ଭୁବନେଶ୍ୱର: ମହାନଦୀ ଜଳ ବିବାଦ ମାମଲା ନେଇ ଆଜି ଟ୍ରିବ୍ୟୁନାଲରେ ୩୫ ତମ ଶୁଣାଣି ଶେଷ । ମାର୍ଚ୍ଚ 15 ତାରିଖ ରୁ ମହାନଦୀ ଅଵବହିକା କ୍ଷେତ୍ର ପରିଦର୍ଶନ କରିବେ ଟ୍ରିବୁନାଲ। ପ୍ରାୟ ଏକ ସପ୍ତାହ ଧରି ଅଵବାହିକା ପରିଦର୍ଶନ କରିବେ ଟ୍ରିବ୍ୟୁନାଲ । ଉଭୟ ରାଜ୍ୟର ବୈଷୟିକ ଟିମ ଏବଂ ଆସେସର ମାନେ ଆଲୋଚନା କରି କ୍ଷେତ୍ର ପରିଦର୍ଶନର ସ୍ଥାନ ଚୂଡାନ୍ତ କରିବେ। କ୍ଷେତ୍ର ପରିଦର୍ଶନ ପରେ ବିଚାର ପ୍ରକ୍ରିୟା ଏବଂ ସାକ୍ଷ୍ୟ ଗ୍ରହଣ ଆରମ୍ଭ ହେବ । ଆବଶ୍ୟକ ପଡ଼ିଲେ ଏରିଏଲ ସର୍ଭେ ମଧ୍ୟ କରାଯିବ । 25 ମାର୍ଚ୍ଚରେ ମାମଲାର ପରବର୍ତ୍ତୀ ଶୁଣାଣି କରାଯିବ । ଶୁଣାଣି ସମୟରେ ମୁଣ୍ଡୁଲି ଆନିକଟର ସୀମା ନିର୍ଦ୍ଧାରଣ ଉପରେ ଆପତି ଉଠାଇଲା ଛତିଶଗଡ ।
ଘଣ୍ଟାକୁ ୩୦ ହଜାର ଟଙ୍କାରେ ଭଡ଼ାରେ ମିଳୁଛନ୍ତି ପ୍ରେମିକା, ଚୀନଠାରୁ ଭାରତର ଦାମ ଶସ୍ତା
ନୂଆଦିଲ୍ଲୀ: ଆପଣ କମିଟମେଣ୍ଟ ରିଲେସନସିପ ଚାହୁଁନାହାନ୍ତି କି? ଯଦି ନା ତାହାଲେ ଆପଣଙ୍କ ପାଇଁ ରେଣ୍ଟ ଗର୍ଲଫ୍ରେଣ୍ଡ ପୂରାପୂରି ଫିଟ୍ । ଏବେ ଚାଲିଛି ଭାଲେଣ୍ଟାଇନ ଓ୍ବିକ୍ । ଏହି ଓ୍ବିକରେ ସିଙ୍ଗଲ ଥିବା ବ୍ୟକ୍ତି ନିଶ୍ଚୟ ମନଦୁଃଖ କରୁଥିବେ । ଭାବୁଥିବେ ଆମର ଗୋଟେ ଗର୍ଲଫ୍ରେଣ୍ଡ ଥାଆନ୍ତା କି । ତା’ ସହ ଭାଲେଣ୍ଟାଇନ ଡେ’ ସେଲିବ୍ରେଟ କରନ୍ତି । ଏପରି କିଛି ପୁରୁଷମାନଙ୍କ ପାଇଁ ଭଡ଼ାରେ ମିଳୁଥିବା ଗର୍ଲଫ୍ରେଣ୍ଡ ପୂରାପୂରି ଫିଟ୍ ।
୨୦୧୮ରେ ଏକ ଆପ୍ ଲଞ୍ଚ ହୋଇଥିଲା। ଏହାର ନାଁ ଥିଲା ‘ରେଣ୍ଟ ଏ ବୟ’। ଏହି ଆପ୍ ଲଞ୍ଚ ହେଲା ପରେ ଚାରିଆଡେ ଚର୍ଚ୍ଚା ହୋଇଥିଲା । ଏହି ଆପ୍ ଜରିଆରେ ଝିଅମାନେ ବୟଫ୍ରେଣ୍ଡ ବୁକ୍ କରିପାରିବେ । ଏହି ଆପ୍ ଲଞ୍ଚ ହେଲା ପରେ କରୋନା ଲକଡାଉନ୍ ହୋଇଯାଇଥିଲା । ଏହା ପରେ ଏହି ଚର୍ଚ୍ଚା ଧିମା ପଡ଼ି ଯାଇଥିଲା । କିନ୍ତୁ ଅତି ଶୀଘ୍ର ଗୁଗୁଲ ପ୍ଲେ ଷ୍ଟୋରରେ ଏକ ଲକ୍ଷରୁ ଅଧିକ ୟୁଜର୍ସ ହୋଇଗଲେ।
୨୦୨୨ ରେ ବେଙ୍ଗାଲୁରୁର ଯୁବକ ଯୁବତୀଙ୍କ ପାଇଁ ଦୁଇ ଯୁବକ ‘ଦି ବେଟର ଡେଟ’ ନାଁରେ ଆପ୍ ଲଞ୍ଚ କରିଛନ୍ତି । ଏଥିରେ ଭଡ଼ାରେ ପ୍ରେମିକା ମିଳୁଛନ୍ତି । ସେମିତି ‘ଟୟବୟ’ ନାଁରେ ମଧ୍ୟ ଏକ ପେର୍ଟାଲ ମଦ୍ୟ ବେଙ୍ଗାଲୁରୁରେ ଲଞ୍ଚ ହୋଇଛି । ଚାଇନାରେ ଏହି ଆପ ଜରିଆରେ ଗର୍ଲଫ୍ରେଣ୍ଡ ଅତି ସହଜରେ ମିଳୁଛନ୍ତି । ୩୦ ହଜାର ଟଙ୍କା ଦେଇ ଗର୍ଲଫ୍ରେଣ୍ଡ ବୁକ୍ କରୁଛନ୍ତି ଯୁବକ ।
ତାମିଲ ନେତାଙ୍କ ଚାଞ୍ଚଲ୍ୟକର ବୟାନ, ବଞ୍ଚିଛନ୍ତି LTTE ମୁଖ୍ୟ ପ୍ରଭାକରନ
ନୂଆଦିଲ୍ଲୀ: ବିଶ୍ବର ଦୁର୍ଦ୍ଧର୍ଷ ଗରିଲା ସଂଗଠନ ଲିବରେସନ ଟାଇଗର୍ସ ଅଫ ତାମିଲ ଏଲମ ବା ଏଲଟିଟିଇର ମୁଖ୍ୟ ଭି. ପ୍ରଭାକରନ ମୃତ ନୁହନ୍ତି । ସେ ଜୀବିତ ଅଛନ୍ତି । ତାଙ୍କ ମୃତ୍ୟୁର ୧୪ ବର୍ଷ ପରେ ତାମିଲନାଡୁର ପ୍ରମୁଖ ରାଜନୀତିଜ୍ଞ ପାଝା ନେଦୁମରାନ ଏହି ଦାବି ଉଠାଇବା ପରେ ଚାଞ୍ଚଲ୍ୟ ସୃଷ୍ଟି ହୋଇଛି । ସେ କହିଛନ୍ତି ପ୍ରଭାକରନ ଜୀବିତ ଓ ସୁସ୍ଥ ଅଛନ୍ତି । ସେ ଖୁବ୍ ଶୀଘ୍ର ସର୍ବସାଧାରଣରେ ଦୃଶ୍ୟମାନ ହେବେ । ଶ୍ରୀଲଙ୍କାରେ ଏକ ସ୍ବତନ୍ତ୍ର ତାମିଲ ଭୂଖଣ୍ଡ ପ୍ରତିଷ୍ଠା କରିବା ଲାଗି ବେସାଲିସ ସଂଘର୍ଷ ଚଳାଇରଖିଥିଲେ ଏଲଟିଟିଇ ନେତା ପ୍ରଭାକରନ । ଗତ ୨୦୦୯ ମେ ୧୮ ତାରିଖରେ ସେ ମୃତ ବୋଲି ଘୋଷଣା କରିଥିଲେ ଶ୍ରୀଲଙ୍କା ସରକାର । ଶ୍ରୀଲଙ୍କା ବାହିନୀ ସହ ଏଲଟିଟିଇର ଭୟାନକ ସଂଘର୍ଷ ବେଳେ ମୁଲ୍ଲିଭାଇକାଲରେ ସେ ପ୍ରାଣତ୍ୟାଗ କରିଥିଲେ ବୋଲି ଘୋଷଣା କରାଯାଇଥିଲା । ସେତେବେଳେ ଶ୍ରୀଲଙ୍ଗାର ରାଷ୍ଟ୍ରପତି ଥିଲେ ମହିନ୍ଦା ରାଜପକ୍ଷ ।
ବିଶ୍ବ ତାମିଲ ମହାସଂଘର ଅଧ୍ୟକ୍ଷ ନେଦୁମରାନ କହିଛନ୍ତି- ଏଲଟିଟିଇ ମୁଖ୍ୟ ପ୍ରଭାକରନ ଜୀବିତ ଓ ଖୁବ୍ ଶୀଘ୍ର ଲୋକଲୋଚନକୁ ଆସିବେ । ତାମିଲ ଏଲମ ଗଠନ ଲାଗି ପ୍ରଭାକରନଙ୍କ ଯୋଜନା ଲାଗି ତାମିଲ ମହାସଂଘ ଖୁସି ବ୍ୟକ୍ତ କରୁଛି । ସେ ବି କହିଛନ୍ତି ଶ୍ରୀଲଙ୍କାର ସଂକଟ ପରେ ରାଜପକ୍ଷ ସରକାରଙ୍କ ପତନ ପ୍ରଭାକରନ ଲୋକଲୋଚନକୁ ଆସିବାର ପ୍ରକୃଷ୍ଟ ସମୟ । ୨୦୦୯ରେ ପ୍ରଭାକରନଙ୍କ ମୃତ୍ୟୁକୁ ନେଇ ଅନେକ କଳ୍ପନାଜଳ୍ପନା ପ୍ରକାଶ ପାଇଥିଲା ଏବଂ ତାଙ୍କର ମୃତଦେହର ଫଟୋ ବି ପ୍ରକାଶିତ ହୋଇଥିଲା । ତେବେ ସେହି ସମୟରେ ପ୍ରଚାର ହୋଇଥିଲା- ଯୁଦ୍ଧରେ ପ୍ରଭାକରନଙ୍କ ମୃତ୍ୟୁ ଘଟି ନଥିଲା । ଅନ୍ୟ କେତେକ ମହଲ ଅଭିଯୋଗ କରିଥିଲେ ଯେ ଆନ୍ତର୍ଜାତିକ କନଭେନସନ ନିୟମକୁ ଉଲ୍ଲଂଘନ କରି ପ୍ରଭାକରନଙ୍କୁ ହତ୍ୟା କରାଯାଇଥିଲା । ନେଦୁମରାନ କିନ୍ତୁ ପ୍ରଭାକରନଙ୍କ ସବିଶେଷ ବିବରଣୀ ଦେବାକୁ ଅଗ୍ରାହ୍ୟ କରିଛନ୍ତି । ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧି ହତ୍ୟାକାଣ୍ଡରେ ପ୍ରଭାକରନ ଥିଲେ ମୁଖ୍ୟ ଅଭିଯୁକ୍ତ । ଶ୍ରୀଲଙ୍କାକୁ ଶାନ୍ତି ସେନା ପ୍ରେରଣକୁ ବିରୋଧ କରି ୧୯୯୧ରେ ଶ୍ରୀପେରୁମ୍ବୁଦୁରରେ ଏଲଟିଟିଇର ଆତ୍ମଘାତୀ ବିସ୍ଫୋରଣରେ ପ୍ରାଣ ହରାଇଥିଲେ ରାଜୀବ ।
ବିଜେପିର ସେଲଫି କ୍ୟାମ୍ପେନକୁ ଶ୍ରୀମୟୀଙ୍କ ସମାଲୋଚନା
ଭୁବନେଶ୍ୱର: ବିଜେପି ମହିଳା ମୋର୍ଚ୍ଚାର ସେଲଫି କ୍ୟାମ୍ପେନକୁ ବିଜେଡିର କଡା ସମାଲୋଚନା। ବିଜେଡି ସବୁବେଳେ ମହିଳାଙ୍କ ବିକାଶ ଲାଗି ସଂଗ୍ରାମ କରିଆସିଛି। ବିଜେପି ମହିଳାଙ୍କ ବିକାଶ ଚାହୁଁଥିଲେ ସଂସଦରେ ବିଜେପି ଏମପିମାନେ ମହିଳା ସଂରକ୍ଷଣ ବିଲ ପାରିତ ପାଇଁ ଦାବି କରନ୍ତୁ ବୋଲି ବିଜେଡି ମୁଖପାତ୍ର ଶ୍ରୀମୟୀ ମିଶ୍ର କହିଛନ୍ତି। ବିଜେଡି ଦୀର୍ଘ ଦିନରୁ ମହିଳାଙ୍କୁ ୩୩ପ୍ରତିଶତ ସଂରକ୍ଷଣ ନେଇ ଦାବି କରିଆସୁଛି।
୨୦୨୧-୨୨ରୁ ଓଡ଼ିଶାର ୯୦ଲକ୍ଷ ମହିଳା ଉଜ୍ଜ୍ୱଳା ଗ୍ୟାସ ରିଫିଲ କରି ପାରିନାହାଁନ୍ତି। ବିଜେପିର ସାଂସଦମାନେ କେନ୍ଦ୍ର ସରକାରଙ୍କ ପାଖରେ ଏନେଇ ଦୃଢ଼ ଦାବି ରଖିଲେ ରାଜ୍ୟର ଉଜ୍ଜ୍ୱଳା ହିତାଧିକାରୀ ଉପକୃତ ହୁଅନ୍ତେ। ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ୫କିଲୋ ଚାଉଳ କାଟି ଦିଆଯାଇଛି। ଏହାର ପ୍ରଭାବ ରାଜ୍ୟର ୧କୋଟି ଗରିବଙ୍କ ହାଣ୍ଡିଶାଳ ଉପରେ ପଡ଼ିଛି।
କେନ୍ଦୁପତ୍ରର ଜିଏସଟି ୧୮ପ୍ରତିଶତ ଯୋଗୁଁ ୮ଲକ୍ଷ ଆଦିବାସୀ ମହିଳା କେନ୍ଦୁପତ୍ର ତୋଳାଳିଙ୍କ ଜୀବିକା ପ୍ରଭାବିତ ହେଉଛି। ଜିଏସଟି ଛାଡ଼ ନହେଲେ ଆଦିବାସୀ ମହିଳା ରୋଜଗାର ହରାଇବେ। ଏକଥା ବିଜେପିକୁ କାହିଁକି ଦେଖାଯାଉନି ବୋଲି ଶ୍ରୀମୟୀ ପ୍ରଶ୍ନ କରିଛନ୍ତି।
ମାଲକାନଗିରିରେ ସାରଥି ଅନୁଗାମୀଙ୍କ ସତସଙ୍ଗ
ମାଲକାନଗିରି: ପୁଣି ମାତିଲେ ସାରଥି ଅନୁଗାମୀ । ମାନ୍ୟବରଙ୍କ ଉପରେ ସିନା ବ୍ୟାନ ଲାଗିଛି, ହେଲେ ଏବେବି ରାଜ୍ୟର କୋଣ ଅନୁକୋଣରେ ଖୁଲମଖୁଲା ଚାଲିଛି ସେବାପୂଜା । ଅପରାଧିକ ମାମଲାରେ ଜଡ଼ିତ ଥିବାରୁ ସାରଥିର ପ୍ରବଚନ ଉପରେ ପ୍ରତିବନ୍ଧକ ଲଗାଯାଇଛି । କିନ୍ତୁ ଏସବୁ ପ୍ରଭାବିତ କରିପାରିନି ସାରଥି ସମର୍ଥକଙ୍କୁ । ସତସଙ୍ଗ ହେଉଛି । ପାଦପୂଜା ବି ହେଉଛି । ପୂଜାରେ ଏକାଠି ହେଉଛନ୍ତି ହଜାର ହଜାର ସମର୍ଥକ । ପାରମ୍ପରିକ ନାଚଗୀତରେ କମ୍ପିଛି ଗାଁ ଦାଣ୍ଡ । ତାଜୁବ କଲା ଭଳି ଏହି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ବରଜା ଗାଁରେ ।
ଯାହାକୁ ଅନୁମତି ଦେଇଛି ସ୍ଥାନୀୟ ପ୍ରଶାସନ । ଗାଁର ଜଣେ ବ୍ୟକ୍ତିଙ୍କ ପୁଅ ଜନ୍ମଦିନରେ ସାରଥି ପାଦୁକା ଯାତ୍ରା ସହ ସତସଙ୍ଗର ଆୟୋଜନ ହୋଇଥିଲା । କୋୟା ଓ ବଣ୍ଡାନୃତ୍ୟର ତାଳେ ତାଳେ କଳସ ଯାତ୍ରା ଅନୁଷ୍ଠିତ ହୋଇଥିଲା । ସଂଧ୍ୟାରେ ପାଦୁକା ପୂଜା ସହ ପ୍ରବଚନ ଆୟୋଜନ ହୋଇଥିଲା । ଏହି ସତସଙ୍ଗରେ ସବୁ ଜିଲ୍ଲାରୁ ସାରଥି ଅନୁଗାମୀ ଯୋଗଦେଇଥିଲେ । ମାଲକାନଗିରି ଜିଲ୍ଲାରେ ହଜାର ହଜାର ସମର୍ଥକଙ୍କ ସମାଗମରେ ଏଭଳି କାର୍ଯ୍ୟକ୍ରମ ଆୟୋଜିତ ହେବା ସମସ୍ତଙ୍କୁ ଚକିତ କରିଛି ।
ରେଳବାଇ କ୍ଷେତ୍ରରେ ମୟୂରଭଞ୍ଜ ଅବହେଳା, ବିରୋଧ କଲା ବିଜେଡି
ମୟୂରଭଞ୍ଜ: ରେଳବାଇ କ୍ଷେତ୍ରରେ ମୟୂରଭଞ୍ଜ ଜିଲ୍ଲାକୁ ଲଗାତାର ଅବହେଳା କରିଆସୁଛି କେନ୍ଦ୍ର । କେନ୍ଦ୍ର ସରକାରଙ୍କ ଏଭଳି ବୈମାତୃକ ମନୋଭାବକୁ ଜୋରଦାର ବିରୋଧ କରିଛି ବିଜେଡି । ବରିଷ୍ଠ ନେତା ସାନନ୍ଦ ମାର୍ଣ୍ଡିଙ୍କ ନେତୃତ୍ବରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏଥିରେ ବିଧାୟକ ସୁଦାମ ମାର୍ଣ୍ଡି, ପୂର୍ବତନ ମନ୍ତ୍ରୀ ସରୋଜିନୀ ହେମ୍ବ୍ରମ୍ ଯୋଗ ଦେଇଛନ୍ତି ।
ବାରିପଦା ପୌର ପରିଷଦ ଅଧ୍ୟକ୍ଷ କୃଷ୍ଣାନନ୍ଦ ମହାନ୍ତି, ମୟୂରଭଞ୍ଜ ଜିଲ୍ଲା ଆଦିବାସୀ ବିକାଶ ପରିଷଦ ଅଧ୍ୟକ୍ଷ ଦେବାଶିଷ ମାର୍ଣ୍ଡି ପ୍ରମୁଖ ଉପସ୍ଥିତ ଥିଲେ । ମୟୂରଭଞ୍ଜ ଜିଲ୍ଲା ପ୍ରତି କେନ୍ଦ୍ର କରୁଥିବା ଅବହେଳାକୁ ଆଉ ବରଦାସ୍ତ କରାଯିବନି । ଜିଲ୍ଲାର ହକ ପାଇଁ ଆଗାମୀ ଦିନରେ ଆନ୍ଦୋଳନକୁ ଆହୁରି ଜୋରଦାର କରାଯିବ ବୋଲି ଚେତାବନୀ ଦିଆଯାଇଛି।
ରାଜ୍ୟ ବିକାଶରେ କେନ୍ଦୁଝରର ବଡ଼ ଅଂଶ, ମୁଁ ସ୍ୱତନ୍ତ୍ର ଧ୍ୟାନ ଦେଇ ଆସିଛି..
ନନ୍ଦିଘୋଷ ବ୍ୟୁରୋ: କେନ୍ଦୁଝରରେ ମୁଖ୍ୟମନ୍ତ୍ରୀ ଲେଖିଛନ୍ତି ନବୀନ ଯୁଗ । ଜୟ ମା ତାରିଣୀରୁ ଆରମ୍ଭ କରିଥିଲେ ଭାଷଣ । ମୁଖ୍ୟମନ୍ତ୍ରୀ କହିଥିଲେ, ମୁଁ ଆପଣଙ୍କୁ ଭେଟି ବହୁତ ଖୁସି । ଏ ମାଟିର ବିପ୍ଲବୀ ଧରଣୀଧରଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଜଣାଇଛନ୍ତି । ଆଜି ସାରା ଓଡ଼ିଶାର ସ୍ୱାସ୍ଥ୍ୟ ସେବା କ୍ଷେତ୍ରରେ ଗୌରବର ଦିନ । ବହୁ ଦିନର ଆଶା ପୂରଣ ହୋଇଛିନ । ଏହା ରାଜ୍ୟର 10 ତମ ମେଡିକାଲ କଲେଜ । ଆପଣ ମାନେ ଖୁସି ତ ବୋଲି ଉଦବୋକଧନ ଦେଇଥିଲେ । ପ୍ରତି ଉତ୍ତରରେ କହିଥିଲେ ମୁଁ ବି ବହୁତ ଖୁସି… ଜିଲ୍ଲାରେ ମେଡିକାଲ କଲେଜ ହେବା ଦ୍ୱାରା ଅଧିକ ଡାକ୍ତର ବାହାରିବେ । ସ୍ୱାସ୍ଥ୍ୟ ସେବାରେ ଉନ୍ନତି ଆସିବ ।
ଗରିବ ରୋଗୀଙ୍କୁ ଆଉ କଟକ ଭୁବନେଶ୍ୱର ଯିବାକୁ ପଡିବ ନାହିଁ । କ୍ୟାନ୍ସର କେୟାର ଓ ନର୍ସିଙ୍ଗ କଲେଜ ଏଠାରେ ଖୁବ ଶୀଘ୍ର ଖୋଲାଯିବ । ମୋ ପାଇଁ ସବୁ ଜୀବନ ମୂଲ୍ୟବାନ । ଏହା ସ୍ୱାସ୍ଥ୍ୟ ସେବାକୁ ବାଟ ଦେଖାଇଛି । BSKY ସୁବିଧା ଅନେକ ପାଇଛନ୍ତି । ଏହା ସାରା ଭାରତ ବର୍ଷରେ ଶ୍ରେଷ୍ଠ ଯୋଜନା । ଭଲ ହସ୍ପିଟାଲରେ ଚିକିତ୍ସା ପାଉଛନ୍ତି ସାଧାରଣ ରୋଗୀ । କେନ୍ଦୁଝରର 24 ହଜାର ଲୋକ ସୁବିଧା ପାଇଛନ୍ତି । କେନ୍ଦୁଝର ଖଣି ଅଞ୍ଚଳ, ଓଡ଼ିଶା ବିକାଶରେ ଏହାର ବହୁତ ଅଂଶ ଅଛି । ମିଲେଟ ମିଶନରେ କେନ୍ଦୁଝର ଚାଷୀ ସୁନାମ ଆଣିଥିବାରୁ ଧନ୍ୟବାଦ ଦେଇଛନ୍ତି ମୁଖ୍ୟମନ୍ତ୍ରୀ ।
ମିଶନ ଶକ୍ତି ମହିଳା ମାନେ ଆଜି ରୋଜଗାର କ୍ଷମ ହୋଇଛନ୍ତି । ନିଜ ପରିବାର, ଅଞ୍ଚଳ ଏବଂ ରାଜ୍ୟର ବିକାଶରେ ସହାୟକ ହେବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ । ସେହିପରି ଭାଷଣରେ ଚାଷୀ, ମହିଳା ଓ ଯୁବକଙ୍କୁ ପ୍ରଶଂସା କରିଥିଲେ ମୁଖ୍ୟମନ୍ତ୍ରୀ । କହିଥିଲେ ଚାଷୀ-ଯୁବକ-ମହିଳା ଆମ ରାଜ୍ୟର ତ୍ରିଶକ୍ତି । ବିକଶିତ ଓଡ଼ିଶାର ସ୍ୱପ୍ନକୁ ପୂରଣ କରିବାରେ ଗୁରୁତ୍ୱ ବହନ କରିବେ ଏମାନେ ।
ନବୀନଙ୍କ ହାତରେ କେନ୍ଦୁଝରରେ ବିକାଶ, ଉଦଘାଟନ ହେଲା DD ମେଡିକାଲ କଲେଜ୍
କେନ୍ଦୁଝର: କେନ୍ଦୁଝରରେ ଲେଖା ହୋଇଛି ନୂଆ ଅଧ୍ୟାୟ । ଆରମ୍ଭ ହେବ ସମୃଦ୍ଧ ସ୍ୱାସ୍ଥ୍ୟସେବାର ନୂଆ ଯୁଗ। ଉଦଘାଟନ ହୋଇଛି ଧରଣୀଧର ସରକାରୀ ମେଡିକାଲ୍ କଲେଜ ଓ ହସ୍ପିଟାଲ। କେନ୍ଦୁଝର ଯାଇ ଜିଲ୍ଲାବାସୀଙ୍କୁ ୪ ହଜାର ୭୦୩ କୋଟି ଟଙ୍କାର ପ୍ରକଳ୍ପ ଭେଟିଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦୁଝର ଧରଣୀଧର ମେଡିକାଲ କଲେଜ ହେଲିପ୍ୟାଡରେ ପହଞ୍ଚିବା ପରେ ସଭାସ୍ଥଳରେ ପହଁଚିଥିଲେ ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମଡିକାଲ କଲେଜର ଶୁଭ ଉଦଘାଟନ କରିଛନ୍ତି । ୩୮୧ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି ମେଡିକାଲ୍ କଲେଜ। ଏଥିରେ ପ୍ରଥମ ବର୍ଷରେ ୧୦୦ଟି MBBS ସିଟରେ ନାମଲେଖା ହୋଇଛି।
୨୦୧୬ରେ ଧରଣୀଧର ଭେଷଜ ମହାବିଦ୍ୟାଳୟ ଓ ହସ୍ପିଟାଲର ଶିଳାନ୍ୟାସ କରିଥିଲେ ମୁଖ୍ୟମନ୍ତ୍ରୀ। ଖୁବଶୀଘ୍ର ସମସ୍ତ ବିଭାଗ କାର୍ଯ୍ୟକ୍ଷମ ହେବା ସହିତ, ଆଦିବାସୀ ବହୁଳ କେନ୍ଦୁଝର ଜିଲ୍ଲାବାସୀଙ୍କୁ ମିଳିଛି ଉନ୍ନତମାନର ସ୍ବାସ୍ଥ୍ୟସେବା । ମେଡିକାଲ କଲେଜ ଉଦଘାଟନ ପରେ ୪ ହଜାର ୭୦୩ କୋଟି ୨୪ଲକ୍ଷ ଟଙ୍କାର ୨୫୯ଟି ପ୍ରକଳ୍ପର ଶୁଭ ଉଦଘାଟନ ଓ ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ । ୧୪ହଜାର ୩୭୨ଟି ଏସଏଚଜିକୁ ବିନା ସୁଧରେ ୩୭୮କୋଟି ଟଙ୍କାର ଋଣ ସହାୟତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ ରାଜ୍ୟର ଅପୂର୍ବ ସଫଳତା ଭେଟି ଦେଇଥିବା କହିଛନ୍ତି ଛାତ୍ରଛାତ୍ରୀ । ସେହିପରି ମୁଖ୍ୟମନ୍ତ୍ରୀ ପ୍ରଥମବର୍ଷର ଛାତ୍ରଛାତ୍ରୀଙ୍କ ସହ ଫଟୋ ମଧ୍ୟ ଉଠାଇଛନ୍ତି ।
ଗତକାଲି କେନ୍ଦୁଝରକୁ ବିଶ୍ବବିଦ୍ୟାଳୟ ଉପହାର ଦେଇଥିଲେ ମୁଖ୍ୟମନ୍ତ୍ରୀ । ଧରଣୀଧର ସ୍ବୟଂଶାସିତ ମହାବିଦ୍ୟାଳୟକୁ ବିଶ୍ବବିଦ୍ୟାଳୟ ମାନ୍ୟତା ପ୍ରଦାନ କରାଯାଇଛି । ଡିଡି କଲେଜକୁ ବିଶ୍ବବିଦ୍ୟାଳୟ ମାନ୍ୟତା ମିଳିବା ପରେ ଉପକୃତ ହେବେ ଜିଲ୍ଲାର ଛାତ୍ରଛାତ୍ରୀ । ଏଥିପାଇଁ ରାଜ୍ୟ ସରକାର, ମୁଖ୍ୟମନ୍ତ୍ରୀ ଓ ଫାଇଭ T ସଚିବଙ୍କୁ ଧନ୍ୟବାଦ ଜଣାଇଛନ୍ତି ଜିଲ୍ଲାବାସୀ । ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଆନନ୍ଦପୁର ବିଧାୟକ ଭାଗିରଥୀ ସେଠୀ l
କେନ୍ଦ୍ର ବିରୋଧରେ ୧୪ରୁ ବିଜେଡିର ଗଣ ଆନ୍ଦୋଳନ
ଭୁବନେଶ୍ୱର: ଧାନ କ୍ରୟକୁ ନେଇ ବିଜେଡି ବିଧାୟକ ଅରୁଣ ସାହୁଙ୍କ ପ୍ରେସମିଟ । କେନ୍ଦ୍ରର ଯେଉଁଭଳି ବଜେଟ କରାଯାଇଛି, ତାହା ଫଳରେ ଓଡ଼ିଶା କ୍ଷତିଗ୍ରସ୍ତ ହେବ । ୨୦ ହଜାର କୋଟି ଟଙ୍କା କମ କରାଯାଇଛି । ପୂର୍ବରୁ କେନ୍ଦ୍ର ୧୮ ଲକ୍ଷ ମେଟ୍ରିକ ଟନ୍ ଧାନ ଉଠାଉଥିବାବେଳେ ବର୍ତ୍ତମାନ ଉସୁନା ଚାଉଳ ଉଠାଇବା ବରାଦକୁ ୧୪ ଲକ୍ଷ ମେଟ୍ରିକ ଟନକୁ କମାଇ ଦିଆଯାଇଛି । କେବଳ ୪ ଲକ୍ଷ ମେଟ୍ରିକ ଟନ ବରଗଡ଼ ଜିଲ୍ଲାରେ ଉତ୍ପାଦନ କରାଯଉଛି । ଯାହା ଫଳରେ ଓଡ଼ିଶା ବ୍ୟାପକ କ୍ଷତିଗ୍ରସ୍ତ ହେବ ବୋଲି କହିଛନ୍ତି ବିଜେଡି ବିଧାୟକ ଅରୁଣ ସାହୁ ।
ପ୍ରଧାନମନ୍ତ୍ରୀ ଗରୀବ କଲ୍ୟାଣ ନୀତିରେ ୫ କେଜି ମାଗଣା ଚାଉଳକୁ କମାଇ ଦେଇଛନ୍ତି କେନ୍ଦ୍ର ସରକାର । ବର୍ତ୍ତମାନ ୫ କେଜି ଚାଉଳ କାଟି ଦେବା ଫଳରେ ଓଡିଶାରେ ୩ କୋଟି ୨୫ ଲକ୍ଷ ଲୋକ କ୍ଷତିଗ୍ରସ୍ତ ହେବେ । ବର୍ତ୍ତମାନ ପର୍ଯ୍ୟନ୍ତ ବକେୟା ୧୪ ହଜାର କୋଟି ଟଙ୍କା କେନ୍ଦ୍ର ଦେଉନି । କେନ୍ଦ୍ର ଅନ୍ୟାୟ ବିରୋଧରେ ଗଣ ଆନ୍ଦୋଳନ କରିବୁ । ରାଜ୍ୟପାଳଙ୍କୁ ଭେଟି ରାଷ୍ଟ୍ରପତିଙ୍କ ଜରିଆରେ ସ୍ମାରକପତ୍ର ଦେବ ବିଜେଡି ।
୧୪ ତାରିଖରୁ ବିଜେଡି ଆନ୍ଦୋଳନ ଡାକରା ଦେବ । ରାଜ୍ୟପାଳଙ୍କୁ ସ୍ମାରକ ପତ୍ର ଦେବାପରେ ପୂର୍ବାହ୍ନରେ ଆନ୍ଦୋଳନରେ ବସିବ । ୧୫ ତ୩ରିଖରେ ସମସ୍ତ ପଞ୍ଚାୟତ କାର୍ଯ୍ୟାଳୟରେ ଚାଷୀ ଯୋଗଦେଇ ଆନ୍ଦୋଳନ କରିବ । ସେହିପରି ୧୬ ତାରିଖରେ ସମସ୍ତ ବ୍ଲକ ଏବଂ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିଜୁ ଜନତା ଦଳ ଚାଷୀଙ୍କ ପାଇଁ ବିକ୍ଷୋଭ ପ୍ରଦର୍ଶନ କରିବ ବୋଲି କହିଛନ୍ତି ବିଜେଡି ବିଧାୟକ ଅରୁଣ ସାହୁ ।
ଧାନ କିଣାରେ ତତ୍ପରତା । ଓଡିଶାର ଥିବା ବକେୟା ଅର୍ଥ ପ୍ରଦାନ । ଏବଂ ଗରୀବ କଲ୍ୟାଣ ଯୋଜନାରେ ଗରୀବ ହିତାଧିକାରୀଙ୍କୁ ମାଗଣା ଚାଉଳ ଯୋଗାଇ ଦେବା ଦାବିକୁ ନେଇ ରାସ୍ତାକୁ ଓହ୍ଲାଇବ ବିଜେଡି । ତେଣୁ ତୁରନ୍ତ କେନ୍ଦ୍ର ସରକାର ଏହି ସମସ୍ତ ଦାବି ପ୍ରତି ଧ୍ୟାନ ଦିଅନ୍ତୁ ବୋଲି କହିଛି ବିଜେଡି ।
ବାଣୀବିହାରରେ ଅଶାନ୍ତି ଘଟଣା, ଦୁଇ ଅଣଛାତ୍ର ଗିରଫ
ଭୁବନେଶ୍ୱର: ବାଣୀବିହାର ଆଲୋଚନାଚକ୍ରରେ ଅଶାନ୍ତି ଘଟଣା। ଦୁଇ ଅଣଛାତ୍ରଙ୍କୁ ଗିରଫ କଲା ସହିଦ ନଗର ଥାନା ପୋଲିସ। ଗିରଫ ଅଭିଯୁକ୍ତ ହେଉଛନ୍ତି ମାନସ ସାହୁ ଓ ସଞ୍ଜୟ ମଲ୍ଲିକ। ଘଟଣାରେ ଆଉ ଯେଉଁମାନେ ସଂପୃକ୍ତ ସେମାନଙ୍କୁ ଚିହ୍ନଟ କରାଯାଇ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି। ଗତକାଲି ଉତ୍କଳ ବିଶ୍ବବିଦ୍ୟାଳୟର ସିଟିଜେନ୍ ଫୋରମ ପକ୍ଷରୁ ପିଜି କାଉନସିଲ ଅଡିଟୋରିୟମରେ “ସମ୍ବିଧାନ ଓ ଶିକ୍ଷା ନୀତି” ଶୀର୍ଷକରେ ଆଲୋଚନାଚକ୍ର ଚାଲିଥିବା ବେଳେ ଗଣ୍ଡଗୋଳ ହୋଇଥିଲା।
ଜେଏନୟୁ ପ୍ରଫେସର ସୁରଜିତ ମଜୁମଦାର ବକ୍ତବ୍ୟ ରଖିବା ସମୟରେ ଏବିଭିପି ଓ ଆରଏସଏସ ସଦସ୍ୟ ଆସି ଗାଳିଗୁଲଜ ଆରମ୍ଭ କରିଥିଲେ। ସେମିନାର ବନ୍ଦ କରିବାକୁ ଧମକ ଦେଇଥିଲେ । ସିଟିଜେନ୍ ଫୋରମ୍ ଆବାହକ ପ୍ରଦୀପ୍ତ ନାୟକ, ଅଧ୍ୟାପକ ସୁରେନ୍ଦ୍ର ଜେନାଙ୍କୁ ଏବିଭିପି ସଦସ୍ୟ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହ ଆକ୍ରମଣ କରିଥିବା ଅଭିଯୋଗ ହୋଇଛି। ଘଟଣା ନେଇ ସହିଦ ନଗର ଥାନାରେ ଉଭୟ ପକ୍ଷରୁ ମାମଲା ଦାଏର କରାଯାଇଥିଲା ।