ନୂଆାଦିଲ୍ଲୀ: ଦକ୍ଷିଣ ଆଫ୍ରିକାରୁ ମିଳିଥିବା ନୂଆ କରୋନା ଭୂତାଣୁ ଓମିକ୍ରମକୁ ନେଇ ସବୁଠି ଭୟର ବାତାବରଣ । କାରଣ ଡେଲଟା ଭାରିଆଣ୍ଟଠାରୁ ଆହୁରି ବିପତ୍ତିଜନକ ଓମିକ୍ରନ । ଦ୍ରୁତଗତିରେ ଓମିକ୍ରନ କାୟା ବଢ଼ାଇବାରେ ଲାଗିଛି । ଗତ ଏକ ସପ୍ତାହ ମଧ୍ୟରେ ଦକ୍ଷିଣ ଆଫ୍ରିକାରେ ଓମିକ୍ରନ ଭୂତାଣୁ ଯୋଗୁଁ କରୋନା ସଂକ୍ରମଣ ୨୦୦ ପ୍ରତିଶତରୁ ଅଧିକ ବଢ଼ି ଯାଇଛି । ଭୂତାଣୁର ବିପଦକୁ ନଜରରେ ରଖି WHO (ହୁ) ଏହାକୁ ‘ଭାରିଆଣ୍ଟ ଆଫ୍ କର୍ସନ’ କାଟାଗୋରୀ ବା ବର୍ଗରେ ରଖିଛି ।
ଏବେ ଭାବୁଥିବେ ଭାରିଆଣ୍ଟ ଅଫ୍ କର୍ସନ କ’ଣ ? କେଉଁ ଆଧାରରେ ଭୂତାଣୁକୁ କର୍ସନ କାଟାଗୋରୀରେ ପକାଯାଇଥାଏ ? ଏହା କେତେ ବିପଦଜନକ ? କରୋନାର କେତୋଟି ଭୂତାଣୁକୁ କର୍ସନ୍ କାଟାଗୋରୀରେ ରଖାଯାଇଛି ? ଆସନ୍ତୁ ଜାଣିବା କରୋନା ଭୂତାଣୁକୁ ନେଇ କିଛି ବିଶେଷ ତଥ୍ୟ ।
ଭାରିଆଣ୍ଟ ଅଫ୍ କର୍ସନ୍ କ’ଣ ?
ଯେତେବେଳେ କୌଣସି ଭାଇରସର ନୂଆ ଭାରିଆଣ୍ଟ ଚିହ୍ନଟ ହୋଇଥାଏ ତାକୁ ଅନୁଧ୍ୟାନ କରିବା ଓ ଭାରଇସ ସମ୍ପର୍କରେ ତଥ୍ୟ ଯୋଗାଡ଼ କରିବା କାମ କରିଥାଏ WHO । ଏହି ସମୟରେ ଏହାକୁ ଭାରିଆଣ୍ଟ ଆଫ୍ ଇଣ୍ଟ୍ରେଷ୍ଟ ବର୍ଗରେ ରଖାଯାଇଥାଏ । ଭାଇରସର ଅନୁଧ୍ୟାନ ବେଳେ ଯଦି ଏହା ଶୀଘ୍ର ବ୍ୟାପୁଥିବା ଓ ଅଧିକ ସଂକ୍ରାମକ ହୋଇଥିବା ଜଣାପଡ଼େ ତେବେ ଏହାକୁ ଭାରିଆଣ୍ଟ ଅଫ୍ ଇଣ୍ଟ୍ରେଷ୍ଟରୁ ଭାରିଆଣ୍ଟ ଅଫ୍ କର୍ସନ୍ କାଟାଗୋରୀକୁ ନିଆଯାଇଥାଏ ।
କେମିତି ହୋଇଥାଏ କାଟାଗୋରୀ ?
ଭାରିଆଣ୍ଟର କାଟାଗୋରୀ ଭିନ୍ନ ଭିନ୍ନ ଆଧାରରେ କରାଯାଇଥାଏ । ଭାରିଆଣ୍ଟ ଅଫ୍ ଇଣ୍ଟ୍ରେଷ୍ଟ ବର୍ଗରେ କୌଣସି ଭାରିଆଣ୍ଟକୁ ରଖିବାକୁ ହେଲେ ଏସବୁ ଦିଗ ମୁଖ୍ୟ ଆଧାର ହୋଇଥାଏ ।
୧. ଭାରିଆଣ୍ଟରେ ଜେନେଟିକ୍ ପରିବର୍ତ୍ତନ ହେଲେ, ସଂକ୍ରମଣ ବଢ଼ିଯିବା ।
୨. ରୋଗ ବଢ଼ିବା ଓ କୌଣସି ଟିକା କାମ ନକଲେ ଭାରିଆଣ୍ଟ ଆପ୍ ଇଣ୍ଟ୍ରେଷ୍ଟ ବର୍ଗରେ ରଖାଯାଇଥାଏ ।
୨. ଯଦି କୌଣସି ନୂଆ ଭାରିଆଣ୍ଟ ଯୋଗୁଁ କୌଣସି ଦେଶରେ ଗୋଷ୍ଠୀ ସଂକ୍ରମଣ ଆରମ୍ଭ ହୁଏ ଓ ସଂକ୍ରମଣ ହାର ବଢ଼ିଯାଏ ତେବେ ଭାଇରସକୁ ଇଣ୍ଟ୍ରେଷ୍ଟ ବର୍ଗରେ ରଖାଯାଇଥାଏ ।
ଇଣ୍ଟ୍ରେଷ୍ଟ କାଟାଗୋରୀରେ କୌଣସି ଭାରିଆଣ୍ଟକୁ ରଖାଯିବା ପରେ ଏହା ଉପରେ ତୀକ୍ଷ୍ନ ନଜର ରଖାଯାଇ ଅନୁଧ୍ୟାନ କରାଯାଇଥାଏ । କିଛିଦିନ ନଜର ରଖାଯିବା ପରେ ଯଦି ଭୂତାଣୁଟି ଦ୍ରୁତଗତିରେ ବଢ଼ୁଥିବା ତଥ୍ୟ ଆସେ ତେବେ ଏହାକୁ କର୍ସନ୍ ବର୍ଗକୁ ପରିବର୍ତ୍ତନ କରାଯାଇଥାଏ । ଏମିତି ବି କିଛି ଭୂତାଣୁ ଆଛି ଯାହାକୁ ଉଭୟ ବର୍ଗରେ ମଧ୍ୟ ପକାଯାଇନଥାଏ । ଭାରତରେ ଦେଖା ଦେଇଥିବା ଡେଲଟା ପ୍ଲସ୍ ଭୂତାଣୁକୁ WHO କୌଣସି କାଟାଗୋରୀରେ ପକାଇ ନଥିଲା ।
ଭାରିଆଣ୍ଟ ଅଫ୍ କର୍ସନ୍ କେତେ ବିପଦଜନକ ?
ଭାରିଆଣ୍ଟ ଅଫ୍ ଇଣ୍ଟ୍ରେଷ୍ଟ ତୁଳନାରେ କର୍ସନ୍ ଅଧିକ ସଂକ୍ରମିତ ହୋଇଥାଏ । ଏହାସହ ଏହା ବ୍ରେକ ଥ୍ରୁ ମାମଲାକୁ ବଢ଼ାଇ ଦେଇଥାଏ ଓ ଭ୍ୟାକସିନ୍ ପ୍ରଭାବକୁ କମାଇ ଦେଇଥାଏ ।
କେତୋଟି ଭୂତାଣୁ କର୍ସନ୍ କାଟାଗୋରୀରେ ?
ବର୍ତ୍ତମାନ ସୁଦ୍ଧା WHO କରୋନାର ୪ଟି ଭୂତାଣୁକୁ ଭାରିଆଣ୍ଟ ଅପ୍ କର୍ସନ୍ କାଟାଗୋରୀରେ ରଖିଛି । ଆଲଫା, ବିଟା, ଗାମା ଓ ଡେଲଟା ଭୂତାଣୁକୁ WHO କର୍ସନ୍ କାଟାଗୋରୀରେ ରଖି ସାରିଛି । କରୋନାର ଏହି ୪ ପ୍ରକାର ଭୂତାଣୁ ଭିନ୍ନ ଭିନ୍ନ ଦେଶରେ ନିଜ କୋପ ଦେଖାଇ ସାରିଛନ୍ତି । ଆପଣମାନେ ନିଜେ ଦେଖିଛନ୍ତି ଡେଲଟା ଭୂତାଣୁ ଭାରତରେ କେମିତି କୋକୁଆ ଭୟ ସୃଷ୍ଟି କରିଥିଲା । ଏହାବାଦ ଭାରିଆଣ୍ଟ ଅଫ୍ ଇଣ୍ଟ୍ରେଷ୍ଟ କାଟାଗୋରୀରେ WHO ଇଟା, ଆୟୋଟା, କପ୍ପା, ଜିଟା, ଇପସିଲନ ଓ ଥିଟା ଭୂତାଣୁକୁ ରଖିଥିଲା । ଏସବୁ ଭୂତାଣର ସଂକ୍ରମଣ କମିବା ପରେ ଏହାକୁ ଇଣ୍ଟ୍ରେଷ୍ଟ କାଟାଗୋରୀରୁ କାଢ଼ି ଦିଆଯାଇଥିଲା ।
କେତେଦିନ ଭୂତାଣୁ କର୍ସନ୍ କାଟାଗୋରୀରେ ରହିଥାଏ ?
କୌଣସି ଭୂତାଣୁ କେତେଦିନ ଇଣ୍ଟ୍ରେଷ୍ଟ କି କର୍ସନ୍ କାଟାକୋରୀରେ ରହିବା ତାହା କହି ହେବ ନାହିଁ । ସଂକ୍ରମଣର ହାର କମ ବେଶିକୁ ନେଇ WHO ଭୂତାଣୁକୁ ଇଣ୍ଟ୍ରେଷ୍ଟ ଓ କର୍ସନ୍ କାଟାଗୋରୀରେ ରଖିଥାଏ । କାଟାଗୋରୀ ବଦଳା ଯିବା ପୂର୍ବରୁ ଟେକନିକାଲ ଆଡଭାଇଜରୀ ଗ୍ରୁପ୍ ଏହାର ସମସ୍ତ ତଥ୍ୟକୁ ନିରୀକ୍ଷଣ କରିଥାନ୍ତି । ଏହାପରେ ଗ୍ରୁପର ପରାମର୍ଶ ଅନୁସାରେ ଭୂତାଣୁର କାଟାଗୋରୀ ପରିବର୍ତ୍ତନ କରାଯାଇଥାଏ ।
