ଭୁବନେଶ୍ୱର: ଗୁଡି ସୁତା ଲାଗି ୩ ଯୁବକଙ୍କ କଟିଲା ବେକ । ଖଣ୍ଡଗିରି ଥାନା ଡୁମୁଡୁମା ଅଞ୍ଚଳରେ ଘଟିଛି ଅଘଟଣ । ଡୁମୁଡୁମା ପାଲା ମଣ୍ଡପ ନିକଟରେ ଯୁବକଙ୍କ ବେକରେ ଲାଗିଲା ମାଞ୍ଜା ସୁତା । ସ୍କୁଟିରେ ଯାଉଥିବା ବେଳେ ଯୁବକଙ୍କ ବେକରେ ଗୁଡେଇ ହୋଇଥିଲା ସୁତା। ସ୍ଥାନୀୟ କିଛି ଲୋକଙ୍କ ସହାୟତାରେ ମେଡିସିନ ଷ୍ଟୋରକୁ ନେଇ ଚିକିତ୍ସା କରିଥିଲେ ।
ସୂଚନା ମୁତାବକ ମାଞ୍ଜା ସୂତାରେ ଆହତ ହୋଇଥିବା ବ୍ୟକ୍ତି ସ୍ବୟମ ରାୟ ଚୋଧୁରି । ସେ ଜଣେ ଲ ଷ୍ଟୁଡେଣ୍ଟ ବୋଲି ଜଣାପଡିଛି । ତେବେ କିଏ ଏହି ସ୍ଥାନରେ ସୂତା ଲଗାଇଛନ୍ତି । ଅର୍ଥାତ ଗୁଡ଼ି ଛାଡିବା ବେଳେ ଏହି ସୂତା ଲାଗିଥିବା ହିଁ ଅନୁମାନ କରାଯାଉଛି ।
କଟକ: ଡିମ୍ପଲ-ସୁମିତ ପାରିବାରିକ ବିବାଦ ମାମଲାରେ ନୂଆ ମୋଡ । ଏହି ବିବାଦ ମାମଲାରେ ହାଇକୋର୍ଟରେ ରିଭ୍ୟୁ ପିଟିସନ ଦାଖଲ କରିଛନ୍ତି ଡାକ୍ତର ସୁମିତ । ଗତ ୪ ତାରିଖରେ ହୋଇଥିବା ନିର୍ଦ୍ଦେଶନାମା ଉପରେ ହାଇକୋର୍ଟରେ ରିଭ୍ୟୁ ପିଟିସନ ଦାଖଲ କରିଛନ୍ତି ସୁମିତ । ଡିମ୍ପଲ, ସୁମିତଙ୍କ ଘରେ ରହିବା ଏବଂ ମାସିକ ୧୭ ହଜାର ଟଙ୍କା ଦେବା ନିର୍ଦ୍ଦେଶକୁ ହାଇକୋର୍ଟରେ ଚ୍ୟାଲେଞ୍ଜ କରିଛନ୍ତି ସୁମିତ ।
ଏହି ମାମଲାରେ ନନ୍ଦିଘୋଷ ଟିଭିକୁ ସୁମିତ କହିଛନ୍ତି ଯେ, କୋର୍ଟରେ ମାମଲା ବିଚାରାଧୀନ ରହିଛି । ଘର କଥା ଘରେ ରହିଲେ ଭଲ । ଘର କଥା ବାହାରକୁ ଆସିବାର ନଥିଲା । ଏବେ ଏହି ବିବାଦର ସମାଧାନ ନ୍ୟାୟାଳୟ କରିବେ ବୋଲି କହିଛନ୍ତି ଡାକ୍ତର ସୁମିତ । ସେହିପରି ଏକାଠି ହେବା ନହେବା ସମୟ ହିଁ କହିପାରିବ ବୋଲି ସେ କହିଛନ୍ତି । ଏହାସହ ନିଖୋଜ ନେଇ ଯେଉଁ ପ୍ରତିକ୍ରିୟା ପ୍ରକାଶ ପାଉଥିଲା, ସେନେଇ ଉତ୍ତର ରଖିଛନ୍ତି ସୁମିତ । ମାନସିକ ସ୍ଥିତି ଭଲ ନଥିବାରୁ ଛୁଟିରେ ରହିଛି ବୋଲି ସୁମିତ କହିଛନ୍ତି ।
କେପ୍ ଟାଉନ୍: ଭାରତ- ଦକ୍ଷିଣ ଆଫ୍ରିକା ମଧ୍ୟରେ କେପ୍ ଟାଉନରେ ଆଜି ଖେଳାଯାଉଛି ତୃତୀୟ ତଥା ଅନ୍ତିମ ଟେଷ୍ଟ । ଏହି ମ୍ୟାଚରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି ଟିମ୍ ଇଣ୍ଡିଆ । ପିଠିରେ ଆଘାତ କାରଣରୁ ଦ୍ୱିତୀୟ ମ୍ୟାଚ ଖେଳି ପାରିନଥିଲେ ବିରାଟ କୋହଲି । କିନ୍ତୁ ତୃତୀୟ ମ୍ୟାଚରେ ଫିଟ୍ ହୋଇ ପୁଣି ଥରେ ଟିମକୁ ଫେରିଛନ୍ତି ବିରାଟ । ବିରାଟ ଟିମକୁ ଫେରିବା ପରେ ହନୁମା ବିହାରୀଙ୍କୁ ଚୁଡାନ୍ତ ଏକାଦଶରୁ ବାହାରକୁ ଯିବାକୁ ପଡ଼ିଛି । ସେହିପରି ମହମ୍ମଦ ସିରାଜ ଆଘାତ କାରଣରୁ ତୃତୀୟ ଟେଷ୍ଟରେ ବାଦ୍ ପଡ଼ିଛନ୍ତି । ସିରାଜଙ୍କ ସ୍ଥାନରେ ଉମେଶ ଯାଦବଙ୍କୁ ତୃତୀୟ ଟେଷ୍ଟରେ ସୁଯୋଗ ମିଳିଛି । ସେହିପରି ଯଦି ଦକ୍ଷିଣ ଆଫ୍ରିକା କଥା କହିବା ତାହାଲେ ଦକ୍ଷିଣ ଆଫ୍ରିକା ଦଳରେ କୌଣସି ପରିବର୍ତ୍ତନ କରିନାହାନ୍ତି ଅଧିନାୟକ ଡିନ୍ ଏଲଗାର ।
A look at #TeamIndia's Playing XI for the third Test 🔽
Follow the game here – https://t.co/rr2tvBaCml #SAvIND pic.twitter.com/7Z8Ms8a82w
— BCCI (@BCCI) January 11, 2022
ଯଦି କେପଟାଉନରେ ଭାରତୀୟ ଦଳର ରେକର୍ଡ କଥା କହିବା ତାହାଲେ ଏପର୍ଯ୍ୟନ୍ତ ଭାରତ କକେପଟାଉନରେ ଗୋଟିଏ ବି ଟେଷ୍ଟରେ ବିଜୟ ଲାଭ କରିପାରିନାହିଁ । କେପ୍ ଟାଉନ୍ରେ ଭାରତ ୫ଟି ଟେଷ୍ଟ ଖେଳିଥିଲେ ବି ଗୋଟିଏ ବିଜୟ ସ୍ୱାଦ ଚାଖିପାରି ନାହିଁ । ୩ଟି ଟେଷ୍ଟରେ ଭାରତକୁ ପରାଜୟର ସାମ୍ନା କରିବାକୁ ପଡ଼ିଛି । ତେଣୁ ଏହି ମ୍ୟାଚକୁ ଜିତି କେପଟାଉନନରେ ପରାଜୟର ଧାରା ଭାଙ୍ଗିବାକୁ ଚେଷ୍ଟା କରିବ ଟିମ୍ ଇଣ୍ଡିଆ ।
ଭାରତର ଚୁଡାନ୍ତ ଏକାଦଶ: କେଏଲ ରାହୁଲ, ମୟଙ୍କ ଅଗ୍ରଓ୍ୱାଲ, ଚେତେଶ୍ୱର ପୂଜାରା, ବିରାଟ କୋହଲି (ଅଧିନାୟକ), ଆଜିଙ୍କେ ରାହାଣେ, ଋଷଭ ପନ୍ତ, ରବିଚନ୍ଦ୍ରନ ଅଶ୍ୱିନୀ, ଶାର୍ଦ୍ଦୁଳ ଠାକୁର, ମହମ୍ମଦ ସିରାଜ, ଜଶପ୍ରୀତ ବୁମ୍ରା ଓ ଉମେଶ ଯାଦବ ।
ବେଙ୍ଗାଲୁରୁ: ଲୋନ ପାଇଁ କର୍ଣ୍ଣାଟକର ଜଣେ ବ୍ୟକ୍ତି ବ୍ୟାଙ୍କକୁ ଯାଇଥିଲେ । କିନ୍ତୁ ବ୍ୟାଙ୍କ ଉକ୍ତ ବ୍ୟକ୍ତିଙ୍କୁ ଲୋନ ଦେବାକୁ ମନା କରିଦେଇଥିଲେ । ଯାହା ଫଳରେ ଉକ୍ତ ବ୍ୟକ୍ତି ରାଗିଯାଇ ବ୍ୟାଙ୍କରେ ନିଆଁ ଲଗାଇ ଦେଇଥିଲେ । ଏମିତି ଏକ ଘଟଣା ଦେଖିବାକୁ ମିଳିଛି କର୍ଣ୍ଣାଟକର ହାଭେରୀ ଜିଲ୍ଲାରେ । ପୋଲିସ ସୂଚନା ଅନୁସାରେ ଅଭିଯୁକ୍ତ ଜଣଙ୍କ ଲୋନ ନେବା ପାଇଁ ବ୍ୟାଙ୍କରେ ଆବେଦନ କରିଥିଲେ । କିନ୍ତୁ ସେହି ବ୍ୟକ୍ତିଙ୍କ ଡକ୍ୟୁମେଣ୍ଟ ଭେରିଫିକେସନ ପରେ ବ୍ୟାଙ୍କ ତାଙ୍କୁ ଲୋନ ଦେବାକୁ ମନା କରିଦେଇଥିଲା । ଯାହା ଫଳରେ ଅଭିଯୁକ୍ତ ଉତ୍ତ୍ୟକ୍ତ ହୋଇ ବ୍ୟାଙ୍କରେ ନିଆଁ ଲଗାଇ ଦେଇଥିଲେ ।
Karnataka: Upset over rejection of his loan application, a man allegedly set the bank on fire in Haveri district on Sunday
"The accused has been arrested and a case has been registered at Kaginelli police station under Sections 436, 477, 435 of IPC," say police pic.twitter.com/jrlHOYhegS
— ANI (@ANI) January 10, 2022
ବ୍ୟାଙ୍କରେ ନିଆଁ ଲଗାଇବା ପରେ ଅଭିଯୁକ୍ତକୁ ଗିରଫ କରିଛି ପୋଲିସ । ଗିରଫ କରି ଅଭିଯୁକ୍ତଙ୍କ ବିରୋଧରେ ଆଇପିସି ଧାରା ୪୩୬, ୪୭୭ ଓ ୪୩୫ରେ ମାମଲା ରୁଜୁ କରାଯାଇଥିବା ସୂଚନା ମିଳିଛି ।
ମୁମ୍ବାଇ: ଭାରତରେ ପୁଣି ଥରେ କରୋନା ସଂକ୍ରମଣ ହୁ ହୁ ହୋଇ ବଢ଼ିବାରେ ଲାଗିଛି । ଗତ ୨୪ ଘଣ୍ଟାରେ ଦେଶରେ ୧ ଲକ୍ଷ ୬୮ ହଜାର କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଭାରତରେ ସଂକ୍ରମଣ ବୃଦ୍ଧି ପାଉଥିବାବେଳେ ଏଥିରେ ଅନେକ ବଲିଉଡ ତାରକା କରୋନାରେ ଆକ୍ରାନ୍ତ ହୋଇଛନ୍ତି । ଏହି ବଲିଉଡ ତାରକାଙ୍କ ଲିଷ୍ଟରେ ଏବେ ଯୋଡି ହୋଇଛନ୍ତି ପ୍ରସିଦ୍ଧ କଣ୍ଠଶିଳ୍ପୀ ଲତା ମଙ୍ଗେସକର । ସେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କରୋନାରେ ଆକ୍ରାନ୍ତ ହେବା ପରେ ସେ ଏବେ ICUରେ ଭର୍ତ୍ତି ହୋଇଛନ୍ତି ।
Legendary singer Lata Mangeshkar admitted to ICU after testing positive for Covid-19. She has mild symptoms: Her niece Rachna confirms to ANI
(file photo) pic.twitter.com/8DR3P0qbIR
— ANI (@ANI) January 11, 2022
କରୋନାରେ ଆକ୍ରାନ୍ତ ହେବା ପରେ ସେ ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଏନେଇ ସୂଚନା ଦେଇଛନ୍ତି ଲତା ମଙ୍ଗେସକରଙ୍କ ଭାଣିଜୀ ରଚନା । ସେ କହିଛନ୍ତି କି ତାଙ୍କଠାରେ କୋଭିଡର ସାମାନ୍ୟ ଲକ୍ଷଣ ଦେଖା ଯାଇଛି । ଯେହେତୁ ତାଙ୍କର ବୟସ ଅଧିକ ଥିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେ ନିମୋନିଆରେ ବି ସଂକ୍ରମିତ ଅଛନ୍ତି ବୋଲି କହିଛନ୍ତି ଲତା ମଙ୍ଗେସକରଙ୍କ ଭାଣିଜୀ ରଚନା ।
କେପ ଟାଉନ୍: ଭାରତ-ଦକ୍ଷିଣ ଆଫ୍ରିକା ମଧ୍ୟରେ ତୃତୀୟ ତଥା ଅନ୍ତିମ ଟେଷ୍ଟ ମ୍ୟାଚ ମଙ୍ଗଳବାରଠାରୁ ଆରମ୍ଭ ହେବାକୁ ଯାଉଛି । ଏହି ମ୍ୟାଚ ସହ ସିରିଜ୍ ଜିତିବାକୁ ପଡ଼ିଆକୁ ଓହ୍ଲାଇବ ବିରାଟ ବ୍ରିଗେଡ । ଏହି ବିଜୟ ସହ ଭାରତ ପ୍ରଥମ ଥର ପାଇଁ ଦକ୍ଷିଣ ଆଫ୍ରିକାରେ ପ୍ରଥମ ସିରିଜ ଜିତି ଇତିହାସ ରଚିବାକୁ ଚେଷ୍ଟା କରିବ ଟିମ୍ ଇଣ୍ଡିଆ । ଏହି ସିରିଜକୁ ବିଜୟ ଲାଭ କରି ନିଜ କ୍ୟାରିୟରରେ ଆଉ ସଫଳତାର ଫର୍ଦ୍ଦ ଯୋଡିବାକୁ ଚେଷ୍ଟା କରିବେ ଅଧିନାୟକ ବିରାଟ କୋହଲି । ତେଣୁ ଦ୍ୱିତୀୟ ମ୍ୟାଚର ପରାଜୟର ତ୍ରୁଟିକୁ ଭୁଲି ତୃତୀୟ ମ୍ୟାଚରେ ବିଜୟ ହାସଲ କରି ଦକ୍ଷିଣ ଆଫ୍ରିକା ଗଡ଼ ଦଖଲ କରିବାକୁ ପଡ଼ିଆକୁ ଓହ୍ଲାଇବ ବିରାଟ ବାହିନୀ । ଯଦି ଦକ୍ଷିଣ ଆଫ୍ରିକା କଥା କହିବା ତାହାଲେ ଘରୋଇ ମାଟିରେ ଭାରତକୁ ପରାସ୍ତ କରି ସିରିଜକୁ ୨-୧ରେ ଜିତିବାକୁ ପ୍ରାଣପ୍ରଣେ ଚେଷ୍ଟା କରିବ ଦକ୍ଷିଣ ଆଫ୍ରିକା ।
All set for the series decider 💪
The LIVE action to begin in a few hours ⏳#TeamIndia | #SAvIND pic.twitter.com/EFIoTgBm31
— BCCI (@BCCI) January 11, 2022
କେପ ଟାଉନରେ ଖେଳା ଯାଉଥିବା ତୃତୀୟ ଟେଷ୍ଟରେ ଅଧିନାୟକ ବିରାଟ କୋହଲି ପୁଣି ଥରେ ଟିମକୁ ଫେରିଛନ୍ତି । ଯାହା ଫଳରେ ଭାରତୀୟ ଦଳର ମନୋବଳ ବଢ଼ିଛି । ଏହି ଟେଷ୍ଟ ସିରିଜର ପ୍ରଥମ ମ୍ୟାଚରେ ଭାରତ ୧୧୩ ରନରେ ବିଜୟ ଲାଭ କରିଥିଲା । କିନ୍ତୁ ଜୋହାନ୍ସବର୍ଗରେ ଖେଳାଯାଇଥିବା ତୃତୀୟ ମ୍ୟାଚରେ ଦକ୍ଷିଣ ଆଫ୍ରିକା ମ୍ୟାଚରେ ବିଜୟ ଲାଭ କରି ସିରିଜକୁ ୧-୧ରେ ବରାବର କରିଥିଲା । ତେଣୁ କେପ ଟାଉନରେ ଖେଳାଯାଉଥିବା ମ୍ୟାଚରେ ବିଜୟ ଲାଭ କରି ସିରିଜ ହାତେଇବାକୁ ଉଭୟ ଦଳ ଚେଷ୍ଟା କରିବେ ।
ଅନ୍ତିମ ମ୍ୟାଚରେ ଭାରତର ଚୁଡାନ୍ତ ଏକାଦଶ କଥା ଯଦି କହିବା ତାହାଲେ ଶେଷ ମ୍ୟାଚରେ ଭାରତ ଦୁଇଟି ପରିବର୍ତ୍ତନ କରିବ । ତୃତୀୟ ମ୍ୟାଚରେ ହନୁମା ବିହାରୀଙ୍କ ସ୍ଥାନରେ ଅଧିନାୟକ ବିରାଟ କୋହଲି ଦଳକୁ ଫେରିଥିବା ବେଳେ ଆଘାତ କାରଣରୁ ଦ୍ରୁତ ବୋଲର ମହମ୍ମଦ ସିରାଜଙ୍କ ସ୍ଥାନରେ ଦଳକୁ ଫେରି ପାରନ୍ତି ଅନୁଭବୀ ଇଶାନ୍ତ ଶର୍ମା ।
ଯଦି କେପ ଟାଉନରେ ଭାରତୀୟ ଦଳର ରେକର୍ଡ କଥା କହିବା ତାହାଲେ ଏପର୍ଯ୍ୟନ୍ତ ଭାରତ କେପ ଟାଉନରେ ଗୋଟିଏ ବି ଟେଷ୍ଟରେ ବିଜୟ ଲାଭ କରିପାରିନାହିଁ । କେପ୍ ଟାଉନ୍ରେ ଭାରତ ୫ଟି ଟେଷ୍ଟ ଖେଳିଥିଲେ ହିଁ ଗୋଟିଏ ବି ମ୍ୟାଚରେ ବିଜୟର ସ୍ୱାଦ ଚାଖିପାରି ନାହିଁ । ୩ଟି ଟେଷ୍ଟରେ ଭାରତକୁ ପରାଜୟର ସାମ୍ନା କରିବାକୁ ପଡ଼ିଛି । ତେଣୁ ଏହି ମ୍ୟାଚକୁ ଜିତି କେପ ଟାଉନରେ ପରାଜୟର ଧାରା ଭାଙ୍ଗି ଇତିହାସ ରଚିବାକୁ ଚେଷ୍ଟା କରିବ ଟିମ୍ ଇଣ୍ଡିଆ ।
ଭୁବନେଶ୍ୱର: ପଞ୍ଚାୟତ ନିର୍ବାଚନ ନେଇ ପ୍ରକାଶ ପାଇଲା ତାରିଖ । ପାଞ୍ଚୋଟି ପର୍ଯ୍ୟାୟରେ ରାଜ୍ୟରେ ଅନୁଷ୍ଠିତ ହେବ ପଞ୍ଚାୟତ ନିର୍ବାଚନ । ସକାଳ ୭ରୁ ଅପରାହ୍ନ ୧ ଯାଏଁ ପଡିବ ଭୋଟ । ଫେବୃଆରୀ ୧୬,୧୮,୨୦, ୨୨, ୨୪ରେ ତାରିଖରେ ଭୋଟ ଗ୍ରହଣ କରାଯିବ । ଫେବୃଆରୀ ୨୬, ୨୭ ଓ ୨୮ ତାରିଖରେ ଭୋଟ ଗଣତି କରାଯିବ । ଜାନୁଆରୀ ୧୭ରୁ ୨୧ ପର୍ଯ୍ୟନ୍ତ ପ୍ରାର୍ଥୀପତ୍ର ଦାଖଲ । ୨୨ ଜାନୁଆରୀରେ ପ୍ରାର୍ଥୀପତ୍ର ହେବ ଯାଞ୍ଚ । ୨୫ ଜାନୁଆରୀରେ ଚୂଡ଼ାନ୍ତ ତାଲିକା ପ୍ରକାଶ ପାଇବ ।ଏନେଇ ପ୍ରେସମିଟ୍ ଜରିଆରେ ସୂଚନା ପ୍ରଦାନ କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଆଦିତ୍ୟ ପ୍ରସାଦ ପାଢୀ ।
ସେପଟେ ଆଜିଠାରୁ ରାଜ୍ୟରେ ଲାଗୁ ହୋଇଛି ଆଦର୍ଶ ଆଚରଣବିଧି ପ୍ରଥମ ପର୍ଯ୍ୟାରେ ୩୦ଟି ଜିଲ୍ଲାର ୭୧ଟି ବ୍ଲକ, ୨୦୨ ଜିଲ୍ଲା ପରିଷଦ ଜୋନ୍, ୧୬ଶହ ୬୯ଟି ପଞ୍ଚାୟତ ଓ ୨୨ହଜାର ୩୭୯ ବୁଥ୍ରେ ନିର୍ବାଚନ ହେବ । ଦ୍ବିତୀୟ ପର୍ଯ୍ୟାୟରେ ୩୦ ଜିଲ୍ଲାର ୬୮ଟି ବ୍ଲକ, ୧୮୬ ଜିଲ୍ଲା ପରିଷଦ ଜୋନ୍, ୧୫୧୪ ଗ୍ରାମପଞ୍ଚାୟତ ଓ ୨୦ହଜାର ୪୩୬ ବୁଥ୍ରେ ଭୋଟ୍ ଗ୍ରହଣ କରାଯିବ । ତୃତୀୟ ପର୍ଯ୍ୟାୟରେ ୨୯ଟି ଜିଲ୍ଲାର ୬୩ଟି ବ୍ଲକ, ୧୭୧ ଜିଲ୍ଲା ପରିଷଦ, ୧୩୮୨ ଗ୍ରାମପଞ୍ଚାୟତ, ୧୮୪୯୫ ବୁଥ୍ରେ ଭୋଟ୍ ହେବ ।
ଚତୁର୍ଥ ପର୍ଯ୍ୟାୟରେ ୨୭ଟି ଜିଲ୍ଲାର ୬୪ଟି ବ୍ଲକ, ୧୬୩ ଜିଲ୍ଲା ପରିଷଦ, ୧୨୫୪ ଗ୍ରାମପଞ୍ଚାୟତ, ୧୭୮୯ ବୁଥ୍ରେ ଭୋଟ୍ ଗ୍ରହଣ ହେବ । ପଞ୍ଚମ ପର୍ଯ୍ୟାୟରେ ୨୫ଟି ଜିଲ୍ଲାର ୪୮ଟି ବ୍ଲକ, ୧୩୧ ଜିଲ୍ଲା ପରିଷଦ, ୯୭୫ ଗ୍ରାମପଞ୍ଚାୟତ, ୧୩୫୧୪ ବୁଥ୍ରେ ଭୋଟ୍ ହେବ । ପ୍ରତ୍ୟକ୍ଷ ନିର୍ବାଚନ ସରିବା ପରେ ୧୧ମାର୍ଚ୍ଚରେ ନାଏବ ସରପଞ୍ଚ, ୧୨ରେ ପଞ୍ଚାୟତ ସମିତି ଅଧ୍ୟକ୍ଷ, ୧୩ରେ ଜିଲ୍ଲା ପରିଷଦ ଅଧ୍ୟକ୍ଷ, ୨୩ ମାର୍ଚ୍ଚରେ ପଞ୍ଚାୟତ ସମିତି ଉପାଧ୍ୟକ୍ଷ, ୨୫ମାର୍ଚ୍ଚରେ ଜିଲ୍ଲା ପରିଷଦ ଉପାଧ୍ୟକ୍ଷ ନିର୍ବାଚନ ହେବ । କରୋନା କଟକଣାରେ ହେବ ମତଦାନ ।
କୋଭିଡ କଟକଣାରେ ନିର୍ବାଚନ ଆହୁତ କରିବା ନେଇ କମିଶନ ଗାଇଡ୍ଲାଇନ୍ ଜାରି କରିଛନ୍ତି । ସଭା, ସମିତି, ଶୋଭାଯାତ୍ରା, ସାଇକେଲ୍ ଓ ବାଇକ୍ ରାଲିକୁ ଅନୁମତି ନାହିଁ । ରାଜନୈତିକ ଦଳ କିମ୍ବା ପ୍ରାର୍ଥୀଙ୍କ ସମାବେଶ ନିଷିଦ୍ଧ କରାଯାଇଛି । କେବଳ ୫ଜଣଙ୍କୁ ଧରି ପ୍ରାର୍ଥୀ ଡୋର୍ ଟୁ ଡୋର୍ ବୁଲି ପ୍ରଚାର କରିପାରିବେ । କୋଭିଡ୍ ଦୃଷ୍ଟିରୁ ଡିଜିଟାଲ୍, ଭର୍ଚୁଆଲ୍ ମୋବାଇଲ୍କୁ ପ୍ରଚାରର ମାଧ୍ୟମ ଭାବେ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି । ଭୋଟ୍ ଗଣତି ପରେ ପ୍ରାର୍ଥୀଙ୍କ ବିଜୟ ଶୋଭାଯାତ୍ରାକୁ ବାରଣ କରାଯାଇଛି । କୌଣସି ରାଜନୈତିକ ଦଳ ମାର୍ଗଦର୍ଶିକାର ଖିଲାପ କଲେ ଆଇନ ଅନୁଯାୟୀ ଦଣ୍ଡିତ ହେବେ । ସେପଟେ କରୋନା ଟିକାର ଡବଲ୍ ଡୋଜ୍ ଓ ଆରଟିପିସିଆର୍ ନେଗେଟିଭ୍ ସାର୍ଟିଫିକେଟ୍ ଦେଖାଇ ଭୋଟ୍ ଦେଇପାରିବେ । ପରିସ୍ଥିତି ଦେଖି କଟକଣା ନିଷ୍ପତ୍ତି ନିଆଯିବ ।
ନୂଆଦିଲ୍ଲୀ: ଦେଶରେ ଉପରମୁହାଁ କରୋନା ସଂକ୍ରମଣ । ଗତ ୨୪ ଘଣ୍ଟାରେ ଭାରତରେ ୧ ଲକ୍ଷ ୬୮ ହଜାରରୁ ଅଧିକ କରୋନା ଆକ୍ରାନ୍ତ ସଂଖ୍ୟା ଚିହ୍ନଟ ହୋଇଛି । ଦିଲ୍ଲୀ କଥା ଯଦି କହିବା ତାହାଲେ ଦିଲ୍ଲୀରେ ସୋମବାର ୧୯ ହଜାରରୁ ଅଧିକ କେସ୍ ଚିହ୍ନଟ ହୋଇଥିଲା । ସେହିପରି ସୋମବାର କରୋନାରେ ୧୭ ଜଣଙ୍କର ମୃତ୍ୟୁ ହୋଇଥିଲା । ଦିଲ୍ଲୀରେ ସଂକ୍ରମଣ ବୃଦ୍ଧିକୁ ଦେଖି କଡ଼ା କଟକଣା ଲାଗୁ କରାଯାଇଛି । ଲାଗୁ କରାଯାଇଥିବା ନୂଆ ନିୟମ ଅନୁସାରେ ଦିଲ୍ଲୀରେ ଥିବା ସମସ୍ତ ପ୍ରାଇଭେଟ ଅଫିସ ସମ୍ପୂର୍ଣ୍ଣ ଭାବରେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି । ପ୍ରାଇଭେଟ ଅଫିସର ସମସ୍ତ କର୍ମଚାରୀ ଓ୍ୱାର୍କ ଫ୍ରମ ହୋମ କାର୍ଯ୍ୟ କରିବାକୁ ନିର୍ଦ୍ଦେଶ ଦିଆଯାଇଛି । ଦିଲ୍ଲୀ ଡିଜାଷ୍ଟର ମ୍ୟାନେଜମେଣ୍ଟ ଅଥରିଟି ଏହି ଆଦେଶ ଦେଇଛି ।
Private offices in Delhi shall be closed, barring the ones in the exempted category; work from home shall be followed: DDMA pic.twitter.com/yPkwDR8t3o
— ANI (@ANI) January 11, 2022
ଏହା ବ୍ୟତୀତ DDMA ଆହୁରି କଡ଼ା କଟକଣା ମଧ୍ୟ ଲାଗୁ କରିଛି । DDMAର ନୂଆ ଆଦେଶ ଅନୁସାରେ ଦିଲ୍ଲୀରେ ସବୁ ରେଷ୍ଟୁରାଣ୍ଟ ଓ ବାର୍ ସମ୍ପୂର୍ଣ୍ଣ ଭାବରେ ବନ୍ଦ ରହିବ । କିନ୍ତୁ ରେଷ୍ଟୁରାଣ୍ଟରୁ ଖାଦ୍ୟ ସାମଗ୍ରୀ ହୋମ୍ ଡେଲିଭରୀ ହୋଇପାରିବ । ସେହିପରି ଦିଲ୍ଲୀରେ ବର୍ତ୍ତମାନ କେବଳ ଜରୁରୀକାଳୀନ ସେବାକୁ ଅନୁମତି ଦିଆଯାଇଛି । ଏହା ପୂର୍ବରୁ ଦିଲ୍ଲୀରେ କରୋନା ସଂକ୍ରମଣକୁ ରୋକିବା ପାଇଁ କଡ଼ା କଟକଣା ଲାଗୁ କରାଯାଇଥିଲା । ଦିଲ୍ଲୀରେ ନାଇଟ କର୍ଫ୍ୟୁ, ସପ୍ତାହାନ୍ତ ସଟଡାଉନ କର୍ଫ୍ୟୁ ମଧ୍ୟ ଲାଗୁ କରାଯାଇଥିଲା । କିନ୍ତୁ ଏହି କଟକଣା ଲାଗୁ ସତ୍ତ୍ୱେ ଦିଲ୍ଲୀରେ କରୋନା ସଂକ୍ରମଣ ହ୍ରାସ ହୋଇନଥିଲା । ଯାହା ଫଳରେ DDMA ଏପରି କଡ଼ା କଟକଣା ଲାଗୁ କରିଛି ।
ନୂଆଦିଲ୍ଲୀ: ସାରା ଦେଶରେ ହୁ ହୁ ହୋଇ ବଢ଼ି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ଲଗାତର ଭାବରେ ପଞ୍ଚମ ଦିନରେ ଲକ୍ଷେ ଉପରେ ରହିଛି କରୋନା ଆକ୍ରାନ୍ତଙ୍କ ସଂଖ୍ୟା । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଗତ ୨୪ ଘଣ୍ଟାରେ ଦେଶରେ ୧ଲକ୍ଷ ୬୮ ହଜାର ୬୩ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୨୪ ଘଣ୍ଟାରେ ୨୭୭ ଜଣଙ୍କ କରୋନାରେ ମୃତ୍ୟୁ ହୋଇଛି । ଗତକାଲି ତୁଳନାରେ ଆଜି ୬.୫ ପ୍ରତିଶତ କମ୍ କରୋନା ଆକ୍ରାନ୍ତଙ୍କ ସଂଖ୍ୟା ଚିହ୍ନଟ ହୋଇଛି । ଗତ ୨୪ ଘଣ୍ଟାରେ ଚିହ୍ନଟ ହୋଇଥିବା ୧ ଲକ୍ଷ ୬୮ ହଜାର ୬୩ କେସ୍ ମଧ୍ୟରୁ ମହାରାଷ୍ଟ୍ରରେ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି ।
COVID-19 | India reports 1,68,063 fresh cases, 69,959 recoveries & 277 deaths in the last 24 hours
Active case tally reaches 8,21,446. Daily positivity rate (10.64%)
Omicron case tally at 4,461 pic.twitter.com/ikKRh2Xh6G
— ANI (@ANI) January 11, 2022
ମହାରାଷ୍ଟ୍ରରୁ ସର୍ବାଧିକ ୩୩ ହଜାର ୪୭୦ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଦିଲ୍ଲୀରୁ ୧୯ହଜାର ୧୬୬ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ପଶ୍ଚିମବଙ୍ଗରୁ ୧୯ହଜାର ୨୮୬ କରୋନା କେସ୍ ରିପୋର୍ଟ ହୋଇଛି । ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ଯଦି କହିବା ତାହାଲେ ଦେଶରେ ଓମିକ୍ରନ ଆକ୍ରାନ୍ତ ଆକ୍ରାନ୍ତଙ୍କ ସଂଖ୍ୟା ୪୪୬୧ ପାର୍ କରିଛି । ଅନ୍ୟପକ୍ଷରେ ଦିଲ୍ଲୀ ଜେଲରେ ୬୬ଜଣ କଏଦୀଙ୍କ ସମେତ ୪୮ ଷ୍ଟାଫ୍ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ତିହାର ଜେଲରେ ୪୨ କଏଦୀଙ୍କ ସହ ୩୪ ଜଣ ଷ୍ଟାଫ୍ ଓ ମାଣ୍ଡୋଲି ଜେଲରେ ୨୪କଏଦୀ ଓ ୬ଜଣ ଜେଲ କର୍ତ୍ତୃପକ୍ଷ କରୋନା ପଜିଟିଭ୍ ହୋଇଛନ୍ତି ।
ୱାସିଂଟନ୍: ପ୍ରଥମଥର ମାନବ ଶରୀରରେ ଲାଗିଲା ଘୁଷୁରୀ ହାର୍ଟ । ଜେନେଟିକ ଅପରେସନ ମାଧ୍ୟମରେ ଜଣେ ୫୭ ବର୍ଷୀୟ ପୁରୁଷ ଶରୀରରେ ଲାଗିଛି ଘୁଷୁରୀ ହାର୍ଟ । ପ୍ରଥମ ଥର ପାଇଁ ଏହି ଐତିହାସିକ ଟ୍ରାନ୍ସପ୍ଲାଣ୍ଟ କରାଯିବା ସହ ଅପରେସନ ସଫଳ ହୋଇଛି । ଶୁକ୍ରବାର ଅସ୍ତ୍ରୋପ୍ରଚାର କରାଯାଇଥିବାବେଳେ ଏହାର ସବିଶେଷ ତଥ୍ୟ ସୋମବାର ମେରିଲ୍ୟାଣ୍ଡ ୟୁନିଭରସିଟି ମେଡିକାଲ ସ୍କୁଲ ପ୍ରଦାନ କରିଛି । ମିଳିଥିବା ସୂଚନା ମୁତବାକ ଡେବିଟ ବେନେଟ ନାମକ ଜଣେ ବ୍ୟକ୍ତି ଅସୁସ୍ଥତା ଅନୁଭବ କରିଥିଲେ । ପରେ ତାଙ୍କର ଚିକିତ୍ସା ପଦ୍ଧତି ଆରମ୍ଭ କରାଯାଇଥିଲା ।
ଅପରେସନ ପୂର୍ବରୁ ଡେବିଟ କହିଥିଲେ, ମୋ ପାଖରେ ଦୁଇଟି ବିକଳ୍ପ ରହିଛି । ଆପଣ ମୋତେ ମାରିଦିଅନ୍ତୁ ନଚେତ, ମୋର ହାର୍ଟ ପ୍ରତିରୋପଣ କରନ୍ତୁ । ଅନ୍ଧାରରେ ବାଡି ବୁଲଇବା ଭଳି ମୁଁ ବଞ୍ଚୁଛି । କେଉଁ ମୂହୂର୍ତ୍ତରେ ମଧ୍ୟ ମୋର ମୃତ୍ୟୁ ଘଟିପାରେ ବୋଲି କହିଥିଲେ ଅପରେସନ ହୋଇଥିବା ଡେବିଟ ବେନେଟ୍ । ପୂର୍ବରୁ ହାର୍ଟ ବାଇପାସ ମେସିନ ସାହାରା ନେଇ ଡେବିଟ ମୃତ୍ୟୁ ସହ ସଂଘର୍ଷ କରୁଥିଲେ । ଏଭଳି ଏକ ମାମଲା ମେଡିକାଲରେ ପହଁଚିବା ପରେ ଅମରଜେନ୍ସି ଅସ୍ତ୍ରୋପ୍ରଚାର ନେଇ ଫୁଡ୍ ଆଣ୍ଟ ଡ୍ରଗ୍ସ ଆଡିମିନଷ୍ଟ୍ରେସନର ଅନୁମତି ମଗାଯାଇଥିଲା । ପରେ ଆରମ୍ଭ ହୋଇଥିଲା ଅପରେସନ ।
ନୂଆବର୍ଷରେ ହୋଇଥିବା ଏହି ଐତିହାସିକ ସର୍ଜରୀ ସଫଳତାର ସହ ଶେଷ ହୋଇଛି ବୋଲି ମେରିଲ୍ୟାଣ୍ଡ ୟୁନିଭରସିଟି ମେଡିକାଲ ସ୍କୁଲ ପକ୍ଷରୁ କୁହାଯାଇଛି । ମଣିଷ ଦେହରେ ପଶୁଙ୍କ ଅଙ୍ଗ ପ୍ରତିରୋପଣ କରିବାରେ ଏହା ଏକ ବିରାଟ ମାଇଲଖୁଣ୍ଟ ସୃଷ୍ଟି କରିଛି । ଘୁଷୁରୀ ହୃଦୟ ପ୍ରତିରୋପଣ କରାଯାଇଥିବା ବୃଦ୍ଧଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ଏବେ ତାଙ୍କୁ ହସ୍ପିଟାଲରେ ନିରୀକ୍ଷଣ ପାଇଁ ରଖାଯାଇଛି ।
ଯେହେତୁ ପ୍ରଥମ ଥର ପାଇଁ ମାନବ ଶରୀରରେ ଘୁଷୁରୀ ହାର୍ଟ ଟ୍ରାନ୍ସପ୍ଲାଣ୍ଟ ହେଉଛି । ତେଣୁ ଏହାକୁ ଚ୍ୟାଲେଞ୍ଜର ସହ ଗ୍ରହଣ କରିଥିଲେ ଡାକ୍ତରୀ ଟିମ୍ । ଚିକିତ୍ସା କରୁଥିବା ଡାକ୍ତର ଗ୍ରୀଫିଥ୍ କହିଛନ୍ତି, ଏହା ଏକ ବ୍ରେକ ଥ୍ର୍ୟୁ ସର୍ଜରୀ ରହିଥିଲା, ମଣିଷ ଶରୀରରେ ଅଙ୍ଗ ପ୍ରତ୍ୟାରୋପଣରେ ଏହି ମାମଲା ଏକ ନୂଆ ଫର୍ଦ୍ଦ ଯୋଡିଛି । ଅପରେସନ ପରେ ବର୍ତ୍ତମାନ ଚିକିତ୍ସିତ ବ୍ୟକ୍ତିଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି ।
