spot_img
Home Blog Page 2978

ଛାଡ଼ିଯାଇଛି ବନ୍ୟା ହେଲେ ଦେଇଯାଇଛି ଅସରନ୍ତି ଦୁଃଖ, ଛାରକାର ହୋଇଯାଇଛି ଲିବ୍ୟାର ଡର୍ନା ସହର, ମିଳୁଛି କୁଢ଼ କୁଢ ଶବ

ତ୍ରିପୋଲି: ଲିବ୍ୟାର ଡର୍ନା ସହରରେ ଜଳ ତାଣ୍ଡବ । ବନ୍ଧ ଭାଙ୍ଗିଯିବାରୁ ଆସିଥିବା ପ୍ରଳୟଙ୍କରୀ ବନ୍ୟାରେ ଡର୍ନା ସହର ଛାରଖାର ହୋଇଯାଇଛି । ମଣିଷ, ଘର, ଗାଡ଼ି, ପଶୁ ଯିଏ ବି ବନ୍ୟା ସାମ୍ନାରେ ଆସିଥିଲା ସବୁକିଛି ବହିଯାଇ ଭୂମଧ୍ୟସାଗରରେ ପଡ଼ିଥିଲା । ବନ୍ଧ ଭାଙ୍ଗିବା କାରଣରୁ ଆସିଥିବା ଜଳପ୍ରଳୟ ଏତେ ତୀବ୍ର ଥିଲା ଯେ କାରଗୁଡ଼ିକୁ ଉଠାଇ ଘରର ଛାତ ପର୍ଯ୍ୟନ୍ତ ଆଣିଦେଇଥିଲା । ବନ୍ୟା ଛାଡ଼ିଯାଇଛି ସତ ହେଲେ ଦେଇଯାଇଛି ଅସରନ୍ତି ଦୁଃଖ । ପୋଖମାଛି ଭଳି ଲୋକମାନେ ଏହି ପ୍ରଳୟଙ୍କରୀ ବନ୍ୟାରେ ମୃତ୍ୟୁବରଣ କରିଛନ୍ତି । ବଡ ବଡ କୋଠା ଭାଙ୍ଗି ମାଟିରେ ମିଶାଯାଇଛି । ଗାଡ଼ି ମୋଟର ସବୁକିଛି ଚୁରମାର ହୋଇଯାଇଛି । ଡର୍ନା ସହରର ଘରଗୁଡ଼ିକରେ ଏବେବି ପାଣି ଏବଂ କାଦୁଅ ଭରି ରହିଛି ।

ଲୋକମାନେ ଭୟଭୀତ ଅବସ୍ଥାରେ ଅଛନ୍ତି । ସେମାନଙ୍କୁ ଭୟ ଲାଗୁଛି ଯେ କାଦୁଅରୁ ତାଙ୍କର କୌଣସି ପଡୋଶୀ ବା ଜଣାଶୁଣା ଲୋକଙ୍କ ଶବ ନବାହାରୁ । ଯାହା କି ଲଗାତାର ଦେଖିବାକୁ ମିଳୁଛି । ଘଟଣା ପରେ ପ୍ରଶାସନ ପକ୍ଷରୁ ପୁନଃରୁଦ୍ଧାର କାର୍ଯ୍ୟ ଜୋରଦାର କରାଯାଇଛି । ସହରରୁ ଭାସି ଆସି ଅନେକ କାର୍ ସମୁଦ୍ରରେ ଲାଗିଥିବାର ଦେଖାଯାଇଛି । ସେହିପରି ଅନେକ ଗାଡ଼ିର ମଧ୍ୟ କିଛି ପତ୍ତା ମିଳୁନାହିଁ । ସେହିପରି ଅନେକ ଲୋକଙ୍କ ଶବର କୌଣସି ଖୋଜ ଖବର ମିଳୁନାହିଁ । ସେମାନେ ମଧ୍ୟ ସମୁଦ୍ରରେ ସମାହିତ ହୋଇଯାଇଥିବା ସନ୍ଦେହ କରାଯାଉଛି । ଜଳ ତାଣ୍ଡବ ପରେ ରକ୍ଷା ପାଇଯାଇଥିବା ଲୋକମାନେ ଘରକୁ ଫେରି ଦେଖିବା ବେଳକୁ ସେ ସ୍ଥାନରେ ଆଉ ତାଙ୍କ ଘର ନାହିଁ କେବଳ ଭଗ୍ନାଂଶ ରହିଛି ।

ଏହି ପ୍ରଳୟଙ୍କରୀ ବନ୍ୟାରେ କିଏ ଭାଇକୁ ହରାଇଛି ତ କିଏ ବାପା ମାଆଙ୍କୁ ତ ଆଉ କିଏ ପିଲାମାନଙ୍କୁ ହରାଇଛନ୍ତି । ତେବେ ଜଳପ୍ରଳୟ ପରେ ରୋଗ ବ୍ୟାପିବାର ଆଶଙ୍କା ଦେଖା ଦେଇଛି । ଏବେ ଲୋକଙ୍କ ମନରେ ଆଶଙ୍କା ଯେ ସେମାନେ ଏହି ସହରରେ ରହିବେ ନା ଛାଡ଼ିଦେଇ ଚାଲିଯିବେ । କାରଣ ଅନ୍ୟ କେଉଁଠିକୁ ଯିବାରେ ମଧ୍ୟ ବିପଦ ରହିଛି । ଯୁଦ୍ଧ ସମୟରେ ଲିବ୍ୟାରେ ଚାରିଆଡ଼େ ଲ୍ୟାଣ୍ଡମାଇନ୍ ବିଛାଯାଇଥିଲା । ଯାହାକି ଏହି ପ୍ରଚଣ୍ଡ ପ୍ରଳୟଙ୍କରୀ ବନ୍ୟାରେ ବହିଯାଇ ଏଣେତେଣେ ବ୍ୟାପିଯାଇଛି । ମିଳିତ ଜାତିସଂଘର ଅଫିସ ଫର୍ ଦ କୋଅର୍ଡିନେସନ ଅଫ୍ ହ୍ୟୁମେନିଟାରିୟାନ ଆଫେୟାର୍ସ (ଓସିଏଚଏ) ମୁତାବିକ ଡର୍ନାରେ ଏପର୍ଯ୍ୟନ୍ତ ସୁଦ୍ଧା ୧୧,୩୦୦ ଜଣଙ୍କ ମୃତ୍ୟୁ ହୋଇଥିବା ନେଇ ସ୍ପଷ୍ଟ ହୋଇଛି ।

ଅବଶ୍ୟ ଲଗାତାର ସଂଖ୍ୟାରେ ପରିବର୍ତ୍ତନ ଆସୁଛି । ଏଥିପାଇଁ ଯେପର୍ଯ୍ୟନ୍ତ ସୁଦ୍ଧା ଗଣନା ଶେଷ ହୋଇନାହିଁ ସେପର୍ଯ୍ୟନ୍ତ ସଠିକ ଡାଟା ମିଳିବା ସମ୍ଭବ ନୁହେଁ । ଏବେ ବି ଲୋକଙ୍କ ଶବ ମିଳୁଛି । ହଜାରେରୁ ଅଧିକ ଲୋକଙ୍କ ଶବକୁ ପୋତାଯାଇଛି । ୧୫୦ରୁ ଅଧିକ ଲୋକ ପାଣି ସହ ଆସିଥିବା ବିଷାକ୍ତ ତତ୍ତ୍ୱ କାରଣରୁ ମୃତ୍ୟୁବରଣ କରିଛନ୍ତି । ଲିବ୍ୟାର ସ୍ୱାସ୍ଥ୍ୟ ମନ୍ତ୍ରୀ କହିଛନ୍ତି ଯେ ୩୨୮୩ ଜଣ ମୃତ୍ୟୁବରଣ କରିଛନ୍ତି । ସେହିପରି ଡବ୍ଲୁଏଚଓ ମୃତ୍ୟୁ ସଂଖ୍ୟା ୩୯୨୨ ବୋଲି କହୁଛି । ବର୍ତ୍ତମାନ ସୁଦ୍ଧା ସଠିକ ତଥ୍ୟ ଆସିନାହିଁ । ତେବେ ଆଶଙ୍କା କରାଯାଉଛି ଯେ ଏଥିରେ ସରକାରୀ ତଥ୍ୟଠୁ ଢେର ଅଧିକ ଲୋକ ମୃତ୍ୟୁବରଣ କରିଛନ୍ତି । ଏହି ବନ୍ୟାରେ ଅତିକମରେ ୮୯୧ କୋଠା ନଷ୍ଟ ହୋଇଯାଇଛି ।

ଡର୍ନା ସହରର ମେୟର କହିଛନ୍ତି ଯେ, ଅତିକମରେ ୨୦ ହାଜର ଲୋକ ମୃତ୍ୟୁବରଣ କରିଛନ୍ତି । ୧.୨୫ ଲକ୍ଷ ଜନସଂଖ୍ୟା ବିଶିଷ୍ଟ ଡର୍ଣ୍ଣା ସହର ଏବେ ସମ୍ପୂର୍ଣ୍ଣ ଭାବେ ଛାରଖାର ହୋଇଯାଇଛି । ଚାରିଆଡେ ଖାଲି ଭଙ୍ଗା କୋଠା, କାଦୁଅ, କାର ଉପରେ ଲଦି ହୋଇଥିବା କାର୍ ଦେଖାଯାଇଛି । ୪୦ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ଡର୍ନାରେ ୟୁଗୋସ୍ଲଭିଆର କମ୍ପାନୀ ୧୯୭୦ରେ ଦୁଇଟି ଡ୍ୟାମ ବନାଇଥିଲେ । ପ୍ରଥମ ବନ୍ଧ ୭୫ ମିଟର ଉଚ୍ଚର ଥିଲା । ସେଥିରେ ୧.୮୦ କୋଟି କ୍ୟୁବିକ ମିଟର ପାଣି ଆସୁଥିଲା । ଅନ୍ୟ ବନ୍ଧଟି ୪୫ ମିଟର ଉଚ୍ଚର ଥିଲା । ସେଠାରେ ୧୫ ଲକ୍ଷ କ୍ୟୁବିକ ମିଟର ପାଣି ଧାରଣର କ୍ଷମତା ରହିଥିଲା । ପ୍ରତି କ୍ୟୁବିକ ମିଟର ପାଣିରେ ଏକ ଟନ୍ ଓଜନ ରହିଥାଏ ।

ଦୁଇଟି ଯାକ ଡ୍ୟାମରେ ପ୍ରାୟ ୨ କୋଟି ଟନ ପାଣି ଥିଲା । ଏହି ଡ୍ଯାମର ତଳ ଭାଗରେ ଡର୍ନା ସହର ଅବସ୍ଥାପିତ । ଗତ ୨୦ ବର୍ଷ ହେବ ଏହି ଡ୍ୟାମର ରକ୍ଷଣାବେକ୍ଷଣା ହେଉନଥିଲା । ଡ୍ୟାମଟି କମଜୋର ରହିଥିଲା । ମରାମତି ଆବଶ୍ୟକ କରୁଥିଲେ ମଧ୍ୟ ମରାମତି କରାଯାଇନଥିଲା । ନିକଟରେ ହୋଇଥିବା ଘୂର୍ଣ୍ଣିବଳୟ ଡାନିଏଲ ଏତେ ପାଣି ଭରିଦେଇଥିଲା ଯେ ପୂରୁଣା ଏବଂ କମଜୋର ଥିବା ଏହି ଡ୍ୟାମ ତାକୁ ସମ୍ଭାଳି ପାରିନଥିଲା । ବନ୍ଧଟି ଭାଙ୍ଗିଯାଇଥିଲା ଏବଂ ଏହା ତଳେ ବସିଥିବା ଡର୍ନା ସହରକୁ ବରବାଦ କରିଦେଇଥିଲା । ଜଳ ଏତେ ଦ୍ରୁତ ଗତିରେ ଆସିଥିଲା ଯେ କେହି କିଛି ଭାବିବା ପୂର୍ବରୁ ଏହାର ଚାପରେ ଆସିଯାଇଥିଲେ । ଏଥିରେ ସବୁକିଛି ବାସିଯାଇ ସମୁଦ୍ରରେ ପଡ଼ିଥିଲା । ଏବେ ବି ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି ।

କର୍ମଚାରୀଙ୍କ ନାଁରେ ଋଣ ଜାଲିଆତି ମାମଲା, ସମ୍ୱାଦ ଅଫିସରେ EOWର ଛାନବିନ

ଭୁବନେଶ୍ୱର: କର୍ମଚାରୀଙ୍କ ନାଁରେ ଋଣ ଜାଲିଆତି ମାମଲା । ଭୁବନେଶ୍ବରସ୍ଥିତ ସମ୍ୱାଦ ଅଫିସରେ EOWର ଛାନବିନ । ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ସରିଲା ଲୁଚକାଳି । ଶେଷରେ EOWକୁ ସାମ୍ନା କଲେ HR ମୁଖ୍ୟ ବୈଜୟନ୍ତୀ କର । ଅତର୍ଛା ହୋଇ EOWକୁ ସାମ୍ନା କଲେ ବୈଜୟନ୍ତୀ କର । EOW ପ୍ରଶ୍ନରେ ଝାଳନାଳ ହୋଇଛନ୍ତି ବୈଜୟନ୍ତୀ । ବୈଜୟନ୍ତୀଙ୍କୁ ବିଭିନ୍ନ ଗୁରୁତ୍ବପୂର୍ଣ୍ଣ କାଗଜପତ୍ର ମାଗିଛି EOW । ରେଡରେ ସାମିଲ ହୋଇଛନ୍ତି 12 ଜଣିଆ ଟିମ୍ । HR ମୁଖ୍ୟ ବୈଜୟନ୍ତୀ କରଙ୍କୁ ଇଓଡବ୍ଲୁ କରୁଛି ଜେରା ।

ଇଓଡବ୍ଲୁ ପ୍ରଶ୍ନର ଉତ୍ତର ଦେଉଛନ୍ତି ମୁଖ୍ୟ କାର୍ପଟଦାର ବୈଜୟନ୍ତୀ । ଚଢ଼ାଉରେ ୪ଜଣ ଡିଏସପି ଓ ୬ ଜଣ ଇନସ୍ପେକ୍ଟର, ସହିଦନଗର ଥାନା ପୋଲିସ ସାମିଲ ହୋଇଛନ୍ତି । ତେବେ ଚଢାଉ ପୂର୍ବରୁ ଅନେକ ଗୁରୁତ୍ବପୂର୍ଣ୍ଣ କାଗଜପତ୍ର ଗାଏବ କରାଯାଇଥିବା ସନ୍ଦେହ କରାଯାଉଛି । ସମ୍ବାଦ ସଂପାଦକ ସୌମ୍ୟ ରଞ୍ଜନ ପଟ୍ଟନାୟକଙ୍କ ନାଁରେ IPCର ୪୨୦ ଧାରାରେ ହୋଇଛି ମାମଲା । ତାଙ୍କ ବିରୋଧରେ ୫୦୬ ଦଫା ସମେତ ଅନ୍ୟାନ୍ୟ ଧାରା ଲାଗିଛି । କର୍ମଚାରୀଙ୍କୁ ଡରାଇ ଧମକାଇ ତଥା କାଗଜପତ୍ର ଜାଲିଆତି କରି ଋଣ ଉଠାଯାଉଥିଲା ।

ଏହା ସହ ଲୋନ ଟଙ୍କାକୁ ହଡ଼ପ କରିନେଉଥିଲେ ସୌମ୍ୟ ରଞ୍ଜନ । ଏହି ଘୋଟାଲାର ଅନ୍ୟତମ କାର୍ପଟଦାର ଥିଲେ ବୈଜୟନ୍ତୀ କର । ଗତକାଲି ସଂଧ୍ୟାରେ ସମ୍ବାଦର ପ୍ରକାଶକ କମଳାକାନ୍ତ ମହାପାତ୍ରଙ୍କୁ ଜେରା କରିଥିଲା EOW । ସୂଚନା ଅନୁସାରେ ଜଣେ ନୁହେଁ ୩୦୦ରୁ ଅଧିକ କର୍ମଚାରୀଙ୍କୁ ଠକିଛି ଇଷ୍ଟର୍ଣ୍ଣ ମିଡିଆ । ଉଠାଯାଇଛି ୧୦୦ କୋଟି ଟଙ୍କାରୁ ଅଧିକ ଋଣ । ସୌମ୍ୟଙ୍କ ବିରୋଧରେ ଏକାଧିକ ପୂର୍ବତନ କର୍ମଚାରୀଙ୍କ ଅଭିଯୋଗ ଥିବାବେଳେ ବଢିବାରେ ଲାଗିଛି ଅଭିଯୋଗ । ୧୯୯୮ ମସିହାରୁ ଏହି ଲୋନ୍ ସ୍କାମ୍ ଜାରି ରହିଥିବା ଜଣାଯାଇଛି ।

ସମ୍ବାଦ ଅଫିସରେ EOWର ଚଢାଉ

ଭୁବନେଶ୍ବର: ସମ୍ବାଦ ଅଫିସରେ EOWର ଚଢାଉ । HR ମୁଖ୍ୟ ବୈଜୟନ୍ତୀ କରଙ୍କୁ ନୋଟିସ୍ ହୋଇଥିଲେ ସୁଦ୍ଧା ହାଜର ହୋଇନଥିଲେ । କର୍ମଚାରୀଙ୍କ ନାଁରେ ବେଆଇନ ଋଣ ଉଠାଇବାରେ ମୁଖ୍ୟ କାର୍ପଟଦାର ଥିଲେ ବୈଜୟନ୍ତୀ  । ଇଷ୍ଟର୍ଣ୍ଣ ମିଡିଆର ବ୍ୟାଙ୍କ ଘୋଟାଲାରେ ସମ୍ବାଦ ଅଫିସରେ EOW ଟିମ୍ ପହଞ୍ଚିଛନ୍ତି । ୧୨ ଜଣିଆ ଟିମ୍ ରେଡ୍ କରୁଥିବାବେଳେ ଅନେକ ତଥ୍ୟ ମିଳିବ ବୋଲି କୁହାଯାଉଛି । ଏହି ୧୨ ଜଣିଆ ଟିମରେ ୪ଜଣ ଡିଏସପି, ୬ ଜଣ ଇନିସପେକ୍ଟରଙ୍କ ସହ ସହିଦନଗର ଥାନା ପୋଲିସ ସାମିଲ ଅଛି ।ତେବେ ଗୁରୁତ୍ବପୂର୍ଣ୍ଣ କାଗଜପତ୍ର ଗାଏବ କରାଯାଇଥିବା ସୂଚନା ରହିଛି । ସମ୍ବାଦ ସଂପାଦକ ସୌମ୍ୟ ରଞ୍ଜନଙ୍କ ନାଁରେ ହୋଇଛି ମାମଲା ମଧ୍ୟ ହୋଇଛି ।

ସୂଚନା ଥାଉକି, ସମ୍ବାଦ ଏବଂ କନକ ନ୍ୟୁଜର ମୂଖ୍ୟ ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକ ମହା ଘୋଟାଲା କରିଥିବା ଅଭିଯୋଗ ହୋଇଛି। ସିଧାସଳଖ ବ୍ୟାଙ୍କ ଜାଲିଆତି,କର୍ମଚାରୀଙ୍କୁ ଶେଷଣ,କର୍ମଚାରୀଙ୍କୁ ଧମକ ଭଳି ସଂଗୀନ ଅଭିଯୋଗ ଆସିଛି ତାଙ୍କ ନାଁରେ । ଇଷ୍ଟର୍ଣ୍ଣ ମିଡିଆ ପ୍ରାଇଭେଟ୍ ଲିମିଟେଡ୍ ସଂସ୍ଥାର ମାନବ ସମ୍ବଳ ମୂଖ୍ୟ ବୈଜୟନ୍ତୀ କରଙ୍କୁ ହାତ ବାରିସୀ କରି ସୌମ୍ୟ ଦୀର୍ଘ ୨୫  ବର୍ଷ ହେଲା ଏହି ଘୋଟାଲା କରିଆସୁଛନ୍ତି । ସୌମ୍ୟ ଜଣେ ପ୍ରଭାବଶଳୀ ବ୍ୟକ୍ତି ହୋଇଥିବାରୁ କେହି ମୁହଁ ଖୋଲୁ ନଥିଲେ  । ହେଲେ ସମ୍ବାଦର ଜଣେ ପୂର୍ବତନ କର୍ମଚାରୀ ଦୁଇଦିନ ତଳେ କ୍ରାଇମବ୍ରାଞ୍ଚର ଅର୍ଥନୌତିକ ଶାଖରେ ଅଭିଯୋଗ କରିବା ପରେ ପଦାକୁ ଆସିଲା ଘଟଣା ।

ରାଜ୍ୟର ୧ ନମ୍ବର ଖବରକାଗଜ ବୋଲାଉଥିବା ସମ୍ବାଦ ଖବରକାଗଜରେ କିଭଳି କର୍ମଚାରୀଙ୍କୁ ଶୋଷଣ କରାଯାଇଛି, ତାହା ଏବେ ପଦାକୁ ଆସିଛି । କେବଳ କର୍ମଚାରୀଙ୍କୁ ଶୋଷଣ ନୁହେଁ, ଏହି ଖବରକାଗଜର ମାଲିକ ସୌମ୍ୟରଞ୍ଜନ ପଟ୍ଟନାୟକ କିଭଳି ନିଜ ଇଷ୍ଟର୍ଣ୍ଣ ମିଡିଆ ପ୍ରାଇଭେଟ୍ ଲିମିଟେଡ୍ ସଂସ୍ଥାର ମାନବ ସମ୍ବଳ ବିଭାଗ ଏବଂ ବିତ୍ତ ବିଭାଗ ଜରିଆରେ ବ୍ୟାଙ୍କରେ ମଧ୍ୟ ଘୋଟାଲା କରିଛନ୍ତି, ଏହା ସାମ୍ନାକୁ ଆସିଛି । ବ୍ୟାଙ୍କ ଘୋଟାଲା ସାଙ୍ଗକୁ କର୍ମଚାରୀଙ୍କୁ ଶୋଷଣ ବର୍ଷ ବର୍ଷ ଧରି ଚାଲି ଆସୁଥିଲେ ମଧ୍ୟ ସୌମ୍ୟରଞ୍ଜନ ପଟ୍ଟନାୟକ ଜଣେ ପ୍ରଭାବଶାଳୀ ବ୍ୟକ୍ତି ହୋଇଥିବାରୁ ଏନେଇ କେହି ମୁହଁ ଖୋଲୁନଥିଲେ । ହେଲେ ସମ୍ବାଦ ତଥା ଇଷ୍ଟର୍ଣ୍ଣ ମିଡିଆର ଜଣେ ପୂର୍ବତନ ଜିଲ୍ଲା ପ୍ରତିନିଧି ଆଜି EOWରେ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଛି ।

ଅଭିଯୋଗକାରୀଙ୍କ ଅନୁସାରେ, ଇଷ୍ଟର୍ଣ୍ଣ ମିଡିଆର ତତକାଳୀନ ଏମଡି ତଥା ବର୍ତ୍ତମାନର ମୁଖ୍ୟ ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକଙ୍କ ନିର୍ଦ୍ଦେଶରେ ବିଭିନ୍ନ କର୍ମଚାରୀ ଏବଂ ସାମ୍ବାଦିକଙ୍କ ଫେକ୍ ସାଲାରି ସାର୍ଟିଫିକେଟ୍ ଜରିଆରେ କର୍ମଚାରୀଙ୍କ ନାଁରେ ବିଭିନ୍ନ ବ୍ୟାଙ୍କରୁ ଋଣ ଉଠାନ୍ତି । ଏହି ଋଣ ଟଙ୍କା ସୌମ୍ୟରଞ୍ଜନ ପଟ୍ଟନାୟକ ହଡ଼ପ କରିନିଅନ୍ତି । କର୍ମଚାରୀମାନେ ଋଣ କରିବାକୁ ମନାକଲେ ସେମାନଙ୍କୁ ଚାକିରିରୁ ବହିଷ୍କାର କରିବା ଲାଗି ମଧ୍ୟ ଧମକ ଦିଆଯାଇଥାଏ ବୋଲି ସଂପୃକ୍ତ ଅଭିଯୋଗକାରୀ EOWକୁ ଜଣାଇଛନ୍ତି । ପାଖାପାଖି ୩ଶହରୁ ଅଧିକ କର୍ମଚାରୀଙ୍କ ନାଁରେ ଇଷ୍ଟର୍ଣ୍ଣ ମିଡିଆ ଲିମଟେଡ ୫୦ କୋଟି ଟଙ୍କାରୁ ଅଧିକ ଋଣ କରି ହଡ଼ପ କରିଥିବା ଅଭିଯୋଗ ହୋଇଛି ।

ଏହି ଘୋଟାଲା ସୌମ୍ୟରଞ୍ଜନ ପଟ୍ଟନାୟକ ଓ ଏହି ବ୍ୟାଙ୍କର ମ୍ୟାନେଜରମାନଙ୍କ ମଧ୍ୟରେ ଅପରାଧିକ ମଧୁଚନ୍ଦ୍ରିକା ଯୋଗୁ ସମ୍ଭବ ହୋଇଛି ବୋଲି କୁହାଯାଉଛି । ଓଡ଼ିଶା ଗ୍ରାମ୍ୟ ବ୍ୟାଙ୍କର ଭୁବନେଶ୍ବରସ୍ଥିତ ଜୟଦେବ ବିହାର ଶାଖା, ଭାରତୀୟ ଷ୍ଟେଟ୍ ବ୍ୟାଙ୍କର କଟକ ମଙ୍ଗଳାବାଗ ଶାଖା, କଟକ ଅରୁଣୋଦୟ ମାର୍କେଟ୍ ଶାଖା, ବ୍ରହ୍ମପୁର ଭାପୁର ଶାଖା, ସମ୍ବଲପୁର ଇଭିନିଂ ଶାଖା, ବାଲେଶ୍ବର ଇଣ୍ଡଷ୍ଟ୍ରିଆଲ ବ୍ରାଞ୍ଚ, ଜୟପୁର ଇଭିନିଂ ବ୍ରାଞ୍ଚ, ଅନୁଗୁଳ, ରାଉରକେଲା ଶିଳ୍ପାଞ୍ଚଳ ଆଦି ବ୍ରାଞ୍ଚରେ ଏହି ଘୋଟାଲା ହୋଇଥିବା ଅଭିଯୋଗ ହୋଇଛି । ଏପରିକି କଟକ ଅରୁଣୋଦୟ ମାର୍କେଟ୍ ଶାଖାର ଜଣେ ବ୍ୟାଙ୍କ ମ୍ୟାନେଜର ଏହି ଘୋଟାଲା ଲାଗି ଏକ ମାରୁତି ଏଇଟ୍ ହଣ୍ଡ୍ରେଡ କାର ସୌମ୍ୟରଞ୍ଜନ ପଟ୍ଟନାୟକଙ୍କ ଠାରୁ ନେଇଥିବା ଅଭିଯୋଗ ହୋଇଛି ।

କର୍ମଚାରୀଙ୍କୁ ଲୋନ୍ ଦେବା ପାଇଁ ଇଷ୍ଟର୍ଣ୍ଣ ମିଡିଆ ମାନବ ସମ୍ବଳ ବିଭାଗର ଅଧିକାରୀ ଶ୍ରୀମତୀ ବୈଜୟନ୍ତୀ କର ବାଧ୍ୟ କରିବା ସହ ଚାକିରି ନେଇଯିବାର ଧମକ ଦେଇଥିବା ଭଳି ସାଂଘାତିକ ଅଭିଯୋଗ ହୋଇଛି । ଏଥିରେ ମାନବ ସମ୍ବଳ ବିଭାଗ ଓ ବିତ୍ତ ବିଭାଗର କିଛି କର୍ମଚାରୀ ସଂପୃକ୍ତ ଥିବା ଅଭିଯୋଗ ପତ୍ରରେ ସ୍ପଷ୍ଟ ଉଲ୍ଲେଖ ରହିଛି । ଏହି ଅଭିଯୋଗକୁ EOW ତଦନ୍ତ ପାଇଁ ଗ୍ରହଣ କରିଥିବା ଜଣାପଡିଛି । EOW ତଦନ୍ତରୁ ତାଙ୍କୁ ନ୍ୟାୟ ମିଳିବ ବୋଲି ଅଭିଯୋଗକାରୀ ଆଶା ରଖିଛନ୍ତି । ଯେଉଁ ପୂର୍ବତନ କର୍ମଚାରୀ ଅଭିଯୋଗ କରିଛନ୍ତି ତାଙ୍କ କହିବା ଅନୁସାରେ ସେ ୨୦୧୫ ମସିହାରେ ସମ୍ବାଦରେ ଜିଲ୍ଲା ପ୍ରତିନିଧି ଭାବେ ଯୋଗ ଦେଇଥିଲେ  ।

ମରାମତି ହେଲା ମାଛକୁଣ୍ଡ ଜଳ ବିଦ୍ୟୁତ କେନ୍ଦ୍ର, ୫ ଦିନରେ ୫ କୋଟି କ୍ଷତି

କୋରାପୁଟ: ୫ ଦିନ ପରେ କାର୍ଯ୍ୟକ୍ଷମ ହେଲା ମାଛକୁଣ୍ଡ ଜଳ ବିଦ୍ୟୁତ କେନ୍ଦ୍ର  । ଡ୍ୟାମ ମରାମତି କାର୍ଯ୍ୟ ସମ୍ପୂର୍ଣ୍ଣ ହୋଇଛି ।  ମଧ୍ୟ ରାତ୍ରିରୁ ୬ ଟି ଟର୍ବାଇନ କାର୍ଯ୍ୟକ୍ଷମ ହେବା ପରେ ୧୨୦ ମେଗାୱାଟ ଉତ୍ପାଦନ ଆରମ୍ଭ ହୋଇଛି  । କିନ୍ତୁ ୫ ଦିନରେ ୫ କୋଟି ରାଜସ୍ବ କ୍ଷତି ସହିଛି ପ୍ରକଳ୍ପ  । ଅନ୍ୟପକ୍ଷରେ ଟି.ପି.ଡ୍ୟାମର ପାଣି ଖାଲି କରିବା ପରେ ମରାମତି କାର୍ଯ୍ୟ ସମ୍ପୂର୍ଣ୍ଣ ହୋଇଥିଲେ ମଧ୍ୟ ଡି.ଡ୍ୟାମର ଦୁଇଟି ପାୱାର ଗେଟରେ ଯାନ୍ତ୍ରିକ ତ୍ରୁଟି ଯୋଗୁଁ ଅଧାରେ ଅଟକିଥିବାରୁ ଷ୍ଟୋରେଜ ପାଣିକୁ ସମ୍ପୂର୍ଣ ଖାଲି କରିବାକୁ ପଡିଥିଲା  ।

ଦିନକ ପରେ ନୂଆଖାଇ, ଆଜି ମା’ ସମଲେଶ୍ବରୀଙ୍କ ସିନ୍ଦୂର ଲାଗି

ସମ୍ବଲପୁର: ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ଚଳଚଞ୍ଚଳ ସମ୍ବଲପୁର । ଇଷ୍ଟଦେବୀ ମା ସମଲେଶ୍ବରୀଙ୍କ ନିକଟରେ ଶେଷ ପର୍ଯ୍ୟାୟରେ ପହଂଚିଲାଣି ପ୍ରସ୍ତୁତି । ମନ୍ଦିର ସଫେଇ ପରେ ଆଜି ୧୧୫ ପାର୍ଶ୍ବ ଦେବଦେବୀଙ୍କ ଠାରେ ସିନ୍ଦୂର ଲାଗି କରାଯାଉଛି । ମନ୍ଦିର ଚାରିପାଖରେ ଥିବା ପାର୍ଶ୍ବ ଦେବଦେବୀଙ୍କୁ ନୂଆଖାଇ ପୂର୍ବରୁ ସିନ୍ଦୂର ଲଗାଇବାର ପରମ୍ପରା ରହିଛି । ସିନ୍ଦୂର ଲାଗି ପରେ ଆଜି ମାଆ ସମଲେଶ୍ବରୀଙ୍କ ଅଳଙ୍କାର ସଫେଇ କରିବାର କାର୍ଯ୍ୟକ୍ରମ ରହିଛି ।

ସେପଟେ ଦିନକ ପରେ ପଶ୍ଚିମ ଓଡିଶାର ଗଣପର୍ବ ନୂଆଖାଇ ପାଇଁ ପୁରରୁ ପଲ୍ଲୀ ସବୁଠି ଗହଳଚହଳ । ସମସ୍ତେ ନୂଆ ପିନ୍ଧିବେ, ନୂଆ ଖାଇବେ ଏକାଠି ହୋଇ ଜୁହାର ଭେଟ୍ ହେବେ । ସୁନ୍ଦରଗଡ଼ରେ ଥିବା ଜୟଶଙ୍କର ସେବାଶ୍ରମରେ ନୂଆଖାଇ ପ୍ରସ୍ତୁତି ଆରମ୍ଭ ହୋଇଗଲାଣି ।

ଚାନ୍ଦବାଲି ନିର୍ବାଚନ ମଣ୍ଡଳୀରେ ବିଜେପିକୁ ଶକ୍ତ ଝଟକା, ବିଜେଡିରେ ମିଶିଲେ ୩୦୦ କର୍ମୀ

ଭଦ୍ରକ: ଚାନ୍ଦବାଲି ନିର୍ବାଚନ ମଣ୍ଡଳୀରେ ବିଜେପିକୁ ଶକ୍ତ ଝଟକା । ବିଜେପି ସହ ଦୀର୍ଘ ୩୦ ବର୍ଷର ସମ୍ପର୍କକୁ ଛିନ୍ନ କରି ବିଜେଡିରେ ମିଶିଲେ ବିଜେପି ଲଙ୍କେଶ୍ବରୀ ମଣ୍ଡଳୀ ସାଧାରଣ ସଂପାଦକ ମାନସ ରଞ୍ଜନ ନାୟକ । ନିଜର ୩୦୦ ସମର୍ଥକଙ୍କ ସହିତ ମାନସ ବିଜେଡିରେ ସାମିଲ ହୋଇଛନ୍ତି ।

ପୀରହାଟ ବଜାରରେ ଆୟୋଜିତ ମିଶ୍ରଣ ପର୍ବରେ ଚାନ୍ଦବାଲି ବିଧାୟକ ବ୍ୟୋମକେଶ ରାୟଙ୍କ ଉପସ୍ଥିତିରେ ସମସ୍ତେ ବିଜେଡିରେ ସାମିଲ ହୋଇଛନ୍ତି । ନୂତନ କର୍ମୀଙ୍କୁ ଦଳକୁ ଉତ୍ତରୀୟ ଦେଇ ସ୍ବାଗତ କରିଥିଲେ ବିଧାୟକ । ମାନସଙ୍କ ଯୋଗଦାନ ଫଳରେ ୯ ନମ୍ବର ଜୋନରେ ପୂର୍ବାପେକ୍ଷା ଆହୁରି ସଶକ୍ତ ହୋଇଛି ବିଜେଡି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି, ଆଦର୍ଶ ତଥା ଲୋକାଭିମୁଖୀ ଯୋଜନାରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିବା ମାନସ କହିଛନ୍ତି । ମିଶ୍ରଣ ପର୍ବରେ ତିହିଡି ବ୍ଳକ ଅଧ୍ଯକ୍ଷା ଅବନ୍ତୀ ଦାସ, ଜିଲ୍ଲା ପରିଷଦ ଅମୂଲ୍ୟ ମାଝୀ, ପ୍ରିନ୍ସ ରାକେଶ ନାୟକ , ନରେଶ ମାଝୀ ପ୍ରମୁଖ ଉପସ୍ଥିତ ଥିଲେ ।

ଏବେ ବି ଅନନ୍ତନାଗରେ ଚାଲିଛି ଗୁଳି ବିନିମୟ, ଆତଙ୍କୀ ଲୁଚିଥିବା ନେଇ ସନ୍ଦେହ

0

ଅନନ୍ତନାଗ: ଷଷ୍ଠ ଦିନରେ ଜମ୍ମୁ ଓ କାଶ୍ମୀର ଅନନ୍ତନାଗରେ ଏନକାଉଣ୍ଟର । ଜଣେ ଆତଙ୍କବାଦୀର ଅର୍ଦ୍ଧଦଗ୍ଧ ମୃତଦେହ ଠାବ କରାଯାଇଥିବାବେଳେ କମ୍ବିଂ ଅପରେସନ ଜାରି ରହିଛି । ଗତ ବୁଧବାର ଠାରୁ ଅପରେସନ ଜାରି ରହିଥିଲେ ବି ତଥାପି କିଛି ଆତଙ୍କୀ ଲୁଚି ରହିଥିବା ଆଶଙ୍କା ଥିବାରୁ ସେଠାରେ ଅପରେସନ ଜାରି ରହିଛି ।

ଅପରେସନ ବେଳେ ଜଣେ ଯବାନଙ୍କ ମୃତଦେହ ଠାବ କରିବା ଲାଗି ବି ପ୍ରକ୍ରିୟା ଆରମ୍ଭ ହୋଇଛି । ଗତକାଲି ଏନକାଉଣ୍ଟରର ପଞ୍ଚମ ଦିନରେ ନିରାପତ୍ତାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଘଟିଥିଲା । ୩ ଜଣ ନିରାପତ୍ତା ଅଧିକାରୀ ଶହୀଦ ହୋଇଥିବାବେଳେ ବିପୁଳ ପରିମାଣର ଅତ୍ୟାଧୁନିକ ଅସ୍ତ୍ରଶସ୍ତ୍ର ଜବତ ହୋଇଛି ।

ଖୋଲୁଛି ଇରାନୀର ଗୋଟିଏ ପରେ ଗୋଟିଏ ବ୍ଲାକମେଲ ପେଡ଼ି, ସିଡିଆର ଆନାଲିସିସ ପାଇଁ ଖୋଳତାଡ଼

ଭୁବନେଶ୍ବର: ଖୋଲୁଛି ହନିଟ୍ରାପ କୁଇନ ଇରାନୀ ପାତ୍ରର ଗୋଟିଏ ପରେ ଗୋଟିଏ ବ୍ଲାକମେଲ୍ ପେଡ଼ି । ମୁହଁରେ ମାସ୍କ ପିନ୍ଧି ନ୍ୟୁଡ୍ କଲ କରୁଥିଲା ଇରାନୀ । ଡେଟିଂ ସାଇଟର ଥିଲା ଆକ୍ଟିଭ ମେମ୍ବର । ଫୁଙ୍ଗୁଳା ଦେହରେ ବଡ଼ବଡ଼ିଆଙ୍କୁ କରୁଥିଲା ଭିଡିଓ କଲ୍ । ନ୍ୟୁଡ୍ ଭିଡିଓ କଲ୍ ସମୟରେ ସ୍କ୍ରିନ ରେକର୍ଡ କରି ଚଳାଇଥିଲା ବ୍ଲାକମେଲ ସାମ୍ରାଜ୍ୟ । ଏହି ସମୟରେ ସ୍କ୍ରିନ ଆଗରେ ମଦ ପିଉଥିଲା ଇରାନୀ ।

ଅନ୍ୟ ସହିତ କଥାହେବା ବେଳେ ନିଜକୁ ଟେଲି ଅଭିନେତ୍ରୀ ବୋଲି ପରିଚୟ ଦେଉଥିଲା ଇରାନୀ । ହନିଟ୍ରାପ କୁଇନ ବ୍ୟବହାର କରୁଥିଲା ଦେଢ଼ ଲକ୍ଷ ଟଙ୍କାର ମୋବାଇଲ । ଇରାନୀ ରାକେଟର ପର୍ଦ୍ଦାଫାସ କରିବାକୁ ତନାଘନା ଚଳାଇଛି ପୋଲିସ । ଅନ୍ତରଙ୍ଗ ମୁହୂର୍ତ୍ତର ଭିଡିଓ ରେକର୍ଡ ଥିବା ଡିଭାଇସକୁ ଖୋଜାଚାଲିଛି । ୫ ଅଭିଯୁକ୍ତଙ୍କ ସିଡିଆର ଆନାଲିସିସ ପାଇଁ ଚାଲିଛି ଖୋଳତାଡ଼ ।

ବ୍ୟାଙ୍କ ଟ୍ରାଞ୍ଜାକ୍ସନ ଯାଞ୍ଚ ପାଇଁ ବ୍ୟାଙ୍କକୁ ଚିଠି ଲେଖାଯାଇଛି । ଜଣେ ଡାକ୍ତରଙ୍କୁ ଟ୍ରାପ କରି ୨୫ ଲକ୍ଷ ଦାବି କରୁଥିବା ଅଭିଯୋଗରେ ୫ ଜଣଙ୍କୁ ଗିରଫ କରିଛି ତମାଣ୍ଡୋ ପୋଲିସ । ରିମାଣ୍ଡରେ ଆସିବା ପରେ ଠକେଇ ସାମ୍ରାଜ୍ୟର ସମ୍ପୂର୍ଣ୍ଣ ଗୁମର ଖୋଲିବ ବୋଲି ଆଶା କରାଯାଉଛି । ଇରାନୀର ସ୍ବାମୀ ନିଶିକାନ୍ତ ପାତ୍ରକୁ ୫ଦିନିଆ ରିମାଣ୍ଡରେ ଆଣିବାକୁ ଆବେଦନ କରିଛି ତମାଣ୍ଡୋ ପୋଲିସ ।

ବିଜୁ ପଟ୍ଟନାୟକ ବିମାନ ବନ୍ଦରରେ ବଢିଛି ଯାତ୍ରୀ ପରିବହନ, ୩ ଲକ୍ଷରୁ ଊର୍ଦ୍ଧ୍ବ ଯାତ୍ରା କରିଛନ୍ତି

ଭୁବନେଶ୍ବର: ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ବିମାନ ଚଳାଚଳ ଏବଂ ଯାତ୍ରୀ ପରିବହନ ବୃଦ୍ଧି ପାଇଛି । ୨୦୨୨ ମସିହା ଜୁଲାଇ ମାସ ତୁଳନାରେ ଚଳିତ ବର୍ଷ ଜୁଲାଇ ମାସ ମଧ୍ୟରେ ଯାତ୍ରୀଙ୍କ ସଂଖ୍ୟା ଓ ବିମାନ ଚଳାଚଳ ସଂଖ୍ୟାରେ ବୃଦ୍ଧି ପାଇଥିବା ଜଣାପଡ଼ିଛି । ବିଗତ ବର୍ଷ ତୁଳନାରେ ବିମାନ ଚଳାଚଳ ସଂଖ୍ୟାରେ 31.9% ଏବଂ ଯାତ୍ରୀ ପରିବହନ ସଂଖ୍ୟାରେ 48.3% ପ୍ରତିଶତ ବୃଦ୍ଧି ହୋଇଛି ।

2022 ମସିହା ଜୁଲାଇ ମାସ ମଧ୍ୟରେ 2 ହଜାର 187ଟି ବିମାନ ଚଳାଚଳ କରିଥିଲା । ଏଥିରେ ଯାତ୍ରୀଙ୍କ ସଂଖ୍ୟା ରହିଥିଲା 2 ଲକ୍ଷ 45 ହଜାର 232 । 2023 ମସିହା ଜୁଲାଇ ମାସ ସୁଦ୍ଧା ଭୁବନେଶ୍ବର ବିମାନ ବନ୍ଦରରେ 2 ହଜାର 885ଟି ବିମାନ ଚଳାଚଳ କରିଛି । ଏଥିରେ 3 ଲକ୍ଷ 63 ହଜାର 576 ଜଣ ଯାତ୍ରୀ ଯାତାୟାତ କରିଛନ୍ତି । ଏନେଇ ଏୟାରପୋର୍ଟ ଅଥରିଟି ସୂଚନା ଦେଇଛନ୍ତି ।

ଭୁବନେଶ୍ବର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଦୈନିକ ବିମାନ ଚଳାଚଳ 90ରୁ 100ଟି ରହୁଥିବାବେଳେ ଯାତ୍ରୀଙ୍କ ସଂଖ୍ୟା ପାଖାପାଖି 12 ହଜାରରୁ ଅଧିକ ରହୁଥିବା ଜଣାପଡିଛି ।

ମେରାଇନ ଡ୍ରାଇଭରେ ମୁହାଁମୁହିଁ ମୋ ବସ ଓ କାର, ଜଣେ ମୃତ

0

ପୁରୀ: ପୁରୀ-କୋଣାର୍କ ମେରାଇନ ଡ୍ରାଇଭରେ ଦୁର୍ଘଟଣା । ମୁହାଁମୁହିଁ ହେଲେ ମୋ ବସ୍ ଓ କାର୍ । ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ଅବସ୍ଥାରେ କଟକ ଏସସିବି ସ୍ଥାନାନ୍ତର ହୋଇଛନ୍ତି ।

ମୃତକ ହେଲେ ପୁରୀ ଗୁଡ଼ିଆପୋଖରୀର ସତ୍ୟ ଦାସ । ୧୦ରୁ ଅଧିକ ଆହତ ପୁରୀ ସଦର ମେଡିକାଲରେ ଭର୍ତ୍ତି ହୋଇଛନ୍ତି । ପୁରୀରୁ କାକଟପୁର ଅଭିମୁଖେ ମୋ ବସଟି ଯାଉଥିବାବେଳେ କୋଣାର୍କଆଡ଼ୁ ଆସୁଥିବା ଏକ କାର ସହିତ ମୁହାଁମୁହିଁ ଧକ୍କା ହୋଇଥିଲା । ମୋ ବସ ଡ୍ରାଇଭର ବସ ଭିତରେ ଫସି ରହିଥିଲେ । କୋଣାର୍କ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି ।