spot_img
Home Blog Page 5333

ନିର୍ବାଚନ ପୂର୍ବରୁ ପିପିଲିରେ ‘ଉଜ୍ଜଳା’ ଲାଞ୍ଚ ଅଭିଯୋଗ: ଅଟୋ ସହ ଧରାପଡ଼ିଲେ ୨ଜଣ

ପିପିଲି: ପୋପରଙ୍ଗା ପଞ୍ଚାୟତରେ ବିଜେପି କର୍ମୀ ଗ୍ୟାସ୍‌ ବାଣ୍ଟୁଥିବା ଅଭିଯୋଗ । ଭୋଟରଙ୍କୁ ଆକୃଷ୍ଟ କରିବା ପାଇଁ ‘ଉଜ୍ଜଳା’ ଯୋଜନାରେ ଗ୍ୟାସ ସିଲିଣ୍ଡର ବଣ୍ଟାଯାଉଥିବା ସନ୍ଦେହ । ବାଣ୍ଟୁଥିବାବେଳେ ଲୋକଙ୍କ ଦୃଷ୍ଟିକୁ ଆସିଥିଲା । ଗ୍ରାମବାସୀ ସିଲିଣ୍ଡର ବୋଝେଇ ଅଟୋକୁ ଜବତ କରିବା ସହ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ନିର୍ବାଚନ ପାଟ୍ରୋଲିଂ ଟିମ୍ ପହଞ୍ଚି ତଦନ୍ତ ଆରମ୍ଭ କରି ସମସ୍ତ ଦସ୍ତାବିଜ ମାଗିଥିଲା । ହେଲେ ସିଲିଣ୍ଡର ବାଣ୍ଟୁଥିବା ଦୁଇ ଯୁବକ କିଛି କାଗଜପତ୍ର ଦେଖାଇ ପାରିନଥିଲେ । ଯାହାକୁ ନେଇ ସନ୍ଦେହ ବଢିଥିଲା । ପୁରୀ ନିର୍ବାଚନ ଆଚରଣବିଧି ଲାଗୁ ହୋଇଥିବାବେଳେ କେନ୍ଦ୍ରୀୟ ଯୋଜନାକୁ ଚଞ୍ଚକତା କରି ଭୋଟରଙ୍କୁ ପ୍ରଭାବିତ କରାଯାଉଥିବା ଅଭିଯୋଗ ହୋଇଛି । ଏହି ଦୁଇ ଯୁବକଙ୍କୁ ପିପିଲି ଥାନାରେ ଅଟକ ରଖାଯାଇ ପଚାରାଉଚରା କରାଯାଉଛି । ଗତକାଲି ନୂଆଶାସନରେ ବି ସମାନ ଢଙ୍ଗରେ ସିଲିଣ୍ଡର ବଣ୍ଟାଯାଉଥିଲା । ହେଲେ ସେମାନେ ବର୍ତ୍ତି ଯାଇଥିବା ଅଭିଯୋଗ ହୋଇଛି ।

 

ତକିଆରେ ଚାପି ହୋଇ ୨୩ ଦିନର ଶିଶୁ ମୃତ, ଶୋଇଥିଲା ମାଆ ପାଖରେ….

0

କୋଲକାତା: ମାଆ ପାଖରେ ଶୋଇଥିବା ବେଳେ ତକିଆରେ ଚାପି ହୋଇ ଜଣେ ନବଜାତ ଶିଶୁର ମୃତ୍ୟୁ ଘଟିଛି । ଏହି ଘଟଣାଟି ଶନିବାର ଦିନ ପୂର୍ବ କୋଲକାତାର ପ୍ରଗତି ମୈଦାନ ଥାନା ଅଞ୍ଚଳରେ ଘଟିଥିଲା ।

ମଧ୍ୟମଗ୍ରାମ ବାସିନ୍ଦା ଦିବାକର ମଣ୍ଡଳଙ୍କ ପତ୍ନୀ ଅପର୍ଣ୍ଣା ଦାସ ଗତ ୨୩ ଦିନ ପୂର୍ବେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ । ଶିଶୁ ଜନ୍ମ ପରଠାରୁ ସେ  ନିଜ ବାପ ଘରେ ରହିଆସୁଥିଲେ । ଶନିବାର ଦିନ ସେ ଖାଇସାରି ଛୁଆ ସହ ଶୋଇପଡିଥିଲେ । ହେଲେ ତାଙ୍କ ନିଦ ଭାଙ୍ଗିବା ବେଳକୁ ସବୁ କିଛି ଶେଷ ହୋଇଯାଇଥିଲା।

ସୂଚନା ଅନୁଯାୟୀ, ଶିଶୁଟି ଖଟରୁ ତଳକୁ ଯେପରି ନପଡେ ସେଥିପାଇଁ ସେ ତା’ ନିକଟରେ ତକିଆ ରଖିଥିଲେ । କିନ୍ତୁ ସେ ଶୋଇକି ଉଠିଲା ବେଳକୁ ଛୁଆଟି ତକିଆ ତଳେ ଚାପି ହୋଇଯାଇଥିବା ଦେଖିବାକୁ ପାଇଥିଲେ । ସେ ସାଙ୍ଗେସାଙ୍ଗେ ଛୁଆ ମୁହଁରୁ ତକିଆ ହଟାଇ ଦେଇଥିଲେ ମଧ୍ୟ ଶରୀରରେ କିଛି ହଲଚଲ ନଥିଲା । ଯାହା ପରେ ତାକୁ ସ୍ଥାନୀୟ ମେଡିକାଲକୁ ନେଇଯାଇଥିଲେ ପରିବାର ଲୋକେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଏହି ଘଟଣାକୁ ନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଥିବା ବେଳେ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇ ଦେଇଛି । ତେବେ ଶିଶୁ କନ୍ୟାର ମୃତ୍ୟୁରେ ପରିବାରରେ ଶୋକର ଛାୟା ଖେଳିଯାଇଛି ।

 

ଭ୍ୟାକ୍ସିନ ନେଲା ବେଳେ ଭାଙ୍ଗିଲା ଛୁଞ୍ଚି, ଅକାମୀ ହେଲା ହାତ ଓ ଗୋଡ଼

ଲଲିତପୁର: ଉତ୍ତରପ୍ରଦେଶର ଲଲିତପୁରରେ ସ୍ୱାସ୍ଥ୍ୟ ବିଭାଗର ଅବହେଳା ଯୋଗୁଁ ଜଣେ ଯୁବକର ଗୋଟିଏ ଗୋଡ ଓ ହାତ ଅକାମୀ ହୋଇପଡିଛି ।

ସୂଚନା ଅନୁଯାୟୀ, ଜଣେ ଯୁବକ କରୋନା ଟିକା ନେଉଥିବାବେଳେ ତାଙ୍କ ହାତରେ ଛୁଞ୍ଚି ଭାଙ୍ଗି ରହିଯାଇଥିଲା। ଯାହା ଫଳରେ ଯୁବକଙ୍କର ଅବସ୍ଥା ବିଗିଡି ଯାଇଥିଲା। ତେବେ ଅସହ୍ୟ ଯନ୍ତ୍ରଣା ହେବାରୁ ପ୍ରାୟ ନଅ ଦିନ ପରେ ଜିଲ୍ଲା ଡାକ୍ତରଖାନାର ଅସ୍ତ୍ରୋପଚାର କରି ଡାକ୍ତର ତାଙ୍କ ହାତରୁ ଛୁଞ୍ଚିକୁ ବାହାର କରିଥିଲେ ।  କିନ୍ତୁ ଦୁର୍ଭାଗ୍ୟବଶତଃ ରୋଗୀର ଡାହାଣ ହାତ ଏବଂ ଗୋଡ ଅଚଳ ହୋଇପଡିଛି । ଯାହା ପରେ ତାଙ୍କୁ ମେଡିକାଲ କଲେଜ ଝାନ୍ସୀକୁ ରେଫର୍ କରାଯାଇଛି। ସମ୍ପୃକ୍ତ ବ୍ୟକ୍ତି ଜଣକ ବନାଉନି ଗାଁର ବାସିନ୍ଦା ୨୨ ବର୍ଷୀୟ ଇନ୍ଦ୍ରେଶ ଅହିରୱାର ଗତ ସେପ୍ଟେମ୍ବର୯ ତାରିଖରେ ଗାଁର ବିଦ୍ୟାଳୟରେ ଆୟୋଜିତ ଏକ କ୍ୟାମ୍ପରେ କୋଭିଡ ଟିକା ନେଇଥିଲେ।

ଅଭିଯୋଗ ଅନୁଯାୟୀ, ଟିକା ନେବା ପରେ ଜ୍ୱର ହେବା ସଙ୍ଗେସଙ୍ଗେ ହାତ ଫୁଲିଯାଇଥିଲା । ଡାକ୍ତରଙ୍କ ଚିକିତ୍ସା ପରେ ମଧ୍ୟ ସ୍ଥିତିରେ ସୁଧାର ଆସି ନଥିଲା ବେଳେ ଧୀରେ ଧୀରେ ହାତ ଅକାମୀ ହେବାକୁ ଲାଗିଥିଲା । ଯାହା ପରେ ସେପ୍ଟେମ୍ବର ୧୩ ତାରିଖରେ ସେ ଜିଲ୍ଲା ଚିିକିତ୍ସାଳୟର ବରିଷ୍ଠ ଡାକ୍ତରଙ୍କୁ ଦେଖାଇଥିଲେ। ଡାକ୍ତର ରୋଗୀକୁ ପରୀକ୍ଷା କଲା ବେଳେ ତାଙ୍କ ହାତରେ ଛୁଞ୍ଚି ଫୋଡିହେବା ଭଳି ଅନୁଭବ ହୋଇଥିଲା ।

କେବଳ ଏତିକି ନୁହେଁ ସିଟି ସ୍କାନରେ ମଧ୍ୟ  ହାତରେ ଛୁଞ୍ଚି ରହିଥିବା ଦେଖିବାକୁ ମିଳିଥିଲା। ସିଟି ସ୍କାନ୍ ଏବଂ ଏକ୍ସ-ରେ ରିପୋର୍ଟ ପରେ ଗତ ସେପ୍ଟେମ୍ବର ୧୮ରେ ଅସ୍ତ୍ରୋପଚାର କରି ରୋଗୀର ହାତରୁ ଛୁଞ୍ଚିକୁ ବାହାର କରାଯାଇଥିଲା। ପ୍ରାୟ ଏକ ଘଣ୍ଟା ଅପରେସନ୍ ପରେ ରୋଗୀଙ୍କୁ ଆଶ୍ୱସ୍ତୀ ମିଳିଥିଲେ ମଧ୍ୟ ତାଙ୍କର ଡାହାଣ ହାତ ଏବଂ ଗୋଟିଏ ଗୋଡ କାମ କରୁନଥିବା ସୂଚନା ମିଳିଥିଲା ।

ଖୋର୍ଦ୍ଧାରେ ଡିଜେ ସାଉଣ୍ଡକୁ ନେଇ ହତ୍ୟାକାଣ୍ଡ: ୪ଜଣଙ୍କୁ ଅଟକ ରଖିଛି ପୋଲିସ

ଖୋର୍ଦ୍ଧା: ଖୁଦୁରୁକୁଣିରେ ଡିଜେ ସାଉଣ୍ଡକୁ ନେଇ ବିବାଦ ପରେ ଜଣକୁ ହତ୍ୟା । ଏମତି ଏକ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ତାପଙ୍ଗ ଟାଙ୍ଗିସାହିରେ । ପଡ଼ୋଶୀଙ୍କ କଟୁରି ଚୋଟରେ ଗାଁର ବୈକୁଣ୍ଠ ବେହେରାଙ୍କ ମୃତ୍ୟୁ ହୋଇଛି । ଖୁଦୁରୁକୁଣୀ ପାଳନବେଳେ ଡିଜେ ସାଉଣ୍ଡକୁ ନେଇ ବୈକୁଣ୍ଠ ଓ ତାଙ୍କ ପଡୋଶୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରେ ବିବାଦ ଉଗ୍ର ରୂପ ନେବାପରେ ବୈକୁଣ୍ଠକୁ କଟୁରିରେ ଆକ୍ରମଣ କରିଥିଲେ ପଡ଼ୋଶୀ ।

ଗୁରୁତର ଅବସ୍ଥାରେ ବୈକୁଣ୍ଠକୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ସୁଦ୍ଧା ସେଠାରେ ତାଙ୍କର ମୃତ୍ୟୁ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହିତ ଉଭୟ ପକ୍ଷର ୪ ଜଣଙ୍କୁ ଅଟକ ରଖି ପଚରାଉଚରା କରୁଛି । ସାଇଣ୍ଟିଫିକ ଟିମ ପହଞ୍ଚି ହତ୍ୟାରେ ବ୍ୟବହୃତ ସାମଗ୍ରୀ ସହିତ ରକ୍ତ ଭିଜା ଲୁଗା ଜବତ କରିଛି ।

ଏଥିସହିତ ପଢ଼ନ୍ତୁ: ବିଦ୍ୟାଭାରତୀଙ୍କୁ କ୍ରାଇମବ୍ରାଞ୍ଚର ୫୦ ପ୍ରଶ୍ନ: ପରକୀୟାପ୍ରୀତି ନେଇ ମଧ୍ୟ କରିଛି ପ୍ରଶ୍ନ

ବିଦ୍ୟାଭାରତୀଙ୍କୁ କ୍ରାଇମବ୍ରାଞ୍ଚର ୫୦ ପ୍ରଶ୍ନ: ପରକୀୟାପ୍ରୀତି ନେଇ ମଧ୍ୟ କରିଛି ପ୍ରଶ୍ନ

ଭୁବନେଶ୍ୱର: ପାରଳାଖେମୁଣ୍ଡି ଏସିଏଫ ସୌମ୍ୟ ରଞ୍ଜନ ମହାପାତ୍ର ମୃତ୍ୟୁ ମାମଲା । ଷ୍ଟେଟ୍ ଫରେନ୍ସିକ୍ ଲ୍ୟାବରେ ପତ୍ନୀ ବିଦ୍ୟାଭାରତୀଙ୍କର ସରିଛି ଲାଏ ଡିଟେକ୍ସନ ଟେଷ୍ଟ। ଫରେନସିକ୍ ଲାବରେ ବିଦ୍ୟାଭାରତୀଙ୍କୁ ମାରାଥନ ପ୍ରଶ୍ନ କରିଛି କ୍ରାଇମବ୍ରାଞ୍ଚ । ତଦନ୍ତକାରୀ ଅଧିକାରୀ ଓ ଲାଏ ଡିଟେକ୍ସନ ଅଫିସରଙ୍କ ସମ୍ମୁଖରେ ପଚରାଉଚରା କରାଯାଇଛି । ସ୍ୱାମୀ ସୌମ୍ୟ ରଞ୍ଜନଙ୍କ ସମ୍ପର୍କରେ ପଚରାଯିବାରୁ ଭାବ ବିହ୍ୱଳ ହୋଇ ପଡିଥିଲେ ବିଦ୍ୟା ଭାରତୀ । ପାଖାପାଖି ୩ ଘଣ୍ଟା ଧରି ବିଦ୍ୟାଙ୍କର ଲାଏ ଡିଟେକ୍ସନ ଟେଷ୍ଟ ହୋଇଥିଲା । ପ୍ରଥମେ ତାଙ୍କ ପାରିବାରିକ ସମ୍ପର୍କ, ବୈବାହିକ ଜୀବନ ଓ ପରବର୍ତ୍ତି ସମୟରେ ଡିଏଫଓଙ୍କ ସହ ପରକୀୟାପ୍ରୀତି ଯେଉଁ ଅଭିଯୋଗ ଆସିଥିଲା । ସେ ନେଇ ପ୍ରଶ୍ନ କରିଥିଲା କ୍ରାଇମବ୍ରାଞ୍ଚ ଟିମ ।

ପାଖାପାଖି ୫୦ଟି ପ୍ରଶ୍ନ ଗୁଡେଇତୁଡେଇ ପଚାରିଥିଲେ ଲାଏ ଡିଟେକ୍ସନ ଏକ୍ସପର୍ଟ । ଘଟଣାକୁ ୭୦ ଦିନ ବିତି ଯାଇଥିବାରୁ କ୍ରାଇମବ୍ରାଞ୍ଚର ତଦନ୍ତରେ ସହଯୋଗ କରିଥିଲେ ବିଦ୍ୟା ଭାରତୀ, ଡିଏଫଓ ଏବଂ ସୌମ୍ୟଙ୍କ ରୋଷେୟା । ସଭିଙ୍କୁ ପଚରାଯାଇଥିବା ପ୍ରଶ୍ନର ମେଳ ଖାଉଛି ନା ନାହିଁ ସେ ନେଇ ପ୍ରସ୍ତୁତି ଆରମ୍ଭ କରିଛି ଟିମ୍ । ବିଦ୍ୟା ଭାରତୀ କେତେ ସତ କହୁଛନ୍ତି ଲାଏ ଡିଟେକ୍ସନ ଟେଷ୍ଟରୁ ଜଣାପଡ଼ିବ । ପୂର୍ବରୁ ଡିଏଫଓ ଏବଂ ରୋଷେୟାଙ୍କର ମଧ୍ୟ ଲାଏ ଡିଟେକ୍ସନ ଟେଷ୍ଟ ଶେଷ ହୋଇଛି । ଏହା ସହ ସୌମ୍ୟଙ୍କ ପରିବାର ଓ ବିଦ୍ୟାଭାରତୀଙ୍କୁ ଜେରା କରିଛି କ୍ରାଇମବ୍ରାଞ୍ଚ । ସୌମ୍ୟରଂଜନଙ୍କ ମୃତ୍ୟୁକୁ ୨ ମାସ ବିତିଲାଣି । ହେଲେ ଏଯାଏଁ ମୃତ୍ୟୁ ଉପରୁ ହଟିନି ପରଦା । ବିଦ୍ୟାଭାରତୀଙ୍କୁ ଗିରଫ କରିବା ପାଇଁ ସୌମ୍ୟଙ୍କ ମାଆ ଦାବି କରିଛନ୍ତି । ଏଥିସହ ଓଆଇସି ମମତା ପଣ୍ଡା ଓ ଡାକ୍ତରଙ୍କ ଲାଏ ଡିଟେକ୍ସନ୍‌ ଟେଷ୍ଟ କରିବାକୁ ସେ ଦାବି କରିଛନ୍ତି ।

ଏଥିସହିତ ପଢ଼ନ୍ତୁ: କର୍ତ୍ତୃପକ୍ଷଙ୍କ ଭେଟ ନହେବାରୁ, CHSE କାର୍ଯ୍ୟାଳୟ ଆଗରେ ହାତ କାଟିଲେ ଛାତ୍ରୀ

ଭାରତ-ନେପାଳ ସୀମାରୁ ଚୀନ୍ ନାଗରିକ ଗିରଫ

କୋଲକାତା: ଭାରତ-ନେପାଳ ସୀମାରେ ପଶ୍ଚିମବଙ୍ଗର ଖୋରିବୋରୀରୁ ଜଣେ ଚୀନ୍ ନାଗରିକଙ୍କୁ ଗିରଫ କରିଛନ୍ତିସଶସ୍ତ୍ର ସୀମା ବଳ (ଏସଏସବି) ଯବାନ। ସମ୍ପୃକ୍ତ ବ୍ୟକ୍ତି ଜଣକ ନେପାଳ ସୀମା ପାର୍ ହେବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି।

ଗିରଫ ହୋଇଥିବା ବ୍ୟକ୍ତିଙ୍କ ପାଖରୁ ଯବାନ ମାନେ ଭାରତ ସମ୍ପର୍କିତ କିଛି ନକଲି ଡକ୍ୟୁମେଣ୍ଟ ଉଦ୍ଧାର କରିଛନ୍ତି। ବିହାରର କିଶନଗଞ୍ଜରେ ମୁତୟନ ଜଣେ ଏସଏସବି ଅଧିକାରୀ କହିଛନ୍ତି ଯେ ‘୪୧ତମ ବାଟାଲିୟନ ରବିବାର ରାତିରେ ସୀମାରେ ପାଟ୍ରୋଲିଂ କରୁଥିଲେ । ଏହି ସମୟରେ ନେପାଳ ସୀମାରେ ଜଣେ ଚୀନ୍ ନାଗରିକ ସୀମା ପାର କରିବାକୁ ଚେଷ୍ଟା କରୁଥିବା ବେଳେ କାବୁ କରାଯାଇଥିଲା।

ଗିରଫ ବ୍ୟକ୍ତିଙ୍କ ନାମ ଲୋବସାଙ୍ଗ ନାଇମା। ତାଙ୍କ ନିକଟରୁ ନକଲି ଆଧାର କାର୍ଡ ଏବଂ ଭୋଟର ପରିଚୟ ପତ୍ର ଜବତ କରାଯାଇଥିବା ବୋଲି ଅଧିକାରୀମାନେ କହିଛନ୍ତି।

“ନାଇମା ପ୍ରଥମେ ନିଜକୁ ଭାରତୀୟ ବୋଲି ଦାବି କରିଥିଲେ । ଏମିତିକି ସେ ଆଧାର କାର୍ଡ ଏବଂ ଭୋଟର ପରିଚୟ ପତ୍ର ମଧ୍ୟ ଦେଖାଇଥିଲେ। କିନ୍ତୁ ପରବର୍ତ୍ତୀ ସମୟରେ ସେ ଚୀନର ଜଣେ ନାଗରିକ ବୋଲି ମାନିଥିଲା। ପରେ ତାଙ୍କୁ ଖୋରିବୋରୀ ଥାନାକୁ ହସ୍ତାନ୍ତର କରାଯାଇଛି ।

ତେବେ ଚାଇନାର ନାଗରିକଙ୍କ ପାଖରେ ଆଧାର କାର୍ଡ ଏବଂ ଭୋଟର ପରିଚୟ ପତ୍ର କେଉଁଠୁ ଆସିଲା ସେନେଇ ତଦନ୍ତ ଚାଲିଥିବା ନେଇ କହିଛନ୍ତି ଖୋରିବୋରୀ ଥାନାର ଜଣେ ବରିଷ୍ଠ ଅଧିକାରୀ । ସେ ଆହୁରି ମଧ୍ୟ କହିଛନ୍ତି ଯେ ଚୀନ୍ ନାଗରିକଙ୍କ ଗିରଫଦାରୀ ସମ୍ପର୍କରେ ଗୃହ ମନ୍ତ୍ରଣାଳୟ ଏବଂ ବୈଦେଶିକ ମନ୍ତ୍ରଣାଳୟକୁ ସୂଚନା ଦିଆଯାଇଛି।

ମୃତ ଛାତ୍ରଙ୍କ ପରିବାରକୁ ମିଳିବ ୪ଲକ୍ଷ ସହାୟତା, ଘୋଷଣା କଲେ ବିଧାୟକ

ଭୁବନେଶ୍ୱର: ଡ୍ରେନରେ ଭସିଯାଇ ମୃ୍ତ୍ୟୁ ବରଣ କରିଥିବା ଦଶମ ଶ୍ରେଣୀ ଛାତ୍ରଙ୍କୁ ସରକାରଙ୍କ ପକ୍ଷରୁ ସହାୟତା ଘୋଷଣା  । ମୃତ ନାବାଳକ ଜ୍ୟୋତି ପ୍ରକାଶ ବେହେରାଙ୍କ ପରିବାରକୁ ୪ ଲକ୍ଷ ଟଙ୍କାର ଅର୍ଥିକ ଅନୁକମ୍ପା ପ୍ରଦାନ କରାଯିବା ନେଇ ଘୋଷଣା କରିଛନ୍ତି ବିଧାୟକ ଅନନ୍ତ ନାରାୟଣ ଜେନା  । ରାଜ୍ୟ ସରକାରଙ୍କ ପକ୍ଷରୁ ପ୍ରଦାନ କରାଯିବ ଏହି ସହାୟତା ରାଶି  । ତାଙ୍କ ପରିବାର ଲୋକଙ୍କୁ ସମବେଦନା ମଧ୍ୟ ଜଣାଇଛନ୍ତି ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା  ।

ରବିବାର ଅପରାହ୍ନରେ ଭାସିଯାଇଥିଲେ ଦଶମ ଶ୍ରେଣୀ ଛାତ୍ର ଜ୍ୟୋତି ପ୍ରକାଶ  । ପାଖାପାଖି ୧୯ ଘଣ୍ଟାର ଅପରେସନ ପରେ ଆଜି ନିଖୋଜ ଦଶମ ଶ୍ରେଣୀ ଛାତ୍ରଙ୍କ ମୃତଦେହ ଉଦ୍ଧାର କରିଛି ଅଗ୍ନିଶମ ଟିମ  । ଗତକାଲି ଟ୍ୟୁସନ ଯାଇ ଫେରିନଥିବା ଜ୍ୟୋତି ପ୍ରକାଶ ବେହେରାଙ୍କ ମୃତ ଶରରୀକୁ ପଞ୍ଚଶଖା ନଗରର ଡ୍ରେନରୁ ଉଦ୍ଧାର କରିଛି ଅଗ୍ନିଶମ ବାହିନୀ  । ଅପରାହ୍ନରୁ ଡ୍ରେନ ପାଣିରେ ଭାସିଯାଇଥିଲେ  ।

ସ୍ପେନର ଲା ପାମା ଦ୍ବୀପରେ ଭୟଙ୍କର ଆଗ୍ନେୟ ଉଦଗୀରଣ, ୫ହଜାର ଲୋକଙ୍କୁ ସ୍ଥାନାନ୍ତର

ସ୍ପେନ: ସ୍ପେନର ଲା ପାମା ଦ୍ବୀପରେ ଭୟଙ୍କର ଆଗ୍ନେୟ ଉଦଗୀରଣ। ତରଳ ଲାଭା ପ୍ରବାହ ଜାରି ରହିଥିବାରୁ ୫ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଛି। ଉଦଗୀରଣ ଯୋଗୁ କିଛି ଘର ବି ନଷ୍ଟ ହୋଇଥିବା ଜଣାପଡିଛି। କୁମ୍ବ୍ରେ ଭିଏଜା ଜାତୀୟ ଉଦ୍ୟାନସ୍ଥିତ କିଛି ଗ୍ରାମର ଲୋକଙ୍କୁ ନିରାପଦ ସ୍ଥାନକୁ ନିଆଯାଇଛି ।

ଗତ ସପ୍ତାହରେ ଏହି ଅଞ୍ଚଳରେ ୨୨ ହଜାରରୁ ଅଧିକ ଥର ମୃଦୁ କମ୍ପନ ଅନୁଭୂତ ହେବା ପରେ ଅଗ୍ନି ଉଦଗୀରଣ ଆରମ୍ଭ ହୋଇଥିଲା ।୧୪୩୦ ମସିହା ପରେ ୧୯୭୧ ମସିହାରେ ଶେଷ ଥର ଲାଗି ଆଗ୍ନେୟ ଉଦଗୀରଣ ହୋଇଥିଲା । ଉତ୍ତପ୍ତ ଲାଭା ପ୍ରବାହିତ ହେବା ସହ ବାୟୁ ମଣ୍ଡଳରେ ଏହାର ପ୍ରଭାବ ପଡିଥିବାରୁ ଚତୁର୍ଦ୍ଦିଗରେ ଆତଙ୍କ ପ୍ରକାଶ ପାଇଥିଲା । ପ୍ରାଣୀ ଉଦ୍ୟାନର କିଛି ଜୀବଜନ୍ତୁଙ୍କୁ ମଧ୍ୟ ସ୍ଥାନାନ୍ତର କରାଯାଇଛି ।

ତେବେ ଉଦଗୀରଣର ତୀବ୍ରତା ଏତେ ଶକ୍ତିଶାଳୀ ଥିଲା ଯେ ଶତାଧିକ ମିଟର ଉପରକୁ ତରଳ ପଦାର୍ଥ ବିଛୁରିତ ହୋଇଥିଲା । ତରଳ ଲାଭା ନଦୀ ପରି ବିଭିନ୍ନ ଭାଗକୁ ପ୍ରବାହିତ ହୋଇଥିଲା । ଉଦଗୀରଣ ନେଇ ସ୍ପେନ ପ୍ରଧାନମନ୍ତ୍ରୀ ପେଦ୍ରୋ ସାଙ୍କେଜ ସ୍ଥିତିର ସମୀକ୍ଷା କରିଛନ୍ତି । ବିପର୍ଯ୍ୟୟ ରୋକିବା ଲାଗି ସେଠାରେ ସତର୍କତାମୂଳକ ପଦକ୍ଷେପ ନିଆଯାଇଛି । ଦୂର ଇଲାକାଗୁଡିରେ ମଧ୍ୟ ଲୋକଙ୍କୁ ସ୍ଥାନାନ୍ତରିତ କରାଯାଇଛି ।

ପ୍ରେମ ସମ୍ପର୍କକୁ ନେଇ ମୁହଁ ଖୋଲିଲେ ଦୂତୀ, କହିଲେ ୨୪ରେ ବାହାହେବି..

ଭୁବନେଶ୍ୱର: ପ୍ରେମ ସମ୍ପର୍କକୁ ନେଇ ପୁଣି ଖୋଲିଲେ ଧାବିକା ଚାନ୍ଦ ।  ମୁଁ ଗୋଟିଏ ରିଲେସନସିପରେ ଅଛି  ।  ଯାହାକୁ ସାରା ଦୁନିଆ ଜାଣିଛି, ଏହି ସମ୍ପର୍କ 3ରୁ 4 ବର୍ଷର।  ମୋ ପାର୍ଟନରକୁ ବର୍ତ୍ତମାନ ୨୨  ବର୍ଷ। ସେହିପରି ଦୂତି କହିଛନ୍ତି ୨୦୨୪ ହେଉଛି ମୋର ଶେଷ ଅଲମ୍ପିକ। ଏହାପରେ ଆଉ ଅଲିମ୍ପିକ ଖେଳିବି ନାହିଁ ବୋଲି କହିଛନ୍ତି ଧାବିକା ଦୂତି ଚାନ୍ଦ  ।

ନନ୍ଦିଘୋଷ ଟିଭିକୁ ପ୍ରତିକ୍ରିୟା ଦେଇ ଦୂତି କହିଛନ୍ତି 2024 ପରେ ବିବାବ କରିବାର ଯୋଜନା ଅଛି, ଆଶା ଅଛି ମୋ ସ୍ୱପ୍ନ ସାକାର ହେବ। ଯେହେତୁ ମୋ relationship ଭଲ ଚାଲିଛି, କିଛି ଅସୁବିଧା ନାହିଁ । ମୋର ଦୃଢ ଆଶା ଅଛି ସ୍ୱପ୍ନ ସାକାର ହେବ। ଏବେ ପରିବାର ଲୋକ ମଧ୍ୟ ତାଙ୍କ ସମ୍ପର୍କକୁ ସ୍ୱୀକାର କରିଥିବା କହିଛନ୍ତି  । ଏହି ପ୍ରସଙ୍ଗରେ  ମୋତେ ବହୁତ ସହଯୋଗ ଏବଂ ସପୋର୍ଟ କରିବା ଆରମ୍ବ କଲେଣି।

ବିପର୍ଯ୍ୟୟ ଆଡକୁ ଗତି କରୁଛି ବିଶ୍ୱ ତାପମାତ୍ରା; ସତର୍କ କଲା ଜାତିସଂଘ

ନୂଆଦିଲ୍ଲୀ: ବିପଦ ପଥରେ ବିଶ୍ବ । କ୍ରମାଗତ ତାପମାତ୍ରା ବଢିବା ଯୋଗୁ କିଛି ବର୍ଷ ପରେ ଆସିପାରେ ଘୋର ବିପର୍ଯ୍ୟୟ । ଏନେଇ ସତର୍କ କରାଇଛି ଜାତିସଂଘ । ଚଳିତ ଶତାବ୍ଦୀର ଶେଷ ଭାଗ ଆଡକୁ ବିଶ୍ବରେ ତାପମାତ୍ରା ୨.୭ ଡିଗ୍ରି ସେଲସିୟସ ବୃଦ୍ଧି ପାଇବ। ଆମେରିକା ଓ ୟୁରୋପରେ ଗ୍ରୀଷ୍ମ ଋତୁରେ ଜଙ୍ଗଲରେ ବ୍ୟାପକ ନିଆଁ ଲାଗିବା, ଚୀନ ଓ ଜର୍ମାନୀରେ ପ୍ରଳୟଙ୍କରୀ ବନ୍ୟା ଆଦି ଏହାର ପୂର୍ବ ସଙ୍କେତ ।

ଏକ ବଡ଼ ବିପର୍ଯ୍ୟୟ ଆଡକୁ ବିଶ୍ବ ଗତି କରୁଛି ବୋଲି କହିଛନ୍ତି ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ । ବୈଜ୍ଞାନିକଙ୍କ ମତରେ ବିଶ୍ବର ତାପମାତ୍ର ପ୍ରାକ୍ ଶିଳ୍ପସ୍ତର ଠାରୁ ୧.୫ ଡିଗ୍ରି ସେଲସିୟସରୁ କମ୍ ରହିବା ଆବଶ୍ୟକ। ଏଥିଲାଗି ସମସ୍ତ ରାଷ୍ଟ୍ର ପଦେକ୍ଷେପ ଲାଗି ପ୍ୟାରିସ ରାଜିନାମାରେ ଗୃହିତ ହୋଇଥିଲା । ମାତ୍ର ତାପମାତ୍ରା ବୃଦ୍ଧି ପାଉଥିବାରୁ ଏହାର ପ୍ରଭାବ ଜୀବନ ଓ ଜୀବିକା ଉପରେ ଗୁରୁତର ଭାବେ ପଡୁଛି । ବର୍ତ୍ତମାନ ହାତରୁ ସମୟ ସରି ସରି ଆସୁଛି ବୋଲି କହିଛନ୍ତି ଗୁଟେରସ ।

Climate Change Report On Earth Climate Predict Above 2 Degree Rise In Temperature By 2100

୨୦୩୦ ସୁଦ୍ଧା ବିଶ୍ବର ନିର୍ଗମନ ପରିମାଣ ୪୫ ପ୍ରତିଶତ ହ୍ରାସ କରିବା ଲାଗି ପଦକ୍ଷେପ ନିଆଯାଉଛି। ମାତ୍ର ଏହା ସମ୍ଭବ ହୋଇନାହିଁ। ବର୍ତ୍ତମାନର ଧାରାକୁ ଆକଳନ କଲେ ସ୍ପଷ୍ଟ ହେଉଛି ଯେ ୨୦୩୦ ବେଳକୁ ନିର୍ଗମନ ପରିମାଣ ୧୬ ପ୍ରତିଶତ ବୃଦ୍ଧି ପାଇବ । ଫଳରେ ବିଶ୍ବ ତାପମାତ୍ରା ୨.୭ଡିଗ୍ରି ସେଲସିୟସ ବଢିବାର ଆଶଙ୍କା ରହିଛି ।

Climate Change Report On Earth Climate Predict Above 2 Degree Rise In Temperature By 2100

ଗତ ଅଗଷ୍ଟରେ ପ୍ରକାଶିତ ରିପୋର୍ଟରେ ବର୍ତ୍ତମାନ ସୁଦ୍ଧା ବିଶ୍ବରେ ତାପମାତ୍ରା ୧.୨ ଡିଗ୍ରି ସେଲସିୟସ ବଢିଥିବା ଦର୍ଶାଯାଇଥିଲା । ଅଙ୍ଗାରକାମ୍ଳ ହ୍ରାସ ନେଇ କୌଣସି ରାଷ୍ଟ୍ର ଗୁରୁତ୍ବ ଦେଉନାହାନ୍ତି। ଏନେଇ ବିଭିନ୍ନ ବିକାଶଶୀଳ ରାଷ୍ଟ୍ରଗୁଡିକୁ ଶିଳ୍ପୋନ୍ନତ ରାଷ୍ଟ୍ରଗୁଡିକ ସହାୟତା କରିବା ସହ ୧୦୦ ବିଲିୟନ ଡଲାରର ପ୍ରସ୍ତାବ କାର୍ଯ୍ୟକାରୀ କରିବା ଲାଗି ଗୁଟେରସ ଆହ୍ବାନ ଦେଇଛନ୍ତି ।

Climate Change Report On Earth Climate Predict Above 2 Degree Rise In Temperature By 2100

ତେବେ ପ୍ୟାରିସ ରାଜିନାମାରେ ୧୯୧ଟି ରାଷ୍ଟ୍ର ସ୍ବାକ୍ଷର କରିଥିବା ସତ୍ତ୍ବେ ନିର୍ଗମନ ହ୍ରାସ ନେଇ ଗୁରୁତ୍ବ ନଦେବା କ୍ଷୋଭର ବିଷୟ। ଚଳିତ ଦଶନ୍ଧି ଶେଷ ସୁଦ୍ଧା ମିଥେନ ନିର୍ଗମନ ପରିମାଣ ୩୦ ପ୍ରତିଶତ ହ୍ରାସ କରିବା ଲାଗି ଆମେରିକା ଓ ୟୁରୋପୀୟ ରାଷ୍ଟ୍ରସଂଘ ଅଭିଯାନ କରିବେ ବୋଲି ଗତ ଶୁକ୍ରବାର ଘୋଷଣା କରିଥିଲେ ଆମେରିକା ରାଷ୍ଟ୍ରପତି ଜୋ ବିଡେନ।