ଭୁବନେଶ୍ୱର: ରଦ୍ଦ ହେଲା କନିଷ୍ଠ ଯନ୍ତ୍ରୀ (ସିଭିଲ) ମେନ୍ ଲିଖିତ ପରୀକ୍ଷା-୨୦୨୨ । ପରୀକ୍ଷା ରଦ୍ଦ ନେଇ ଓଏସଏସସି ପକ୍ଷରୁ ସୂଚନା । ବାଲେଶ୍ବର ଏସପି ସାଗରିକା ନାଥଙ୍କ ରିପୋର୍ଟ ଆଧାରରେ ରଦ୍ଦ । ଗତ ୧୬ ତାରିଖରେ ହୋଇଥିବା ପରୀକ୍ଷା ରଦ୍ଦ । ଆସନ୍ତା ସେପ୍ଟେମ୍ବର ୩ରେ ପୁଣିଥରେ ହେବ ପରୀକ୍ଷା । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଓଏସଏସସି ସଚିବ ଅଭୟ । ଗତ ୧୬ ତାରିଖରେ ହୋଇଥିବା ପରୀକ୍ଷା ପୂର୍ବରୁ ପ୍ରଶ୍ନପତ୍ର ଡିଲ୍ ନେଇ ମିଳିଥିଲା ସୂଚନା । ଓଏସଏସସିର ସୂଚନା ଆଧାରରେ ରେଡ୍ କରିଥିଲା ବାଲେଶ୍ୱର ପୋଲିସ । ଓଡ଼ିଶା ସୀମାନ୍ତ ଦୀଘାରେ ହୋଇଥିଲା ରେଡ୍ । ଜଣେ ମହିଳାଙ୍କ ସମେତ ୯ ଜଣଙ୍କୁ କାବୁ କରିଥିଲା ପୋଲିସ । ଏହି ୯ଜଣ ଏକ ଆନ୍ତଃରାଜ୍ୟ ରାକେଟ ବୋଲି ମିଳିଛି ସୂଚନା ।
ପାଇଖାନା ଟାଙ୍କି ସଫା ବେଳେ ଚାଲିଗଲା ୩ ଜଣଙ୍କ ଜୀବନ
କୋଲକାତା: ବୀରଭୂମି ଜିଲ୍ଲାର କଙ୍କଡାତଲା ଥାନା ଅଞ୍ଚଳର ହଜରତପୁରରେ ଅଭାବନୀୟ ଘଟଣା । ପାଇଖାନା ଟାଙ୍କି ସଫା କରିବାବେଳେ ତିନି ଜଣଙ୍କ ମୃତ୍ୟୁ ହୋଇଯାଇଛି । ଗତକାଲି ବିଳମ୍ବିତ ରାତିସୁଦ୍ଧା ଦମକଳ ବାହିନୀ ଏବଂ ପୋଲିସର ଦୀର୍ଘ ସମୟ ଉଦ୍ୟମ ପରେ ତିନିଜଣଙ୍କ ଶବକୁ ପାଇଖାନା ଟାଙ୍କିରୁ ବାହାରକୁ ବାହାର କରାଯାଇଛି । ମୃତକଙ୍କ ଚିହ୍ନଟ ଘର ମାଲିକ ସନାତନ ଧୀର (୪୯), ଶ୍ରମିକ ସ୍ପପନ ବାଧାକର (୪୬), ଅମୃତ ବାଧାକର (୩୨) ରୂପରେ ହୋଇଛି । ମୃତକଙ୍କ ମଧ୍ୟରେ ଘର ମାଲିକ ଏବଂ ସଫେଇ କାର୍ଯ୍ୟରେ ଲାଗିଥିବା ଦୁଇ ଶ୍ରମିକ ସାମିଲ ଅଛନ୍ତି ।
ଘଟଣାକୁ ନେଇ ସ୍ଥାନୀୟ ଲୋକ ଏବଂ ପୋଲିସ କହିଛନ୍ତି ଯେ ଶନିବାର ବିଳମ୍ବିତ ସନ୍ଧ୍ୟାରେ ଏହି ଭୟାନକ ଘଟଣା ଘଟିଛି, ଯେଉଁଥିରେ ତିନି ଜଣଙ୍କ ମୃତ୍ୟୁ ହୋଇଛି । ଘଟଣା ବୀରଭୂମ ଜିଲ୍ଲାର ହଜରତପୁର ଗାଁର ଅଟେ । କୁହାଯାଉଛି ଯେ ଦୁର୍ଘଟଣା ସେବେ ଘଟିଛି ଯେବେ ହଜରତପୁର ଗାଁର ସନାତର ଧୀରଙ୍କ ଘରର ପାଇଖାନା ଟାଙ୍କି ସଫା କରିବା ପାଇଁ ମାଲିକ ସମେତ ଦୁଇ ଶ୍ରମିତ ମ୍ୟାନହୋଲ ଖେଲିଥିଲେ ।
ପ୍ରଥମେ ଟ୍ୟାଙ୍କ ମ୍ୟାନ ହୋଲ୍ ଖୋଲୁଥିବାବେଳେ ଗ୍ୟାସରେ ଅଚେତ ହୋଇ ଟାଙ୍କି ଭିତରେ ପଡ଼ିଯାଇଥିଲେ । ଶ୍ରମିକଙ୍କୁ ଉଦ୍ଧାର କରିବାକୁ ଯାଇ ଘର ମାଲିକ ମଧ୍ୟ ଦୁର୍ଘଟଣାର ଶିକାର ହୋଇଥିଲେ । ପରେ ଅନ୍ୟ ଜଣେ ଶ୍ରମିକ ମଧ୍ୟ ପାଇଖାନା ଟାଙ୍କି ଭିତରେ ପଡ଼ିଯାଇଥିଲେ । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ୩ଜଣଙ୍କର ମୃତଦେହ ଉଦ୍ଧାର କରିଛି ।
ଆଇଜି ପାର୍କ ନିକଟରୁ ମିଳିଲା ଜୁଏଲାରୀ ଥିବା ବ୍ୟାଗ୍
ଭୁବନେଶ୍ୱର: ରାସ୍ତା କଡରୁ ମିଳିଲା ଜୁଏଲାରୀ ଥିବା ବ୍ୟାଗ୍ । ଭୁବନେଶ୍ବର କ୍ୟାପିଟାଲ ଥାନା ଆଇଜି ପାର୍କ ନିକଟରୁ ମିଳିଲା ବ୍ୟାଗ । ବ୍ୟାଗ ଭିତରେ ଚେନ, ମଙ୍ଗଳସୁତ୍ର ଓ ଅନ୍ୟ ଆସବାବପତ୍ର ଅଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ଯାଞ୍ଚ ପରେ ବ୍ୟାଗ କ୍ୟାପିଟାଲ ଥାନାକୁ ନିଆଯାଇଛି । ଚୋରି ପରେ ବ୍ୟାଗଟିକୁ କେହି ଫୋପାଡ଼ି ଦେଇଥିବା ସନ୍ଦେହ କରାଯାଉଛି । ବ୍ୟାଗରେ ଥିବା ଜୁଏଲାରୀ ସୁନା ହୋଇନଥିବା ସନ୍ଦେହ । ଚୋରି କେସ ଦେଇଥିବା ଲୋକଙ୍କୁ ଏ ସମ୍ପର୍କରେ ଜଣାଇବ ପୋଲିସ । ଯଦି କାହାର ହଜିଥାଏ, ତେବେ ପ୍ରମାଣ ଦେଇ ଥାନାରୁ ନେଇପାରିବେ ବୋଲି କମିଶନରେଟ ପୋଲିସ ପକ୍ଷରୁ କୁହାଯାଇଛି ।
ଟମାଟୋ ବୋଝେଇ ଟ୍ରକ୍ ହାଇଜାକ୍, ବେଙ୍ଗାଲୁରୁରେ ଚାଷୀଙ୍କୁ ଲୁଟିଲେ ହାଇଓ୍ବେ ଲୁଟେରା
ବେଙ୍ଗାଲୁରୁ: ଟମାଟୋ ବୋଝେଇ ଟ୍ରକ୍ ହାଇଜାକ୍ । ବଜାରରେ ଟମାଟୋ ଏବେ ଅମୂଲ୍ୟ ହୋଇଥିବା ବେଳେ ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟ କଲା ଭଳି ଖବର ଆସିଛି । ଦୁର୍ଘଟଣା ନାଟକ କରି ଟମାଟୋ ବୋଝେଇ ଟ୍ରକ ନେଇ ଫେରାର ହୋଇଯାଇଛନ୍ତି ଦମ୍ପତି । ଟମାଟୋ ବୋଝେଇ ଟ୍ରକ ଏକ କାରକୁ ଧକ୍କା ଦେଇଥିଲା । କାରର କାଚ ଭାଙ୍ଗି ଯାଇଥିବା କହି ଦମ୍ପତି କ୍ଷତିପୂରଣ ମାଗିଥିଲେ । ଡ୍ରାଇଭର ଟଙ୍କା ଦେବାକୁ ମନା କରିବାରୁ ସେମାନେ ଟମାଟୋ ବୋଝେଇ ଟ୍ରକ ନେଇ ଫେରାର ହୋଇଥିଲ । ଘଟଣାର ଜୁଲାଇ ୮ ତାରିଖର । ଟ୍ରକରେ ଅଢ଼େଇ କୁଇଣ୍ଟାଲ ଟମାଟୋ ଥିବା ଚାଷୀ କହିଛନ୍ତି । ଘଟଣାରେ ପୋଲିସ ଚିତ୍ରଦୁର୍ଗ ଜିଲ୍ଲାର ଭାସ୍କର ଓ ତାଙ୍କ ସ୍ତ୍ରୀ ସିନ୍ଧୁଜାଙ୍କୁ ଗିରଫ କରିଛି । ଏବେ ବି ପୋଲିସ ଘଟଣାର ଯାଞ୍ଚ କରୁଛି ।
କମ୍ପାନୀ ନାଁ ସହ ଲୋଗୋ ବଦଳାଇବେ ଟୁଇଟର ସିଇଓ, ନୀଳପକ୍ଷୀ ସ୍ଥାନରେ ରହିବ ଏକ୍ସ
ନୂଆଦିଲ୍ଲୀ: ନୀଳ ପକ୍ଷୀ ଜାଗରେ ଏକ୍ସ । ମାଇକ୍ରୋ ବ୍ଲଗିଂ ସାଇଟ ଟୁଇଟରର ଲୋଗୋ ବଦଳାଇବେ ମସ୍କ । ଲୋଗୋ ସହ ଟ୍ବିଟରର ନାଁ ବି ପରିବର୍ତ୍ତନ ହେବ । ଧୀରେ ଧୀରେ ବ୍ରାଣ୍ଡ ସହ ସବୁ ପକ୍ଷୀଙ୍କୁ ଅଲବିଦା କହିବେ ବୋଲି ଟୁଇଟ କରିଛନ୍ତି ସିଇଓ ଏଲନ ମସ୍କ । ନୀଳ ପକ୍ଷୀ ସ୍ଥାନରେ ନୂଆ ଲୋଗୋ ହୋଇପାରେ ଏକ୍ସ । ଏହାସହ ଟୁଇଟରର ଡିଫଲ୍ଟ ପ୍ଲାଟଫର୍ମ ରଙ୍ଗ ମଧ୍ୟ କଳା କିମ୍ବା ଧଳା କରାଯାଇପାରେ । ଏନେଇ ଟ୍ବିଟରରେ ଏକ ପୋଲ କ୍ରିଏଟ କରିଛନ୍ତି ଏଲନ ମସ୍କ । ଦିନ ୧୨ଟା ସୁଦ୍ଧା ସାଢ଼େ ୪ ଲକ୍ଷ ଲୋକ ଏହି ପୋଲରେ ମତ ଦେଇଥିବା ବେଳେ ଅଧିକାଂଶ କଳା ରଙ୍ଗକୁ ପସନ୍ଦ କରିଛନ୍ତି । ୧୯୯୯ ମସିହାରେ ଏଲନ ମସ୍କଙ୍କର ଏକ୍ସ ଡଟ କମ୍ ନାଁରେ ଏକ କମ୍ପାନୀ ଥିଲେ । ଟୁଇଟରର ଲୋଗୋ ପରିବର୍ତ୍ତନ ନେଇ ମସ୍କ ଏକ ଭିଡିଓ ପୋଷ୍ଟ କରିଛନ୍ତି । ଗତବର୍ଷ ଟେସଲା ଟାଇକୁନ ଏଲନ ମସ୍କ ଟୁଇଟରକୁ କିଣିବା ସହ ଅଧିକାଂଶ କର୍ମଚାରୀଙ୍କୁ ଚାକିରିରୁ ବିଦା କରିଦେଇଥିଲେ । ଫଳରେ କମ୍ପାନୀକୁ ଅନେକ ଟେକନିକାଲ ସମସ୍ୟାର ସାମ୍ନା କରିବାକୁ ପଡ଼ିଥିଲା । ଏହାସହ କମ୍ପାନୀ ବହୁ ପରିମାଣର କ୍ଷତି ମଧ୍ୟ ସହିଥିଲା ।
ରାଜଧାନୀରେ ଚଳିତବର୍ଷର ପ୍ରଥମ ଡେଙ୍ଗୁଜନିତ ମୃତ୍ୟୁ ଅଭିଯୋଗ
ଭୁବନେଶ୍ୱର: ରାଜଧାନୀ ଭୁବନେଶ୍ବରରେ ଚଳିତବର୍ଷର ପ୍ରଥମ ଡେଙ୍ଗୁଜନିତ ମୃତ୍ୟୁ ଅଭିଯୋଗ । ଖଣ୍ଡଗିରି ଧର୍ମବିହାର ଅଞ୍ଚଳ ୬୩ ନମ୍ବର ୱାର୍ଡରେ ଜଣେ ୭ ବର୍ଷୀୟା ନାବାଳିକାଙ୍କର ଡେଙ୍ଗୁରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ନାବାଳିକାଙ୍କର ମୃତ୍ୟୁ ହୋଇଛି । ଡେଙ୍ଗୁରେ ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି । ରାଜଧାନୀ ଭୁବନେଶ୍ବରର ବିଭିନ୍ନ ସ୍ଥାନରେ ଡେଙ୍ଗୁ ବ୍ୟାପିଥିବା ବେଳେ ପୁରୁଣା ଭୁବନେଶ୍ୱର, ନୟାପଲ୍ଲୀ, ଖଣ୍ଡଗିରି, ଧର୍ମବିହାର ଭଳି ଅଞ୍ଚଳରେ ଅଧିକ ବ୍ୟାପିଥିବା ଅଭିଯୋଗ ହୋଇଛି ।
ପୁଣି ବୋରଓ୍ବେଲରେ ଖସିପଡ଼ିଲା ଶିଶୁ, ୯୦ ଫୁଟ ଗର୍ତ୍ତରେ ଫସିଛି ତିନି ବର୍ଷର ଶିଶୁ ଶିବମ
ପାଟନା: ପୁଣି ବୋରଓ୍ବେଲରେ ଖସିପଡ଼ିଲା ଶିଶୁ । ୯୦ ଫୁଟ ଗର୍ତ୍ତରେ ଫସିଛି ତିନି ବର୍ଷର ଶିଶୁ ଶିବମ । ବିହାର ନାଳନ୍ଦା ଜିଲ୍ଲା କୁଲଗାଁରେ ଅଭାବନୀୟ ଘଟଣା । ଘର ପଛପଟେ ଖେଳୁଥିବା ବେଳେ ୯୦ ଫୁଟର ଏକ ବୋରଓ୍ବେଲ ଗର୍ତ୍ତରେ ତିନି ବର୍ଷର ଶିଶୁ ଖସିପଡ଼ିଛି । ପ୍ରାୟ ୪୦ରୁ ୫୦ ଫୁଟ ତଳେ ଶିଶୁଟି ଅଟକି ରହିଥିବା ବେଳେ ଜିଲ୍ଲା ପ୍ରଶାସନ ପକ୍ଷରୁ ରେସ୍କ୍ୟୁ ଅପରେସନ ଜାରି ରହିଛି । ଶିଶୁ ପାଖରେ ଅକ୍ସିଜେନ ପହଞ୍ଚାଇବାକୁ ଚେଷ୍ଟା କରାଯାଉଛି । ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଛନ୍ତି । ଖୁବଶୀଘ୍ର ଏନଡିଆରଏଫ ଟିମ୍ ପହଞ୍ଚିବ ବୋଲି ସୂଚନା ମିଳିଛି ।

