ଯାଜପୁର: ଯାଜପୁର ବ୍ୟାସନଗର ସହରର ସେନକୋ ଗୋଲ୍ଡ ଆଣ୍ଡ ଡାଇମଣ୍ଡ ସୁନା ଦୋକାନରୁ ଲୁଟ୍ ଘଟଣାରେ ତନାଘନା । ବଡ଼ ଧରଣର ଡକାୟତି ଘଟଣାରେ ଏପର୍ଯ୍ୟନ୍ତ ଧରା କେହି ପଡିନଥିବା ବେଳେ, ଘଟଣାକୁ ଗୁରୁତର ସହ ନେଇ ତଦନ୍ତକୁ ଜୋରଦାର କରିଛି ପୋଲିସ । ଯାଜପୁର ଏସପି ଭିନିତ୍ ଅଗ୍ରଓ୍ବାଲ ୮ଟି ଟିମ୍ ଗଠନ କରି ତଦନ୍ତ ପ୍ରକ୍ରିୟାକୁ ଜୋରଦାର କରିଛନ୍ତି । ଏସପିଙ୍କ ତତ୍ବାବଧାନରେ ତଦନ୍ତ ଜାରି ରହିଛି । ବର୍ତ୍ତମାନ ସୁଦ୍ଧା କିଛି ସିସିଟିଭି ଫୁଟେଜ ପୋଲିସ ହାତରେ ଲାଗିଥିବା ବେଳେ ବିଭିନ୍ନ ଦିଗରୁ ସିସିଟିଭି ଫୁଟେଜ ସଂଗ୍ରହ କରିବାକୁ ପ୍ରୟାସ ଚଳାଇଛି ପୋଲିସ ।
ଡକାୟତି ଘଟଣାରେ ସଂପୃକ୍ତ ଥିବା ବ୍ୟକ୍ତିଙ୍କୁ ଧରାଇବାରେ ସାହାଯ୍ୟ କଲେ ସଂପୃକ୍ତ ବ୍ୟକ୍ତିଙ୍କୁ ପୁରସ୍କାର ଦିଆଯିବ ବୋଲି ପୋଲିସ ପକ୍ଷରୁ କୁହାଯାଇଛି । ଗତକାଲି ଦିନ ଦ୍ବିପ୍ରହରରେ ସୋରୁମକୁ ଗ୍ରାହକ ବେଶରେ ଆସି ୭ ଜଣ ଲୁଟେରା ୧୫ କୋଟିରୁ ଅଧିକ ଟଙ୍କାର ସୁନା ଓ ହୀରା ଅଳଙ୍କାର ଲୁଟି ନେଇଥିଲେ । ଘଟଣାକୁ ଗୁରୁତର ସହ ନେଇ ଯାଞ୍ଚ କରୁଛି ପୋଲିସ । ଅନ୍ୟପଟେ ସାମ୍ନାକୁ ଆସିଛି ଲୁଟ୍ ସମୟର ସିସିଟିଭି ଫୁଟେଜ୍ । ବାଇକରେ ଆସି ଲୁଟେରା କିପରି ଲୁଟ୍ କରି ନେଇଯାଉଛନ୍ତ ତାର ଦୃଶ୍ୟ ସିସିଟିଭିରେ କଏଦ ହୋଇଛି ।
ସୁନା ଦୋକାନ ସମ୍ମୁଖରେ ଥିବା ଏକ ପେଟ୍ରୋଲ ପମ୍ପରେ ଲାଗିଥିବା ସିସିଟିଭି କ୍ୟାମେରାରେ ଲୁଟେରା ମାନେ ଲୁଟ କରି ଫେରାର ହେଉଥିବାର ଦୃଶ୍ୟ ରହିଛି । ପୋଲିସ ବିଭିନ୍ନ ଦିଗରୁ ସିସିଟିଭି ଫୁଟେଜ ସଂଗ୍ରହ କରି ତଦନ୍ତ କରୁଛି । ଗତକାଲି ଦିନ ୨ଟା ସମୟରେ ୭ ଜଣ ଡକାୟତ ସୋରୁମ୍ ଭିତରକୁ ଗ୍ରାହକ ବେଶରେ ପ୍ରବେଶ କରିଥିଲେ । ପରେ କର୍ମଚାରୀଙ୍କୁ ମାଡ ମାରି ବନ୍ଧୁକ ମୁନରେ ଗହଣା ସବୁ ଲୁଟି ନେବା ସହ ବାହାରୁ ସଟର ପକାଇ ଫେରାର ହୋଇ ଯାଇଥିଲେ । ଆକ୍ରମଣରେ ସୋରୁମର ୨ ଜଣ କର୍ମଚାରୀ ଆହତ ହୋଇଛନ୍ତି ।
ବ୍ୟକ୍ତି ବିଶେଷଙ୍କ କର୍ତ୍ତବ୍ୟ ନିର୍ଦ୍ଧାରଣରେ ଦ୍ୱନ୍ଦ୍ୱକୁ ଲକ୍ଷ୍ୟ କରି ଗାନ୍ଧିଜୀ କହିଥିଲେ ଯେ ପ୍ରତ୍ୟହ ପ୍ରାତଃକାଳରେ ତୁମ ଆଖି ଆଗରେ ପଡ଼ୁଥିବା ଦୁଃସ୍ଥଲୋକଟିକୁ ନିରୀକ୍ଷଣ କରି ତୁମେ ଭାବୁଥିବା କାର୍ଯ୍ୟ ସେହି ଦୁଃସ ଲୋକଟିର ମୁହଁରେ ହସ ଫୁଟାଇବାରେ ସହାୟକ ହେବକି ବୋଲି ଚିନ୍ତାକର । ତେବେ ସମାଜର ଦୁଃଖ ଦୂର ହେବା ସହିତ ନିଜେ ସୁଖୀ ହେବ । ତେଣୁ ଗାନ୍ଧିଜୀଙ୍କରଏହି ଉପଦେଶ ସମସ୍ତଙ୍କର ଧ୍ୟେୟ ହେବା ଉଚିତ୍ ।
