spot_img
Home Blog Page 2650

କଳାହାଣ୍ଡିରେ ଅସହ୍ୟ ଶୀତ, ଜାଡରେ ଅସ୍ତବ୍ୟସ୍ତ ଜୀବନ

କଳାହାଣ୍ଡି: ଶୀତରେ ଥରୁଛି ଓଡିଶା । ଜାଡରେ ଅସ୍ତବ୍ୟସ୍ତ ଜୀବନ । କଳାହାଣ୍ଡି ଧର୍ମଗଡରେ ଜାରି ରହିଛି ଶୀତ ଲହରି l ପାରଦ ୧୦ ଡିଗ୍ରୀ ତଳେ l ପିଲାଠୁ ବୟସ୍କ ସମସ୍ତଙ୍କୁ ଶୀତ କରୁଛି କଲବଲ l ଶୀତରେ ଜନ ଜୀବନ ଅସ୍ତବ୍ୟସ୍ତ l

କଥାରେ ଅଛି ମାଘ ଜାଡ କମ୍ପଇ ହାଡ । ହେଲେ ମାଘ ମାସ ଆରମ୍ଭ ନହେଉଣୁ ଶୀତରେ ଥରୁଛି ଧର୍ମଗଡl ସାରା ରାଜ୍ୟରେ ଶୀତର ଲହରୀ । ସୂର୍ଯ୍ୟାସ୍ତ ନ ହେଉଣୁ ଥରଉଛି ଶୀତ । ଦିନ ତମାମ ଥଣ୍ଡାରେ ଅସ୍ତବ୍ୟସ୍ତ ହୋଇପଡୁଛି ଜୀବନ । ନା ଲୋକେ ଘରୁ ବାହାରି ପାରୁଛନ୍ତି ନା କୌଣସି ଜରୁରୀ କାମ କରିପାରୁଛନ୍ତି। ଶୀତ ବସ୍ତ୍ର ପରିଧାନ କରି ନିଆଁ ପୁଇଁବାରେ ଲାଗିଛନ୍ତି ଧର୍ମଗଡବାସୀ । ପାରଦ ୧୦ ଡିଗ୍ରୀ ତଳେ ଥିବାରୁ ପିଲାମାନେ ବି ଭୋଗୁଛନ୍ତି  ନାନା ସମସ୍ୟା ।

ଗତ ବର୍ଷ ତୁଳନାରେ ଚଳିତ ବର୍ଷ ଶୀତର ପ୍ରକୋପ ଅଧିକ ରହିଛି । ପାହାଡିଆ ଅଞ୍ଚଳ ଗୁଡିକରେ ଶୀତର ପ୍ରଭାବ ବେଶୀ ଥିବା ଯୋଗୁଁ ବୃଦ୍ଧ ବୃଦ୍ଧାକୁ ହେଉଛି ସମସ୍ୟା । ଶୀତ ଦାଉରୁ ରକ୍ଷା ପାଇଁ କିଏ କସରତ କରୁଛି ତ କିଏ ପହଞ୍ଚୁଛି ଜିମ୍ । ଆଉ କିଛି ପିଲା ଖେଳକୁ ଆପଣାଇଛନ୍ତି। ଘନ କୁହୁଡି ପଇଁ ଯାତାୟତରେ ମଧ୍ୟ ହେଉଛି ନାନା ସମସ୍ୟା ।

 

ଗେଣ୍ଡୁ ଫୁଲ କରିଛି ଲାଭବାନ

ବାଙ୍କୀ: ଗେଣ୍ଡୁ ଫୁଲ ଚାଷ କରି ସ୍ବାବଲମ୍ବୀ । ବାଙ୍କୀ ଡମପଡା ବ୍ଲକ କୁଶପଙ୍ଗି ଗାଁର ଗତିକାନ୍ତ ବେଉରା ନିଜର ୧୮ ଗୁଣ୍ଠ ଜମିରେ ଫୁଲ ଚାଷ କରିଛନ୍ତି । ପ୍ରତିବର୍ଷ ସେ ପରିବା ଚାଷ କରିଆସୁଥିଲେ ମଧ୍ୟ ପରିବା ଚାଷରୁ ସେତେ ଭଲ ଲାଭ ମିଳୁ ନଥିଲା ।  ଗେଣ୍ଡୁ ଫୁଲ ଚାଷରୁ ଭଲ ଲାଭ ମିଳୁଥିବାରୁ ଫୁଲ ଚାଷ ପ୍ରତି ମନ ବଳାଇଛନ୍ତି ଗତିକାନ୍ତ ।

ସବୁଜ ପତ୍ରର ଗହଳି ଭିତରେ ଖେଳୁଛି ଗେଣ୍ଡୁ ଫୁଲ । ରାସ୍ତା ପାର୍ଶ୍ବରେ ଢାଙ୍ଗି ହୋଇଛି ସୁନେଲୀ ଚାଦର। ବାଙ୍କୀ ଡମପଡା କୁଶପଙ୍ଗି ଗାଁର ଜଣେ ଯୁବ ଚାଷୀ ଗତିକାନ୍ତ ବେଉରା ଗେଣ୍ଡୁ ଫୁଲ ଚାଷ କରି ହୋଇଛନ୍ତି ସ୍ବାବଲମ୍ବୀ । ଫୁଲ ଚାଷରୁ ହେଉଛି ଭଲ ରୋଜଗାର। କଲିକତାରୁ ବିହନ ମଞ୍ଜି ଆଣି ପ୍ରଥମେ ଚାରା ପକାଇଥିଲେ ଗତିକାନ୍ତ । ୨ ଥର ଚାରା ନଷ୍ଟ ହୋଇଯିବା ପରେ ତୃତୀୟ ଥର ହେଲା ଭଲ ଫୁଲ । ଇଫିକୋ ଜରିଆରେ ସାର ଓ କୀଟନାଶକ ପ୍ରୟୋଗ କରି ପ୍ରଥମେ ୧୮ ଗୁଣ୍ଠ ଜମିରେ ଗେଣ୍ଡୁଫୁଲ ଚାଷ କରିଥିଲେ । ଚାଷରେ ପାଖାପାଖି ୨୦ ହଜାର ଟଙ୍କା ଖର୍ଚ୍ଚ ହୋଇଥିବା ବେଳେ ୪୦ ହଜାର ଟଙ୍କାରୁ ଉର୍ଦ୍ଧ୍ବ ରୋଜଗାର ହୋଇଛି ।

ଚାଷ କାର୍ଯ୍ୟରେ ଗତିକାନ୍ତଙ୍କୁ ତାଙ୍କ ଝିଅ ସହଯୋଗ କରୁଛନ୍ତି । ପାଠ ପଢିବା ସହିତ ଚାଷ କାର୍ଯ୍ୟରେ ବାପାଙ୍କୁ ସାହାଯ୍ୟ କରିବା କୁ ସେ ଆଗ୍ରହ ରଖନ୍ତି। ଫୁଲ ତୋଳିବା ଠାରୁ ଆରମ୍ଭ କରି ପାଣି ମଡାଇବା ପର୍ଯ୍ୟନ୍ତ ପ୍ରାୟ କାର୍ଯ୍ୟରେ ଗତିକାନ୍ତଙ୍କୁ ଝିଅଙ୍କ ପକ୍ଷରୁ ଥାଏ ସହଯୋଗ । ଗେଣ୍ଡୁ ଫୁଲ ଚାଷରେ ଭଲ ଲାଭ ମିଳୁଥିବାରୁ ଆଗାମୀ ବର୍ଷ ସମ୍ପୂର୍ଣ୍ଣ ପରିବା ଚାଷକୁ ବାଦ ଦେଇ କେବଳ ଗେଣ୍ଡୁଫୁଲ ଚାଷ କରିବେ ବୋଲି ନିଷ୍ପତ୍ତି ନେଇଛନ୍ତି ଗତିକାନ୍ତ । ଏହି ଚାଷକୁ ଦେଖି ସ୍ଥାନୀୟ ଅଞ୍ଚଳର ଅନେକ ଚାଷୀ ଅନୁପ୍ରାଣିତ ହୋଇଛନ୍ତି ।

 

୭୦୦୦ ଫୁଟ୍ ଉଚ୍ଚକୁ କାହିଁକି ଯାଉଛନ୍ତି ବାଘ , ଜାଣନ୍ତୁ କାରଣ

ନୂଆଦିଲ୍ଲୀ : ଚାଲିଛି ବାଘଙ୍କର ସ୍ଥାନାନ୍ତରଣ  । ବାଘ ଏବେ ଉଚ୍ଚା ପାହାଡ ଥିବା ଏରିଆ କୁ ବଢୁଛନ୍ତି  । ଏହି ଭଳି  ଦୃଶ୍ଯ ଏବେ ନିକଟରେ ଉତ୍ତରାଖଣ୍ଡରେ ନଜର ଆସିଛି  । ଏହି ବାଘ ସାଧାରଣତଃ ୧୨୬୩ ଫୁଟ୍ ଉଚ୍ଚ ରେ ଥିବା ସମତଳ ଜାଗା ଏବଂ ଜଙ୍ଗଲରେ ଦେଖାଯାଆନ୍ତି  । କିନ୍ତୁ ପୂର୍ବ କିଛି ଦିନ ମାନଙ୍କରେ ଉତରାଖଣ୍ଡରେ  ୭୦୦୦ ଫୁଟ୍ ରୁ ଅଧିକ ଉଚ୍ଚତା ବିଶିଷ୍ଟ ଜାଗା ଗୁଡିକରେ ବି ସେମାନଙ୍କୁ ଦେଖାଯାଇଛି  ।

ଆଲମୋଡା ଜାଗେଶ୍ବରରେ ୧୨ଡିସେମ୍ବର ରେ  ୧୮୭୦ ମିଟର ଉପରେ ବାଘ ଦେଖାଯିବା ପରେ ଏବେ ବିନାସର ରେ ବାଘ ଦେଖାଦେଇଛି  । ବିନସରର ୨୨୫୦ ମିଟର ଉଚ୍ଚାରେ  ବାଘ ଦେଖାଦେଇଛି  । ଏତେ ଥଣ୍ଡା ଜାଗାରେ ବାଘ ଦେଖାଯିବା ପରେ ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ଅଛନ୍ତି  । ବନ ବିଭାଗ ମଧ୍ଯ ହାଇ ଆର୍ଲଟ ଜାରି କରିଛି  । କିନ୍ତୁ ଏଠି ପ୍ରଶ୍ନ ଉଠୁଛି କି କମ୍ ଉଚ୍ଚାରେ ରହୁଥିବା ଏହି ବାଘଙ୍କର କଣ ଏମିତି ପରିସ୍ଥିତି ସୃଷ୍ଟି ହେଲା ଯେ ସେମାନେ ଏତେ ଉଚ୍ଚା ଜାଗାକୁ ଯାଉଛନ୍ତି  । 
ସାଧାରଣତଃ ସମତଳ ଜାଗାରେ ଦେଖାଯାଉଥିବା ବାଘ  ୧୨ ଡିସେମ୍ବରରେ ଜାଗେଶ୍ବର ଧାମରେ ଶୌକିୟସ୍ଥଳ ରେ ନଜର ଆସିଛି  । କିଛି ଲୋକ ଏହାକୁ ନିଜ ମୋବାଇଲ୍ କ୍ଯାମେରାରେ କଏଦ କରିଛନ୍ତି  । ଗୋଟେ ଦିନ ପରେ ୧୩ ଡିସେମ୍ବରରେ ଡିଏଫ୍ଓ ଧ୍ରୁବ ମତ୍ତୋଲିୟୋ ଙ୍କୁ ବାଘ ଦେଖାଯାଇଥିଲା  । ଏମିତି ନାହିଁ କି ବାଘ ପ୍ରଥମ ଥର ପାହାଡରେ ନଜର ଆସିଛନ୍ତି  । ପୂର୍ବରୁ  ବାଘ ପାହାଡ ଉପରେ ଦେଖିବାର ନଜର ଆସିଛି  । ଥଣ୍ଡାରେ ଯେବେ ବରଫ ପଡେ ସେତେବେଳେ ପାହାଡ ଉଚ୍ଚରେ ଗାଈ ଚରାଳୀ ନିଜ ଛେଳି , ମେଣ୍ଡାଙ୍କୁ ଚରେଇବାକୁ ପଡିଆକୁ  ନେଇ ଆସନ୍ତି  । ବରଫ ତରଳିବା ପରେ ଏବଂ ଥଣ୍ଡା କମିବା ପରେ ଏମାନେ ସମସ୍ତେ ପୁଣି ଫେରିଯାଆନ୍ତି  । ସେତେବେଳେ ବାଘ ତାଙ୍କ ପଛରେ ସହଜରେ ଶିକାର ପାଇବା ଆଶାରେ ତାଙ୍କ ପଛେ ପଛେ ପାହାଡକୁ ଉଠି ଯାଆନ୍ତି  ।

ନିଆରା ବାଲୁକା କଳା, ପିଆଜରେ ସାନ୍ତାକ୍ଲଜ

ପୁରୀ: ସୋମବାର ବଡ଼ଦିନ । ପଲ୍ଲୀରୁ ଦିଲ୍ଲୀ ଉତ୍ସବର ମାହୋଲ । ଏହି ଅବସରରେ ପୁରୀ ବ୍ଲୁ ଫ୍ଲାଗ ବିଚରେ ବାଲୁକା କଳା ମାଧ୍ୟମରେ ଓନିଅନ ସାନ୍ତାକ୍ଲଜ ନିର୍ମାଣ ହୋଇଛି । ନିଆରା ଢଙ୍ଗରେ ସାରା ବିଶ୍ୱକୁ ବଡଦିନର ହାର୍ଦ୍ଧିକ ଅଭିନନ୍ଦନ ଜଣାଇଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ତେବେ ଏହି କଳାକୃତିରେ ଦୁଇ ଟନ ପିଆଜର ବ୍ୟବହାର କରାଯାଇଛି । ଏହି ଅବସରରେ ସେ ଗିଫ୍ଟ ଏ ପ୍ଲାଣ୍ଟ, ଗ୍ରୀନ ଦ ଆର୍ଥର ବାର୍ତ୍ତା ଦେଇଛନ୍ତି । ପିଆଜରେ ମେରୀ ଖ୍ରୀଷ୍ଟ ମାସ ଲେଖାଯାଇଥିବା ବେଳେ ବିଭିନ୍ନ ପ୍ରକାରର ବୃକ୍ଷକୁ ସେ ଏଥିରେ ସ୍ଥାନିତ କରିଛନ୍ତି । ଯାହାକୁ ପର୍ଯ୍ୟଟକ ମାନେ ଅତି ଆନନ୍ଦର ସହ ଉପଭୋଗ କରିଛନ୍ତି ।

ଟିଟିଲାଗଡ଼ରେ ବିଜେଡିରେ ମିଶିଲେ ଶତାଧିକ କର୍ମୀ

ଟିଟିଲାଗଡ଼: ଟିଟିଲାଗଡରେ ବିଜେଡିର ମିଶ୍ରଣ ପର୍ବ । ଟିଟିଲାଗଡ଼ ବ୍ଲକ ବିଜୁ ଜନତା ଦଳ ଅଫିସରେ ସାମିଲ ହୋଇଛନ୍ତି ଶତାଧିକ ସଂଖ୍ୟାରେ ସଦସ୍ୟ । ବିଜେଡିରେ ସାମିଲ ହୋଇଥିବା ସଦସ୍ୟ ବିରୋଧୀ ବିଜେପି ଓ କଂଗ୍ରେସ ଦଳର।  ବିଜୁ ଜନତା ଦଳର୍ ଜନମଙ୍ଗଳ କାର୍ଯ୍ୟରେ ଅନୁପ୍ରାଣିତ ହୋଇ ଶତାଧିକ ସଂଖ୍ୟାରେ ପୁରୁଷ ଓ ମହିଳା ମନ୍ତ୍ରୀ ଟୁକୁନି ସାହୁଙ୍କ ଉପସ୍ଥିତିରେ ଦଳରେ ଯୋଗ ଦେଇଛନ୍ତି। ମନ୍ତ୍ରୀ ଟୁକୁନି ସାହୁ ବିଜୁ ଜନତା ଦଳର ଉତ୍ତରୀୟ ଦେଇ ଦଳକୁ ସ୍ୱାଗତ୍ କରିଥିଲେ । ଦଳରେ ଶୃଙ୍ଖଳିତ କର୍ମୀ ଭାବରେ କାର୍ଯ୍ୟକରି ମୁଖ୍ୟମନ୍ତ୍ରୀଙ୍କ ହାତକୁ ସୁଦୃଢ କରିବା ସହ ଗାଁ ଗଣ୍ଡାର ବିକାଶ କରିବାକୁ ଆହ୍ଵାନ ଦେଇଥିଲେ । ଏହି ମିଶ୍ରଣ ପର୍ବରେ ପୂର୍ବତନ କଂଗ୍ରେସ କର୍ମୀ ଲଲିତ ସାହୁ ଓ କୁଶକେଳା ପଞ୍ଚାୟତର ପୂର୍ବତନ ସରପଞ୍ଚ ବିଶୁ ମାଝୀ ଓ ତାଙ୍କ ସମର୍ଥକ ମାନେ ଦଳରେ ଯୋଗ ଦେଇଛନ୍ତି୍ । ଦଳ ଓ ନେତୃତ୍ୱର ଦିଗଦର୍ଶନରେ କାର୍ଯ୍ୟ କରିବେ ବୋଲି ସମସ୍ତେ କହିଛନ୍ତି।

ଭଉଣୀ ଘରେ ପହଞ୍ଚିଲେ ଅରବାଜ, ୫୭ ବର୍ଷ ବୟସରେ କରିବେ ଦ୍ବିତୀୟ ବିବାହ

ମୁମ୍ବାଇ: ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଲିଉଡ ଅଭିନେତା ଅରବାଜ ଖାନ । ୫୭ ବର୍ଷ ବୟସରେ ଦ୍ବିତୀୟ ବିବାହ କରିବାକୁ ଯାଉଥିବା ସଲମାନ ଖାନଙ୍କ ବଡ଼ଭାଇ ଏବେ ତାଙ୍କ ଭଉଣୀ ଅର୍ପିତାଙ୍କ ଘରେ ପହଞ୍ଚିଛନ୍ତି । ସେଠାରେ ବିବାହ ଉତ୍ସବ ଅନୁଷ୍ଠିତ ହେବାକୁ ଥିବାବେଳେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଏହି ବିବାହରେ କେବଳ ପରିବାର ଲୋକେ ଏବଂ ଖାସ୍ ଅତିଥୀମାନେ ଯୋଗଦେବେ । ଅରବାଜ ଅର୍ପିତାଙ୍କ ଘରକୁ ଯାଉଥିବାର ଏକ ଭିଡିଓ ନଜରକୁ ଆସିଛି ।

ଅରବାଜ ମେକପ ଆର୍ଟିଷ୍ଟ ଶେରା ଖାନଙ୍କୁ ବିବାହ କରିବାକୁ ଯାଉଛନ୍ତି । ଉଭୟ ଦୀର୍ଘଦିନ ଧରି ଡେଟିଂ କରିଥିବାବେଳେ ଏବେ ବିବାହ ପାଇଁ ନିଷ୍ପତ୍ତି ନେଇଛନ୍ତି । ସେପଟେ ଅରବାଜ ପ୍ରଥମେ ଅଭିନେତ୍ରୀ ମଲାଇକାଙ୍କୁ ବିବାହ କରିଥିବାବେଳେ ତାଙ୍କର ୨୧ ବର୍ଷର ପୁଅ ଅଛନ୍ତି । ମଲାଇକା ଅର୍ଜୁନ କପୁରଙ୍କୁ ଡେଟ୍ କରୁଥିବାବେଳେ ସେମାନେ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ଏବେ ଅରବାଜଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଛି ।

ଜାଣନ୍ତୁ ନବନିର୍ବାଚିତ କୁସ୍ତିସଂଘ ନିଲମ୍ବନ ପରେ କଣ କହିଲେ ସଞ୍ଜୟ ସିଂ

ନୂଆଦିଲ୍ଲୀ: ଭାରତୀୟ କୁସ୍ତି ସଂଘର ନବନିର୍ବାଚିତ ଟିମ ସସପେଣ୍ଡ । ଟିମକୁ ସସପେଣ୍ଡ କରିଛି କେନ୍ଦ୍ର କ୍ରୀଡ଼ା ମନ୍ତ୍ରାଳୟ । ବ୍ରିଜଭୂଷଣ ସିଂଙ୍କ ଇସ୍ତଫା ପରେ ସଞ୍ଜୟ ସିଂ ହୋଇଥିଲେ ସଭାପତି । ତେବେ ବ୍ରିଜଭୂଷଣଙ୍କ ନିକଟତମ ବ୍ୟକ୍ତି କୁହାଯାଉଥିବା ସଞ୍ଜୟ ସିଂ ସଭାପତି ନିର୍ବାଚିତ ହେବା ପରେ କ୍ଷୁବ୍ଧ ହୋଇଥିଲେ ପୂର୍ବତନ କ୍ରୀଡ଼ାବିତ । ଯାହାକୁ ନେଇ ବିବାଦ ଲାଗି ରହିଥିଲା । ତେବେ ନବନିର୍ବାଚିନ ଟିମ ସସପେଣ୍ଡ ହେବା ପରେ ପ୍ରତିକ୍ରିୟା ରଖିଛନ୍ତି ସଭାପତି ସଞ୍ଜୟ ସିଂ ସେ କହିଛନ୍ତି କି, ଏପର୍ଯ୍ୟନ୍ତ ପୁରା ଅର୍ଡର ପଢ଼ିନାହାନ୍ତି । ପ୍ରଥମେ ଏହାକୁ ପଢ଼ିବେ ଏବଂ ପରେ କହିବେ । ଏହସହ କହିଛନ୍ତି କି, ମୁଁ ଏସମ୍ପର୍କରେ ଏବେ କିଛି କହିବାକୁ ଚାହୁଁନାହିଁ ।

ସୂଚନା ଥାଉକି, ନୂଆ ସଭାପତି ସଞ୍ଜୟ ସିଂଙ୍କ ସମସ୍ତ ନିଷ୍ପତ୍ତି ଉପରେ ବି ରୋକ ଲଗାଇଛି କେନ୍ଦ୍ର କ୍ରୀଡ଼ାମନ୍ତ୍ରାଳୟ । ସଞ୍ଜୟଙ୍କ ନିର୍ବାଚନକୁ ବିରୋଧ କରି ପଦ୍ମଶ୍ରୀ ଫେରାଇଥିଲେ ବଜରଙ୍ଗ ପୁନିଆ । ସାକ୍ଷୀ ମଲ୍ଲିକ ବି କୁସ୍ତି ଜଗତରୁ ନେଇଛନ୍ତି ସନ୍ନ୍ୟାସ । ନବନିର୍ବାଚିତ ଟିମକୁ ସସପେଣ୍ଡ ପ୍ରସଙ୍ଗରେ କ୍ରୀଡ଼ା ମନ୍ତ୍ରାଳୟ କହିଛି-ବର୍ତ୍ତମାନ ନିୟମାବଳୀକୁ ଅବମାନନା କରିଛି ନୂଆ ସଂଘ । ନିର୍ବାଚନ ପ୍ରକ୍ରିୟାରେ ନିୟମ ଉଲ୍ଲଂଘନ ହୋଇଥିବା କହିଛି ମନ୍ତ୍ରାଳୟ । ଗତ ଗୁରୁବାର ହୋଇଥିବା ନିର୍ବାଚନରେ ପୂର୍ବତନ ସଭାପତି ବ୍ରିଜ ଭୂଷଣଙ୍କ ସମର୍ଥକ ସଞ୍ଜୟ ସିଂ ବିଜୟୀ ହୋଇଥିଲେ । ୪୭ ଭୋଟରୁ ୪୦ ଭୋଟ ପାଇଥିଲେ ସଞ୍ଜୟ । ମାତ୍ର ୭ଟି ଭୋଟ ପାଇଥିଲେ ପ୍ରତିଦ୍ବନ୍ଦ୍ବୀ ଅନିତା ଶେଓରାନ । ଅନିତା ହେଉଛନ୍ତି କମନଓ୍ବେଲଥ ଗେମସର ଗୋଲ୍ଡ ମେଡାଲିଷ୍ଟ । ପୂର୍ବରୁ ସଞ୍ଜୟ ସିଂ ଉତ୍ତରପ୍ରଦେଶ ରେସଲିଂ ସଂଘର ଉପସଭାପତି ଥିଲେ ।

ଦଳକୁ ଫେରିବେ ତ ପାଣ୍ଡ୍ୟା?

0

ନୂଆଦିଲ୍ଲୀ: ଭାରତୀୟ ପ୍ରଂଶସକଙ୍କ ପାଇଁ ଖୁସି ଖବର । ଦଳକୁ ଫେରିବେ ହାର୍ଦ୍ଦିକ ପାଣ୍ଡ୍ୟା । ଆଫଗାନିସ୍ତାନ ବିପକ୍ଷ ସିରିଜରେ ଖେଳିବେ ହାର୍ଦ୍ଦିକ । କେବଳ ଖେଳିବେ ନାହିଁ ଦଳର ଅଧିନାୟକ ପଦ ମଧ୍ୟ ସମ୍ଭାଳିବେ ବୋଲି ସୂଚନା ମିଳୁଛି । ଗୋଡ଼ରେ ଆଘାତ ଲାଗିଥିବାରୁ ସେ ଆହତ ରହିଛନ୍ତି । ତେବେ ୨୦୨୪ ଆଇପିଏଲ ଖେଳିବେ ନାହିଁ ବୋଲି ଚର୍ଚ୍ଚା ହେଉଥିଲା । କିନ୍ତୁ ଏବେ ସୂଚନା ମିଳିଛି କି, ଦଳକୁ ଫେରିବେ ହାର୍ଦ୍ଦିକ । ଜାନୁଆରୀ ୧୧ ତାରିଖରୁ ୩ଟି ଟି-୨୦ ସିରିଜ ଖେଳାଯିବାକୁ ଥିବାବେଳେ ପାଣ୍ଡ୍ୟାଙ୍କ ଅଧିନାୟକତ୍ବରେ ଖେଳିବ ଭାରତ । ସୂର୍ଯ୍ୟକୁମାର ଯାଦବ ଆହତ କାରଣରୁ ଦଳରୁ ବାଦ ପଡ଼ିଥିବାବେଳେ ଫ୍ୟାନ୍ସମାନେ ପାଣ୍ଡ୍ୟା ଦଳକୁ ଫେରିବା ଖବର ଖୁସି ଦେଇଛି । ସେପଟେ ସୂର୍ଯ୍ୟକୁମାର ଯାଦବ ଅଷ୍ଟ୍ରେଲିଆ ଏବଂ ଦକ୍ଷିଣଆଫ୍ରିକା ସିରିଜରେ ଭାରତର ଅଧିନାୟକ ଭାବେ ଦାୟିତ୍ବ ନେଇ ଦଳକୁ ସଫଳତା ଦେଇଛନ୍ତି ।

କୋବି ଚୋରି ସନ୍ଦେହରେ ମାଆକୁ ବିଦ୍ୟୁତ ଖୁଣ୍ଟରେ ବାନ୍ଧି ପିଟିଲା ପୁଅ

କେନ୍ଦୁଝର: ଜନ୍ମକଲା ମାଆ ଉପରେ ସଇତାନ ପୁଅର ଅତ୍ୟାଚାର । ସ୍ତ୍ରୀ ସହ ମିଶି ବିଦ୍ୟୁତ ଖୁଣ୍ଟରେ ବାନ୍ଧି ଜନ୍ମ କଲା ମାଆକୁ ନିସ୍ତୁକ ପିଟିଲା । ଏପରିକି ଡାକ୍ତରଖାନାରେ ପଶି ବୃଦ୍ଧାଙ୍କୁ ବୋହୂ ମାଡ଼ ମାରିଥିବା ଅଭିଯୋଗ । ତାହା ପୁଣି ଏକ କୋବ ଚୋରି ସନ୍ଦେହରେ ।

ସୂଚନାଯୋଗ୍ୟ, । କେନ୍ଦୁଝର ଜିଲ୍ଲା ଚମ୍ପୁଆ ସରାସପଶି ଗାଁର ଶତ୍ରୁଘ୍ନଙ୍କ ବାଡିରୁ ଏକ କୋବି କିଏ କାଟି ନେଇଥିଲା । ତେବେ ମାଆ କୋବି ଚୋରି କରିଥିବା ଶତ୍ରୁଘ୍ନ ଏବଂ ତାଙ୍କ ପତ୍ନୀ ସନ୍ଦେହ କରିଥିଲେ । ଏହାକୁ ନେଉ ଉଭୟ ମାଆକୁ ନିସ୍ତୁକ ମାଡ଼ ମାରିଥିଲେ । କଥା ସେତିକିରେ ସରି ନଥିଲା । ଘର ବାହାରେ ଥିବା ଏକ ବିଦ୍ୟୁତ୍ ଖୁଣ୍ଟରେ ବାନ୍ଧି ପୁଣି ମାଡ଼ ମାରିଥିଲେ ।

ଗାଁ ଲୋକ ଏହାକୁ ବିରୋଧ କରିବା ସହ ପୋଲିସକୁ ଖବର ଦେଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ବୃଦ୍ଧାଙ୍କୁ ଉଦ୍ଧାର କରି ବାସୁଦେବପୁର ମେଡିକାଲରେ ଭର୍ତ୍ତି କରିଥିଲା ପୋଲିସ । ପୁଅବୋହୂ ମାଆକୁ ମାଡ଼ ମାରିବା ଘଟଣାର ଏକ ଫଟୋ ଭାଇରାଲ ହେବା ପରେ ଘଟଣା ପଦାକୁ ଆସିଛି ।

ଗତ ବୁଧବାର ଘଟଣା ଘଟିଥିବା ବେଳେ ଦୁଇଦିନ ଧରି ପୁଅବୋହୂ ମାଆକୁ ମାଡ଼ ମାରିଥିବା ଅଭିଯୋଗ ହୋଇଛି । ଏପରିକି ମେଡିକାଲରେ ବୃଦ୍ଧା ଭର୍ତ୍ତି ହେବା ପରେ ବି ସେଠାରେ ବୋହୂ ମାଡ଼ ମାରିଥିବା ଅଭିଯୋଗ ହୋଇଛି । ଘଟଣା ନେଇ ଥାନାରେ କୌଣସି ଅଭିଯୋଗ ହୋଇ ନଥିବା ବେଳେ ମାମଲା ରୁଜୁ ହୋଇ ନଥିବା ଜଣାପଡ଼ିଛି ।

ପିହୁ ଅପହରଣ ଘଟଣାରେ ମାଷ୍ଟରମାଇଣ୍ଡ ସହ ୪ ଗିରଫ

ଦେବଗଡ଼: ଶିଶୁ କନ୍ୟା ପିହୁ ଅଗ୍ରୱାଲ ଅପହରଣ ଘଟଣାରେ ୪ ଗିରଫ । ମାଷ୍ଟରମାଇଣ୍ଡ ସମେତ ୪ ଅଭିଯୁକ୍ତକୁ ଗିରଫ କଲା ଦେବଗଡ଼ ପୋଲିସ । ମାଷ୍ଟରମାଇଣ୍ଡ ଦେବଗଡ଼ ଥାନା ଅନ୍ତର୍ଗତ ନୂଆଗାଁର ହିମାଂଶୁ ନାରଙ୍ଗ ବୋଲି ଜଣାପଡିଛି ।

ସହଯୋଗୀ ଅଭିଯୁକ୍ତମାନେ କୁଣ୍ଢେଇଗୋଳା ମେଣ୍ଢିପାଲି ସାଧୁବାହାଳ ଗାଁର ଦୀପକ ନାଏକ, ଦେବଗଡ଼ ବଲଣ୍ଡା ଗ୍ରାମର ରୋହିତ ପାତ୍ର ଓ ଜରେଇକେଳାର ମହେଶ୍ୱର ଶଗଡିଆ । ସେମାନଙ୍କଠାରୁ ଅପହରଣରେ ବ୍ୟବହୃତ କାର, ଦୁଇଟି ବାଇକ ଓ ୪ଟି ମୋବାଇଲ ଫୋନ ଜବତ କରିଛି ପୋଲିସ ।

ଗତ ୧୮ ତାରିଖ ସନ୍ଧ୍ୟାରେ ଟ୍ୟୁସନ ସାରି ଆଈ ସହ ଘରକୁ ଫେରୁଥିବା ବେଳେ ଜନଗହଳିପୂର୍ଣ୍ଣ ମୁଖ୍ୟରାସ୍ତାରୁ ପିହୁକୁ ଝାମ୍ପି ନେଇଥିଲେ ଅପହରଣକାରୀ । ବିଳାସପୂର୍ଣ୍ଣ ଜୀବନ ଅତିବାହିତ କରିବା ଉଦ୍ଦେଶ୍ୟରେ ମୋଟା ଅଙ୍କର ଟଙ୍କା ରୋଜଗାର ପାଇଁ ଅପହରଣ ଯୋଜନା କରିଥିଲେ ଅଭିଯୁକ୍ତ । ଅପହରଣର ୧୨ ଘଣ୍ଟା ପରେ ସୁନ୍ଦରଗଡ଼ ଜିଲ୍ଲା ବଡ଼ଗାଁ ଥାନା ଅଞ୍ଚଳରୁ ଅପହୃତ ଶିଶୁ ପିହୁକୁ ଉଦ୍ଧାର କରିଥିଲା ପୋଲିସ ।