spot_img
Home Blog Page 5224

T20WC: ଖେଳାଳିଙ୍କ ସହ ‘ମେଣ୍ଟର’ ଧୋନିଙ୍କ ଅଭ୍ୟାସ, ବିରାଟ-ପନ୍ଥଙ୍କ ସହ ଚର୍ଚ୍ଚା: Photos

ନୂଆଦିଲ୍ଲୀ: ଟି -20 ବିଶ୍ୱକପ ପାଇଁ ଟିମ୍ ଇଣ୍ଡିଆ ପୁରା ପ୍ରସ୍ତୁତ। ଟି-୨୦ ବିଶ୍ୱକପ୍‌ରେ ପ୍ରଥମେ ମୁହାଁମୁହିଁ ହେବେ ଭାରତ ଏବଂ ପାକିସ୍ତାନ। ସୋମବାର ଇଂଲଣ୍ଡ ବିପକ୍ଷରେ ଭାରତର ପ୍ରଥମ ୱାର୍ମ ଅପ୍ ମ୍ୟାଚ୍ ଖେଳାଯିବ। ଦଳ ଏହା ପୂର୍ବରୁ ଅଭ୍ୟାସ ମ୍ୟାଚ୍‌ରେ ଅଂଶଗ୍ରହଣ କରିଥିଲା।

ତେବେ ଟି-୨୦ ବିଶ୍ୱକପ୍‌ର ଟାଇଟଲକୁ ହାତେଇବା ପାଇଁ ଚାଲିଛି ଯୋଜଦାର ଅଭ୍ୟାସ। ଟିମ୍ ଇଣ୍ଡିଆର ମେଣ୍ଟର ଭାବରେ ମହେନ୍ଦ୍ର ସିଂ ଧୋନି ମଧ୍ୟ ଏହି ସମୟରେ ଅଧିନାୟକ ବିରାଟ କୋହଲି ଏବଂ ଅନ୍ୟ ସାଥୀଙ୍କ ସହ ଆଲୋଚନା କରୁଥିବା ଦେଖିବାକୁ ମିଳିଥିଲା।

 

 

ମହେନ୍ଦ୍ର ସିଂ ଧୋନି ଟିମ୍ ଇଣ୍ଡିଆର ଅଭ୍ୟାସ ମ୍ୟାଚ୍‌ରେ ବିଭିନ୍ନ ଖେଳାଳିଙ୍କ ସହ ସମୟ ଅତିବାହିତ କରିଥିଲେ। ଅଧିନାୟକ ବିରାଟ କୋହଲିଙ୍କ ସହ ଏମଏସ ଧୋନି ରଣକୌଶଳ ପ୍ରସ୍ତୁତ କରୁଥିବାର ନଜର ଆସିଥିଲେ।

ମେଣ୍ଟର ଏମଏସ ଧୋନି ଟିମ୍ ଇଣ୍ଡିଆର ଯୁବ ଖେଳାଳିଙ୍କ ସହ ଅଧିକ ସମୟ ଅତିବାହିତ କରିଥିଲେ। ଯେଉଁଥିରେ  ରିଷଭ ପନ୍ତ, ହାର୍ଦ୍ଦିକ ପାଣ୍ଡ୍ୟା, ଇଶାନ କିଶନ, ଜସପ୍ରୀତ ବୁମ୍ରା ଏବଂ ଅନ୍ୟ ଖେଳାଳିଙ୍କ ସହ ଅଭ୍ୟାସ କରୁଥିବା ଚିତ୍ର ସାମ୍ନାକୁ ଆସିଛି।

ବିଧାୟକଙ୍କ ଗାଡ଼ିକୁ ବୋମାମାଡ଼ ଘଟଣା; ମୁଖ୍ୟ ଅଭିଯୁକ୍ତ ଗିରଫ

କେନ୍ଦୁଝର: ବିଧାୟକ ମୋହନ ମାଝୀଙ୍କ ଗାଡ଼ି ଉପରକୁ ବୋମାମାଡ଼ ଘଟଣା । ମୁଖ୍ୟ ଅଭିଯୁକ୍ତ ରଘୁନାଥ ପଣ୍ଡା ଗିରଫ । ରଘୁନାଥଙ୍କୁ ପଣ୍ଡାପାଲି ଅଞ୍ଚଳରୁ ଗିରଫ କରିଛି ପୋଲିସ । ରଘୁନାଥ ଗିରଫ ପରେ ମୋଟ ଗିରଫଦାରୀ ସଂଖ୍ୟା ୬କୁ ବୃଦ୍ଧି ପାଇଛି । ପୂର୍ବରୁ ଅନ୍ୟତମ ଅଭିଯୁକ୍ତ ପ୍ରତାପ ରାଉତ, ବିଦ୍ୟାଧର ପରିଡ଼ା, ମନମୋହନ ଦାସ, ଶରତ ଚନ୍ଦ୍ର ଜେନା ଓ ଶିକୁଲ ଶେଖଙ୍କୁ ଗିରଫ କରିଥିଲା ପୋଲିସ ।

ସେମାନଙ୍କ ଠାରୁ ୪ଟି ମୋବାଇଲ, ଗୋଟିଏ ବାଇକ ଓ ଦୁଇଟି ଅଫୁଟା ବୋମା ଜବତ କରିଥିଲା ପୋଲିସ । ଗତ ୧୦ ତାରିଖରେ ଏକ ସାଧାରଣ ସଭା ସାରି ଫେରୁଥିବା ବେଳେ ଟାଉନ ଥାନା ଅଞ୍ଚଳର ମଣ୍ଡୁଆ ଠାରେ ଦୁଇ ବାଇକ ଅରୋହୀ ମୋହନଙ୍କ ଗାଡି ଉପରକୁ ଦୁଇଟି ବୋମା ଫିଙ୍ଗି ଫେରାର ହୋଇଯାଇଥିଲେ । ପରେ ମୋହନ ଏ ନେଇ ଟାଉନ ଥାନା ରେ ଲିଖିତ ଅଭିଯୋଗ କରିଥିଲେ ।

ଏଥିସହିତ ପଢ଼ନ୍ତୁ: ପୋଲିସ ହେପାଜତରୁ ଅଟକ ଅଭିଯୁକ୍ତ ଫେରାର ଘଟଣା; ଟିଟିଲାଗଡ଼ରେ ପହଞ୍ଚି ତଦନ୍ତ ଆରମ୍ଭ କଲେ ଏସ୍‌ପି

 

ଡେରା ସଚ୍ଚା ସୌଦା ମୁଖ୍ୟ ରାମ ରହିମଙ୍କୁ ଆଜୀବନ କାରାଦଣ୍ଡାଦେଶ

ନୂଆଦିଲ୍ଲୀ: ହରିୟାଣାର ଡେରା ସଚ୍ଚା ସୌଦା ମୁଖ୍ୟ ରାମ ରହିମକୁ ବଡ ଝଟକା। ରାମ ରହିମଙ୍କୁ ଆଜୀବନ କାରାଦଣ୍ଡାଦେଶ। ରଣଜିତ ସିଂ ହତ୍ୟା ମାମଲାରେ ରାୟ ଶୁଣାଇଲେ ସିବିଆଇ ସ୍ପେଶାଲ କୋର୍ଟ। ରାମ ରହୀମଙ୍କ ସହ ଅନ୍ୟ ୪ ଜଣଙ୍କୁ ଆଜୀବନ କାରାଦଣ୍ଡ। ରାମ ରହୀମଙ୍କୁ ୩୧ଲକ୍ଷ ଜରିମାନା ନିର୍ଦ୍ଦେଶ ଦିଆଯାଇଥିବା ବେଳେ ତାଙ୍କର ୫ସହଯୋଗୀଙ୍କୁ ୫୦ହଜାର ଲେଖାଏଁ ଜରିମାନା ଶୁଣାଇଛନ୍ତି କୋର୍ଟ।

୨୦୦୨ ରେ ରଞ୍ଜିତ ସିଂଙ୍କ ହତ୍ୟା ହୋଇଥିଲା। ସିବିଆଇ ଅଭିଯୁକ୍ତଙ୍କ ବିରୋଧରେ ୨୦୦୩ ରେ ମାମଲା ରୁଜୁ କରିଥିଲା  । ୨୦୦୭ରେ କୋର୍ଟ ଚାର୍ଜ ଫ୍ରେମ୍ କରିଥିଲା ସିବିଆଇ । ଗତ ୨୦୧୭ରେ ଦୁଇ ଶିଷ୍ୟାଙ୍କୁ ବଳାତ୍କାର କରିବା ଅଭିଯୋଗରେ ଗୁରମିତଙ୍କୁ ୨୦ ବର୍ଷ ଜେଲଦଣ୍ଡ ମିଳିଥିଲା । ଗତ ଦୁଇ ବର୍ଷ ତଳେ ଜଣେ ସାମ୍ବାଦିକ ରାମ ଚନ୍ଦର ଛତ୍ରପତିଙ୍କୁ ହତ୍ୟା ମାମଲାରେ ବି ଗୁରମିତଙ୍କୁ ଆଜୀବନ ଜେଲଦଣ୍ଡ ମିଳିଥିଲା।

ତେବେ ଅଗଷ୍ଟ ୨୦୧୭ର ହିଂସାକୁ ଦୃଷ୍ଟିରେ ରଖି ରାମ ରହିମ ସହ ଜଡିତ କୌଣସି ମାମଲାରେ ଶୁଣାଣି କିମ୍ବା ଦଣ୍ଡ ଘୋଷଣା ପୂର୍ବରୁ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି। ୨୦୧୭ ରେ, ରାମ ରହିମ ଏକ ବଳାତ୍କାର ମାମଲାରେ ଦୋଷୀ ସାବ୍ୟସ୍ତ ହେବା ପରେ ୩୬ ଜଣଙ୍କର ମୃତ୍ୟୁ ଘଟିଥିଲା। ଗତ ଶୁଣାଣି ସମୟରେ ସିବିଆଇ କୋର୍ଟରୁ ଡେରା ମୁଖ୍ୟ ରହିମ ପାଇଁ ମୃତ୍ୟୁଦଣ୍ଡ ଦାବି କରିଥିଲା।

ଏଥି ସହ ରାମ ରହୀମ ନିଜେ ଭିଡିଓ କନଫରେନ୍ସିଂ ମାଧ୍ୟମରେ ରୋହତକ ଜେଲରୁ ଦୟା ମାଗିଥିଲେ। ଦୁଇ ଅନୁଗାମୀଙ୍କୁ ବଳାତ୍କାର ଅଭିଯୋଗରେ ରାମ ରହୀମ ୨୦ ବର୍ଷ ଜେଲ ଦଣ୍ଡ ମିଳିଛି। ରାମ ରହୀମ କୋର୍ଟରେ ଦୟା ମାଗିବାବେଳେ ରକ୍ତଚାପ, ଆଖି ଏବଂ କିଡନୀ ସମ୍ବନ୍ଧୀୟ ରୋଗ ବିଷୟରେ ମଧ୍ୟ ଉଲ୍ଲେଖ କରିଥିଲେ। ସପଟେ ସିବିଆଇ ରାମ ରହୀମର ଆବେଦନକୁ ବିରୋଧ କରି କହିଛି ଯେ ପୀଡିତା ତାଙ୍କୁ ଇଶ୍ୱର ପରି ବ୍ୟବାହର କରୁଥିଲା କିନ୍ତୁ ଅଭିଯୁକ୍ତ ତାଙ୍କ ବିରୋଧରେ ଅପରାଧ କରିଥିଲା।

ଏକାଥରେ ୭ଟି ଶିଶୁଙ୍କୁ ଜନ୍ମଦେଲେ ମହିଳା, ସ୍ୱାମୀ କହିଲେ ଏମିତି କଥା

ଇସଲାମାବାଦ: ପାକିସ୍ତାନରେ ଜଣେ ମହିଳା ଏକାସାଙ୍ଗରେ ସାତୋଟି ସନ୍ତାନକୁ ଜନ୍ମ ଦେଇଛନ୍ତି । ଡାକ୍ତରମାନେ କହିଛନ୍ତି ଯେ ଅଲଟ୍ରାସାଉଣ୍ଡ ଏବଂ ଅନ୍ୟାନ୍ୟ ରିପୋର୍ଟରୁ ଜଣାପଡିଛି ଯେ ମହିଳାଙ୍କ ଗର୍ଭରେ ପାଞ୍ଚଟି ସନ୍ତାନ ଅଛନ୍ତି । ଏହା ଦେଖି ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ । କିନ୍ତୁ ପ୍ରସବ ସରିବା ପରେ ମହିଳା ଜଣକ ସାତୋଟି ସନ୍ତାନ ଜନ୍ମ ଦେଇଥିଲେ । ବର୍ତ୍ତମାନ ସମସ୍ତ ନବଜାତ ଶିଶୁ ଏବଂ ମାଆ ସୁସ୍ଥ ଥିବା ସୂଚନା ରହିଛି ।

ଏହି ଖବର ହେଉଛି ଖୌବର ପାଖ୍ତନଖୱାର ଆବଟ୍ଟାବାଦର । ଯେଉଁଠାରେ ୟାର ମହମ୍ମଦ ନାମକ ଜଣେ ବ୍ୟକ୍ତିଙ୍କ ପତ୍ନୀ ପ୍ରସବ ବେଦନା ପରେ ଡାକ୍ତରଖାନା ନିଆଯାଇଥିଲା । ୟାର ମହମ୍ମଦଙ୍କ ପତ୍ନୀ ଜିନ୍ନା ଡାକ୍ତରଖାନାରେ ୭ଟି ସନ୍ତାନ ଜନ୍ମ ଦେଇଥିଲେ। ସେଥିରେ ଚାରି ପୁଅ ଏବଂ ତିନି ଝିଅ ଅଛନ୍ତି ।

ସ୍ୱାମୀ କହିଲେ ଏମିତି କଥା

ବିବିସି ଅନୁଯାୟୀ, ୟାର ମହମ୍ମଦ କହିଛନ୍ତି ଯେ ଶିଶୁମାନଙ୍କ ଲାଳନପାଳନରେ କୌଣସି ଅସୁବିଧାର ସମ୍ମୁଖୀନ ହେବେ ନାହିଁ, କାରଣ ସେମାନେ ଏକ ଯୌଥ ପରିବାରରେ ରୁହନ୍ତି ଏବଂ ପରିବାରର ସମସ୍ତେ ସେମାନଙ୍କୁ ସାହାଯ୍ୟ କରିବେ । ଏହି ଶିଶୁଙ୍କ ଜନ୍ମ ପୂର୍ବରୁ ୟାର ମହମ୍ମଦଙ୍କର ଦୁଇଟି ଝିଅ ଅଛନ୍ତି, ଅର୍ଥାତ୍ ତାଙ୍କ ପରିବାରରେ ମୋଟ ୯ ସନ୍ତାନ ଅଛନ୍ତି ।

ଆର୍ଯ୍ୟନ୍‌ଙ୍କୁ ରିୟାଙ୍କ ଭଳି ମାସ ମାସ ଧରି ଜେଲରେ ରଖିବାକୁ ପ୍ରସ୍ତୁତି ? NCB ଆପଣେଇଛି ସମାନ ପଦ୍ଧତି

ମୁମ୍ବାଇ: ବଲିଓଡ ସୁପରଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ୍‌ ଖାନ କ୍ରୁଜ ଡ୍ରଗ୍ସ ମାମଲାରେ ଗିରଫ ହୋଇ ଆର୍ଥର ରୋଡ ଜେଲରେ। ୧୪ ଦିନିଆ ନ୍ୟାୟିକ ହେପାଜତରେ ଅଛନ୍ତି ଆର୍ଯ୍ୟନ୍‌। କଏଦୀ ନମ୍ବର ୯୫୬ ଆର୍ଯ୍ୟନ୍‌ଙ୍କ ଜାମିନ ଉପରେ କୋର୍ଟରେ ଯୁକ୍ତି ସମାପ୍ତ ହୋଇଛି। ବର୍ତ୍ତମାନ ଅକ୍ଟୋବର ୨୦ ରେ ଜଜ୍ ବି.ବି ପାଟିଲ ଏହା ଉପରେ ରାୟ ଶୁଣାଇବେ। ଅକ୍ଟୋବର ୨୦ରେ ଆର୍ଯ୍ୟନଙ୍କ ଜେଲରେ ଶେଷଦିନ ବୋଲି ଜଜ୍‌ ଆର୍ଯ୍ୟନ୍‌ଙ୍କ ଓକିଲମାନେ ଆଶା କରୁଥିବାବେଳେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ପ୍ରସ୍ତୁତି କିନ୍ତୁ କିଛି ଅଲଗା ଥିବା ଜଣାପଡିଛି।

ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ପରେ ବଲିଉଡରେ ସାମ୍ନାକୁ ଆସିଥିବା ଡ୍ରଗ୍ସର କାରବାର ଉପରେ ଏନସିବିର ତଦନ୍ତ ଅତ୍ୟନ୍ତ ଆକ୍ରମଣାତ୍ମକ ଢ଼ଙ୍ଗରେ ବୃଦ୍ଧି ପାଇଥିଛି। ଆଉ ଏବେ ରିୟା ଚକ୍ରବର୍ତ୍ତୀ ଏବଂ ଆର୍ଯ୍ୟନଙ୍କ ଗିରଫରେ ଏନ୍‌ସିବିର ମନୋଭାବ ସମାନ ଦେଖିବାକୁ ମିଳିଛି। ଯେମିତି ରିୟାଙ୍କୁ ଏନ୍‌ସିବି ମାସ ମାସ ଧିରି ଜେଲରେ ରଖିଥିଲା ଠିକ୍‌ ସେମିତି ବ୍ୟୁରୋ ଅଫ୍ ଇନଭେଷ୍ଟିଗେସନ୍ ମଧ୍ୟ ଆର୍ଯ୍ୟନ୍‌ଙ୍କୁ ମାସ ମାସ ଧରି ଜେଲରେ ରଖିବାକୁ ପ୍ରସ୍ତୁତ ହେଉଛି !

ହ୍ୱାଟସ୍ ଆପ୍ ଡ୍ରଗ୍ ଚାଟ୍ ଭରସାରେ ଦୁଇଟି ମାମଲା

ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାରେ ଏନସିବି ଡ୍ରଗ୍ ଚାଟ୍ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଫଳସ୍ୱରୂପ, ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ଏବଂ ତାଙ୍କ ଭାଇ ସୋଭିକ ଚକ୍ରବର୍ତ୍ତୀଙ୍କୁ ଗିରଫ କରାଯାଇଥିଲା। ଗିରଫ ପରେ ରିୟା ଚକ୍ରବର୍ତ୍ତୀ କୋର୍ଟରେ ଜାମିତ ପାଇଁ ଆବେଦନ କରିଥିଲେ। କିନ୍ତୁ ରିୟାଙ୍କୁ କୋର୍ଟ ଜାମିନ ପ୍ରଦାନ କରିନଥିଲେ। ଯାହାପରେ ତାଙ୍କୁ ଭାୟଖଲ୍ଲା ଜେଲରେ ବନ୍ଦୀ କରି ପ୍ରାୟ ଏକ ମାସ ପର୍ଯ୍ୟନ୍ତ ରଖରାଯାଇଥିଲା। ସବୁଠାରୁ ଆଶ୍ଚର୍ଯ୍ୟପୂର୍ଣ୍ଣ କଥା ହେଉଛି ଉଭୟ ମାମଲାରେ ଆର୍ଯ୍ୟନ୍‌ ହୁଅନ୍ତୁ କିମ୍ବା ରିୟା ହୁଅନ୍ତୁ। ଏନସିବି ଉଭୟଙ୍କଠାରୁ କୌଣସି ଡ୍ରକ୍ସ ପାଇ ନାହିଁ। କେବଳ ବ୍ଲଡ ଟେଷ୍ଟରୁ ଜଣାପଡ଼ିଥିଲା କି ଦୁଇଜଣ ଡ୍ରଗ୍ସ ନିଅନ୍ତି ବୋଲି।

ପ୍ରଥମେ ଅଟକ ତାପରେ ଚାଟ୍ ଏବଂ ତାପରେ ଗିରଫ

ବର୍ତ୍ତମାନ ଯଦି ଆମେ ଉଭୟ ମାମଲାର ଅନୁସନ୍ଧାନର ପଦ୍ଧତି, କୋର୍ଟରେ ଏନସିବି ଦ୍ୱାରା ଉପସ୍ଥାପିତ ପ୍ରମାଣ ଏବଂ ବିଚାରପତିଙ୍କ ଆଗରେ ଯୁକ୍ତି ଦଲିଲ ଦେଖିବା ତେବେ ଉଭୟ ଆର୍ଯ୍ୟନ୍ ଏବଂ ରିୟା ଚକ୍ରବର୍ତ୍ତୀଙ୍କ କେସ୍‌ ମଧ୍ୟରେ ଅନେକ କିଛି ସମାନ ଦେଖିପାରିବା। ଏନସିବି ତରଫରୁ ଏଏସଜି ଅନିଲ ସିଂ କ୍ରମାଗତ ଭାବରେ କୋର୍ଟରେ ଡ୍ରଗ୍ସ ଚାଟ୍ ବିଷୟରେ ଯୁକ୍ତି ବାଢ଼ି ଚାଲିଛନ୍ତି। ଯଦି ଦେଖିବା ଏନଥସିବା ଆର୍ଯ୍ୟନ୍‌ ଏବଂ ରିୟା, ଦୁହିଁଙ୍କୁ ପ୍ରଥମେ ଥାନାରେ ଅଟକ ରଖିଥିଲା। ତା’ପରେ ସେମାନଙ୍କ ଫୋନ୍ ଜବତ କରାଯାଇଥିଲା ଏବଂ ପରେ ହ୍ୱାଟସ୍ ଆପ୍ ଚାଟ୍ ଆଧାରରେ ଉଭୟଙ୍କୁ ଗିରଫ କରାଯାଇଥିଲା।

ଆର୍ଯ୍ୟନ୍ ଏବଂ ରିୟାଙ୍କ ଡ୍ରଗ୍ସ ବେପାରୀଙ୍କ ସହ ଯୋଗାଯୋଗ ଅଭିଯୋଗ

ଆର୍ଯ୍ୟନ୍‌ଙ୍କ ମାମଲାରେ ଏନସିବି କୋର୍ଟରେ ଦାବି କରିଛି ଯେ ସେମାନେ ଆର୍ଯ୍ୟଙ୍କ ଫୋନରୁ ଏଭଳି ଚାଟ୍ ପାଇଛନ୍ତି, ଯାହା ପ୍ରମାଣ କରେ ଯେ ଆର୍ଯ୍ୟନ୍ ଡ୍ରଗ୍ସ ବିକ୍ରେତାଙ୍କ ସହ ଯୋଗାଯୋଗରେ ଥିଲେ। କେବଳ ଏତିକି ନୁହେଁ ଏନସିବିର କହିବା ଅନୁଯାୟୀ ଆର୍ଯ୍ୟନ୍‌ଙ୍କ ଚାଟରେ ବିଦେଶୀ ଡ୍ରଗ୍ସ ବ୍ୟବସାୟୀଙ୍କ ର ମଧ୍ୟ ଚାଟ ରହିଛି ଏବଂ ଭାରତକୁ ବଡ଼ ପରିମାଣରେ ବେପାର ପାଇଁ ଡ୍ରକ୍ସ ଆଣିବାର କଥା ମଧ୍ୟ ଚାଟରେ ରହିଛି। ଏହି କାରଣରୁ ଏନସିବି ସନ୍ଦେହ କରୁଛି ଯେ ଆର୍ଯ୍ୟଙ୍କ ଷ୍ଟ୍ରିଙ୍ଗ ଅନ୍ତର୍ଜାତୀୟ ଡ୍ରଗ୍ ଚୋରା ଚାଲାଣକାରୀଙ୍କ ସହ ମଧ୍ୟ ଜଡିତ। ଅନ୍ୟପକ୍ଷରେ ଯଦି ଦେଖିବା ରିୟା ଚକ୍ରବର୍ତ୍ତୀଙ୍କ କ୍ଷେତ୍ରରେ ମଧ୍ୟ ପରିସ୍ଥିତି ସମାନ ରହିଥିଲା।

ପୋଲିସ ହେପାଜତରୁ ଅଟକ ଅଭିଯୁକ୍ତ ଫେରାର ଘଟଣା; ଟିଟିଲାଗଡ଼ରେ ପହଞ୍ଚି ତଦନ୍ତ ଆରମ୍ଭ କଲେ ଏସ୍‌ପି

0

ବଲାଙ୍ଗୀର: କଳାହାଣ୍ଡି ଜିଲ୍ଲା ମହାଲିଙ୍ଗ ସନ୍‌ସାଇନ୍‌ ପବ୍ଲିକ୍‌ ସ୍କୁଲ୍‌ ଅଧ୍ୟକ୍ଷା ମମିତା ମେହେର ନିଖୋଜ ଘଟଣାରେ ଟିଟିଲାଗଡ଼ ପୋଲିସ ବ୍ୟାରେକରେ ଅଟକ ଥିବା ସ୍କୁଲ ମାଲିକ ପୋଲିସ ହେପାଜତରୁ ଫେରାର ହେବା ପରେ ଘଟଣା । ତଦନ୍ତ ଆରମ୍ଭ କରିଛନ୍ତି ବଲାଙ୍ଗୀର ଏସ୍ପି ନୀତିନ କୁସଲକର । ଟିଟିଲାଗଡ଼ ଥାନାରେ ପହଞ୍ଚି ଘଟଣାର ତଦନ୍ତ କରିବା ସହ ପୋଲିସ ବ୍ୟାରେକ ବୁଲି ଦେଖିଛନ୍ତି । ବ୍ୟାରେକ ଚାରିପଟେ ବହୁ ଉଚ୍ଚରେ ଲୁହାତାର ଛାଉଣୀ ରହିଛି ତେବେ ଅଟକ ଗୋବିନ୍ଦ ସାହୁ ବ୍ୟାରେକର ମୁଖ୍ୟ ଦେଇ ହିଁ ଫେରାର ହୋଇଥିବା ଅନୁମାନ କରିଛନ୍ତି ଏସପି ।ଫେରାର ଗୋବିନ୍ଦ ସାହୁକୁ ଶୀଘ୍ର ଗିରଫ କରାଯିବ, ତଦନ୍ତ ଚାଲିଛି ସେନେଇ ଟିମ ଗଠନ ହୋଇଛି ବୋଲି କହିଛନ୍ତି ବଲାଙ୍ଗୀର ଏସପି ନିତିନ କୁସଲକର ।

ଗୋବିନ୍ଦ ସାହୁ ଦାୟିତ୍ୱରେ ଥିବା ଟିଟିଲାଗଡ଼ ପୋଲିସ ବ୍ୟାରେକର କନେଷ୍ଟବଳ ରାକେଶ ବିଶ୍ୱାଳ, OAPF କନେଷ୍ଟବଳ ଦୟା ଜାନୀ ଓ ଝିଲେମିକୁ କାର୍ଯ୍ୟରେ ଅବହେଳା ନେଇ ବଲାଙ୍ଗୀର ଏସ୍ପି ନିତିନ କୁସଲକର ନିଲମ୍ବିତ କରିଛନ୍ତି ଏସପି । ଗତ କାଲି ରାତିରେ ପୋଲିସ ଆଖିରେ ଧୂଳି କସ୍ଟଡିରୁ ଫେରାର ମାରିଥିଲେ ମହାଲିଙ୍ଗ ସନସାଇନ ସ୍କୁଲର ମାଲିକ ଗୋବିନ୍ଦ ସାହୁ । ଗୋବିନ୍ଦ ଫେରାର ନେଇ ଜଣାପଡିବା ପରେ ବଲାଙ୍ଗୀର ପୋଲିସ ତରଫରୁ ବିଭିନ୍ନ ସ୍ଥାନରେ ନାକାବନ୍ଦୀ କରାଯାଇଛି । ଗୋବିନ୍ଦକୁ ଧରିବା ପାଇଁ ବଲାଙ୍ଗୀର ଏସ୍ପିଙ୍କ ନେତୃତ୍ୱରେ ବରିଷ୍ଠ ପୋଲିସ ଅଧିକାରୀଙ୍କ ନେତୃତ୍ୱରେ ୧୦ଟି ପୋଲିସ ଟିମ ଗଠନ କରାଯାଇ ଚଢ଼ାଉ ଚାଲିଛି ।

ଏଥିସହିତ ପଢ଼ନ୍ତୁ: କଇଁଫୁଲ ତୋଳିବାକୁ ଯାଇଁ ଦୁଇ ବାଳକଙ୍କ ସଲୀଳ ସମାଧି

ପୁଣି କମିଲା ସୁନା ଓ ରୁପା ଦର

ନୂଆଦିଲ୍ଲୀ: ଭାରତର ସରଫା ବଜାରରେ ସୁନା ଓ ରୁପା ଦର ହ୍ରାସ ପାଇଛି। ଇଣ୍ଡିଆ ବୁଲିୟନ ଆଣ୍ଡ ଜୁଏଲର୍ସ ଆସୋସିଏସନ ମୁତାବକସୋମବାର ଅକ୍ଟୋବର ୧୮ ତାରିଖ ସକାଳେ ୯୯୯ଶୁଦ୍ଧତା ଥିବା ୨୪ କ୍ୟାରେଟ ସୁନା ଦର ୭୪୬ଟଙ୍କା ହ୍ରାସ ପାଇଛି। ଏଥିସହିତ ୨୪ କ୍ୟାରେଟ ସୁନା ଦର ହ୍ରାସ ପାଇ ପ୍ରତି ୧୦ ଗ୍ରାମ ପିଛା ୪୭୩୭୯ଟଙ୍କା ହୋଇଯାଇଛି। ସେହିପରି ରୁପା ମୂଲ୍ୟ ୭୩୪ଟଙ୍କା ହ୍ରାସ ପାଇଛି। ଆଜି ସକାଳେ ରୁପା ଦର ପ୍ରତି କିଲୋ ପିଛା ୬୩୧୮୯ଟଙ୍କା ରହିଛି।

ନବରାତ୍ରି ସମୟରେ ଭାରତୀୟ ସରଫା ବଜାରରେ ଧାତୁଗୁଡ଼ିକର ଦରରେ ଉଠାଣି ଗଡ଼ାଣି ଲାଗି ରହିଛି। କିନ୍ତୁ ବିଜୟାଦଶମୀର ଗୋଟିଏ ଦିନ ପୂର୍ବରୁ ସୁନା ଦରରେ ୪୭୨ଟଙ୍କା ଓ ରୁପା ଦରରେ ୫୫୭ଟଙ୍କା ହ୍ରାସ ପାଇଥିବା ଖବର ମିଳିଛି।

ତେବେ ୯୯୯ଶୁଦ୍ଧତା ସୁନା ପ୍ରତି ୧୦ ଗ୍ରାମ ପିଛା ୪୭୩୭୯ଟଙ୍କା ଥିବା ବେଳେ ୯୯୫ ଶୁଦ୍ଧତା ଥିବା ସୁନା ପ୍ରତି ୧୦ ଗ୍ରାମ ପିଛା ୪୭୧୮୯ଟଙ୍କା ରହିଛି। ସେହିପରି ୯୧୬ ଶୁଦ୍ଧତା ସୁନା ପ୍ରତି ଗ୍ରାମ ୧୦ ପିଛା ୪୩୩୯୯ଟଙ୍କା, ୭୫୦ ଶୁଦ୍ଧତା ସୁନା ୩୫୫୩୪ଟଙ୍କା ଓ ୫୮୫ ଶୁଦ୍ଧତା ସୁନା ୨୭୭୧୭ଟଙ୍କାରେ ପହଞ୍ଚିଛି।

କଇଁଫୁଲ ତୋଳିବାକୁ ଯାଇଁ ଦୁଇ ବାଳକଙ୍କ ସଲୀଳ ସମାଧି

ଯାଜପୁର: କଇଁଫୁଲ ତୋଳିବାକୁ ଯାଇ ଦୁଇ ବାଳକଙ୍କ ସଲୀଳ ସମାଧୀ । ଯାଜପୁର ମଙ୍ଗଳପୁର ଥାନା ତରପଦା ପଞ୍ଚାୟତ ଗୋପକୁଳର ଏ ଅଭାବନୀୟ ଘଟଣା । ମୃତକ ଦ୍ୱୟ ହେଲେ ବିଭୂତି ଜେନା ଓ ଦିବ୍ୟରଞ୍ଜନ ଜେନା । କୁଟୁରିଆ ଠାରେ ଥିବା ବୈତରଣୀ ନଦୀର ଯୋରକୁ କଇଁ ଫୁଲ ତୋଳିବାକୁ ଯାଇଥିବା ବେଳେ ପାଣିରେ ବୁଡି ଦୁଇ ବାଳକଙ୍କ ମୃତ୍ୟୁ ହୋଇଛି । ଗ୍ରାମବାସୀଙ୍କ ସହାୟତାରେ ଦୁଇ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି । ସେପଟେ ଦୁଇ ନାବାଳକଙ୍କୁ ହରାଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।

ଏଥିସହିତ ପଢ଼ନ୍ତି: ‘ପ୍ରଦୀପ ତୁମେ ବିଧାୟକ ପଦ ଛାଡ଼’ ଜୋର୍ ଧରିଲା ଦାବି

ପାକିସ୍ତାନରେ ମଧ୍ୟ ତୈଳ ଦରରେ ଅହେତୁକ ବୃଦ୍ଧି, ଆମେ ଅନ୍ୟ ଗ୍ରହରେ ରହୁନାହୁଁ ବୋଲି କହିଲେ ପାକିସ୍ତାନ ମନ୍ତ୍ରୀ

ନୂଆଦିଲ୍ଲୀ: ଭାରତ ପରି ପାକିସ୍ତାନରେ ମଧ୍ୟ ପେଟ୍ରୋଲ ଏବଂ ଡିଜେଲର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି। ଗତ ଶନିବାର ଦିନ ପୁଣି ଥରେ ପାକିସ୍ତାନରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି। ପେଟ୍ରୋଲ ଲିଟର ପିଛା ୧୦.୪୯ ଟଙ୍କା ଏବଂ ଡିଜେଲ ଲିଟର ପିଛା ୧୨.୪୪ ଟଙ୍କା ବୃଦ୍ଧି କରାଯାଇଛି। ତେବେ କେବଳ ମୁଦ୍ରାସ୍ଫୀତି ନୁହେଁ, ପାକିସ୍ତାନର ନେତାଙ୍କ ବିବୃତ୍ତି ମଧ୍ୟ ପାକିସ୍ତାନୀଙ୍କ ଭବିଷ୍ୟତ ନଷ୍ଟ କରିବାରେ ଲାଗିଛି। ସୂଚନା ଏବଂ ପ୍ରସାରଣ ମନ୍ତ୍ରୀ ଫୱାଦ ଚୌଧୁରୀଙ୍କ ଏକ ବିବୃତ୍ତି ଏବେ ହେଡଲାଇନ୍‌ ରେ ରହିଛି।

ପାକିସ୍ତାନରେ ଅନେକ ସମୟରେ ନେତାଙ୍କ ବିବୃତ୍ତି ପାକିସ୍ତାନର ଲୋକଙ୍କ ଉପରେ ଅନେକ ଖରାପ ପ୍ରଭାବ ପକାଇଛି। ପେଟ୍ରୋଲ ଏବଂ ଡିଜେଲ ମୂଲ୍ୟରେ ସମ୍ପ୍ରତି ବୃଦ୍ଧି ଘଟିଥିବାକୁ ଫୱାଦ ଚୌଧୁରୀ କହିଛନ୍ତି ଯେ ଯଦି ବିଶ୍ୱ ସ୍ତରରେ ବୃଦ୍ଧି ଘଟେ, ତେବେ ପାକିସ୍ତାନରେ ମଧ୍ୟ ବିଶ୍ୱର ବୃଦ୍ଧି ଦେଖି ପେଟ୍ରୋଲ ଏବଂ ଡିଜେଲର ମୂଲ୍ୟ ସ୍ଥିର କରାଯାଏ। ସେ ଲେଖିଛନ୍ତି ଯେ ଏକ ବିଶେଷ ପ୍ରକାରର ପ୍ରଚାର ପ୍ରସାର କରାଯାଉଛି ଯେପରି ଆମେ ପୃଥିବୀରେ ନୁହେଁ ବରଂ ଅନ୍ୟ ଗ୍ରହରେ ବାସ କରୁଛୁ। ସବସିଡି ଉପରେ ପୁରା ଦେଶ ଚାଲିପାରିବ ନାହିଁ। ଯଦି ବିଶ୍ୱରେ ମୂଲ୍ୟ ହ୍ରାସ ହୁଏ ତେବେ ପାକିସ୍ତାନରେ ମଧ୍ୟ ମୂଲ୍ୟ ହ୍ରାସ ପାଇବା ଆରମ୍ଭ ହେବ।

ଫୱାଦ ଲୋକଙ୍କୁ ଉତ୍ସାହିତ କରି କହିଛନ୍ତି ଯେ ଏକ ରାଷ୍ଟ୍ର ଭାବରେ ସମସ୍ତେ ଏକତ୍ରିତ ହୋଇ ଚ୍ୟାଲେଞ୍ଜ ଏବଂ ଅସୁବିଧାର ସାମ୍ନା କରିବା ଉଚ୍ଚିତ। ଅର୍ଥନୀତି ସହ ଜଡିତ ଆହ୍ୱାନ ଗୁଡିକ ସାମୟିକ ବୋଲି ସେ ଦାବି କରିଛନ୍ତି। ସେ କହିଛନ୍ତି ଯେ ଶିଳ୍ପ, କୃଷି ଏବଂ ନିର୍ମାଣ କ୍ଷେତ୍ର ଐତିହାସିକ ଲାଭ କରୁଛି ଏବଂ ବେସରକାରୀ କ୍ଷେତ୍ର ମଧ୍ୟ ଶ୍ରମିକ ଶ୍ରେଣୀର ଲୋକଙ୍କ ବେତନ ବୃଦ୍ଧି ଉପରେ ଧ୍ୟାନ ଦେବା ଉଚିତ୍। ଫୱାଦଙ୍କ ଅନୁଯାୟୀ ଦରମା ବୃଦ୍ଧି ମୁଦ୍ରାସ୍ଫୀତି ଦୂର କରିବା ପାଇଁ ଏକ ଭଲ ଉପାୟ।

ଉଲ୍ଲେଖନୀୟ ବିଷୟ ହେଉଛି ଯେ ପାକିସ୍ତାନର ଅର୍ଥ ମନ୍ତ୍ରଣାଳୟ ଏହାର ବିଜ୍ଞପ୍ତିରେ ଇନ୍ଧନ ମୂଲ୍ୟ ବୃଦ୍ଧି ପାଇଁ ଆନ୍ତର୍ଜାତୀୟ ବଜାରକୁ ଦର୍ଶାଇଛି। ଏହି ବିଜ୍ଞପ୍ତିରେ କୁହାଯାଇଛି ଯେ ଯଦି ଅକ୍ଟୋବର ୨୦୧୮ ତୁଳନାରେ ଏହି ସମୟରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ବ୍ୟାରେଲ ପିଛା ୮୫ ଡଲାର ବୃଦ୍ଧି ପାଇଛି। ଶକ୍ତିର ଚାହିଦା ବୃଦ୍ଧି ହେତୁ ଗତ କିଛି ମାସ ମଧ୍ୟରେ ଯୋଗାଣରେ ମଧ୍ୟ ସମସ୍ୟା ଦେଖାଦେଇଛି। ପେଟ୍ରୋଲିୟମ ଶୁଳ୍କ ଏବଂ ବିକ୍ରୟ ଟିକସକୁ ସର୍ବନିମ୍ନ ମୂଲ୍ୟରେ ରଖି ଅନ୍ତର୍ଜାତୀୟ ଦର ବୃଦ୍ଧି ହେତୁ ପାକିସ୍ତାନବାସୀଙ୍କୁ ଏହା ମଧ୍ୟ ଅନେକ ଆରାମ ଦେଇଛି ବୋଲି ସରକାର ଦାବି କରିଛନ୍ତି।

ଜିମରେ ମହାଭାରତ: ସ୍ବାମୀଙ୍କ ମହିଳା ବନ୍ଧୁଙ୍କୁ ‘ଚପଲ’ରେ ପିଟିଲେ ପତ୍ନୀ

ଭୋପାଲ: ଅନ୍ୟ ମହିଳାଙ୍କ ସହ ପତିଙ୍କ ସମ୍ପର୍କ ଥିବା ସନ୍ଦେହରେ ପତ୍ନୀଙ୍କ ମହାଭାରତ । ଜିମରେ ପଶି ପତିଙ୍କ ସହ ଥିବା ବାନ୍ଧବୀଙ୍କ ଚୁଟି ଘୋଷାଡ଼ିଲେ, ଚପଲରେ ପିଟିଲେ । ସ୍ବାମୀ ଉପରକୁ ବି ହାତ ଉଠାଇବାକୁ ପଛାଇଲେନି । ଘଟଣାଟି ମଧ୍ୟପ୍ରଦେଶ ଭୋପାଲର କୋହେଫିଜା ଅଞ୍ଚଳର । ଗତ ୧୫ ତାରିଖରେ ପତିଙ୍କ ଚରିତ୍ରକୁ ନେଇ ସନ୍ଦେହ କରୁଥିବା ପତ୍ନୀ କଲେ ମାରପିଟ ।

ସୂଚନା ଅନୁସାରେ, ମହିଳାଙ୍କୁ ସ୍ବାମୀଙ୍କ ଚରିତ୍ର ଉପରେ ଦୀର୍ଘ ଦିନରୁ ସନ୍ଦେହ ଥିଲା । ଘଟଣା ଦିନ ପତି ଜିମ୍ ବାହାରି ଯିବା ପରେ ମହିଳା ଜଣଙ୍କ ତାଙ୍କ ଉଭଣୀ ସହ ପିଛା କରି ଜିମରେ ପହଞ୍ଚି ଯାଇଥିଲେ । ସେଠାରେ ସ୍ବାମୀଙ୍କୁ ଅନ୍ୟ ମହିଳାଙ୍କ ସହ ଦେଖି ରାଗ ପଞ୍ଚମ ହୋଇ ଯାଇଥିଲା । ଏହାପରେ ଆରମ୍ଭ କରିଦେଇଥିଲେ ‘ଅପରେସନ ଜୋତା ମାଡ଼’ । ପ୍ରଥମେ ମହିଳାଙ୍କ ଚୁଟି ଧରି ଘୋଷାଡ଼ିଲେ । ସେତିକିରେ ମନ ଶାନ୍ତି ହୋଇନଥିଲା । ଜୋତା ଓହ୍ଲାଇ ଆରମ୍ଭ କରି ଦେଇଥିଲେ ‘ଦେ ଦନା ଦନ’ । ବଚରା ସ୍ବାମୀ ଯେତେବେଳେ ମହିଳା ବନ୍ଧୁଙ୍କୁ ରକ୍ଷା କରିବାକୁ ଆସିଲେ, ତାଙ୍କ ଉପରେ ବି ଆରମ୍ଭ ହୋଇଗଲା ନିର୍ଧୁମ ମାଡ଼ ।

ପରେ ଜଣେ ମହିଳା ଆସି ସ୍ବାମୀଙ୍କ ବାନ୍ଧବୀଙ୍କୁ ଜିମ୍ ଭିତରକୁ ନେଇ ଯାଇଥିଲେ । ହେଲେ ପତ୍ନୀ ଜଣଙ୍କ ଗୋଡ଼ାଇ ଗୋଡ଼ାଇ ଜିମରେ ପଶି ମାଡ଼ ଆରମ୍ଭ କରି ଦେଲେ । ପତି-ପତ୍ନୀ ଓ ମହିଳା ବନ୍ଧୁଙ୍କ ଏହି ଫାଇଟ୍ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।

ପୂର୍ବରୁ ମହିଳା ଜଣଙ୍କ ପତିଙ୍କ ବିରୋଧରେ ଥାନାରେ ଯୌତୁକ ନିର୍ଯାତନା ମାମଲା ରୁଜୁ କରିଛନ୍ତି । ମାରପିଟ ଘଟଣାକୁ ନେଇ ସ୍ବାମୀଙ୍କ ମହିଳା ବନ୍ଧୁ ଥାନାରେ ମାମଲ ରୁଜୁ କରାଇଛନ୍ତି ।