ଭୁବନେଶ୍ୱର: ୨୯ରେ ଘୂର୍ଣ୍ଣିବଳୟ, ଅକ୍ଟୋବର ପହିଲାରେ ଲଘୁଚାପ । ୨୯ ତାରିଖ ବେଳକୁ ଉତ୍ତର ଆଣ୍ଡାମାନସାଗର ଏବଂ ପାର୍ଶ୍ଵବର୍ତ୍ତୀ ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟିର ସମ୍ଭାବନା ରହିଛି । ଏହି ଘୂର୍ଣ୍ଣିବଳୟ ପ୍ରଭାବରେ ପରବର୍ତ୍ତୀ ୪୮ଘଣ୍ଟାରେ ଉତ୍ତର ଆଣ୍ଡାମାନସାଗର ପାର୍ଶ୍ଵବର୍ତ୍ତୀ ପୂର୍ବକେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ ସମ୍ଭାବନା ରହିଛି । ଫଳରେ ଅକ୍ଟୋବର ପହିଲାରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ସମ୍ଭାବନା ରହିଛି । ଏହି ଲଘୁଚାପ କ୍ଷେତ୍ର ଆହୁରି ଘନୀଭୂତ ହେବାର ସମ୍ଭାବନା ରହିଛି । ଏହା ଘନୀଭୂତ ହେବା ପାଇଁ ପାଗ ଅନୁକୂଳ ରହିଛି । ଏହା ଘନୀଭୂତ ହୋଇ ପଶ୍ଚିମ ଓ ଉତ୍ତର ପଶ୍ଚିମ ଦିଗରେ ଗତି କରିବ । ଏହାର ପ୍ରଭାବରେ ସାରା ରାଜ୍ୟରେ ବର୍ଷା ଦେଖିବାକୁ ମିଳିବ ବୋଲି କହିଛନ୍ତି ପାଣିପାଗ ବିଜ୍ଞାନୀ ଉମାଶଙ୍କର ଦାସ ।
ଚୋରି କରିଥିବା ଦୋକାନରେ ସୁନା ବିକ୍ରି ଉଦ୍ୟମ କରି ଧରାପଡ଼ିଲା ଚାଲାକ ଚୋର
ବାଙ୍କୀ: ପଦାରେ ପଡିଲା ଚୋରର ଚାଲାକି । ଯେଉଁ ଦେକାନରୁ ସୁନା ଚୋରି କରିଥିଲା ସେହି ଦେକାନରେ ବିକ୍ରି ପାଇଁ ଉଦ୍ୟମ କରି ଧରାପଡିଲା ଚୋର । ବାଙ୍କୀ ଥାନା କିଆପଲ୍ଲା ପଞ୍ଚାୟତର ଘଟଣା । ଗତ ୨୧ ତାରିଖ ରାତିରେ ତାରିଣୀ ଛକ ନିକଟରେ ଥିବା ଏକ ସୁନା ଗହଣା ଦୋକାନରୁ କିଛି ସୁନା ଗହଣା ସହିତ ନଗଦ ୧୨ ହଜାର ଟଙ୍କା ଦୁର୍ବୁତ୍ତ ଚୋରି କରି ନେଇଥିଲେ ।
ଚୋରି କରିଥିବା ଗହଣାରୁ ଗୋଟିଏ ସୁନା ମୁଦି ବିକ୍ରି କରିବା ପାଇଁ ଚୋର ଜଣକ ତାର ଜଣେ ସମ୍ପର୍କୀୟଙ୍କ ମାଧ୍ୟମରେ ସେହି ଗହଣା ଦୋକାନକୁ ପଠାଇଥିଲା । ଗହଣା ଦୋକାନୀ ନିଜ ସୁନା ମୁଦିକୁ ଚିହ୍ନିପାରି ତାକୁ ଅଟକ ରଖିଥିଲେ । ତାକୁ ପଚରାଉଚରା କରିବା ପରେ ସବୁ ସତ କଥା ସାମ୍ନାକୁ ଆସିଥିଲା । ପରେ ସମ୍ପୃକ୍ତ ଚୋରକୁ ଧରି ଗ୍ରାମବାସୀ ପୋଲିସ ଜିମା ଦେଇଥିଲେ । ବାଙ୍କୀ ପୋଲିସ ଚୋରକୁ ଗିରଫ କରି ତଦନ୍ତ ଆରମ୍ଭ କରିଛି ।
ସମ୍ବାଦ ଲୋନ୍ ସ୍କାମ ମାମଲା; EOW ହାତରେ ଲାଗିଲା ଧମକ, ଜାଲିଆତି ଓ ଠକେଇର ବଡ଼ ପ୍ରମାଣ
ଭୁବନେଶ୍ୱର: ସମ୍ବାଦ ଲୋନ୍ ସ୍କାମ ମାମଲାରେ ତନାଘନା । Eow ହାତରେ ଲାଗିଲା ଧମକ, ଜାଲିଆତି ଓ ଠକେଇର ବଡ଼ ପ୍ରମାଣ । ବର୍ତ୍ତମାନ ସୁଦ୍ଧା ୨୪ ଜଣ EOWରେ ଅଭିଯୋଗ କରିଛନ୍ତି । କୋର୍ଟରେ ୩ ଜଣଙ୍କର ୧୬୪ ଧାରାରେ ବୟାନ ରେକର୍ଡ ହୋଇଛି । ୨୦୧୦ ରୁ ୨୦୧୯ ମଧ୍ୟରେ ଇଷ୍ଟର୍ଣ୍ଣ ମିଡିଆ ଆକାଉଣ୍ଟରେ ୧୦ କୋଟି ଟଙ୍କା ନଗଦ କ୍ୟାସ ଡିପୋଜିଟ ହୋଇଛି । ଧମକ ଓ ଜାଲିଆତିର ପକା ପ୍ରମାଣ ପାଇଛି ତଦନ୍ତକାରୀ ଟିମ୍ । ସେହିପରି ଲୋନ ଠକେଇ ସହ ଇଏସଆଇ ଓ ଇପିଏଫର ମଧ୍ୟ ଖୋଳତାଡ଼ ହୋଇଛି ।
ଏହାସହ ଉତ୍କଳ ଗ୍ରାମ୍ୟ ବ୍ୟାଙ୍କ ମଧ୍ୟ ବିଭାଗୀୟ ତଦନ୍ତ ଆରମ୍ଭ କରିଛି । ଲୋନ ପାଇଁ ଏକାଧିକ ସାଲାରି ସ୍ଲିପ ବ୍ୟବହାର ହୋଇଥିବା ପ୍ରମାଣ ପାଇଛି EOW । ତଦନ୍ତ ବେଳେ ସମ୍ବାଦ କାର୍ଯ୍ୟାଳୟରୁ ବହୁ ଗୁରୁତ୍ବପୂର୍ଣ୍ଣ ଫାଇଲ୍ ଗାଏବ ହୋଇଯାଇଛି । ମୂଳ ଅଭିଯୋଗ ଅନୁସାରେ ସମାନ ଅଭିଯୋଗ ଆଣୁଛନ୍ତି ଅନେକ ପୂର୍ବତନ କର୍ମଚାରୀ । ସବୁ ଦିଗରୁ ଇଓଡବ୍ଲୁ ତଦନ୍ତ ଜାରି ରଖିଛି ।
ଆସୁଛି ଆଉ ଏକ ଲଘୁଚାପ
ଭୁବନେଶ୍ବର: ୨୯ରେ ଘୂର୍ଣ୍ଣିବଳୟ, ଅକ୍ଟୋବର ପହିଲାରେ ଲଘୁଚାପ । ୨୯ ତାରିଖ ବେଳକୁ ଉତ୍ତର ଆଣ୍ଡାମାନସାଗର ଏବଂ ପାର୍ଶ୍ଵବର୍ତ୍ତୀ ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟିର ସମ୍ଭାବନା ରହିଛି । ଏହି ଘୂର୍ଣ୍ଣିବଳୟ ପ୍ରଭାବରେ ପରବର୍ତ୍ତୀ ୪୮ଘଣ୍ଟାରେ ଉତ୍ତର ଆଣ୍ଡାମାନସାଗର ପାର୍ଶ୍ଵବର୍ତ୍ତୀ ପୂର୍ବକେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ ସମ୍ଭାବନା ରହିଛି । ଫଳରେ ଅକ୍ଟୋବର ପହିଲାରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ସମ୍ଭାବନା ରହିଛି । ଏହି ଲଘୁଚାପ କ୍ଷେତ୍ର ଆହୁରି ଘନୀଭୂତ ହେବାର ସମ୍ଭାବନା ରହିଛି । ଏହା ଘନୀଭୂତ ହେବା ପାଇଁ ପାଗ ଅନୁକୂଳ ରହିଛି । ଏହା ଘନୀଭୂତ ହୋଇ ପଶ୍ଚିମ ଓ ଉତ୍ତର ପଶ୍ଚିମ ଦିଗରେ ଗତି କରିବ । ଏହାର ପ୍ରଭାବରେ ସାରା ରାଜ୍ୟରେ ବର୍ଷା ଦେଖିବାକୁ ମିଳିବ ବୋଲି କହିଛନ୍ତି ପାଣିପାଗ ବିଜ୍ଞାନୀ ଉମାଶଙ୍କର ଦାସ ।

