ମେରାଇନ ଡ୍ରାଇଭରେ ମୁହାଁମୁହିଁ ମୋ ବସ ଓ କାର, ଜଣେ ମୃତ

ପୁରୀ: ପୁରୀ-କୋଣାର୍କ ମେରାଇନ ଡ୍ରାଇଭରେ ଦୁର୍ଘଟଣା । ମୁହାଁମୁହିଁ ହେଲେ ମୋ ବସ୍ ଓ କାର୍ । ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ଅବସ୍ଥାରେ କଟକ ଏସସିବି ସ୍ଥାନାନ୍ତର ହୋଇଛନ୍ତି ।

ମୃତକ ହେଲେ ପୁରୀ ଗୁଡ଼ିଆପୋଖରୀର ସତ୍ୟ ଦାସ । ୧୦ରୁ ଅଧିକ ଆହତ ପୁରୀ ସଦର ମେଡିକାଲରେ ଭର୍ତ୍ତି ହୋଇଛନ୍ତି । ପୁରୀରୁ କାକଟପୁର ଅଭିମୁଖେ ମୋ ବସଟି ଯାଉଥିବାବେଳେ କୋଣାର୍କଆଡ଼ୁ ଆସୁଥିବା ଏକ କାର ସହିତ ମୁହାଁମୁହିଁ ଧକ୍କା ହୋଇଥିଲା । ମୋ ବସ ଡ୍ରାଇଭର ବସ ଭିତରେ ଫସି ରହିଥିଲେ । କୋଣାର୍କ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି ।