spot_img
Home Blog Page 5104

ପୋଲିସ ଚାକିରି ଦେବା ନାଁରେ ଦେଢ଼ କୋଟି ଟଙ୍କା ଠକିନେଲେ

ଭୁବନେଶ୍ୱର: ପୋଲିସ ଚାକିରି ଦେବା ନାଁରେ ଦେଢ଼ କୋଟି ଟଙ୍କା ଠକେଇ ଅଭିଯୋଗ ହୋଇଛି। ଅଭିଯୋଗ ପରେ ଦୁଇ ଜଣ ଠକକୁ ଗିରଫ କରିଛି କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା। ଗିରଫ ଦୁଇ ଅଭିଯୁକ୍ତ ହେଲେ ବୈକୁଣ୍ଠ ନାଥ ନାୟକ ଓ ଭୀମସେନ ମହାରଣା।

୩୮ ଜଣ ଆଶାୟୀଙ୍କ ଠାରୁ ପାଖାପାଖି ଦେଢ଼ କୋଟି ଟଙ୍କା ଠକି ନେଇଥିଲେ ଏହି ଦୁଇ ଠକ। ପୋଲିସ ବିଭାଗର ସିପିଏସି ପରୀକ୍ଷାରେ ଚାକିରି କରାଇ ଦେବା ନାଁରେ କରିଥିଲେ ଠକେଇ। ନିଜକୁ ଗୃହ ବିଭାଗର ସେକ୍ସନ ଅଫିସର କହି ଠକେଇ କରିଥିଲେ। ଗିରଫ ବେଳେ ୧୨ ଏଟିଏମ କାର୍ଡ଼, ଜାଲି ପରିଚୟ ପତ୍ର ଜବତ ହୋଇଛି।

ତେବେ ଅଭିଯୁକ୍ତ ମାନଙ୍କ ସମସ୍ତ ବ୍ୟାଙ୍କ ଆକାଉଣ୍ଟ ଫ୍ରିଜ କରିଛି କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା।

ଧଉଳି ଶାନ୍ତି ସ୍ତୁପର ସୁରକ୍ଷା ପାଇଁ ଚାଲିଛି ମକ୍‌ ଡ୍ରିଲ

ଭୁବନେଶ୍ୱର: ପ୍ରାଚୀନ ସ୍ମାରକୀର ସୁରକ୍ଷା ପାଇଁ ହେଉଛି ମକ୍‌ ଡ୍ରିଲ। ଧଉଳି ଶାନ୍ତି ସ୍ତୁପରେ ଏନଡିଆରଏଫ୍, ଓଡ୍ରାଫ ଏବଂ ଫାୟାର ସର୍ଭିସ ପକ୍ଷରୁ ମିଳିତ ଭାବେ ମକ୍ ଡ୍ରିଲ କରାଯାଉଛି। ବନ୍ୟା, ବାତ୍ୟା ଓ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ସମୟରେ କେମିତି ଧନଜୀବନ ରକ୍ଷା କରାଯାଇ ପାରିବ, ସେନେଇ କଳା ପ୍ରଦର୍ଶନ କରୁଛନ୍ତି ଯବାନ ।

ସୂଚନା ଅନୁଯାୟୀ, ଦେଶର ୭୫ଟି ସ୍ମାରକୀ ସ୍ଥଳରେ ଏହି ମକ୍ ଡ୍ରିଲ୍ ହେବ। ଏଥି ମଧ୍ୟରେ ଓଡ଼ିଶାର ୪ଟି ସ୍ମାରକୀ ସ୍ଥଳ ସ୍ଥାନ ପାଇଛି । ଖୋର୍ଦ୍ଧା ଜିଲ୍ଲାର ଖଣ୍ଡଗିରି ଏବଂ ଧଉଳିଗିରି ଥିବା ବେଳେ କଟକର ଲଳିତଗିରି ଏବଂ ନେତାଜୀଙ୍କ ଜନ୍ମସ୍ଥାନ ରହିଛି । ଆଜି ପ୍ରଥମ କରି ଧଉଳିରୁ ଏହି ଅଭିଯାନ ଆରମ୍ଭ ହୋଇଇଛି । `ଆଜାଦିର ଅମୃତ ମହୋତ୍ସବ’ ଉପଲକ୍ଷେ ଏହି ମକ୍ ଡ୍ରିଲ୍ କରାଯାଉଛି ।

ଅଣାୟତ୍ତ ଦିଲ୍ଲୀ ବାୟୁ ପ୍ରଦୂଷଣ; କିଛି କିଛି ସ୍ଥାନରେ AQI ୭୦୦ ପାର

ନୂଆଦିଲ୍ଲୀ: ଦିଲ୍ଲୀରେ ବାୟୁ ପ୍ରଦୂଷଣ ଅତି ଭୟଙ୍କର ସ୍ତରକୁ ଚାଲି ଯାଇଛି । ବାୟୁ ପ୍ରଦୂଷଣରେ ଅଣ ନିଶ୍ବାସୀ ହେଲାଣି ଦିଲ୍ଲୀ । ବାୟୁରେ ପ୍ରଦୂଷଣ ମାତ୍ରା ବଢୁଥିବା ବେଳେ ନିଶ୍ବାସ ନେବାରେ କଷ୍ଟ ଭୋଗୁଛନ୍ତି ରାଜଧାନୀବାସୀ । ସ୍ଥିତି ଏମିତି ହୋଇଛି କି ଦିଲ୍ଲୀ ବାୟୁ ଧୂମ୍ରପାନ କରୁଥିବା ବାୟୁଠାରୁ ମଧ୍ୟ ଆହୁରି ଭୟଙ୍କର । ଦୀପାବଳି ପରଠାରୁ ସ୍ଥିତି ଦିନକୁ ଦିନ ଦିଲ୍ଲୀରେ ବାୟୁ ପ୍ରଦୂଷଣ ଅଣାୟତ ହେବାରେ ଲାଗିଛି । ଦୀପାବଳିରେ ବାଣ ଫୁଟାଇବା ପାଇଁ କଟକଣା ଲଗାଇଥିଲେ ଦିଲ୍ଲୀ ସରକାର । କିନ୍ତୁ ଏହି ନିୟମକୁ ଅଣଦେଖା କରି ବାଣ ଫୁଟାଇଥିଲେ ଦିଲ୍ଲୀବାସୀ । ଯାହା ଫଳରେ ଦିଲ୍ଲୀରେ AQI ଅତ୍ୟନ୍ତ ଖରାପ ସ୍ତରକୁ ଚାଲି ଯାଇଛି । ରାଜଧାନୀ ଦିଲ୍ଲୀରେ ଆଉ ଥମିବାରେ ନାଁ ନେଉନାହିଁ । ତେବେ ଆଜି ଦିଲ୍ଲୀର କିଛି ଏରିଆରେ ଏୟାର କ୍ୱାଲିଟି ୭୦୦ରୁ ଅଧିକ ରେକର୍ଡ କରାଯାଇଛି । ତେବେ ହାରାହାରି ଯଦି ଦେଖିବା ତାହାଲେ ହାରାହାରି ଏୟାରକ୍ବାଲିଟି ୩୬୦ରେ ରହିଛି । ସିଷ୍ଟମ ଅଫ ଏୟାର କ୍ୱାଲିଟି ଆଣ୍ଡ ପାଣିପାଗ ପୂର୍ବାନୁମାନ ଦ୍ବାରା ଜାରି କରାଯାଇଥିବା ସୂଚନା ଅନୁସାରେ ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ ୩୬୦ରେ ରହିଛି । ଏହି ଏୟାର କ୍ୱାଲିଟି ବହୁତ ଖରାପ ଶ୍ରେଣୀରେ ଆସୁଛି ।

ଦିଲ୍ଲୀ ଏନସିଆରର ଗତ କିଛି ଦିନ ହେବ ବାୟୁ ପ୍ରଦୂଷଣ ପାଇଁ ଭିଜିବିଲିଟି ଉପରେ ଏହାର ପ୍ରଭାବ ପଡ଼ିଛି । ପବନରେ ଧୂଆଁର ମୋଟ ଚାଦର ଦେଖାଯାଉଛି । କୁତୁବ ମିନାର, ଲୋଟସ ଟାଓ୍ୱାର ଏବଂ ଅକ୍ଷରଧାମ ମନ୍ଦିରର ପାଖରେ କମ୍ ଭିଜିବିଲିଟି ରେକର୍ଡ କରାଯାଇଛି । ଏଥିସହ ବିଷାକ୍ତ ପବନ ପାଇଁ ସାଧାରଣ ଲୋକ ନିଶ୍ୱାସ ନେବାରେ ମଧ୍ୟ କଷ୍ଟ ଅନୁଭବ କରୁଛନ୍ତି । ଆଜି ଦିଲ୍ଲୀର AQI ୩୬୦ ରେକର୍ଡ କରାଯାଇଛି । କିନ୍ତୁ ଦିଲ୍ଲୀର ଏମିତି କିଛି ସ୍ଥାନ ଅଛି ଯେଉଁଠାରେ ବାୟୁର ଗୁଣବତ୍ତା ଅଧିକ ରେକର୍ଡ କରାଯାଇଛି । ଦିଲ୍ଲୀର ବଜୀରପୁର ଓ ଜାହାଙ୍ଗୀରପୁରରେ ଆଜି AQI ୭୦୦ରୁ ଅଧିକ ରେକର୍ଡ କରାଯାଇଛି ।

ସୂଚନାଯୋଗ୍ୟ, ବାୟୁ ମାନ ସୂଚକାଙ୍କ ବା ଏକ୍ୟୁଆଇ ଶୂନ୍ୟରୁ ୫୦ ଭିତରେ ରହିଲେ ‘ଉତ୍ତମ’, ୫୧ରୁ ୧୦୦ ଭିତରେ ରହିଲେ ‘ସନ୍ତୋଷଜନକ’, ୧୦୧ରୁ ୨୦୦ ଭିତରେ ରହିଲେ ‘ମଧ୍ୟମ’, ୨୦୧ରୁ ୩୦୦ ଭିତରେ ରହିଲେ ‘ଖରାପ’, ୩୦୧ରୁ ୪୦୦ ଭିତରେ ରହିଲେ ‘ଅତି ଖରାପ ଏବଂ ୪୦୧ରୁ ୫୦୦ ଭିତରେ ରହିଲେ ‘ଅତି ବିପଜ୍ଜନକ’ବୋଲି ବିବେଚନା କରାଯାଏ । ତେବେ ଆଜି ଦିଲ୍ଲୀରେ ବାୟୁର ଗୁଣବତ୍ତା ୩୬୦ ରେକର୍ଡ କରାଯାଇଛି

ମର୍ଣ୍ଣିଂଓ୍ବାକ୍ ସମୟରେ ଯୁବକଙ୍କୁ ଗୋଡ଼ାଇଲା ଦନ୍ତାହାତୀ

ଖୋର୍ଦ୍ଧା: ଖୋର୍ଦ୍ଧା ଭୁଷଣ୍ଡପୁର ଉଗ୍ରତାରା ଅଞ୍ଚଳରେ ହାତୀ ଆତଙ୍କ। ଖୋର୍ଦ୍ଧା ବନଖଣ୍ଡ ଅଞ୍ଚଳର ଚାଙ୍ଗୀ ରେଞ୍ଜରେ ଗତ କିଛି ଦିନଧରି ଜଙ୍ଗଲୀ ହାତୀ ପଲ ଆତଙ୍କ ମଚାଇଛନ୍ତି । ରାସ୍ତାରେ ବୁଲାବୁଲି କରିବା ସହ ଜନବସତି ଆଡ଼କୁ ହାତୀ ମୁହାଁଉଛନ୍ତି । ଯାହାକୁ ନେଇ ସ୍ଥାନୀୟ ଅଞ୍ଚଳର ଲୋକମାନେ ଏକପ୍ରକାର ଭୟଭୀତ।

ଆଜି ଏକ ଦନ୍ତାହାତୀ ମର୍ଣ୍ଣିଂଓ୍ବାକ୍ ସମୟରେ ଜଣେ ଯୁବକଙ୍କୁ ଗୋଡ଼ାଇବା ଦେଖି ଲୋକ ଆହୁରି ଆତଙ୍କିତ ହୋଇପଡ଼ିଛନ୍ତି । କିଛି ଯୁବକ ହାତୀକୁ ଘଉଡ଼ାଇବାକୁ ଉଦ୍ୟମ କରିଥିଲେ । ହେଲେ ହାତୀଟି ଜଙ୍ଗଲକୁ ଯିବା ପରିବର୍ତ୍ତେ ଯୁବକମାନଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିଲା । ପରେ ଏନେଇ ବନ ବିଭାଗ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ହାତୀକୁ ଘୋଉଡାଇଥିଲେ ।

କନ୍ନୁର ବେଙ୍ଗାଲୁରୁ ଏକ୍ସପ୍ରେସ୍ ଲାଇନଚ୍ୟୁତ, ଅଳ୍ପକେ ବର୍ତ୍ତିଲେ ଯାତ୍ରୀ

କନ୍ନୁର: କନ୍ନୁର-ବେଙ୍ଗାଲୁରୁ ଏକ୍ସପ୍ରେସ୍ ଶୁକ୍ରବାର ଭୋର୍ ୩ଟା ୩୦ମି. ସମୟରେ ଲାଇନଚ୍ୟୁତ ହୋଇଛି । ବେଙ୍ଗାଳୁରୁ ଡିଭିଜନର ଟୋପୁରୁ ଶିବାଡ଼ିରେ ହଠାତ୍ ପାହାଡ଼ ଧସିବାରୁ ଭୋର ସମୟରେ ଟ୍ରେନ୍ ଲାଇନଚ୍ୟୁତ ହୋଇଥିଲା। ଏବେ ସୁଦ୍ଧା ଟ୍ରେନ୍ ଲାଇନ୍ କଡ଼ରୁ ପଥର କଢାଯାଇନଥିବା ସୂଚନା ମିଳିଛି।

ଟ୍ରେନ୍‌ରେ ଥିବା ୨ହଜାର ୩୪୮ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ବେଳେ ଏହି ଅଘଟଣରେ କେହି ମୃତାହତ ହୋଇନଥିବା ଦକ୍ଷିଣ ପଶ୍ଚିମ ରେଳବାଇ ସୁତ୍ରରୁ ପ୍ରକାଶ।

ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ତଦନ୍ତ ଆରମ୍ଭ

ରାଉରକେଲା: ରାଉରକେଲା ସରକାରୀ ମେଡିକାଲରେ ଚିକିତ୍ସାରେ ଅବହେଳା ଓ ଭୁଲ ରକ୍ତ ଦେବାରୁ ରୋଗୀ ମୃତ୍ୟୁ ଅଭିଯୋଗର ତଦନ୍ତ ଆରମ୍ଭ ହୋଇଛି । ଆରଜିଏଚର ନିର୍ଦ୍ଦେଶକ, ଅଧୀକ୍ଷକ, ଉପ -ଅଧୀକ୍ଷକ, ମେଡିସିନ ସ୍ପେଶାଲିଷ୍ଟ ଓ ଅନ୍ୟ ଜଣେ ଡାକ୍ତର ମିଳିତ ଭାବେ ତଦନ୍ତ ଆରମ୍ଭ କରିଛନ୍ତି । ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି RGH ଅଧୀକ୍ଷକ ଜଗଦୀଶ ଚନ୍ଦ୍ର ବାରିକ କହିଛନ୍ତି।

ସୂଚନା ଅନୁସାରେ ଚିକିତ୍ସାଧୀନ ଅବସ୍ଥାରେ କୁତ୍ରା ବୁଢାକଟା ଗାଁର ୨୫ ବର୍ଷୀୟ ସରୋଜିନୀ କାକଙ୍କ ମୃତ୍ୟୁ ହୋଇଛି । ଏନେଇ ଡାକ୍ତରଖାନାରେ ଚାପା ଉତ୍ତେଜନା ଦେଖାଦେଇଛି । ଚିକିତ୍ସାରେ ଅବହେଳା ଓ ଭୁଲ ବ୍ଲଡଗ୍ରୁପ୍‌ ରକ୍ତ ଦେବାରୁ ମୃତ୍ୟୁ ହୋଇଥିବା ମୃତ ରୋଗୀଙ୍କ ସମ୍ପର୍କୀୟ ଅଭିଯୋଗ କରିଛନ୍ତି । ରଘୁନାଥପାଲି ଥାନାରେ ଅଭିଯୋଗ ହେବା ପରେ ମୃତଦେହ ମର୍ଗ ହାଉସରେ ରଖି ପୋଲିସ ପକ୍ଷରୁ ତଦନ୍ତ ଜାରି ରହିଛି ।

ଜମ୍ମୁ-କାଶ୍ମୀରରେ ଏନକାଉଣ୍ଟର, ୨ ଆତଙ୍କବାଦୀ ନିପାତ

ଶ୍ରୀନଗର: ଜମ୍ମୁ କାଶ୍ମୀରର ଦଇଟି ଭିନ୍ନ ଭିନ୍ନ ସ୍ଥାନରେ ଏନକାଉଣ୍ଟର ହୋଇଛି। ଯବାନଙ୍କ ଗୁଳିଲେ ୨ ହିଜବୁଲ ମୁଜାହିଦିନ ଆତଙ୍କବାଦୀ ନିପାତ ହୋଇଛନ୍ତି। ଦୁଇଟି ଏନକାଉଣ୍ଟର ଶ୍ରୀନଗର ଓ କୁଲଗାମ ଅଞ୍ଚଳରେ ହୋଇଥିବା ନେଇ ସୋମବାର ଦିନ ପୋଲିସ ପକ୍ଷରୁ ସୂଚନା ମିଳିଛି ।

ବିଶ୍ୱସ୍ତ ସୁତ୍ରରୁ ଖବର ପାଇ ପୋଲିସ ଓ ସ୍ଥାନୀୟ ସେନାଧିକାରୀ ମାନେ ମିଳିତ ଭାବେ ଚଢାଉ କରିଥିଲେ । ଏହି ସମୟରେ ଆତଙ୍କବାଦୀ ମାନେ ଅଚାନକ ସେମାନଙ୍କ ଉପରେ ଗୁଳି ଚାଳନା କରିଥିଲେ । ପ୍ରତି ଯବାବରେ ସେନା ପକ୍ଷରୁ ଗୁଳି ଚାଳନା କରାଯାଇଥିଲା, ଯେଉଁଥିରେ ଦୁଇ ଆତଙ୍କବାଦୀଙ୍କର ମୃତ୍ୟୁ ହୋଇଥିଲା ।  ନିହତ ହୋଇଥିବା ଏହି ଦୁଇ ଆତଙ୍କବାଦୀ ହେଲେ ଶିରାଜ୍ ମୋଲବି ଓ ୟାୱାର ଭଟ୍ଟ। ଶିରାଜ୍ ୨୦୧୬ରୁ ଆକ୍ଟିଭ ଥିବା ବେଳେ ନିରିହ ଯୁବକଙ୍କୁ ମାରିବାରେ ତାର ସମ୍ପୃକ୍ତି ରହିଥିଲା। ସେପଟେ ଶ୍ରୀନଗରରେ ଏବେବି ଜାରି ରହିଛି କମ୍ବିଂ ଅପରେସନ ।

 

ବାଦଶାହାଙ୍କ ନାମରେ ଚାର୍ଜସିଟ୍; ୭୨ ଲକ୍ଷ ଫେକ୍ ଭିଉଜ୍ ପାଇଁ ୭୪ ଲକ୍ଷ ଟଙ୍କା

ମୁମ୍ବାଇ: ବଢିଲା ବାଦଶାହାଙ୍କ ଅଡ଼ୁଆ । ମୁମ୍ବାଇ ପୋଲିସର କ୍ରାଇମବ୍ରାଞ୍ଚ ରାପର ବାଦଶାହାଙ୍କ ବିରୋଧରେ ଦାଖଲ କରିଛି ୪୪୬ ପୃଷ୍ଠାର ଚାର୍ଜସିଟ । ଜାଲ୍ ଦର୍ଶକ ବା ଫେକ୍ ଭିଉଜ ମାମଲାରେ କିଛି ଗୁରୁତ୍ବପୂର୍ଣ୍ଣ ଦିଗ ସାଉଁଟିଛି କ୍ରାଇମବ୍ରାଞ୍ଚ । ଏକ ଭିଡିଓର ଲୋକପ୍ରିୟତା ବଢାଇବା ସହ ୭୨ ଲକ୍ଷ ଫେକ୍ ଭିଉଜ୍ ଲାଗି ଆଦିତ୍ୟ ପ୍ରତୀକ ସିଂ ଓରଫ ବାଦଶାହା ପ୍ରଦାନ କରିଥିଲେ ୭୪ ଲକ୍ଷ ଟଙ୍କା । ଏହି ମାମଲାର ୫ ଅଭିଯୁକ୍ତ, ୩୬ ଜଣ ସାକ୍ଷୀଙ୍କୁ ଜେରା ପରେ ଏହି ଚାର୍ଜସିଟ ଦାଖଲ କରାଯାଇଛି ।

ଏହି ମାମଲାରେ ୫ ଅଭିଯୁକ୍ତଙ୍କ ମଧ୍ୟରୁ ୪ ଜଣ ଗିରଫ ହୋଇଥିବା ବେଳେ, ବାଦଶାହା ଓ କୋଏନା ମିତ୍ର ସାକ୍ଷୀ ଭାବେ ରହିଛନ୍ତି । ଜଣେ ଅଭିଯୁକ୍ତ କ୍ରାଇମବ୍ରାଞ୍ଚ ନିକଟରେ କହିଛନ୍ତି ସେ ଏହି ଗୀତର ଭିଉଜ୍ ବଢାଇବା ଲାଗି ୭ରୁ ୮ ଜଣ ଫଲୋର୍ସଙ୍କୁ ନିୟୋଜିତ କରିଥିଲେ । ଅନ୍ୟ ଜଣେ ଅଭିଯୁକ୍ତ ତଥା ବୈଷୟିକ ସହଯୋଗୀ ବୟାନ ଦେଇଥିଲେ ଯେ, ଏହି ଘଟଣାରେ କିଛି ସେଲିବ୍ରେଟି ସମ୍ପୃକ୍ତ ଥିଲେ ମଧ୍ୟ ସେମାନଙ୍କ ବିରୋଧରେ ପଦକ୍ଷେପ ନିଆଯାଉନାହିଁ । ବାଦଶାହାଙ୍କ ଲାଗି କାମ କରିଥିବା କମ୍ପାନୀର ସିଏଫଓ କହିଛନ୍ତି, ଭିଡିଓର ଭିଉଜ ବଢାଇବା ଲାଗି ତାଙ୍କୁ ବାଦଶାହା ୭୪ ଲକ୍ଷ ୨୬ ହଜାର ୩୭୦ଟଙ୍କା ପ୍ରଦାନ କରିଥିଲେ । ଏକ ଜାଲ୍ ଆଇଡି ଜରିଆରେ ଇନଷ୍ଟାଗ୍ରାମରେ ଲୋକଙ୍କ ସହ ଯୋଗସୂତ୍ର ରକ୍ଷା କରୁଛନ୍ତି ବୋଲି ଗୀତର ଗାୟିକା ଭୂମି ତ୍ରିବେଦୀ ମୁମ୍ବାଇ ପୋଲିସ ନିକଟରେ ଅଭିଯୋଗ କରିବା ପରେ ଏହାର ପର୍ଦ୍ଦାଫାସ୍ ହୋଇଥିଲା । ଜେରା ବେଳେ ଖୋଦ୍ ବାଦଶାହା ସ୍ୱୀକାର କରିଥିଲେ ଯେ, ତାଙ୍କର ଏହି ଭିଡିଓ ବିଶ୍ୱ ରେକର୍ଡ ସୃଷ୍ଟି କରିବା ଲାଗି ସେ ଫେକ୍ ଭିଉଜ କ୍ରୟ କରୁଥିଲେ ।

ଭାରତରେ ଖୁବ୍ ଶୀଘ୍ର ମିଳିବ ମୋଲନୁପିରାଭିର ବଟିକା

ନୂଆଦିଲ୍ଲୀ: ଭାରତରେ ଖୁବ୍ ଶୀଘ୍ର ଉପଲବ୍ଧ ହେବ ମର୍କ କମ୍ପାନୀର ମୋଲନୁପିରାଭିର ବଟିକା। ଏନେଇ ସୂଚନା ଦେଇଛନ୍ତି ବିଜ୍ଞାନ ଓ ଶିଳ୍ପ ଗବେଷଣା ପରିଷଦ ବା ସିଏସଆଇଆରର ମୁଖ୍ୟ ଡାକ୍ତର ରାମ ବିଶ୍ବକର୍ମା। ଗେମ ଚେଞ୍ଜର ଭାବେ ସାବ୍ୟସ୍ତ ହେବାକୁ ଯାଇଥିବା ଏହି ଟାବଲେଟ ଭାରତର ୮ଟି ଔଷଧ ନିର୍ମାତା କମ୍ପୀନୀ ସହ ସ୍ବେଚ୍ଛାକୃତ ଲାଇସେନ୍ସିଂ ରାଜିନାମା ସ୍ବାକ୍ଷର କରିଛି।

ସେହି କମ୍ପାନୀଗୁଡିକ ମଧ୍ୟରେ ସିପଲା, ଡକ୍ଟର ରେଡିସ ଲାବରେଟୋରିସ, ସନ ଫାର୍ମା, ହେଟେରୋ, ଅରବିନ୍ଦ ଫାର୍ମା ଓ ଅନ୍ୟ କିଛି କମ୍ପାନୀ। ଏହି କମ୍ପାନୀଗୁଡିକ କିଛି ଦିନ ଧରି କ୍ଲିନିକାଲ ଟ୍ରାଏଲର ଶେଷ ପର୍ଯ୍ୟାୟ ସାରିବା ସହ ଏହି ରିପୋର୍ଟ ଦାଖଲ କରିଛନ୍ତି। ସେ କହିଛନ୍ତି ଭାରତରେ ମୋଲନୁପିରାଭିର ବଟିକା ତିଆରି କରିବା ଲାଗି ସମସ୍ତ କ୍ଷେତ୍ର ପ୍ରସ୍ତୁତ ହେବା ସହ ବୈଷୟିକ ସହଭାଗିତା ହୋଇଛି। ବିଭିନ୍ନ କମ୍ପାନୀ ପକ୍ଷରୁ କରାଯାଇଥିବା କ୍ଲିନିକାଲ ଟ୍ରାଏଲ ରିପୋର୍ଟ ଡ୍ରଗ୍ସ କଣ୍ଟ୍ରୋଲର ଜେନରାଲ ବା ଡିସିଜିଆଇଙ୍କ ନିକଟରେ ଦାଖଲ କରାଯାଇଛି।

ଏହି ବଟିକାକୁ ପ୍ରଥମେ ବ୍ରିଟେନ ନିଜ ଦେଶରେ ଅନୁମତି ଦେଇସାରିଛି। ଖୁବ୍ ଶୀଘ୍ର ଭାରତରେ ବି ଏହି ଟାବଲେଟ ଉପଲବ୍ଧ ହେବ। ପ୍ରାୟ ୭୦୦ ଲୋକଙ୍କ କ୍ଷେତ୍ରରେ ଏହା ଟ୍ରାଏଲ କରାଯାଇଛି ଏବଂ ସଫଳତା ପରିଲକ୍ଷିତ ହୋଇଛି। ଏସମସ୍ତ ରିପୋର୍ଟକୁ ଡିସିଜିଆଇ ବିଚାରକୁ ନେବା ସହ ଅନୁମତି ଦେବାର ସମ୍ଭାବନା ରହିଛି ବୋଲି ସେ କହିଛନ୍ତି। ଭାରତରେ ଏହି ଔଷଧ ତିଆରି ଲାଗି ଭାରତୀୟ ସମନ୍ବିତ ଔଷଧ ପ୍ରତିଷ୍ଠାନ ବା ଆଇଆଇଆଇଏମ ସହ ସିଏସଆଇଆର କାର୍ଯ୍ୟ କରୁଛି । ଭାରତରେ ୧୫ରୁ ୨୦ଟି ଟାବଲେଟର ଦାମ ୫୦୦ରୁ ୧ ହଜାର ଟଙ୍କା ପଡିପାରେ ବୋଲି ସେ ସୂଚନା ଦେଇଛନ୍ତି।

ଦୁଇ ଚକିଆ ଯାନରେ ମିଳିବ ଏୟାରବ୍ୟାଗ; କେଉଁ ଦୁଇ କମ୍ପାନୀ ତିଆରି କରୁଛି ଏୟାରବ୍ୟାଗ ଜାଣନ୍ତୁ…

ନୂଆଦିଲ୍ଲୀ: ବିଶ୍ୱରେ ପ୍ରତି ବର୍ଷ ସଡ଼କ ଦୁର୍ଘଟଣାରେ ଲକ୍ଷ ଲକ୍ଷ ଲୋକ ମୃତ୍ୟୁ ବରଣ କରୁଛନ୍ତି । ତେବେ ଯେବେଠାରୁ କାରରେ ଏୟାରବ୍ୟାଗର ସୁବିଧା ମିଳିଛି ସେବେଠାରୁ ଦୁର୍ଘଟଣାରେ ମୃତ୍ୟୁ ସଂଖ୍ୟା କିଛି ପରିମାଣରେ କମିଛି । ଏବେ ବହୁତ ଦୁର୍ଘଟଣାରେ ବାଇକ ଚାଳକ ମୃତ୍ୟୁ ବରଣ କରୁଛନ୍ତି । ତେବେ ଦୁର୍ଘଟଣାରୁ କିପରି ବାଇକ୍ ଚାଳକଙ୍କୁ ବଞ୍ଚାଇପାରିବ ସେନେଇ କିଛି ଅଟୋମୋବାଇଲ କମ୍ପାନୀ ଲଗାତର ଭାବରେ କାମ କରୁଛି । ଆଉ ଏବେ ଦୁଇ ଚକିଆ ଯାନରେ ଏୟାର ବ୍ୟାଗ ଦିଆଯିବା ପାଇଁ ଆଲୋଚନା ଚାଲିଛି । ଏହା ଯଦି ସଫଳ ହୁଏ ତେବେ କାର ପରି ବାଇକ ଓ ସ୍କୁଟରରେ ମଧ୍ୟ ଆପଣ ଏୟାର ବ୍ୟାଗର ସୁବିଧା ପାଇପାରିବେ ।

ବାଇକ ଓ ସ୍କୁଟରରେ ଏୟାରବ୍ୟାଗ ଆଣିବା ପାଇଁ ଏବେ Piaggio ଅଟୋମୋବାଇଲ କମ୍ପାନୀ କାମ କରୁଛି । ଦୁଇ ଚକିଆ ଯାନରେ ଏୟାରବ୍ୟାଗ ଦେବା ପାଇଁ ସ୍ୱଂୟ ଚାଳିତ ସୁରକ୍ଷା ବ୍ୟବସ୍ଥା କମ୍ପାନୀ ଅଟୋଲିଭ୍ ସହ ଚୁକ୍ତି କରିଛି । ଯାହା ପରେ ଦୁଇ ଚକିଆ ଯାନରେ ଏୟାରବ୍ୟାଗ ପାଇଁ ଏହି ଦୁଇ କମ୍ପାନୀ ଏକାଠି କାମ କରୁଛନ୍ତି ବୋଲି କୁହାଯାଉଛି । ଏକ ମିଡିଆ ରିପୋର୍ଟ ଅନୁଯାୟୀ ଅଟୋଲିମ୍ କମ୍ପାନୀ ଆଡଭାନ୍ସ ସିମୁଲସେନ ଟୁଲ ସହିତ ଏୟାରବ୍ୟାଗର ପ୍ରାରମ୍ଭିକ କାମ କରୁଛି । ଯାହାର କ୍ରାଶ୍ ଟେଷ୍ଟ ବି ସରିଛି । ତେବେ ଏହି ଏୟାରବ୍ୟାଗ ଅଟୋଲିଭ୍ କମ୍ପାନୀ ଆସିବା ପରେ ଏହି ଏୟାରବ୍ୟାଗକୁ ଭଲ ଭାବରେ ତିଆରି କରାଯିବ । ଖବର ଅନୁସାରେ ଏହି ଏୟାରବ୍ୟାଗ ଦୁଇ ଚକିଆ ଯାନର ଫ୍ରେମ ଉପରେ ଲାଗିବ । ତେବେ ଦୁର୍ଘଟଣା ହେବାର ଆଖି ପିଛୁଳାକେ ଏହି ଏୟାରବ୍ୟାଗ ଖୋଲି ଯିବ । ଯେପରି ଭାବରେ ଚଚାରି ଚକିଆ ଯାନରେ ଏୟାରବ୍ୟାଗ ଖୋଲି ଯାଏ ସେହିପରି ଦୁଇ ଚକିଆ ଯାନରେ ବି ଏୟାରବ୍ୟାଗ ଖୋଲିଯିବ । ଯାହାଫଳରେ ଦୁର୍ଘଟଣାରେ ଲୋକଙ୍କ ମୃତ୍ୟୁ ସଂଖ୍ୟା କମିଯିବ ।

ଅଟେଲିଭର ସିଇଓ ତଥା ଅଧ୍ୟକ୍ଷ୍ୟ ମାଇକେଲ ବ୍ରାଟ କହିଛନ୍ତି କି ଅଟୋଲିଭ୍ ଅଧିକ ଜୀବନ ବଞ୍ଚାଇବା ଓ ବିଶ୍ବସ୍ତରୀୟ ଜୀବନ ରକ୍ଷକ ପାଇଁ ପ୍ରତିଶୃତିବଦ୍ଧ । ଦୁଇ ଚକିଆ ଯାନର ଚାଳକଙ୍କ ସୁରକ୍ଷା ପାଇଁ ଆମେ ଏହି ପ୍ରୋଜେକ୍ଟକୁ ଡେଭଲପ୍ କରିଛୁ । ଯାହା ଚାଳକଙ୍କୁ ଅଧିକ ସୁରକ୍ଷା ଦେବ । ୨୦୩୦ ସୁଦ୍ଧା ପ୍ରତି ବର୍ଷ ଏକ ଲକ୍ଷ ଲୋକଙ୍କ ଜୀବନ ରକ୍ଷା କରିବା ପାଇଁ ଦୁଇ ଚକିଆ ଯାନରେ ଏୟାରବ୍ୟାଗ ତିଆରି କରାଯିବ ।