spot_img
Home Blog Page 5257

ଆଶ୍ୱସ୍ଥ କରୁଛି RMRC ସର୍ଭେ: ଟିକା ନେବା ପରେ ସ୍ୱାସ୍ଥ୍ୟକର୍ମୀଙ୍କ ବଢିଛି ଆଣ୍ଟିବଡି

ଭୁବନେଶ୍ୱର: କରୋନାରେ ସଂକ୍ରମିତ ସ୍ବାସ୍ଥ୍ୟକର୍ମୀ ଟିକା ନେବା ପରେ ବଢିଛି ଆଣ୍ଟିବଡି । ସ୍ବାସ୍ଥ୍ୟ କର୍ମୀଙ୍କ ଠାରେ ଅଧିକ ଆଣ୍ଟିବଡି ବଢିଥିବା RMRC ପକ୍ଷରୁ ହୋଇଥିବା ସର୍ଭେରୁ ଜଣାପଡିଛି । ଜାନୁୟାରୀରୁ ଏପ୍ରିଲ ମଧ୍ୟରେ କରାଯାଇଥିବା ଏହି ସର୍ଭେରୁ ସ୍ପଷ୍ଟ ହୋଇଛି ଯେ, ପୂର୍ବରୁ ସଂକ୍ରମିତ ଥିବା ସ୍ବାସ୍ଥ୍ୟକର୍ମୀଙ୍କ ଠାରେ ପ୍ରଥମ ଡୋଜ୍ ଟିକା ନେବାପରେ ୯୬ ପ୍ରତିଶତ ଆଣ୍ଟିବଡି ସୃଷ୍ଟି ହୋଇଛି । ସଂକ୍ରମିତ ହୋଇ ନଥିବା ସ୍ବାସ୍ଥ୍ୟକର୍ମୀଙ୍କ ଠାରେ ପ୍ରଥମ ଡୋଜ୍ ଟିକା ନେବାପରେ ୬୧.୩ ପ୍ରତିଶତ ଆଣ୍ଟିବଡି ପରିଲକ୍ଷିତ ହୋଇଛି ।

ତେବେ ଆଦୌ ସଂକ୍ରମିତ ହୋଇନଥିବା ସ୍ବାସ୍ଥ୍ୟକର୍ମୀଙ୍କ କ୍ଷେତ୍ରରେ ଦ୍ବିତୀୟ ଡୋଜ ଟିକା ପରେ ୮୨.୭ ପ୍ରତିଶତ ଆଣ୍ଟିବଡି ଥିବା ଦେଖାଯାଇଛି । ୧୩୪ ଜଣ ସ୍ବାସ୍ଥ୍ୟକର୍ମୀଙ୍କୁ ନେଇ RMRC ପକ୍ଷରୁ ସର୍ଭେ କରାଯାଇଥିଲା । ସମସ୍ତ ସ୍ବାସ୍ଥ୍ୟ କର୍ମୀ ଦୁଇଟି ଡୋଜ୍ ଟିକା ନେଇଥିଲେ । ସେମାନଙ୍କ ମଧ୍ୟରୁ ୫୯ ଜଣ ପୂର୍ବରୁ କରୋନା ସଂକ୍ରମିତ ହୋଇଥିଲେ ।

କଂଗ୍ରେସରେ ଖୁବ ଶୀଘ୍ର ନେତୃତ୍ୱ ପରିବର୍ତ୍ତନ, ୧୬ରେ ଫାଇନାଲ

ନୂଆଦିଲ୍ଲୀ: ଖୁବ୍ ଶୀଘ୍ର ଘୋଷଣା ହୋଇପାରନ୍ତି କଂଗ୍ରେସର ନୂଆ ମୁଖିଆ । ଆସନ୍ତା ୧୬ ତାରିଖରେ ଏଥିଲାଗି ବସିବ ଗୁରୁତ୍ବପୂର୍ଣ୍ଣ ବୈଠକ । ବିଭିନ୍ନ ରାଜ୍ୟରେ ଜାରି ରହିଥିବା କଂଗ୍ରେସ ସଙ୍କଟ ସହ ଆସନ୍ତା ବର୍ଷ କିଛି ରାଜ୍ୟରେ ନିର୍ବାଚନ ଅନୁଷ୍ଠିତ ହେବାକୁ ଯାଉଥିବାରୁ କଂଗ୍ରେସ କାର୍ଯ୍ୟକାରିଣୀ ବୈଠକ ଗୁରୁତ୍ବପୂର୍ଣ୍ଣ ହେବ । ଏହି ବୈଠକରେ ଦେଶର ବର୍ତ୍ତମାନର ରାଜନୈତିକ ସ୍ଥିତି ଓ ନିର୍ବାଚନ ପ୍ରସଙ୍ଗରେ ଆଲୋଚନା ହେବ ବୋଲି କୁହାଯାଇଛି ।

ଏନେଇ ପ୍ରତିକ୍ରିୟା ଦେଇ କଂଗ୍ରେସ ମୁଖପାତ୍ର ରଣଦୀପ ସୁର୍ଜେଓ୍ବାଲା କହିଛନ୍ତି- ସିଡବ୍ଲୁସି ବୈଠକରେ କିଛି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କରାଯିବ । କିଛିଦିନ ତଳେ କଂଗ୍ରେସର ନେତା ନେଇ ଗାନ୍ଧି ପରିବାରକୁ ବରିଷ୍ଠ ନେତା କପିଳ ସିବଲ ଏକ ପତ୍ର ଲେଖିଥିଲେ । ଦଳରେ ନିଷ୍ପତ୍ତି କିଏ ନେଉଛନ୍ତି ବୋଲି ସେ ପ୍ରଶ୍ନ କରିଥିଲେ । ଜି-୨୩ ନେଇ ବି ସେ ମତ ରଖିଥିଲେ । ଅନ୍ୟପକ୍ଷରେ ବିଭିନ୍ନ ରାଜ୍ୟରେ କଂଗ୍ରେସରେ ମଧ୍ୟ କେଁ ପସିଛି  ।

ତେଣୁ ଏପରି ସମୟରେ ନେତୃତ୍ୱ ପରିବର୍ତ୍ତନର ଆବଶ୍ୟକତା ରହିଥିବା ନେଇ ମଧ୍ୟ ଦଳ ମଧ୍ୟରେ ନିଆଁ କୁହୁଳିଲାଣି  । ଏମିତି ସ୍ଥିତି ମଧ୍ୟ କଂଗ୍ରେସରେ ଘଟିଛି ଯେ, ନେତୃତ୍ୱ ପରିବର୍ତ୍ତନ ପରେ ଆହୁରି ବିପର୍ଯ୍ୟସ୍ଥ ହୋଇପଡ଼ିଛି ଦଳର ଆବସ୍ଥା  । ତେଣୁ ମୁଖିଆ ପରିବର୍ତ୍ତନ ଏବଂ  ବିରୋଧି ଗୋଷ୍ଠୀଙ୍କୁ ସନ୍ଟୁଷ୍ଟ କରିବା ନେଇ ଦଳର କୋର କମିଟି କିଛି ସେହିଭଳି ନେତାଙ୍କ ନାଁ ତାଲିକାରେ ଫିକ୍ସ କରିବାକୁ ଯାଉଛି  । ସେପଟେ ଜି ୨୩ ନେତା କିନ୍ତୁ ଏହାରି ଭିତରେ ଦଳ ପାଇଁ ବିସ୍ପୋରକ ସାଜିବାକୁ ଯାଉଥିବା ଚର୍ଚ୍ଚା ହେଉଛି  ।

ଅଜୟ ମିଶ୍ରାଙ୍କ ଘର ଆଗରେ କଂଗ୍ରେସର ବିକ୍ଷୋଭ ପ୍ରଦର୍ଶନ

ଲକ୍ଷ୍ନୌ: ଉତ୍ତରପ୍ରଦେଶର ଲଖିମପୁର-ଖେରି ଚାଷୀ ମୃତ୍ୟୁ ମାମଲାରେ କଂଗ୍ରେସର ବିକ୍ଷୋଭ ପ୍ରଦର୍ଶନ । କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରାଙ୍କ ଦିଲ୍ଲୀସ୍ଥିତ ବାସଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଯୁବ କଂଗ୍ରେସ କର୍ମୀ । ଯେଉଁଭଳି ଭାବେ ଚାଷୀଙ୍କ ମୃତ୍ୟୁ ହୋଇଛି ତାହା ଦୁର୍ଭାଗ୍ୟଜନକ ଅଟେ ।

ଘଟଣାରେ କେନ୍ଦ୍ରମନ୍ତ୍ରୀଙ୍କ ପୁଅଙ୍କ ସଂପୃକ୍ତି ଥିବାବେଳେ ପୋଲିସ ଓ କ୍ରାଇମବ୍ରାଞ୍ଚ ଏ ଘଟଣାରେ ଉଚିତ୍ ପରକ୍ଷେପ ନେଉ ନାହାଁନ୍ତି । କଂଗ୍ରେସ ନେତାଙ୍କ ପ୍ରତି ୟୁପି ପୋଲିସର ବ୍ୟବହାରକୁ କଡା ଭାଷାରେ ସମାଲୋଚନା କରିଛି ଦଳ । ୟୁପି ସରକାର ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛି କଂଗ୍ରେସ ।

ବସିବ ଭାରତ-ଚୀନ ସାମରିକସ୍ତରୀୟ ଆଲୋଚନା, ସକାଳ ସାଢେ ୧୦ରେ ବୈଠକ

ନୂଆଦିଲ୍ଲୀ: ରବିବାର ସକାଳ ସାଢେ ୧୦ଟାରେ ବସିବ ଭାରତ-ଚୀନ ସାମରିକସ୍ତରୀୟ ବୈଠକ । ପ୍ରକୃତ ନିୟନ୍ତ୍ରଣ ରେଖାର ଚୀନ ପଟେ ଅବସ୍ଥିତ ମୋଲଡୋରେ ବସିବ ତ୍ରୟୋଦଶ ବୈଠକ । ହଟ ସ୍ପ୍ରିଙ୍ଗସରେ ଘଟିଥିବା ଉତ୍ତେଜନା ପ୍ରସଙ୍ଗ ଏହି ବୈଠକର ମୁଖ୍ୟତଃ ସ୍ଥାନ ପାଇବ । ଡେପସାଙ୍ଗ ବଲଜ ଓ ଡିଚୋକରେ ଚୀନ ସୈନ୍ୟ ସମ୍ପୂର୍ଣ୍ଣ ପ୍ରତ୍ୟାହାର କରାଯିବା ନେଇ ଭାରତ ଦାବି କରିବ । ବୈଠକରେ ଲେଫ୍ଟନାଣ୍ଟ ଜେନରାଲ ପିଜିକେ ମେନନ ଭାରତର ପ୍ରତିନିଧିତ୍ବ କରିବେ । ସେ ବର୍ତ୍ତମାନ ଲେହସ୍ଥିତ ୧୪ କର୍ପସର କମାଣ୍ଡର ଅଛନ୍ତି ।

ସେପଟେ ଭାରତ ଓ ଚୀନ ମଧ୍ୟରେ କର୍ପସ କମାଣ୍ଡରସ୍ତରୀୟ ଆଲୋଚନା ପୂର୍ବରୁ ସୀମାନ୍ତରେ ପୁଣି ଉତ୍ତେଜନା ପ୍ରକାଶ ପାଇଥିଲା । ଦୁଇ ଦେଶର ସୀମାନ୍ତ ଅନ୍ତର୍ଗତ ପୂର୍ବାଞ୍ଚଳ ସେକ୍ଟରରେ ଦୁଇ ଦେଶର ସୈନ୍ୟ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ଅରୁଣାଚଳ ପ୍ରଦେଶ ଅନ୍ତର୍ଗତ ସୀମାରେଖାରେ ଏହି ମୁହାଁମୁହିଁ ପରିସ୍ଥିତି ସୃଷ୍ଟି ହେବା ପରେ ଉଭୟ ପକ୍ଷ ସତର୍କ ରହିଛନ୍ତି । ତାଓ୍ବାଙ୍ଗ ସେକ୍ଟରର ୟାଙ୍ଗସେ ଅଞ୍ଚଳରେ ଏହି ଉତ୍ତେଜନା ଘଟିଥିଲା । ଚୀନର ଏକ ବଡ ବାହିନୀ ସୀମାନ୍ତରେ ସଂଘର୍ଷର ସୂତ୍ରପାତ କରିବା ଲାଗି ଚାହିଁଥିଲେ ଏବଂ ଭାରତୀୟ ପାଟ୍ରୋଲିଂ ଟିମ୍ ଏହାର ସଫଳ ମୁକାବିଲା କରିବାରେ ସକ୍ଷମ ହୋଇଥିଲା ।

ତେବେ ପରେ ପରେ ଲୋକାଲ କମାଣ୍ଡରମାନଙ୍କ ହସ୍ତକ୍ଷେପ ଯୋଗୁ ଏହି ଉତ୍ତେଜନା ଥମିଥିଲା । ପ୍ରକୃତ ନିୟନ୍ତ୍ରଣ ରେଖା ନେଇ ସ୍ପଷ୍ଟତା ରକ୍ଷା କରାଯାଇ ନଥିବାରୁ ଦୁଇ ଦେଶର ସୀମାରେ ଏପରି ସ୍ଥିତି ସୃଷ୍ଟି ହେଉଛି । ତେବେ ଭାରତର ପ୍ରତିରକ୍ଷା ଭିତ୍ତିଭୂମି ପ୍ରତି ଆଞ୍ଚ ଆସିନାହିଁ ବୋଲି କୁହାଯାଇଛି । ତାଓ୍ବାଙ୍ଗ ସେକ୍ଟରରେ ଗତ 2016ରେ ଏପରି ସମସ୍ୟା ସୃଷ୍ଟି ହୋଇଥିଲା । ମାତ୍ର ସ୍ଥିତିକୁ ନିୟନ୍ତ୍ରଣ କରାଯାଇଥିଲା । ଗତ ଅଗଷ୍ଟରେ ଉତ୍ତରାଖଣ୍ଡର ବାରାହୋତି ସେକ୍ଟରରେ ବି 100ରୁ ଅଧିକ ଚୀନ ସୈନ୍ୟ ପ୍ରବେଶ କରି ଉତ୍ତେଜନା ସୃଷ୍ଟି କରିଥିଲେ । ଏଲଏସିର ଉଭୟ ପାର୍ଶ୍ବରେ ବର୍ତ୍ତମାନ ଦୁଇ ପକ୍ଷର ପ୍ରାୟ ୬୦ ହଜାର ସୈନ୍ୟ ମୁତୟନ ହୋଇଛନ୍ତି ।

ଆର୍ଯ୍ୟନ ଗିରଫ ମାମଲା: NCB ତଦନ୍ତ ଉପରେ ପ୍ରଶ୍ନ ଉଠାଇଲେ NCP ନେତା

ମୁମ୍ବାଇ: ଡ୍ରଗ୍ସ ପାର୍ଟି ମାମଲାରେ ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଗିରଫ ହୋଇଥିବାବେଳେ ଏନସିବିର ତଦନ୍ତ ଉପରେ ପ୍ରଶ୍ନ ଉଠାଇଛନ୍ତି ଏନସିପି ନେତା ତଥା ମହାରାଷ୍ଟ୍ର ମନ୍ତ୍ରୀ ନବାବ ମଲ୍ଲିକ । କ୍ରୁଜ୍ ରେଭ୍ ପାର୍ଟିରେ ସାମିଲ ହୋଇଥିବା ତିନି ଜଣକୁ ଛାଡି ଦେଇଛି ଏନସିବି । ଏଭଳି ସାଂଘାତିକ ଅଭିଯୋଗ ଆଣିଛନ୍ତି ନବାବ ମଲ୍ଲିକ । ସେ କହିଛନ୍ତି, ସମୀର ଓ୍ବାଙ୍ଖଡେଙ୍କ କହିବା ଅନୁସାରେ ପାର୍ଟିରେ ସାମିଲ ହୋଇଥିବା ୮ରୁ ୧୦ ଜଣକୁ ଅଟକ ରଖାଯାଇଥିଲା । ହେଲେ ସେ ସମୟରେ ଏନସିବି କବଜାରେ ଥିଲେ ୧୧ ଜଣ । ୮ ଜଣକୁ ଏନସିବି ଗିରଫ କରିଥିବାବେଳେ ବାକି ୩ ଜଣକୁ ଛାଡି ଦେଇଥିଲା ।

ଏନସିବି କାହା ନିର୍ଦ୍ଦେଶରେ ଏଭଳି ପଦକ୍ଷେପ ନେଇଥିଲା । ବିଜେପି ନେତା ମୋହିତ କମ୍ବୋଜଙ୍କ ସମ୍ପର୍କୀୟଙ୍କୁ ଛାଡି ଦିଆଯାଇଛି । ଏମାନେ ହେଉଛନ୍ତି ଋଷଭ ସଚଦେବା, ପ୍ରତୀକ ଗାବା ଓ ଅମିର ଫର୍ଣ୍ଣିଚରଓ୍ବାଲା । ଏନସିବି କାହା ନିର୍ଦ୍ଦେଶରେ ଏମାନଙ୍କୁ ଛାଡି ଦେଇଛି ବୋଲି ପ୍ରଶ୍ନ କରିଛି ଏନସିପି । ଏଣୁ ଘଟଣାର ଉଚିତ୍ ତଦନ୍ତ ହେବା ଆବଶ୍ୟକ ବୋଲି କହିଛନ୍ତି ନବାବ ମଲ୍ଲିକ । ସେପଟେ ଏହାର ଜବାବ ରଖିଛି ଏନସିବି । ଡେପୁଟି ଡିଜି ଘନଶ୍ୟାମ ସିଂହ କହିଛନ୍ତି, ଅକ୍ଟୋବର ୨ ତାରିଖରେ କ୍ରୁଜ୍ ଉପରେ ଚଢାଉ ହୋଇଥିଲା । ୮ ଜଣକୁ ମାମଲାରେ ଧରିଥିଲା ଏନସିବି । ପଚରାଉଚରା ପରେ ୬ ଜଣକୁ ଛାଡି ଦିଆଯାଇଥିଲା । ଏହି ୬ ଜଣକ ବିରୋଧରେ କୌଣସି ପ୍ରମାଣ ନଥିଲା ।

ଅନ୍ୟମାନଙ୍କ ବିରୋଧରେ ପ୍ରମାଣ ମିଳିଥିବାରୁ ସେମାନଙ୍କୁ ଗିରଫ କରିଥିଲା କରାଯାଇଥିଲା । ଏନସିବି ଏକ ନିରପେକ୍ଷ ସଂସ୍ଥା ଅଟେ । ଏହାର ତଦନ୍ତ ଉପରେ ପ୍ରଶ୍ନ ଉଠାଇବା ଓ ତଦନ୍ତକୁ ନେଇ ରାଜନୈତିକ ରୂପ ଦେବା ଦୁର୍ଭାଗ୍ୟଜନକ ବୋଲି କହିଛି ଏନସିବି । ଏନସିପିର ଅଭିଯୋଗ ଭିତ୍ତିହୀନ ବୋଲି କହିଛନ୍ତି ଡେପୁଟି ଡିଜି ଘନଶ୍ୟାମ ସିଂହ । ସେପଟେ ବିଜେପି ମଧ୍ୟ ଏହା ଉପରେ ଜବାବ ରଖିଛି । ଏପଟେ ଆର୍ଯ୍ୟନ ଖାନଙ୍କୁ ଏନସିବି ଜେରା କରୁଥିବାବେଳେ ତାଙ୍କ ଗାଡି ଡ୍ରାଇଭର ମଧ୍ୟ ସ୍କାନରକୁ ଆସିଛନ୍ତି । ୧୪ ଦିନିକିଆ ବିଚାର ବିଭାଗୀୟ ହାଜତରେ ରହିଛନ୍ତି ସମସ୍ତ ଅଭିଯୁକ୍ତ ।

ଚାଲିଥିଲା ନକଲି ମଦ ବେପାର: ବନ୍ଧା ହେଲେ ଦୁଇ ପୁଅ, ବାପା ଫେରାର

ଝାରସୁଗୁଡା : ବାପ-ପୁଅ କରୁଥିଲେ ନକଲି ମଦ ବେପାର । ଚଢାଉ କଲା ଅବକାରୀ ବିଭାଗ । ଝାରସୁଗୁଡା ଜିଲ୍ଲା ଗଣେଶନଗର ଅଞ୍ଚଳରେ ବେଆଇନ ବିଦେଶୀ ମଦ କାରବାର ଉପରେ ଚଢାଉ ହୋଇଛି । ବିଶ୍ବସ୍ତସୂତ୍ରରୁ ଖବର ପାଇ ରେଡ୍ କରିଛି ସମ୍ବଲପୁର ଅବକାରୀ ବିଭାଗର ସ୍ପେଶାଲ ଟିମ । ଅବକାରୀ ବିଭାଗର ଏହି ଟିମ୍ ନକଲି ମଦ ବେପାର ଅଭିଯୋଗରେ ଦୁଇ ଭାଇଙ୍କୁ ଗିରଫ କରାଯାଇଥିବାବେଳେ ତାଙ୍କ ବାପା ଫେରାର୍ ପହିଛନ୍ତି ।

ମିଳିଥିବା ସୂଚନା ମୁତାବକ ଗିରଫ ହୋଇଥିବା ଅଭିଯୁକ୍ତ ହେଉଛନ୍ତି ଶିବ କୁମାର ଓ ସରୋଜ କୁମାର ସନହାରା । ଲକ୍ଷାଧିକ ଟଙ୍କାର ବିଦେଶୀ ମଦ ସହିତ ଖାଲି ବିଭିନ୍ନ ରାଜ୍ୟର ଷ୍ଟିକର ଥିବା ଖାଲି ବୋତଲ, ଠିପି ଜବତ ହୋଇଛି । ଏହାର ଆନୁମାନିକ ମୂଲ୍ୟ ଦେଢ ଲକ୍ଷରୁ ଅଧିକ ହେବ ବୋଲି ଜଣାପଡିଛି ।

ସାନିଟାରୀ ପ୍ୟାଡରେ ଡ୍ରଗ୍ସ ଲୁଚାଇଥିଲେ କି ମୁନମୁନ ଧମେଚା ! ଭାଇରାଲ ହେଉଛି ଏହାର ଭିଡିଓ..

ମୁମ୍ବାଇ: ଅକ୍ଟୋବର ୨ ରେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ମୁମ୍ବାଇରୁ ଗୋଆ ଅଭିମୁଖେ ଯାଉଥିବା ଏକ କ୍ରୁଜ ଉପରେ କରିଥିଲା ଚଢାଉ। ଏହି ସମୟରେ ଅନେକ ଲୋକ ଏହି କ୍ରୁଜରେ ଡ୍ରଗ୍ସ ପାର୍ଟି କରୁଥିଲେ | ଏହି ସମୟରେ ପୋଲିସ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ସମେତ ୮ ଜଣଙ୍କୁ ଗିରଫ କରିଥିଲା। ଏହି ଆଠ ଜଣଙ୍କ ଭିତରେ ଆର୍ଯ୍ୟନ୍ ଖାନଙ୍କ ବନ୍ଧୁ ଅରବାଜ୍ ମାର୍ଚାଣ୍ଟ ଏବଂ ମୁମୁନ୍ ଧମେଚାଙ୍କ ନାମ ମଧ୍ୟ ରହିଥିଲା । ହେଲେ ଗିରଫ ସମୟରେ କେବଳ ଏତିକି ଖବର ମିଳିଥିଲା,ସମସ୍ତେ ନିଜ ନିଜ ଡ୍ରେସ,ସାର୍ଟ ଏବଂ ପ୍ୟାଣ୍ଟରେ ଡ୍ରଗ୍ସ ଲୁଚାଇ ପାର୍ଟୀକୁ ଆସିଥିଲେ । ଅରବାଜ୍ ନିଜ ଜୋତା ଭିତରେ ଏକ ଜିପ୍ ଲକ୍ ପ୍ୟାକେଟରେ ଡ୍ରଗ୍ସ ରଖିଥିବା କଥା ସ୍ବିକାର କରିଥିଲେ । ହେଲେ ବର୍ତ୍ତମାନ ଏକ ଚାଂଚଲ୍ୟକର ଭିଡିଓ ସାମ୍ନାକୁ ଆସିଛି । ଯେଉଁଥିରେ କିଛି ସାନିଟାରୀ ପ୍ୟାଡରେ ଡ୍ରଗ୍ସ ରଖି ପାର୍ଟୀକୁ ଅଣାଯାଇଥିଲା ବୋଲି ସୂଚନା ମିଳୁଛି ।

ତେବେ ଏହି ଖବର ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି। ଏମିତିକି ଟୁଇଟରରେ ଜଣେ ସାମ୍ବାଦିକ ଏହି ଭିଡିଓକୁ ସେୟାର କରି ମୁନମୁନ ଧମେଚାଙ୍କ ନାଁ ଲେଖି ପୋଷ୍ଟ କରିଛନ୍ତି । ଏହି ଭିଡିଓ ସେୟାର କରି ସେ ଲେଖିଛନ୍ତି ଯେ କ୍ରୁଜରେ ମୁନ୍ମୁନଙ୍କ ପାଖରୁ ଏହି ସାନିଟାରୀ ପ୍ୟାଡରୁ ଡ୍ରଗ୍ସ ଉଦ୍ଧାର କରାଯାଇଛି। ଏହି ଭିଡିଓରେ ଏହା ଦେଖିବାକୁ ମିଳେ ଯେ ଜଣେ ମହିଳା ସାନିଟାରୀ ପ୍ୟାଡ୍ ଖୋଲୁଛନ୍ତି, ଯେଉଁଥିରେ ଏକ କାଗଜରେ ଡ୍ରଗ୍ସ ଗୋଡେଇ ହୋଇ ରଖାଯାଇଥିଲା  | ଏହି ଭିଡିଓର ସତ୍ୟତା କେତେ ରହିଛି ତାହା ଏଯାଏଁ ସ୍ପଷ୍ଟ ହୋଇ ନାହିଁ। ମୁନମୁନ ଏବେ ବିଚାର ବିଭାଗୀୟ ହାଜତରେ ଅଛନ୍ତି। ମୁନମୁନ ଜଣେ ମୋଡେଲ୍ ଏବଂ ଗୋଟିଏ ସମ୍ଭ୍ରାନ୍ତ ପରିବାରରୁ ଆସିଛନ୍ତି।  ମାତ୍ର ସେ ଦୀର୍ଘ ସମୟ ଧରି ଦିଲ୍ଲୀରେ  ରହୁଛନ୍ତି। ମୁନମୁନଙ୍କ ଇନଷ୍ଟାଗ୍ରାମ ଆକାଉଣ୍ଟରେ  କିଛି ଫଟୋରେ ସେଲିବ୍ରିଟିଙ୍କ ସହ ନଜର ଆସିଛନ୍ତି ମୁନମୁନ।

ଦେବଗଡ଼ରୁ ହାଇଟେକ୍ ସର୍ଭେ ଜରିଆରେ ପଟ୍ଟା ବଣ୍ଟନ, ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଦେବଗଡ଼ ଜିଲ୍ଲାରୁ ହାଇଟେକ୍ ସର୍ଭେ ଜରିଆରେ ପଟ୍ଟା ବଣ୍ଟନ । ନୂଆ ବ୍ୟବସ୍ଥାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପାରମ୍ପରିକ ଢଙ୍ଗରେ ସର୍ଭେ ସେଟଲମେଣ୍ଟ ପାଇଁ ଅଧିକ ସମୟ ଲାଗୁଥିଲା ବେଳେ ଏବେ ଡିଜିଟାଲ ଟେକ୍ନୋଲୋଜୀ ଜରିଆରେ କରାଯାଉଛି ଜମି ସର୍ଭେ । ୨୦୧୨ମସିହାରେ ଏଥିପାଇଁ ରାଜ୍ୟ ସରକାର ଆଣିଛନ୍ତି ସ୍ୱତନ୍ତ୍ର ଆଇନ । ନୂଆ ଆଇନ ଅନୁସାରେ ହାଇଟେକ୍ ସର୍ଭେରେ କମ୍ ସମୟ ସହ କମ୍ ମାନବ ସମ୍ବଳ ଲାଗୁଛି । ନୂଆ ଟେକ୍ନୋଲୋଜୀ ଯୋଗୁଁ ସର୍ଭେ କାର୍ଯ୍ୟ ସଠିକ୍ ହେଉଛି ।

ଜିପିଏସ୍ ଏବଂ ସାଟେଲାଇଟ ଜରିଆରେ ଚିହ୍ନଟ ହେଉଛି ଜମି । ନୂଆ ଆଇନ ଲାଗୁ କରିବାକୁ ୫ଜିଲ୍ଲା: ଦେବଗଡ଼, ସୋନପୁର, ବଲାଙ୍ଗୀର, ସମ୍ବଲପୁର, ସୁନ୍ଦରଗଡ଼ରେ ବିଜ୍ଞପ୍ତି ହୋଇଛି । ଏରିଏଲ ଫଟୋଗ୍ରାଫି ସହ ଡିଜିପିଏସ ଓ ଇଟିଏସ୍ ଜରିଆରେ ବାସ୍ତବ ପ୍ଲଟର ମେଳ କରାଯାଉଛି । ଦେବଗଡ଼ର ୭୬୨ଗାଁରେ ନୂଆ ଆଇନ ଅନୁସାରେ ହାଇଟେକ ସର୍ଭେ ହୋଇଛି । ନକ୍ସା ପ୍ରସ୍ତୁତି ପରେ ଜମି ମାଲିକଙ୍କୁ ROR ଦିଆଯାଉଛି । ROR ହେଉଛି ପ୍ରାରମ୍ଭିକ ରେକର୍ଡ ଅଫ୍ ରାଇଟ୍ସ , ଏଥିରେ ଜମି ମାଲିକ ଅସନ୍ତୁଷ୍ଟ ହେଲେ ତହସିଲଦାରଙ୍କ ନିକଟରେ ଅଭିଯୋଗ କରିବାର ବ୍ୟବସ୍ଥା ରହିଛି । ସେହି ଅନୁସାରେ ଦେବଗଡ଼ ଜିଲ୍ଲାର ୫୫୪ଗାଁରେ ଚୂଡାନ୍ତ ପଟ୍ଟା ବଣ୍ଟନ ଆରମ୍ଭ ହୋଇଛି ।

ଜିଲ୍ଲାପାଳଙ୍କ ଦସ୍ତଖତରେ ୫୫୪ଗାଁରେ ଚୂଡ଼ାନ୍ତ ପଟ୍ଟା ବଣ୍ଟନ ହୋଇଛି । ନୂଆ ଆଇନ ଅନୁସାରେ ପଟ୍ଟାରେ ନିର୍ଦ୍ଦିଷ୍ଟ ଜାଗାର ଅକ୍ଷାଂଶ ଓ ଦ୍ରାଘିମା ଉଲ୍ଲେଖ ରହୁଛି । ପୂର୍ବ ଆଇନରେ ଜାଗାର ଅକ୍ଷାଂଶ ଓ ଦ୍ରାଘିମା ରହିବା ବ୍ୟବସ୍ଥା ନଥିଲା । ନୂଆ ଆଇନରେ ଅଭିଯୋଗର ସମାଧାନ ପାଇଁ ପ୍ରତିସ୍ତରରେ ବ୍ୟବସ୍ଥା ରହିଛି । RORରେ ସମସ୍ୟା ଥିଲେ ଏଡିଏମଙ୍କ ନିକଟରେ କରିପାରିବେ ଅଭିଯୋଗ । ଅତିରିକ୍ତ ଜିଲ୍ଲାପାଳ ସମସ୍ୟାର ସମାଧାନ ପାଇଁ ଉପଯୁକ୍ତ କର୍ତ୍ତୁପକ୍ଷ ବୋଲି ନୂଆ ଆଇନରେ ଉଲ୍ଲେଖ ରହିଛି ।

SBIକୁ ନିଜ ସମ୍ପତ୍ତି ଭଡାରେ ଦେଲେ ବିଗ୍ ବି,ମୂଲ୍ୟ ଜାଣିଲେ ଉଡିଯିବ ଆପଣଙ୍କ ହୋସ୍

ମୁମ୍ବାଇ : ଜଣେ ବଡ ଷ୍ଟାରଙ୍କ ସମ୍ପତ୍ତିରୁ ଲିଜ୍ ନେଲା ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ । ବଲିଉଡ ସୁପରଷ୍ଟାର ଅମିତାଭ ବଚ୍ଚନଙ୍କ ସମ୍ପତ୍ତିର ତଳ ମହଲାକୁ ଲିଜ୍ ନେଇଛି SBI । ଏହି ଡିଲ୍ ଅମିତାଭଙ୍କ ପୁଅ ଅଭିଷେକ ବଚ୍ଚନ ଫାଇନାଲ୍ କରିଛନ୍ତି ।

ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ମୁମ୍ବାଇର ଜୁହୁ ଅଞ୍ଚଳରେ ବଲିଉଡ ସୁପରଷ୍ଟାର ଅମିତାଭ ବଚ୍ଚନଙ୍କ ସମ୍ପତ୍ତିର ତଳ ମହଲାକୁ ଲିଜ୍ ନେଇଛି। ଏହା ଅଧୀନରେ, ସେ ଜାଲସା ନିକଟ ଏକ କୋଠାରେ ଜୁହୁରେ ଥିବା ତାଙ୍କ ଘରକୁ ୩୧୫୦ ବର୍ଗଫୁଟ ଲିଜ୍ ଦେବେ | ଅମିତାଭ ବଚ୍ଚନ ଜୁହୁରେ ପ୍ରତୀକ୍ଷା, ଜନକ, ଅମ୍ମୁ ଏବଂ ଭାତ୍ସ ବଙ୍ଗଳାର ମାଲିକ । ଅଭିଷେକ ବଚ୍ଚନଙ୍କ ସହ ଏସବିଆଇ ଏକ ଚୁକ୍ତିନାମା ସ୍ୱାକ୍ଷର କରିଛନ୍ତି । ୧୫ ବର୍ଷର ଲିଜ୍ ପାଇଁ ବ୍ୟାଙ୍କ ମାସକୁ ୧୮.୯ ଲକ୍ଷ ଟଙ୍କା ଦେବେ। ପ୍ରତି ପାଞ୍ଚ ବର୍ଷରେ ଏହି ଭଡା ୨୫ ପ୍ରତିଶତ ବୃଦ୍ଧି ହେବ। ଅର୍ଥାତ ଆସନ୍ତା ପାଞ୍ଚ ବର୍ଷ ମଧ୍ୟରେ ଏହି ଭଡା ୨୩.୬୨ ଲକ୍ଷ ଟଙ୍କାକୁ ବୃଦ୍ଧି ପାଇବ।  ରିଅଲ୍ ଇଷ୍ଟେଟ୍ ଆନାଲିଟିକ୍ସ ଏବଂ ଅନୁସନ୍ଧାନକାରୀ କମ୍ପାନୀ Zapkey.com ମାଧ୍ୟମରେ ଏହି ସୂଚନା ମିଳିଛି |

ତେବେ ଏହି ଚୁକ୍ତି ସମ୍ପର୍କରେ ଅମିତାଭ ଏବଂ ଏସବିଆଇ ପକ୍ଷରୁ କୌଣସି ସୂଚନା ଦିଆଯାଇ ନାହିଁ। ଖବର ଅନୁସାରେ ବ୍ୟାଙ୍କ ୨.୨୬ କୋଟିରୁ ଅଧିକ ଟଙ୍କା ଜମା କରିଛି। ଯାହାକି ଏକ ବର୍ଷର ଭଡା ସହିତ ସମାନ। ଏହି ଚୁକ୍ତି ସେପ୍ଟେମ୍ବର ୨୮, ୨୦୨୧ ରେ ପଞ୍ଜୀକୃତ ହୋଇଥିଲା।

ଦିଲ୍ଲୀ ଉପରେ ବିଜୁଳି ସଂଙ୍କଟ;ଅସୁବିଧା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ କେଜ୍ରିୱାଲ

ଦିଲ୍ଲୀ : ଦିଲ୍ଲୀର ବିଦ୍ୟୁତ୍ ଯୋଗାଣ କମ୍ପାନୀ ଟାଟା ପାୱାର୍ ଡିଡିଏଲ୍ ତାର ଗ୍ରାହକଙ୍କୁ ଏକ ଅନୁରୋଧ ବାର୍ତ୍ତା ପଠାଇଛନ୍ତି। ବିଦ୍ୟୁତ୍ ପରିଚାଳନା ଏବଂ ଖର୍ଚ୍ଚ କରିବାକୁ ନିଜ ଉପଭୋକ୍ତାଙ୍କୁ ଅନୁରୋଧ କରିଛନ୍ତି । ଟାଟା ପାୱାର ଏହି ବାର୍ତ୍ତା ଦେବାର କାରଣ ହେଉଛି ଦେଶ ବର୍ତ୍ତମାନ କୋଇଲା ଅଭାବର ବିରାଟ ବଡ ସମସ୍ୟା ଦେଇ ଗତି କରୁଛି । ଯେଉଁ କାରଣରୁ ଆଗାମୀ ଦିନରେ ବିଦ୍ୟୁତ୍ ଉତ୍ପାଦନରେ ଅସୁବିଧା ଉପୁଜିବାର ସମ୍ଭାବନା ରହିଛି।

କେଜ୍ରିୱାଲ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖିଛନ୍ତି-

ଏଥି ସହିତ ରାଜଧାନୀ ଉପରେ ଚାଲିଥିବା ବିଜୁଳି ସଙ୍କଟ ବିଷୟରେ ମଧ୍ୟ ଦିଲ୍ଲୀ ସରକାର ଚିଠି ମାଧ୍ୟମରେ ଜଣାଇଛନ୍ତି । କୋଇଲା ଅଭାବକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି । କେଜ୍ରିୱାଲ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡିବା ଅନୁରୋଧ ମଧ୍ୟ କରିଛନ୍ତି। କେଜ୍ରିୱାଲ କହିଛନ୍ତି ଯେ ଦିଲ୍ଲୀରେ ବିଦ୍ୟୁତ ସଙ୍କଟ ହୋଇପାରେ। ମୁଁ ନିଜେ ପୁରା ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି | ଏହି ପରିସ୍ଥିତିର ମୁକାବିଲା ପାଇଁ ଆମେ ଯଥାସମ୍ଭବ ଚେଷ୍ଟା କରୁଛୁ। ଏହି ସମୟରେ ମୁଁ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖି ତାଙ୍କୁ ଏହି ପ୍ରସଙ୍ଗରେ ହସ୍ତକ୍ଷେପ କରିବାକୁ ଅନୁରୋଧ କରୁଛି। ଏହା ଏକ ବଡ ସମସ୍ୟା ହୋଇପାରେ |

ଟାଟା ପାୱାର ମୁଖ୍ୟତଃ ଉତ୍ତର ପଶ୍ଚିମ ଦିଲ୍ଲୀରେ ବିଦ୍ୟୁତ୍ ଯୋଗାଇଥାଏ ଏବଂ ସେହି ଅଞ୍ଚଳର ଗ୍ରାହକମାନଙ୍କୁ ଏହି ବାର୍ତ୍ତା ଦେଇଛନ୍ତି ଟାଟା | ଟାଟା ପାୱାର କୋଇଲାରୁ ଉତ୍ପାଦିତ ବିଦ୍ୟୁତ୍ ଯୋଗାଏ ଏବଂ ବର୍ତ୍ତମାନ ଟାଟା ପାଖରେ କେବଳ ଦୁଇ ଦିନର ଷ୍ଟକ ବାକି ଅଛି |ଟିପିଡିଡିଏଲ୍ ର ସିଇଓ ଗଣେଶ ଶ୍ରୀନିବାସନ୍ ସୂଚନା ଦେଇଛନ୍ତି ଯେ କମ୍ କୋଇଲା ଷ୍ଟକ୍ ଯୋଗୁଁ ଦିଲ୍ଲୀ ବିଦ୍ୟୁତ୍ କାଟର ଭାରୀ ସମ୍ମୁଖୀନ ହୋଇପାରେ। ତେବେ ଦିଲ୍ଲୀ ଏବଂ କେନ୍ଦ୍ର ଉଭୟ ସରକାର ଗ୍ରହଣ କରୁଥିବା ପଦକ୍ଷେପରୁ ମୁକ୍ତି ପାଇବାକୁ ସମ୍ପୂର୍ଣ୍ଣ ଆଶା ରହିଛି। ତେବେ ଏ ବାବଦରେ ଦିଲ୍ଲୀ ସରକାରଙ୍କ ପକ୍ଷରୁ ଏପର୍ଯ୍ୟନ୍ତ କିଛି ପଦକ୍ଷେପ ଗ୍ରହଣ କରାଯାଇ ନାହିଁ।

ଉପଭୋକ୍ତାଙ୍କୁ ମିଳିଥିଲା ଏହି SMS-

ଶନିବାର ଦିନ ପଠାଯାଇଥିବା ଏସଏମଏସରେ ଏହା ଲେଖାଯାଇଛି ଯେ,’ସମଗ୍ର ଉତ୍ତର ଭାରତରେ କୋଇଲା ଖୁବ୍ ସୀମିତ ଷ୍ଟକ୍ ରହିଥିବାରୁ ଅପରାହ୍ନ ୨ ଟାରୁ ସଂନ୍ଧ୍ୟା ୬ ପର୍ଯ୍ୟନ୍ତ ବିଦ୍ୟୁତ୍ ଯୋଗାଣରେ ସମସ୍ୟା ହୋଇପାରେ। ଦୟାକରି ଯତ୍ନର ସହ ବିଜୁଳି ବ୍ୟବହାର କରନ୍ତୁ | ଜଣେ ଦାୟିତ୍ବବାନ ନାଗରିକ ହୁଅନ୍ତୁ | ଅସୁବିଧା ପାଇଁ ଆମେ ଦୁଃଖିତ । ‘