ଭୁବନେଶ୍ୱର: ଆଇଟା ଟେନିସ ପ୍ରତିଯୋଗିତାରେ ତାମିଲନାଡୁର ଓଜେସ ଥେଜୋ ଜୟପ୍ରକାଶ ବିଜେତା, ସେହିପରି ଡବଲସରେ ତାମିଲନାଡୁର ଓଜେସ ଥେଜୋ ଜୟପ୍ରକାଶ ଓ ସିଦ୍ଧାର୍ଥ ଆର୍ଯ୍ୟଙ୍କ ଯୋଡି ବିଜେତା ହୋଇଛନ୍ତି। ଆଇଟା ଓ ଓଟିଏ ଆନୁକୂଲ୍ୟରେ ଅନୁଷ୍ଠିତ ଏହି ପ୍ରତିଯୋଗିତା ଆଇଆଇଜି ସ୍ପିର୍ଟସ ଏକାଡେମୀ ପକ୍ଷରୁ କେ.ଟି ଗ୍ଲୋବାଲ ସ୍କୁଲ ପରିସରରେ ଅଗଷ୍ଟ 1 ତାରିଖରୁ ଆରମ୍ଭ ହୋଇଥିଲା, ଯାହା ଶୁକ୍ରବାର ଉଦଯାପିତ ହୋଇଯାଇଛି। ମେନ୍ସ ସିଙ୍ଗଲସରେ ତାମିଲନାଡୁର ଓଜେସ ଥେଜୋ ଜୟପ୍ରକାଶ ବିଜେତା ହୋଇଥିବା ବେଳେ ଉପବିଜେତା ହୋଇଛନ୍ତି ପଶ୍ଚିମବଙ୍ଗର ଅଭିନାଂଶୁ ବୋର୍ଥାକର। ଅନ୍ୟପଟେ ମେନ୍ସ ଡବଲସରେ ତାମିଲନାଡୁର ଓଜେସ ଥେଜୋ ଜୟପ୍ରକାଶ ଓ ସିଦ୍ଧାର୍ଥ ଆର୍ଯ୍ୟଙ୍କ ଯୋଡି ବିଜେତା ହୋଇଥିବା ବେଳେ ପଶ୍ଚିମବଙ୍ଗର ଅଭିନାଂଶୁ ବୋର୍ଥାକର ଓ ମହମଦ ଫର୍ଦ୍ଧିନ ଯୋଡ଼ି ଉପବିଜେତା ହୋଇଛନ୍ତି।

ବିଜେତା ଓ ଉପବିଜେତା ଖେଳାଳିଙ୍କୁ ଟ୍ରଫି ସହ ଅର୍ଥରାଶି ପ୍ରଦାନ କରାଯାଇଛି। ଏହି ଆଇଟା ପ୍ରତିଯୋଗିତାରେ ପାଖପାଖି ୧୦୦ ଜଣ ପ୍ରତିଯୋଗୀ ସାରା ଦେଶରୁ ଅଶଂଗ୍ରହଣ କରିଥିଲେ । ପ୍ରତିଯୋଗିତାରେ ୧ ଲକ୍ଷ ଟଙ୍କା ପ୍ରାଇଜ ରାଶି ପ୍ରଦାନ କରାଯାଇଛି । ବିଜେତା ଓ ଉପବିଜେତାଙ୍କ ସହ ସେମିଫାଇନାଲିଷ୍ଟଙ୍କୁ ମଧ୍ୟ ପୁରସ୍କାର ସହ ଅର୍ଥ ରାଶି ପ୍ରଦାନ କରାଯାଇଛି । ପ୍ରତିଯୋଗିତାର କ୍ୱାଲିଫାଇଂ ରାଉଣ୍ଡରେ ୬୪ ପିଲା ଅଶଂଗ୍ରହଣ କରିଥିବା ବେଳେ ସେମାନଙ୍କ ମଧ୍ୟରୁ ୮ ଜଣ ଖେଳାଳି ମୁଖ୍ୟ ରାଉଣ୍ଡରେ ପ୍ରବେଶ କରିଥିଲେ । ଏହାସହ ଟପ ରେଟିଂର ୩୨ ଜଣ ଖେଳାଳି ସିଧାସଳଖ ଏହି ପ୍ରତିଯୋଗିତାରେ ଅଶଂଗ୍ରହଣ କରିଥିଲେ ।

ପ୍ରତିଯୋଗିତାରେ ଅଂଶଗ୍ରହଣ କରିବାକୁ ବିଭିନ୍ନ ରାଜ୍ୟରୁ ଆସିଥିବା ଖେଳାଳିଙ୍କ ପାଇଁ କେଟି ଗ୍ଲୋବାଲ ସ୍କୁଲ ପରିସରରେ ରହିବା , ଖାଇବା ସହ ଜିମ, ସୁଇମିଙ୍ଗ ପୁଲର ସୁବିଧା ମଧ୍ୟ ଯୋଗାଇ ଦିଆଯାଇଥିଲା। ତେବେ ଅଗମୀ ଦିନରେ କେ.ଟି ଗ୍ଲୋବାଲ ସ୍କୁଲ ପରିସରରେ ଅନେକ ବଡ଼ଧାରଣ ଟେନିସ ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ଲକ୍ଷ୍ୟ ରଖାଯାଇଥିବା କୁହାଯାଇଛି। ଏହି ଭଳି ପ୍ରତିଯୋଗିତା ଆୟୋଜନ କରିବାର ଉଦ୍ଦେଶ୍ୟ ହେଉଛି ରାଜ୍ୟ ତଥା ରାଜ୍ୟ ବାହାରର ଟେନିସ ଖେଳାଳିଙ୍କୁ ଏକ ଉଚ୍ଚ ସ୍ଥରୀୟ ପ୍ଲାଟଫର୍ମ ଯୋଗାଇବା ଏବଂ ଅଧିକରୁ ଅଧିକ ଟେନିସର ପ୍ରଚାର ପ୍ରାସର କରିବା ବୋଲି ଆଇଆଇଜି ସ୍ପୋର୍ଟସ ଏକାଡେମୀ ଓ କେ.ଟି ଗ୍ଲୋବାଲ ସ୍କୁଲ ପକ୍ଷରୁ କୁହାଯାଇଛି।