ନନ୍ଦିଘୋଷ ବ୍ୟୁରୋ: କାମ୍ବୋଡିଆର ଏକ ହୋଟେଲରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ୧୦ ଜଣ ଜୀବନ୍ତ ଦଗ୍ଧ ହୋଇଥିବା ବେଳେ ୩୦ ଜଣରୁ ଅଧିକ ଗୁରୁତର ହୋଇଥିବା ସୂଚନା ମିଳିଛି । ଏହି ଅଗ୍ନିକାଣ୍ଡ ପୋଇପେଟ ଗ୍ରାଣ୍ଡ ଡାଇମଣ୍ଡ ସିଟି ହୋଟେଲ ଏବଂ କସିନୋରେ ଘଟିଛି । ଖବର ପାଇ ଘଟଣା ସ୍ଥଳରେ ଅଗ୍ନିସମ ବାହୀନି ପହଞ୍ଚି ନିଁଆକୁ ଆୟତ୍ତ କରିବାରେ ଲାଗିଛନ୍ତି । ଗୁରୁତର ମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ସେଠାରେ ଗୁରତରମାନଙ୍କ ଭିତରୁ କିଛି ଲୋକଙ୍କ ସ୍ବାସ୍ଥ୍ୟ ଅବସ୍ଥା ସଙ୍କଟାପୂର୍ଣ୍ଣ ରହିଥିବା ସୂଚନା ମିଳିଛି । ତେବେ ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି ।
ଖବର ଅନୁଯାୟୀ, ଗ୍ରାଣ୍ଡ ଡାଇମଣ୍ଡ ସିଟି ହୋଟେଲରେ ବର୍ତ୍ତମାନ ୫୦ ରୁ ଅଧିକ ଲୋକ ଫସିରହିଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି । ତେବେ ଘଟଣା ସ୍ଥଳରୁ ଆଶ୍ଚର୍ଯ୍ୟ ଜନକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଦେଖାଯାଉଛି କି, ଲୋକମାନେ ଜୀବନ ବଞ୍ଚାଇବାକୁ ଯାଇ ୫ ମହଲା ଉପରୁ ତଳକୁ ଡେଇଁ ପଡୁଛନ୍ତି ।
ସେପଟେ ୭୦ ପ୍ରତିଶତ ନିଆଁକୁ ଆୟତ୍ତ କରାଯାଇଛି ବୋଲି ଅଗ୍ନିଶମ ବାହୀନି ସୂଚନା ଦେଇଛି । ଏଥିରେ ହୋଟେଲର ବ୍ୟାପକ କ୍ଷୟକ୍ଷତି ହୋଇଛି ।
