ଏବେ ବି ଅନନ୍ତନାଗରେ ଚାଲିଛି ଗୁଳି ବିନିମୟ, ଆତଙ୍କୀ ଲୁଚିଥିବା ନେଇ ସନ୍ଦେହ

ଅନନ୍ତନାଗ: ଷଷ୍ଠ ଦିନରେ ଜମ୍ମୁ ଓ କାଶ୍ମୀର ଅନନ୍ତନାଗରେ ଏନକାଉଣ୍ଟର । ଜଣେ ଆତଙ୍କବାଦୀର ଅର୍ଦ୍ଧଦଗ୍ଧ ମୃତଦେହ ଠାବ କରାଯାଇଥିବାବେଳେ କମ୍ବିଂ ଅପରେସନ ଜାରି ରହିଛି । ଗତ ବୁଧବାର ଠାରୁ ଅପରେସନ ଜାରି ରହିଥିଲେ ବି ତଥାପି କିଛି ଆତଙ୍କୀ ଲୁଚି ରହିଥିବା ଆଶଙ୍କା ଥିବାରୁ ସେଠାରେ ଅପରେସନ ଜାରି ରହିଛି ।

ଅପରେସନ ବେଳେ ଜଣେ ଯବାନଙ୍କ ମୃତଦେହ ଠାବ କରିବା ଲାଗି ବି ପ୍ରକ୍ରିୟା ଆରମ୍ଭ ହୋଇଛି । ଗତକାଲି ଏନକାଉଣ୍ଟରର ପଞ୍ଚମ ଦିନରେ ନିରାପତ୍ତାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଘଟିଥିଲା । ୩ ଜଣ ନିରାପତ୍ତା ଅଧିକାରୀ ଶହୀଦ ହୋଇଥିବାବେଳେ ବିପୁଳ ପରିମାଣର ଅତ୍ୟାଧୁନିକ ଅସ୍ତ୍ରଶସ୍ତ୍ର ଜବତ ହୋଇଛି ।