ସମ୍ବଲପୁର: ସମ୍ବଲପୁରରେ ପୋଲିସକୁ ବଡ଼ ସଫଳତା । ମିଳିଲା ହୋଟେଲରୁ ଚୋରି ହୋଇଥିବା ୩୯ ଲକ୍ଷ ଟଙ୍କା । ମାଟି ତଳୁ ପୁଳା ପୁଳା ଟଙ୍କା ବାହାର କଲା ପୋଲିସ । ଏକ ପ୍ଲାଷ୍ଟିକ ବସ୍ତାରେ ଟଙ୍କାକୁ ଭର୍ତ୍ତି କରି ମାଟି ତଳେ ରଖିଥିଲା ଚୋର । ସମ୍ବଲପୁରର ଶୀଲା ଟାଓ୍ବାର ହୋଟେଲରୁ ଚୋରି ହୋଇଥବା ଟଙ୍କାକୁ ଦେବଗଡ଼ରୁ ଉଦ୍ଧାର କରିଛି ପୋଲିସ । ଶୀଲା ଟାଓ୍ବାରର ଜଣେ କର୍ମଚାରୀ ୩୯ ଲକ୍ଷ ଟଙ୍କା ଚୋରି କରି ଦେବଗଡ ଜିଲ୍ଲାକୁ ନେଇ ପଳାଇଥିଲେ । ଘଟଣାରେ ପୋଲିସ ତଦନ୍ତ କରି ୩୨ ଲକ୍ଷ ୧୦ ହଜାର ଟଙ୍କା ଜବତ କରିବା ସହ ୪ ଅଭିଯୁକ୍ତଙ୍କୁ ଗିରଫ କରିଛି । ସିସିଟିଭି ଫୁଟେଜ୍ ଆଧାରରେ ୪ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଏହି ଚୋରି ମାମଲାରେ ସମ୍ପୃକ୍ତ ଅଭିଯୁକ୍ତକୁ ଧରିବାରେ ସଫଳ ହେବା ସହ ଚୋରି ଟଙ୍କାକୁ ଜବତ କରିଛି ପୋଲିସ ।
କରୋନା ସଂକ୍ରମଣକୁ ଦୃଷ୍ଟିରେ ରଖି ସଜାଗ ଓଡ଼ିଶା, କୋଭିଡ ନିୟମ ପାଳିବାକୁ ପରାମର୍ଶ ଦେଲେ ସ୍ୱାସ୍ଥ୍ୟ ବିଭାଗ
ଭୁବନେଶ୍ୱର: ଦେଶରେ ପୁଣି ବୃଦ୍ଧି ପାଇବାରେ ଲାଗିଛି କରୋନା ସଂକ୍ରମଣ । ଦିଲ୍ଲୀ, ଉତ୍ତରପ୍ରଦେଶ ପରି ଅନେକ ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ସଜାଗ ହୋଇଛି ଓଡ଼ିଶା । ରାଜ୍ୟରେ ସର୍ଭେଲାନ୍ସ ଜାରି ରଖିବା ସହ ସତର୍କ ରହିବା ପାଇଁ ସମସ୍ତ ଜିଲ୍ଲାପାଳ, ମ୍ୟୁନିସିପାଲିଟି କମିଶନର, ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଚିଠି ଲେଖି ନିର୍ଦ୍ଦେଶ ଦେଇଛି ସ୍ବାସ୍ଥ୍ୟ ବିଭାଗ । ପୂର୍ବ ପରି ଟେଷ୍ଟିଂ, ଟ୍ରାକିଂ ଓ ଟ୍ରିଟମେଣ୍ଟକୁ ଫୋକସ କରିବା ସହ ମସ୍ତ କୋଭିଡ କଟକଣା ମାନିବାକୁ କୁହାଯାଇଛି ।
ଏହାସହ ମାସ୍କ ପିନ୍ଧିବା ସହ ଭିଡ଼କୁ ନଯିବାକୁ କୁହାଯାଇଛି । ସମସ୍ତେ କୋଭିଡ ନିୟମ ପାଳନ କଲେ ରାଜ୍ୟର ସ୍ଥିତି ନିୟନ୍ତ୍ରଣ ରହିବ। ସବୁ ଜିଲ୍ଲାପାଳଙ୍କୁ କୁହାଯାଇଛି ଯେଉଁଠି ଦରକାର ନୂଆ ଷ୍ଟ୍ରାଟେଜି କରିବାକୁ । ଏହାସହ ସ୍ୱାସ୍ଥ୍ୟ ବିଭାଗ ସ୍ଥିତି ଉପରେ ସମ୍ପୂର୍ଣ୍ଣ ନଜର ରଖିଛି । ଆଗକୁ ସ୍ଥିତି ଦେଖି ନିଷ୍ପତ୍ତି ନିଆଯିବ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
ଅନ୍ୟପକ୍ଷରେ ଗତ ୨୪ ଘଣ୍ଟାରେ ଦେଶରେ ୬୫ ପ୍ରତିଶତ ବଢ଼ିଛି କରୋନା କେସଲୋଡ । ଦିନକରେ ୨ ହଜାର ୦୬୭ କେସ୍ ଚିହ୍ନଟ ହୋଇଛି । ସେହିପରି ଗତ ୨୪ ଘଣ୍ଟାରେ କରୋନାରେ ୪୦ ଜଣଙ୍କର ମୃତ୍ୟୁ ହୋଇଛି । ସଂକ୍ରମଣ ବଢ଼ିବା ସାଙ୍ଗକୁ ଦେଶରେ ଆକ୍ଟିଭ କେସ୍ ବି ବଢ଼ୁଛି । ରାଜଧାନୀ ଦିଲ୍ଲୀସ୍ଥିତି ଚିନ୍ତାଜନକ ରହିଛି । ଗତ ୨୪ ଘଣ୍ଟାରେ ଦିଲ୍ଲୀରେ କରୋନା କେସ୍ ୨୬ ପ୍ରତିଶତ ବଢ଼ିଛି । ରାଜଧାନୀରେ ପଜିଟିଭିଟି ରେଟ୍ ବୃଦ୍ଧି ପାଇ ୪.୪୨ରେ ପହଞ୍ଚିଛି । ଦିଲ୍ଲୀ ପରେ ଉତ୍ତରପ୍ରଦେଶରେ ବି ବଢ଼ୁଛି କରୋନା ଆକ୍ରାନ୍ତଙ୍କ ସଂଖ୍ୟା ।
ଜାହାଙ୍ଗୀରପୁରୀରେ ଜବରଦଖଲ ଉଚ୍ଛେଦ ଉପରେ ରୋକ୍ ଲଗାଇଲେ ସୁପ୍ରିମକୋର୍ଟ
ନୂଆଦିଲ୍ଲୀ: ଦିଲ୍ଲୀ ଜାହାଙ୍ଗୀରପୁରୀରେ ବୁଲଡୋଜରରେ ଲାଗିଲା ବ୍ରେକ୍ । ଜବରଦଖଲ ଉଚ୍ଛେଦ ପ୍ରକ୍ରିୟା ଉପରେ ରୋକ ଲଗାଇବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ । ଆଜି ସକାଳୁ ଦିଲ୍ଲୀ ମ୍ୟୁନିସିପାଲିଟି ପକ୍ଷରୁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଥିଲା । ଆସନ୍ତାକାଲି ମାମଲାର ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ଜବରଦଖଲ ଉଚ୍ଛେଦରେ ରୋକ ଲଗାଇବାକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ ।
North Delhi Municipal Corporation halts anti-encroachment drive after Supreme Court order to maintain status-quo pic.twitter.com/zj3wDUEViD
— ANI (@ANI) April 20, 2022
We will follow the SC order & take action accordingly, says Raja Iqbal Singh the Mayor of North Delhi Municipal Corporation after the Supreme Court ordered a status-quo on the demolition drive being conducted by the civic body in violence-hit Jahangirpuri, Delhi pic.twitter.com/gU8XqgcVvE
— ANI (@ANI) April 20, 2022
ସୂଚନା ଅନୁସାରେ ଦିଲ୍ଲୀ ଜାହାଙ୍ଗୀରପୁରୀ ହିଂସା ଅଭିଯୁକ୍ତଙ୍କ ବିରୋଧରେ କଡ଼ା ଆକ୍ସନ ନେଇଥିଲା ମ୍ୟୁନିସିପାଲିଟି । ହନୁମାନ ଜୟନ୍ତୀରେ ହୋଇଥିବା ହିଂସାକାଣ୍ଡ ପରେ ଆକ୍ସନ ମୁଡରେ ଥିଲା ନର୍ଥ ଦିଲ୍ଲୀ ମ୍ୟୁନିସିପାଲିଟି । ଆଜି ସକାଳୁ ଜାହାଙ୍ଗୀରପୁରୀରେ ବୁଲଡୋଜର ପହଞ୍ଚି ଅବୈଧ ନିର୍ମାଣ ଉଚ୍ଛେଦ କାର୍ଯ୍ୟ ଆରମ୍ଭ କରିଥିଲା । ବେଆଇନ ନିର୍ମାଣ ଭାଙ୍ଗିବା ପୂର୍ବରୁ ଜାହାଙ୍ଗୀରପୁରୀରେ ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ ହୋଇଥିଲା । ୯ଟି ବୁଲଡୋଜର ସରକାରୀ ଜମି ଉପରୁ ଜବରଦଖଲ ହଟିବା କାର୍ଯ୍ୟରେ ନିୟୋଜିତ ହୋଇଥିଲା । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଜାହାଙ୍ଗୀରପୁରୀରେ ୧୫ ଶହରୁ ଊର୍ଦ୍ଧ୍ବ ପୋଲିସ ଓ ପାରାମିଲିଟାରୀ ଫୋର୍ସ ମୁତୟନ କରାଯାଇଛି । ସ୍ପେଶାଲ ପୋଲିସ କମିସନର ଓ ମେୟରଙ୍କ ଉପସ୍ଥିତିରେ ଉଚ୍ଛେଦ କାର୍ଯ୍ୟ ହେଉଥିଲା । ସେପଟେ ଜାହାଙ୍ଗୀରପୁରୀ ହିଂସାର ମୁଖ୍ୟ ଅଭିଯୁକ୍ତ ଅନସାର ଘର ପଶ୍ଚିମବଙ୍ଗର ହଳଦିଆଠାରେ ପହଞ୍ଚିଛି କ୍ରାଇମବ୍ରାଞ୍ଚ ଟିମ୍ ।
ଖାଉଟିଙ୍କୁ ମହଙ୍ଗା ମାଡ଼, ତୈଳ ଦର ବୃଦ୍ଧି ଯୋଗୁ ବଢ଼ିଲା ଆଳୁ ଦର
ଭୁବନେଶ୍ୱର: ବଢ଼ିଲା ଆଳୁ ଦର । ଯାହା ଆଗକୁ ଆହୁରି ବଢ଼ିବ । ଏବେ ଖୁଚରା ବଜାରରେ କିଲୋ ପିଛା ୨୦ରୁ ୨୨ ଟଙ୍କାରେ ବିକ୍ରି ହେଉଛି ଆଳୁ । ଆଗକୁ କିଲୋ ପିଛା ଦର ୨୫ରୁ ୩୦ ଟଙ୍କା ହୋଇପାରେ । ପେଟ୍ରୋଲ ଓ ଡିଜେଲ ଦର ବୃଦ୍ଧି ଯୋଗୁ ପରିବହନ ଖର୍ଚ୍ଚ ବୃଦ୍ଧି ପାଇଛି । ଓଡ଼ିଶାକୁ ଆଳୁ ମୁଖ୍ୟତଃ ପଶ୍ଚିମବଙ୍ଗ ଓ ଉତ୍ତରପ୍ରଦେଶରୁ ଆସିଥାଏ । ଯେଉଁ ପରିବହନ ଖର୍ଚ୍ଚ କୁଇଣ୍ଟାଲ ପିଛା ୯୦ ଟଙ୍କା ଥିଲା, ତାହା ଏବେ ୧୫୦ ଟଙ୍କା ଟପିଲାଣି । ବର୍ଦ୍ଧିତ ୫୦ରୁ ୬୦ ଟଙ୍କା ପରିବହନ ଖର୍ଚ୍ଚ ଖାଉଟିଙ୍କୁ ଭରଣା କରିବାକୁ ପଡ଼ିବ ।
ପଶ୍ଚିମବଙ୍ଗରେ ୧୫୦୦ରୁ ୧୬୫୦ ଟଙ୍କା କୁଇଣ୍ଟାଲ ପିଛା ଆଳୁ ଦର ରହିଛି । ପରିବହନ ଖର୍ଚ୍ଚକୁ ଆଳୁର ମୂଳ ଦର ସହ ମିଶାଇବାକୁ ପଡ଼ିବ । ଏଠି ହୋଲସେଲରେ ୧୬୫୦ରୁ ୧୭୫୦ରେ ବିକ୍ରି ହେଉଛି । ବର୍ଦ୍ଧିତ ଦର ଲାଗୁ ହେବା ପରେ ଆଗମୀ ଦିନରେ ୫୦ରୁ ୧୦୦ ଟଙ୍କା ବଢ଼ିବ ଦାମ୍ । ସେହିପରି ଉତ୍ତରପ୍ରଦେଶରେ ଆଳୁ କୁଇଣ୍ଟାଲ ପିଛା ୧୬୦୦ରୁ ୧୬୫୦ ଟଙ୍କାରେ ବିକ୍ରି ହେଉଛି । ଆଗକୁ ଆଳୁ ଦର ଆହୁରି ବୃଦ୍ଧି ପାଇବ ବୋଲି ସୂଚନା ଦେଇଛନ୍ତି ରାଜ୍ୟ ବ୍ୟବସାୟୀ ମହାସଂଘ ମହାସଚିବ ସୁଧାକର ପଣ୍ଡା ।
ଜାହାଙ୍ଗୀରପୁରୀ ହିଂସା ଅଭିଯୁକ୍ତଙ୍କ ବିରୋଧରେ କଡ଼ା ଆକ୍ସନ, ଅବୈଧ ନିର୍ମାଣ ଉଚ୍ଛେଦ ପ୍ରକ୍ରିୟା ଜାରି
ନୂଆଦିଲ୍ଲୀ: ଦିଲ୍ଲୀ ଜାହାଙ୍ଗୀରପୁରୀ ହିଂସା ଅଭିଯୁକ୍ତଙ୍କ ବିରୋଧରେ ମ୍ୟୁନିସିପାଲିଟିର କଡ଼ା ଆକ୍ସନ । ଜାହାଙ୍ଗୀରପୁରୀରେ ଚାଲିଲା ବୁଲଡୋଜର । ହନୁମାନ ଜୟନ୍ତୀରେ ହୋଇଥିବା ହିଂସାକାଣ୍ଡ ପରେ ଆକ୍ସନ ମୁଡରେ ନର୍ଥ ଦିଲ୍ଲୀ ମ୍ୟୁନିସିପାଲିଟି । ଆଜି ସକାଳୁ ଜାହାଙ୍ଗୀରପୁରୀରେ ବୁଲଡୋଜର ପହଞ୍ଚି ଅବୈଧ ନିର୍ମାଣ ଉଚ୍ଛେଦ କାର୍ଯ୍ୟ ଆରମ୍ଭ କରିଛି । ବେଆଇନ ନିର୍ମାଣ ଭାଙ୍ଗିବା ପୂର୍ବରୁ ଜାହାଙ୍ଗୀରପୁରୀରେ ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ ହୋଇଥିଲା ।
#WATCH North Delhi Municipal Corporation conducts anti-encroachment drive in Jahangirpuri in Delhi
The civic body has asked for 400 personnel from Delhi Police to maintain the law & order situation during the drive in the area pic.twitter.com/KViPfwPEqr
— ANI (@ANI) April 20, 2022
The anti-encroachment drive will take place across Delhi. Earlier also we had requested security for the drive but due to some reasons the action was not taken: Raja Iqbal Singh, Mayor, North Delhi Municipal Corporation pic.twitter.com/6seuHuhEVr
— ANI (@ANI) April 20, 2022
ଏବେ ୯ଟି ବୁଲଡୋଜର ଯୋଗେ ସରକାରୀ ଜମି ଉପରୁ ଜବରଦଖଲ ହଟିବା କାର୍ଯ୍ୟ ଜାରି ରହିଛି । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଜାହାଙ୍ଗୀରପୁରୀରେ ୧୫ ଶହରୁ ଊର୍ଦ୍ଧ୍ବ ପୋଲିସ ଓ ପାରାମିଲିଟାରୀ ଫୋର୍ସ ମୁତୟନ କରାଯାଇଛି । ସ୍ପେଶାଲ ପୋଲିସ କମିସନର ଓ ମେୟରଙ୍କ ଉପସ୍ଥିତିରେ ଜାରି ରହିଛି ଉଚ୍ଛେଦ କାର୍ଯ୍ୟ । ସେପଟେ ଜାହାଙ୍ଗୀରପୁରୀ ହିଂସାର ମୁଖ୍ୟ ଅଭିଯୁକ୍ତ ଅନସାର ଘର ପଶ୍ଚିମବଙ୍ଗର ହଳଦିଆଠାରେ ପହଞ୍ଚିଛି କ୍ରାଇମବ୍ରାଞ୍ଚ ଟିମ୍ ।
ଏପ୍ରିଲ ୨୩ରୁ ଆରମ୍ଭ ହେବ ରାଜ୍ୟସ୍ତରୀୟ ଆଦିବାସୀ ମେଳା
ଭୁବନେଶ୍ୱର: ଆସନ୍ତା ଏପ୍ରିଲ ୨୩ରୁ ଆରମ୍ଭ ହେବ ରାଜ୍ୟସ୍ତରୀୟ ଆଦିବାସୀ ମେଳା । ସ୍ଥାନୀୟ ଇଡକୋ ପ୍ରଦର୍ଶନୀ ପଡ଼ିଆରେ ୧୦ ଦିନ ପାଇଁ ଚାଲିବ ଆଦିବାସୀ ମେଳା । ଏହି ମେଳାରେ ଚଳିତ ବର୍ଷ କେବଳ ଆଦିବାସୀଙ୍କ ଦ୍ୱାରା ଉତ୍ପାଦିତ କୃଷିଜାତ ସାମଗ୍ରୀ ବିକ୍ରି ଓ ସାଂସ୍କୃତିକ କାର୍ଯ୍ୟକ୍ରମ ହେବ । ପ୍ରତିବର୍ଷ ଜାନୁୟାରୀ ୨୬ ତାରିଖରୁ ରାଜ୍ୟ ସ୍ତରୀୟ ଆଦିବାସୀ ମେଳା ଅନୁଷ୍ଠିତ ହେଉଥିବାବେଳେ କରୋନା କଟକଣା ଯୋଗୁଁ ଚଳିତ ବର୍ଷ ତାହା ହୋଇପାରି ନଥିଲା । ତେଣୁ କଟକଣା ଉଠିବାପରେ ଚଳିତ ମାସ ୨୩ ତାରିଖରୁ ଏହା ଆରମ୍ଭ ହେବ ବୋଲି ସୂଚନା ଦେଇଛନ୍ତି ରାଜ୍ୟ ଅନୁସୂଚିତ ଜାତି ଓ ଜନଜାତି ତାଲିମ କେନ୍ଦ୍ରର ନିର୍ଦ୍ଦେଶକ ଡକ୍ଟର ଅଖିଳ ବିହାରୀ ଓତା । ଡକ୍ଟର ଓତା କହିଛନ୍ତି ଯେ ଚଳିତବର୍ଷ ଆଦିବାସୀ ମେଳାରେ ପୂର୍ବଭଳି ଆଦିବାସୀଙ୍କ ପାରମ୍ପରିକ ଗୃହ ଆଦି ଦେଖିବାକୁ ମିଳିବନାହିଁ ।
ତେବେ ଚଳିତ ବର୍ଷ ଆଦିବାସୀ ମେଳାରେ କିଣା ବିକା ପାଇଁ ଆଦିବାସୀଙ୍କ ଦ୍ୱାରା ଉତ୍ପାଦିତ କୃଷି ଓ ଜଙ୍ଗଲଜାତି ସାମଗ୍ରୀ ଉପଲବ୍ଧ ହେବ । ଏଥିପାଇଁ ମୋଟ୍ ୧୦୦ଟି ଷ୍ଟଲ କରାଯାଉଥିବାବେଳେ ଆଇଟିଡିଏ, ମାଇକ୍ରୋ ପ୍ରୋଜେକ୍ଟ, ମିଶନ ଶକ୍ତି, ଓରମାସ, ଟିଡିସିସି ଆଦି ଯୋଗଦେବେ । ତେବେ ସେମାନଙ୍କ ଷ୍ଟଲରେ କେବଳ ଆଦିବାସୀଙ୍କ ଦ୍ୱାରା ଉତ୍ପାଦିତ ଓ ପ୍ରସ୍ତୁତ ସାମଗ୍ରୀ ବିକ୍ରି ହେବ ।
ସେହିଭଳି ଏହି ୧୦ ଦିନିଆ ମେଳାରେ ପୂର୍ବଭଳି ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବ । ଓଡ଼ିଶା ସମେତ ଦେଶର ବିଭିନ୍ନ ରାଜ୍ୟରୁ ଆସିବାକୁ ଥିବା ଆଦିବାସୀ କଳାକାରମାନେ ପାରମ୍ପରିକ କଳା ପ୍ରଦର୍ଶନ କରିବେ । ସେହିଭଳି ଆଦିବାସୀ ମେଳାରେ ଜାତୀୟ କ୍ରାଫ୍ଟ ମେଳା ପାଇଁ ସ୍ୱତନ୍ତ୍ର ଭାବେ ୮୦ଟି ଷ୍ଟଲ ରହିବ । ଦେଶର ୧୮ଟି ରାଜ୍ୟରୁ ଆସିବାକୁ ଥିବା କଳାକାରମାନେ ଏଠାରେ ସେମାନଙ୍କ କଳାନୈପୂଣ୍ୟ ପ୍ରଦଶର୍ନ ସହିତ ସାମଗ୍ରୀ ବିକ୍ରି କରିବାର ସୁଯୋଗ ପାଇବେ । ତେବେ ଚଳିତବର୍ଷ ଅନୁଷ୍ଠିତ ଆଦିବାସୀ ମେଳାରେ ଆଦିବାସୀଙ୍କ ପାରମ୍ପରିକ ଖାଦ୍ୟ ମିଳିବନାହିଁ । ପୂର୍ବବର୍ଷ ଗୁଡିକରେ ଆଦିବାସୀଙ୍କ ଏହି ଖାଦ୍ୟ ବିଶେଷକରି ବାରିପଦାର ମୁଢି ମାଂସ ସତେ ସୁଆଁ ଖିରି ଓ କଟିଂ ବରା ଆଦି ଲୋକଙ୍କୁ ବେଶ୍ ଆକର୍ଷିତ କରୁଥିଲା ।
ଆଜିଠୁ ପୁଣି ଆରମ୍ଭ ହେଲା ଧରପଗଡ଼, ସ୍କୁଲ ପିଲାଙ୍କୁ ନେଉଥିବା ବସ୍ ଓ ଅନ୍ୟ ହାଲୁକା ଯାନର ଚେକିଂ
ଭୁବନେଶ୍ୱର: ଆଜିଠୁ ପୁଣି ଆରମ୍ଭ ହେଲା ସ୍କୁଲ ଗାଡ଼ି ଧରପଗଡ଼। ସ୍କୁଲ ପିଲାଙ୍କୁ ପରିବହନ କରୁଥିବା ବସ୍ ଓ ଅନ୍ୟ ହାଲୁକା ଯାନ ଚେକିଂ ଅଭିଯାନ କଡ଼ାକଡ଼ି ହୋଇଛି । RTO ପକ୍ଷରୁ ଆଜିଠୁ ରାଜ୍ୟର ବିଭିନ୍ନ ସ୍ଥାନରେ ସ୍କୁଲ ଯାନବାହନର କଡ଼ାକଡ଼ି ଫିଟନେସ୍ ଚେକିଂ ଆରମ୍ଭ ହୋଇଛି । ୨୭ ତାରିଖ ଯାଏଁ ହେବାକୁ ଥିବା ଏହି ସ୍ପେଶାଲ ଡ୍ରାଇଭରେ ସ୍କୁଲ ପିଲାଙ୍କୁ ନେବା ଆଣିବା କରୁଥିବା ସବୁ ପ୍ରକାର ଗାଡ଼ିର ଫିଟେନସ୍, ପରମିଟ, ଇନସୁରାନ୍ସ, ପଲ୍ୟୁସନ ସାର୍ଟିଫିକେଟ ଆଦି ଯାଞ୍ଚ କରାଯାଉଛି । ସେହିପରି ନିର୍ଦ୍ଦିଷ୍ଟ ସଂଖ୍ୟାଠୁ ଅଧିକ ସଂଖ୍ୟାରେ ପିଲା ପରିବହନ କରୁଥିଲେ ଗାଡ଼ିର ଏବଂ ଚାଳକଙ୍କ ଲାଇସେନ୍ସ ଯାଞ୍ଚ୍ କରାଯାଉଛି । ସ୍କୁଲ ପିଲାଙ୍କ ସୁରକ୍ଷିତ ଯାତାୟାତକୁ ପରିବହନ ବିଭାଗ ଗୁରୁତ୍ବ ଦେଇଛି । ସପ୍ତାହେ ବ୍ୟାପୀ ଯାଞ୍ଚ ପରେ ୨୮ ତାରିଖରେ ରିପୋର୍ଟ ଦେବାକୁ ଆଞ୍ଚଳିକ ପରିବନ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।
ସେହିପରି ନିୟମ ଖିଲାପକାରୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ରାଜ୍ୟରେ ଅନେକ ସ୍କୁଲରେ କାଗଜପତ୍ର ଠିକ୍ ନ ଥିବା ଗାଡ଼ି ଛୋଟ ପିଲାଙ୍କୁ ବିପଦସଙ୍କୁଳ ଅବସ୍ଥାରେ ପରିବହନ କରୁଥିବା ଅଭିଯୋଗ ହେଉଛି । ଯେଉଁଥିପାଇଁ ଅନେକ ସମୟରେ ଦୁର୍ଘଟଣା ମଧ୍ୟ ଘଟୁଛି । ଏହି ଦୁର୍ଘଟଣା ଉପରେ ରୋକ୍ ଲଗାଇବା ପାଇଁ ଆରମ୍ଭ ହୋଇଛି ଧରପଗଡ଼ ।
ସୁଖୋଇ ଲଢ଼ୁଆ ବିମାନରୁ ବ୍ରହ୍ମୋସ ସୁପରସୋନିକ କ୍ରୁଜ୍ ମିସାଇଲର ସଫଳ ପରୀକ୍ଷଣ
ନୂଆଦିଲ୍ଲୀ: ଭାରତୀୟ ପ୍ରତିରକ୍ଷାକୁ ମିଳିଛି ଆଉ ଏକ ବଡ଼ ସଫଳତା । ସୁଖୋଇ ଲଢ଼ୁଆ ବିମାନରୁ ଭାରତୀୟ ବାୟୁସେନା କରିଛି ବ୍ରହ୍ମୋସ ସୁପରସୋନିକ କ୍ରୁଜ ମିସାଇଲର ସଫଳ ପରୀକ୍ଷଣ । ଭାରତୀୟ ନୌସେନା ଓ ଭାରତୀୟ ବାୟୁସେନା ପକ୍ଷରୁ ମିଳିତ ଭାବେ ଏହି ପରୀକ୍ଷଣ କରାଯାଇଛି । ଭାରତୀୟ ବାୟୁସେନାର ସୁଖେଇ ୩୦ MKI ବିମାନରୁ ବ୍ରହ୍ମୋସ ମିସାଇଲକୁ ନିକ୍ଷେପ କରାଯାଇଥିଲା । ଏହି ବ୍ରହ୍ମୋସ ମିସାଇଲ ଟାର୍ଗେଟରେ ଥିବା ନୌସେନାର ଏକ ପରିତ୍ୟକ୍ତ ଜାହାଜକୁ ଧ୍ବଂସ କରିଥିଲା ।
Today on the Eastern seaboard, #IAF undertook live firing of #BrahMos missile from a Su30 MkI aircraft.
The missile achieved a direct hit on the target, a decommissioned #IndianNavy ship.
The mission was undertaken in close coordination with @indiannavy. pic.twitter.com/UpCZ3vJkZb— Indian Air Force (@IAF_MCC) April 19, 2022
ଗତ ୨୦୧୬ ମସିହାରେ ୪୦ଟି ସୁଖୋଇ ବିମାନରେ ବ୍ରହ୍ମୋସ ଭାରିଆଣ୍ଟର ଏୟାର-ଲଞ୍ଚ ବ୍ୟବସ୍ଥା କରିବା ଲାଗି ସରକାର ନିଷ୍ପତ୍ତି ନେଇଥିଲେ । ଏହି ପରୀକ୍ଷଣ ଦ୍ବାରା ଭାରତୀୟ ବାୟୁସେନା ପ୍ରତିରକ୍ଷା କାରିଗରୀରେ ଆଉ ଏକ ପାଦ ଆଗକୁ ବଢ଼ାଇଛି । ବ୍ରହ୍ମୋସ ମିସାଇଲକୁ ବୁଡ଼ାଜାହାଜ, ଜାହାଜ, ବିମାନ ବା ଭୂସ୍ଥଳରୁ ପ୍ରୟୋଗ କରାଯାଇପାରିବ । ଶବ୍ଦଠାରୁ ୩ ଗୁଣ ବେଗରେ ଗତି କରୁଥିବା ଏହି କ୍ଷେପଣାସ୍ତ୍ର ସର୍ବାଧିକ ୩୫୦ କିଲୋମିଟର ଦୂରରେ ଲକ୍ଷ୍ୟଭେଦ କରିପାରିବ । ଗତ ମାର୍ଚ୍ଚ ୫ରେ ଭାରତୀୟ ନୌସେନା ଏକ ବ୍ରହ୍ମୋସ ସୁପରସୋନିକ କ୍ରୁଜ ମିସାଇଲର ସଫଳ ପରୀକ୍ଷଣ ଭାରତ ମହାସାଗରରେ କରିଥିଲା ।
ଶ୍ରୀଲଙ୍କାରେ ଜଳୁଛି ଅସନ୍ତୋଷର ନିଆଁ, ରାମ୍ବୁକ୍କାନାରେ ପୋଲିସ ଗୁଳିରେ ଜଣ ଆନ୍ଦୋଳନକାରୀ ମୃତ
କଲମ୍ବୋ: ଗୁରୁତର ଆର୍ଥିକ ସଂକଟ ଭିତରେ ଅସନ୍ତୋଷର ନିଆଁ । ଶ୍ରୀଲଙ୍କାର ରାମ୍ବୁକ୍କାନାରେ ସ୍ଥିତି ଅସମ୍ଭାଳ ହେବାରୁ ସେଠାରେ ଜାରି କରାଯାଇଛି କର୍ଫ୍ୟୁ । ଆନ୍ଦୋଳନରତ ନାଗରିକଙ୍କ ଉପରେ ପୋଲିସ ଗୁଳି ଚାଳନା କରିଛି । ଯାହା ଫଳରେ ଜଣଙ୍କର ମୃତ୍ୟୁ ହେବା ସହ ୨୪ ଜଣ ଆହତ ହେବା ପରେ ସ୍ଥିତି ସାଂଘାତିକ ହୋଇଛି । ହଜାର ହଜାର ଲୋକ ରାଜରାସ୍ତାକୁ ଆସି ଟାୟାର ଜଳାଇବା ସହ ପ୍ରମୁଖ ରାସ୍ତାଗୁଡିକୁ କବଜା କରିଛନ୍ତି । ଶ୍ରୀଲଙ୍କାରେ ସେବାରତ ଭାରତୀୟ ତୈଳ କମ୍ପାନୀ ତୈଳ ଦର ୬୫ ପ୍ରତିଶତ ବଢ଼ାଇବା ପରେ ଉତ୍ତେଜନା ତୀବ୍ର ହୋଇଥିଲା ।
ସେପଟେ ଜରୁରୀ ଆର୍ଥିକ ସହାୟତା ଲାଗି ଆନ୍ତର୍ଜାତିକ ମୁଦ୍ରାପାଣ୍ଠି ବା ଆଇଏମଏଫ ନିକଟରେ ଶ୍ରୀଲଙ୍କା ସରକାର ଅନୁରୋଧ କରିଛନ୍ତି । ଆମେରିକା ଗସ୍ତରେ ଯାଇଥିବା ଅର୍ଥ ମନ୍ତ୍ରୀ ଅଲ୍ଲି ସାବ୍ରିଙ୍କ ନେତୃତ୍ବାଧୀନ ପ୍ରତିନିଧି ମଣ୍ଡଳୀ ଏହି ସହାୟତା ଅନୁରୋଧ କରିଛନ୍ତି । ସେମାନେ ଆଇଏମଏଫ ପରିଚାଳନା ନିର୍ଦ୍ଦେଶକ କ୍ରିଷ୍ଟାଲିନା ଜିଓର୍ଜିଭାଙ୍କୁ ଓ୍ବାଶିଂଟନରେ ଭେଟି ଜରୁରୀ ଆର୍ଥିକ ବ୍ୟବସ୍ଥା ବା ଆରଏଫଆଇ ଜରିଆରେ ସହାୟତା ଲାଗି ଆଲୋଚନା କରିଛନ୍ତି । ସଙ୍କଟଗ୍ରସ୍ତ ତଥା ଆଇଏମଏଫର ସଦସ୍ୟ ଭୁକ୍ତ ରାଷ୍ଟ୍ରକୁ ଆରଏଫଆଇ ଜରିଆରେ ସହାୟତା କରିବା ଲାଗି ଆଇଏମଏଫରେ ବ୍ୟବସ୍ଥା ରହିଛି । ଶ୍ରୀଲଙ୍କା ସରକାର ଆଇଏମଏଫ ନିକଟରେ ୪ ବିଲିୟନ ଡଲାର ସହାୟତା ଲାଗି ଅନୁରୋଧ କରିଛନ୍ତି । ଆରଏଫଆଇ ଜରିଆରେ ଶ୍ରୀଲଙ୍କାକୁ ସହାୟତା କରିବା ଲାଗି ମଧ୍ୟ ଭାରତ ଆଇଏମଏଫକୁ ଅନୁରୋଧ କରିଛି ।
ବିଶ୍ୱବ୍ୟାପୀ ଇନଷ୍ଟାଗ୍ରାମ ଅଚଳ, ରାତି ସାଢ଼େ ୧୦ଟାରୁ ଫେଲ୍ ହେଲା ମାଇକ୍ରୋ ବ୍ଲଗିଂ ସାଇଟ୍
ନୂଆଦିଲ୍ଲୀ: ବିଶ୍ୱବ୍ୟାପୀ ଇନଷ୍ଟାଗ୍ରାମ ଅଚଳ । ଲକ୍ଷ ଲକ୍ଷ ଇନଷ୍ଟାଗ୍ରାମ ଉପଭୋକ୍ତାମାନେ ଆଉଟେଜର ଶିକାର ହୋଇଛନ୍ତି । ଏହି ଆଉଟେଜର କାରଣ କମ୍ପାନୀ ପକ୍ଷରୁ ସ୍ପଷ୍ଟ କରାଯାଇନାହିଁ । ତେବେ ଏହାକୁ ଅପଡେଟ କରାଯାଇଛି ଏବଂ ଏହି ଆପ୍ ଏବେ ଠିକ ଠାକ୍ ଚାଲିଛି ବୋଲି କହିଛି ମେଟା । ଭାରତୀୟ ସମୟ ରାତି ୧୦ଟା ୪୫ରୁ ଆଉଟେଜ ଆରମ୍ଭ ହୋଇଥିବା ବେଳେ ବିଶ୍ବବ୍ୟାପୀ ୟୁଜରମାନେ ଏହାର ଶିକାର ହୋଇଥିଲେ । ଏହି ସମୟରେ ଇନଷ୍ଟାଗ୍ରାମର ୟୁଜରମାନେ ଫଟୋ ଓ ଭିଡିଓ ଅପଲୋଡ କରିବାରେ ବିଫଳ ହୋଇଥିବା ସହ ଭାବ ଆଦାନପ୍ରଦାନ କରିପାରି ନଥିଲେ । କିଛି ସମୟ ପାଇଁ ଇନଷ୍ଟାଗ୍ରାମ ଅଚଳ ହେବା ପରେ ଉପଭୋକ୍ତାମାନେ ଅସୁବିଧାର ସମ୍ମୁଖୀନ ହୋଇଛନ୍ତି ବୋଲି ମଧ୍ୟ କହିଛି ଡାଉନ ଡିଟେକ୍ଟର ଓ୍ବେବସାଇଟ ।