ବିବାହ ପ୍ରଲୋଭନ ଦେଖାଇ ମହିଳାଙ୍କୁ କରୁଥିଲା ବିକ୍ରି; ଗିରଫ କଲା ତାଲିବାନ ପୋଲିସ

ନୂଆଦିଲ୍ଲୀ:  ମହିଳାଙ୍କୁ ବିକ୍ରି କରିବା ଅଭିଯୋଗରେ ଜଣଙ୍କୁ ଗିରଫ କରିଛି ତାଲିବାନ ପୋଲିସ । ଉତ୍ତର ଆଫଗାନିସ୍ତାନରେ ଜଣେ ବ୍ୟକ୍ତି କିଛି ମହିଳାଙ୍କୁ ବିକ୍ରି କରିବା ଅଭିଯୋଗରେ ଗିରପ କରିଛି ତାଲିବାନ । ଏହି ବ୍ୟକ୍ତି ନାମରେ ଅଭିଯୋଗ ହୋଇଛି କି ସେହି ବ୍ୟକ୍ତି କିଛି ମହିଳାଙ୍କୁ ବିବାହ କରିବାକୁ ପ୍ରଲୋଭନ କରି ସେମାନଙ୍କୁ ବିକ୍ରି କରିଦେଉଥିଲା । ତାଲିବାନର ପ୍ରାଦେଶିକ ପୋଲିସ ମହାନିର୍ଦ୍ଧେଶକ ଦାମୁଲ୍ଲା ସୋରାଜ ସାମ୍ବାଦିକଙ୍କ ସହ କଥା ହେବା ସମୟରେ କହିଛନ୍ତି କି ଉତ୍ତର ଜଜ୍ଜାନ ପ୍ରଦେଶରୁ ସେହି ବ୍ୟକ୍ତିଙ୍କୁ ସୋମବାର ବିଳମ୍ବିତ ରାତ୍ରିରେ ଗିରଫ କରିଛି ।

ଏହି ପ୍ରସଙ୍ଗରେ ପୋଲିସ କହିଛି କି ଆମେ ଏବେ ବି ଅନୁସନ୍ଧାନର ପ୍ରାଥମିକ ପର୍ଯ୍ୟାୟରେ ଅଛୁ । ଆଶା କରାଯାଉଛି କି ଆମେ ଏହି ପ୍ରସଙ୍ଗରେ ଅନେକ ପ୍ରକାର ସୂଚନା ପାଇବୁ । ଜାଜ୍ଜନ ପ୍ରଦେଶର ଜିଲ୍ଲା ପୋଲିସ ଚିଫ୍ ମହମ୍ମଦ ସରଦାର ମୁବାରୀଜ କହିଛନ୍ତି କି ଏହି ବ୍ୟକ୍ତି ନିଜର ଆର୍ଥିକ ସ୍ଥିତିର ଉନ୍ନତି ଆଣିବା ଆଣିବା ପାଇଁ ବିବାହ କରିବାକୁ ଚାହୁଁଥିବା ମହିଳାମାନଙ୍କୁ ଟାର୍ଗେଟ କରୁଥିଲା । ଏହି ବ୍ୟକ୍ତି ଜଣଙ୍କ ମହିଳାମାନଙ୍କୁ ଆଶ୍ବସନା ଦେଉଥିଲେ କି ସେମାନଙ୍କ ବିବାହ ଧନୀ ବ୍ୟକ୍ତିଙ୍କ ସହ କରିବ । ଏହା ପରେ ସେମାନଙ୍କୁ ଅନ୍ୟ ଏକ ପ୍ରଦେଶକୁ ନେଇ ବିକ୍ରି କରିଦେଉଥିଲା । ଏହି ବ୍ୟକ୍ତି ଉପରେ ଅଭିଯୋଗ ହୋଇଛି ଏହି ବ୍ୟକ୍ତି ପ୍ରାୟ ୧୩୦ ଜଣ ମହିଳାଙ୍କୁ ବିକ୍ରି କରିଦେଇଛି ।