ଭୁବନେଶ୍ୱର: ୪୨୦ ବାବା ବିଜୟାନନ୍ଦ ଚୌଧୁରୀ ଓରଫ ବିଜୟାନନ୍ଦ ମହାରାଜ ଙ୍କ ଖୋଲୁଛି ଗୁମର। ପଦାକୁ ଆସିଲା ବାବାଙ୍କ ଆଳିସାନ ଲାଇଫ ସହ ଗ୍ଲାମର ଲିଙ୍କ। ଠକେଇ ଟଙ୍କାରେ ତିଆରି କରୁଥିଲେ ଓଡ଼ିଆ ଅଧ୍ୟାତ୍ମିକ  ଫିଲ୍ମ। ଫିଲ୍ମ ନାମ ଥିଲା ବାର ହାତ ଖଣ୍ଡା। ବାବା ଏ ଫିଲ୍ମି କୁ ପ୍ରଯୋଜନା କରୁଥିଲେ। ଏବେ ବାବା ଗିରଫ ହେବା ପରେ ବାର ହାତ ଖଣ୍ଡା ଚର୍ଚ୍ଚାକୁ ଆସିଛି। ଗତ ଫେବୁୟାରୀ ମାସ ଷୋହଳ ତାରିଖରେ ଯାହାକି ଭରତପୁର ଅନ୍ଧାରୁଆରେ ଅଧ୍ୟାତ୍ମିକ କାହାଣୀକୁ ନେଇ ଅଡିଓ ଭିଜୁଆଲର ଶୁଭମୁକ୍ତି ହୋଇଥିଲା। ଶୁଭମୁକ୍ତି ସମୟରେ ଅନେକ ସାଧୁସନ୍ଥ, ରାଜନେତା, ଯାତ୍ରା, ସିନେ କଳାକାର ଯୋଗ ଦେଇଥିଲେ। ଠକେଇ ଟଙ୍କାରେ ବାବା ରଙ୍ଗୀନ ଦୁନିଆରେ ପାଦ ଥାପି ଥିଲେ। ଶୁଭମୁକ୍ତି ସମୟରେ  ଠକ ବାବା ଡ଼ମି ଖଣ୍ଡାକୁ ଧରି ଥିଲେ। ଏବେ ଇଓଡବ୍ଲ୍ୟ ବାବାଙ୍କୁ ଗିରଫ କରିବା ଏହି ଫିଲ୍ମ କେତେ ଟଙ୍କା ଲାଗିଛି, ସେ ଦିଗରେ ଖୋଲ ତାଡ଼ କରୁଛି।

ଗଞ୍ଜାମ: ବ୍ରହ୍ମପୁରରେ ବିଜେପିର ଦାଦାଗିରି। ବ୍ରହ୍ମପୁର ରାମଲିଙ୍ଗେଶ୍ୱର ପାର୍କରେ ବିଜେଡି ବିଧାୟକ ଓ ମନ୍ତ୍ରୀ ବିକାଶମୂଳକ କାର୍ଯ୍ୟର ତଦାରଖ ପାଇଁ ପହଞ୍ଚିଥିବାବେଳେ ଏଥିରେ ବାଧାଦେବା ପାଇଁ ଉଦ୍ୟମ କରିଥିଲେ ବିଜେପି କର୍ମୀ।

ଯାହାଫଳରେ ୨୦ରୁ ଅଧିକ ବିଜେପି କର୍ମୀଙ୍କୁ ଉଠାଇନେଲା ପୋଲିସ। ସମଗ୍ର ଅଞ୍ଚଳ ଉପରେ ନଜର ରଖିବା ସହ ସୁରକ୍ଷା ବ୍ୟବସ୍ଥା କଡାକଡି କରିଛି ପୋଲିସ। ଗତ ୨୧ ତାରିଖରୁ ବିଭିନ୍ନ ପର୍ଯ୍ୟାୟରେ ବିଧାୟକ ଓ ମନ୍ତ୍ରୀମାନେ ଗଞ୍ଜାମ ଜିଲ୍ଲାର ବିକାଶମୂଳକ କାର୍ଯ୍ୟ ବୁଲି ଦେଖୁଛନ୍ତି।

ତେବେ ଏଭଳି ଘଟଣାକୁ ନିନ୍ଦା କରିଛି ବିଜେଡି। ବିଜେପି ବିକାଶ କାର୍ଯ୍ୟରେ ବାଧା ଦେଉଛି। ଏହା ବିଜେପିର ପିଲାଳିଆମି। ଗଞ୍ଜାମରେ ବିକାଶ ଦେଖି ବିଜେପି ଔଷଧ ବିକଳରେ ତାଟିଆ କାମୁଡୁଥିବା କହିଛନ୍ତି ସ୍ଥାନୀୟ ବିଧାୟକ ବିକ୍ରମ ପଣ୍ଡା। ବିଜେପିର ଏଭଳି ଆଭିମୁଖ୍ୟକୁ ଅଶୋଭନୀୟ ଓ ଦୁର୍ଭାଗ୍ୟଜନକ ବୋଲି କହିଛି ବିଜେଡି। ଗତ ୨୧ ତାରିଖରୁ ବିଭିନ୍ନ ପର୍ଯ୍ୟାୟରେ ବିଧାୟକ ଓ ମନ୍ତ୍ରୀମାନେ ଗଞ୍ଜାମ ଜିଲ୍ଲାରେ ବିକାଶମୂଳକ କାର୍ଯ୍ୟ ବୁଲି ଦେଖୁଛନ୍ତି।

ଭୁବନେଶ୍ୱର: ବଦଳି ଗଲାଣି ଓଡ଼ିଶାର ଚିତ୍ର। କ୍ରୀଡ଼ପାଇଁ ଓଡ଼ିଶାକୁ ମିଳିଛି ସ୍ୱତନ୍ତ୍ର ପରିଚୟ। ଅଲିମ୍ପିକ୍ସରେ ଦୁଇ ଓଡ଼ିଆ ହକି ଖେଳାଳି ପଦକ ଜିତିବା ପରେ ଓଡ଼ିଶା ହକିର ମାହୋଲ ବଦଳି ଯାଇଛି। ଅଧିକରୁ ଅଧିକ ହକି ଖେଳାଳି ଓଡ଼ିଶାରେ ବାହାର କରିବା ପାଇଁ ରାଜ୍ୟ ସରକାର ଅଣ୍ଟା ଭିଡିଛନ୍ତି। ଅନ୍ତର୍ଜାତୀୟ ସ୍ତରର କୋଚ୍ ନିଯୁକ୍ତି କରିବାକୁ ପ୍ରୟାସ କରାଯାଉଛି। ସେପଟେ ହକି ବିଶ୍ୱକପ୍‌ର ପୂର୍ବରୁ ରାଉରକେଲାର ହକି ଷ୍ଟାଡିୟମ ନିର୍ମାଣ ଶେଷ କରିବାକୁ ଦିଆଯାଇଛି ଡେଡଲାଇନ୍।

କ୍ରିକେଟ୍ ଓ ଫୁଟବଲକୁ ଛାଡ଼ି ଏବେ ହକି ପଛରେ ବାୟା ରାଜ୍ୟବାସୀ। ହକିର ଏନ୍ତୁଡ଼ିଶାଳ କୁହାଯାଉଥିବା ସୁନ୍ଦରଗଡ଼ରେ ଏବେ ହକିର କ୍ରେଜ୍ କାହିଁରେ କଣ। ଏହାରି ଭିତରେ ଓଡ଼ିଶା ହକିକୁ ଆହୁରି ଶାଣିତ କରିବା ପାଇଁ ରାଜ୍ୟସରକାର ଅଣ୍ଟା ଭିଡ଼ିଛନ୍ତି। ଓଡ଼ିଶା ହକି ପାଇଁ ଏକ ଅନ୍ତର୍ଜାତୀୟ ସ୍ତରର ଜଣାଶୁଣା କୋଚ୍ ନିଯୁକ୍ତି କରିବାକୁ ରାଜ୍ୟସରକାର ଚିନ୍ତା କରୁଛନ୍ତି। ମହାନ ହକି କିମ୍ବଦନ୍ତୀ ଜୁଡେ ଫେଲିକ୍ସ ଓଡ଼ିଶା ହକିର ମଙ୍ଗ ଧରିପାରନ୍ତି।

ଜୋରସୋର ଚାଲିଛି ଆଗମୀ ୨୦୨୩ ବିଶ୍ୱକପ୍‌ ପୂର୍ବରୁ ହକି ଷ୍ଟାଡିୟମର କାମ ଶେଷ ହେବ। ଏଥିପାଇଁ ଡେଡଲାଇନ୍ ରହିଛି ଜୁଲାଇ ୨୦୨୨। କାମର ଅଗ୍ରଗତି ନେଇ ବୈଠକ ଓ ସମୀକ୍ଷା ଜାରି ରହିଛି। ହକିକୁ ରାଜ୍ୟ ସରକାରଙ୍କ ପ୍ରୋତ୍ସାହନ ଜାରି ରହିଛି। ଏଭଳି ସମୟରେ କ୍ରୀଡାରେ କ୍ୟାରିୟର କରିବାକୁ ଅଧିକରୁ ଅଧିକ ଯୁବକ ଆଗ୍ରହ ପ୍ରକାଶ କଲେଣି।

ଭୁବନେଶ୍ୱର: ଚାଷୀଙ୍କ ପାଇଁ ଖୁସି ଖବର। ବଦଳିପାରେ ମରୁଡି ପରିସ୍ଥିତି। ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ। ଆସନ୍ତା ୨୮ରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଏହାର ପ୍ରଭାବରେ ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାରେ ବର୍ଷାର ପରିମାଣ ବୃଦ୍ଧି ପାଇବ। ଆସନ୍ତାକାଲି ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ଅଛି। ଯାହା ଘନୀଭୂତ ହୋଇ ୨୮ତାରିଖ ସନ୍ଧ୍ୟାରେ ଲଘୁଚାପରେ ପରିଣତ ହେବ।

ଏହାର ପ୍ରଭାବରେ ଖୋର୍ଦ୍ଧା, ପୁରୀ, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ବାଲେଶ୍ୱର, ଭଦ୍ରକ, ମୟୂରଭଞ୍ଜ ଓ କେନ୍ଦୁଝରରେ ବର୍ଷାର ପରିମାଣ ବଢିପାରେ। ଆସନ୍ତା ୨୪ଘଣ୍ଟା ମଧ୍ୟରେ ଏସବୁ ଜିଲ୍ଲା ସମେତ ଗଞ୍ଜାମ, ଗଜପତି, କନ୍ଧମାଳ, କଳାହାଣ୍ଡି, ନୟାଗଡ଼, ବୌଦ୍ଧ, ଅନୁଗୁଳରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ଏସବୁ ଜିଲ୍ଲାଗୁଡିକୁ ୟେଲୋ ଆଲର୍ଟ ଜାରି କରିଛି ଭୁବନେଶ୍ୱର ପାଣିପାଗ କେନ୍ଦ୍ର।

ରାଜ୍ୟରେ ଜୁନ୍ ପହିଲାରୁ ଏବେ ସୁଦ୍ଧା ମୋଟ ୫୯୮ ଦଶମିକ ୬ମିଲିମିଟର ବର୍ଷା ହୋଇଛି। ଏହି ସମୟରେ ୮୬୯ମିଲିମିଟର ବର୍ଷା ହେବା କଥା। ରାଜ୍ୟରେ ଏବେ ୩୧ପ୍ରତିଶତ ନିଅଣ୍ଟିଆ ବର୍ଷା ହୋଇଥିବା ପାଣିପାଗ କେନ୍ଦ୍ର ସୂଚନା ଦେଇଛି। ତେବେ ଆଗକୁ ଲଘୁଚାପ ପ୍ରଭାବରେ ଭଲ ବର୍ଷା ହେବାର ସମ୍ଭାବନା ରହିଛି। ଏହା ଦ୍ୱାରା ନିଅଣ୍ଟିଆ ବର୍ଷା ପୂରଣ ହେବାର ଆଶା ରହିଛି।