spot_img
Home Blog Page 5223

ନବରଙ୍ଗପୁରରେ ଜୀବନ୍ତ ବଜ୍ରକାପ୍ତା ଉଦ୍ଧାର: ୪ ଜଣ ଗିରଫ

0

ନବରଙ୍ଗପୁର: ପୁଣି ଚୋରାଚାଲାଣ ବେଳେ ଜୀବନ୍ତ ବଜ୍ରକାପ୍ତା ଉଦ୍ଧାର । ୪ଜଣ ଚୋରାଚାଲାଣକାରୀଙ୍କୁ ଗିରଫ କରିଛି ନବରଙ୍ଗପୁର ରେଞ୍ଜ ବନବିଭଗ । ଗିରଫ ୪ ଅଭିଯୁକ୍ତ ହେଲେ ତେନ୍ତୁଳିଖୁଣ୍ଟି ଥାନା ଅଞ୍ଚଳଗୁମ୍ମା ଗାଁର ବୃନ୍ଦାବନ ପୂଜାରୀ, ଚିତ୍ରକୋଟ ଗାଁର ଲୁଥର ଟାକରି, ରାୟଗଡା ଜିଲ୍ଲା ଲୁପୁଙ୍ଗ ଗାଁର ଶ୍ରୀପ ହେମ୍ବ୍ରମ, କୋରାପୁଟ ଜିଲ୍ଲା କାଳିଆ ହଟାଲ ଗାଁର ଶୁକ୍ର ମୁଦୁଲି । ଗିରଫ ଅଭିଯୁକ୍ତଙ୍କଠାରୁ ଦୁଇଟି ମଟର ସାଇକେଲ, ମୋବାଇଲ ଫୋନ, ଗୋଟିଏ ଟାଙ୍ଗିଆ, ଖଣ୍ଡା ଜବତ ହୋଇଛି ।

ଏଥିସହିତ ପଢ଼ନ୍ତୁ: ବିଧାୟକଙ୍କ ଗାଡ଼ିକୁ ବୋମାମାଡ଼ ଘଟଣା; ମୁଖ୍ୟ ଅଭିଯୁକ୍ତ ଗିରଫ

 

IASସ୍ତରରେ ଅଦଳବଦଳ: ଖୋର୍ଦ୍ଧା ଜିଲ୍ଲାପାଳ ହେଲେ ସଂଗ୍ରାମ କେଶରୀ ମହାପାତ୍ର

0

ଭୁବନେଶ୍ୱର: ବରିଷ୍ଠ IAS ସ୍ତରରେ ଅଦଳବଦଳ । ଆଇଏଏସ୍ ଗଙ୍ଗାଧର ସାହୁ ହେଲେ ସାଧାରଣ ଅଭିଯୋଗ ବିଭାଗର ନିର୍ଦ୍ଦେଶକ । ଏହାସହ ତାଙ୍କୁ ମଳିଛି ସାଧାରଣ ପ୍ରଶାସନ ବିଭାଗର ଅତିରିକ୍ତ ସଚିବ ଦାୟିତ୍ୱ । ସେହିଭଳି ପରୁଲ ପଟୁଓ୍ୱାରୀଙ୍କୁ ଜଗତସିଂହପୁର ଜିଲ୍ଲାପାଳ ଦାୟିତ୍ୱ ଦେଇଛନ୍ତି ରାଜ୍ୟ ସରକାର । ସଂଗ୍ରାମ କେଶରୀ ମହାପାତ୍ରଙ୍କୁ ଖୋର୍ଦ୍ଧା ଜିଲ୍ଲାପାଳ ଭାବେ ବଦଳି କରାଯାଇଛି । ସେ ଜଗତସିଂହପୁରରେ ଜିଲ୍ଲାପାଳ ଅଛନ୍ତି । ସନତ କୁମାର ମହାନ୍ତିଙ୍କୁ ବୈଷୟିକ ଶିକ୍ଷା ଓ SCERT ନିର୍ଦ୍ଦେଶକ ଭାବେ ବଦଳି କରାଯାଇଛି । ଏଥିସହ ତାଙ୍କୁ ମିଡ୍‌ ଡେ ମିଲ୍‌ର ପରିଚାଳନାର ଅତିରିକ୍ତ ଦାୟିତ୍ୱ ଦିଆଯାଇଛି ।

ଏଥିସହିତ ପଢ଼ନ୍ତୁ: ଆଇଏଏସ୍ ସ୍ତରରେ ଅଦଳବଦଳ: ବିଜୟ ଅରୋରାଙ୍କୁ ସାଧାରଣ ପ୍ରଶାସନ ବିଭାଗ ସ୍ୱତନ୍ତ୍ର ଦାୟିତ୍ୱ

 

କରୋନାରେ ଆମେରିକାର ପୂର୍ବତନ ବୈଦେଶିକ ମନ୍ତ୍ରୀ କଲିନ ପାଓ୍ୱେଲଙ୍କ ମୃତ୍ୟୁ

ନୂଆଦିଲ୍ଲୀ: କୋଭିଡରେ ଚାଲିଗଲେ ଆମେରିକାର ପ୍ରଭାବଶାଳୀ କୂଚନୀତିଜ୍ଞ ତଥା ପୂର୍ବତନ ବୈଦେଶିକ ମନ୍ତ୍ରୀ କଲିନ ପାଓ୍ୱେଲ। ପ୍ରଥମ କୃଷ୍ଣକାୟ ବୈଦେଶିକ ମନ୍ତ୍ରୀ ତଥା ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ପ୍ରମୁଖ ଭୂମିକା ଗ୍ରହଣ କରିଥିବା ପାଓ୍ୱେଲଙ୍କୁ ମୃତ୍ୟୁବେଳକୁ ହୋଇଥିଲା ୮୪ ବର୍ଷ। ସେ ନିଜର ବ୍ୟକ୍ତିତ୍ୱ ବଳରେ ଆମେରିକାର ବୈଦେଶିକ ନୀତିର ଏକ ରୂପରେଖ ତିଆରି କରିପାରିଥିଲେ।

ଜେନରାଲ କଲିନ ମଧ୍ୟ ଥିଲେ ତିନି ବାହିନୀର ପୂର୍ବତନ ଯୁଗ୍ମମୁଖ୍ୟ। ଆମେରିକା- ଭିଏତନାମ ଯୁଦ୍ଧରେ ସେ ଗୁରୁତ୍ୱପୂର୍ଣ୍ଣ ଭୂମିକା ନେଇ ଚର୍ଚ୍ଚାରେ ଥିଲେ। ଏଥିଲାଗି ତାଙ୍କୁ ପ୍ରଥମ କୃଷ୍ଣକାୟ ଜାତୀୟ ନିରାପତ୍ତା ପରାମର୍ଶଦାତା ଭାବେ ନିଯୁକ୍ତି ଦିଆଯାଇଥିଲା। ପୂର୍ବତନ ରାଷ୍ଟ୍ରପତି ରୋନାଲଡ ରେଗାନଙ୍କ ସମୟରେ ବି ସେ ସର୍ବକନିଷ୍ଠ ଓ ପ୍ରଥମ ଆଫ୍ରିକୀୟ ଆମେରିକୀୟ ଯୁଗ୍ମ ପ୍ରତିରକ୍ଷା ମୁଖ୍ୟ ଭାବେ ନିଯୁକ୍ତ ହୋଇଥିଲେ।

କୋଇଲା ରୟାଲଟି ନେଇ ପୁଣି ଥରେ କେନ୍ଦ୍ରକୁ ସୁପାରିସ୍ କରିବ ରାଜ୍ୟ: ୨୦ ପ୍ରତିଶତ ରୟାଲଟି ପାଇଁ ଦାବି କରାଯିବ

ଭୁବନେଶ୍ୱର: କୋଇଲା ରୟାଲଟି ସଂଶୋଧନ କର । ଗ୍ରୀନ ସେସ୍‌ର ପ୍ରାପ୍ୟ ରାଜ୍ୟକୁ ଦିଅ । ପୁଣି ଥରେ କେନ୍ଦ୍ରକୁ ସୁପାରିସ କରିବ ରାଜ୍ୟ । କୋଇଲା ରୟାଲିଟି ୨୦ ପ୍ରତିଶତ ଦେବାପାଇଁ କେନ୍ଦ୍ର ନିକଟରେ ଦାବି କରିବ ରାଜ୍ୟ । ବିଧାନସଭାର ଇସ୍ପାତ ଓ ଖଣି ଷ୍ଟାଣ୍ଡିଂ କମିଟି ବୈଠକରେ ଏହି ନିଷ୍ପତ୍ତି ନିଆଯାଇଛି । ଗ୍ରୀନ ସେସ୍ ରାଜ୍ୟକୁ କେନ୍ଦ୍ର ଦେଉନଥିବାରୁ କୋଟି କୋଟି ଟଙ୍କା ରାଜସ୍ୱ ହରାଉଥିବା କଂଗ୍ରେସ ଓ ବିଜେଡି ଅଭିଯୋଗ କରିଛନ୍ତି । କେନ୍ଦ୍ରର ବୈମାତୃକ ମନୋଭାବ ବିରୋଧରେ ବର୍ଷିଛନ୍ତି କଂଗ୍ରେସ ଓ ବିଜେଡି । ଯାହାର ଜବାବ ରଖିଛି ବିଜେପି ।

୭ବର୍ଷ ହେଲା ଦାବି ହେଉଛି । କିନ୍ତୁ କୋଇଲା ରୟାଲଟି ସଂଶୋଧନ କରୁନି କେନ୍ଦ୍ର । ୧୨ହଜାର କୋଟି ଟଙ୍କାର ରାଜସ୍ୱ  ହରାଇଲାଣି ରାଜ୍ୟ । ବାରମ୍ବାର କେନ୍ଦ୍ର ନିକଟରେ କୋଇଲା ରୟାଲଟି ସଂଶୋଧନ କରିବା ପାଇଁ ରାଜ୍ୟ ଦାବି ଦୋହରାଉଥିଲେ ମଧ୍ୟ କର୍ଣ୍ଣପାତ କରୁନାହିଁ କେନ୍ଦ୍ର । ଯାହାକୁ ନେଇ ବିଧାନସଭା ଷ୍ଟାଣ୍ଡିଂ କମିଟିରେ ହୋଇଛି ଘମାଘୋଟ ଆଲୋଚନା । ତୁରନ୍ତ କେନ୍ଦ୍ର ସରକାର କୋଇଲା ରୟାଲଟି ସଂଶୋଧନ କରିବା ସହ, ୧୪ପ୍ରତିଶତରୁ ୨୦ପ୍ରତିଶତକୁ ରୟାଲଟି ବୃଦ୍ଧି କରିବା ପାଇଁ ବୈଠକରେ ଦାବି କରାଯାଇଛି । ଷ୍ଟାଣ୍ଡି କମିଟିର ପ୍ରସ୍ତାବକୁ ଖୁବଶୀଘ୍ର କେନ୍ଦ୍ରକୁ ସୁପାରିସ କରିବ ରାଜ୍ୟ ।

କୋଇଲା ଉତ୍ତୋଳନ ଓ ପ୍ରଦୂଷଣ ରାଜ୍ୟ ସହୁଛି । ଏ ବାବଦକୁ କିନ୍ତୁ ରାଜ୍ୟର ଗ୍ରୀନ ସେସ୍‌ ପ୍ରାପ୍ୟକୁ କେନ୍ଦ୍ର ଦେଉନାହିଁ । ଏ ନେଇ ବାରମ୍ବାର ମୁଖ୍ୟମନ୍ତ୍ରୀ କେନ୍ଦ୍ର ନିକଟରେ ଦାବି କରୁଛନ୍ତି । ସଂସଦରେ ଏ ପ୍ରସଙ୍ଗ ବିଜେଡି ଉଠାଉଛି । ତଥାପି କେନ୍ଦ୍ର ରାଜ୍ୟକୁ ତାର ହକ୍ ଦେଉନାହିଁ । ଯାହାକୁ ନେଇ ଖପ୍ପା ଉଭୟ ବିଜେଡି ଓ କଂଗ୍ରେସ । ତୁରନ୍ତ କେନ୍ଦ୍ର ସରକାର କୋଇଲା ରୟାଲଟି ସଂଶୋଧନ କରିବା ସହ ଗ୍ରୀନ ସେସ୍ ବାବଦ ଅର୍ଥ ରାଜ୍ୟକୁ ଦେବାପାଇଁ ଦାବି ହୋଇଛି । ସେପଟେ ରାଜ୍ୟ ସ୍ୱାର୍ଥକୁ ଭୁଲି କେନ୍ଦ୍ର ପାଇଁ ଓକିଲାତି କରିବାକୁ ପଛାଇନାହିଁ ରାଜ୍ୟ ବିଜେପି । ସବୁ କ୍ଷେତ୍ରରେ କେନ୍ଦ୍ର ଓଡିଶା ପ୍ରତି ବୈମାତୃକ ମନୋଭାବ ରଖୁଛି । ସଂଘୀୟ ବ୍ୟବସ୍ଥାରେ ରାଜ୍ୟର ହକ୍‌କୁ ମଧ୍ୟ କେନ୍ଦ୍ର ଅଣଦେଖା କରିଚାଲିଛି । ଯାହାକୁ ନେଇ ଏବେ ସାରା ଓଡିଶାରେ ଉଠିଲାଣି ପ୍ରତିବାଦର ସ୍ୱର ।

ଉପାନ୍ତ ଅଞ୍ଚଳରେ ଟାଓ୍ୱାର ବସାଇବାକୁ ମନା କରିଦେଲା ବିଏସ୍‌ଏନ୍‌ଏଲ୍: କେନ୍ଦ୍ର ଆଇଟି ମନ୍ତ୍ରୀଙ୍କୁ ଚିଠି ଲେଖିଲା ରାଜ୍ୟ

ଭୁବନେଶ୍ୱର: ଆଗକୁ ରାଜ୍ୟର ଉପାନ୍ତ ଓ ଅପହଞ୍ଚ ଅଞ୍ଚଳରେ ଇଣ୍ଟରନେଟ୍‌ ସମସ୍ୟା ଆହୁରି ବଢ଼ିବାର ଆଶଙ୍କା ଦେଖାଦେଇଛି । କାରଣ ଗାଁ ଗାଁକୁ ଇଣ୍ଟରନେଟ୍‌ ସଂଯୋଗ ଦାୟିତ୍ୱ ନେଇଥିବା ବିଏସଏନଏଲ ନୂଆ ଟାଓ୍ୱାର ବସାଇବାକୁ ମନା କରିଦେଇଛି । ଘରୋଇ ଟେଲିକମ କମ୍ପାନୀ ମଧ୍ୟ ଉପାନ୍ତ ଅଞ୍ଚଳକୁ ଯିବାକୁ ଅମଙ୍ଗ । ଏହି ସମସ୍ୟାର ସମାଧାନ ପାଇଁ କେନ୍ଦ୍ର ଆଇଟି ମନ୍ତ୍ରୀଙ୍କୁ ରାଜ୍ୟ ସରକାର ତିଠି ଲେଖିଛନ୍ତି

ଉପାନ୍ତ ଅଞ୍ଚଳରେ ଇଣ୍ଟରନେଟ୍‌ ସମସ୍ୟା ଆହୁରି ବଢ଼ିବା ଆଶଙ୍କା । ହାତ ଟେକିଦେଲା ବିଏସ୍‌ଏନ୍‌ଏଲ୍‌  । ଲାଭ ଖୋଜୁଛନ୍ତି ଘରୋଇ କମ୍ପାନୀ । ଟାର୍ଗେଟ୍‌ରେ କେନ୍ଦ୍ର ସରକାରଙ୍କ କର୍ପୋରେଟ୍‌ ପ୍ରୀତି । ଆଉ ନୂଆ ଟାୱାର ବସାଇବାକୁ ବିଏସଏନଏଲ ରାଜି ହେଉନି । କ୍ଷତି ଯୋଗୁ ଘରୋଇକରଣ ବିବାଦ ଉପୁଜିବାରୁ ରାଜ୍ୟରେ ନୂଆ ସଂଯୋଗ ଦେବାକୁ କେନ୍ଦ୍ରୀୟ ସଂସ୍ଥା ବିଏସ୍‌ଏନ୍‌ଏଲ୍‌ ମନା କରି ଦେଇଛି । ଓ୍ବାନ୍ ଇଣ୍ଡିଆ ପ୍ଲାନରେ ସାରା ଦେଶକୁ ସଂଯୋଗ କରିବା ଦାୟିତ୍ବ ନେଇଛି ବିଏସଏନଏଲ । କିନ୍ତୁ ଏହି କମ୍ପାନୀ ମନା କରିଦେବାରୁ ମାଲକାନଗିରି, ରାୟଗଡ଼ା, କୋରାପୁଟ, କନ୍ଧମାଳ, ସୁନ୍ଦରଗଡ଼ ଓ ଗଜପତି ଜିଲ୍ଲାର କିଛି ଅଞ୍ଚଳରେ ନେଟଓ୍ୱର୍କ ସମସ୍ୟା ଆହୁରି ବଢ଼ିବା ଆଶଙ୍କା ରହିଛି । ଅପହଞ୍ଚ ଅଞ୍ଚଳରେ କମ୍ ଜନସଂଖ୍ୟା ଯୋଗୁ କ୍ଷତି ଆଶଙ୍କାରେ ଘରୋଇ କମ୍ପାନୀ ବି ସେଠାରେ ଟାଓ୍ବାର ବସାଇବାକୁ ଇଚ୍ଛା କରୁ ନାହାନ୍ତି । ତେଣୁ ଘରୋଇ କମ୍ପାନୀଙ୍କ ସହ ଆଲୋଚନା କରି ଅପହଞ୍ଚ ଅଞ୍ଚଳରେ ଟାଓ୍ୱାର ବସାଇବା ବ୍ୟବସ୍ଥା କରିବା ପାଇଁ କେନ୍ଦ୍ର ଆଇଟି ମନ୍ତ୍ରୀଙ୍କୁ ରାଜ୍ୟ ସରକାର ଚିଠି ଲେଖିଛନ୍ତି

କେନ୍ଦ୍ର ସରକାର ବିଏସଏନଏଲକୁ ଘରୋଇକରଣ କରିବା ପାଇଁ ଚିନ୍ତା କରୁଥିବାରୁ କର୍ମଚାରୀମାନେ କାମ କରିବାକୁ ମନ ବଳାଉ ନାହାନ୍ତି । ୨୧ ବର୍ଷ ତଳେ ସାରା ଦେଶରେ ନେଟଓ୍ବର୍କ ସଂଯୋଗ ଦାୟିତ୍ୱ ନେଇଥିଲା ବିଏସଏନଏଲ । ବେଶ୍ କିଛି ବର୍ଷ ଲାଭ ହେଲା । ପରେ ଘରୋଇ ଟେଲିକମ୍ କମ୍ପାନୀ ସଂଖ୍ୟା ବଢ଼ିବାରୁ ବିଏସଏନଏଲର କ୍ଷତି ହେବାରେ ଲାଗିଲା । ତେବେ କେନ୍ଦ୍ର ସରକାର  ଘରୋଇ କର୍ପୋରେଟ ହାଉସଗୁଡ଼କର ସ୍ୱାର୍ଥ ପାଇଁ ବିଏସଏନଏଲକୁ କ୍ଷତି ଆଡ଼କୁ ଠେଲୁଥିବା ବିଭିନ୍ନ ସଂଗଠନ ଅଭିଯୋଗ କରିଛନ୍ତି ।

କାଶ୍ମୀରକୁ ଭାରତରେ ନେହେରୁ ମିଶାଇଥିଲେ ନା ପଟେଲ ? ଜିନ୍ନା ଏବଂ ପଟେଲଙ୍କ ମଧ୍ୟରେ ଥିଲାକି ସୁ ସମ୍ପର୍କ ?

ନୂଆଦିଲ୍ଲୀ: ଭାରତର ସ୍ୱର୍ଗ କାଶ୍ମୀର। ଆଉ ଏହି କାଶ୍ମୀରକୁ ନେଇ ଏନେକ ସମୟରେ ବିବାଦ ମୁଣ୍ଡ ଟେକିଛି। ପାକିସ୍ତାନ ମଧ୍ୟ କାଶ୍ମୀରକୁ ଅକ୍ତିଆର କରିବା ପାଇଁ ପ୍ରତିଟି ସମୟରେ ଆକ୍ରମଣ ଜାରି ରଖିଛି। ଖାଲି ସେତିକି ନୁହେଁ ଅନେକ ସମୟରେ କାଶ୍ମୀରକୁ ନେଇ ଭାରତରେ ରାଜନୀତି ସରଗରମ ହୁଏ। କାଶ୍ମୀର ଏବଂ ଭାରତକୁ ନେଇ ପ୍ରଶ୍ନ ଉଠେ। କାଶ୍ମୀରକୁ ନେଇ ଭାରତ ଏବଂ ପାକିସ୍ତାନ ମଧ୍ୟରେ ବିବାଦ କାହିଁକି ସୃଷ୍ଟି ହେଲା ବୋଲି କାଶ୍ମୀର ପଚାରେ। ହେଲେ ସବୁ ସତ କାଶ୍ମୀରର ବରଫ ତରେ ଚାପି ହୋଇ ରହିଯାଇଛି।

ଦୁନିଆ ପ୍ରଶ୍ନ କରେ ଏହି କାଶ୍ମୀରକୁ ଭାରତରେ ନେହେରୁ ମିଶାଇଥିଲେ ନା ପଟେଲ ? ସର୍ଦ୍ଦାର ପଟେଲ ଜିନ୍ନାଙ୍କ ସହ ସାକ୍ଷାତ କରିଥିଲେ କି ? ପଟେଲ ଜାମ୍ମୁ କାଶ୍ମୀରକୁ ଭାରତରୁ ଅଲଗା କରିବାକୁ ଚାହୁଁଥିଲେ କି ? ଏଥିରେ ହିରୋ କିଏ ଏବଂ ଭିଲେନ୍ କିଏ ? ଏହି ପ୍ରଶ୍ନର ଉତ୍ତର ଦେବାକୁ ଜବାହରଲାଲ ନେହେରୁ କିମ୍ବା ସର୍ଦ୍ଦାର ବଲ୍ଲଭଭାଇ ପଟେଲ ଆଜି ନାହାଁନ୍ତି। ହଁ, ‘କୁଜି ନେତାଙ୍କ’ ପାଇଁ ଏହି ପ୍ରଶ୍ନଗୁଡିକ କିଛି ସମୟରେ ଉଙ୍କି ମାରେ।

କଂଗ୍ରେସ ୱାର୍କିଂ କମିଟି (CWC) ବୈଠକରେ କଂଗ୍ରେସ ନେତା ତାରିକ ହମିଦ କାରା ସମସ୍ତ ସୀମା ଅତିକ୍ରମ କରିଛନ୍ତି। ଏମିତି କିଛି ବିବାଦିୟ ମନ୍ତବ୍ୟ ଦେଇଛନ୍ତି ଯେଉଁଥିରୁ ଏହି ବିବାଦ ଏବେ ଜୋର ଧିରିବାରେ ଲାଗିଛି। ତାରିକ ହମିଦ ଦେଶର ପ୍ରଥମ ଉପ ପ୍ରଧାନମନ୍ତ୍ରୀ ବଲ୍ଲଭଭାଇଙ୍କୁ ଜଣେ ଭିଲେନ୍ ବୋଲି ବିବେଚନା କରିଛନ୍ତି। ତାଙ୍କ ମତରେ କାଶ୍ମୀରକୁ ଭାରତର ଅଂଶ କରାଇବାକୁ ଚାହୁଁନଥିଲେ ବଲ୍ଲଭଭାଇ ପଟେଲ। ସେ ବଲ୍ଲଭଭାଇ ଏବଂ ଜିନ୍ନାଙ୍କ ସହ ସାକ୍ଷାତ ବିଷୟରେ ମଧ୍ୟ ବୈଠକରେ କହିଥିଲେ।

ସମୟ ଥିଲା ଗତ ଶନିବାର ଅପରାହ୍ନର, ଆରମ୍ଭ ହୋଇଥିଲା CWC ବୈଠକ। ଏଥିରେ କଂଗ୍ରେସର ସମସ୍ତ ଭେଟେରାନ ନେତା ଯୋଗ ଦେଇଥିଲେ। ଏହି ସଭାରେ ଜାମ୍ମୁ କାଶ୍ମୀରର ନେତା ତାରିକ ହମିଦ ମଧ୍ୟ ଯୋଗ ଦେଇଥିଲେ। ଏହି ବୈଠକରେ ହମିଦ ତାଙ୍କର ଉପସ୍ଥିତିକୁ ଜାହିର କରିବା ପାଇଁ ଟିକେ ଅଧିକ ଚେଷ୍ଟା କରିଥିଲେ। ଯେଉଁଥିପାଇଁ ଗାନ୍ଧୀ ପରିବାରର ପ୍ରଶଂସା କରୁଥିବାବେଳେ ସବୁକିଛି ଭୁଲି ଯାଇଥିଲେ ହମିଦ। ସେ ପୂର୍ବତନ ପ୍ରଧାନମନ୍ତ୍ରୀ ପଣ୍ଡିତ ଜବାହର ଲାଲ ନେହେରୁଙ୍କୁ ପ୍ରଶଂସା କରିଥିଲେ। ସ୍ୱାଧୀନତା ପରେ ଜାମ୍ମୁ କାଶ୍ମୀରର ଭାରତ ସହିତ ଏକୀକରଣ ପାଇଁ ତାଙ୍କୁ ଶ୍ରେୟ ଦେଇଥିଲେ ହମିଦ। ଯଦି ଦେଖିବା ସର୍ଦ୍ଦାର ପଟେଲଙ୍କୁ ଟାର୍ଗେଟ କରିଥିଲେ ହମିଦ।

ସେହି ବୈଠକରେ ହମିଦ ଦେଶର ଏକତା ବଜାୟ ରଖିବାରେ ନେହେରୁ ଏବଂ ଗାନ୍ଧୀ ପରିବାରକୁ କଡ଼ା ପ୍ରଶଂସା କରିଥିଲେ। ଏହା କରିବା ବେଳେ ସେ ଏହା ମଧ୍ୟ କହିଛନ୍ତି ଯେ କାଶ୍ମୀର ସହ ଭାରତରେ ମିଶ୍ରଣର ଶ୍ରେୟ କେବଳ ନେହେରୁଙ୍କୁ ଯାଉଛି। ପଟେଲଙ୍କ ଯୋଗୁଁ କାଶ୍ମୀର ଏବଂ ଭାରତର ମିଶ୍ରଣ ହୋଇନାହିଁ। ଏମିତି ଲାଗୁଥିଲା ଯେମିତି ଚାଟୁକାରିତାର ସମସ୍ତ ସୀମା ଲଂଘିବାକୁ ଲାଗୁଥିଲେ ହମିଦ ଏବଂ କାଶ୍ମୀର ସହ ଭାରତର ମିଶ୍ରଣ ସମୟରେ ବୋଧେ ଉପସ୍ଥିତ ରହିଥିଲେ। ହମିଦଙ୍କର ଏଭଳି ମନ୍ତବ୍ୟ ଶୁଣି କଂଗ୍ରେସର କିଛି ନେତା ମଧ୍ୟ ଅସନ୍ତୁଷ୍ଟ ଥିଲେ। ତିନିଜଣ ବରିଷ୍ଠ ନେତା ଏଥିରେ ହସ୍ତକ୍ଷେପ କରିଥିଲେ। ତାଙ୍କୁ ସ୍ମରଣ କରାଗଲା ଯେ ପଟେଲ ମଧ୍ୟ କଂଗ୍ରେସର ପୂର୍ବତନ ସଭାପତି ଥିଲେ ଯିଏକି ଭାରତର ଏକୀକରଣରେ ଅଦୃଶ୍ୟ ଅବଦାନ ରଖିଥିଲେ।

ହମିଦ କହିଛନ୍ତି ଯେ ଜାମ୍ମୁ କାଶ୍ମୀରର ଲୋକମାନେ ଆଜି ଭାରତରେ ଅଛନ୍ତି, ଯାହାର ଶ୍ରେୟ କେବଳ ନେହେରୁକୁ ଯାଉଛି। ଆଉ ପଟେଲଙ୍କୁ ନେଇ କିଛି ଅବାନ୍ତର କଥା କହିଛନ୍ତି। ସେ କହିଛନ୍ତି ଯେ କାଶ୍ମୀରକୁ ଭାରତରେ ମିଶାଇବା ସମୟରେ ପଟେଲ ମହମ୍ମଦ ଅଲି ଜିନ୍ନାଙ୍କ ଶିବିରରେ ଥିଲେ, ଯିଏ ଭାରତକୁ ଭାଗ କରି ପାକିସ୍ତାନ ସୃଷ୍ଟି କରିଥିଲେ। ହମିଦ ଆହୁରି ମଧ୍ୟ କରିଛନ୍ତିଯେ ପଟେଲ ଜାମ୍ମୁ କାଶ୍ମୀରକୁ ପାକିସ୍ତାନକୁ ହସ୍ତାନ୍ତର କରିବାକୁ ପ୍ରସ୍ତୁତ ଥିଲେ।

ଏହାର ସତ ଖୋଯିବାକୁ ଗଲେ ଆମେ ଦେଖିବା, ଯେତେବେଳେ ଭାରତ କାଶ୍ମୀର ସହିତ ମିଶିଥିଲା, ସେତେବେଳେ ସର୍ଦ୍ଦାର ପଟେଲ କାଶ୍ମୀରକୁ ନେଇ ଭାରତ ସରକାରଙ୍କ ଦ୍ୱାରା ନିଆଯାଇଥିବା ଅନେକ ପଦକ୍ଷେପ ଉପରେ ରାଜିନଥିଲେ। ସେହି ସମୟରେ ନିଆଯାଇଥିବା କିଛି ପଦକ୍ଷେପ ପାଇଁ ଭାରତ ସରକାର ଉପରେ ଉିକ୍ଷିପ୍ତ ହୋଇଉଠିଥିଲେ। ଏଥିରେ ଉପନିର୍ବାଚନ, ମିଳିତ ଜାତିସଂଘକୁ ନେବା, ସେହି ପରିସ୍ଥିତିରେ ଅସ୍ତ୍ରବିରତି ଉଲ୍ଲଂଘନ ଭଳି ପ୍ରସଙ୍ଗ ଅନ୍ତର୍ଭୁକ୍ତ ଥିଲା। ମହାରାଜା ମାନେ ରାଜ୍ୟ ବାହାରକୁ ଯିବା ଉପରେ ପଟେଲ ମଧ୍ୟ ସହମତ ନଥିଲେ।

ଏହା ସତ୍ୟ ଯେ କାଶ୍ମୀରରେ ଭାରତର ଯୋଗଦାନ ଅନେକ ସର୍ତ୍ତ ସହିତ କରାଯାଇଥିଲା। ଏହା ଉପରେ କୌଣସି ମତ ନଥିଲା। ତେବେ ସେହି ସମୟର ସର୍ତ୍ତକୁ ବିଚାର କରି ଅନେକ ଜିନିଷ ଉପରେ ନିଷ୍ପତ୍ତି ନିଆଯାଇଥିଲା। ଏଥିରେ କାଶ୍ମୀରକୁ ସ୍ୱତନ୍ତ୍ର ମାନ୍ୟତା ଦାବି ମଧ୍ୟ ଗ୍ରହଣ କରାଯାଇଥିଲା। ରାଜ୍ୟକୁ ଅନେକ ରିହାତି ମଧ୍ୟ ପ୍ରଦାନ କରାଯାଇଥିଲା।

କାଶ୍ମୀରର ଭାରତ ସହିତ ମିଶ୍ରଣ ଏକ ଜଟିଳ ପ୍ରସଙ୍ଗ ଥିଲା ଏବଂ ବହୁ ବିଚାର ବିମର୍ଶ ପରେ ଏହି ନିଷ୍ପତ୍ତି ନିଆଯାଇଥିଲା। ତା’ପରେ ରାଜାଙ୍କ ସାମ୍ରାଜ୍ୟକୁ ପୃଥକ ଦେଶରେ ବାଣ୍ଟିବା ଏକ ବଡ଼ ଆହ୍ୱାନ ଥିଲା। ଏଭଳି ପରିସ୍ଥିତିରେ ପାକିସ୍ତାନର ପ୍ରଥମ ପ୍ରଧାନମନ୍ତ୍ରୀ ମହମ୍ମଦ ଅଲି ଜିନ୍ନା ମଧ୍ୟ ସମସ୍ତ ପ୍ରକାର କାରବାରରେ ନିୟୋଜିତ ଥିଲେ। ଯେଉଁଠାରେ ଅଧିକାଂଶ ରାଜକୁମାର ରାଜ୍ୟ ଉପରେ ନିଷ୍ପତ୍ତି ନେଇଥିଲେ। ଏଥିସହିତ ଜାମ୍ମୁ-କାମୀରର ମହାରାଜା ହରି ସିଂଙ୍କ ହିଲା ହାୱାଲି ହେତୁ ଏହି ମାମଲା ଅଟକି ରହିଥିଲା। ପାକିସ୍ତାନ ଆକ୍ରମଣ ପରେ ହରି ସିଂ ଭାରତ ସହ ମିଶିବାକୁ ପ୍ରସ୍ତୁତ ଥିଲେ। ଏଭଳି ପରିସ୍ଥିତିରେ ଜାମ୍ମୁ କାଶ୍ମୀରର ଭାରତ ମିଶ୍ରଣରେ ନେହେରୁ କିମ୍ବା ପଟେଲଙ୍କୁ ଶ୍ରେୟ ଦେବା ଠିକ୍ ନୁହେଁ। ଏଥିରେ ଉଭୟଙ୍କର ଅବଦାନ ସମାନ ଭାବରେ ରହିଥିଲା।

ମୟୂରଭଞ୍ଜ ପାଇଁ ମିଶନ ସ୍ମାର୍ଟକାର୍ଡ: ୨୨ ତାରିଖରେ ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ

ବାରିପଦା: ମୟୂରଭଞ୍ଜ ପାଇଁ ମିଶନ୍ ସ୍ମାର୍ଟକାର୍ଡ । ଆସନ୍ତା ୨୨ ତାରିଖରେ ମୟୂରଭଞ୍ଜ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲାର ୬ଲକ୍ଷ ହିତାଧିକାରୀଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲ୍‌ଥ କାର୍ଡ ବଣ୍ଟନ କରାଯିବ । ହସପିଟାଲରେ କେବଳ ସ୍ମାର୍ଟକାର୍ଡ ଦେଖାଇଲେ ମାଗଣା ଚିକିତ୍ସା ସୁବିଧା ମିଳିବ। ରାଜ୍ୟର ୯୬ ଦଶମିକ ୫ଲକ୍ଷ ପରିବାରକୁ କାର୍ଡ ମିଳିବାକୁ ଥିବା ବେଳେ ଏଥିରେ ସାଢ଼େ ତିନି କୋଟି ଲୋକ ଉପକୃତ ହେବେ। ରାଜ୍ୟ ଓ ରାଜ୍ୟ ବାହାରର ୨୦୦ରୁ ଅଧିକ ଘରୋଇ ହସ୍ପିଟାଲରେ ଉନ୍ନତମାନର ଚିକିତ୍ସା ପାଇପାରିବେ ହିତାଧିକାରୀ ।

ପୁରୁଷଙ୍କ ପାଇଁ ୫ ଲକ୍ଷ ଓ ମହିଳାଙ୍କ ପାଇଁ ୧୦ ଲକ୍ଷ ଟଙ୍କାର ଚିକିତ୍ସା ସୁବିଧା ମିଳିବ । ଏଥିସହ ମୟୂରଭଞ୍ଜରେ ବିକାଶ ପାଇଁ ମୁଖ୍ୟମନ୍ତ୍ରୀ ୨୧ଶହ ୫୫କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ । ଏଥିସହ ୩୨୦କୋଟି ଟଙ୍କା ମୂଲ୍ୟର ପ୍ରକଳ୍ପ ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ଗସ୍ତକୁ ଆଖିରେ ରଖି ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ଜିଲ୍ଲା ବିଜେଡି ପର୍ଯ୍ୟବେକ୍ଷକ ତଥା ବିଜେଡି ସାଂଗଠନିକ ସଂପାଦକ ବିଧାୟକ ପ୍ରଣବ ପ୍ରକାଶ ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଜୋରଦାର ପ୍ରସ୍ତୁତି କରାଯାଉଛି ।

ନୌସେନାରୁ ପ୍ରଶାସନିକ ଅଧିକାରୀ: ଏବେ କଲମ ମୁନରେ କରିବେ ଲୋକଙ୍କ ସେବା

ନବରଙ୍ଗପୁର: ଦିନେ ଦେଶ ଓ ମାଟି ମା’ର ରକ୍ଷା ପାଇଁ ହାତରେ ଧରିଥିଲେ ବନ୍ଧୁକ । ସାମିଲ ହୋଇଥିଲେ ନୌସେନାରେ । ହେଲେ ଏବେ କଲମ ମୁନରେ କରିବେ ଲୋକଙ୍କ ସେବା । ବିନା କୋଟିଂରେ ପ୍ରଶାସନିକ ଅଧିକାରୀ ହେଲେ ନବରଙ୍ଗପୁରର ଅଜୟ ମାଣ୍ଡାଙ୍ଗି । ୧୫ ବର୍ଷ ଦେଶର ସେବା କରି ଅବସର ନେବା ପରେ ଏବେ ନିଜର ନିଷ୍ଠା ଓ ପରିଶ୍ରମ ବଳରେ ଓଏଏସ ପରୀକ୍ଷାରେ ଉତ୍ତୀର୍ଣ୍ଣ ହୋଇପାରିଛନ୍ତି ଅଜୟ ।

ଦେଶ ମାତୃକାର ସେବା ପାଇଁ ନୀଳ ସମୁଦ୍ରରେ ଥିଲେ ସଜାଗ ପ୍ରହରୀ । ତାଙ୍କର ବନ୍ଧୁକ ଶତ୍ରୁ ଶିବିରରେ ସୃଷ୍ଟି କରିଥିଲା ଆତଙ୍କ । ହେଲେ ଏବେ ହାତରେ କଲମ ଧରି ପ୍ରଶାସନିକ ଅଧିକାରୀ ଭାବେ ଲୋକଙ୍କ ସେବା କରିବେ ନବରଙ୍ଗପୁରର ଅଜୟ ମାଣ୍ଡାଙ୍ଗି । ୧୫ ବର୍ଷ ଦେଶର ସେବା କରି ଅବସର ନେବା ପରେ ଏବେ ନିଜର ନିଷ୍ଠା ଓ ପରିଶ୍ରମ ବଳରେ ଓଏଏସ ପରୀକ୍ଷାରେ ଉତ୍ତୀର୍ଣ୍ଣ ହୋଇପାରିଛନ୍ତି ଅଜୟ । ନବରଙ୍ଗପୁର ନିକଟ ନୀଳକଣ୍ଠଗୁଡ଼ା ଗାଁର ଅଜୟଙ୍କ ବାପା ପୋଲିସ ବାହିନୀରେ କାର୍ଯ୍ୟରତ ଅଛନ୍ତି । ଦିନକୁ ୮ ରୁ ୧୦ ଘଣ୍ଟା ପରିଶ୍ରମ କରି ଏହି ସଫଳତା ପାଇଥିବା କହିଛନ୍ତି ଅଜୟ ।

୨୦୦୪ ରୁ ୨୦୧୯ ପର୍ଯ୍ୟନ୍ତ ନୌବାହିନୀରେ କାର୍ଯ୍ୟ କରି ଅବସର ନେଇଥିଲେ ଅଜୟ । ଏବେ ନବରଙ୍ଗପୁର ଭଳି ଆଦିବାସୀ ଅଧ୍ୟୁଷିତ ଜିଲ୍ଲାରେ ବିନା କୋଚିଂରେ ଓଏଏସ ପରିକ୍ଷାରେ କୃତକାର୍ଯ୍ୟ ହେବା ସମସ୍ତଙ୍କୁ ଚକିତ କରିଛନ୍ତି । ତାଙ୍କର ଏହି ଅଧ୍ୟବସାୟ ଏବେ ସମସ୍ତଙ୍କୁ ପ୍ରେରଣା ଯୋଗାଇଛି ।

ଏଥିସହିତ ପଢ଼ନ୍ତୁ: ଆଇନଜୀବୀଙ୍କ ଭିନ୍ନ ସଉକ: ୧ହଜାର ୫୫ କିସମର କରିଛନ୍ତି ବିହନ ସଂଗ୍ରହ

ଆଇନଜୀବୀଙ୍କ ଭିନ୍ନ ସଉକ: ୧ହଜାର ୫୫ କିସମର କରିଛନ୍ତି ବିହନ ସଂଗ୍ରହ

ବାଲେଶ୍ୱର: ପେଶା ଆଇନଜୀବୀ ହେଲେ ନିଶା ବିହନ ସଂଗ୍ରହ । ନିଜସ୍ୱ ପ୍ରଚେଷ୍ଟାରେ ଓଡ଼ିଶା ସିଡ ସେଣ୍ଟ୍ରାଲ ବ୍ୟାଙ୍କ ପ୍ରତିଷ୍ଠା କରିଛନ୍ତି ବାଲେଶ୍ୱର ଜିଲ୍ଲା ନୀଳଗିରିର ବ୍ଲକ ଚଣ୍ଡିପୁର ଗାଁର କୁସୁମ ମିଶ୍ର । ଯେଉଁଠି ରହିଛି ଏକ ହଜାର ୫୫ କିସମର ଦେଶୀ ବିହନ । ଆଜିର ଯୁଗରେ ଚାଷୀ ହାଇବ୍ରିଡ୍ ଚାଷ ପ୍ରତି ଆଗ୍ରହ ପ୍ରକାଶ କରୁଥିବାବେଳେ କୁସୁମଙ୍କ ଏପରି ପ୍ରୟାସକୁ ସବୁଆଡୁ ମିଳିଛି ପ୍ରଶଂସା ।

ଗୋଟିଏ ଧାନରୁ ବାହାରୁଛି ଦୁଇଟି ଚାଉଳ । ଜୈବିକ ପଦ୍ଧତିରେ ହସୁଛି ସୁନାର ଫସଲ । ବିନା ରସାୟନିକ ପଦ୍ଧତିରେ ହେଉଛି ଜୈବିକ ଖତ । ଟିକେ ଭଲ କରି ଦେଖନ୍ତୁ ଏହି ଦୃଶ୍ୟକୁ । ଧାଡି ଧାଡି ହୋଇ ହାଣ୍ଡିରେ ସାଇତା ହୋଇଛି ବିହନ । ସବୁ ହାଣ୍ଡିରେ ଲାଗିଛି ଟ୍ୟାଗ । ଇଏ ହେଉଛି ବାଲେଶ୍ୱର ଜିଲ୍ଲା ନୀଳଗିର ବ୍ଲକ ଚଣ୍ଡିପୁର ଗାଁର କୁସୁମ ମିଶ୍ରଙ୍କ ଓଡ଼ିଶା ସିଡ ସେଣ୍ଟ୍ରାଲ ବ୍ୟାଙ୍କ । ପେଶାରେ ଜଣେ ଆଇନଜୀବୀ ହୋଇଥିଲେ ବି ନିଜର ଚେଷ୍ଟାରେ ତିଆରି କରିଛନ୍ତି ଏହି ବିରଳ ବ୍ୟାଙ୍କ । ଯେଉଠି ସାଇତା ହୋଇ ରହିଛି ଏକ ହଜାର ୫୫ କିସମର ଦେଶୀ ବିହନ ।

ବିଲୁପ୍ତ ମୁଗେଇ, ପାଟ୍ଟିଣି, ଅଗ୍ନିଝାଲ, ଜଙ୍ଗଲି ଜଟ୍ଟା, କଳାବତି, ସାଠିଆ, ବାସ୍ନା, ଶୃଙ୍ଗ, ପେନ୍ଥା, ପଙ୍ଖ, କଳାଧାନ, କଳା ଚାଉଳ, ଭଳି ବିଭିନ୍ନ କିସମର ବିହନ ସଂଗ୍ରହ କରିଛନ୍ତି କୁସୁମ । ବାସ୍ନା ଧାନ ୮୯ ପ୍ରକାର, ଶୃଙ୍ଗ ଧାନ ୬୯, ପେନ୍ଥା ୬୦, ପଙ୍ଖ ଧାନ ୧୮, କଳା ଧାନ ୪, କଳା ଚାଉଳ ୩, ଲୁଣୀ ୧୫୯, ବନ୍ୟା ୭୧, ମରୁଡି ୧୦୫ ପ୍ରକାର ଦେଶୀ ଧାନକୁ ସଂଗ୍ରହ କରି ବ୍ୟାଙ୍କରେ ରଖାଯାଇଛି । ଏହାସହ ନିଜର ୪ ଏକର ଜମିରେ ଜୈବିକ ପଦ୍ଧତିରେ ଧାନ ଚାଷ କରିଛନ୍ତି ସେ । ପ୍ରାକୃତିକ ବିପର୍ଯ୍ୟୟ ସମୟରେ ଚାଷୀଙ୍କପାଖରେ ପହଞ୍ଚି ସହାୟତାର ହାତ ବଢାଇ ବିହନ ଯୋଗାଇ ଦିଅନ୍ତି

ପୁରୀ, କୋରାପୁଟ, ମୟୁରଭଞ୍ଜ, କେନ୍ଦ୍ରାପଡ଼ା, ଜିଲ୍ଲାରୁ ଦେଶୀ ବିହନ ସଂଗ୍ରହ କରାଯାଇଥାଏ । ୫ଶହରୁ ଅଧିକ ଚାଷୀ ଏହି ବ୍ୟାଙ୍କରୁ ବିହନ ନେଇ ଚାଷ କରୁଛନ୍ତି । ଜଣେ ଚାଷୀଙ୍କୁ ୨ଶହ ୫୦ ଗ୍ରାମରୁ ୧ କେଜି ପର୍ଯ୍ୟନ୍ତ ବିହନ ଯୋଗାଇ ଦିଆଯାଏ

T-20 WC: ଭାରତ-ପାକିସ୍ତାନ ମ୍ୟାଚ୍‌କୁ ଚାରିଆଡ଼ୁ ବିରୋଧ, ପାକିସ୍ତାନକୁ କଡ଼ା ଜବାବ ପାଇଁ ବନ୍ଦ ହେଉ ଏହି ମ୍ୟାଚ୍‌

ନୂଆଦିଲ୍ଲୀ: ଆରମ୍ଭ ହୋଇଛି ଟି-୨୦ ବିଶ୍ୱକପ୍‌ର ମହାସମର। ବିଶ୍ୱକଫ୍‌ ଟାଇଟଲକୁ ହାତେଇବା ପାଇଁ ସମସ୍ତ ଦଳ ପୁରା ପ୍ରସ୍ତୁତ। ଆସନ୍ତା ଅକ୍ଟୋବର ୨୪ ତାରିଖରେ ଖେଳାଯିବାକୁ ଯାଉଛି ଭାରତ-ପାକିସ୍ତାନ ମଧ୍ୟରେ ମ୍ୟାଚ୍‌। ଭାରତ ବିଶ୍ୱକପ୍‌ର ପ୍ରଥମ ମ୍ୟାଚ୍‌ ଚିର ପ୍ରତିଦ୍ୱନ୍ଦୀ ପାକିସ୍ତାନ ସହିତ ଖେଳିବାକୁ ଯାଉଛି। ତେବେ ଏହି ମ୍ୟାଚ୍‌ ପାକିସ୍ତାନ ସହ ଥିବାରୁ ଏହାକୁ ଚାରିଆଡ଼ୁ ବିରୋଧ କରାଯାଉଛି। ପାକିସ୍ତାନ ସହ ଏହି ମ୍ୟାଚ୍‌ ଭାରତ ନଖେଳୁ ବୋଲି ଚର୍ଚ୍ଚା ଯୋର ଧରିଛି। କାରଣ ପାକିସ୍ତାନ ବାରମ୍ବାର ଭାରତ ଉପରେ ଆକ୍ରଣ, ଆତଙ୍କବାଦୀଙ୍କ ସହ ପାକିସ୍ତାନର ସୁ ସମ୍ପର୍କ, ଚଳିତ ଦିନ କାଶ୍ମୀରରେ ଆତଙ୍କବାଦୀଙ୍କ ଆକ୍ରମଣ ପାଇଁ ଏଭଳି ବିରୋଧ ଏବେ ତୀବ୍ର ହେବାରେ ଲାଗିଛି।

ଏହି ମ୍ୟାଚ୍‌କୁ ନେଇ ପୁଣିଥରେ ବିଚାର କରାଯାଉ ବୋଲି ପ୍ରଥମେ କେନ୍ଦ୍ର ମନ୍ତ୍ରୀ ଗିରିରାଜ ସିଂ କହିଛନ୍ତି। ବର୍ତ୍ତମାନ ବିହାର ଉପମୁଖ୍ୟମନ୍ତ୍ରୀ ତାରକିଶୋର ପ୍ରସାଦ ମଧ୍ୟ ଏହା କହିଛନ୍ତି।

ତାରକିଶୋର ପ୍ରସାଦ କହିଛନ୍ତି ଯେ ଜାମ୍ମୁ କାଶ୍ମୀରରେ ଅନ୍ୟ ରାଜ୍ୟର ଲୋକଙ୍କୁ ହତ୍ୟା କରାଯାଉଛି, ଏହା ସାରା ବିଶ୍ୱ ପାଇଁ ସବୁଠାରୁ ବଡ଼ ଦୁଃଖଦାୟକ। ଭାରତରେ ଆତଙ୍କ ବୃଦ୍ଧି ପାଇଁ ପାକିସ୍ତାନ ଯେଉଁ କାମ କରୁଛି, ତାକୁ ବିରୋଧ କରି ଏହି ମ୍ୟାଚ୍‌ ବନ୍ଦ ହେବା ଉଚିତ୍। ପାକିସ୍ତାନକୁ କଡ଼ା ଜବାବ ଦେବା ପାଇଁ ଭାରତ ଏଭଳି ପଦକ୍ଷେପ ନେବା ଉଚିତ ବୋଲି ବିହାର ଡେପୁଟି ସିଏମ କହିଛନ୍ତି।

ଅକ୍ଟୋବର ୨୪ ରେ ଭାରତ ଏବଂ ପାକିସ୍ତାନ ଟି -୨୦ ବିଶ୍ୱକପରେ ମୁହାଁ ମୁହିଁ ହେବେ। ଦୀର୍ଘ ସମୟ ପରେ ଉଭୟ ଦଳ ମୁହାଁମୁହିଁ ହେଉଛନ୍ତି।

ଏହି ସମଗ୍ର ବିତର୍କ ଉପରେ କଂଗ୍ରେସ ନେତା ତଥା ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା ମଧ୍ୟ ଏକ ବିବୃତ୍ତି ଦେଇଛନ୍ତି। ରାଜୀବ ଶୁକ୍ଲା କହିଛନ୍ତି ଯେ ଜାମ୍ମୁ କାଶ୍ମୀରରେ ଯାହା କିଛି ଘଟିଛି, ତାହା ନିନ୍ଦନୀୟ। କିନ୍ତୁ ମ୍ୟାଚ୍ ଏହିପରି ବାତିଲ ହୋଇପାରିବ ନାହିଁ, ଏହା ଆଇସିସିର ଏକ ପ୍ରତିବଦ୍ଧତା।

ତେବେ ଏହି ମ୍ୟାଚ୍ ପୂର୍ବରୁ ଜାମ୍ମୁ କାଶ୍ମୀରରେ କିଛି ଘଟଣା ଘଟିଛି ଯେଉଁଠାରେ ସାଧାରଣ ଲୋକଙ୍କୁ ଆତଙ୍କବାଦୀମାନେ ଟାର୍ଗେଟ କରିଛନ୍ତି। ଆତଙ୍କବାଦୀଙ୍କ ଦ୍ୱାରା ବିହାରର କିଛି ନାଗରିକ ମଧ୍ୟ ଟାର୍ଗେଟ ହୋଇଛନ୍ତି। ଏହା ବ୍ୟତୀତ ଗତ କିଛି ଦିନ ମଧ୍ୟରେ ଆତଙ୍କବାଦୀଙ୍କ ସହ ହୋଇଥିବା ଏନକାଉଣ୍ଟରରେ ପ୍ରାୟ ୯ ଜଣ ଯବାନ ସହିଦ ହୋଇଛନ୍ତି।

ଏହି କାରଣରୁ ଭାରତ-ପାକିସ୍ତାନ ମ୍ୟାଚ୍ ବାତିଲ କରିବାକୁ ଚାରିଆଡ଼ୁ ଦାବି ହେଉଛି। କେନ୍ଦ୍ର ମନ୍ତ୍ରୀ ଗିରିରାଜ ସିଂ ମଧ୍ୟ କିଛିଦିନ ପୂର୍ବରୁ ଏକ ବିବୃତ୍ତି ଦେଇଛନ୍ତି ଯେ ଯଦି ସମ୍ପର୍କ ଭଲ ନଥାଏ ତେବେ ଏହାକୁ ବିଚାର କରାଯିବା ଉଚିତ। ଆତଙ୍କବାଦୀଙ୍କ ଦ୍ୱାରା ନିହତ ହୋଇଥିବା ବ୍ୟକ୍ତିଙ୍କ ପିତା ଗିରିରାଜ ସିଂଙ୍କ ପୂର୍ବରୁ ଭାରତ-ପାକିସ୍ତାନ ମ୍ୟାଚକୁ ବାତିଲ କରିବାକୁ ସରକାରଙ୍କୁ ଦାବି କରିଥିଲେ।