କୋଲକାତା: ବେଲୁନ ଗ୍ୟାସ ସିଲିଣ୍ଡର ଫାଟି ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ରୁ ଉର୍ଦ୍ଧ୍ୱ ଗୁରୁତର । ପଶ୍ଚିମବଙ୍ଗର ଦକ୍ଷିଣ ୨୪ ପରଗଣା ଜିଲ୍ଲା ସ୍ଥିତ ଜୟନଗର ଅଞ୍ଚଳର ବାଟରା ଗାଁରେ ଘଟିଛି ଏହି ଅଘଟଣ । ଏକ ମେଳାରେ ବହୁ ଦୋକାନ ବଜାର ବସି ଥିବା ବେଳେ ଏକ ବେଲୁନ ଗ୍ୟାସ ସିଲିଣ୍ଡ ହଠାତ ଫାଟି ଯାଇଥିଲା । ସିଲିଣ୍ଡର ବିସ୍ଫୋରଣ ଯୋଗୁଁ ୪ ଜଣଙ୍କ ମୃତ୍ୟୁ ହୋଇଛି ଓ ୧୦ରୁ ଉର୍ଦ୍ଧ୍ୱ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ମେଳାକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛି ସ୍ଥାନୀୟ ପ୍ରଶାସନ ।
୧୫ ପ୍ରସ୍ତାବକୁ ରାଜ୍ୟ କ୍ୟାବିନେଟର ମୋହର; ତୃତୀୟଲିଙ୍ଗୀ ସନ୍ତାନଙ୍କୁ ମିଳିବ ପରିବାର ପେନସନ
ଭୁବନେଶ୍ୱର: ରାଜ୍ୟ କ୍ୟାବିନେଟରେ ୧୫ଟି ଗୁରୁତ୍ବପୂର୍ଣ୍ଣ ପ୍ରସ୍ତାବ ଉପରେ ବାଜିଛି ମୋହର । ତୃତୀୟଲିଙ୍ଗୀ ସନ୍ତାନଙ୍କୁ ମିଳିବ ପରିବାର ପେନସନ । ଏକମାତ୍ର ଉତ୍ତରାଧିକାରୀ ହୋଇଥିଲେ ଅବିବାହିତ ଝିଅ ଭାବେ ବିବେଚିତ ହୋଇ ପରିବାର ପେନସନ ପାଇବାକୁ ଯୋଗ୍ୟ ବିବେଚିତ ହେବେ । ଓଡ଼ିଶା ପେନସନ ରୁଲ ୧୯୯୨ରେ ସଂଶୋଧନକୁ ମିଳିଛି କ୍ୟାବିନେଟ ଅନୁମୋଦନ । ଜେଲରେ କୌଣସି କାରଣରୁ କଏଦୀଙ୍କ ମୃତ୍ୟୁ ହେଲେ ସମ୍ପର୍କୀୟଙ୍କୁ ମିଳିବ କ୍ଷତିପୂରଣ । ଓଡ଼ିଶା ଆଦର୍ଶ ବିଦ୍ୟାଳୟର ଛାତ୍ରଙ୍କ ଲାଗି ୧୦୦ ସିଟ୍ ବିଶିଷ୍ଟ ୨୩୭ଟି ହଷ୍ଟେଲ ନିର୍ମାଣ ପ୍ରସ୍ତାବକୁ ମିଳିଛି ଅନୁମୋଦନ ।
ସେହିପରି ଗଣଶିକ୍ଷା ବିଭାଗରେ ଛୁଟି ବା ଟ୍ରେନିଂରେ ଯିବା ପରେ ଖାଲି ପଡୁଥିବା ପଦବୀ ପୂରଣ ଲାଗି ଲିଭ ଆଣ୍ଡ ଟ୍ରେନିଂ ରିଜର୍ଭ ପୋଷ୍ଟ ତିଆରି ହୋଇଛି । ବିମାନ ଇନ୍ଧନରେ ଭାଟ୍ ୧%କୁ ହ୍ରାସ କରାଯାଇଛି । ଫଳରେ ବିମାନ, ହେଲିକପ୍ଟର, ସିପ୍ଲେନ, ରାଜ୍ୟ ଭିତରେ ଥିବା ଯେକୌଣସି ଜାଗାକୁ ଉଡ଼ିବା ଖର୍ଚ୍ଚ କମିବ । MSME ଉନ୍ନୟନ ନୀତି ୨୦୧୬ରେ ସଂଶୋଧନ ସହା ଖାଦ୍ୟ ପ୍ରକ୍ରିୟାକରଣ ନୀତିରେ ସଂଶୋଧନ ଅଣାଯାଇଛି । ଭୁବନେଶ୍ୱରରେ ଜଳ ଯୋଗାଣ ପାଇଁ ପ୍ରତିଷ୍ଠା ହେବ ଟ୍ରିଟମେଣ୍ଟ ପ୍ଲାଣ୍ଟ । ୧୩୦ ମିଲିୟନ ଲିଟର କ୍ଷମତାବିଶିଷ୍ଟ ଜଳ ବିଶୋଧନ ପ୍ଲାଣ୍ଟ ଲାଗି ଟେଣ୍ଡରକୁ ଅନୁମୋଦନ ମିଳିଛି ।
ସମ୍ବଲପୁରରେ ତ୍ରିଲୋଚନ ନେତ୍ରାଳୟ ପାଇଁ ୫ଏକର ଅନୁମୋଦିତ କରିଛି କ୍ୟାବିନେଟ । ସେହିପରି ଜଟଣୀରେ ଶ୍ରୀ ଭିଲେ ପାର୍ଲେ କେଲାବାଣୀ ମଣ୍ଡଲ ବିଶ୍ବବିଦ୍ୟାଳୟ ରାଜ୍ୟ ସରକାର ଜମି ଯୋଗାଇବେ । ଜଳ ସମ୍ପଦ ବିଭାଗର ଡ୍ରେନେଜ ଉନ୍ନତିକରଣ ଯୋଜନାକୁ ଅନୁମୋଦନ ମିଳିଛି । ବିଭାଗର ଏହି ନୂଆ ଯୋଜନା ଲାଗି କ୍ୟାବିନେଟରେ ଅର୍ଥ ମଧ୍ୟ ବ୍ୟୟବରାଦ ହୋଇଛି । ଡ୍ରିମସ୍ ବିଶ୍ବବିଦ୍ୟାଳୟ ୨୦୨୨ ବିଲରେ ସଂଶୋଧନ ପ୍ରସ୍ତାବକୁ ବି ମିଳିଛି ଅନୁମୋଦନ ।କ୍ୟାବିନେଟ ବୈଠକ ପୂର୍ବରୁ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ମନ୍ତ୍ରୀ ପରିଷଦ ବୈଠକରେ ୨୦୨୩-୨୪ର ବାର୍ଷିକ ବଜେଟକୁ ଅନୁମୋଦନ ମିଳିଛି । ଚଳିତ ବଜେଟର ଆକାର ୨ ଲକ୍ଷ ୩୦ ହଜାର କୋଟି ଟଙ୍କା ଛୁଇଁବ ବୋଲି ଆକଳନ କରାଯାଇଛି ।
ଜେଲରେ ନୋଟବୁକ୍ ମାଗିଲା ଅଫତାବ, ଉଚ୍ଚଶିକ୍ଷା ପାଇଁ କୋର୍ଟରେ କଲା ଆବେଦନ
ନୂଆଦିଲ୍ଲୀ: ଉଚ୍ଚଶିକ୍ଷା ପାଇଁ କୋର୍ଟରେ ଆବେଦନ କଲା ଶ୍ରଦ୍ଧା ମର୍ଡର କେସର ମୁଖ୍ୟ ଅଭିଯୁକ୍ତ ଆଫତାବ ପୁନାଓ୍ବାଲା । ଜେଲରେ ନୋଟବୁକ୍ ଏବଂ ପେନସିଲ ଯୋଗାଇ ଦେବାକୁ କଲା ଆବେଦନ । ଆଫତାବ ଆଗକୁ ପାଠ ପଢ଼ା ଜାରି ରଖିବାକୁ ଚାହୁଁଛି । ଏଥିପାଇଁ ସେ କୋର୍ଟରେ ଏହି ଆବେଦନ କରିଛି । ଜେଲରେ ଥାଇ ସେ ନୋଟ ପ୍ରସ୍ତୁତ କରିବାକୁ ଚାହୁଁଛି । ପାଠ ପଢ଼ା ପୂରା କରିବାକୁ ତାର ଇଚ୍ଛା ଥିବା କହିଛି ଆଫତାବ ।
ଆଫତାବଙ୍କ ଓକିଲଙ୍କ କହିବା କଥା ହେଲା, ସେ ନିଜ ଚାର୍ଜସିଟର ଏକ ସଫ୍ଟ କପି ପାଇବାକୁ ଆବେଦନ କରିଛି । ତାଙ୍କୁ ଇ-ଚାର୍ଜ ସିଟ ଯୋଗାଇ ଦିଆଯାଇଛି ହେଲେ ଏହା ପଢ଼ିବା ଯୋଗ୍ୟ ନୁହେଁ । ଏହି କାରଣରୁ ସେ ଆଉ ଏକ କପି ପାଇଁ ଆବେଦନ କରିଛି ।
ଏଠାରେ ଆମେ କହି ରଖିବାକୁ ଚାହୁଁଛୁ ଯେ, ୨୦୨୨ ମସିହା ମେ ମାସ ୧୮ ତାରିଖରେ ଆଫତାବ ନିଜ ଲିଭ୍-ଇନ୍ ରିଲେସନସିପରେ ଥିବା ପାର୍ଟନ ଶ୍ରଦ୍ଧା ଓ୍ବାକରଙ୍କୁ ହତ୍ୟା କରିଥିଲା । ଏହା ପରେ ସେ ଶବକୁ ୩୫ ଖଣ୍ଡ କରି ଫ୍ରିଜରେ ରଖିଥିଲା । ଶରୀରର ମାଂସ ଖଣ୍ଡକୁ ସେ ଦୂରରେ ଥିବା ଜଙ୍ଗଲରେ ଫିଙ୍ଗିଥିଲା । ଏହି ମାମଲାରେ ପୋଲିସ ଗତ ନଭେମ୍ବର ମାସରେ ଆଫତାବକୁ ଗିରଫ କରିଥିଲା ।
କଙ୍ଗନାଙ୍କ ଉପରେ ଫାୟର ନଓ୍ୱାଜଙ୍କ ଭାଉଜ-ଦିଦି , ସବୁ କଥାରେ ମୁଣ୍ଡ ଖେଳାଅନି
ମୁମ୍ବାଇ: ବିବାଦୀୟ ବୟାନ୍ ଦେଇ ଚର୍ଚ୍ଚାରେ ବଲିଉଡର ବିବାଦୀୟ କୁଇନ୍ କଙ୍ଗନା ରାଣାଓ୍ୱତ । ଅଭିନେତା ନଓ୍ୱାଜୁଦ୍ଦିନ୍ ସିଦ୍ଦିକୀଙ୍କ ଏକ ଭିଡ଼ିଓ ଦେଖିବା ପରେ ନଓ୍ୱାଜଙ୍କ ଏକ୍ସ ଓ୍ୱାଇଫ୍ଙ୍କୁ ନେଇ କଟୁ କଥା କହିବା କଙ୍ଗନାଙ୍କୁ ମହଙ୍ଗା ପଡ଼ିଛି । ଦିଦି ପରକଥାରେ ସବୁବେଳେ ମୁଣ୍ଡ ଖେଳାଅନି, ଯଦି କିଛି ଘଟେ କିଏ ଦାୟୀ ରହିବ ବୋଲି କଙ୍ଗନାଙ୍କୁ ପ୍ରଶ୍ନ କରିଛନ୍ତି ନଓ୍ୱାଜୁଦ୍ଦିନଙ୍କ ଭଉଣୀ ।
ସୂଚନାଯୋଗ୍ୟ, ନଓ୍ୱାଜ୍ଜୁଦ୍ଦିନଙ୍କ ପୂର୍ବ ପତ୍ନୀ ଆଲିୟା ନଓ୍ୱାଜଙ୍କୁ ଘରୁ ବାହାର କରିବା ପରେ ଝଗଡ଼ା ଭିଡ଼ିଓକୁ ସୋସିଅଲ ମିଡିଆରେ ଶେୟାର କରିଦେଲେ । ନଓ୍ୱାଜୁଦ୍ଦିନଙ୍କ ଏହି ଭିଡ଼ିଓ ଦେଖି କଙ୍ଗନା ରନୌତ ଆଲିୟା ସିଦ୍ଦିକୀଙ୍କ ଉପରେ ରାଗି ଯାଇ କହିଦେଲେଯେ, ନଓ୍ୱାଜ ସବୁକିଛି ତାଙ୍କ ଭାଇ ମାନଙ୍କୁ ଦେଇ ଦେଇଛନ୍ତି । ନିଜ ପାଖରେ ତାଙ୍କର କିଛି ନାହିଁ । ତାଙ୍କର ଏଭଳି ସ୍ଥିତିରେ ମୋତେ ଦୁଃଖ ଲାଗୁଛି । ବାସ୍ ଏତିକିରେ ରାଗିଗଲେ ନଓ୍ୱାଜଙ୍କ ଭାଉଜ । ଆମ ଘର କଥା ନ ଜାଣି ଅଧିକ ମୁଣ୍ଡ ଖେଳାଅନି ବୋଲି ସେ କଙ୍ଗନାଙ୍କୁ ଜବାବ ଦେଇଛନ୍ତି ।
ଭିଡ଼ିଓରେ କ’ଣ ଥିଲା ସମ୍ପୂର୍ଣ୍ଣ ଦୃଶ୍ୟ?
ଭିଡ଼ିଓରେ ଦେଖିବାକୁ ମିଳିଥିଲାଯେ ନଓ୍ୱାଜଙ୍କ ଏକ୍ସ ଓ୍ୱାଇଫ୍ ଆଲିୟା ସିଦ୍ଦିକୀ ଯେଉଁ ସୋସିଅଲ ମିଡିଆରେ ଏକ ଭିଡ଼ିଓ ଶେୟାର କରିଥିଲେ । ଯେଉଁଥିରେ ନଓ୍ୱାଜ ବଙ୍ଗଳା ବାହାରେ ଠିଆ ହୋଇଛନ୍ତି ଏବଂ ଭିତରକୁ ଯିବାକୁ ଚାହୁଁଛନ୍ତି । କିନ୍ତୁ ଆଲିୟା ତାଙ୍କୁ ଯିବାକୁ ଦେଉ ନାହାଁନ୍ତି । ଏହି ସମୟରେ ଝଗଡ଼ା ଭିଡ଼ିଓକୁ ଆଲିୟା ସୋସିଅଲ ମିଡିଆରେ ଶେୟାର କରି ଦେଇଛନ୍ତି ।
କଂଗ୍ରେସରେ ରହି ବିଜେପି ମୁଖପାତ୍ରଙ୍କ ଭଳି ବୟାନ ଦେଇଛନ୍ତି ବିଜୟ: ଲେନିନ ମହାନ୍ତି
ଭୁବନେଶ୍ୱର: ବିଜୟ ପଟ୍ଟନାୟକଙ୍କ ସାମ୍ବାଦିକ ସମ୍ମିଳନୀକୁ ନେଇ ବିଜେଡି ମୁଖପାତ୍ର ଲେନିନ ମହାନ୍ତିଙ୍କ ପ୍ରେସ ମିଟ୍ । ଆସାପୂର୍ବକ କ୍ଷମତା ନମିଳିବା ପରେ ବିଜୟ ପଟ୍ଟନାୟକ ଏପରି କହିଛନ୍ତି ବୋଲି କହିଛି ବିଜେଡି । ବିଜୟ ପଟ୍ଟନାୟକଙ୍କ ମନର ଇଚ୍ଛା ଥିଲା ଯେ ଅବସର ପରେ ସେ ବିଜେଡିରେ ଯୋଗ ଦେଇ ରାଜ୍ୟସଭା ଯିବେ । କିନ୍ତୁ ତାହା ଏଠାରେ ଯେହେତୁ ସମ୍ଭବ ହୋଇପାରିଲା ନାହିଁ ସେତେବେଳେ କଂଗ୍ରେସରେ ସାମିଲ ହେବାକୁ ସେ ବାଧ୍ୟ ହେଲେ । ଆଉ ଏବେ ବିଜେପି ପ୍ରବକ୍ତାଙ୍କ ଭଳି କହିଛନ୍ତି । ବିଜୟ ପଟ୍ଟନାୟକଙ୍କ ଦ୍ଵାରା କୁହାଯାଇଥିବା ଉକ୍ତି – ‘ସେତେବେଳର ନବୀନ ଆଉ ଏବେକାର ନବୀନ ମଧ୍ୟରେ ଆକାଶ ପତଳା ତଫାତ’ ବୟାନର ଉତ୍ତରରେ ବିଜେଡି କହିଛି ଯେ କ୍ଷମତାକୁ ଚାହୁଁଥିବା ଲୋକେ ଯେବେ ତାଙ୍କର ପୁରା ଇଚ୍ଛା ପୂରଣ ହେଲାନାହିଁ ସେତେବେଳେ ସେ ଏପରି ଆକ୍ରୋଶ ମୂଳକ ଭାବେ କହିଛନ୍ତି ।
ଲେନିନ କହିଛନ୍ତି ଆଜି ସାମ୍ବାଦିକ ସମ୍ମିଳନୀ ଦେଖି ଲାଗିଲା ଯେ ଯେମିତି ଜଣେ ବିଜେପି ମୁଖପାତ୍ର କହୁଛନ୍ତି । ବିଜୟଙ୍କ ଇଚ୍ଛା ଥିଲା ବିଜେଡିରେ ମିଶି ରାଜ୍ୟସଭାକୁ ଯିବେ ହେଲେ ତାହା ନହେବାକୁ ବିଭିନ୍ନ ଆଡେ ବୁଲି କଂଗ୍ରେସରେ ମିଶିଲେ । ସେ କଂଗ୍ରେସରେ ଥାଇ ଆଗକୁ ବିଜେପିର ପ୍ରବକ୍ତା ଭଳି କାମ କରିବେ । ବିଜୟ ପଟ୍ଟନାୟକଙ୍କ କ୍ଷମତା ଲାଳସା ଥିଲା, ଯାହା ପୂରଣ ହୋଇପାରିଲାିନି । ବିଜୟଙ୍କ ପ୍ରଥମ ପ୍ରେସମିଟରୁ ଏହି ଆଭିମୁଖ୍ୟ ସ୍ପଷ୍ଟ ହୋଇଛି ବୋଲି କହିଛନ୍ତି ଲେନିନ ମହାନ୍ତି । ସୂଚନାଥାଉକି ଆଜି ସାମ୍ବାଦିକ ସମ୍ମିଳନୀ କରିଥିଲେ ବିଜୟ ପଟ୍ଟନାୟକ ।
ରିଲ୍ସ ବେଳେ ସ୍କୁଲ ବସ୍ ଆସିଯିବାରୁ ଡ୍ରାଇଭରଙ୍କୁ ଆକ୍ରମଣ
ଭୁବନେଶ୍ୱର: ରିଲସ କରିବାବେଳେ ସ୍କୁଲ୍ ବସ ଆସିଯିବାରୁ ଡ୍ରାଇଭରଙ୍କ ଉପରକୁ ଅତର୍କିତ ଆକ୍ରମଣ l ସହିଦ ନଗର ଠାରେ ଲୟଲା ସ୍କୁଲ ପିଲାଙ୍କୁ ଛାଡିବାକୁ ଆସିଥିବାବେଳେ ରାସ୍ତା ଉପରେ କିଛି ପିଲା ଟିକଟକ୍ କରୁଥିଲେ l ବସ୍ ଆସିଯିବାରୁ ଉତକ୍ଷିପ୍ତ ହୋଇ ବସକୁ ଟେକା ମାରି କାଚ ଭାଙ୍ଗିବା ସହ ଡ୍ରାଇଭରଙ୍କୁ ମାଡ଼ ମାରି ଲହୁଲୁହାଣ କରିଥିଲେ l ବସରେ ଥିବା ପିଲାମାନେ ମଧ୍ୟ ଏଥିରେ ଆହତ ହୋଇଛନ୍ତି l ସହିଦନଗର ଥାନା ପୋଲିସ ଘଟଣା ସ୍ଥଳରେ ପହଂଚି ୨ ଜଣଙ୍କୁ ଅଟକ ରଖିବା ସହ ତଦନ୍ତ ଆରମ୍ଭ କରିଛି l
ଚୌଦ୍ୱାର ଜେଲକୁ ସ୍ଥାନାନ୍ତର ହୋଇପାରେ ଅଭିଯୁକ୍ତ ଗୋପାଳ
ଝାରସୁଗୁଡ଼ା: ଚୌଦ୍ବାର ଜେଲକୁ ସ୍ଥାନାନ୍ତର ହୋଇପାରେ ନବକିଶୋର ଦାସ ହତ୍ୟା ଅଅଭିଯୁକ୍ତ ଗୋପାଳ ଦାସ । ସୁରକ୍ଷା ଦୃଷ୍ଟିରୁ ସ୍ଥାନାନ୍ତର ହୋଇପାରେ ଗୋପାଳ । ଏ ନେଇ ଜେଲ ଡିଜିଙ୍କୁ ଅନୁରୋଧ କରିଛନ୍ତି ଝାରସୁଗୁଡା ଜେଲ କର୍ତ୍ତୃପକ୍ଷ । ଜେଲ ଡିଜିଙ୍କ ଅନୁମତି ମିଳିବା ପରେ ସବ ଜେଲ ପକ୍ଷରୁ ଗୋପାଳକୁ ସ୍ଥାନାନ୍ତର ପାଇଁ JMFC ଙ୍କ ନିକଟରେ ଆବେଦନ କରାଯିବ । କୋର୍ଟଙ୍କ ଅନୁମତି ପରେ ଗୋପାଳକୁ ଚୌଦ୍ବାରା ଜେଲ ଅଣାଯିବ । ବର୍ତ୍ତମାନ ଝାରସୁଗୁଡ଼ା ଉପକାରାଗାରରେ ଅଛି ଗୋପାଳ ।
ଆଜି ଗୋପାଳର ତୃତୀୟ ପର୍ଯ୍ୟାୟ ରିମାଣ୍ଡ ଅବଧି ସରିଛି । ଅଭିଯୁକ୍ତ ଗୋପାଳ ଦାସକୁ ଝାରସୁଗୁଡ଼ା ଜେଏମଏଫସି କୋର୍ଟରେ ହାଜର ପରେ ଝାରସୁଗୁଡ଼ା ଉପକାରାଗାରକୁ ପଠାଇଛି କ୍ରାଇମବ୍ରାଞ୍ଚ । ପରେ ସେଠାରୁ ପୁଣି ଜେଏମଏଫସି କୋର୍ଟକୁ ଆଣି ଅଭିଯୁକ୍ତର ୧୬୪ଧାରାରେ ବୟାନ ରେକର୍ଡ କରାଯାଇଥିଲା । ଆଜି କଡ଼ା ସୁରକ୍ଷା ବଳୟରେ ଗୋପାଳକୁ କୋର୍ଟରେ ହାଜର କରିଥିଲା କ୍ରାଇମବ୍ରାଞ୍ଚ । ଗତକାଲି ବିଳମ୍ବିତ ରାତିରେ ଗୁଜରାଟରୁ ଝାରସୁଗୁଡା ଅଣାଯାଇ ବିମାନବନ୍ଦର ଥାନାରେ ରଖାଯାଇଥିଲା ।
ମହିଳା ଆଇପିଏଲ୍ ଅକ୍ସନ ଜାରି: କେଉଁ ଖେଳାଳିଙ୍କୁ କେତେରେ କିଣିଲା କେଉଁ ଟିମ୍ ? ଜାଣନ୍ତୁ….
ମୁମ୍ବାଇ: ମହିଳା ଆଇପିଏଲ ପାଇଁ ୫ ଟିମ ମଧ୍ୟରେ ୪୪୮ ଖେଳାଳିଙ୍କୁ ନେଇ ପ୍ରଥମଥର ପାଇଁ ନିଲାମୀ ପ୍ରକ୍ରିୟା ଚାଲିଛି । ମୁମ୍ବାଇର ଜିୟୋ ୱାର୍ଲଡ ସେଣ୍ଟରରେ ଏହି ନିଲାମୀ ଚାଲିଛି । ୫ ଟିମ୍ ମଧ୍ୟରେ ମୁମ୍ବାଇ, ଲକ୍ଷ୍ନୌ, ବେଙ୍ଗାଲୁରୁ, ଅହମ୍ମଦାବାଦ ଏବଂ ଦିଲ୍ଲୀ ଟିମ୍ ସାମିଲ ରହିଛି । ୪ ମାର୍ଚ୍ଚରୁ ଆରମ୍ଭ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ୫୦ ଲକ୍ଷର ବେସ ପ୍ରାଇସ ଥିବା ସ୍ଲଟରେ ୨୪ ଏବଂ ୪୦ ଲକ୍ଷର ସ୍ଲଟରେ ୩୦ ଖେଳାଳି ସାମିଲ ରହିଛନ୍ତି । ଭାରତୀୟ ମହିଳା ଦଳର ଷ୍ଟାର ବ୍ୟାଟର ସ୍ମୃତି ମନ୍ଧନାଙ୍କୁ ବେଙ୍ଗାଲୁରୁ ୩.୪୦ କୋଟି ଟଙ୍କାରେ କିଣିଛି । ବର୍ତ୍ତମାନ ସୁଦ୍ଧା ସେ ସବୁଠୁ ଦାମୀ ବ୍ୟାଟର ଭାବେ ଜଣାଯାଇଛନ୍ତି ।
ସେହିପରି ଭାରତୀୟ ମହିଳା ଦଳର ଅଧିନାୟକ ହରମନପ୍ରୀତ କୌରଙ୍କୁ ୧ କୋଟି ୮୦ ଲକ୍ଷ ଟଙ୍କାରେ ମୁମ୍ବାଇ ଇଣ୍ଡିଆନ୍ସ କିଣିଛି । ଅଷ୍ଟ୍ରେଲିଆର ଏଲିସେ ପେରିଙ୍କୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୧.୭ କୋଟି ଟଙ୍କାରେ କିଣିଛି । ବର୍ତ୍ତମାନ ସୁଦ୍ଧା ୪ ସେଟର ନିଲାମୀ ସରିଛି ଏବଂ ୫ମ ସେଟ୍ ଜାରି ରହିଛି । ୱିକେଟକିପର ବ୍ୟାଟ୍ସମ୍ୟାନ ୟସ୍ତିକା ଭାଟିୟାଙ୍କୁ ୧.୫ କୋଟି ଟଙ୍କାରେ ମୁମ୍ବାଇ କିଣିଛି । ସେହିପରି ରିଚା ଘୋଷଙ୍କୁ ଆରସିବି ୧.୯ କୋଟି ଟଙ୍କାରେ ନିଜ ଟିମରେ ସାମିଲ କରିଛି । ଏଲିସା ହିଲିଙ୍କୁ ୭୦ ଲକ୍ଷ ଟଙ୍କାରେ କିଣିଛି ୟୁପି । ଅକ୍ସନର ପ୍ରଥମ ୪ ସେଟରେ ଚାରି ଅନ୍ତର୍ଜାତୀୟ ଟିମର ଅଧିନାୟକ ଅନସୋଲ୍ଡ ରହିଥିଲେ ।
ଏଥିରେ ସାଉଥ ଆଫ୍ରିକାର ସୁନେ ଲୁସ, ଇଂଲଣ୍ଡର ହିଥର ନାଇଟ, ଶ୍ରୀଲଙ୍କାର ଚମାରୀ ଅଟାପଟ୍ଟୁ ଏବଂ ୱେଷ୍ଟଇଣ୍ଡିଜର ହେଲି ମାଥ୍ୟୁଜ ସାମିଲ ରହିଛନ୍ତି । ସେଟ-୪ରେ ୮ ଖେଳାଳିଙ୍କ ନାଁ ରହିଥିଲା । ଏଥିମଧ୍ୟରୁ ୪ ବିକ୍ରି ହୋଇଥିଲେ ଏବଂ ୪ ଅନସୋଲ୍ଡ ରହିଥିଲେ । ପୂଜା ବସ୍ତ୍ରକରଙ୍କୁ ୧.୯୦ କୋଟି ଟଙ୍କାରେ ମୁମ୍ବାଇ କିଣିଛି । ସେହିପରି ଅଷ୍ଟ୍ରେଲିଆର ଏନାବେଲ ସଦରଲ୍ୟାଣ୍ଡଙ୍କୁ ୭୦ ଲକ୍ଷ, ଭାରତର ହିରଲୀନ ଦେଓଲଙ୍କୁ ୪୦ ଲକ୍ଷ ଏବଂ ୱେଷ୍ଟଇଣ୍ଡିଜର ଡେଓଣ୍ଡ୍ରା ଡାଟିନଙ୍କୁ ୬୦ ଲକ୍ଷ ଟଙ୍କାରେ ଗୁଜୁରାଟ ଜିଆଣ୍ଟସ କିଣିଛି । ସେହିପରି ଏହି ସେଟରେ ଇଂଲଣ୍ଡର ହିଥର ନାଇଟ, ସାଉଥ ଆଫ୍ରିକାର ସୁନେ ଲୁସ, ଶ୍ରୀଲଙ୍କାର ଚମାରି ଅଟାପଟ୍ଟୁ ଏବଂ ଇଂଲଣ୍ଡର ଡ୍ୟାନି ୱାୟଟ ଅନସୋଲ୍ଡ ରହିଥିଲେ ।
ତୃତୀୟ ସେଟରେ ୮ ବ୍ୟାଟରଙ୍କ ନାଁ ସାମ୍ନାକୁ ଆସିଥିଲା । ଭାରତର ଜେମିମା ରୋଡ୍ରିଗ୍ସଙ୍କୁ ୨.୨୦ କୋଟି ଏବଂ ସେଫାଳି ବର୍ମାଙ୍କୁ ୨ କୋଟି ଟଙ୍କାରେ ଦିଲ୍ଲୀ କ୍ୟାପିଟାଲ୍ସ କିଣିଛି । ଇଂଲଣ୍ଡର ସୋଫିୟା ଡଙ୍କଲିଙ୍କୁ ଗୁଜୁରାଟ ୬୦ ଲକ୍ଷ ଟଙ୍କାରେ କିଣିଛି । ଅଷ୍ଟ୍ରେଲିଆର ଅଧିନାୟକ ମେଗ ଲେନିଙ୍ଗଙ୍କୁ ୧.୧୦ କୋଟି ଟଙ୍କାରେ ଦିଲ୍ଲୀ କିଣିଛି । ସେହିପରି ନ୍ୟୁଜିଲାଣ୍ଡର ସୁଜି ବେଟ୍ସ, ସାଉଥ ଆଫ୍ରିକାର ତାଜିମିନ ବ୍ରିଟସ ଏବଂ ଲାରା ୱାଲ୍ଭର୍ଟ ଓ ଇଲଂଣ୍ଡ ଦଳର ବ୍ୟୁମାଣ୍ଟ ଅନସୋଲ୍ଡ ରହିଥିଲେ । ଦ୍ୱିତୀୟ ସେଟର ସମସ୍ତ ଖେଳାଳିଙ୍କ ଉପରେ ଏକ କୋଟିରୁ ଅଧିକ ଟଙ୍କାର ବୋଲି ଲାଗିଥିଲା । ଭାରତର ଦିପ୍ତୀ ଶର୍ମାଙ୍କୁ ୟୁପି ୱାରିୟର୍ସ ୨.୬୦ କୋଟି ଟଙ୍କାରେ କିଣିଛି ।
ଭାରତର ରେଣୁକା ସିଂହଙ୍କୁ ଆରସିବି ୧.୫୦ କୋଟି ଟଙ୍କାରେ ନିଜ ଦଳରେ ସାମିଲ କରିଛି । ନେଟଲି ସିବର ବ୍ରଣ୍ଟଙ୍କୁ ମୁମ୍ବାଇ ୩.୨୦ କୋଟି ଟଙ୍କାରେ କିଣିଛି । ସେ ଇଂଲଣ୍ଡର ସବୁଠୁ ମହଙ୍ଗା ଖେଳାଳି ରହିଛନ୍ତି । ଅଷ୍ଟ୍ରେଲିଆର ତାହିଲିୟା ମ୍ୟାକଗ୍ରାଙ୍କୁ ୟୁପି ୪୦ ଲକ୍ଷ ଟଙ୍କାରେ କିଣିଛି । ଅଷ୍ଟ୍ରେଲିଆର ବେଥ୍ ମୁନିଙ୍କୁ ଗୁଜୁରାଟ ୨ କୋଟି ଟଙ୍କାରେ ନିଜ ସହ ଯୋଡ଼ିଛି । ସାଉଥ ଆଫ୍ରିକାର ଶବନିମ ଇସ୍ମାଇଲଙ୍କୁ ୟୁପି ଏକ କୋଟି ଟଙ୍କାରେ କିଣିଛି । ସେହିପରି ନ୍ୟୁଜିଲାଣ୍ଡର ଅମିଲିୟା କେରଙ୍କୁ ମୁମ୍ବାଇ ଏକ କୋଟି ଟଙ୍କାରେ କିଣିଛି । ଆଇପିଏଲ ଅକ୍ସନର ପ୍ରଥମ ସେଟରେ ୭ ଖେଳାଳିଙ୍କ ଉପରେ ବୋଲି ଲାଗିଥିଲା । ଭାରତର ସ୍ମୃତି ମନ୍ଧନା ୩.୪୦ କୋଟି ଟଙ୍କାରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁରେ ସାମିଲ ହୋଇଥିଲେ । ସେ ବର୍ତ୍ତମାନ ସୁଦ୍ଧା ସବୁଠୁ ମହଙ୍ଗା ଖେଳାଳି ଭାବେ ଜଣାଯାଇଛନ୍ତି ।
ଏମସି ଷ୍ଟାନ ଜିତିଲେ ବିଗ୍ ବସ୍- ୧୬ ଟାଇଟଲ
ମୁମ୍ବାଇ: ରାପର ଏମସି ଷ୍ଟାନ ଜିତିଲେ ବିଗବସ୍ ୧୬ର ଟାଇଟଲ । ପାଞ୍ଚ ଜଣ ଫାଇନାଲିଷ୍ଟଙ୍କୁ ପଛରେ ପକାଇ ବିଗବସ ଶୋଡ଼ଷ ସଂସ୍କରଣର ବିଜେତା ହୋଇଛନ୍ତି ଏମସି ଷ୍ଟାନ । ଚୂଡାନ୍ତ ପର୍ଯ୍ୟାୟରେ ପ୍ରିୟଙ୍କା ଚହର ଚୌଧୁରୀ, ଶାଲିନ ଭାନୋତ, ଶିବ ଠାକରେ ଓ ଅର୍ଚ୍ଚନା ଗୌତମଙ୍କୁ ପଛରେ ପକାଇ ବିଗବସ ବିଜେତା ହୋଇଛନ୍ତି ଷ୍ଟାନ ।
ଗ୍ରାଣ୍ଡ ଫିନାଲେ ପୂର୍ବରୁ ଅଧିକାଂଶ ଦର୍ଶକ ପୋଲିଂରେ ପ୍ରିୟଙ୍କା ନ ହେଲେ ଶିବ ଠାକରେ ବିଜେତା ହେବେ ବୋଲି ଆଶା କରାଯାଉଥିଲା। କିନ୍ତୁ ସମସ୍ତଙ୍କୁ ଭୁଲ୍ ପ୍ରମାଣିତ କରି ବିଗବସ୍ ଟ୍ରଫି ବାଜି ମାରିନେଇଛନ୍ତି ରାପର୍ ଏମ୍ସି ଷ୍ଟାନ୍। ସେ ବିଜେତା ହେବା ପରେ ଅନେକ ଲୋକେ ଚକିତ ହୋଇପଡିଛନ୍ତି।
ଶିବ ଠାକରେ ହୋଇଛନ୍ତି ପ୍ରଥମ ରନର୍ସ ଅପ । ପ୍ରିୟଙ୍କା ଚହର ଦ୍ବିତୀୟ ରନର୍ସ ଅପ ହୋଇଥିବାବେଳେ ଅର୍ଚ୍ଚନା ତୃତୀୟ ରନର୍ସ ଅପ ହୋଇଛନ୍ତି । ପୁରସ୍କାର ବାବଦରେ ଷ୍ଟାନଙ୍କୁ ୩୧. ୮ଲକ୍ଷ ଟଙ୍କା ପ୍ରଦାନ କରାଯାଇଛି । ୨୦୨୨ ଅକ୍ଟୋବର ୧ତାରିଖରୁ ଆରମ୍ଭ ହୋଇଥିବା ବିଗ ବସର ଶୋଡ଼ଷ ସଂସ୍କରଣରେ ୧୭ଜଣ ପ୍ରତିଯୋଗୀ ରହିଥିଲେ ।
ସୁପରସୋନିକ ଏୟାରକ୍ରାଫ୍ଟରେ ହନୁମାନଙ୍କ ଚିତ୍ର, ଲେଖାଅଛି ‘ତୁଫାନ ଆ ରାହା ହେ’…
ବେଙ୍ଗାଳୁରୁ: ବେଙ୍ଗାଳୁରୁରେ ଆୟୋଜିତ ହୋଇଛି ଏସିଆର ସବୁଠୁ ବଡ଼ ଏୟାର ଶୋ’ । ୟେଲହେଙ୍କାସ୍ଥିତ ବାୟୁସେନା ଷ୍ଟେସନରେ ଏରୋ ଇଣ୍ଡିଆର ୧୪ତମ ସଂସ୍କରଣ ଆୟୋଜନ କରାଯାଇଛି । ଏୟାର ଶୋ’ରେ ଜଲଓ୍ବା ଦେଖାଇଛନ୍ତି ବାୟୁବୀର।
ଏହି ଶୋ’ରେ HILFT-42 ନିଜର ଜଲଓ୍ବା ଦେଖାଇଥିଲା । ବିଶେଷକରି ଏହି ଏୟାରକ୍ରାଫ୍ଟରେ ଚିତ୍ରଣ କରାଯାଇଥିବା ହନୁମାନଙ୍କ ଚିତ୍ର ସମସ୍ତଙ୍କ ଧ୍ୟାନ ଆକର୍ଷଣ କରିଥିଲା । ହନୁମାନଙ୍କ ଚିତ୍ର ସହ ଏଥିରେ ‘ତୁଫାନ ଆ ରାହା ହେ..’ ବୋଲି ଲେଖା ବି ଥିଲା । ପ୍ଲେନରେ ହନୁମାନଙ୍କ ଫଟୋ ଥିବାରୁ ଏହି ଫଟୋ ଏବେ ଭାଇରାଲ ହେବାରେ ଲାଗିଛି ।
ପ୍ରଧାନମନ୍ତ୍ରୀ ଏହି ଶୋ’ ଦେଖିବା ସହ କହିଥିଲେ ପୂର୍ବରୁ ଏହା କେବଳ ଏୟାର ଶୋ’ ଥିଲା କିନ୍ତୁ ଏବେ ଏହା ଏବେ ଭାରତର ଶକ୍ତି ।
ଏରୋ ଇଣ୍ଡିଆ-୨୦୨୩କୁ ପ୍ରଧାନମନ୍ତ୍ରୀ ଶୁଭାରମ୍ଭ କରିଛନ୍ତି । ୫ଦିନିଆ ଏହି କାର୍ଯ୍ୟକ୍ରମରେ ୯୮ ରାଷ୍ଟ୍ରର ପ୍ରାୟ ୮୦୯ କମ୍ପାନୀ ଏହି ଶୋ’ରେ ଭାଗ ନେଇ ଏୟାରସ୍ପେସ ଓ ପ୍ରତିରକ୍ଷା କ୍ଷମତାକୁ ପ୍ରଦର୍ଶନ କରିଛନ୍ତି । ଏୟାର ଶୋ’ରେ ଆଡଭାନ୍ସଡ ଲାଇଟ ହେଲିକପ୍ଟର୍ସ ରୁଦ୍ର ଓ ପ୍ରଚଣ୍ଡ ଶକ୍ତି ପ୍ରଦର୍ଶନ କରିଥିଲା । ଏୟାର ଚିଫ୍ ମାର୍ସଲ ବି ଆର ଚୌଧୁରୀଙ୍କ ନେତୃତ୍ବରେ ବାୟୁବୀରମାନେ ବିମାନରେ ଗୁରୁକୁଳ ଫର୍ମେସନ ପ୍ରସ୍ତୁତ କରିଥିଲେ ।