ଚାଲିଥିଲା ନକଲି ମଦ ବେପାର: ବନ୍ଧା ହେଲେ ଦୁଇ ପୁଅ, ବାପା ଫେରାର

ଝାରସୁଗୁଡା : ବାପ-ପୁଅ କରୁଥିଲେ ନକଲି ମଦ ବେପାର । ଚଢାଉ କଲା ଅବକାରୀ ବିଭାଗ । ଝାରସୁଗୁଡା ଜିଲ୍ଲା ଗଣେଶନଗର ଅଞ୍ଚଳରେ ବେଆଇନ ବିଦେଶୀ ମଦ କାରବାର ଉପରେ ଚଢାଉ ହୋଇଛି । ବିଶ୍ବସ୍ତସୂତ୍ରରୁ ଖବର ପାଇ ରେଡ୍ କରିଛି ସମ୍ବଲପୁର ଅବକାରୀ ବିଭାଗର ସ୍ପେଶାଲ ଟିମ । ଅବକାରୀ ବିଭାଗର ଏହି ଟିମ୍ ନକଲି ମଦ ବେପାର ଅଭିଯୋଗରେ ଦୁଇ ଭାଇଙ୍କୁ ଗିରଫ କରାଯାଇଥିବାବେଳେ ତାଙ୍କ ବାପା ଫେରାର୍ ପହିଛନ୍ତି ।

ମିଳିଥିବା ସୂଚନା ମୁତାବକ ଗିରଫ ହୋଇଥିବା ଅଭିଯୁକ୍ତ ହେଉଛନ୍ତି ଶିବ କୁମାର ଓ ସରୋଜ କୁମାର ସନହାରା । ଲକ୍ଷାଧିକ ଟଙ୍କାର ବିଦେଶୀ ମଦ ସହିତ ଖାଲି ବିଭିନ୍ନ ରାଜ୍ୟର ଷ୍ଟିକର ଥିବା ଖାଲି ବୋତଲ, ଠିପି ଜବତ ହୋଇଛି । ଏହାର ଆନୁମାନିକ ମୂଲ୍ୟ ଦେଢ ଲକ୍ଷରୁ ଅଧିକ ହେବ ବୋଲି ଜଣାପଡିଛି ।