ଭୁବନେଶ୍ବର: ଲିଙ୍ଗରାଜ ମନ୍ଦିରରେ ନୀତି ବିଭ୍ରାଟ । ବନ୍ଦ ହୋଇଛି ଅବକାଶ, ମଙ୍ଗଳଆଳତି ନୀତିକାନ୍ତି । ପୂଜା ପଣ୍ଡା ଓ ପତ୍ରି ନିଯୋଗ ଅନୁପସ୍ଥିତ ଥିବା କାରଣରୁ ମଙ୍ଗଳ ଆଳତି ବନ୍ଦ ରହିଛି । ଏ ବାବଦରେ ADMଙ୍କୁ ଅବଗତ କରିବେ ଲିଙ୍ଗରାଜ ମନ୍ଦିର ନୀତି ସୁପର ଭାଇଜର ।
ସକାଳୁ ସିଂହଦ୍ବାର ଖୋଲା ନୀତି ହୋଇଛି । କିନ୍ତୁ ମଙ୍ଗଳ ଆଳତି କରାଯାଇ ନାହିଁ । ମଙ୍ଗଳ ଆଳତି ଠାରୁ ନୀତିକାନ୍ତି ବନ୍ଦ ରହିଛି । ବ୍ରାହ୍ମଣ ନିଯୋଗର ପତ୍ରି ଓ ପୂଜା ପଣ୍ଡା ନିଯୋଗର ସେବାୟତ ଅନୁପସ୍ଥିତ ଥିବାରୁ ବନ୍ଦ ରହିଛି ନୀତିକାନ୍ତି । ମନ୍ଦିର ପ୍ରଶାସନକୁ ଏନେଇ ଜଣାଯାଇଛି । ଏହା ପଛରେ କଣ କାରଣ ରହିଛି, ତାହା ମନ୍ଦିର ପ୍ରଶାସନ ବୈଠକ ପରେ ସ୍ପଷ୍ଟ ହେବ । ସେପଟେ ବଡୁ ନିଯୋଗ କହିଛି ଆମ ପକ୍ଷରୁ ସମସ୍ତ ନିତିକାନ୍ତି କରାଯାଉଛି ।
