କଳା ପଲସରରେ ଆସି ୧୭ ଲକ୍ଷ ୫୦ ହଜାର ଟଙ୍କା ଲୁଟ୍ ଅଭିଯୋଗ

ଫୁଲବାଣୀ: ଫୁଲବାଣୀରେ କଳା ପଲସର ଆତଙ୍କ l ଝାମ୍ପିନେଲେ ୧୭ ଲକ୍ଷ ୫୦ହଜାର ଟଙ୍କା l ଫୁଲବାଣୀର ଏକ ଗ୍ରୋସରୀ ଦୋକାନ ମାଲିକ ଅଜୟ ପାତ୍ର ଓ ସହଯୋଗୀ ରମେଶ ପ୍ରଧାନ ସ୍କୁଟିରେ ଟଙ୍କା ଡିପୋଜିଟ ପାଇଁ ବ୍ୟାଙ୍କକୁ ଯାଉଥିଲେ ।

ହଠାତ୍ କଳା ପଲସରରେ ଦୁର୍ବୃତ୍ତ ଆସି ୧୭ ଲକ୍ଷ ୫୦ ହଜାର ଟଙ୍କା ଭର୍ତ୍ତି ବ୍ୟାଗ୍ ଆଖି ପିଛୁଳାକେ ନେଇଗଲେ ଦୁର୍ବୃତ୍ତ । ପ୍ରଥମେ ଷ୍ଟେଟ ବ୍ୟାଙ୍କରେ କିଛି ଟଙ୍କା ଡିପୋଜିଟ କରି ବାକି ଟଙ୍କା ଧରି ଆକ୍ସିସ ବ୍ୟାଙ୍କ ଯାଉଥିଲେ ଅଜୟ। ଘଟଣା ପରେ ଟାଉନ ଥାନାରେ ଏକ ଅଭିଯୋଗ ହୋଇଛି। ଫୁଲବାଣୀ ଟାଉନ ଥାନା ଅଧିକାରୀ ଅଶୋକ କୁମାର ଗିରି ପହଞ୍ଚି ବିଭିନ୍ନ ସିସିଟିଭି ଫୁଟେଜ ଯାଞ୍ଚ କରୁଛନ୍ତି।