ଟମାଟୋ ବୋଝେଇ ଟ୍ରକ୍ ହାଇଜାକ୍, ବେଙ୍ଗାଲୁରୁରେ ଚାଷୀଙ୍କୁ ଲୁଟିଲେ ହାଇଓ୍ବେ ଲୁଟେରା
ବେଙ୍ଗାଲୁରୁ: ଟମାଟୋ ବୋଝେଇ ଟ୍ରକ୍ ହାଇଜାକ୍ । ବଜାରରେ ଟମାଟୋ ଏବେ ଅମୂଲ୍ୟ ହୋଇଥିବା ବେଳେ ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟ କଲା ଭଳି ଖବର ଆସିଛି । ଦୁର୍ଘଟଣା ନାଟକ କରି ଟମାଟୋ ବୋଝେଇ ଟ୍ରକ ନେଇ ଫେରାର ହୋଇଯାଇଛନ୍ତି ଦମ୍ପତି । ଟମାଟୋ ବୋଝେଇ ଟ୍ରକ ଏକ କାରକୁ ଧକ୍କା ଦେଇଥିଲା । କାରର କାଚ ଭାଙ୍ଗି ଯାଇଥିବା କହି ଦମ୍ପତି କ୍ଷତିପୂରଣ ମାଗିଥିଲେ । ଡ୍ରାଇଭର ଟଙ୍କା ଦେବାକୁ ମନା କରିବାରୁ ସେମାନେ ଟମାଟୋ ବୋଝେଇ ଟ୍ରକ ନେଇ ଫେରାର ହୋଇଥିଲ । ଘଟଣାର ଜୁଲାଇ ୮ ତାରିଖର । ଟ୍ରକରେ ଅଢ଼େଇ କୁଇଣ୍ଟାଲ ଟମାଟୋ ଥିବା ଚାଷୀ କହିଛନ୍ତି । ଘଟଣାରେ ପୋଲିସ ଚିତ୍ରଦୁର୍ଗ ଜିଲ୍ଲାର ଭାସ୍କର ଓ ତାଙ୍କ ସ୍ତ୍ରୀ ସିନ୍ଧୁଜାଙ୍କୁ ଗିରଫ କରିଛି । ଏବେ ବି ପୋଲିସ ଘଟଣାର ଯାଞ୍ଚ କରୁଛି ।
