spot_img
Home Blog Page 5073

ଦୁଇ ଘଣ୍ଟା ଅଧିକ କରିପାରିବେ ଶ୍ରୀଜିଉଙ୍କ ଦର୍ଶନ

ପୁରୀ: ଆଜି ପଞ୍ଚୁକର ଚତୁର୍ଥ ଦିନ । ମହାକାର୍ତ୍ତିକ ମାସର ଶୁକ୍ଳପକ୍ଷ ବୈକୁଣ୍ଠ ଚତୁର୍ଦ୍ଦଶୀ ତିଥି | ଏହି ଅବସରରେ ଆଜି ଶ୍ରୀବିଗ୍ରହଙ୍କୁ ଡାଳିକିଆ ବା ଲକ୍ଷ୍ମୀନୃସିଂହ ବେଶରେ ଦର୍ଶନ ଦେବେ ତିନି ଠାକୁର ।  ଶ୍ରୀଜୀଉଙ୍କର ଅବକାଶ ନୀତି ସମ୍ପର୍ଣ ହେବା ପରେ ଏହି ବେଶ ଆରମ୍ଭ ହୋଇଥାଏ । ସୋଲ ଓ ଜରିରେ ଡାଳି କରାଯାଇ ସେଥିରେ ପର୍ଯ୍ୟାପ୍ତ ସଂଖ୍ୟକ ରଙ୍ଗବେରଙ୍ଗର ଫୁଲ ସବୁକୁ ଶ୍ରୀମସ୍ତକରେ ଲଗାଯାଏ । ଏହି ଡାଳ ମଝି ମଝିରେ ଠିଆ ପାଖୁଡ଼ା ଆକୃତିର ସ୍ୱର୍ଣ୍ଣକିଆ ଖଞ୍ଜାଯାଇଥାଏ । ତେଣୁ ଏହାକୁ ଡାଳିକିଆ ବେଶ କୁହାଯାଏ ।

ସକାଳଧୂପ ନୀତି ସମ୍ପର୍ଣ ପର୍ଯ୍ୟନ୍ତ ଏହି ବେଶ ରହିଥାଏ । ଅନ୍ୟପଟେ ପ୍ରବଳ ଭକ୍ତଙ୍କ ସମାଗମକୁ ଲକ୍ଷ କରି ଶ୍ରୀମନ୍ଦିର ପ୍ରଶାସନ ପକ୍ଷରୁ ଦର୍ଶନ ବ୍ୟବସ୍ଥାରେ ଦୁଇ ଘଣ୍ଟା ବୃଦ୍ଧି କରାଯାଇଛି । ପୂର୍ବରୁ ସକାଳ ୭ରୁ ରାତି ୯ଟା ପର୍ଯ୍ୟନ୍ତ ଦର୍ଶନ ବ୍ୟବସ୍ଥା ଥିବା ବେଳେ ତାହାକୁ ବୃଦ୍ଧି କରାଯାଇ ରାତି ୧୧ଟା ପର୍ଯ୍ୟନ୍ତ କରାଯାଇଛି । ଭକ୍ତ ମହାପ୍ରଭୁଙ୍କ ଦର୍ଶନରୁ କିଭଳି ବଞ୍ଚିତ ନହୁଅନ୍ତୁ ସେନେଇ ଏହି ନିଷ୍ପତି ନିଆଯାଇଛି । ତେବେ ଏସଓପି ଅନୁଯାୟୀ ଆସନ୍ତାକାଲି କାର୍ତ୍ତିକ ପୂର୍ଣମୀ ଅବସରରେ ଶ୍ରୀମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ ରଖାଯିବ ।

ଆଇସିସି ଅଣ୍ଡର-୧୯ ବିଶ୍ବକପର ତାରିଖ ଘୋଷଣା; ୧୫ଜାନୁଆରୀରେ ଦକ୍ଷିଣ ଆଫ୍ରିକାକୁ ଭେଟିବ ଟିମ୍ ଇଣ୍ଡିଆ

ନୂଆଦିଲ୍ଲୀ: ଟି-୨୦ ବିଶ୍ବକପରେ ପରେ ଜାନୁଆରୀ ମାସରେ ହେବାକୁ ଯାଉଛି ଆଉ ଏକ ଆଇସିସି ଇଭେଣ୍ଟ । ଜାନୁଆରୀରେ ହେବାକୁ ଥିବା ଆଇସିସି ଅଣ୍ଡର-୧୯ ବିଶ୍ବକପର ତାରିଖ ଘୋଷଣା କରିଛି ଆଇସିସି । ୨୦୨୨ରେ ଓ୍ବେଷ୍ଟଇଣ୍ଡିଜରେ ଖେଳାଯିବ ଅଣ୍ଡର-୧୯ ବିଶ୍ବକପ । ଅଣ୍ଡର-୧୯ ବିଶ୍ବକପରେ ଭାରତ ଗ୍ରୁ-ବିରେ ରହିଛି । ଏହି ଗ୍ରୁପରେ ଭାରତ ସହିତ ଦକ୍ଷିଣ ଆଫ୍ରିକା, ଆର୍ୟଲାଣ୍ଡ ଏବଂ ନୂଆ କରି ପଦାର୍ପଣ କରିଥିବା ଉଗାଣ୍ଡା ରହିଛି । ଟିମ୍ ଇଣ୍ଡିଆର ଗ୍ରୁପ ମ୍ୟାଚ ଜାନୁଆରୀରୁ ଆରମ୍ଭ ହେବ । ୧୫ ଜାନୁଆରୀରେ ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକାକୁ ଭେଟିବ । ସେହିପରି ଦ୍ବିତୀୟ ମ୍ୟାଚ ୧୯ ଜାନୁଆରୀରେ ଆର୍ୟଲାଣ୍ଡ ସହ ହେଉଥିବା ବେଳେ ଶେଷ ଗ୍ରୁପ୍ ମ୍ୟାଚ ୨୨ ଜାନୁଆରୀରେ ଉଗାଣ୍ଡା ସହ ଖେଳିବ ।

ଓ୍ବେଷ୍ଟଇଣ୍ଡିଜରେ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ୧୬ ଟିମ୍ ଭାଗ ନେବେ ଏବଂ ମୋଟ ୪୮ ମ୍ୟାଚ ଖେଳାଯିବ । ଗତ ସଂସ୍କରଣର ଚମ୍ପିଆନ ବାଂଲାଦେଶ, ଇଂଲଣ୍ଡ, କାନାଡା ଏବଂ ୟୁଏଇ ଗ୍ରୁପ-ଏରେ ସ୍ଥାନ ପାଇଛନ୍ତି । ଗ୍ରୁପ୍-ସିରେ ପାକିସ୍ତାନ, ଆଫଗାନିସ୍ତାନ, ଜିମ୍ବାଓ୍ବେ ଏବଂ ପପୁଆ ନ୍ୟୁ ଗିନି ସ୍ଥାନ ପାଇଛନ୍ତି । ସେହିପରି ଭାବରେ ଗ୍ରୁପ୍-ଡିରେ ଓ୍ବେଷ୍ଟଇଣ୍ଡିଜ୍, ଅଷ୍ଟ୍ରେଲିଆ,ଶ୍ରୀଲାଙ୍କ ଓ ସ୍କଟଲାଣ୍ଡ ଏହି ଗ୍ରୁପରେ ସ୍ଥାନ ପାଇଛନ୍ତି । ତେବେ କ୍ବାରେଣ୍ଟାଇନ କାରଣରୁ ନ୍ୟୁଜିଲାଣ୍ଡ ଏହି ଟୁର୍ଣ୍ଣାମେଣ୍ଟରୁ ଓହରି ଯାଇଛି । ଅନ୍ୟପକ୍ଷରେ ଆୟୋଜନ କରୁଥିବା ଚାରି ଦେଶ ଆଣ୍ଟିଗୁଆ & ବାରବୁଡା, ଗୁଆନା, ସେଣ୍ଟ କିଟ୍ସ ଆଣ୍ଡ ନେଭିସ୍ ଓ ଟ୍ରିନିଦାଦ୍ ଆଣ୍ଡ ଟବାଗୋ ଏହି ଟୁର୍ଣ୍ଣାମେଣ୍ଟରେ ଖେଳିବେ ।

ପ୍ରତ୍ୟେକ ଗ୍ରୁପ୍ରୁ ଦୁଇଟି ଟିମ୍ ସୁପର ଲିଗ୍ ପାଇଁ ଯିବେ । ଯେତେବେଳେ କି ଅନ୍ୟ ଟିମ୍ ପ୍ଲେଟ୍ ବର୍ଗରେ ଖେଳିବେ । ଏହି ଟୁର୍ଣ୍ଣାମେଣ୍ଟରେ ସେମିଫାଇନାଲ ୨ ଫେବୃଆରୀ ଖେଳାଯିବ ସେହିପରି ଭାବରେ ଫାଇନାଲ ୫ ଫେବୃଆରୀ ଭିଭିଆନ ରିଚାର୍ଡ କ୍ରିକେଟ ଗ୍ରାଉଣ୍ଡରେ ଖେଳାଯିବ ।

 

୧୫୮ଟି ରୂପାନ୍ତରିତ ହାଇସ୍କୁଲର ଲୋକାର୍ପିତ କରିବେ ମୁଖ୍ୟମନ୍ତ୍ରୀ

ଭୁବେନଶ୍ବର: ବଦଳୁଛି ସରକାରୀ ସ୍କୁଲର ଚିତ୍ର । ୫ଟି ସଂସ୍କାରରେ ସ୍କୁଲ ଟ୍ରାନ୍ସଫର୍ମେସନରେ ମିଳୁଛି ନୂଆ ଭିତ୍ତିଭୂମି । ଘରୋଇ ସ୍କୁଲ ଭଳି ହାଇ-ଟେକ୍ନୋଲୋଜି, କାଠ ବେଞ୍ଚ ଟେବୁଲ ବଦଳରେ ନୂଆ ଡେସ୍କ ବେଞ୍ଚ, ଲାଇଟ ଓ ଫ୍ୟାନର ମିଳୁଛି ସୁବିଧା । ଆଜି ୧୫୮ଟି ରୂପାନ୍ତରିତ ହାଇସ୍କୁଲର ଲୋକାର୍ପିତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେସିଂରେ ମୁଖ୍ୟମନ୍ତ୍ରୀ ଉପସ୍ଥିତ ରହି ଲୋକାର୍ପିତ କରିବେ ।

ମାଲକାନଗିରିର ୬ଟି ହାଇସ୍କୁଲ, ଝାରସୁଗୁଡ଼ାର ୨୫, କଳାହାଣ୍ଡିର ୨୬, ମୟୂରଭଞ୍ଜର ୬୦ ଓ ଖୋର୍ଦ୍ଧାର ୩୮ଟି ହାଇସ୍କୁଲ ଲୋକାର୍ପିତ କରାଯିବ । ସ୍ମାର୍ଟ କ୍ଲାସ ସାଙ୍ଗକୁ ଇ-ଲାଇବ୍ରେରୀ, ସାଇନ୍ସ ଲ୍ୟାଵ, କମ୍ପ୍ୟୁଟର ଲାଵ, ସ୍ପୋର୍ଟସ କମ୍ପଲେକ୍ସ ଓ ଅତ୍ୟାଧୁନିକ ଶୌଚାଳୟ ସାଙ୍ଗକୁ ପାନୀୟ ଜଳ ବ୍ୟବସ୍ଥା ରହିଛି ସ୍କୁଲ ପରସରରେ ।

ସରକାରଙ୍କ ଏହି ବୈପ୍ଲବିକ ଯୋଜନା ଛାତ୍ରଛାତ୍ରୀଙ୍କ ପାଇଁ ନୂଆ ସମ୍ଭାବନା ସୃଷ୍ଟି କରିବ । ଯାହାକୁ ନେଇ ବେଶ ଖୁସି ପ୍ରକାଶ କରିଛନ୍ତି ଛାତ୍ରଛାତ୍ରୀ । ସାରା ରାଜ୍ୟରେ ପ୍ରଥମ ପର୍ଯ୍ୟାୟରେ ମୋଟ ୧୦୭୦ ସ୍କୁଲ ଟ୍ରାନ୍ସଫରମେସନ କରିବାକୁ ଯୋଜନା ରହିଛି ।

ସ୍ମାର୍ଟ ହେବ କେନ୍ଦୁଝର, ସ୍ମାର୍ଟ ହେବ ସ୍ବାସ୍ଥ୍ୟସେବା

କେନ୍ଦୁଝର: ବଦଳୁଛି କେନ୍ଦୁଝର, ସ୍ମାର୍ଟ ହେଉଛି ସ୍ବାସ୍ଥ୍ୟସେବା । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ ହେଲଥ କାର୍ଡ ଯୋଜନାରେ ସାମିଲ ହେବ କେନ୍ଦୁଝର । ଆଜି ଭିଡିଓ କନଫରେନସିଂରେ କେନ୍ଦୁଝର ଜିଲ୍ଲାରେ ବିଏସକେଓ୍ବାଇ ସ୍ମାର୍ଟକାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଜିଲ୍ଲାରେ ମୋଟ ୪ ଲକ୍ଷ ୧୯ ହଜାର ୭୮୭ ଜଣ ହିତାଧିକାରୀ ଉପକୃତ ହେବେ । ଏହାସହ ୨୧୮ କୋଟି ଟଙ୍କାର ୬୩ଟି ନବ ନିର୍ମିତ ରାସ୍ତା ଓ ୫୦ କୋଟି ଟଙ୍କାର ୧୦ଟି ପୋଲ ଉଦଘାଟନ କରାଯିବ । ୫୬ କୋଟିରୁ ଊର୍ଦ୍ଧ୍ବ ଟଙ୍କାର ୫୬ଟି ସ୍ବାସ୍ଥ୍ୟ ଯୋଜାନାରେ ଉନ୍ନତିକରଣ ଯୋଜନାର ଶୁଭାରମ୍ଭ କରାଯିବ ।  ମିଶନ୍ ସୁବିଦ୍ୟାରେ  ୨ କୋଟି ୪୮ ଲକ୍ଷ ଟଙ୍କା ବ୍ୟୟରେ ଏସଏସଡି ହଷ୍ଟେଲ୍ ଉନ୍ନତିକରଣ କରାଯାଇଛି । ଏସବୁକୁ ଆଇଏସଓ ମାନ୍ୟତା ମିଳିଛି । ୬୫ ଲକ୍ଷ ଟଙ୍କା ବ୍ୟୟରେ ବଡବିଲରେ ଏକ ଲାଇବ୍ରେରୀର ଉଦଘାଟନ ହେବ । ୮୩ଟି ବହୁଭାଷୀ ସ୍କୁଲମାନଙ୍କୁ ଏକ କୋଟି ଟଙ୍କା ବ୍ୟୟରେ ବିଭିନ୍ନ ଉପକରଣ ପ୍ରଦାନ କରାଯାଇଛି । ୬ କୋଟି ୬୮ ଲକ୍ଷ ଟଙ୍କା ବ୍ୟୟରେ ୫ଟି ଯୋଜନାରେ ୫ହଜାର ଲୋକ ଉପକୃତ ହେବେ । ଦକ୍ଷତା ବିକାଶ ପାଇଁ ୧୭ ଦଶମିକ ୪କୋଟି ଟଙ୍କାର ୨ଟି ପ୍ରକଳ୍ପ ଉଦଘାଟନ କରାଯିବ । ସେହିପରି ୧୨୭ଟି ରାସ୍ତା ଓ ୧୮ଟି ପୋଲ ପାଇଁ ବିଭିନ୍ନ ପ୍ରକଳ୍ପର ଶିଳାନ୍ୟାଶ କରାଯିବ ।  ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପାଇଁ ମଧ୍ୟ ୨୨ଟି ପ୍ରକଳ୍ପର ଶିଳାନ୍ୟାସ କରାଯିବ ।

ବିବାଦୀୟ ଭାଷଣ ପଡ଼ିଲା ଭାରି; ନିଜ ଘରେ ପୁଣି ନଜରବନ୍ଦୀ ରହିଲେ ମେହବୁବା ମୁଫତି

ଜାମ୍ମୁ କାଶ୍ମୀର: ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତିଙ୍କ ତାଙ୍କ ଘରେ ନଜର ବନ୍ଦୀରେ କରାଯାଇଛି । ପରବର୍ତ୍ତୀ ଆଦେଶ ନଆସିବା ପର୍ଯ୍ୟନ୍ତ ତାଙ୍କୁ ତାଙ୍କ ଘରେ ନଜର ବନ୍ଦୀ ରଖାଯାଇଛି । ଜାମ୍ମୁ କାଶ୍ମୀରରେ ବଢ଼ିଥିବା ଆତଙ୍କବାଦ ଏବଂ ସୁରକ୍ଷାକର୍ମୀଙ୍କ ଏନକାଉଣ୍ଟର ମଧ୍ୟରେ ପ୍ରଶାସନ ଏହି ବଡ଼ ପଦକ୍ଷେପ ଗ୍ରହଣ କରିଛି । ତେବେ ଏହି ନିଷ୍ପତି କେନ୍ଦ୍ର ସରକାରଙ୍କ ବିରୋଧରେ ମହେବୁବା ମୁଫତି ମୁହଁ ଖୋଲିବା ପରେ ଏପରି ଏକ ବଡ଼ ପଦକ୍ଷେପ ଗ୍ରହଣ କରିଛି ପ୍ରଶାସନ ।

ସୋମବାର ସୁରକ୍ଷାକକର୍ମୀଙ୍କ ଦ୍ବାରା ହୋଇଥିବା ଏନକାଉଣ୍ଟରେ କିଛି ଆତଙ୍କବାଦଙ୍କୁ ମାରିଥିଲେ । ତେବେ ଏହି ସମୟରେ ମୁଫତି କହିଥିଲେ କି ଘାଟିରେ ଆତଙ୍କବାଦଙ୍କୁ ମାରାଯାଉଛି କି ନାହିଁ ତାହା କାହାକୁ ଜଣାନାହିଁ । ସେ ଦାବି କରି କହିଥିଲେ କି ସୋମବାର ହୋଇଥିବା ଏନକାଉଣ୍ଟରରେ ତିନି ଜଣ ସାଧାରଣ ଲୋକଙ୍କ ମୃତ୍ୟୁ ବରଣ ହୋଇଛି । ସେ ଆହୁରି କହିଥିଲେ କି ଘାଟିରେ ଆତଙ୍କବାଦ ନାମରେ ସାଧାରଣ ଲୋକଙ୍କୁ ଟାର୍ଗେଟ କରାଯାଉଛି । ଏହା ପୂର୍ବରୁ ଯେତେବେଳେ ଘାଟିରେ ସୁରକ୍ଷାକର୍ମୀଙ୍କ ସଂଖ୍ୟା ବଢ଼ାଯାଇଥିଲା ସେ ସମୟରେ ମଧ୍ୟ ସେ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ ।

ତେବେ ଏହି ସମୟରେ ଆଜି ମେହବୁବା ମୁଫତି ଜାମ୍ମୁ ସ୍ଥିତ କାର୍ଯ୍ୟାଳୟରେ ଏକ ରାଲିରେ ସମ୍ବୋଧିତ କରିଥିଲେ । ସେହି ସଭାରେ ସେ ବିରୋଧ ପ୍ରଦର୍ଶନ କରିଥିଲେ । ଏହି ସଭାରେ ଥିବା କାର୍ଯ୍ୟକର୍ତ୍ତା ନାରା ଦେଇଥିଲେ କି କାଶ୍ମୀରେ ସାଧାରଣ ଲୋକଙ୍କ ହତ୍ୟାକୁ ବନ୍ଦ କର । ତେବେ କର୍ମକର୍ତ୍ତାଙ୍କ ଏହି ନାରାକୁ ମେହବୁବା ମୁଫତି ମଧ୍ୟ ସମର୍ଥନ କରିଥିଲେ ଏବଂ କେନ୍ଦ୍ର ସରକାରଙ୍କ ବିରୋଧରେ ଗମ୍ଭୀର ଅଭିଯୋଗ କରିଥିଲେ ।

 

T20 ସିରିଜର ପ୍ରଥମ ମ୍ୟାଚରେ ଜିତିଲା ଭାରତ, ୧-୦ରେ ଆଗୁଆ

ଜୟପୁର: ଟି-୨୦ ବିଶ୍ୱକପ୍‌ରେ ହାରିଥିବା ଭାରତ ନେଇଛି ବଦଲା  ।  ଭାରତ-ନ୍ୟୁଜିଲାଣ୍ଡ ଟି-୨୦ ସିରିଜର ପ୍ରଥମ ମ୍ୟାଚରେ ବିଜୟୀ ହୋଇଛି ଭାରତ  ।  1-0ରେ ଆଗୁଆ ଅଛି ଭାରତ  ।  ପ୍ରଥମ ଦିନରେ ପ୍ରଥମ ମ୍ୟାଚ୍‌ ହାତେଇଛି ଭାରତ  । ୫ ଓ୍ବିକେଟ୍‌ରେ ନ୍ୟୁଜିଲାଣ୍ଡକୁ ହରାଇଲ ମ୍ୟାଚକୁ ଅକ୍ତିଆର କରିଛି ଭାରତ  । ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ୨୦ ଓଭରରେ ୬ ୱିକେଟ ହରାଇ ୧୬୪ ରନ୍ ସଂଗ୍ରହ କରିଥିଲା  ।

ଦ୍ୱିତୀୟ ଇଂନିସରେ ଭାରତ ବ୍ୟାଟିଂ କରିବା ସହ ୧୯ ଓଭର ୪ଟି ବଲରେ ୧୬୬ ରନ୍ ସଂଗ୍ରହ କରିବାରେ ସଫଳ ହୋଇଛି ଭାରତ  ।  ଦଳ ପକ୍ଷରୁ ସୂର୍ଯ୍ୟକୁମାର ଯାଦବ ସର୍ବାଧିକ ୬୨ ରନ୍‌ କରିଥିବାବେଳେ ୪୮ ରନ୍‌ କରିଛନ୍ତି ରୋହିତ ଶର୍ମା  । ସେପଟେ ଆସନ୍ତା ୧୯ରେ ହେବ ଭାରତ- ନ୍ୟୁଜିଲାଣ୍ଡ ମଧ୍ୟରେ ଦ୍ୱିତୀୟ ଇଂନିସ  ଟି-୨୦ ମ୍ୟାଚ୍‌

୪୬୪୯ ପଞ୍ଚାୟତରେ ମିଶନଶକ୍ତି ସଦସ୍ୟଙ୍କୁ ବ୍ୟାଙ୍କ କରେସପଣ୍ଡେଟ ନିଯୁକ୍ତି ଦିଆଯିବ

ଭୁବନେଶ୍ୱର: ମହିଳା ମାନଙ୍କ ଅର୍ଥନୈତିକ ସଶକ୍ତିକରଣ ପାଇଁ ରାଜ୍ୟ ସରକାର ପ୍ରତିଶ୍ରୁତିବଦ୍ଧ । ବ୍ୟାଙ୍କ ସୁବିଧା ନଥିବା ୪୬୪୯ଟି ପଞ୍ଚାୟତରେ ମିଶନଶକ୍ତି ଗୋଷ୍ଠୀର ସଦସ୍ୟଙ୍କୁ ବ୍ୟାଙ୍କ କରେସପଣ୍ଡେଟ ଭାବରେ ନିଯୁକ୍ତି ଦିଆଯିବ । ୨୦ଟି ବିଭାଗର ସମୀକ୍ଷା କରି ଏ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମିଶନ ଶକ୍ତି ଗୋଷ୍ଠୀ ମାନଙ୍କୁ ଅଧିକରୁ ଅଧିକ ସରକାରୀ କାମ ଦେବା ସହ ଆବଶ୍ୟକ ସ୍ଥଳେ ପାରିଶ୍ରାମିକ ବୃଦ୍ଧି କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦୋଇଛନ୍ତି । ୨୦୨୦-୨୧ ଆର୍ଥିକ ବର୍ଷରେ ମିଶନଶକ୍ତି ଗୋଷ୍ଠୀଙ୍କୁ ୧୨ ଶହ କୋଟି ଟଙ୍କାର କାମ ଦିଆଯାଇଛି ।

ଏ ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ମିଶନ ଶକ୍ତି ମହିଳାମାନଙ୍କୁ ସରକାରୀ କାମ ଯୋଗାଇ ଦେବା ମହିଳା ସଶକ୍ତିକରଣର ପ୍ରମୁଖ ମାଧ୍ୟମ । ଏହାକୁ ଦୃଷ୍ଟିରେ ରଖି ଆମର ସବୁ କାର୍ଯ୍ୟକ୍ରମ ପ୍ରସ୍ତୁତ କରାଯାଉ । ରାଜ୍ୟ ସରକାରଙ୍କ ସବୁବିଭାଗ ମାନେ ମହିଳା ଆର୍ଥିକ ସଶକ୍ତିକରଣର ଏକ ଦିଗ ଭାବେ ଗ୍ରହଣ କରି କାମ କରନ୍ତୁ । ଆବଶ୍ୟକସ୍ଥଳେ ମିଶନ ଶକ୍ତି ମା ମାନଙ୍କର ପାରିଶ୍ରମିକ ମଧ୍ୟ ବୃଦ୍ଧି କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । ବୈଠକରେ ସବୁ ବିଭାଗ ମାନେ ଆଗାମୀ ୩ ବର୍ଷ ପାଇଁ ସେମାନଙ୍କର କାର୍ଯ୍ୟକ୍ରମ ସଂପର୍କରେ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ ।

ଟେକ୍ ହୋମ୍ ରାସନ, ଆହାର, ମାଛ ଚାଷ ଓ କୃଷି ଉତ୍ପାଦକ ଗୋଷ୍ଠୀ ଆଦି କାର୍ଯ୍ୟକ୍ରମରେ ମିଶନ ଶକ୍ତିର ମା ମାନେ ଭଲ ପ୍ରଦର୍ଶନ କରିଛନ୍ତି । ବୈଠକକୁ ୫ଟି ସଚିବ ଭି.କେ ପାଣ୍ଡିଆନ ପରିଚାଳନା କରିଥିବା ବେଳେ, ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଓ ମିଶନ ଶକ୍ତି ବିଭାଗ କମିଶନର ସୁଜାତା କାର୍ତ୍ତିକେୟନ ଯୋଗଦେଇ ବିଭିନ୍ନ ବିଭାଗର କାର୍ଯ୍ୟକ୍ରମ ସଂପର୍କରେ ଉପସ୍ଥାପନା ରଖିଥିଲେ । ବୈଠକରେ ଉନ୍ନୟନ କମିଶନର ପି.କେ. ଜେନା ଓ ବିଭିନ୍ନ ବିଭାଗର ପ୍ରମୁଖ ସଚିବ ଓ ସଚିବମାନେ ଉପସ୍ଥିତ ଥିଲେ ।

ଆସିପାରେ ଆଉଏକ ମହାମାରୀ; ଚୀନରୁ ୧୮ ପ୍ରକାର ଭୂତାଣୁ ଠାବ

ଉହାନ: କୋଭିଡ ଭୂତାଣୁ ବିପଦ ନ ଟଳୁଣୁ ପୁଣି ବିପଦର ଆଭାସ । ଚୀନର ବିଭିନ୍ନ ସ୍ଥାନରୁ ଠାବ ହୋଇଛି ଆଉ ୧୮ ପ୍ରକାର ଭୂତାଣୁ ଠାବ ହୋଇଛି। ଏହି ଭୂତାଣୁ ମଣିଷ ଓ ଅନ୍ୟାନ୍ୟ ଗୃହପାଳିତ ପ୍ରାଣୀଙ୍କ ଲାଗି ବିପଦ ହୋଇପାରେ ବୋଲି ଆଶଙ୍କା କରାଯାଉଛି। ଚୀନର ଉହାନ ମାର୍କେଟରୁ ଠାବ ହୋଇଥିବା କରୋନା ଭୂତାଣୁ ସାରା ବିଶ୍ବରେ ୫୧ ଲକ୍ଷରୁ ଅଧିକ ଲୋକଙ୍କ ମୃତ୍ୟୁର କାରଣ ହୋଇଥିବାବେଳେ ଏବେ ପୁଣି ନୂଆ ଭୂତାଣୁର ସନ୍ଧାନ ଚିନ୍ତା ସୃଷ୍ଟି କରିଛି।

ଚୀନ, ଆମେରିକା, ବେଲଜିୟମ ଓ ଅଷ୍ଟ୍ରେଲିଆର ଗବେଷକମାନେ ଏହି ମତ ଦେଇଥିଲେ ଯେ, ଚୀନ ଉହାନର ସନ୍ତସନ୍ତିଆ ଖାଦ୍ୟ ବଜାରରୁ କୋଭିଡ ଭୂତାଣୁର ଉତ୍ପନ୍ନ ହୋଇଥିଲା। ବିଭିନ୍ନ ଗବେଷଣାରୁ ୭୧ ପ୍ରକାର ଭୂତାଣୁର ଚିହ୍ନଟ କରାଯାଇଛି ଏବଂ ସେଥିରୁ ୧୮ଟି ଭୂତାଣୁ ସବୁଠାରୁ ବିପଜ୍ଜନକ ବୋଲି ଗବେଷକମାନେ କହିଛନ୍ତି । ଏହି ୭୧ଟି ଭୂତାଣୁ ମଧ୍ୟରୁ ୪୫ଟି ଭୂତାଣୁ ସମ୍ପୂର୍ଣ୍ଣ ନୂଆ ପ୍ରଜାତିର ବୋଲି ପ୍ରମାଣିତ ହୋଇଛି।

ଜାତୀୟ ସାମ୍ବାଦିକଙ୍କ ମୁହଁରେ ନବୀନଙ୍କ ପ୍ରଶଂସା, କହିଲେ ବିକାଶ କ୍ଷେତ୍ରରେ ଓଡିଶା ମାଇଲଖୁଣ୍ଟ

ଭୁବନେଶ୍ୱର: ଓଡ଼ିଶାରେ କମିଛି ଦାରିଦ୍ର୍ୟ । ଓଡିଶା ବିକାଶ କ୍ଷେତ୍ରରେ ଅନେକ ମାଇଲଖୁଣ୍ଟ ଅତିକ୍ରମ କରିଛି । ହକିର ବିକାଶ କ୍ଷେତ୍ରରେ ରାଜ୍ୟର ଭୂମିକା ବହୁତ ଅଧିକ । ବିଭିନ୍ନ ପ୍ରସଙ୍ଗରେ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିଛନ୍ତି ବରିଷ୍ଠ ସାମ୍ବାଦିକ ପଦ୍ମଭୂଷଣ ଶେଖର ଗୁପ୍ତା । ରାଜ୍ୟରେ ସବୁକିଛି ସ୍ପଷ୍ଟ, ସେଠାରେ କିଛି ଅସ୍ପଷ୍ଟ ନାହିଁ । ହେଲେ ସବୁ ନିର୍ବାଚନରେ ରୋମାଞ୍ଚ ଅଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକଙ୍କ ସମ୍ପର୍କରେ ନକାରାତ୍ମକ କଥା କୁହନ୍ତି ନାହିଁ ।

ସେ ଖରାପ କଥା କୁହନ୍ତି ନାହିଁ, ଅନ୍ୟମାନେ ବି ତାଙ୍କ ବିରୋଧରେ ଖରାପ କଥା କୁହନ୍ତି ନାହିଁ। ମୁଁ ନବୀନ ପଟ୍ଟନାୟକଙ୍କୁ ବହୁ ଆଗରୁ ଜାଣିଛି ବୋଲି କହିଛନ୍ତି ଶେଖର ଗୁପ୍ତା । ସେ ବହୁତ ମେଳାପୀ, ବହୁତ କମ କଥା କୁହନ୍ତି । ନବୀନ ୟାରୋଁ କା ୟାର । ସେ ନିଜ ସାଙ୍ଗମାନଙ୍କୁ ସମ୍ମାନ ଦିଅନ୍ତି । ସେ ନିଜ ରାଜନୈତିକ ଦକ୍ଷତା ଦ୍ୱାରା ସମସ୍ତଙ୍କୁ ଚକିତ କରି ଦେଇଛନ୍ତି । କେହି କେବେ ଭାବି ନଥିଲେ ସେ ରାଜନୀତି କ୍ଷେତ୍ରରେ ଏତେ ଭଲ କରିବେ । ସେ ବହୁତ ଭଲ କରିଛନ୍ତି । ଓଡ଼ିଶା ଦିନେ ଦାରିଦ୍ର୍ୟ ସମସ୍ୟା ଦେଇ ଗତି କରୁଥିଲା। ଏବେ ସ୍ଥିତି ସମ୍ପୂର୍ଣ୍ଣ ଅଲଗା ।

ସେହିପରି ଶେଖର ଗୁପ୍ତା କହିଛନ୍ତି, ଓଡ଼ିଶା ବହୁ କ୍ଷେତ୍ରରେ ଉପରକୁ ଯାଇଛି  । ଏଠି ବହୁତ ଭଲ ବିକାଶ ଯୋଜନା ଅଛି। ଓଡ଼ିଶା ହକିକୁ ବିକାଶ କରିବା ଏକ ଜାତୀୟ ଯୋଗଦାନ। ହକିରେ କ୍ରିକେଟ ପରି ଅଧିକ ଅର୍ଥ ବି ଲାଭ ହୁଏନି। ହେଲେ ନବୀନ ପଟ୍ଟନାୟକ ହକିକୁ ଆଦରି ଚାଲାକ ପଦ୍ଧତି ଆପଣେଇଛନ୍ତି। ଓଡ଼ିଶା ଏବେ ଦେଶର ହକି ରାଜଧାନୀ। ସେଥିପାଇଁ ଭାରତୀୟ ହକି ପୁଣି ଗତିଶୀଳ ହୋଇଛି। ହକିକୁ ନବୀନ ପଟ୍ଟନାୟକ ପ୍ରାୟୋଜିତ କରିବା ଗୋଟିଏ ବଡ଼ ପଦକ୍ଷେପ। ହକି ପ୍ରେମୀ ଭାବେ ଏହା ବଡ଼ ଦେଶ ସେବା ଯାହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଛନ୍ତି ।

ବିବାହ ପ୍ରଲୋଭନ ଦେଖାଇ ମହିଳାଙ୍କୁ କରୁଥିଲା ବିକ୍ରି; ଗିରଫ କଲା ତାଲିବାନ ପୋଲିସ

ନୂଆଦିଲ୍ଲୀ:  ମହିଳାଙ୍କୁ ବିକ୍ରି କରିବା ଅଭିଯୋଗରେ ଜଣଙ୍କୁ ଗିରଫ କରିଛି ତାଲିବାନ ପୋଲିସ । ଉତ୍ତର ଆଫଗାନିସ୍ତାନରେ ଜଣେ ବ୍ୟକ୍ତି କିଛି ମହିଳାଙ୍କୁ ବିକ୍ରି କରିବା ଅଭିଯୋଗରେ ଗିରପ କରିଛି ତାଲିବାନ । ଏହି ବ୍ୟକ୍ତି ନାମରେ ଅଭିଯୋଗ ହୋଇଛି କି ସେହି ବ୍ୟକ୍ତି କିଛି ମହିଳାଙ୍କୁ ବିବାହ କରିବାକୁ ପ୍ରଲୋଭନ କରି ସେମାନଙ୍କୁ ବିକ୍ରି କରିଦେଉଥିଲା । ତାଲିବାନର ପ୍ରାଦେଶିକ ପୋଲିସ ମହାନିର୍ଦ୍ଧେଶକ ଦାମୁଲ୍ଲା ସୋରାଜ ସାମ୍ବାଦିକଙ୍କ ସହ କଥା ହେବା ସମୟରେ କହିଛନ୍ତି କି ଉତ୍ତର ଜଜ୍ଜାନ ପ୍ରଦେଶରୁ ସେହି ବ୍ୟକ୍ତିଙ୍କୁ ସୋମବାର ବିଳମ୍ବିତ ରାତ୍ରିରେ ଗିରଫ କରିଛି ।

ଏହି ପ୍ରସଙ୍ଗରେ ପୋଲିସ କହିଛି କି ଆମେ ଏବେ ବି ଅନୁସନ୍ଧାନର ପ୍ରାଥମିକ ପର୍ଯ୍ୟାୟରେ ଅଛୁ । ଆଶା କରାଯାଉଛି କି ଆମେ ଏହି ପ୍ରସଙ୍ଗରେ ଅନେକ ପ୍ରକାର ସୂଚନା ପାଇବୁ । ଜାଜ୍ଜନ ପ୍ରଦେଶର ଜିଲ୍ଲା ପୋଲିସ ଚିଫ୍ ମହମ୍ମଦ ସରଦାର ମୁବାରୀଜ କହିଛନ୍ତି କି ଏହି ବ୍ୟକ୍ତି ନିଜର ଆର୍ଥିକ ସ୍ଥିତିର ଉନ୍ନତି ଆଣିବା ଆଣିବା ପାଇଁ ବିବାହ କରିବାକୁ ଚାହୁଁଥିବା ମହିଳାମାନଙ୍କୁ ଟାର୍ଗେଟ କରୁଥିଲା । ଏହି ବ୍ୟକ୍ତି ଜଣଙ୍କ ମହିଳାମାନଙ୍କୁ ଆଶ୍ବସନା ଦେଉଥିଲେ କି ସେମାନଙ୍କ ବିବାହ ଧନୀ ବ୍ୟକ୍ତିଙ୍କ ସହ କରିବ । ଏହା ପରେ ସେମାନଙ୍କୁ ଅନ୍ୟ ଏକ ପ୍ରଦେଶକୁ ନେଇ ବିକ୍ରି କରିଦେଉଥିଲା । ଏହି ବ୍ୟକ୍ତି ଉପରେ ଅଭିଯୋଗ ହୋଇଛି ଏହି ବ୍ୟକ୍ତି ପ୍ରାୟ ୧୩୦ ଜଣ ମହିଳାଙ୍କୁ ବିକ୍ରି କରିଦେଇଛି ।