଝୀ। ମନ୍ଦିରର ସାନିଟାଇଜ ପାଇଁ ପ୍ରତି ଶନିବାର ସର୍ବସାଧାରଣ ଭକ୍ତଙ୍କ ଦର୍ଶନ ବନ୍ଦ ରହିବ। ସେହିପରି କୋଭିଡ_୧୯ର ନିୟମ ଅନୁଯାୟୀ ୧୦ବର୍ଷରୁ କମ୍ ଓ ୬୫ବର୍ଷରୁ ଉର୍ଦ୍ଧ ବ୍ୟକ୍ତିଙ୍କୁ ମନ୍ଦିର ପ୍ରବେଶ ଉପରେ ରୋକ ଲଗାଇଛି ଜିଲ୍ଲା ପ୍ରଶାସନ। ଦର୍ଶନ ନିମନ୍ତେ ସକାଳ ୬ଟାରୁ ସନ୍ଧ୍ୟା ୮ଟା ଯାଏଁ ମନ୍ଦିର ଖୋଲା ରହିବ। ଭକ୍ତ ସେବାୟତମାନେ ମାସ୍କ ବ୍ୟବହାର କରିବା ସହ ସାମାଜିକ ଦୂରତା ରକ୍ଷା କରିବା ପାଇଁ ପରାମର୍ଶ ଦେଇଛି ପ୍ରଶାସନ। ତାହାସହ ଭକ୍ତମାନେ କେବଳ ବାବାଙ୍କୁ ଦର୍ଶନ କରିବେ। ଭୋଗଡାଲା , ଫୁଲ, ବେଲପତ୍ର ଆଦି ଭକ୍ତମାନେ ନେଇ ପାରିବେ ନାହିଁ। ଏଥିସହ ପାର୍ଶ୍ୱଦେବାଦେବୀଙ୍କ ଛୁଇଁ ପାରିବେନାହିଁ । ମଣିବାବାଙ୍କ ନୀତିକାନ୍ତି ପୂର୍ବପରି ସେବାୟତଙ୍କ ଦ୍ୱାରା ସମ୍ପନ୍ନ କରାଯିବ। ମନ୍ଦିର ମଧ୍ୟରେ ବିବାହ, ମେଳା ଆଦି ପୂଜାର୍ଚ୍ଚନା ଉପରେ ପୂର୍ବପରି କଟକଣା ବଳବତ୍ତର ରହିବ ।
ଆଫଗାନିସ୍ତାନ ପୁନର୍ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଚୀନ: ତାଲିବାନ
କାବୁଲ: ଆଫଗାନିସ୍ତାନ ପୁନର୍ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଚୀନ । ଚାଇନିଜ୍ ନ୍ୟାସନାଲ ବ୍ରଡକାଷ୍ଟକୁ ଦେଇଥିବା ସାକ୍ଷାତକାରରେ ଏହା କହିଛନ୍ତି ତାଲିବାନୀ ମୁଖପାତ୍ର ସୁଶୀଲ ସାହିନ୍ ।
ତାଲିବାନ ସମ୍ପର୍କରେ ଚୀନ ବୈଦେଶିକ ମନ୍ତ୍ରୀ ଦେଇଥିବା ବୟାନର ଠିକ୍ ଘଣ୍ଟାଏ ପରେ ଏହି ପ୍ରତିକ୍ରିୟା ରଖିଛନ୍ତି ତାଲିବାନ ମୁଖପାତ୍ର । ଚୀନ ବୈଦେଶିକ ମନ୍ତ୍ରୀ ନିଜ ମନ୍ତବ୍ୟରେ କହିଥିଲେ ଯେ, ବର୍ତ୍ତମାନର ତାଲିବାନୀଙ୍କ ପାଖରେ ପୂର୍ବାପେକ୍ଷା ଅଧିକ ସଶକ୍ତ ନେତୃତ୍ୱ ରହିଛି ଏବଂ ଭବିଷ୍ୟତ କାର୍ଯ୍ୟପନ୍ଥା ନେଇ ସ୍ପଷ୍ଟତା ରହିଛି ।
ଆଫଗାନିସ୍ତାନ ଏବଂ ବିଶେଷଜ୍ଞଙ୍କ କହିବାନୁଯାୟୀ, ଗତ ତାଲିବାନୀ ଶାସନ ସମୟରେ ଲାଗୁ କଠୋର ଇସଲାମ୍ ଆଇନ ଲାଗୁ କରାଯିବାକୁ ନେଇ ଭୟଭୀତ ଅଛନ୍ତି ଯାହା ଗତ ୨୦ ବର୍ଷ ପୂର୍ବେ ଲାଗୁ କରାଯାଇଥିଲା ।
ଅନ୍ୟପକ୍ଷରେ ବର୍ତ୍ତମାନ ମହିଳାଙ୍କ ପାଇଁ ସେଭଳି କୌଣସି କଟକଣା ନାହିଁ । ସେମାନେ ପୂର୍ବ ଭଳି କାର୍ଯ୍ୟ କରିପାରିବେ । ସେମାନଙ୍କ ମଧ୍ୟରୁ କିଛି ଜଣ ଏବେ କର୍ମକ୍ଷେତ୍ରକୁ ଫେରିଥିବା ନେଇ ମଧ୍ୟ ତାଲିବାନୀ ମୁଖପାତ୍ରଙ୍କ ପକ୍ଷରୁ କୁହାଯାଇଛି । ଏଥିସହିତ ଆଫଗାନିସ୍ତାନ ପୁନର୍ଗଠନରେ ଚୀନ ଭୂମିକା ନେଇ ସେ କହିଛନ୍ତି ଯେ, ଚୀନ ଏକ ବଡ଼, ଏହାର ଅର୍ଥନୀତି ମଧ୍ୟ ବହୁତ ବଡ଼ । ଏଣୁ ଚୀନ ଆଫଗାନିସ୍ତାନର ପୁନର୍ଗଠନ, ଥଇଥାନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।
ଏଥିସହିତ ପଢ଼ନ୍ତୁ: ଅବନ୍ତୀପୋରାରେ ଏନ୍କାଉଣ୍ଟର: ସୁରକ୍ଷା ବାହିନୀଙ୍କ ଗୁଳିରେ ଜଣେ ଆତଙ୍କବାଦୀ ନିପାତ
ଆଫଗାନିସ୍ତାନରୁ ଫେରିବେ ଆଉ ୪୫୦ ଜଣ ଭାରତୀୟ
ନୂଆଦିଲ୍ଲୀ:ଆଫଗାନିସ୍ତାନରେ ଫସିରହିଥିବା ଭାରତୀୟଙ୍କୁ ଫେରାଇ ଆଣିବାକୁ ପ୍ରକ୍ରିୟା ଆରମ୍ଭ । ପ୍ରାୟ ୪୦୦ରୁ ୪୫୦ ଭାରତୀୟ ନାଗରିକଙ୍କୁ ସୁରକ୍ଷିତ ଭାବେ ଫେରାଇ ଆଣିବା ପାଇଁ ପ୍ରକ୍ରିୟାକୁ ତ୍ୱରାନ୍ୱିତ କରିଛି ଭାରତ । ବୈଦେଶିକ ବ୍ୟାପାର ମନ୍ତ୍ରାଳୟ ସମସ୍ତ ଭାରତୀୟ ନାଗରିକଙ୍କୁ ସହାୟତା ପାଇଁ ସ୍ୱତନ୍ତ୍ର ଆଫଗାନିସ୍ତାନ ସେଲ ସହିତ ଯୋଗାଯୋଗ କରିବାକୁ କହିଛନ୍ତି।
Additional Numbers Added to MEA’s 24×7 Special Afghanistan Cell
UPDATED details:
Phone numbers: +91-11-49016783, +91-11-49016784, +91-11-49016785
WhatsApp numbers: +91 8010611290, +91 9599321199, +91 7042049944
Email: [email protected] https://t.co/8anZgUysAb— Randhir Jaiswal (@MEAIndia) August 19, 2021
ଆଫଗାନିସ୍ତାନର ଅତ୍ୟଧିକ ଅସ୍ଥିର ତଥା ବିପଜ୍ଜନକ ପରିସ୍ଥିତି ସମ୍ପର୍କରେ ଚଳିତ ବର୍ଷ ଏପ୍ରିଲରୁ କାବୁଲରେ ଥିବା ଭାରତୀୟ ଦୂତାବାସ ପକ୍ଷରୁ ପାଞ୍ଚଟି ସୁରକ୍ଷା ପରାମର୍ଶଦାତା ଜାରି କରାଯାଇଥିଲା। ଏହା ସତ୍ତ୍ୱେ ଭାରତୀୟ ନାଗରିକମାନେ ଆଫଗାନିସ୍ତାନରେ ରହିଥିଲେ। ଏପ୍ରିଲ ୧୨, ଜୁନ୍ ୨୯ ଏବଂ ଜୁଲାଇ ୪ରେ ଦିଆଯାଇଥିବା ପ୍ରଥମ ତିନୋଟି ପରାମର୍ଶ । ଭାରତୀୟ ନାଗରିକଙ୍କୁ ଅପହରଣ କରାଯିବାକୁ ଦିଆଯାଉଥିବା ଧମକ ବିଷୟରେ ଚେତାଇ ସେମାନଙ୍କୁ ଦୂତାବାସରେ ପଞ୍ଜିକରଣ କରିବାକୁ କୁହାଯାଇଥିଲା।
ଏଥିସହିତ ପଢ଼ନ୍ତୁ: ଆଫଗାନ୍ ବିମାନବନ୍ଦରରେ ବାୟୁସେନା ବିମାନ: ରାଷ୍ଟ୍ରଦୂତଙ୍କ ସମେତ ୧୨୦ ଭାରତୀୟ ଉଦ୍ଧାର
ଅପରପକ୍ଷରେ ଏହା ପୂର୍ବରୁ ମଧ୍ୟ ସ୍ୱତନ୍ତ୍ର ବିମାନ ଯୋଗେ ଆଫଗାନିସ୍ତାନ ସ୍ଥିତ କୁଟନୈତିଜ୍ଞ, ଦୂତାବାସ କାର୍ମଚାରୀ ସମେତ ଅନ୍ୟ କିଛି ଲୋକଙ୍କୁ ଭାରତ ସ୍ୱତନ୍ତ୍ର ପ୍ରତ୍ୟାବର୍ତ୍ତନ କରାଯାଇଥିଲା । ଏହା ପରେ ମଧ୍ୟ ଫସିରହିଥିବା ଲୋକଙ୍କୁ ଫେରାଇ ଆଣିବାକୁ ପ୍ରକ୍ରିୟାକୁ ତ୍ୱରାନ୍ୱିତ କରୁଛି ଭାରତ ।
ଅବନ୍ତୀପୋରାରେ ଏନ୍କାଉଣ୍ଟର: ସୁରକ୍ଷା ବାହିନୀଙ୍କ ଗୁଳିରେ ଜଣେ ଆତଙ୍କବାଦୀ ନିପାତ
ଜମ୍ମୁ କଶ୍ମୀର: ଜାମ୍ମୁ କାଶ୍ମୀରର ଅବନ୍ତୀପୋରାରେ ସୁରକ୍ଷା ବାହିନୀଙ୍କ ଏନକାଉଣ୍ଟରରେ ଜଣେ ସନ୍ଦିଗ୍ଧ ଆତଙ୍କବାଦୀ ନିପାତ । ଅବନ୍ତୀପୋରାର ପାମ୍ପୋରରେ ଏବେ ସୁରକ୍ଷାବାହିନୀର ସର୍ଚ୍ଚ ଅପରେସନ୍ ଜାରି ରଖିଛନ୍ତି । ଏନେଇ ଜାମ୍ମୁ କାଶ୍ମୀର ପୋଲିସ ପକ୍ଷରୁ ସୂଚନା ମିଳିଛି।
ଏହା ପୂର୍ବରୁ ଥନ୍ନାମଣ୍ଡି ଜଙ୍ଗଲରେ ଏକ ୩ ଜଣିଆ ଆତଙ୍କବାଦୀ ଦଳ ସୁରକ୍ଷା ବାହିନୀ ସହ ମୁହାଁମୁହିଁ ହୋଇଥିଲା। ଏହି ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଥିଲା। ଏହାପରେ ଅଗଷ୍ଟ ୬ ତାରିଖ ଦିନ ପଙ୍ଗାଇ ଅଞ୍ଚଳରେ ଏକ ୫ ଜଣିଆ ଆତଙ୍କବାଦି ଦଳ ସୁରକ୍ଷା ବାହିନୀ ସହ ମୁହାଁମୁହିଁ ହୋଇଥିଲା। ଏଥିରେ ୨ ଜଣ ଆତଙ୍କବାଦୀ ନିହତ ହୋଇଥିବା ବେଳେ ଆଉ ୩ ଜଣ ଆତଙ୍କବାଦୀ ଚକମା ଦେଇ ଫେରାର ହୋଇଯାଇଥିଲେ।
One terrorist neutralised in encounter in J-K's Awantipora
Read @ANI story | https://t.co/0D6BQbZOq3#JammuKashmir #Encounter pic.twitter.com/XpPgh4liTL
— ANI Digital (@ani_digital) August 20, 2021
ସାଲିଆସାହିରେ ଅବକରୀ ବିଭାଗର ଚଢ଼ାଉ, ଭାଙ୍ଗିଲା ୨୦ରୁ ଅଧିକ ମଦ ଭାଟି
ଭୁବନେଶ୍ୱର: ଭୁବନେଶ୍ୱରର ସାଲିଆସାହିରେ ଅବକାରୀ ସ୍କ୍ୱାଡ୍ ଏବଂ ପୋଲିସର ମିଳିତ ଚଢାଉ। ବ୍ୟାପକ ପରିମାଣର ଦେଶୀ ମଦ ଜବତ । ହଜାର ହଜାର ଲିଟର ପୋଚ ନଷ୍ଟ କଲା ଅବକାରୀ ବିଭାଗ। ୫ଟି ବଡ ଭାଟି ସହ ୧୫ରୁ ଅଧିକ ଛୋଟ ଭାଟି ଭାଙ୍ଗିଲା କଟକ ଫ୍ଲାଇଙ୍ଗ ସ୍କ୍ୱାଡ୍।

ଏଥିସହ ମଦ ରାନ୍ଧୁଥିବା ୫ ଅଭିଯୁକ୍ତଙ୍କୁ ଗିରଫ କରାଯାଇଛି । ମାମଲାରେ ସମସ୍ତ ଅଭିଯୁକ୍ତଙ୍କୁ ଅଭ୍ୟାସଗତ ଅପରାଧୀ ଦର୍ଶାଯିବ ବୋଲି ଫ୍ଲାଇଙ୍ଗ ସ୍କ୍ୱାଡ ସୂଚନା ଦେଇଛି। ଚଢାଉକୁ ଆହୁରି ବ୍ୟାପକ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି। ଏହି ଚଢାଉରେ କଟକ ଫ୍ଳାଇଙ୍ଗ ସ୍କ୍ୱାଡ୍ ସମେତ ଭୁବନେଶ୍ୱର ଅବକାରୀ କର୍ମଚାରୀ ମଧ୍ୟ ସାମିଲ ଥିଲେ ।

