spot_img
Home Blog Page 5351

ବିଭିନ୍ନ ନଦୀରେ ବଢ଼ିବାକୁ ଲାଗିଛି ଜଳସ୍ତର, ଫଳରେ ଫସଲ ନଷ୍ଟ ହେବା ସହ ବୁଡ଼ୁଛି ଘରଦ୍ୱାର

ଭୁବନେଶ୍ୱର: ଉପରମୁଣ୍ଡରେ ପ୍ରବଳ ବର୍ଷା ପାଇଁ ରାଜ୍ୟର ବିଭିନ୍ନ ନଦୀରେ ବୃଦ୍ଧି ପାଇଛି ଜଳସ୍ତର। ଫଳରେ କିଛି ମାତ୍ରାରେ ବନ୍ୟା ପରିସ୍ଥିତି ଦେଖିବାକୁ ମିଳିଛି। ବିଭିନ୍ନ ଗାଁ ମାନଙ୍କରେ ପାଣି ପଶିଯାଇଥିବା ବେଳେ ଘର ମଧ୍ୟ ବର୍ଷାରେ ଭାଙ୍ଗି ପଡ଼ିଛି। ଯେଉଁଥିପାଇଁ ଲୋକେ ନିଜ ଗାଁ ଠାରୁ ବିଚ୍ଛିନ୍ନ ହୋଇଛନ୍ତି।

ସୁବର୍ଣ୍ଣପୁରରେ ମହାନଦୀ ତାର କରାଳ ରୂପ ଦେଖାଇବା ଆରମ୍ଭ କରିଛି। ହୀରାକୁଦ ଡ୍ୟାମରୁ ୨୪ଟି ଗେଟ ଦେଇ ବନ୍ୟାଜଳ ନିଷ୍କାସିତ ହେଉଥିବା ବେଳେ, ସୁବର୍ଣ୍ଣପୁରରେ ମହାନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି। ବର୍ତ୍ତମାନ ମହାନଦୀର ଦୁଇ କୂଳ ଲଙ୍ଘି ପାଣି ଚାଲୁଥିବା ବେଳେ ତଳିଆ ଅଞ୍ଚଳରେ ବନ୍ୟାଜଳ ପଶିବାରେ ଲାଗିଛି। ଜିଲ୍ଲାର ଉଲୁଣ୍ଡା ବ୍ଲକ ମୁଣ୍ଡୋଘାଟ, ବିଜେପୁର, ଭଜ୍ୱଳପୁର ଆଦି ଗାଁରେ ଶହ ଶହ ଏକର ଚାଷଜମି ଉପରେ ବନ୍ୟାଜଳ ପ୍ରବାହିତ ହେଉଛି। ସେପଟେ ସୋନପୁର ବୀରମହାରାଜପୁରକୁ ସଂଯୋଗ କରୁଥିବା ବାଇପାସ ରାସ୍ତା ମୁଣ୍ଡୋଘାଟରେ ଥିବା କୁଲଥି ଯୋର ବ୍ରିଜ ଉପରେ ୩ ଫୁଟର ପାଣି ଚାଲୁଛି। ଫଳରେ ମୁଣ୍ଡୋଘାଟରୁ ହିକୁଡି ଆଦି ଅଞ୍ଚଳକୁ ଯୋଗାଯୋଗ ବିଚ୍ଛିନ୍ନ ହୋଇଛି। ମହାନଦୀର ଜଳସ୍ତର ବୃଦ୍ଧି ପାଉଥିବା ବେଳେ ତଳିଆ ଅଞ୍ଚଳର ଲୋକେ ଭୟଭୀତ ଅବସ୍ଥାରେ ଅଛନ୍ତି ।

ସେହିପରି ରାଉରକେଲା ସହରର ପାନପୋଷ ନିକଟରେ ଥିବା ପଲପଲ ବସ୍ତି ଓ ବାଲୁଘାଟ ବସ୍ତିରେ ପ୍ରବେଶ କରିଛି ବ୍ରାହ୍ମଣୀ ନଦୀର ବନ୍ୟାଜଳ। ଦୁଇ ବସ୍ତିରେ ଥିବା ୪୦ରୁ ଅଧିକ ଘର ବନ୍ୟା ଜଳ ଘେରରେ ରହିଛି। ଦୁଇ ବସ୍ତିରେ ବନ୍ୟା ଜଳ ପ୍ରବେଶ କରିବା ପରେ ବସ୍ତି ବାସିନ୍ଦା ଭୟଭୀତ ହୋଇ ପଡିଛନ୍ତି। ବନ୍ୟା ଜଳ ବସ୍ତିରେ ପ୍ରବେଶ କରିବା ପରେ ବସ୍ତି ବାସିନ୍ଦାଙ୍କୁ ନିକଟସ୍ଥ ସ୍କୁଲ ଘରକୁ ସ୍ଥାନାନ୍ତରିତ କରାଯାଉଛି। ରାଉରକେଲା ମହାନଗର ନିଗମ ପଷରୁ ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟ ବଣ୍ଟନ କରାଯାଉଛି। ତଳିଆ ଅଞ୍ଚଳରେ ଥିବା ଏହି ଦୁଇ ବସ୍ତିରେ ବର୍ଷାଜଳ ପ୍ରତିବର୍ଷ ପ୍ରବେଶ କରୁଥିବାରୁ ସ୍ଥାୟୀ ସମାଧାନ ପାଇଁ ବସ୍ତି ବାସିନ୍ଦା ଦାବି କରିଛନ୍ତି।

ସେପଟେ ଲଗାଣ ବର୍ଷା ଯୋଗୁଁ ଆନନ୍ଦପୁରରେ ସତର୍କ ସଙ୍କେତ ଟପିଲା ବୈତରଣୀ। ଏଠାରେ ସତର୍କ ସଙ୍କେତ ୩୭.୪୫ ମିଟର ଥିବା ବେଳେ, ବର୍ତ୍ତମାନ ନଦୀର ଜଳସ୍ତର ୩୭.୭୮ ମିଟର ରହିଛି। ଦୁଇ ଦିନ ଧରି ଜିଲ୍ଲାରେ ଲଗାଣ ବର୍ଷା ଜାରି ରହିଛି। ନଦୀ ଜଳ ପତନ ବୃଦ୍ଧି ପାଇଥିଲେ ମଧ୍ୟ କୌଣସି ସ୍ଥାନରୁ କ୍ଷୟକ୍ଷତିର ସୂଚନା ମିଳିନାହିଁ। ସମ୍ଭାବ୍ୟ ବନ୍ୟା ପରିସ୍ଥିତିର ମୁକାବିଲା ପାଇଁ ପ୍ରଶାସନ ସଜାଗ ରହିଛି।

ବୌଦ୍ଧ ଜିଲ୍ଲାର ତେଲନଦୀ, ବାଘନଦୀ ଓ ସାଲୁଙ୍କି ନଦୀରେ ମଧ୍ୟ ବନ୍ୟା। ଏହି ତିନି ନଦୀର ପନ୍ୟା ଜଳ ମହାନଦୀରେ ମିଶିବା ପରେ ମଧ୍ୟମ ଧରଣର ବନ୍ୟା ପରିସ୍ଥିତି ସୃଷ୍ଟି ହୋଇଛି। ସେହିପରି ହୀରାକୁଦ ଜଳଭଣ୍ଡାରରୁ ୨୪ଟି ଗେଟରୁ ଛଡାଯାଉଛି ବନ୍ୟାଜଳ। ଏବେ ଧୀରେ ଧୀରେ ଫୁଲୁଛି ମହାନଦୀ। ତଳିଆ ଅଞ୍ଚଳ ହରଭଙ୍ଗା ବ୍ଲକର ଅନେକ ଗାଁ ଏବେ ଜଳ ଘେରରେ ରହିଛନ୍ତି। ସେହିପରି ଜଗନ୍ନାଥ ସଡକର ବିଭିନ୍ନ ସ୍ଥାନରେ ୫ ଫୁଟ ଉଚ୍ଚର ବନ୍ୟାଜଳ ପ୍ରବାହିତ ହେବାରୁ ଯାତାୟାତ ସମ୍ପୂର୍ଣ୍ଣ ବଧାପ୍ରାପ୍ତ ହୋଇଛି। ପ୍ରଶାସନ ପକ୍ଷରୁ ଡ଼ଙ୍ଗା ଓ ଆଶ୍ରୟସ୍ଥଳୀ ପ୍ରସ୍ତୁତ ରଖି ରନ୍ଧା ଖାଦ୍ୟ ଦେବାର ବ୍ୟବସ୍ଥା କରାଯାଉଛି।

ସେହିପରି ବଢ଼ିବାରେ ଲାଗିଛି ବୈତରଣୀ ନଦୀର ଜଳସ୍ତର। ଆଖୁଆପଦାରେ ବିପଦ ସଙ୍କେତ ୧୭.୮୩ ମିଟର ରହିଥିବା ବେଳେ ସକାଳ ୬ ଟା ସୁଦ୍ଧା ୧୮.୩୧ ମିଟର ଉପରେ ବନ୍ୟାଜଳ ପ୍ରବାହିତ ହେଉଛି। ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ନଦୀର ଜଳସ୍ତର ବଢ଼ିବାରେ ଲାଗିଛି। ଅନ୍ୟପଟେ ବୈତରଣୀର ବନ୍ୟାରେ ଧାମନଗର, ଭଣ୍ଡାରିପୋଖରୀ ବ୍ଲକର ତଳି ଅଞ୍ଚଳରେ ପାଣି ପଶିବା ସହିତ ହେକ୍ଟର ହେକ୍ଟର ଚାଷ ଜମି ବୁଡି ରହିଛି।

ବରଗଡ଼ ଜିଲ୍ଲାର ଅମ୍ବାଭୋନା ବ୍ଲକ ମହାନଦୀ କୂଲିଆ ଗାଁ ଚିଖିଲି, ଅନ୍ତରାଡି, ବେନିଆପାଲୀ, ଘୁଘୁରାପାଲୀ ଓ ବଡମାଲରେ ବନ୍ୟାପାଣି ପଶିବା ଆଶଙ୍କା। ବିଶେଷ କରି ଚିଖିଲିରେ ଶହଶହ ଏକର ଧାନ ଫସଲ ବୁଡି ରହିଛି। ପ୍ରବଳ ବର୍ଷା ଓ ଛତିଶଗଡ ଅଞ୍ଚଳରେ ବର୍ଷା ଯୋଗୁଁ ମହାନଦୀର ଜଳସ୍ତର ବଢିବା ସାଙ୍ଗେ ସାଙ୍ଗେ ହୀରାକୁଦ ନଦୀବନ୍ଧ ର ପଛୁଆ ପାଣିରେ ଏହି ଗ୍ରାମ ଗୁଡିକ ସଂପୂର୍ଣ୍ଣ ପ୍ରଭାବିତ ହୋଇଛି। ଏବେ ମଧ୍ୟ ବନ୍ୟାପାଣି ବଢୁଥିବାରୁ ଗ୍ରାମବାସୀଙ୍କୁ ସୁରକ୍ଷିତ ସ୍ଥାନକୁ ଯିବାକୁ ପ୍ରଶାସନ ତରଫରୁ ବ୍ୟବସ୍ଥା କରାଯାଉଥିବା ସୂଚନା ରହିଛି।

ପଟ୍ଟାମୁଣ୍ଡାଇ ମଧ୍ୟ ବନ୍ୟାରେ ପ୍ରଭାବିତ ହୋଇଛି। ବ୍ରାହ୍ମଣୀ ଓ ତାର ଶାଖା ନଦୀ କାଣୀ ନଦୀରେ ଜଳ ସ୍ତର ବଢିବାରୁ ପଟ୍ଟାମୁଣ୍ଡାଇ ଧୋୟା ଅଞ୍ଚଳର ୧୩ଟି ପଞ୍ଚାୟତ ସଂପୂଣ୍ଣ ପାଣି ଘେରରେ। ବ୍ଲକର ସବୁଠୁ ଅବହେଳିତ ପଞ୍ଚାୟତ ସିଂହ ଗାଁ ବାହ୍ୟ ଜଗତରୁ ସମ୍ପୂର୍ଣ୍ଣ ବିଛିନ୍ନ ହୋଇଯାଇଛି। ପଟ୍ଟାମୁଣ୍ଡାଇ ଧୋୟା ଅଞ୍ଚଳର ବିଭିନ୍ନ ଜାଗାରେ ଘାଇ ହୋଇଥିବା ଦେଖିବାକୁ ମିଳିଛି। ଅନ୍ୟ ପଟେ ପଟ୍ଟାମୁଣ୍ଡାଇ ଓ ଆଳି ବ୍ଲକକୁ ସଂଯୋଗ କରୁଥିବା ଅମୃତ ମଣୋହି ଛକ ନିକଟରେ କଂକ୍ରିଟ ପୋଲ ଭାସି ଯାଇଥିବାବେଳେ ୨୦ ଫୁଟର ଘାଇ ହୋଇଥିବା ଦେଖିବାକୁ ମିଳିଛି। ୧୫ ରୁ ଉର୍ଦ୍ଧ ପରିବାର ପାଣି ଘେରରେ ରହିଛନ୍ତି ।

କଟକ ମହାନଦୀରେ ହ୍ରାସ ପାଉଛି ଜଳସ୍ତର, ଯାଣନ୍ତୁ କେଉଁ ନଦୀରେ କେତେ ଜଳସ୍ତର

କଟକ: ବର୍ଷା ପରେ ରାଜ୍ୟରେ ବଢୁଛି ବିଭିନ୍ନ ନଦୀର ଜଳସ୍ତର। ହେଲେ କଟକ ମହାନଦୀରେ ହ୍ରାସ ପାଉଛି ଜଳସ୍ତର। ବର୍ତ୍ତମାନ ମୁଣ୍ଡୁଳି ଉପର ଭାଗର ଜଳସ୍ତର ୮୮.୯୦ ମିଟର ଥିବା ବେଳେ, ନିମ୍ନ ଭାଗର ଜଳସ୍ତର ରହିଛି ୮୭ ମିଟର। ପ୍ରତି ସେକେଣ୍ଡକୁ ମୁଣ୍ଡୁଳିରୁ ୫ଲକ୍ଷ ୯୬ ହଜାର ୯୫୦ କ୍ୟୁସେକ ଜଳ ପ୍ରବାହିତ ହେଉଛି। ସେହିପରି ନରାଜରେ ଉପର ମୁଣ୍ଡରେ ୨୫.୨୦ ଓ ତଳମୁଣ୍ଡରେ ୨୨.୭୦ ମିଟର ଜଳସ୍ତର ରହିଛି।

ପ୍ରତି ଘଣ୍ଟାକୁ ୨ ଲକ୍ଷ ୯୫ ହଜାର ୬୭୬ କ୍ୟୁସେକ ଜଳ ପ୍ରବାହିତ ହେଉଛି। ସେପଟେ ସୁବର୍ଣ୍ଣରେଖାରେ ଟପିଲା ସତର୍କ ସୂଚନା। ନଦୀରେ ସତର୍କ ସଙ୍କେତ ୯.୪୬ ମିଟର ଥିବା ବେଳେ ବର୍ତ୍ତମାନ ୯.୬୯ ମିଟରରେ ଜଳ ପ୍ରବାହିତ ହେଉଛି। ବିପଦ ସଂକେତ ୧୦.୩୬ ମିଟର ରହିଥିବା ବେଳେ ଲୋକଙ୍କ ଭୟ ବଢିବାରେ ଲାଗିଛି। ସେହିପରି ବୈତରଣୀ ଓ ଜଳକା ନଦୀର ଜଳସ୍ତର ବଢୁଛି।

ଆଖୁଆପଦାରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ବୈତରଣୀ। ବିପଦ ସଙ୍କେତ ୧୭.୮୩ ମିଟର ଥିବା ବେଳେ ଏବେ ବନ୍ୟାଜଳ ୧୮.୩୧ ମିଟର ଉପରେ ପ୍ରବାହିତ ହେଉଛି। ବୈତରଣୀ ବନ୍ୟାରେ ଧାମନଗର, ଭଣ୍ଡାରିପୋଖରୀ ବ୍ଲକର ତଳି ଅଞ୍ଚଳରେ ପାଣି ପଶିବା ସହ ହେକ୍ଟର ହେକ୍ଟର ଚାଷ ଜମି ବୁଡି ରହିଛି। ସେହିପରି ମଥାନିରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ଜଳଳାର ଜଳସ୍ତର। ଜଳକାରେ ବିପଦ ସଙ୍କେତ ୫.୫୦ ମିଟର ଥିବା ବେଳେ ପ୍ରବାହିତ ହେଉଛି ୬.୬୩ ମିଟର ରହିଛି।

ପିପିଲି ଉପନିର୍ବାଚନରେ ଡବଲ ଡୋଜ ଟିକାକୁ ବାଧ୍ୟତାମୂଳକ, ଭୋଟ ଗ୍ରହଣ ପାଇଁ ବୃଦ୍ଧି ହେଲା ୭୫ଟି ବୁଥ୍

ପିପିଲି: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ କମିବାରେ ଲାଗିଛି। ତଥାପି କଟକଣାରେ ରହିବା ପାଇଁ ସ୍ୱାସ୍ଥ୍ୟ ବିଶେଷଜ୍ଞ ମାନେ ସବୁବେଳେ ପରାମର୍ଶ ଦେଉଛନ୍ତି। କାରଣ ଆଗକୁ ତୃତୀୟ ଲହର ଆସିବାର ସମ୍ଭାବନା ରହିଛି। ତେବେ ଏହାରି ଭିତରେ ଆଗକୁ ହେବାକୁ ଯାଉଛି ପିପିଲିରେ ଉପନିର୍ବାଚନ। କୋଭିଡ କଟକଣାରେ ହେବ ପିପିଲି ଉପନିର୍ବାଚନ।

ଉପନିର୍ବାଚନ ସମୟରେ କୋଭିଡର ଦୁଇ ଡୋଜ୍ ଟିକା ନେଇଥିବା ଅଧିକାରୀ ଦାୟିତ୍ୱରେ ରହିବେ। ନିର୍ବାଚନରେ ଡବଲ ଡୋଜ ଟିକାକୁ ବାଧ୍ୟତାମୂଳକ କରାଯାଇଛି। ଅଧିକାରୀ ଡବଲ ଡୋଜ ନେଇଛନ୍ତି କି ନାହିଁ ସେନେଇ ଜିଲ୍ଲାପାଳ ତଦାରଖ କରିବେ। କୋଭିଡ କଟକଣାରେ ନିର୍ବାଚନ ହେଉଥିବାରୁ ଏଭଳି ନିଷ୍ପତ୍ତି ନିଆଯାଇଛି। ସେହିପରି ଏଥର ପିପିଲିରେ ୭୫ଟି ବୁଥ୍ ବୃଦ୍ଧି କରାଯାଇଛି। ଏନେଇ ସୂଚନା ଦେଇଛନ୍ତି ରାଜ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ।

ଗାଇକୁ ଖୋଜିବାକୁ ଯାଇ ବାପା ପୁଅ ଭାସିଯାଇଥିଲେ, ଗୋଟିଏ ଦିନ ପରେ ଉଦ୍ଧାର ହେଲା ମୃତଦେହ

ଯାଜପୁର: ଯାଜପୁର ଜିଲ୍ଲା ବରୀ ବ୍ଲକ ବାଲିଆ ପଞ୍ଚାୟତରେ ବାପ ପୁଅ ଭାସିଯିବା ଘଟଣା। ଉଦ୍ଧାର ହେଲା ବାପପୁଅଙ୍କ ମୃତଦେହ। ମୃତକ ହେଲେ ଗଙ୍ଗାଧରପୁର ଗାଁର କିଶୋର ସିଂ ଓ ପୁଅ କୈଳାସ ସିଂ। ଗତକାଲି ଗାଈ ଆଣିବାକୁ ଯାଇଥିବା ବେଳେ ନଦୀରେ ଭାସିଯାଇଥିଲେ କିଶୋର ସିଂ। ଏହା ଦେଖି ପୁଅ ବାହାରିଥିଲା ବାପାଙ୍କୁ ବଞ୍ଚାଇବା ପାଇଁ।

ତେବେ ବାପାଙ୍କୁ ଉଦ୍ଧାର କରିବାକୁ ଯାଇ ପୁଅ ମଧ୍ୟ ଭାସି ଯାଇଥିଲେ। ବନ୍ୟା ପାଇଁ ନଦୀରେ ପ୍ରଖର ସ୍ରୋତ ଥିବାରୁ ଭାସିଯାଇଥିଲେ ବାପା ପୁଅ। ଖବର ପାଇ ଉଦ୍ଧାର କାର୍ଯ୍ୟ ଜାରି ରଖିଥିଲା ଓଡ୍ରାଫ୍ ଓ ଦମକଳ ବାହିନୀ। ଆଜି ସକାଳୁ ଗଙ୍ଗାଧରପୁର ଗାଁ ନିକଟରୁ ଉଭୟଙ୍କ ମୃତଦେହ ଉଦ୍ଧାର କରିଛନ୍ତି ସ୍ଥାନୀୟ ଲୋକେ।

 

ଆଫଗାନ ପ୍ରସଙ୍ଗରେ ମୁହଁ ଖୋଲିଲେ ଇମ୍ରାନ ଖାଁ, କହିଲେ ତାଲିବାନ ସରକାର କଲେ ଗୃହଯୁଦ୍ଧ ନିଶ୍ଚିତ

କାବୁଲ: ଆଫଗାନିସ୍ତାନ ବ୍ୟାପାରରେ ମୁହଁ ଖୋଲିଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ। କହିଲେ ୧୯୮୯ରେ ଋଷ ଆଫଗାନିସ୍ତାନ ଛାଡିବା ପରେ ଯେପରି ରକ୍ତପାତ ସୃଷ୍ଟି ହୋଇଥିଲା, ଠିକ୍ ସେପରି ଆମେରିକା ଛାଡିବା ପରେ ସେହି ଅବସ୍ଥା ସୃଷ୍ଟି ହେବା ନେଇ ସେ ଆଶଙ୍କା ପ୍ରକାଶ କରିଛନ୍ତି। ସମଗ୍ର ଆଫଗାନିସ୍ତାନକୁ ତାଲିବାନ ପରିଚାଳନା କରିପାରିବ ନାହିଁ। ଯଦି ସାମରିକ ଭାବେ ଏହା କରିବାକୁ ତାଲିବାନ ଉଦ୍ୟମ କରେ ତେବେ ଦେଶରେ ଗୃହଯୁଦ୍ଧ ହେବ ବୋଲି ସେ ଚେତାବନୀ ଦେଇଛନ୍ତି।

ତାଲିବାନ ଉପରେ ପାକିସ୍ତାନ ଚାପ ସୃଷ୍ଟି କରୁଛି ବୋଲି ହେଉଥିବା ଅଭିଯୋଗକୁ ଖଣ୍ଡନ କରିବା ସହ ଇମ୍ରାନ କହିଛନ୍ତି ଏକ ସଖୀ କଣ୍ଢେଇ ସରକାର ଜରିଆରେ ଆଫଗାନିସ୍ତାନ ଚାଲିପାରିବ ନାହିଁ। ଠିକ୍ ପଥରେ ଯିବା ଲାଗି ହିଁ ତାଲିବାନକୁ ପରାମର୍ଶ ଦିଆଯାଇପାରିବ। ଆଫଗାନିସ୍ତାନ ବ୍ୟାପାରରେ ପାକିସ୍ତାନ ହସ୍ତକ୍ଷେପ କରିବା ନେଇ ଯେଉଁ ଚର୍ଚ୍ଚା ଚାଲିଛି ତାହା କପୋଳକଳ୍ପିତ। ଆଫଗାନିସ୍ତାନ ସରକାରରେ ହକାନି ନେଟଓ୍ୱର୍କକୁ ସାମିଲ କରିବା ଲାଗି ପାକିସ୍ତାନ ଚାପ ପକାଇଛି ବୋଲି ଯେଉଁ ଅଭିଯୋଗ ହେଉଛି ତାହା ବି ଭୁଲ।

ଦେଶରେ ମହିଳାଙ୍କ ଅଧିକାର କ୍ଷୁର୍ଣ୍ଣ ହେଉଛି ବୋଲି ଯେଉଁ ଅଭିଯୋଗ ହେଉଛି ସେ ସମ୍ପର୍କରେ ଇମ୍ରାନ କହିଛନ୍ତି ଆଫଗାନିସ୍ତାନର ଭବିଷ୍ୟତ ନେଇ କେହି ବି କିଛି ପ୍ରାକ୍ ଅନୁମାନ କରିପାରିବେ ନାହିଁ । ଦେଶରେ ତାଲିବାନ ନିଜ ନୀତି ଅନୁସାରେ ମାନବିକ ଅଧିକାର ପରିଚାଳନା କରୁଛି। ୧୯୬୨ରୁ ୨୦୦୧ ଯାଏଁ ସେମାନେ ଆନ୍ତର୍ଜାତିକ ଗ୍ରହଣୀୟତା ଦିଗରେ ପଦକ୍ଷେପ ନେଇ ନଥିଲେ।

ସେମାନେ ବାହ୍ୟ ଶକ୍ତି ଦ୍ୱାରା ପରିଚାଳିତ ହୋଇପାରନ୍ତି ନାହିଁ ବୋଲି ଇତିହାସ କହୁଛି। ଦେଶରେ କୌଣସି ସଖୀ କଣ୍ଢେଇ ସରକାର ଲୋକଙ୍କ ଦ୍ୱାରା ମମର୍ଥିତ ନୁହଁନ୍ତି। ତେଣୁ କେବଳ ସରକାର ପରିଚାଳନା ଦିଗରେ ତାଲିବାନକୁ ପରାମର୍ଶ ଦିଆଯିବା ବ୍ୟତୀତ ଅନ୍ୟ କିଛି କରାଯାଇପାରିବ ନାହିଁ।

 

ବିବାଦ ଭିତରେ ଆଜି ଗୁଜୁରାଟର ମନ୍ତ୍ରିମଣ୍ଡଳ ସମ୍ପ୍ରସାରଣ, ଅପରାହ୍ନରେ ମନ୍ତ୍ରୀ ପଦ ପାଇଁ ଶପଥ ନେବେ ବିଧାୟକ

ଗୁଜୁରାଟ: ଗୁଜୁରାଟ ବିଜେପିର ଦଳୀୟ କନ୍ଦଳ ଭିତରେ ଆଜି ଶପଥ ଗ୍ରହଣ ଉତ୍ସବ। ମନ୍ତ୍ରୀପଦ ପାଇଁ ଦଳୀୟ ନେତାଙ୍କ ମଧ୍ୟରେ ବିବାଦ ଲାଗିରହିଥିବା ବେଳେ ଆଜି ଦିନ ଗୋଟାଏ ୩୦ରେ ନୂଆ ମନ୍ତ୍ରୀମାନେ ଶପଥ ନେବେ। ନୂଆ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କ ମନ୍ତ୍ରୀ ମଣ୍ଡଳରେ ୨୭ ଜଣ ବିଧାୟକ ମନ୍ତ୍ରୀପଦ ପାଉଛନ୍ତି।

କ୍ୟାବିନେଟ୍‌ରେ ମନ୍ତ୍ରୀ ଥିବା ପ୍ରାୟ ୯୦ ପ୍ରତିଶତଙ୍କୁ ହଟାଯାଇ ନୂଆ ମୁହଁଙ୍କୁ ମନ୍ତ୍ରୀପଦ ଦିଆଯିବା ନେଇ ଚର୍ଚ୍ଚା ହେଉଛି। ମାତ୍ର ଜଣେ କିମ୍ବା ୨ ଜଣଙ୍କୁ ଦ୍ୱିତୀୟ ଥର ପାଇଁ ମନ୍ତ୍ରୀମଣ୍ଡଳ​‌ରେ ସାମିଲ କରାଯାଇପାରେ। ମନ୍ତ୍ରୀପଦ ପାଉଥିବା ୨୭ ବିଧାୟକ ସମସ୍ତେ ନୂଆ ଅଟନ୍ତି। ବିଜୟ ରୂପାଣୀଙ୍କ ଇସ୍ତଫା ପରେ କ୍ୟାବିନେଟ୍‌ରେ ଗୁରୁତ୍ୱପୂର୍ଣ୍ଣ ପଦବୀରେ ଥିବା ନେତାମାନଙ୍କ ପଦବୀ ଯାଇପାରେ। ବିଶେଷ କରି ଉପ ମୁଖ୍ୟମନ୍ତ୍ରୀ ନିତିନ୍‌ ପଟେଲ, ଭୂପେନ୍ଦ୍ର ସିଂହ ଚୁଡାସ୍ମା, ଆରସୀ ଫାଲଦୁ ଏବଂ କୌଶିକ ପଟେଲଙ୍କ ଭବିଷ୍ୟତକୁ ନେଇ ଏବେଠାରୁ ପ୍ରଶ୍ନବାଚୀ ସୃଷ୍ଟି ହେଲାଣି।

ସେପଟେ ମନ୍ତ୍ରୀମଣ୍ଡଳ ସମ୍ପ୍ରସାରଣ ପୂର୍ବରୁ ଗତକାଲି ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣୀଙ୍କ ବାସଭବନରେ ଅନେକ ବିଜେପି ବିଧାୟକ ବୈଠକ କରିଛନ୍ତି  ଗୁଜୁରାଟ ବିଜେପି ହେଭିଓ୍ୱେଟ୍‌ କୁହାଯାଉଥିବା ଇଶ୍ୱର ପରମାର, ବଚ୍ଚୁ ଖାବଡ୍‌, ବାସଣ ଆହୀର, ଯୋଗେଶ ପଟେଲ ପ୍ରମୁଖ ବିଜୟ ରୁପାଣୀଙ୍କ ବାସଭବନକୁ ଯାଇ ତାଙ୍କ ସହିତ ଆଲୋଚନା କରିଥିଲେ।

ମିଛ କିଡନାପ ଓ ଲଭ ଷ୍ଟୋରୀରେ କ୍ଲାଇମାକ୍ସ, ଗୁମର ଖୋଲିବ ପୋଲିସ୍‌

ଭୁବନେଶ୍ୱର: ଲିଙ୍ଗିପୁର ଡେଲିଭରି ବଏ ମିଛ ଅପହରଣ ମାମଲା। ଡେଲିଭରି ବଏ ପତିତପାବନ ଓ ତାର ପ୍ରେମିକାକୁ ନେଇ ଭୁବନେଶ୍ୱରରେ ପହଞ୍ଚିଲା ଧଉଳି ଥାନା ପୋଲିସ। ମଧ୍ୟପ୍ରଦେଶର କଟଣୀରୁ ଟ୍ରେନ ଯୋଗେ ଭୁବନେଶ୍ୱରରେ ପହଁଚିଛି ପୋଲିସ। ୨୩୨୬ କିଲୋମିଟର ଦୂରର ଲଭ ଷ୍ଟୋରି ଓ କିଡନାପରେ ଆସିଛି କ୍ଲାଇମାକ୍ସ।

ଗତ ଶନିବାର ରାତିରେ କିଡନାପ ନେଇ ପତ୍ନୀଙ୍କୁ ଭଏସ ମେସେଜ୍ କରିଥିଲା ପତିତପାବନ। ରବିବାର ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଥିଲା। ଗତ ମଙ୍ଗଳବାର ଦିନ ମଧ୍ୟପ୍ରଦେଶର କଟଣୀ ରେଲୱେ ଷ୍ଟେସନରୁ ଡେଲିଭରି ବୟ ଓ ତାଙ୍କ ପ୍ରେମିକାକୁ ଠାବ କରିଥିଲା ପୋଲିସ। ପତ୍ନୀ ଠାରୁ ୩୦ ହଜାର ଟଙ୍କା ନେଇ ପ୍ରେମିକା ସହ ଟ୍ରେନ୍ ଯୋଗେ ଚମ୍ପଟ ମାରିଥିଲା ସ୍ୱାମୀ। ଆଜି ପୋଲିସର ପଚାରଉଚରା ପରେ ପୂରା ନାଟକରୁ ହଟିବ ପରଦା। ଅଧିକ ତଥ୍ୟ ପ୍ରେସମିଟରେ ଖୁଲାସ କରିବ କମିଶନରେଟ ପୋଲିସ।

ସୂଚନା ଅନୁସାରେ କଲେଜରେ ପଢ଼ୁଥିବା ବେଳେ ଚିକୁନ୍ ଓରଫ ପତିତପାବନ ଦୁଇଜଣ ଯୁବତୀଙ୍କୁ ଏକା ସାଙ୍ଗରେ ପ୍ରେମ କରୁଥିଲା। ଯୁବତୀ ଦ୍ୱୟ ଗୋଟିଏ କଲେଜରେ ଏକା ଶ୍ରେଣୀରେ ପାଠ ପଢ଼ୁଥିଲେ। ବର୍ଷକ ତଳେ ଚିକୁନ୍ ସେମାନଙ୍କ ମଧ୍ୟରୁ ଜଣେ ଅର୍ଥାତ୍ ଅହଲ୍ୟାଙ୍କୁ ପ୍ରେମ ବିବାହ କରିଥିଲା। ବିବାହ ପରେ ଚିକୁନ ଅହଲ୍ୟାଙ୍କ ସହ ଧଉଳି ଥାନା ଅଧୀନ ବିଜୟ ବିହାର ଅଞ୍ଚଳରେ ଘର ଭଡ଼ା ନେଇ ରହୁଥିଲା। ତେବେ ଚିକୁନ ପତ୍ନୀ ସହ ଏଠାରେ ରହୁଥିଲେ ମଧ୍ୟ ଗୋପ ଥାନା ଅଞ୍ଚଳରେ ରହୁଥିବା ଅହଲ୍ୟାଙ୍କ ସାଙ୍ଗ ତଥା ତା’ର ଦ୍ୱିତୀୟ ପ୍ରେମିକାଙ୍କ ସହ ସଂପର୍କ ରଖିଥିଲା।

ଅହଲ୍ୟା ଓ ତାଙ୍କ ଘର ଲୋକ ଏହା ଜାଣିବା ପରେ ବିରୋଧ ମଧ୍ୟ କରିଥିଲେ। କିନ୍ତୁ ଏହାର କିଛି ପ୍ରଭାବ ପଡ଼ି ନଥିଲା ଚିକୁନ୍ ଉପରେ। ପ୍ରେମିକାକୁ ନେଇ ପଳାଇବା‌ ପାଇଁ ଯୋଜନା କରିବା ପରେ ସ୍ତ୍ରୀ ଏବଂ ତାଙ୍କ ଘର ଲୋକଙ୍କ ମନରେ ବିଶ୍ୱାସ ଜନ୍ମାଇବା ପାଇଁ ଚିକୁନ ଅପହରଣର ଏଭଳି ଏକ ମିଛ ନାଟକ ରଚିଥିଲା। ଯୋଜନା ଅନୁଯାୟୀ ଗତ ୧୧ ତାରିଖ ଦିନ ଚିକୁନ ସୁନ୍ଦରପଦାରେ ଜଣେ ଗ୍ରାହକଙ୍କ ଖାଦ୍ୟ ଅର୍ଡର ଅଛି ବୋଲି କହି ଘରୁ ଯାଇଥିଲା।

ଗାଇକୁ ବଞ୍ଚାଇବାକୁ ଯାଇ ରାସ୍ତା ଉପରେ ଓଲଟିଲା ବୋଲେରୋ, ୬ଜଣଙ୍କ ଅବସ୍ଥା ଗୁରୁତର

ବରଗଡ଼: ବରଗଡ଼ ଘୁଲିପାଳି ଛକରେ ବୋଲେରୋ ଭୟାନକ ଦୁର୍ଘଟଣା। ଗାଈକୁ ବଞ୍ଚାଇବାକୁ ଯାଇ ବୋଲେରୋ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାରେ ୧୩ଜଣ ଆହତ ହୋଇଥିବା ବେଳେ ୬ଜଣଙ୍କର ଅବସ୍ଥା ଗୁରୁତର ରହିଛି। ଗୁରୁତରଙ୍କୁ ପ୍ରଥମେ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଇବା ପରେ ୬ ଜଣଙ୍କ ଅବସ୍ଥା ଗୁରୁତର ହେବାରୁ ସଙ୍ଗେ ସଙ୍ଗେ ଗୁରୁତରଙ୍କୁ ବୁର୍ଲା ବଡ଼ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି।

ଦୁର୍ଘଟଣାଗ୍ରସ୍ତ ଗାଡ଼ିଟିର ଛତିଶଗଡ଼ ନମ୍ବର ହୋଇଥିବା ବେଳେ ଗାଡ଼ିରେ ୨ଜଣ ଶିଶୁ ଥିବା ସୂଚନା ରହିଛି। ତେବେ ବିଳମ୍ବି ରାତିରେ କୌଣି କାମ ସାରି ଫେରୁଥିବା ସମୟରେ ଗାଡ଼ିଟି ସାମ୍ନାକୁ ଗାଇ ଚାଲି ଆସିଥିଲା। ଫଳରେ ଗାଇକୁ ବଞ୍ଚାଇବାକୁ ଯାଇ ଗାଡ଼ିଟି ନିଜର ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡ଼ିଥିଲା।

ଆସୁଛି ଆଉ ଏକ ଲଘୁଚାପ, ପ୍ରଭାବରେ ୧୮ରୁ ଉତ୍ତର ଓଡ଼ିଶାରେ ହେବ ବର୍ଷା

ଭୁବନେଶ୍ୱର: ରାଜ୍ୟରେ ୩ ଦିନ ଧରି ବର୍ଷାର ବିତ୍ପାତ ପରେ ପୁଣି ଦାନା ବାନ୍ଧୁଛି ଆଉ ଏକ ଲଘୁଚାପ। ୧୮ ତାରିଖ ବେଳକୁ ଉତ୍ତର ଓଡ଼ିଶା ଉପକୂଳରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ଏହାର ପ୍ରଭାବରେ ରାଜ୍ୟରେ ବର୍ଷାର ପରିମାଣ ବଢିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ବିଶେଷ କରି ଉତ୍ତର ଓଡ଼ିଶାର ବାଲେଶ୍ୱର, ଭଦ୍ରକ ଏବଂ ମୟୂରଭଞ୍ଜରେ ପ୍ରବଳ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି। ଏହାସହ ମାଲକାନଗିରି, କୋରାପୁଟରେ ମଧ୍ୟ ବର୍ଷିବ।

ତେବେ ସେହି ଲଘୁଚାପର ପ୍ରଭାବ କେତେ ରହିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ସେପଟେ ଲଗାତାର ୩ ଦିନ ଧରି ମୂଷଳ ଧାରାରେ ବର୍ଷିବା ପରେ ମଧ୍ୟ ରାଜ୍ୟର ୯ଟି ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ ହୋଇଛି। ଜୁନ୍ ୧ ତାରିଖରୁ ସେପ୍ଟେମ୍ବର ୧୫ ତାରିଖ ମଧ୍ୟରେ ରାଜ୍ୟରେ ୯୩୨.୫ ମିଲିମିଟର ବର୍ଷା ରେକର୍ଡ କରାଯାଇଛି। ୧୯ ଜିଲ୍ଲାରେ ସ୍ୱାଭାବିକ ବର୍ଷା ରେକର୍ଡ କରାଯାଇଥିବା ବେଳେ ୨ଟି ଜିଲ୍ଲା ପୁରୀ ଏବଂ ଜଗତସିଂହପୁରରେ ସ୍ୱାଭାବିକ ଠାରୁ ଯଥେଷ୍ଟ ଅଧିକ ବର୍ଷା ହୋଇଛି। କେବଳ ସେପ୍ଟେମ୍ବର ମାସରେ ସ୍ୱାଭାବିକ ଠାରୁ ୧୦୪ ପ୍ରତିଶତ ଅଧିକ ବର୍ଷା ହୋଇଥିବା ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର।

ମୌସୁମୀ ସକ୍ରିୟ ରହିଥିବାରୁ ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଓଡ଼ିଶାରେ ସ୍ୱଳ୍ପରୁ ମଧ୍ୟମଧରଣର ବର୍ଷା ହୋଇପାରେ। ୧୭ ତାରିଖରେ ଉତ୍ତର ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ଲଘୁଚାପ ପ୍ରଭାବରେ ୧୮ ତାରିଖରେ ମୟୂରଭଞ୍ଜ, ଭଦ୍ରକ, ବାଲେଶ୍ୱରରେ ଏବଂ ୧୯ରେ ଉପକୂଳ ଓଡ଼ିଶାରେ ବର୍ଷା ହେବ। ଏତେ ବର୍ଷା ସ‌ତ୍ତ୍ୱେ ବର୍ତମାନ ସୁଦ୍ଧା ୯ ଜିଲ୍ଲାରେ ମୌସୁମୀ ବର୍ଷା ନିଅଣ୍ଟିଆ ରହିଛି। ଜଗତ୍‌ସିଂହପୁର ଓ ପୁରୀ ଜିଲ୍ଲାରେ ସ୍ବାଭାବିକଠାରୁ ଅଧିକ ବର୍ଷା ହୋଇଥିବା ବେଳେ ବାକି ୧୯ ଜିଲ୍ଲାରେ ସ୍ୱାଭାବିକ ହୋଇଛି। ସେପ୍ଟେମ୍ବରରେ ମୋଟ ୨୭୧.୪ ମିମି ବର୍ଷା ହୋଇଛି, ଯାହାକି ସ୍ୱାଭାବିକ ବର୍ଷା ୧୩୨.୯ ମିମିଠାରୁ ଅଧିକ।

ବନ୍ୟା ସମ୍ପର୍କିତ କଟକଣାକୁ ମାନିଲେନି, ବନ୍ୟା ପାଣିରେ ମାଛ ଧରିଲେ ଶତାଧିକ ଲୋକେ

ଆସିକା: ବନ୍ୟା ସମ୍ପର୍କିତ କଟକଣାକୁ ମାନିଲେନି ଗଞ୍ଜାମ ଜିଲ୍ଲା ପୋଲସରାର ଶତାଧିକ ଲୋକେ। ବିପଦ ବେଳେ ପ୍ରଶାସନର ପରାମର୍ଶକୁ ଖାତିର ନକରି ମାଛ ଧରିଲେ ଲୋକେ। ଜାଲ ଆଣି ବନ୍ୟା ପାଣିରେ ମାଛ ଧରିରେ ଶତାଧିକ ଲୋକ। ଯାହାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍ ହୋଇଛି।

ଶତାଧିକ ଲୋକ ଏକତ୍ରିତ ହୋଇ ପୋଲସରା ଧନେଇ ନଦୀ ଘାଟରେ ମାଛ ଧରୁଥିବା ଦେଖିବାକୁ ମିଳିଛି। ବନ୍ୟା ଆଶଙ୍କାରେ ପାଣିପାଗ ବିଭାଗ ଏବଂ ପ୍ରଶାସନ ତରଫରୁ ମତ୍ସ୍ୟଜୀବୀଙ୍କ ଉପରେ କଟକଣା ଜାରି କରାଯାଇଛି। ବିପଦ ଥିବାରୁ ନଦୀ କିମ୍ବା ସମୂଦ୍ର ମଧ୍ୟକୁ ଯିବାକୁ ବାରଣ କରାଯାଇଥିଲା। ମାତ୍ର କିଛି  ଲୋକ ଏହାର ଉଲଂଘନ କରି ବିପଦକୁ ଡାକି ଆଣିଥିଲେ।

ଯଦି ଦେଖିବା ଗତକାଲି ମଧ୍ୟ ଅନୁଗୁଳରେ ଏଭଳି ସମାନ ଚିତ୍ର ଆମକୁ ଦେଖିବାକୁ ମିଳିଥିଲା। କେମିତି ଲଗାଣ ବର୍ଷାରେ ଭିଜି ମାଛ ଧରିବାରେ ଲାଗିପଡ଼ିଥିଲେ। ଲୋକ ଜାଲ ପକାଇ ମାଛ ଧରିବାର ଦୃଶ୍ୟ ଦେଖିବାକୁ ମିଳିଥିଲା। ଲୋକମାନେ ଜାଲ ଓ ମଶାରୀ ପକାଇ ମାଛ ଧରୁଥିଲେ।