spot_img
Home Blog Page 5352

ଉପରମୁଣ୍ଡରେ ପ୍ରବଳ ବର୍ଷା କାରଣରୁ ହୀରାକୁଦରେ ଖୋଲିଲା ମୋଟ ୨୪ଟି ଗେଟ

ସମ୍ବଲପୁର: ଉପରେ ମୁଣ୍ଡରେ ବର୍ଷା କାରଣରୁ ବଢୁଛି ହୀରାକୁଦ ଜଳଭଣ୍ଡାରର ଜଳସ୍ତର। ଗତକାଲି ମୋଟ ୧୮ଟି ଗେଟ ଖୋଲାଯାଇଥିବା ବେଳେ ଆଜିକୁ ମୋଟ ୨୪ ଗେଟ୍‌ ଖୋଲାଯାଇଛି। ମୋଟ ୨୪ ଗେଟ ଦେଇ ବନ୍ୟାଜଳ ନିଷ୍କାସିତ ହେଉଛି। ବାମପାର୍ଶ୍ୱର ୧୬ ଟି ଗେଟ ଖୋଲାଯାଇଥିବା ବେଳେ ଡାହାଣ ପାର୍ଶ୍ୱର ୮ଟି ଗେଟ ଖୋଲାଯାଇଛି ହେଉଛି ଜଳ ନିଷ୍କାସନ।

ପ୍ରତି ସେକେଣ୍ଡରେ ଜଳଭଣ୍ଡାରକୁ ୪ ଲକ୍ଷ ୩୫ ହଜାର ୭୯୪ ଘନଫୁଟ ବନ୍ୟାଜଳ ପ୍ରବେଶ କରୁଥିବା ବେଳେ, ୪ ଲକ୍ଷ ୨୩ ହଜାର ୮୯ ଘନଫୁଟ ଜଳ ନିଷ୍କାସିତ ହେଉଛି। ହୀରାକୁଦର ସର୍ବାଧିକ ଜଳଧାରଣ କ୍ଷମତା ୬୩୦ ଫୁଟ ଥିବା ବେଳେ, ବର୍ତ୍ତମାନ ନଦୀବନ୍ଧର ଜଳସ୍ତର  ୬୨୮.୩୯ ଫୁଟରେ ପହଞ୍ଚିଛି ଜଳସ୍ତର। ତେବେ ଗତ ୨୪ ଘଣ୍ଟା ମଧ୍ୟରେ ହୀରାକୁଦ ଉପର ମୁଣ୍ଡରେ ୪୨.୮୧ ମିଲିମିଟର୍‌ ଓ ତଳ ମୁଣ୍ଡରେ ୧୦.୮୭ ମିଲିମିଟର୍‌ ବର୍ଷା ହୋଇଥିବା ହୀରାକୁଦ ବନ୍ଧ ନିୟନ୍ତ୍ରଣ କକ୍ଷ ସୂତ୍ରରୁ ପ୍ରକାଶ।

ହୀରାକୁଦ ଡ୍ୟାମ୍ ଜଳସ୍ତର ୬୨୮.୨୩ ଫୁଟ ରହିଛି। ଡ୍ୟାମ୍ ଜଳସ୍ତର ୬୨୮ ଫୁଟ ମଧ୍ୟରେ ରଖିବାକୁ ସ୍ଥିର ହୋଇଥିବାରୁ ଅଧିକ ଗେଟ୍‌ ଖୋଲାଯାଉଛି। ଆଜି ସକାଳେ ମୁଣ୍ଡଳିରେ ୬.୪ ଲକ୍ଷ କ୍ୟୁସେକ୍‌ ଜଳ ପ୍ରବାହିତ ହେଉଛି। ଅଧିକ ଗେଟ୍ ଖୋଲିଲେ ବି ମୁଣ୍ଡଳିରେ ୭ ଲକ୍ଷ କ୍ୟୁସେକ୍‌ ପାଣି ପାସ୍ କରିବ। ତେଣୁ ମହାନଦୀରେ ଏକ ଛୋଟ ବା ମଧ୍ୟମ ଧରଣର ବନ୍ୟା ଆସିବାର ଆଶଙ୍କା ରହିଛି।

ଏସ୍‌ଆର୍‌ସିଙ୍କ ସୂଚନା ଅନୁଯାୟୀ ଲଗାଣ ବର୍ଷା ପରେ ଆଖୁଆପଦା ଠାରେ ବୈତରଣୀ ବିପଦ ସଙ୍କେତ ଉପରେ ଥିଲେ ବି ଜଳ ପତନ ହ୍ରାସ ପାଇବା ଆରମ୍ଭ କରିଛି। ବ୍ରାହ୍ମଣୀ ବିପଦ ସଙ୍କେତ ତଳେ ରହିଛି। କିନ୍ତୁ ଏଠାରେ ୩ଟି ଛୋଟ ଘାଇ ହୋଇଛି। ଜଳକା ବିପଦ ସଙ୍କେତ ଉପରେ ଥିଲେ ବି ବନ୍ୟା ପରିସ୍ଥିତି ନାହିଁ। ବୁଢ଼ାବଳଙ୍ଗ ଓ ସୁବର୍ଣ୍ଣରେଖା ବିପଦ ସଙ୍କେତ ତଳେ ପ୍ରବାହିତ ହେଉଛି।

ଲଘୁଚାପ ବର୍ଷା କାରଣରୁ ରାଜ୍ୟର ୮ଟି ନଦୀରେ ବଢ଼ିବାରେ ଲାଗିଛି ଜଳସ୍ତର

ଭୁବନେଶ୍ୱର: ବର୍ଷା ପରେ ରାଜ୍ୟରେ ବଢୁଛି ବିଭିନ୍ନ ନଦୀର ଜଳସ୍ତର। ରାଜ୍ୟର ୮ଟି ନଦୀର ଜଳସ୍ତର ବଢିବାରେ ଲାଗିଛି। ଆଳିପିଙ୍ଗଳରେ ଦେବୀ ନଦୀ ବଢୁଥିବା ବେଳେ ନିମାପଡ଼ାରେ ବଢୁଛି କୁଶଭଦ୍ରା। ସେହିପରି ସୁନ୍ଦରଗଡ଼ର ଇବ ନଦୀ ସହ ପାନପଶରେ ବଢୁଛି ବ୍ରାହ୍ମଣୀର ଜଳସ୍ତର। ସେହିପରି ବୈତରଣୀ ଓ ଜଳକା ନଦୀର ଜଳସ୍ତର ମଧ୍ୟ ବଢ଼ିବାରେ ଲାଗିଛି।

ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ଏହି ସବୁ ନଦୀରେ ଜଳସ୍ତର ବଢ଼ୁଛି। ଆଖୁଆପଦାରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ବୈତରଣୀ। ବିପଦ ସଙ୍କେତ ୧୭.୮୩ ମିଟର ଥିବାବେଳେ ଏବେ ବନ୍ୟାଜଳ ୧୮.୩୧ ମିଟର ଉପରେ ପ୍ରବାହିତ ହେଉଛି। ବୈତରଣୀ ବନ୍ୟାରେ ଧାମନଗର, ଭଣ୍ଡାରିପୋଖରୀ ବ୍ଲକର ତଳି ଅଞ୍ଚଳରେ ପାଣି ପଶିବା ସହ ହେକ୍ଟର ହେକ୍ଟର ଚାଷ ଜମି ବୁଡି ରହିଛି।

ସେହିପରି ମଥାନିରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ଜଳଳାର ଜଳସ୍ତର। ଜଳକାରେ ବିପଦ ସଙ୍କେତ ୫.୫୦ ମିଟର ଥିବା ବେଳେ ପ୍ରବାହିତ ହେଉଛି ୬.୬୩ ମିଟର ରହିଛି। ସେହିପରି ସୁର୍ଣ୍ଣରେଖାରେ ଜଳସ୍ତର ୯.୬୮ ମିଟର ରହିଛି।

ନିଷ୍ଠାପର ସ୍ୱାସ୍ଥ୍ୟସେବା ପାଇଁ ପ୍ରେମଲତା ବାରିକଙ୍କୁ ଜାତୀୟ ଫ୍ଲୋରେନ୍ସ ନାଇଟେଙ୍ଗଲ ସମ୍ମାନ

ଭୁବନେଶ୍ୱର: ସ୍ବାସ୍ଥ୍ୟସେବା କ୍ଷେତ୍ରରେ ନିଷ୍ଠାପର କାର୍ଯ୍ୟ ପାଇଁ ଜାତୀୟ ଫ୍ଲୋରେନ୍ସ ନାଇଟେଙ୍ଗଲ ସମ୍ମାନ ପାଇଲେ ପ୍ରେମଲତା ବାରିକ । କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ପ୍ରେମଲତା ବାରିକଙ୍କୁ ରାଷ୍ଟ୍ରପତି ସମ୍ମାନିତ କରିଛନ୍ତି । ଜଗତସିଂହପୁର କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଅଛନ୍ତି ପ୍ରେମଲତା ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ କରି ପ୍ରେମଲତାଙ୍କୁ ଶୁଭେଚ୍ଛା ଜଣାଇଛନ୍ତି । ଲେଖିଛନ୍ତି, ଲୋକଙ୍କୁ ସ୍ୱାସ୍ଥ୍ୟସେବା ପ୍ରଦାନ କ୍ଷେତ୍ରରେ ଉତ୍କୃଷ୍ଟ କାର୍ଯ୍ୟ ପାଇଁ ରାଷ୍ଟ୍ରପତିଙ୍କ ଦ୍ଵାରା ଜାତୀୟ ଫ୍ଲୋରେନ୍ସ ନାଇଟେଙ୍ଗଲ୍ ସମ୍ମାନରେ ସମ୍ମାନିତ ପ୍ରେମଲତା ବାରିକଙ୍କୁ ଶୁଭେଚ୍ଛା । ଆପଣଙ୍କ ନିଷ୍ଠା ଓ ସମର୍ପିତ ସେବା ମନୋଭାବ ସମସ୍ତଙ୍କ ପାଇଁ ପ୍ରେରଣାର ଉତ୍ସ ।

ପୁଣି ଥରେ TATA ହାତେଇବ ଏୟାର ଇଣ୍ଡିଆ, ଉଡ଼ାଇବ ବିମାନ…

ନୂଆଦିଲ୍ଲୀ: ଘରୋଇକରଣ ହେବ ଏୟାର ଇଣ୍ଡିଆ କମ୍ପାନୀ । ଏଥିପାଇଁ ଅନେକ କମ୍ପାନୀ ମଧ୍ୟରେ ଆଗ୍ରହ ଦେଖିବାକୁ ମିଳିଛି । ଯେଉଁଥିରେ ସବୁଠାରୁ ଆଗରେ ରହିଛି ଟାଟା ଗ୍ରୁପ । ଯେଉଁ ଟାଟା ଗ୍ରୁପ ଦିନେ ଭାରତରେ ବିମାନ ଚଲାଚଳ ସଂସ୍ଥା ଆରମ୍ଭ କରିଥିଲା, ସେହି ଟାଟା ଗ୍ରୁପ ଆଜି ପୁଣି ଏୟାର ଇଣ୍ଡିଆରେ ଅଂଶୀଦାର ହେବାକୁ ଯାଉଛି । ବିମାନଚଟଳାଚଳ ସଂସ୍ଥା ଘରୋଇକରଣ ହେଲେ ଟାଟା କମ୍ପାନୀ ସେୟାର କିଣିବାର ସର୍ବାଗ୍ରେ ରହିଛି । ତଥ୍ୟ ଅନୁଯାୟୀ ୧୯୩୨ ମସିହାରେ ଏୟାର ଇଣ୍ଡିଆର ସୃଷ୍ଟି ହୁଏ । ଏବଂ ଏହାର ସୃଷ୍ଟିକର୍ତ୍ତା ସାଜେ ଟାଟା କମ୍ପାନୀ । ସେତେବେଳେ ଟାଟା କମ୍ପାନୀ ପରିଚାଳନା ଦାୟିତ୍ୱରେ ଥିବା ଜେଆରଡ଼ି ଟାଟା ନିଜେ ଜଣେ ପାଇଲଟ ଥିବାବେଳେ ଏୟାର ଇଣ୍ଡିଆ କମ୍ପାନୀ ନିର୍ମାଣର ମଙ୍ଗ ଧରିଥିଲେ । ଆଉ ଏବେ ପୁଣି ଥରେ ଟାଟା କମ୍ପାନୀ ଏୟାର ଇଣ୍ଡିଆକୁ କିଣିବା ପାଇଁ ବିଡ଼ିଂ ଜମା କରିବା ଆରମ୍ଭ କରିଦେଇଛି । କେବଳ ଦେଖିବାକୁ ବାକି ରହିଛି କତେବେ ଟାଟା କମ୍ପାନୀ ବିମାନ ଚଳାଚଳ ସଂସ୍ଥାକୁ ହାତେଇବାକୁ ଯାଉଛି ?

ଦ୍ୱିତୀୟ ବିଶ୍ୱଯୁଦ୍ଧ ବେଳେ ଭାରତରେ ଆରମ୍ଭ ହୋଇଥାଏ ସାମାନ୍ୟ ବିମାନ ସେବା । ଏହି ସମୟରେ ସଂସ୍ଥାର ନାମକୁ ଏୟାର ଇଣ୍ଡିଆ ରଖାଯାଇଥିଲା । ଏବଂ ଦେଶ ସ୍ୱାଧିନତା ପରେ ସରକାର ଏହାକୁ ନିଜ ପଟକୁ ନେବାକୁ ପକ୍ରିୟା ଆରମ୍ଭ କରିଦେଇଥିଲେ । ଫଳରେ ୧୯୫୩ ମସିହାରେ କେନ୍ଦ୍ର ସରକାର ପାର୍ଲିଆମେଣ୍ଟରେ ଏୟାର କର୍ପୋରେସନ ଆକ୍ଟ ପାସ କରିବା ସହ ବିମାନ ଚଳାଚଳ ସଂସ୍ଥା ଏୟାର ଇଣ୍ଡିଆକୁ ସମ୍ପୂର୍ଣ୍ଣ ସରକାରୀ ସଂସ୍ଥା ଘୋଷଣା କରିଥିଲେ । ଅର୍ଥାତ ସରକାରଙ୍କ ମାଲିକାନାରେ ରହିଥିଲା ବିମାନ ଚଳାଚଳ ସଂସ୍ଥା । କିନ୍ତୁ ବର୍ତ୍ତମାନ ଘରୋଇକରଣକୁ ନେଇ ସୃଷ୍ଟି ଦହେଉଥିବା ବିବାଦ ପୂର୍ବରୁ ମଧ୍ୟ ରହିଥିଲା । ଅର୍ଥାତ ୟୁପିଏ ଗମେଣ୍ଟ ମଧ୍ୟ ବିମାନ ଚଳାଚଳ ସଂସ୍ଥାକୁ ଘରୋଇକରଣ କରିବା ନିଷ୍ପତ୍ତି ନେଇଥିଲେ ।

ଏୟାର ଇଣ୍ଡିଆ କୁ ପ୍ରାଇଭେଟଜାଇସନ କରିବା ନିଷ୍ପତ୍ତି ପୂର୍ବରୁ ରହିଥିଲା । ୨୦୦୦ରୁ ୨୦୦୧ ମସିହା ମଧ୍ୟରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା । କିନ୍ତୁ ନିଷ୍ପତ୍ତି ନିଆଯାଇ ନଥିଲା । ଅର୍ଥାତ ୟୁପିଏ ସରକାର ଏହି ସମୟରେ ବିମାନ ଚଳାଚଳ ସଂସ୍ଥାକୁ ଘରୋଇ କରଣ କରିବା ନେଇ ସେମିତି କିଛି ସ୍ପଷ୍ଟ ନିର୍ଦେଶ ନେଇନଥିଲେ । ପୁଣି ଥରେ ଏହି ଚର୍ଚ୍ଚା ଆରମ୍ଭ ହୋଇଥିଲା ୨୦୦୭ ମସିହାରେ । ଅର୍ଥାତ ଇଣ୍ଡିଆନ୍ସ ଏୟାରଲାଇନ୍ସରେ ବିଲୟ ହୋଇଥିଲା ଏୟାର ଇଣ୍ଡିଆ ସଂସ୍ଥା । ଘରୋଇକରଣ ସିନା କରିଦେଲେ ସରକାର । କିନ୍ତୁ ସଂସ୍ଥା ଚାଲିବା କଷ୍ଟକର ହୋଇପଡିଲା । ଅର୍ଥାତ କହିବାକୁ ଗଲେ ବିପର୍ଯ୍ୟସ୍ଥ ହୋଇ ପଡ଼ିଥିଲା ବିମାନ ଚଳାଚଳ ସଂସ୍ଥା । ଏକାବେଳକେ ଦୁଇଟି ବିମାନ କମ୍ପାନୀରେ ଦେଖା ଦେଇଥିଲା ଅର୍ଥିକ ମାନ୍ଦାବସ୍ଥା । କିନ୍ତୁ ୨୦୦୬ ମସିହାରେ କମ୍ପାନୀର ଆୟ ୭.୭ ଆରବ ଥିବାବେଳେ ୨୦୦୯ ମସିହା ବେଳକୁ ବୃଦ୍ଧି ଘଟି ଏହା ୭୨ ଆରବଲରେ ପହଁଚିଥିଲା ।

ଏହାପରେ ପୁଣି ଥରେ କେନ୍ଦ୍ର ସରକାରଙ୍କ ଅଧିନକୁ ଫେରାଇ ଆଣିଥିଲେ ୟୁପିଏ ଗମେଣ୍ଟ । କିନ୍ତୁ ୨୦୧୪ରେ ନରେନ୍ଦ୍ର ମୋଦିଙ୍କ ନେତୃତ୍ୱାଧିନ ଏନଡିଏ ସରକାର ପୂର୍ବ ଢାଞ୍ଚାରେ ପରିଣତ କରିବାକୁ ଚାହୁଁଛନ୍ତି । ୨୦୧୭ ମସିହାରେ ପୁଣି ଥରେ ନରେନ୍ଦ୍ର ମୋଦିଙ୍କ ସରକାର ବିମାନ ଚଳାଚଳ ସଂସ୍ଥାକୁ ଘରୋଇ କରଣ କରିବା ପକ୍ରିୟା ଆରମ୍ଭ କରିଦେଇଛନ୍ତି । କୋଭିଡର ଏଣ୍ଟ୍ରି ହିଁ ଏହି ପ୍ରସ୍ତାବକୁ ଅଧାରେ ଅଟକାଇ ଦେଇଛି । ନଚେତ ଏବେ ପୁଣି ଥରେ ଟାଟା କମ୍ପାନୀ ଉଡାନ୍ତାଣି ଏୟାର ଇଣ୍ଡିଆ

ଧାମରା ବନ୍ଦରରେ ଅପ୍ରବାସ କେନ୍ଦ୍ର ପାଇଁ  ୧୪ଟି ପୋଲିସ ପଦବୀ ସୃଷ୍ଟି କଲେ ରାଜ୍ୟ ସରକାର 

ଭୁବନେଶ୍ୱର: ଭଦ୍ରକ ଜିଲ୍ଲାର ଧାମରା ବନ୍ଦର ଠାରେ ଏକ ନୂତନ ଅପ୍ରବାସ କେନ୍ଦ୍ର (Immigration Check Post) ନିମନ୍ତେ ୧୪ଟି ପୋଲିସ ପଦବୀ ସୃଷ୍ଟି କରାଯାଇଛି। ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଏହି ନୂତନ ପଦବୀ ଗୁଡ଼ିକୁ ଅନୁମୋଦନ  କରିଛନ୍ତି ।

ଏଥିରେ ଦୁଇଟି ଇନ୍‌ସପେକ୍ଟର, ୮ଟି ସବ୍‌-ଇନ୍‌ସପେକ୍ଟର ଓ ୪ଟି କନେଷ୍ଟବଳ ପଦବୀ ସୃଷ୍ଟି କରାଯାଇଛି । ସୂଚନାଯୋଗ୍ୟ ଯେ କେନ୍ଦ୍ର ସରକାରଙ୍କ ପକ୍ଷରୁ ଧାମରା ବନ୍ଦରକୁ ଏକ ଅପ୍ରବାସ କେନ୍ଦ୍ର ରୂପେ ଘୋଷଣା କରାଯିବା ପରେ ଏହାର କାର୍ଯ୍ୟଭାର ରାଜ୍ୟ ସରକାର ଗ୍ରହଣ କରିଛନ୍ତି ।

ଲଗାଣ ବର୍ଷା ଓ ବନ୍ୟାରେ କ୍ଷତିଗ୍ରସ୍ତ ୭ ହଜାର ୫୪୦ଟି ଘର, ୬ ମୃତ

ଭୁବନେଶ୍ୱର: ଲଘୁଚାପ ଦୁର୍ବଳ ହେବା ପରେ କମିଛି ଲଗାଣ ବର୍ଷା । ବର୍ଷା ସିନା କମିଛି ହେଲେ ତଳିଆ ଅଞ୍ଚଳରୁ ପାଣି ଛାଡ଼ିନି । ଆଜି ୧୨ ଜିଲ୍ଲାର ୨୩ ବ୍ଲକରେ ୫୦ ମିଲିମିଟରରୁ ଅଧିକ ବର୍ଷା ରେକର୍ଡ ହୋଇଛି । ସନ୍ଧ୍ୟା ୬ଟା ସୁଦ୍ଧା ଆଖୁଆପଦାରେ ବୈତରଣୀ ବିପଦ ସଂକେତ ଉପରେ ପ୍ରବାହିତ ହେଉଥିବା ବେଳେ ମଥାନୀରେ ଜଳକା ନଦୀର ଜଳସ୍ତର ବୃଦ୍ଧି ପାଇଛି । ସେପଟେ ଉପରମୁଣ୍ଡରେ ବର୍ଷା ଯୋଗୁଁ ହୀରାକୁଦ ଡ୍ୟାମର ଆଉ ୪ଟି ସ୍ଲୁଇସ୍ ଗେଟ୍ ଖୋଲାଯାଇଛି । ଏବେ ୨୮ଟି ସ୍ଲୁଇସ୍ ଗେଟ୍ ଦେଇ ନିଷ୍କାସିତ ହେଉଛି ବନ୍ୟା ଜଳ । ବାମ ପାର୍ଶ୍ୱରୁ ୧୯ଟି ଓ ଡାହାଣ ପାର୍ଶ୍ୱରୁ ୯ଟି ଗେଟ୍ ଖୋଲା ରହିଛି ।

7540 House Damaged By Heavy Rain And Flood In Odisha

ଲଗାଣ ବର୍ଷାରେ ରାଜ୍ୟର ୨୪ଟି ଜିଲ୍ଲା ପ୍ରଭାବିତ ହୋଇଛି । ଅନୁଗୁଳ, ବରଗଡ଼, ବଲାଙ୍ଗିର, ବାଲେଶ୍ୱର, ଭଦ୍ରକ, ବୌଦ୍ଧ, କଟକ, ଦେବଗଡ଼, ଢେଙ୍କାନାଳ, ଜଗତସିଂହପୁର, ଯାଜପୁର, ଗଞ୍ଜାମ, ଝାରସୁଗୁଡ଼ା, କଳାହାଣ୍ଡି, କନ୍ଧମାଳ, କେନ୍ଦ୍ରାପଡ଼ା, କେନ୍ଦୁଝର, ଖୋର୍ଦ୍ଧା, କୋରାପୁଟ, ମୟୂରଭଞ୍ଜ, ନୟାଗଡ଼, ନୂଆପଡ଼ା,ପୁରୀ ଓ ସୁବର୍ଣ୍ଣପୁର ଜିଲ୍ଲା ପ୍ରଭାବିତ ହୋଇଛି ।

7540 House Damaged By Heavy Rain And Flood In Odisha

୨୪ ଜିଲ୍ଲାର ୧୩୯ଟି ବ୍ଲକର ୪ ହଜାର ୯୬୪ ଗାଁ ଓ ୩୩ଟି ସହରାଞ୍ଚଳରେ ଜଳବନ୍ଦୀ ସ୍ଥିତି ଉପୁଜିଛି । ଏହାଦ୍ୱାରା ମୋଟ ୨୩ ଲକ୍ଷ ୮୨ ହଜାର ୭୯୫ ଲୋକ ପ୍ରଭାବିତ ହୋଇଥିବା ବେଳେ ୨୦ ହଜାର ୫୫୨ ଜଣଙ୍କୁ ସୁରକ୍ଷିତ ଭାବେ ଅନ୍ୟତ୍ର ସ୍ଥାନାନ୍ତରିତ କରାଯାଇଛି । ୭ ହଜାର ୫୪୦ଟି ଘର ଲଗାଣ ବର୍ଷା ଓ ବନ୍ୟାରେ କ୍ଷତିଗ୍ରସ୍ତ ହୋଇଛି । ପ୍ରାଥମିକ ରିପୋର୍ଟ ଅନୁସାରେ ୬ ଜଣଙ୍କ ମୃତ୍ୟୁ ହୋଇଛି ।

7540 House Damaged By Heavy Rain And Flood In Odisha

କେନ୍ଦ୍ରାପଡ଼ାରେ କାନ୍ଥ ଭୁଶୁଡ଼ି ୩ ଜଣ ପ୍ରାଣ ହରାଇଥିବା ବେଳେ ଖୋର୍ଦ୍ଧା ଜିଲ୍ଲାରେ ବୁଡ଼ି ଯାଇ ଜଣଙ୍କ ମୃତ୍ୟୁ ହୋଇଛି । ସେହିଭଳି ଗଞ୍ଜାମ ଓ ଗଜପତିରେ କାନ୍ଥ ଭୁଶୁଡ଼ି ୨ ଜଣ ଜୀବନ ହାରିଛନ୍ତି । ବଲାଙ୍ଗିରର ପୁଇଁତଳାରେ ନାଳରେ ଭାସିଯାଇ ଜଣେ ନିଖୋଜ ଥିବାବେଳେ କଟକ ନିଶ୍ଚନ୍ତକୋଇଲିର ଜଣେ ନିଖୋଜ ଅଛନ୍ତି । ବାଲେଶ୍ୱରରେ ଓଡ୍ରାଫର ୨ଟି ଓ ଗୋଟିଏ ଏନଡିଆରଏଫ୍ ଟିମ୍ ମୁତୟନ ଅଛନ୍ତି । ଭଦ୍ରକରେ ଗୋଟିଏ ଓଡ୍ରାଫ ଓ ଗୋଟିଏ ଏନଡିଆରଏଫ୍ ଏବଂ କେନ୍ଦ୍ରାପଡ଼ାରେ ୨ଟି ଓଡ୍ରାଫ ଟିମ୍ ମୁତୟନ ଅଛନ୍ତି ।

ସମୁଦ୍ର ଭିତରେ ରହିଛି କି ’ଏଲିୟନ୍ସ’ଙ୍କ ଦୁନିଆ?

ଆଜିବି ଅଧିକାଂଶ ସାମୁଦ୍ରିକ ଜୀବ ଗଭୀର ମହାସାଗର ଭିତରେ ରହୁଛନ୍ତି । ଯାହା ସହ ମଣିଷ ସମାଜ ଅପରିଚିତ | ସମୁଦ୍ର ତଳେ ଥିବା ଜୀବନ ଏକ ବିଜ୍ଞାନଭିତ୍ତିକ ଚଳଚ୍ଚିତ୍ର ପରି । ଅଜବଗଜବ ଜୀବରେ ଭରପୂର ମହାସାଗର, ଯେଉଁ ଜୀବ ଗୁଡିକ ଚଳଚ୍ଚିତ୍ରରେ ଦେଖାଯାଉଥିବା ଏଲିଏନ୍ ପରି ଦେଖାଯାନ୍ତି । ଏହି ଜୀବମାନଙ୍କ ମଧ୍ୟରୁ ଅଧିକାଂଶ ଗଭୀର ସମୁଦ୍ର ତଳେ ରହିଥାନ୍ତି କିନ୍ତୁ ବେଳେବେଳେ ସେମାନେ କୂଳକୁ ଆସଯାଆନ୍ତି । ଆଉ ଯାହାକୁ ଦେଖିଲେ ଆଶ୍ଚର୍ଯ୍ୟ ହୋଇପଡନ୍ତି ସାଧାରଣ ଲୋକ।

ସେହିପରି ଦେଖନ୍ତୁ କିଛି ଅଦ୍ଭୁତ ଜୀବ, ଯାହାକି ଗତ ଦଶନ୍ଧି ମଧ୍ୟରେ ସମୁଦ୍ର କୂଳରେ ଭାସୁଥିବାର ନଜର ଆସିଥିଲେ…

ବିଶାଳକାୟ ସ୍କ୍ୱିଡର ଓଜନର ୩୩୦ କିଗ୍ରାରୁ ଅଧିକ
୨୦୧୩ ମସିହା ଅକ୍ଟୋବର ମାସରେ ଏକ ବିଶାଳ ସ୍କ୍ୱିଡ୍ (Architeuthis dux) ସ୍ପେନର ସମୁଦ୍ର ତଟରେ ଭାସୁଥିବା ନଜର ଆସିଥିଲା । ଯାହାର ଆକାର ବିଶାଳକାୟ ଥିଲା । ବହୁ ଶତାବ୍ଦୀ ଧରି ବିଶାଳ ସ୍କ୍ୱିଡ୍ ବିଷୟରେ ବିଭିନ୍ନ କାଳ୍ପନିକ କଥା ଦାବି କରାଯାଉଛି । ପ୍ରାଣୀ ଜଗତରେ ସବୁଠାରୁ ବଡ଼ ଆଖି ହେଉଛି ସ୍କ୍ୱିଡର । ସେମାନେ ଗଭୀର ପାଣିରେ ରହୁଥିବା ବେଳେ ଖୁବ୍ କମ୍ ପାଣିରୁ ବାହାରକୁ ଆସନ୍ତି । ଲାଇଭ ସାଇନ୍ସର ରିପୋର୍ଟ ଅନୁଯାୟୀ ଅକ୍ଟୋବର ୨୦୧୩ରେ ଦେଖାଯାଇଥିବା ଏହି ସ୍କ୍ୱିଡର ଲମ୍ବ ୧୩ ଫୁଟରୁ ଅଧିକ ଏବଂ ଓଜନ ୬୬୦ ପାଉଣ୍ଡ ଅର୍ଥାତ୍ ୩୩୦ କିଲୋଗ୍ରାମରୁ ଅଧିକ ।

ସେହିଭଳି ଆଉ ଏକ ଘଟଣା ଘଟିଥିଲା ଫିଲିପାଇନ୍ସର ଓରିଏଣ୍ଟାଲ ମିଣ୍ଡୋରୋ ପ୍ରଦେଶରେ। ୨୦୧୮ ମସିହା ମେ ମାସରେ ସ୍ଥାନୀୟ ବାସିନ୍ଦା ଦେଖିଥିଲେ କିଛି ଏଭଳି ଦୃଶ୍ୟ, ଯାହାକୁ ଦେଖି ସମସ୍ତେ ଚକିତ ହୋଇପଡିଥିଲେ।  ବିଶେଷଜ୍ଞ ମାନେ ଏହି ଜୀବକୁ ଯାଞ୍ଚ କିମ୍ବା ଚିହ୍ନଟ କରିବା ପୂର୍ବରୁ ସ୍ଥାନୀୟ ଲୋକମାନେ ଏହି ୨୦ ଫୁଟ ଲମ୍ବର ଜୀବକୁ ‘The Globster’ ନାମକରଣ କରାଯାଇଥିଲା । ଏହା ଖୁବ୍ ଗନ୍ଧ ହେଉଥିଲା ବେଳେ ଶରୀରର ଉପର ଅଂଶ ଜାଲ ଭଳି ରହିଥିଲା ।

ତେବେ ଏହାକୁ ନେଇ ବୈଜ୍ଞାନିକ ମାନେ କହିଥିଲେ, ଫୁଲିଲା ଭଳି ଦେଖାଯାଉଥିବା ଏହି ଜୀବଟି ହୁଏତ୍ ଏକ ହ୍ୱେଲର। ଆଉ ମୃତଦେହ ଡିକମ୍ପୋଜ୍ ହେବା ଯୋଗୁଁ ଶରୀରରେ ଜାଲ୍ ସୃଷ୍ଟି ହୋଇଛି ।

୨୦୧୭ ମସିହା ମେ ମାସରେ ଦକ୍ଷିଣ ଆଫ୍ରିକା ଉପକୂଳରେ ଏକ ରହସ୍ୟମୟ ସାମୁଦ୍ରିକ ଜୀବ ଦେଖିବାକୁ ମିଳିଥିଲା । ତିନୋଟି ବିଶାଳକାୟ ଧଳା ସାର୍କ ସମୁଦ୍ରର କୂଳରେ ଭାସୁଥିବା ଦେଖିବାକୁ ପାଇଥିଲେ ସ୍ଥାନୀୟ ବାସିନ୍ଦା । ସମସ୍ତ ତିନୋଟି ସାର୍କଙ୍କର ଲିଭର ଓ ଗୋଟିଏ ହାର୍ଟ ନଥିଲା । ମୃତ୍ୟୁର କାରଣ ଜାଣିବା ପାଇଁ ବୖେଜ୍ଞାନିକମାନେ ତିନୋଟି ସାର୍କର ଯାଞ୍ଚ କରିଥିଲେ। ଆଉ ମୃତ୍ୟୁର କାରଣ ଥିଲା ଅନ୍ୟ ଏକ ସମୁଦ୍ର ଜୀବ ତଥା  orcas ।  orcas (Orcinus orca)କୁ କିଲର ହ୍ୱେଲ୍ ମଧ୍ୟ କୁହାଯାଏ । ଏହା ସାର୍କ ଭଳି ଅନ୍ୟ ପ୍ରଜାତି ଉପରେ ଆକ୍ରମଣ କରି ସେମାନଙ୍କର ଅଙ୍ଗକୁ ଖାଇବା ପାଇଁ ବେଶ୍ ପରିଚିତ । ଆଉ ଏହାର ପ୍ରିୟ ଖାଦ୍ୟ ଲିଭର ବୋଲି କୁହାଯାଏ, କାରଣ ଏହା ଚର୍ବି ଓ ପୋଷକ ତତ୍ତ୍ୱରେ ପରିପୂର୍ଣ୍ଣ ।

ସେହିପରି ମେ, ୨୦୨୧ରେ ଜଣେ ମତ୍ସ୍ୟଜୀବୀ କାଲିଫର୍ନିଆର କ୍ରିଷ୍ଟାଲ୍ କୋଭ୍ ଷ୍ଟେଟ୍ ପାର୍କରେ ଏକ  ଆଙ୍ଗଲରଫିସର ଶବ ଦେଖିବାକୁ ପାଇଥିଲେ । ସାଧାରଣତଃ ଏହି ଜୀବ ମାନେ ଗଭୀର ସମୁଦ୍ରରେ ରହିଥାନ୍ତି । ଏହାର ଓଜନ ପ୍ରାୟ ୯୧୪ ମିଟର ହୋଇଥିବା ବେଳେ ଏହା ପାଖାପାଖି ୩୦୦୦ ଫୁଟ ଗଭୀର ପାଣିରେ ମିଳିଥାଏ । ଆଙ୍ଗଲରଫିସ ଦେଖିବାକୁ ଖୁବ୍ ଭୟାନକ ହୋଇଥିବା ବେଳେ କଠିନରୁ କଠିନ ପରିସ୍ଥିତିରେ ମଧ୍ୟ ଜୀବିତ ରହିପାରେ । କେବଳ ଗଭୀର ପାଣିରେ  ନୁହେଁ ବରଂ ବରଫ ଭଳି ତାପମାତ୍ରା ମଧ୍ୟ ଜୀବିତ ରହିବାରେ ସକ୍ଷମ  ଏହି ଆଙ୍ଗଲରଫିସ।

କଲିକତା ଉଠିଗଲା ଆଞ୍ଚଳିକ ଲାଇସେସିଂ କାର୍ଯ୍ୟାଳୟ, ସମସ୍ୟା ନେଇ କେନ୍ଦ୍ରକୁ ଜଣାଇଲେ MSME ସଚିବ

ଭୁବନେଶ୍ୱର: କେନ୍ଦ୍ର ସରକାରଙ୍କ ବିଦେଶ ବାଣିଜ୍ୟ ମହାନିର୍ଦ୍ଦେଶକଙ୍କ କାର୍ଯ୍ୟାଳୟ ଅଧୀନରେ କାର୍ଯ୍ୟରତ ଆଞ୍ଚଳିକ ଲାଇସେସିଂ କାର୍ଯ୍ୟାଳୟ କଟକରୁ କଲିକତାକୁ ସ୍ଥାନାନ୍ତରିତ ହୋଇଛି । ଫଳରେ ରାଜ୍ୟରେ ସାମୁଦ୍ରିକ ମତ୍ସ୍ୟ, କୃଷି ଉତ୍ପାଦ ପରି ନଷ୍ଟ ଯୋଗ୍ୟ ଦ୍ରବ୍ୟର ରପ୍ତାନୀ କ୍ଷେତ୍ରରେ ବିଶେଷ ସମସ୍ୟା ଦେଖା ଦେଉଛି । ଏହି ସମସ୍ୟାର ତୁରନ୍ତ ସମାଧାନ ପାଇଁ ଆଜି ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗର ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁ କେନ୍ଦ୍ର ବିଦେଶ ବାଣିଜ୍ୟ କାର୍ଯ୍ୟାଳୟର ଅତିରିକ୍ତ ମହାନିର୍ଦ୍ଦେଶକଙ୍କ ସହ ଆଲୋଚନା କରିଛନ୍ତି । ରାଜ୍ୟରେ ଖଣିଜ, ଧାତୁ ଉତ୍ପାଦ, କୃଷି ଉତ୍ପାଦ, ସାମୁଦ୍ରିକ ଉତ୍ପାଦ (ମତ୍ସ୍ୟ), ହସ୍ତତନ୍ତ, ହସ୍ତଶିଳ୍ପ, କାଜୁ ଏବଂ ମସଲାଜାତୀୟ ଦ୍ରବ୍ୟ ରପ୍ତାନୀର ଅପାର ସମ୍ଭାବନା ରହିଛି । ରାଜ୍ୟରେ ରପ୍ତାନୀ ପ୍ରୋତ୍ସାହନ ପରିଷଦ ନଥିବାରୁ ରପ୍ତାନୀ କ୍ଷେତ୍ରରେ ଅନେକ ସମସ୍ୟା ଦେଖା ଦେଉଛି ।

ସେଥିପାଇଁ ତୁରନ୍ତ ରପ୍ତାନୀ ପ୍ରୋତ୍ସାହନ ପରିଷଦ ଖୋଲିବାକୁ ଦାବି କରିଛନ୍ତି ଏମ୍ଏସ୍ଏମ୍ଇ ସଚିବ । ରାଜ୍ୟରେ ପାରାଦୀପ, ଧାମରା ଓ ଗୋପାଳପୁର ପରି ତିନୋଟି ସକ୍ରିୟ ବନ୍ଦର ଅନ୍ୟାନ୍ୟ ପଣ୍ୟ ରପ୍ତାନୀ ଓ ଆମଦାନୀ କରୁଛନ୍ତି । କିନ୍ତୁ ସିପିଂ ଲାଇନର ଏବଂ ରିଫରି କଣ୍ଟେନର ନଥିବା ହେତୁ ସାମୁଦ୍ରିକ ଉତ୍ପାଦ ରପ୍ତାନୀ ସକାଶେ ପଡ଼ୋଶୀ ବିଶାଖପାଟଣା ଓ କଲିକତା ବନ୍ଦର ଉପରେ ନିର୍ଭର କରିବାକୁ ପଡ଼ୁଛି । ଅନ୍ୟପଟେ ଭୁବନେଶ୍ୱର ବିମାନବନ୍ଦରରେ ଏକ କାର୍ଗୋ କମ୍ପ୍ଲେକ୍ସ ଥିବା ସତ୍ତ୍ୱେ ନଷ୍ଟଯୋଗ୍ୟ ଦ୍ରବ୍ୟଗୁଡ଼ିକର ରପ୍ତାନୀ ସୁବିଧା ନାହିଁ ।

ତେଣୁ ରାଜ୍ୟର ଉକ୍ତ ତିନୋଟି ବନ୍ଦରରେ ଆନୁସଙ୍ଗିକ ବ୍ୟବସ୍ଥା ଉପଲବ୍ଧ କରାଇଲେ କୃଷିଜାତ ଦ୍ରବ୍ୟ ଓ ସାମୁଦ୍ରିକ ଉତ୍ପାଦ ପରି ଶୀଘ୍ର ନଷ୍ଟ ହୋଇ ଯାଉଥିବା ଦ୍ରବ୍ୟକୁ ସହଜରେ ରପ୍ତାନୀ କରାଯାଇ ପାରନ୍ତା । ରାଜ୍ୟରେ ରପ୍ତାନୀ ପ୍ରୋତ୍ସାହନ ଏବଂ ବିପଣନ ନିର୍ଦ୍ଦେଶାଳୟକୁ ରପ୍ତାନୀ କାରବାର ତଦାରଖ ନିମନ୍ତେ ନୋଡାଲ ସଂସ୍ଥା ଘୋଷଣା କରାଯାଇଛି । ରପ୍ତାନୀଜନିତ ସମସ୍ୟାର ସମାଧାନ ପାଇଁ ବୃତ୍ତିଗତ କର୍ମଚାରୀଙ୍କ ଅଭାବ ରହିଛି । ତେଣୁ ତୁରନ୍ତ ଜଣେ ଦକ୍ଷ ବୃତ୍ତିଗତ ଅଧିକାରୀଙ୍କୁ ଓଡ଼ିଶାରେ ନିୟୋଜନ କରିବା ପାଇଁ ଏମ୍ଏସ୍ଏମ୍ଇ ସଚିବ ପ୍ରସ୍ତାବ ଦେଇଛନ୍ତି ।

୫ ମେଗାପିକ୍ସଲ୍ କ୍ୟାମେରା ସହ ଲଞ୍ଚ ହେଲା Xiaomi ସ୍ମାର୍ଟ ଫୋନ୍

ଚାଇନାର ଅଗ୍ରଣୀ ଟେକ୍ନୋଲୋଜି କମ୍ପାନୀ ସାଓମି ଏକ ନୂଆ ସ୍ମାର୍ଟ ଚଷମା ଲଞ୍ଚ କରିଛି। ଏହି ସ୍ମାର୍ଟ ଗ୍ଲାସ୍ ସାଧାରଣ ଚଷମା ପରି ଦେଖାଯାଉଥିଲେ ମଧ୍ୟ ସେନ୍ସର ସମେତ ଅନ୍ୟାନ୍ୟ ସ୍ମାର୍ଟ ଫିଚର୍ସ ରହିଛି। ଏହି ସ୍ମାର୍ଟ ଗ୍ଲାସରେ କଲିଂ, ମେସେଜିଂ, ନେଭିଗେସନ୍ ଏବଂ ଫଟୋ ଉଠାଇବାର ସୁବିଧା ରହିଛି ।

ଏହି ଚଷମାରେ ଆପଣ ଆରାମରେ କଲ କରିପାରିବେ। କେବଳ ଏତିକି ନୁହେଁ, ଏଥିରେ ନାଭିଗେସନ୍ ଏବଂ ରିଅଲ୍-ଟାଇମ୍ ଟେକ୍ସଟ୍ ଟ୍ରାନ୍ସଲେସନ୍ ଆଦି ସାମିଲ ରହିଛି । ଆଉ ଆପଣ ନିଜ ଆଖି ସାମ୍ନାରେ ଇଚ୍ଛା ଅନୁଯାୟୀ ଯେକୗେଣସି ଶବ୍ଦକୁ ଅନୁବାଦ କରିପାରିବେ ।

ତେବେ କମ୍ପାନୀ ଏହି ସ୍ମାର୍ଟ ଗ୍ଲାସର ମୂଲ୍ୟ ଏପର୍ଯ୍ୟନ୍ତ ସ୍ପଷ୍ଟ କରିନାହିଁ। ରିପୋର୍ଟ ଅନୁଯାୟୀ, ସିଓମିର ଏହି ସ୍ମାର୍ଟ ଗ୍ଲାସ୍ ପ୍ରଥମେ ଚାଇନା ବଜାରରେ ଲଞ୍ଚ ହେବ। ଏହି ସ୍ମାର୍ଟ ଗ୍ଲାସ୍ ଖୁବ୍ ହାଲୁକା ଓ ଏହାର ଓଜନ ରହିଛି ୫୧ ଗ୍ରାମ୍। ଏହାର ନୂଆ ମାଇକ୍ରୋଏଲଇଡି ଅପ୍ଟିକଲ୍ ୱେବଗାଇଡ୍ ଟେକ୍ନୋଲୋଜି ପାଇଁ ଆଖି ସାମ୍ନାରେ ମେସେଜ୍ ଓ ନୋଟିଫିକେସନର ଡିସପ୍ଲେ ଦେଖିପାରିବେ ।

ଏହି ଚଷମାରେ ୫ ମେଗାପିକ୍ସଲ କ୍ୟାମେରା ଦିଆଯାଇଛି, ଯାହା ଅନ୍ୟମାନଙ୍କ ଫଟୋ କ୍ଲିକ୍ କରିବାରେ ସହାୟକ ହେବ। କମ୍ପାନୀର କହିବାନୁଯାୟୀ, ଏହା ଅଡିଓକୁ ମଧ୍ୟ ଟ୍ରାନ୍ସଲେଟ୍ କରିବାରେ ସକ୍ଷମ ।

ଜେଲ୍ ଗଲେ କୋଟିପତି ଅଙ୍ଗନୱାଡ଼ି ଦିଦି

ଭୁବନେଶ୍ୱର: ଝାରପଡ଼ା ଜେଲ୍ ଗଲେ କୋଟିପତି ଅଙ୍ଗନୱାଡ଼ି ଦିଦି । ଗିରଫ କୋରଡକଣ୍ଟାର ଅଙ୍ଗନୱାଡ଼ି ଦିଦି କବିତା ମଥାନଙ୍କ ଡାକ୍ତରୀ ପରୀକ୍ଷା ପରେ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ମାରାଥନ ରେଡ୍ ପରେ ଦିଦିଙ୍କ ମୋଟ ୨ କୋଟି ୯୬ ଲକ୍ଷ ୩୯ ହଜାର ଆୟ ବହିର୍ଭୂତ ସମ୍ପତ୍ତି ଜବତ କରିଛି ଭିଜିଲାନ୍ସ ବିଭାଗ । ଗତକାଲି ୬ଟି ସ୍ଥାନରେ ମାରାଥନ୍ ରେଡ୍ ପରେ ଦିଦିଙ୍କ ସମ୍ପତ୍ତି ଦେଖି ଟେରା ହୋଇ ଯାଇଥିଲା ଭିଜିଲାନ୍ସ । ତାଙ୍କୁ ଗିରଫ ପରେ କୋର୍ଟରେ ହାଜର କରାଯାଇଥିଲା ।

Crorepati Anganwadi Didi Forwarded To Jharpada Jail

ଆଜି କବିତାଙ୍କ ମେଡିକାଲ ଟେଷ୍ଟ ପରେ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଏବେ ସୁଦ୍ଧା କବିତାଙ୍କ ପାଖରୁ ଠାବ ହୋଇଥିବା ସମ୍ପତ୍ତି ମଧ୍ୟରେ ରହିଛି ଭୁବନେଶ୍ୱର କୋରଡକଣ୍ଟାରେ ଏକ ଦୁଇ ମହଲା ବିଶିଷ୍ଟ ଘର, ଝାରପଡାରେ ଚାରି ମହଲା ଘର ସାଙ୍ଗକୁ ଏକ ତିନିମହଲା ଓ ଦୁଇଟି ଦୁଇ ମହଲା ଘର । ଏହାସହ ଦିଦିଙ୍କ ପାଖରୁ ୧୪ଟି ପ୍ଲଟ ଠାବ ହୋଇଛି । ଯେଉଁଥିରେ ଭୁବନେଶ୍ୱରର ବିଭିନ୍ନ ସ୍ଥାନରେ ୧୦ଟି ପ୍ଲଟ ରହିଛି ।

ଏଥିସହ ପଢ଼ନ୍ତୁ: ୪ କୋଟି ସମ୍ପତ୍ତିର ମାଲିକାଣୀ ଅଙ୍ଗନୱାଡ଼ି ଦିଦି

ଗୋଟିଏ କାର ସାଙ୍ଗକୁ ୩ଟି ବାଇକ୍, ଦୁଇ ଲକ୍ଷରୁ ଅଧିକ ବୀମା ଜମା ଟଙ୍କା, ୬ ଲକ୍ଷ ୩୬ ହଜାର ଟଙ୍କାର ସୁନା ଗହଣା ସାଙ୍ଗକୁ ବହୁ ମୂଲ୍ୟବାନ ଆସବାବପତ୍ର ଠାବ କରିଛି ଭିଜିଲାନ୍ସ । ତାଙ୍କ ସ୍ୱାମୀ ମୋହରୀର ଅଛନ୍ତି । ତେବେ କିଭଳି ଏତେ ସମ୍ପତ୍ତିର ମାଲିକ ହେଲେ କବିତା ? ଦରମା ବ୍ୟତୀତ ଆଉ କଣ ଥିଲା ଇନକମ ସୋର୍ସ ? ଯାହାର ତଦନ୍ତ କରୁଛି ଭିଜିଲାନ୍ସ ବିଭାଗ ।