spot_img
Home Blog Page 5353

ତାଲିବାନ ସରକାରରେ ଫାଟ; ହକ୍କାନୀ ନେତାଙ୍କ ସହ ବଚସା ପରେ କାବୁଲ ଛାଡିଲେ ବରାଦର

କାବୁଲ: ଆଫଗାନିସ୍ତାନରେ ତାଲିବାନ ସରକାର ଆରମ୍ଭ ହେଉ ହେଉ ବିବାଦ ମୁଣ୍ଡ ଟେକିବାରେ ଲାଗିଛି । ତାଲିବାନ ସରକାରରେ ଡେପୁଟି ପ୍ରାଇମ୍ ମିନିଷ୍ଟର ହୋଇଥିବା ମୁଲ୍ଲା ଗନି ବରାଦର କାବୁଲ ଛାଡିଛନ୍ତି । ହକ୍କାନୀ ନେଟୱର୍କର ନେତାମାନଙ୍କ ସହ ମତଭେଦ ଯୋଗୁଁ ସେ କାବୁଲ ଛାଡିଥିବା କୁହାଯାଉଛି । ଗତ ସପ୍ତାହରେ  ରାଷ୍ଟ୍ରପତି ଭବନରେ ବରାଦର ଓ ହକ୍କାନୀ ନେଟୱର୍କର ନେତା ଖଲିଲ ଉର-ରହମାନଙ୍କ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା । ଯାହା ପରେ ଦୁଇ ନେତାଙ୍କ ସମର୍ଥକ ମାନେ ମୁହାଁମୁହିଁ ହୋଇଥିଲେ।

Taliban Claim To Have Captured 4 Districts In Panjshir Valley

ତାଲିବାନର ଜଣେ ବରିଷ୍ଠ ନେତାଙ୍କ ଏକ ରିପୋର୍ଟ ଅନୁଯାୟୀ, କାବୁଲର ରାଷ୍ଟ୍ରପତି କାର୍ଯ୍ୟାଳୟରେ ମଧ୍ୟବର୍ତ୍ତୀକାଳୀନ କ୍ୟାବିନେଟକୁ ନେଇ ଦୁଇ ନେତାଙ୍କ ମଧ୍ୟରେ ମତଭେଦ ହୋଇଥିଲା। ଅଗଷ୍ଟ ୧୫ରେ  କାବୁଲକୁ ତାଲିବାନ କବଜା କରିବା ପରଠାରୁ କ୍ଷମତା ଓ ସରକାର ଗଠନକୁ ନେଇ ବିଭିନ୍ନ ଗୋଷ୍ଠୀ ମଧ୍ୟରେ ବିବାଦ ଲାଗି ରହିଥିଲା। ବହୁ ବାଦବିବାଦ ପରେ ମଧ୍ୟବର୍ତ୍ତୀକାଳୀନ ସରକାର ଗଠନ ନେଇ ଘୋଷଣା କରାଯାଇଥିଲା।

Taliban Tea With An Afghan Folk Singer Few Days Llater They Shot Him Dead

ତେବେ ହକ୍କାନି ନେଟୱର୍କକୁ ଅଧିକ ପ୍ରାଧାନ୍ୟ ଦିଆଯାଉଥିବା ଅଭିଯୋଗ କରି ବିରୋଧ କରାଯାଉଛି। ସେପଟେ  ହକ୍କାନି ନେଟୱର୍କ ନିଜକୁ ତାଲିବାନର ସବୁଠୁ ଫାଇଟର ୟୁନିଟ୍ ଭାବରେ ବୋଲି କହୁଛି। ତେବେ ବରାଦରଙ୍କ ଦଳର କହିବାନୁଯାୟୀ ସେମାନଙ୍କ କୂଟନୈତିକ ନୀତି ଯୋଗୁଁ ଆଫଗାନିସ୍ତାନରେ ତାଲିବାନକୁ ସତ୍ତା ମିଳିଛି । କିନ୍ତୁ ଅନ୍ୟପଟେ ହକ୍କାନି ନେଟୱର୍କ ଦଳ କହୁଛନ୍ତି ଯୁଦ୍ଧ ମାଧ୍ୟମରେ ଆଫଗାନିସ୍ତାନକୁ ଜିତ୍ ହାସଲ ହୋଇଛି ।

କୂଳ ଲଂଘିଲା ବୈତରଣୀ, ପାଣି ଘେରରେ ୨୫ରୁ ଅଧିକ ଘର

ଆରଡି: ଉପରମୁଣ୍ଡରେ ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବୈତରଣୀ ନଦୀରେ ଦ୍ୱିତୀୟ ବନ୍ୟା ଜଳ ଆସିଛି । ଏବେ ଉପରମୁଣ୍ଡରେ ବନ୍ଯାଜଳ ସାମନ୍ଯ ହ୍ରାସ ପାଇଥିଲେ ମଧ୍ଯ ତଳମୁଣ୍ଡରେ ଅର୍ଥାତ ଭଦ୍ରକ ଜିଲ୍ଲାର ଆରଡି, ଓଳଗ, ସୁନ୍ଦରପୁର, ନାନ୍ଦପୁର ଆଦି ଅଞ୍ଚଳ ଦେଇ ପ୍ରବାହିତ ହେଉଥିବା ବୈତରଣୀ ନଦୀର ବନ୍ଯାଜଳ ବୃଦ୍ଧି ପାଇବାରେ ଲାଗିଛି । ବିଭିନ୍ନ ଏସକେପ ଓ ମାହାରା ଦେଇ ବନ୍ଯାଜଳ ଜନବସତି ଆଡ଼କୁ ମାଡ଼ିବାରେ ଲାଗିଛି ।

Baitarani Flood Water Entered In Village

ବୁଧବାର ସନ୍ଧ୍ୟାରେ ବୈତରଣୀ ନଦୀର ବନ୍ଯା ଜଳ ବୃଦ୍ଧି ପାଇ କୂଳ ଲଂଘି ଓଳଗ ପଞ୍ଚାୟତର ବୋଡ଼କ ତଳସାହିରେ ପ୍ରବେଶ କରିଛି । ଗାଁର ୨୫ରୁ ଉର୍ଦ୍ଧ୍ୱ ଘର ଏବେ ଜଳବନ୍ଦୀ ହୋଇ ରହିଛି । ଲୋକମାନେ ଅଣ୍ଟାଏ ପାଣିରେ ପଶି ଯାତାୟତ କରୁଛନ୍ତି । ଅନେକ ସ୍ଥାନରେ ନଳକୂପ ବୁଡ଼ି ଯାଇଥିବାରୁ ପିଇବା ପାଣିର ସମସ୍ଯା ଦେଖା ଦେଇଛି ।

UNHRCରେ ଭାରତ ଦେଖାଇଲା ପାକିସ୍ତାନର ଅସଲ ଚେହେରା

ନୂଆଦିଲ୍ଲୀ: ସଂଯୁକ୍ତ ରାଷ୍ଟ୍ର ମାନବାଧିକାର ପରିଷଦ (UNHRC)ରେ ଭାରତ ପୁଣିଥରେ ପାକିସ୍ତାନର ଅସଲ ଚେହେରା ବିଶ୍ୱ ଆଗରେ ଉପସ୍ଥାପନ କରିଛି। UNHRCରେ ଭାରତ କହିଛି- ପାକିସ୍ତାନ ଖୋଲାଖୋଲି ଭାବେ ଆତଙ୍କବାଦୀଙ୍କ ସମର୍ଥନ କରୁଛି। ଶିଖ, ହିନ୍ଦୁ, ଖ୍ରୀଷ୍ଟିଆନ ଏବଂ ଅହମାଦିୟାଙ୍କ ସମେତ ସଂଖ୍ୟାଲଘୁ ସମ୍ପ୍ରଦାୟର ଅଧିକାରକୁ ସଂରକ୍ଷଣ କରିବାରେ ବିଫଳ ହୋଇଛି ପାକିସ୍ତାନ।

ଏହାପୂର୍ବରୁ ଜାତିସଂଘର ମାନବାଧିକାର ଉଚ୍ଚ କମିଶନର ମିସେଲ ବେଶଲେଟ୍ ଭାରତରେ UAPA ର ବ୍ୟବହାର ଏବଂ ଜାମ୍ମୁ କାଶ୍ମୀରରେ ଟେଲିକମ୍ ସେବା ଉପରେ ବାରମ୍ବାର କଟକଣା ଲଗାଇବାକୁ ଚିନ୍ତାଜନକ ବୋଲି କରିଛନ୍ତି। ଏହା ଉପରେ ମଙ୍ଗଳବାର ଦିନ ଭାରତ, ଜାମ୍ମୁ କାଶ୍ମୀର ଉପରେ UNHRC ମୁଖ୍ୟଙ୍କ ମନ୍ତବ୍ୟକୁ ନେଇ ନିରାଶା ପ୍ରକାଶ କରିଥିଲା । ଆଉ କହିଥିଲା ତାଙ୍କ ଟିପ୍ପଣୀ ମୂଳ ସତ୍ୟତା ପ୍ରକାଶ କରୁନି ।

ପୂର୍ବରୁ ବିଶ୍ୱ ଆଗରେ ସତ୍ୟତା ରଖିଥିଲା ଭାରତ

ବାସ୍ତବରେ ଭାରତ ପୂର୍ବରୁ ମଧ୍ୟ ମାନବାଧିକାର ପରିଷଦରେ ପାକିସ୍ତାନର କାର୍ଯ୍ୟକଳାପକୁ ପରିପ୍ରକାଶ କରିସାରିଛି। ପାକିସ୍ତାନରେ ସଂଖ୍ୟାଲଘୁ ସମ୍ପ୍ରଦାୟର ଦୂରାବସ୍ଥା ସମ୍ପର୍କରେ ବିଶ୍ୱକୁ ଜଣାଇବା ଲାଗି ଭାରତ ନିରନ୍ତର ଚେଷ୍ଟା କରିଆସିଛି।

ମିଳିତ ଜାତିସଂଘର ଏକ ଉଚ୍ଚସ୍ତରୀୟ ବୈଠକରେ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଆଫଗାନିସ୍ତାନରେ ଦାରିଦ୍ର୍ୟତା ନେଇ ମାନବାଧିକାର ସମେତ ପୂରା ବିଶ୍ୱର ଦୃଷ୍ଟି ଆକର୍ଷଣ କରିଛନ୍ତି। ସେ କହିଛନ୍ତି ଯେ ଏହି ଅସମୟରେ ଆଫଗାନିସ୍ତାନ ଲୋକଙ୍କ ସହ ଭାରତ ଦୃଢ  ଭାବରେ ଛିଡା ହୋଇଛି।

ସେହିପରି ବୈଠକରେ ତାଲିବାନ ଶାସନ ଆସିବା ପରେ ଆଫଗାନିସ୍ତାନର ସ୍ଥିତାବସ୍ଥା କିଭଳି ରହିଛି ସେନେଇ ପ୍ରକାଶ କରିଥିଲେ ଜୟଶଙ୍କର ।

ଟ୍ବିନସିଟିରେ ହେବ ୭ଟି ଫରେଷ୍ଟ ପାର୍କ

ଭୁବନେଶ୍ୱର: କଟକ ଓ ଭୁବନେଶ୍ବରରେ ପ୍ରତିଷ୍ଠା ହେବ ୭ଟି ସହରାଞ୍ଚଳ ବନ ଉଦ୍ୟାନ ବା ଅର୍ବାନ୍‌ ଫରେଷ୍ଟ ପାର୍କ । ସହରରେ କଂକ୍ରିଟ ଜଙ୍ଗଲ ଭିତରେ ସୃଷ୍ଟି ହେବ କୃତ୍ରିମ ଜଙ୍ଗଲ । ଜଙ୍ଗଲ ପରିବେଶ ମଧ୍ୟରେ ଚିତ୍ତବିନୋଦନର ସୁଯୋଗ ପାଇବେ ଲୋକେ । ଏଥିପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି ବନ ବିଭାଗ । ସହରରେ ମିଳିବ ଜଙ୍ଗଲ ପରିବେଶ । ଟ୍ବିନସିଟିରେ ହେବ ୭ଟି ଫରେଷ୍ଟ ପାର୍କ । କଟକରେ ୫ଟି ଓ ଭୁବନେଶ୍ବରରେ ୨ଟି । OFDC ନେବ ପାର୍କର ପରିଚାଳନା ଦାୟିତ୍ୱ ।

7 Urban Forest Park To Be Setuped In Twin City

ଜଙ୍ଗଲ ନଷ୍ଟ ସାଙ୍ଗକୁ କଂକ୍ରିଟ ଜଙ୍ଗଲ ବୃଦ୍ଧି ଯୋଗୁଁ ପରିବେଶ ଦୂଷିତ ହେଉଛି । ସହର ଭିତରେ ଜଙ୍ଗଲ ପରିବେଶ ସୃଷ୍ଟି କରିବାକୁ ଯାଇ ସରକାରୀ ସ୍ତରରେ ନିଆଯାଇଛି ନିଷ୍ପତ୍ତି । ପ୍ରଥମ ପର୍ଯ୍ୟାୟରେ କଟକ ଓ ଭୁବନେଶ୍ବରରେ ପ୍ରତିଷ୍ଠା ହେବ ୭ଟି ଅର୍ବାନ୍‌ ଫରେଷ୍ଟ ପାର୍କ । ଭୁବନେଶ୍ବରରେ କୁଆଖାଇ ନଦୀ ତଟ କରୋଡକଣ୍ଟାରେ, କଟକରେ ଉତ୍ତମପୁର, ବେଲଗାଛିଆ, ଅରିଲୋ, ସେକ୍ଟର-୮, ବ୍ରଜରାଜପୁର ଆଦି ଅଞ୍ଚଳରେ ସ୍ଥାନ ଚିହ୍ନଟ ହୋଇଛି । ୧୫ ଏକରରୁ ଅଧିକ ଜମିରେ ପ୍ରତିଷ୍ଠା ପାଇଁ ବ୍ଲୁ ପ୍ରିଷ୍ଟ ପ୍ରସ୍ତୁତ କରିଛି ବନ ବିଭାଗ । ଭୁବନେଶ୍ବରରେ ଥିବା ଜୟଦେବ ବାଟିକା ଶୈଳୀରେ ହେବ ଏହି ପାର୍କ । ବିଏମ୍‌ସି. ସିଏମ୍‌ସି ଅଥବା ଓଡ଼ିଶା ବନ ଉନ୍ନୟନ ନିଗମକୁ ଏହାର ନିର୍ମାଣ ଦାୟିତ୍ୱ ଦିଆଯିବ ।

7 Urban Forest Park To Be Setuped In Twin City

ଟ୍ୱିନସିଟିରେ ଲୋକଙ୍କ ଆବଶ୍ୟକତା ମେଣ୍ଟାଇବାକୁ ପାର୍କର ଅଭାବ ରହିଛି । ଯାହା ଅର୍ବାନ୍‌ ଫରେଷ୍ଟ ପାର୍କର ପ୍ରତିଷ୍ଠା ସହିତ ପୂର୍ଣ୍ଣ ହୋଇପାରିବ । ଭୁବନେଶ୍ବର ଓ କଟକରେ ଅଧିକ ଅର୍ବାନ୍‌ ଫରେଷ୍ଟ ପାର୍କର ପ୍ରତିଷ୍ଠା ନେଇ ସରକାରଙ୍କ ନିଷ୍ପତ୍ତିକୁ ସ୍ବାଗତ କରିଛନ୍ତି ଯୁବପିଢ଼ି । ଏହା ବ୍ୟତୀତ ରାଜ୍ୟରେ ଖୁବ୍‌ଶୀଘ୍ର ପ୍ରତିଷ୍ଠା ହେବ ୨ଟି ‘ନଗର ବନ’ । ଗୋଟିଏ ଭୁବନେଶ୍ବର ପାତ୍ରପଡ଼ା ସ୍ଥିତ ଔଷଧୀୟ ବୃକ୍ଷ ସଂଜ୍ଞାନ କେନ୍ଦ୍ର ନିକଟରେ ଏବଂ ଅନ୍ୟଟି ଇସ୍ପାତ ନଗରୀ ରାଉରକେଲାରେ ପ୍ରତିଷ୍ଠା କରାଯିବ ।

କଂଗ୍ରେସ ଭବନରେ ହାଇଡ୍ରାମା; ଭିତରେ ବୈଠକ, ବାହାରେ ହୋ ହଲ୍ଲା

ଭୁବନେଶ୍ୱର: କଂଗ୍ରେସ ଭବନରେ ହାଇଡ୍ରାମା । ଭିତରେ ସର୍ବଦଳୀୟ ବୈଠକ ଚାଲିଥିବା ବେଳେ ବାହାରେ ହୋ ହଲ୍ଲା ଦେଖିବାକୁ ମିଳିଛି । ବାଇକ ରାଲି କରି କଂଗ୍ରେସ ଭବନ ଭିତରେ ପଶିଛନ୍ତି ଯୁବ କଂଗ୍ରେସ ସଭାପତିଙ୍କ ବିରୋଧୀ ଗୋଷ୍ଠୀ । କେହି କିଛି ବୁଝିବା ପୂର୍ବରୁ ଯୁବ କଂଗ୍ରେସ ସଭାପତି ସ୍ମୃତି ଲେଙ୍କାଙ୍କ ବିରୋଧରେ ଆରମ୍ଭ ହୋଇଯାଇଥିଲା ନାରାବାଜି । ସଭାପତି ପଦ ପାଇବା ପରେ ସ୍ମୃତି କଂଗ୍ରେସ ସଂଗଠନକୁ ବନ୍ଧାପକାଇଥିବା ଅଭିଯୋଗ ଆଣି ନାରାବାଜି କରିବା ସହ ତୁରନ୍ତ ଇସ୍ତଫା ଦେବାକୁ ବିରୋଧୀ ମାନେ ଦାବି କରିଛନ୍ତି ।

Youth Congress Protest During PCC Meeting

କରୋନା ସମୟରେ ସାରା ଭାତରରେ ଯୁବ କଂଗ୍ରେସ ନେତୃତ୍ୱ ଲୋକମାନଙ୍କୁ ସାହାଯ୍ୟ କରୁଥିବା ବେଳେ ଓଡ଼ିଶା ଯୁବ କଂଗ୍ରେସ ସଭାପତିଙ୍କର ଦେଖା ନଥିଲା । ସଭାପତି ସଂଗଠନ କି କର୍ମୀଙ୍କ ସହ ରହି ନାହାଁନ୍ତି । ଦିଲ୍ଲୀରେ ଚଞ୍ଚକତା କରି ପଦବୀ ହାତେଇଛନ୍ତି । ତାଙ୍କର ଜଣେ ବି ସମର୍ଥକ ନାହାନ୍ତି । ଇସ୍ତଫା ନ ଦେଲେ ଆଗାମୀ ଦିନରେ ଜୋରଦାର ବିରୋଧ ହେବ ବୋଲି ଚେତାବନୀ ବିରୋଧୀ ଗୋଷ୍ଠୀ ଦେଇଛି ।

ପିପିଲି ପାଇଁ ବିଜେଡି ଜାରି କଲା ୨୦ ଜଣିଆ ଷ୍ଟାର ପ୍ରଚାରକ ତାଲିକା

ଭୁବନେଶ୍ୱର: ଉଷ୍ମ ହେଉଛି ପିପିଲି ରାଜନୀତି । ଆସନ୍ତା ୩୦ରେ ହେବ ଭୋଟ୍ ଗ୍ରହଣ । ହାତରେ ମାତ୍ର ପ୍ରଚାର ପାଇଁ ଆଉ ୧୩ଟା ଦିନ । ପ୍ରଚାର ଜମିବାକୁ ଯାଉଥିବା ବେଳେ ବିଜେଡି ୨୦ ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କରିଛି । ଷ୍ଟାର ପ୍ରଚାରକ ତାଲିକାର ପ୍ରଥମେ ଅଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତାଲିକାର ଦ୍ୱିତୀୟରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ରହିଛନ୍ତି ।

Star Campaigner Of BJD For Pipili By Poll

ସେହିଭଳି ଅନ୍ୟମାନଙ୍କ ମଧ୍ୟରେ ପୁରୀର ପୂର୍ବତନ ବିଧାୟକ ମହେଶ୍ୱର ମହାନ୍ତି, ପୁରୀ ସାଂସଦ ପିନାକୀ ମିଶ୍ର, ଦେବୀ ପ୍ରସାଦ ମିଶ୍ର, ପ୍ରତାପ କେଶରୀ ଦେବ, ଅତନୁ ସବ୍ୟସାଚୀ ନାୟକ, ପ୍ରମିଳା ମଲ୍ଲିକ, ସଞ୍ଜୟ କୁମାର ଦାସ ବର୍ମା, ସମୀର ରଞ୍ଜନ ଦାସ, ସୁଶାନ୍ତ କୁମାର ସିଂହ, ସ୍ନେହାଙ୍ଗିନୀ ଛୁରିଆ, ପ୍ରୀତି ରଞ୍ଜନ ଘଡ଼ାଇ, ଉମାକାନ୍ତ ସାମନ୍ତରାୟ, ପ୍ରଣବ ବଳବନ୍ତରାୟ, ବ୍ୟୋମକେଶ ରାୟ, ବିଭୂତି ବଳବନ୍ତରାୟ, ତୁଷାରକାନ୍ତି ବେହେରା, ଦେବୀ ରଞ୍ଜନ ତ୍ରିପାଠୀ ଓ ସୁଧୀର କୁମାର ସାମଲ ଅଛନ୍ତି ।

Star Campaigner Of BJD For Pipili By Poll

ବିଜେପି ଓ କଂଗ୍ରେସ ମଧ୍ୟ ୨୦ ଜଣିଆ ଷ୍ଟାର ପ୍ରଚାରକ ତାଲିକା ଜାରି କରିଛନ୍ତି । ବିଜେପି ଷ୍ଟାର ପ୍ରଚାରକ ତାଲିକାରେ ତିନିଜଣ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ୱିନୀ ବୈଷ୍ଣବ ଓ ବିଶ୍ୱେଶ୍ୱର ଟୁଡୁଙ୍କ ସହ ରାଜ୍ୟ ବିଜେପି ସଭାପତି ଓ ରାଜ୍ୟ ବିଜେପି ପ୍ରଭାରୀ ରହିଛନ୍ତି । ସେହିଭଳି କଂଗ୍ରେସ ଚେଲ୍ଲା କୁମାରଙ୍କ ସହ ୨୦ ଷ୍ଟାର ପ୍ରଚାରକ ତାଲିକା ପ୍ରକାଶ କରିଛି । ତେବେ ବିଧାୟକ ତାରାପ୍ରସାଦ ବାହିନୀପତିଙ୍କ ନାଁ ଷ୍ଟାର ପ୍ରଚାରକ ତାଲିକାରେ ନାହିଁ । ଯାହାକୁ ନେଇ ଚର୍ଚ୍ଚା ହେଉଛି । କିଛିଦିନ ତଳେ ତାରା, ନିରଞ୍ଜନଙ୍କ ବିରୋଧରେ ବିଷୋଦଗାର କରିବା ସହ ଦଳ ଛାଡ଼ିବେ ବୋଲି କହିଥିଲେ ।

ବ୍ୟାଙ୍କର ଭୁଲ୍ ଯୋଗୁଁ ଖାତାକୁ ଆସିଲା ୫.୫ ଲକ୍ଷ ଟଙ୍କା, ଗ୍ରାହକ କହିଲେ ଫେରାଇବିନି ‘ମୋଦି ପଠାଇଛନ୍ତି’

ଖଗାଡିଆ: ବିହାରର ଖଗାଡିଆ ଜିଲ୍ଲାରେ ଏଭଳି ଏକ ଘଟଣା ଘଟିଛି, ଯାହାକୁ ଶୁଣିଲେ ଯେକେହିବି ଚକିତ ହୋଇପଡିବେ । ସ୍ଥାନୀୟ ଜଣେ ବ୍ୟକ୍ତିଙ୍କ ଆକାଉଣ୍ଟରେ ଅଚାନକ ସାଢେ ୫ ଲକ୍ଷ ଟଙ୍କା ଡିପୋଜିଟ୍ ହୋଇଥିଲା। ଆକାଉଣ୍ଟରେ ଏତେ ଟଙ୍କା ଥିବା ଦେଖି ବ୍ୟକ୍ତି ଜଣକ ସବୁ ଅର୍ଥରାଶି ଉଠାଇ ତାକୁ ଖର୍ଚ୍ଚ କରିବାରେ ଲାଗିଥିଲା ।

Black Money

ସୂଚନା ମୁତାବକ, ବ୍ୟାଙ୍କର ଭୁଲ୍ ପାଇଁ ବିପୁଳ ପରିମାଣର ଟଙ୍କା ରଞ୍ଜିତ ଦାସଙ୍କ ଆକାଉଣ୍ଟରେ ଡିପୋଜିଟ୍ ହୋଇଯାଇଥିଲା । ସାଢେ ୫ ଲକ୍ଷ ଟଙ୍କା ଭୁଲରେ ପଳାଇଥିବା ଜାଣିବା ପରେ ବ୍ୟାଙ୍କ ପକ୍ଷରୁ ରଞ୍ଜିତଙ୍କ ସହ ଯୋଗାଯୋଗ କରାଯାଇ ତାଙ୍କୁ ଟଙ୍କା ଫେରାଇବାକୁ କୁହାଯାଇଥିଲା। ସେ ଟଙ୍କା ଫେରାଇବାକୁ ମନା କରିବା ସହ ଏହି ଟଙ୍କା ମୋଦି ସରକାର ପଠାଇଥିବା ଓଲଟା ଯୁକ୍ତି ବାଢିଥିଲେ ।

RBI Committee Recommends Promoters UP To 26 Percent Exemption In Private Bank

ତେବେ ଟଙ୍କା ଫେରସ୍ତ ପାଇଁ ବ୍ୟାଙ୍କ ପକ୍ଷରୁ ତାଙ୍କୁ ଅନେକ ନୋଟିସ୍ ମଧ୍ୟ ପଠାଯାଇଛି । ହେଲେ ସେ ସଫାସଫା ମନା କରିଦେଇଥିଲେ । ପରବର୍ତ୍ତୀ ସମୟରେ ବ୍ୟାଙ୍କ ପକ୍ଷରୁ ରଞ୍ଜିତଙ୍କ ନାମରେ ଥାନାରେ ମାମଲା ରୁଜୁ କରାଯାଇଥିଲା । ଅଭିଯୋଗକୁ ଆଧାର କରି ପୋଲିସ ରଞ୍ଜିତଙ୍କୁ ଗିରଫ କରିବା ପରେ ଜେଲ୍ ପଠାଇଥିବା ଜଣାପଡିଛି ।

ପ୍ରତିରକ୍ଷା ବିଭାଗର ଗୁପ୍ତ ତଥ୍ୟ କେମିତି ହାତଉଥିଲେ ବିଦେଶୀ ଏଜେଣ୍ଟ, ତଦନ୍ତ କରିବ କ୍ରାଇମବ୍ରାଞ୍ଚ

ବାଲେଶ୍ୱର: ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା ଘାଟିରୁ ଗୁପ୍ତତଥ୍ୟ ଲିକ୍ ଘଟଣା । ଘଟଣାର ତଦନ୍ତଭାର ନେଇଛି କ୍ରାଇମବ୍ରାଞ୍ଚ । ଡିଆରଡିଓର ଠିକା କର୍ମଚାରୀ କିଭଳି ବିଦେଶୀ ଏଜେଣ୍ଟକୁ ତଥ୍ୟ ଦେଉଥିଲ ତାର ତଦନ୍ତ କ୍ରାଇମବ୍ରାଞ୍ଚ କରିବା ନେଇ ବାଲେଶ୍ୱର ଏସପି ସୁଧାଂଶୁ ଶେଖର ମିଶ୍ର ସୂଚନା ଦେଇଛନ୍ତି । କ୍ରାଇମବ୍ରାଞ୍ଚ ଅତିରିକ୍ତ ଏସପି ପ୍ରଶାନ୍ତ ବିଷୋୟୀଙ୍କ ନେତୃତ୍ୱରେ ୪ ଜଣିଆ ତଦନ୍ତକାରୀ ଦଳ ବାଲେଶ୍ୱର ଅଭିମୁଖେ ଯାଉଛି ।

ମାମଲାରେ ପୋଲିସ ୪ ଜଣ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରିଛି । ବାଲେଶ୍ୱର ଏସଜେଡିଏମ୍ କୋର୍ଟ ୪ ଅଭିଯୁକ୍ତଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଛନ୍ତି । ଅନ୍ୟ ୨ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ଅଟକ ଥିବା ଦୁଇ ଜଣ ହେଉଛନ୍ତି ପ୍ରକାଶ ବେହେରା ଓ ସଚିନ କୁମାର । ପ୍ରକାଶ ବେହେରା ଠିକା କର୍ମଚାରୀ ଭାବେ କାମ କରୁଥିବାବେଳେ ଷ୍ଟାଫ୍ ଡ୍ରାଇଭର ଥିଲେ ସଚିନ୍ କୁମାର । ଉଭୟଙ୍କ ବିରୋଧରେ ପ୍ରମାଣ ମିଳିଲେ ଏମାନଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ କହିଛି ।

Balasore Police Arrested 4 Contractual Employee Of DRDO Chandipur

ବିଦେଶୀ ଏଜେଣ୍ଟଙ୍କୁ ଗୋପନ ତଥ୍ୟ ଯୋଗାଇବା ଅଭିଯୋଗରେ ୪ ଠିକା କର୍ମଚାରୀଙ୍କୁ ଗିରଫ କରାଯାଇଛି । ସେମାନଙ୍କ ନାଁରେ ଦେଶଦ୍ରୋହ ସହ ଅନେକ ସଙ୍ଗୀନ ଦଫାରେ ମାମଲା ରୁଜୁ ହୋଇଛି । ୩ ମାସ ଧରି ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ହନିଟ୍ରାପ୍‌ ଦ୍ୱାରା ଗୁପ୍ତ ତଥ୍ୟ ହାତଉଥିଲେ ପାକିସ୍ତାନ ଏଜେଣ୍ଟ । ପାକିସ୍ତାନ ଏଜେଣ୍ଟଙ୍କୁ ମିଲିଟାରୀ ବ୍ଲୁପ୍ରିଣ୍ଟ ପଠାଉଥିଲେ ଅସ୍ଥାୟୀ କର୍ମଚାରୀ । ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ଲିକ୍‌ ହେଉଥିଲା ଗୁପ୍ତ ତଥ୍ୟ ।

ଏନେଇ ଓଡ଼ିଶା କ୍ରାଇମବ୍ରାଞ୍ଚର ସ୍ୱତନ୍ତ୍ର ଟିମ୍‌ ସୁରାକ୍ ପାଇବା ପରେ ଧରିବାକୁ ଆରମ୍ଭ ହୋଇଥିଲା ସିକ୍ରେଟ୍‌ ପ୍ଲାନ୍ । ୪ ଅଭିଯୁକ୍ତ ବସନ୍ତ ବେହେରା, ସେକ୍‌ ମୁସାଫିର, ତାପସ ବେହେରା ଓ ହେମନ୍ତ ମିସ୍ତ୍ରୀକୁ କୋର୍ଟ ଚାଲାଣ କରାଯାଇଛି । ଆଇଟିଆର ୩ନଂ ଲଞ୍ଚପ୍ୟାଡ୍‌ରେ ଏମାନେ ଠିକା କର୍ମଚାରୀଭାବେ ନିୟୋଜିତ ହୋଇଥିଲେ । ଟଙ୍କା ଲୋଭ ଦେଖାଇ ଏମାନଙ୍କଠାରୁ କ୍ଷେପଣାସ୍ତ୍ର ସମ୍ପର୍କିତ ତଥ୍ୟ ହାତଉଥିଲେ ବିଦେଶୀ ଏଜେଣ୍ଟ ।

‘ଆତ୍ମନିର୍ଭର ସୁସ୍ଥ ଭାରତ ଯୋଜନା’କୁ ମିଳିଲା କ୍ୟାବିନେଟ୍ ମଞ୍ଜୁରୀ, ଟେଲିକମ୍ ସେକ୍ଟରରେ ମଧ୍ୟ ପରିବର୍ତ୍ତନ

ନୂଆଦିଲ୍ଲୀ: ‘ଆତ୍ମନିର୍ଭର ସୁସ୍ଥ ଭାରତ ଯୋଜନା’କୁ ବୁଧବାର ଦିନ କ୍ୟାବିନେଟ୍ ମଞ୍ଜୁରୀ ମିଳିଛି । ଏହା ୬୪ ହଜାର କୋଟି ଟଙ୍କାର ଯୋଜନା। ଏହି ଯୋଜନା ଅଧୀନରେ ସମସ୍ତ ଜିଲ୍ଲା ଏବଂ ୩,୩୮୨ ବ୍ଲକରେ ଇଣ୍ଟିଗ୍ରେଟେଡ୍ ପବ୍ଲିକ୍ ହେଲ୍ଥ ଲ୍ୟାବ୍ ପ୍ରତିଷ୍ଠା କରାଯିବ।

ଆର୍ଥୀକ ବର୍ଷ ୨୧-୨୨ର ବଜେଟ୍ ଅଭିଭାଷଣରେ ପ୍ରାୟ ଛଅ ବର୍ଷ ମଧ୍ୟରେ ୬୪,୧୮୦ କୋଟି ଟଙ୍କା (25-26 FY) ମଧ୍ୟରେ ଏହି ଯୋଜନା କରାଯିବ। ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ସୂଚନା ଅନୁଯାୟୀ ଏହା ଜାତୀୟ ସ୍ୱାସ୍ଥ୍ୟ ମିଶନ ଅଧିନରେ ହେବ।

ଅପରପକ୍ଷେ ବିଦ୍ୟୁତ୍ ଚାଳିତ ଯାନ ଉତ୍ପାଦନ, ହାଇଡ୍ରୋଜେନ୍ ଇନ୍ଧନ ଯାନ ଆଦି ଉତ୍ପାଦନର ପ୍ରୋତ୍ସାହନ ପାଇଁ ସରକାରଙ୍କ ପକ୍ଷରୁ ୨୫,୯୩୮ କୋଟି ଟଙ୍କା ମଞ୍ଜୁର କରାଯାଇଛି। ଏହାବ୍ୟତୀତ ପାଇଁ ଡ୍ରୋନ ସେକ୍ଟର ଲାଗି ୧୨୦ କୋଟି ଟଙ୍କା ମଞ୍ଜୁର କରାଯାଇଛି ।

ଆହୁରି ମଧ୍ୟ ଟେଲିକମ୍ କ୍ଷେତ୍ର ଗୁଡିକୁ ସମସ୍ତ ଦେୟ ପାଇଁ ଚାରି ବର୍ଷର ମୋରାଟୋରିୟମ ପ୍ରଦାନ କରାଯିବ । ଏପରିକି ଏବେ ଟେଲିକମ୍ ସେକ୍ଟରରେ ୧୦୦% ଏଫଡିଆଇକୁ ଅନୁମତି ଦିଆଯାଇଛି । ଦୂରସଞ୍ଚାର ମନ୍ତ୍ରୀ ଅଶ୍ୱିନୀ ବୖେଷ୍ଣବ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଟେଲିକମ୍ କ୍ଷେତ୍ର ପାଇଁ କ୍ୟାବିନେଟରେ ୯ ଷ୍ଟ୍ରକଚୁଆଲ୍ ରିଫମର୍ସ ଓ ୫ ପ୍ରୋସେସକୁ ଅନୁମୋଦନ ମିଳିଛି । ଏହି ପରିବର୍ତ୍ତନ ସମଗ୍ର ଟେଲିକମ୍ କ୍ଷେତ୍ରର ଚିତ୍ର ବଦଳାଇଦେବ ବୋଲି ସେ ପ୍ରକାଶ କରିଛନ୍ତି । ସେହିପରି ସମସ୍ତ ଅଣ-ଟେଲିକମ୍ ରେଭିନ୍ୟୁକୁ AGRରୁ ହଟାଇ ଦିଆଯିବ ।

ଓଡ଼ିଶାକୁ ମିଳିବ ପୋଷକ ଅନାଜ ଆୱାର୍ଡ

ଭୁବନେଶ୍ୱର: ମିଲେଟ୍ ଚାଷକୁ ପ୍ରୋତ୍ସାହନ ଦେଉଥିବା ଦେଶର ରାଜ୍ୟମାନଙ୍କ ମଧ୍ୟରେ ଓଡ଼ିଶା ଶ୍ରେଷ୍ଠ । ଓଡ଼ିଶା ମିଲେଟ ମିଶନକୁ ପୂର୍ବରୁ ନୀତି ଆୟୋଗ ପ୍ରଶଂସା କରିଥିବା ବେଳେ ମିଳିବାକୁ ଯାଉଛି ପୁରସ୍କାର । ଆଇସିଏଆର୍-ଆଇଆଇଏମ୍ଆର ଓ ଏଫଓ ପକ୍ଷରୁ ଓଡ଼ିଶାକୁ ପୋଷକ ଅନାଜ ଆୱାର୍ଡ ମିଳିବ । ହାଇଦ୍ରବାଦର ଜାତୀୟ କନଭେନସନରେ ଆସନ୍ତା ୧୭ ତାରିଖରେ ଓଡ଼ିଶାକୁ ପୁରସ୍କୃତ କରିବ କେନ୍ଦ୍ର କୃଷି ମନ୍ତ୍ରଣାଳୟ ।

Odisha To Get Poshak Anaj Awards

ଓଡ଼ିଶା ମିଲେଟ ମିଶନର ସଫଳତା ପାଇଁ ଆଦିବାସୀ ଚାଷୀ, ମିଶନ ଶକ୍ତିର ମହିଳା ସ୍ୱୟଂ ସହାୟକ ଗୋଷ୍ଠୀ, ଏଫିଓ, ବିଦ୍ୟୁତ୍ ବିଭାଗ, ଏନିଡିଏସ୍, ସ୍ୱେଚ୍ଛାସେବୀ ସଂଗଠନ ଓ ୱାସନ ପ୍ରମୁଖଙ୍କ ସହଭାଗିତାକୁ କେନ୍ଦ୍ର କୃଷି ମନ୍ତ୍ରଣାଳୟ ପ୍ରଶଂସା କରିଛି । ମିଲେଟ ମିଶନର ସଫଳତା ପାଇଁ ସମସ୍ତଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି ।

ଓଡ଼ିଶାରେ ମାଣ୍ଡିଆ ଉତ୍ପାଦନ ବୃଦ୍ଧି ମାଧ୍ୟମରେ କୃଷକମାନଙ୍କୁ ବିବିଧ କୃଷି ପାଇଁ ପ୍ରୋତ୍ସାହିତ କରିବା ଏବଂ ଖାଦ୍ୟରେ ମାଣ୍ଡିଆର ବହୁଳ ବ୍ୟବହାର ମାଧ୍ୟମରେ ପୁଷ୍ଟିସାଧନକୁ ସୁନିଶ୍ଚିତ କରିବା ଲକ୍ଷ୍ୟରେ ୨୦୧୭ ମସିହାରେ ଓଡ଼ିଶା ମିଲେଟ୍ ମିଶନ ଆରମ୍ଭ କରାଯାଇଥିଲା । ମାଣ୍ଡିଆ ଉତ୍ପାଦନ ବୃଦ୍ଧି ସହ ବଜାର ସୃଷ୍ଟି ନିମନ୍ତେ ସମନ୍ୱିତ ଶିଶୁ ବିକାଶ ଯୋଜନା, ମଧ୍ୟାହ୍ନ ଭୋଜନ ଏବଂ ସାଧାରଣ ବଣ୍ଟନ ବ୍ୟବସ୍ଥାରେ ମାଣ୍ଡିଆକୁ ସାମିଲ କରିବା ନେଇ ବହୁମୂଖୀ ଯୋଜନାମାନ ମଧ୍ୟ ପ୍ରସ୍ତୁତ ହୋଇଥିଲା ।