କୋଣାର୍କ : କୋଣାର୍କରେ ହକି ଲିଜେଣ୍ଡଙ୍କ ମେଳି । ଅର୍କକ୍ଷେତ୍ରରେ ଚାଲିଛି ସର୍ବଭାରତୀୟ ହକି କନକ୍ଲେଭ୍ । ସାରା ଦେଶର ହକି କିମ୍ବଦନ୍ତୀଙ୍କୁ ଏଠାରେ ସ୍ବାଗତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଇକୋ ରିଟ୍ରିଟରେ ଲିଜେଣ୍ଡ୍ସଙ୍କ ପାଇଁ ରହିବା ବ୍ୟବସ୍ଥା ହୋଇଛି। ଭିଡିଓ ବାର୍ତ୍ତା ମାଧ୍ୟମରେ ସମସ୍ତଙ୍କୁ ସଂସ୍କୃତି ଓ ଐତିହ୍ୟର ସହରକୁ ସମସ୍ତଙ୍କୁ ସ୍ବାଗତ କରିଛନ୍ତି ନବୀନ। ବିଶ୍ବକପକୁ ମଝିରେ ଆଉ ୨ଦିନ ବାକିଥିବା ବେଳେ କୋଣାର୍କରେ ଚାଲିଛି ହକି କନକ୍ଲେଭ ।
୧୯୭୫ ବିଶ୍ବକପରେ ସ୍ବର୍ଣ୍ଣ ଜିତିଥିବା ଭାରତୀୟ ଟି ସଦସ୍ୟଙ୍କ ସହ ସମସ୍ତ ରାଜ୍ୟ ହକି ଫେଡରେସନର ସଭାପତି, ସେକ୍ରେଟାରୀ ଓ ହକି ଇଣ୍ଡିଆର ସମସ୍ତ ପଦାଧିକାରୀ ଯୋଗଦେଇଛନ୍ତି । ଏଥିରେ ହକି ବିକାଶ ନେଇ ଆଲୋଚନା କରାଯାଉଛି। ବିଶେଷକରି ମଡର୍ଣ୍ଣ ହକିକୁ ନେଇ ହେଉଛି ଚର୍ଚ୍ଚା। କ’ଣ କଲେ ହକି ଖେଳର ଲୋକପ୍ରିୟତା ବଢ଼ିବ, ସେନେଇ ମଧ୍ୟ ଆଲୋଚନା କରାଯାଉଛି। ସମସ୍ତଙ୍କୁ ବିଶ୍ବକପରେ ସାମିଲ କରାଯାଉଛି।
