ଭୁବନେଶ୍ବର: ଦୁର୍ନୀତି ନିବାରଣ ସଚେତନା ସପ୍ତାହ ପାଳନ ଅବସରରେ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ତରଫରୁ ସୋମବାର ଶପଥପାଠ କରାଯାଇଛି । ସୂଚନା ଓ ଲୋକ ସମ୍ପର୍କ ବିଭାଗ ପରିସରରେ ବିଭାଗୀୟ ନିର୍ଦ୍ଦେଶକ ସୁରେନ୍ଦ୍ର ପରିଡ଼ା, ବିଭାଗୀୟ ଅଧିକାରୀ ଓ କର୍ମଚାରୀମାନଙ୍କୁ ଦୁର୍ନୀତି ନିବାରଣ ସଚେତନତା ସପ୍ତାହ ଉପଲକ୍ଷେ ଶପଥ ପାଠ କରାଇଥିଲେ । ପ୍ରତ୍ୟେକ ନାଗରିକ ସଚେତନତା ଓ ଆଇନର ଶାସନକୁ ଅନୁପାଳନ କରିବା ସାଙ୍ଗକୁ ସାଧୁତା ଓ ସ୍ବଚ୍ଛତାର ସହ ଜନସାଧାରଣଙ୍କ ହିତ ସାଧନ ପାଇଁ କାର୍ଯ୍ୟ କରିବା ଆବଶ୍ୟକ । ବ୍ୟକ୍ତିଗତ ଆଚରଣରେ ଦୃଷ୍ଟାନ୍ତମୂଳକ ସାଧୁତା ବଜାୟ ରଖିବା ସହ ଉତ୍କୋଚ ନେବା ନାହିଁ କିମ୍ବା ଦେବେ ନାହିଁ ବୋଲି ବିଭାଗର ସମସ୍ତ ଅଧିକାରୀ ଓ କର୍ମଚାରୀ ଶପଥ ପାଠ କରିଥିଲେ ।
ବୁମରା ଏବଂ ସାମିଙ୍କୁ ନେଇ ଏମିତି କହିଲେ ଭାରତର ବୋଲିଂ କୋଚ୍
ଚେନ୍ନାଇ: ବିଶ୍ବକପରେ କମାଲ କରୁଛନ୍ତି ଭାରତୀୟ ବୋଲର । ରବିବାର ଇଂଲଣ୍ଡ ବିପକ୍ଷ ଏକ ହାଇଭୋଲଟେଜ ମ୍ୟାଚରେ ବୋଲରଙ୍କ ପ୍ରଦର୍ଶନ ଦର୍ଶନୀୟ ଥିଲା । ମହମ୍ମଦ ସାମି ୪ଟି ଓ୍ବିକେଟ ଅକ୍ତିଆର କରିଥିବାବେଳେ ବୁମରା ୩ଟି ଓ୍ବିକେଟ ଅକ୍ତିଆର କରିଥିଲେ । ଯଦିଓ ପ୍ରଥମରୁ ଇଂଲଣ୍ଡ ଭଲ ବ୍ୟାଟିଂ ଆରମ୍ଭ କରିଥିଲା ତଥାପି ସେମାନେ ପରବର୍ତ୍ତୀ ସମୟରେ ଭାରତୀୟ ବୋଲରଙ୍କ ଆଗରେ ତିଷ୍ଟି ପାରିନଥିଲେ । ବୁମରା ଏବଂ ସାମିଙ୍କ ଘାତକ ବୋଲିଂ ଆଗରେ ଧରାଶୟୀ ହୋଇଥିଲେ । ତେବେ ବୁମରା ଏବଂ ସାମିଙ୍କ ବୋଲିଂକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ଭାରତୀୟ ବୋଲିଂ କୋଚ୍ ପାରସ ମାମ୍ବ୍ରେ । ସେ କହିଛନ୍ତି କି, ସେମାନଙ୍କୁ କିଛି ପ୍ରଶିକ୍ଷଣ ଆବଶ୍ୟକ ହେଉନାହିଁ । ପିଚ୍ ହିସାବରେ ଉଭୟ ବେଶ ଭଲ ବୋଲିଂ କରନ୍ତି । ବ୍ୟାଟ୍ସମ୍ୟାନଙ୍କୁ ଭଲଭାବେ ବୁଝିବା ସହ ସେମାନଙ୍କୁ ଆଉଟ୍ କରିବା ବେଶ ଭଲଭାବେ ଜାଣନ୍ତି ।
ଚଳିତ ବିଶ୍ବକପରେ ପ୍ରଥମରୁ ସାମିଙ୍କୁ ଦଳରେ ସ୍ଥାନ ମିଳିନଥିଲା । ହାର୍ଦ୍ଦିକ ପାଣ୍ଡ୍ୟା ଆହତ ହେବା ପରେ ଦଳକୁ ପ୍ଲେଇଙ୍ଗ ୧୧ରେ ସ୍ଥାନ ପାଇଛନ୍ତି ସାମି । ନ୍ୟୁଜିଲାଣ୍ଡ ବିପକ୍ଷରେ ୫ ଓ୍ବିକେଟ ଅକ୍ତିଆର କରିଥିବାବେଳେ ଇଂଲଣ୍ଡ ବିପକ୍ଷରେ ୪ ଓ୍ବିକେଟ ଅକ୍ତିଆର କରିଛନ୍ତି । ବିଶ୍ବକପରେ ଭାରତ ପକ୍ଷରୁ ସର୍ବାଧିକ ଓ୍ବିକେଟ ନେଇଥିବା ବୋଲରଙ୍କ ମଧ୍ୟରେ ସାମି ତୃତୀୟ ସ୍ଥାନରେ ରହିଛନ୍ତି । ଚଳିତ ବିଶ୍ବକପରେ ସେ ଶୀର୍ଷରେ ରହିବେ ବୋଲି କ୍ରିକେଟ ବିଶେଷଜ୍ଞମାନେ ମତ ଦେଇଛନ୍ତି । ଭାରତର ଆଉ ୩ଟି ଲିଗ୍ ମ୍ୟାଚ୍ ବାକି ରହିଥିବାବେଳେ ସେମିରେ ପହଞ୍ଚିଛି ଟିମ୍ ଇଣ୍ଡିଆ । ଦକ୍ଷିଣ ଆଫ୍ରିକା, ଶ୍ରୀଲଙ୍କା ଏବଂ ନେଦରଲାଣ୍ଡକୁ ଭେଟିବ ଭାରତ । ସେପଟେ ବୁମରାଙ୍କ ବୋଲିଂ କଥା ଯଦି କହିବା ତାହେଲେ ସେ ମଧ୍ୟ ଉଚ୍ଚ କୋଟିର ବୋଲିଂ କରୁଛନ୍ତି । ସ୍ପିନରମାନେ ମଧ୍ୟ ଭଲ ବୋଲିଂ କରିବା ସହ ଦଳ ଏବେ ଦମଦାର ପ୍ରଦର୍ଶନ କରୁଛି । ଭାରତରେ ବିଶ୍ବକପ ଅନୁଷ୍ଠିତ ହେୁଥିବାରୁ ଘରୋଇ ଦଳ ଚାମ୍ପିୟନ ହେବ ବୋଲି କୁହାଯାଉଛି ।
କିପରି ୨ ଟି ଟ୍ରେନ୍ ପରସ୍ପର ସହ ମୁହାଁମୁହିଁ ହୋଇଥିଲେ ? ଡ୍ରାଇଭର ଦ୍ୱାରା ଗୋଟିଏ ଭୁଲ ହେଲେ ବଡ ଦୁର୍ଘଟଣା ଘଟେ !
ନନ୍ଦିଘୋଷ ବ୍ୟୁରୋ : ଆନ୍ଧ୍ରପ୍ରଦେଶର ଭିଜିୟାନଗରାମରେ ରବିବାର ବିଳମ୍ବିତ ରାତିରେ ଘଟିଥିବା ରେଳ ଦୁର୍ଘଟଣାରେ ୧୪ ଜଣ ଯାତ୍ରୀଙ୍କ ମୃତ୍ୟୁ ଘଟିଛି ଏବଂ ପ୍ରାୟ 50 ଜଣ ଯାତ୍ରୀ ଆହତ ହୋଇଛନ୍ତି, ସେଥିମଧ୍ୟରୁ ୨୯ ଜଣ ଡାକ୍ତରଖାନାରେ ଭର୍ତ୍ତି ହୋଇଥିବାବେଳେ ଅବଶିଷ୍ଟ ଲୋକଙ୍କୁ ଡିସଚାର୍ଜ କରାଯାଇଛି। ବିଶାଖାପାଟନମ୍-ରାୟାଗଡା ପାସେଞ୍ଜର ସ୍ୱତନ୍ତ୍ର ଟ୍ରେନ୍ ବିଶାଖାପାଟନମ୍-ପାଲାସା ପାସେଞ୍ଜର ଏକ୍ସପ୍ରେସକୁ ପଛପଟୁ ଧକ୍କା ଦେବାବେଳେ ହାୱାର-ଚେନ୍ନାଇ ଲାଇନରେ ଏହି ଦୁର୍ଘଟଣା ଘଟିଛି। କଣ୍ଟାକାପଲେ ଏବଂ ଆଲାମଣ୍ଡା ରେଳ ଷ୍ଟେସନ ମଧ୍ୟରେ ଏହି ଧକ୍କା ହୋଇଥିଲା, ଯେଉଁଥିପାଇଁ ଉଭୟ ଟ୍ରେନ୍ ଅଚଳ ହୋଇଜାଇଛି । 
ପୂର୍ବ ତଟ ରେଳବାଇର CPRO ବିଶ୍ୱଜିତ ସାହୁ କହିଛନ୍ତି ଯେ ପ୍ରାରମ୍ଭିକ ରିପୋର୍ଟରୁ ଜଣାପଡିଛି ଯେ ଏହି ଧକ୍କା ମାନବୀୟ ତ୍ରୁଟିର ଫଳାଫଳ ଥିଲା, ଯେଉଁଥିରେ ରାୟାଗଡା ବନ୍ଧା ଟ୍ରେନ୍ ସିଗନାଲ୍ ଅତିକ୍ରମ କରିଥିଲା। ଇଂରାଜୀ ଦୈନିକ ଇଣ୍ଡିଆନ୍ ଏକ୍ସପ୍ରେସ ରେଳ ମନ୍ତ୍ରଣାଳୟର ବରିଷ୍ଠ ଅଧିକାରୀଙ୍କ ଉଦ୍ଧେଶ୍ୟରେ କହିଛି ଯେ ପଛରୁ ଧକ୍କା ହୋଇଥିବା ଟ୍ରେନର ଡ୍ରାଇଭର ସିଗନାଲ୍ ହରାଇ ଲାଲ୍ ସିଗନାଲ୍ ଅତିକ୍ରମ କରିଛି। ଏହି କାରଣରୁ, ଏହା ଏକ ମନ୍ଥର ଗତିରେ ଗତି କରୁଥିବା ସ୍ଥାନୀୟ ଟ୍ରେନ୍ ସହିତ ଧକ୍କା ହୋଇଥିଲା | ଧକ୍କା ହେତୁ ଟ୍ରେନର ଅନେକ କୋଚ୍ ଖସିପଡିଥିଲେ। ଘଟଣା ସ୍ଥଳରୁ ବାହାରିଥିବା ଚିତ୍ରଗୁଡ଼ିକରେ ଏହା ଦେଖିବାକୁ ମିଳେ ଯେ, ବଡ଼ ଧକ୍କା ଯୋଗୁଁ ଟ୍ରେନ୍ ଗୁଡିକ ବହୁ କ୍ଷତିଗ୍ରସ୍ତ ହୋଇଛି | ଗୋଟିଏ କମ୍ପାର୍ଟମେଣ୍ଟ ସମ୍ପୂର୍ଣ୍ଣ ନଷ୍ଟ ହୋଇଥିବା କୁହାଯାଉଛି। ଦୁର୍ଘଟଣା ସମୟରେ ଟ୍ରେନରେ ୨୦୦ ରୁ ଅଧିକ ଯାତ୍ରୀ ଥିଲେ। ଦୁର୍ଘଟଣା ପରେ ନିକଟସ୍ଥ ଲୋକମାନେ ଆସି ସ୍ଥାନୀୟ ପ୍ରଶାସନ ସୁରକ୍ଷା ଓ ଉଦ୍ଧାର ପାଇଁ ପହଞ୍ଚିଥିଲେ। ୱାଲ୍ଟେୟାର ଡିଭିଜନ୍ ରେଲୱେ ମ୍ୟାନେଜର ସୋରଭ ପ୍ରସାଦ ପରିସ୍ଥିତିର ଗମ୍ଭୀରତାକୁ ସ୍ୱୀକାର କରିଥିବାବେଳେ କହିଛନ୍ତି ଯେ ପଛ ଟ୍ରେନ୍ ସିଗନାଲ୍କୁ ଅତିକ୍ରମ କରିସାରିଛି ଏବଂ ମୁହାଁମୁହିଁ ଧକ୍କା ହେବା ସହ ଆଗ ଟ୍ରେନର ତିନୋଟି କୋଚ୍ ଏବଂ ପଛ ଟ୍ରେନର ଦୁଇଟି କୋଚ୍ ଖସିପଡିଥିଲା ।
ମହାରାଷ୍ଟ୍ରରେ ତେଜିଲା ମରାଠା ସଂରକ୍ଷଣ ନିଆଁ
ନନ୍ଦିଘୋଷ ବ୍ୟୁରୋ : ମହାରାଷ୍ଟ୍ରରେ ତେଜିଲା ମରାଠା ସଂରକ୍ଷଣ ନିଆଁ। ଅଜିତ ପାଓ୍ବାର ଗୋଷ୍ଠୀର ଏନସିପି ବିଧାୟକଙ୍କ ଘର ଜାଳିଲେ ବିକ୍ଷୋଭକାରୀ। ବିଡ୍ ମାଜଲଗାଓଁରେ ବିଧାୟକ ପ୍ରକାଶ ସୋଲଙ୍କୀଙ୍କ ଘର ଓ ଅଫିସ ଉପରକୁ ପଥର ମାଡ଼ କରିଥିଲେ । ଉତ୍ୟକ୍ତ ଲୋକେ ଅନେକ ବାଇକ୍ ଓ କାରରେ ନିଆଁ ଲଗାଇବା ସହ ଘର ଜାଳି ଦେଇଥିଲେ। କିଛି ଦିନ ପୂର୍ବରୁ ପ୍ରକାଶ ସୋଲଙ୍କୀଙ୍କର ଏକ ଭିଡିଓ ଭାଇରାଲ୍ ହୋଇଥିଲା। ଏଥିରେ ମରାଠା ସଂରକ୍ଷଣ ଦାବି କରୁଥିବା ନେତା ମନୋଜ ଜାରଙ୍ଗେଙ୍କ ବିରୋଧରେ ମନ୍ତବ୍ୟ ଦେଇଥିଲେ । ଏହାକୁ ନେଇ ପ୍ରକାଶଙ୍କ ଘର ଉପରେ ଆକ୍ରମଣ ହୋଇଥିବା ସନ୍ଦେହ କରାଯାଉଛି ।
ଘଟଣା ପରେ ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଏଥିରେ କେହି ଆହତ ହୋଇନଥିବା ବେଳେ ବ୍ୟାପକ କ୍ଷୟକ୍ଷତି ହୋଇଛି । ଘଟଣାକୁ ନେଇ ମରାଠା ସଂରକ୍ଷଣ ପାଇଁ ଆନ୍ଦୋଳନ ଭୁଲ୍ ଦିଗରେ ଯାଉଥିବା କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ।
କେରଳ ସିରିଜ ବିସ୍ଫୋରଣରେ ଅଭିଯୁକ୍ତ ଡୋମିନିକ୍ ମାର୍ଟିନର ଦୁବାଇ ଲିଙ୍କ
ନନ୍ଦିଘୋଷ ବ୍ୟୁରୋ : କେରଳ ସିରିଜ ବିସ୍ଫୋରଣରେ ୩ ମୃତ ,୫୦ଆହତ । ପୋଲିସ ପାଖରେ ସରେଣ୍ଡର କଲା ଦୋଷୀ । ଏନେଇ ଆଜି ମୁଖ୍ୟମନ୍ତ୍ରୀ ଡାକିଛନ୍ତି ସର୍ବଦଳୀୟ ବୈଠକ । ରବିବାକ ଦିନ କେରଳ କଲାମାସେରୀ କନଭେନସନ ହଲରେ ସିରିଜ ବିସ୍ଫୋରଣ ପରେ ସାରା ଦେଶରେ ଚାଞ୍ଚଲ୍ୟ ଖେଳିଯାଇଛି । ପ୍ରାର୍ଥନା ସଭା ଆରମ୍ଭ ହେବା ପୂର୍ବରୁ କିଛି ମିନିଟ୍ ମଧ୍ୟରେ ଲଗାତର ୩ଥର ବିସ୍ଫାରଣ ହୋଇଛି । ଏନେଇ କେରଳର ମୁଖ୍ୟମନ୍ତ୍ରୀ ପିନାରାଇ ବିଜରନ ସୋମବାର ଦିନ ସକାଳ ୧୦ଟାରେ ଏକ ସର୍ବଦଳୀୟ ବୈଠକ ଡାକିଛନ୍ତି । ଏଥିରେ ସବୁ ଦଳର ପ୍ରତିନିଧି ମାନେ ଯୋଗ ଦେବେ । ସେପଟେ ଏନସିପିର ପ୍ରମୁଖ ନେତା ଶରଦ ପାୱାର ପ୍ରାର୍ଥନା ସଭାରେ ସିରିଜ ବିସ୍ଫୋରଣକୁ ନିନ୍ଦନୀୟ ଓ ଚିନ୍ତାଶୀଳ ବ୍ୟାପାର ବୋଲି କହିଛନ୍ତି ।ସେପଟେ ବିସ୍ଫୋରଣର କିଛି ଘଣ୍ଟା ପରେ ୪୮ ବର୍ଷିୟ ଡୋମିନିକ ମାର୍ଟିନ ଏହି ବିସ୍ଫୋରଣ ଘଟାଇଥିବା ନେଇ ପୋଲିସ ପାଖରେ ସରେଣ୍ଡର କରିଛନ୍ତି। ଗତକାଲି ସକାଳେ କେରଳର କୋଚିରେ ଘଟିଥିବା ସିରିଏଲ ବ୍ଲାଷ୍ଟ ମାମଲାରେ ଅନୁସନ୍ଧାନକାରୀ ସଂସ୍ଥା ଅଭିଯୁକ୍ତ ଡୋମିନିକ୍ ମାର୍ଟିନଙ୍କ ପରିଚୟ ଅନୁସନ୍ଧାନରେ କରୁଛି । ବିସ୍ଫୋରଣର ଅଭିଯୁକ୍ତ ଡୋମିନିକ୍ ମାର୍ଟିନଙ୍କ ଦୁବାଇ ସଂଯୋଗ ସାମ୍ନାକୁ ଆସିଛି ।
ପଚରାଉଚୁରା କରିବା ସମୟରେ ଏହା ଜଣାପଡିଥିଲା ଯେ ଡୋମିନିକ୍ ମାର୍ଟିନ ଦୁବାଇରେ ବହୁ ବର୍ଷ ରହିଆସୁଥିଲେ। ସେ ଦୁବାଇରେ ବୈଦ୍ୟୁତିକ ବ୍ୟକ୍ତି ଭାବରେ କାର୍ଯ୍ୟ କରିଛି। ଇଲେକ୍ଟ୍ରିକ୍ ସର୍କିଟ୍ ତିଆରି କରିବା ବିଷୟରେ ଡୋମିନିକଙ୍କର ସମ୍ପୂର୍ଣ୍ଣ ଜ୍ଞାନ ଥିଲା | ପ୍ରାୟ ୨ ମାସ ପୂର୍ବରୁ ଡୋମିନିକ୍ ମାର୍ଟିନ ଭାରତ ଫେରିଥିଲେ। କୁହାଯାଉଛି ଯେ ଡୋମିନିକ୍ ଦୁବାଇରେ ପ୍ରାୟ ୧୫ ବର୍ଷ ରହିଆସିଛନ୍ତି। ସେ ଭାରତକୁ ଫେରି ଇଂରାଜୀ ପାଠ୍ୟକ୍ରମ ଶିକ୍ଷା ଦେଉଥିଲେ ଏବଂ ଗତ କିଛି ବର୍ଷ ଧରି ଥାମନ ଅଞ୍ଚଳରେ ଥିବା ଏକ ଭଡା ଘରେ ରହୁଥିଲେ। ଡୋମିନିକ୍ ତାଙ୍କ ପତ୍ନୀ, ଝିଅ ଏବଂ ଗୋଟିଏ ପୁଅ ବଞ୍ଚିଛନ୍ତି। ତାଙ୍କ ପତ୍ନୀ ଏବଂ ଝିଅ ଘରେ ମଧ୍ୟ ଉପସ୍ଥିତ ଥିବାବେଳେ ପୁଅ ବ୍ରିଟେନରେ ପଢୁଛି । ତାଙ୍କ ଝିଅ ଏକ ଆଇଟି ଫାର୍ମରେ କାମ କରନ୍ତି |
ପୁରୀରେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି ଓଡ଼ିଶାର ନୂଆ ରାଜ୍ୟପାଳ ରଘୁବର ଦାସ
ଭୁବନେଶ୍ୱର: ପୁରୀରେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି ଓଡ଼ିଶାର ନୂଆ ରାଜ୍ୟପାଳ ରଘୁବର ଦାସ । ପୁରୀରେ ପହଞ୍ଚି ସେ ପୁରୀ ରାଜଭବନକୁ ଯାଇଥିଲେ । ସକାଳୁ ସକାଳୁ ସେ ମହୋଦଧିକୁ ଯାଇ ସୂର୍ଯ୍ୟଉଦୟ ଦର୍ଶନ କରିଛନ୍ତି । ପରେ ପୁରୀ ମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିଥିଲେ । ଆଜି ସଂଧ୍ୟାରେ ରାଜଭବନରେ ବିଶ୍ରାମ ନେବେ । ଆସନ୍ତାକାଲି ୧୧ଟା ୪୫ରେ ରାଜ୍ୟପାଳ ଭାବେ ଶପଥ ନେବେ ରଘୁବର ଦାସ । ନୂଆ ରାଜ୍ୟପାଳଙ୍କୁ ପ୍ରୋଟୋକଲ ଅନୁଯାୟୀ ଜେଡ ପ୍ଲସ୍ ସୁରକ୍ଷା ଯୋଗାଇ ଦିଆଯାଇଛି । ମଙ୍ଗଳବାର ସକାଳ ୧୧.୪୫ ରେ ରାଜ ଭବନରେ ଏହି ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ। ତେବେ ଶପଥ ଗ୍ରହଣ ସମାରୋହ ପୂର୍ବରୁ ଦାଶ ଭୁବନେଶ୍ୱରର ଲିଙ୍ଗରାଜ ମନ୍ଦିରରେ ପ୍ରାର୍ଥନା କରିବାର କାର୍ଯ୍ୟକ୍ରମ ରହିଛି ।
ଆସନ୍ତାକାଲି ଶପଥ ଗ୍ରହଣ ସମାରୋହରେ ଦାଶଙ୍କ ପରିବାର ସଦସ୍ୟ, ଅନେକ ବରିଷ୍ଠ ନେତା ଏବଂ ରାଜ୍ୟ କ୍ୟାବିନେଟର ସଦସ୍ୟ ଯୋଗଦେବେ ବୋଲି ଆଶା କରାଯାଉଛି। ଅକ୍ଟୋବର ୧୮ ରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦାଶଙ୍କୁ ୨୬ ତମ ରାଜ୍ୟପାଳ ଭାବରେ ନିଯୁକ୍ତ କରିଥିଲେ । ଏହାପୂର୍ବରୁ ସେ ୨୦୧୪ ରୁ ୨୦୧୯ ପର୍ଯ୍ୟନ୍ତ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ଥିଲେ।
ଆମ ଆଦମି ପାର୍ଟିର ବରିଷ୍ଠ ନେତା ମନୀଷ ସିସୋଦିଆଙ୍କ ଜାମିନ ଆବେଦନ ସୁପ୍ରିମକୋର୍ଟରେ ଖାରଜ
ଦିଲ୍ଲୀ : ଆମ ଆଦମି ପାର୍ଟିର ବରିଷ୍ଠ ନେତା ମନୀଷ ସିସୋଦିଆଙ୍କ ବଢିଲା ଅଡୁଆ । ମନୀଷ ସିସୋଦିଆଙ୍କ ଜାମିନ ଆବେଦନ ସୁପ୍ରିମକୋର୍ଟରେ ଖାରଜ ହୋଇଛି । ଫଳରେ ମନୀଶ ସିସୋଦିଆଙ୍କୁ ଆହୁରି ୬ ମାସ ଜେଲରେ ରହିବାକୁ ପଡିବ । ଦିଲ୍ଲୀ ମଦ ନୀତି ମାମଲାରେ ସୁପ୍ରମକୋର୍ଟ ମନୀଶଙ୍କୁ ଜାମିନ ଦେବାକୁ ମନା କରିଛନ୍ତି । ମଦ ନୀତି ମାମଲାରେ ବ୍ୟାପକ ଅର୍ଥ ହେରଫେର ହୋଇଥିବା ନେଇ ମାମଲା ରହିଛି। ଆସନ୍ତା ୬ରୁ ୮ ମାସ ମଧ୍ୟରେ ମାମଲାର ଶୁଣାଣି ଶେଷ କରିବାକୁ କହିଛନ୍ତି ସୁପ୍ରିମକୋର୍ଟ । ଦିଲ୍ଲୀ ମଦ ନୀତି ଭ୍ରଷ୍ଟାଚାର ମାମଲାରେ ୩୩୮ କୋଟି ହେରଫେର ହୋଇଥିବା ଅଭିଯୋଗ ପ୍ରମାଣିତ ହେଉଛି ।
ଆସନ୍ତା ୬ରୁ ୮ ମାସ ମଧ୍ୟରେ ମାମଲାର ଶୁଣାଣି ଶେଷ ନହେଲେ ସିସୋଦିଆ ପୁଣିଥରେ ଜାମିନ ପାଇଁ ଆବେଦନ କରିପାରିବେ ବୋଲି କହିଛନ୍ତି ସୁପ୍ରିମକୋର୍ଟ । ମାମଲାର ତଦନ୍ତ କରୁଥିବା ତଦନ୍ତକାରୀ ଅଧିକାରୀ କୋର୍ଟରେ ପଚରାଯାଇଥିବା ସମସ୍ତ ପ୍ରଶ୍ନର ପର୍ଯ୍ୟାପ୍ତ ଉତ୍ତର ରଖି ପାରିନାହାନ୍ତି ବୋଲି ମଧ୍ୟ କହିଛନ୍ତି ସୁପ୍ରିମକୋର୍ଟ ।
ଆନ୍ଧ୍ର ଟ୍ରେନ୍ ଦୁର୍ଘଟଣାସ୍ଥଳକୁ ରାଜସ୍ୱ ଓ ବିପର୍ଯ୍ୟୟ ମନ୍ତ୍ରୀଙ୍କୁ ପଠାଇଲେ ନବୀନ
ଭୁବନେଶ୍ୱର : ଉଦ୍ଧାର କାର୍ଯ୍ୟରେ ସହାୟତା କରିବାକୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ରାଜ୍ୟ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାର୍ଣ୍ଡିଙ୍କୁ ଆନ୍ଧ୍ରପ୍ରଦେଶର ଭିଜୟାନଗରାମ ଜିଲ୍ଲାର ରେଳ ଦୁର୍ଘଟଣା ସ୍ଥଳ ପରିଦର୍ଶନ କରିବାକୁ କହିଛନ୍ତି । ବିଶାଖାପାଟନମ୍-ରାୟାଗଡା ଯାତ୍ରୀ ସ୍ୱତନ୍ତ୍ର ଟ୍ରେନ୍ ବିଶାଖାପାଟନମ୍-ପାଲାସା ଯାତ୍ରୀଙ୍କୁ ପଛପଟୁ ଧକ୍କା ଦେବା ପରେ ୧୪ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଛନ୍ତି। “ଆଜି ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାର୍ଣ୍ଡିଙ୍କୁ ଆନ୍ଧ୍ରପ୍ରଦେଶର ଗତକାଲିର ଘଟିଥିବା ଟ୍ରେନ୍ ଦୁର୍ଘଟଣା ସ୍ଥଳ ପରିଦର୍ଶନ କରିବା ସହ ଡାକ୍ତରଖାନାରେ ଆହତମାନଙ୍କୁ ଭେଟିବାକୁ ନିର୍ଦ୍ଦେଶ ଦେଇଛନ୍ତି।
ଅତିରିକ୍ତ ସ୍ୱତନ୍ତ୍ର ରିଲିଫ୍ କମିଶନର ମଧ୍ୟ ମନ୍ତ୍ରୀଙ୍କ ସହ ଅଛନ୍ତି ବୋଲି ସିଏମଓ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି। ଏହି ସମୟରେ ରାଜ୍ୟ ଅଗ୍ନିଶମ ଏବଂ ଜରୁରୀକାଳୀନ ସେବା AFO ଜେପୋରର ନେତୃତ୍ୱରେ ଦୁର୍ଘଟଣା ସ୍ଥଳକୁ ଏକ ଟିମ୍ ଏବଂ ସାମଗ୍ରୀ ପଠାଇଛି। ଏହି ଟିମ୍ ପ୍ଲାଜ୍ମା କଟର, କମ୍ବୋ ଟୁଲ୍ସ, ଏକ ଉଦ୍ଧାର ଲାଇନ, ଆଇଟି ଲାଇଟ୍ ଏବଂ ଅନ୍ୟାନ୍ୟ ସହିତ ସଜ୍ଜିତ ହୋଇଛି |
ଦୁର୍ନୀତି ବିରୋଧରେ ଲଢ଼ିବା ପାଇଁ ଓଡ଼ିଶାବାସୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଲେ ଆହ୍ବାନ
ଭୁବନେଶ୍ୱର : ଦୁର୍ନୀତି ବିରୋଧରେ ଲଢ଼ିବା ପାଇଁ ଓଡ଼ିଶାବାସୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ବାନ । ଦୁର୍ନୀତି ନିବାରଣ ସଚେତନତା ସପ୍ତାହ ୨୦୨୩ ପାଳନ ଅବସରରେ ଲୋକସେବା ଭବନରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଯୋଗଦେଇ ଏହି ଆହ୍ବାନ ଦେଇଛନ୍ତି । ଦୁର୍ନୀତି ବିରୋଧରେ ଜିରୋ ଟଲରାନ୍ସ ନୀତି ଗ୍ରହଣ କରାଯାଇଛି । କିଛି ଦୁର୍ନୀତିଗ୍ରସ୍ତ ଅଧିକାରୀଙ୍କୁ ରାଜ୍ୟ ସରକାର ଚାକିରିରୁ ବିଦା କରିଛନ୍ତି । ଦୁର୍ନୀତି ପାଇଁ କିଛି ଅଧିକାରୀଙ୍କୁ ବାଧ୍ୟତାମୂଳକ ଅବସର ଦିଆଯାଇଛି । ମୋ ସରକାର ଜରିଆରେ ଲୋକଙ୍କୁ ସଶକ୍ତ କରିବା ଆମର ଲକ୍ଷ୍ୟ । ସାରା ଦେଶରେ ଓଡ଼ିଶା ଭିଜିଲାନ୍ସ ୧ ନମ୍ବର ସ୍ଥାନରେ ଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସି ପ୍ରକାଶ କରିଥିଲେ । ଭିଜିଲାନ୍ସ ନିର୍ଦ୍ଦେଶକ ଯଶଓ୍ୱନ୍ତ ଜେଠଓ୍ୱା କହିଥିଲେ, ମୁଖ୍ୟମନ୍ତ୍ରୀଙ୍କ ଜିରୋ ଟଲରାନ୍ସ ନୀତିକୁ କଡ଼ାକଡ଼ି କାର୍ଯ୍ୟକାରୀ କରାଯାଉଛି । ବହୁ ଦୁର୍ନୀତି ମାମଲାର ପର୍ଦ୍ଦାଫାସ୍ କରିଛି ଓଡ଼ିଶା ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ୭୭ପ୍ରତିଶତ ସଫଳତା ମିଳିଛି । ସବୁ ଭିଜିଲାନ୍ସ କୋର୍ଟକୁ ଡିଜିଟାଇଜେସନ କରାଯାଇଛି ।
ମୁଖ୍ୟମନ୍ତ୍ରୀଙ୍କ ଦକ୍ଷ ନେତୃତ୍ୱକୁ ପ୍ରଶଂସା କରିଥିଲେ ଭିଜିଲାନ୍ସ ଡିଜି । କହିଥିଲେ, ଦୁର୍ନୀତି ହେଉଛି କର୍କଟ ସଦୃଶ । ଏହାର ସଫଳ ଚିକିତ୍ସା ଦରକାର । ନୂଆ ଓଡ଼ିଶା ସ୍ୱପ୍ନକୁ ସଫଳ କରିବା ପାଇଁ ଓଡ଼ିଶା ଭିଜିଲାନ୍ସ କାମ କରିବ । ମୁଖ୍ୟ ଶାସନ ସଚିବ ପ୍ରଦୀପ ଜେନା କହିଥିଲେ, ଦୁର୍ନୀତି ବିରୋଧରେ ଓଡ଼ିଶା ସରକାର ଲଢ଼େଇ ଜାରି ରଖିଛନ୍ତି । ଦୁର୍ନୀତି ମାମଲାରେ ଓଡ଼ିଶା ଭିଜିଲାନ୍ସର କାମ ପ୍ରଶଂସନୀୟ । ଏହି ଅବସରରେ କମ୍ପ୍ୟୁଟର ବେସଡ ତଦନ୍ତର ଶୁଭାରମ୍ଭ ହୋଇଛି । ରାଉରକେଲା ଓ ବାଲେଶ୍ୱର ଭିଜିଲାନ୍ସ ଅଫିସ ଲୋକାର୍ପଣ ସହିତ କଟକ ଭିଜିଲାନ୍ସ ଡିଭିଜନକୁ ଶ୍ରେଷ୍ଠ ଡିଭିଜନ ଭାବେ ସମ୍ମାନିତ କରାଯାଇଛି ।
ଟ୍ରେନ୍ ଦୁର୍ଘଟଣାରେ ଏଯାଏ ୧୪ ଜଣଙ୍କର ମୃତ୍ୟୁ ହୋଇଛି ସେଥିରୁ ୧୧ଜଣଙ୍କର ପରିଚୟ ମିଳିଛି
ବିଜୟନଗରମ୍ : ଆନ୍ଧ୍ରପ୍ରଦେଶର ବିଜୟନଗରମ୍ ଜିଲ୍ଲାର କଣ୍ଟାକାପଲ୍ଲୀ ଏବଂ ଆଲାମଣ୍ଡା ଷ୍ଟେସନ ମଧ୍ୟରେ ମର୍ମନ୍ତୁଦ ଟ୍ରେନ୍ ଦୁର୍ଘଟଣା ଘଟିଛି । ଦୁର୍ଘଟଣାରେ ୧୪ ଜଣଙ୍କର ମୃତ୍ୟୁ ହୋଇଥିବା ବେଳେ, ୫୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ୧୪ ମୃତକଙ୍କ ମଧ୍ୟରେ ୩ ଜଣ ରେଳ କର୍ମଚାରୀ ଅଛନ୍ତି । ମୃତକଙ୍କ ମଧ୍ୟରୁ ଏଯାଏ ୧୧ ଜଣଙ୍କର ମିଳିଛି ପରିଚୟ । ସେହପରି ଅନ୍ୟ ୩ ଯାତ୍ରୀଙ୍କର ଏଯାଏଁ ମିଳିନି ପରିଚୟ । ମୃତକଙ୍କ ମଧ୍ୟରେ ଓଡ଼ିଶାରୁ କେହି ନଥିବା ଜଣାପଡିଛି । ଡାକ୍ତରଖାନାରେ ୨୯ ଜଣଙ୍କର ଚାଲିଛି ଚିକିତ୍ସା । ମୃତକ ୧୧ ଜଣ ହେଉଛନ୍ତି ବିଜୟନଗରମର କାଞ୍ଚୁ ବାରକି, ଶ୍ରୀକାକୁଲମର ଗିଡିଜଳ ଲକ୍ଷ୍ମୀ, ବିଜୟନଗରମର କରନମ ଆପଲାନାଇଡୁ, ବିଜୟନଗରମର ଚାଲା ସତୀଶଙ୍କ ମୃତ୍ୟୁ ହୋଇଛି । ସେହିପରି ଲୋକୋ ପାଇଲଟ ଏସ.ଏମ.ଏସ ରାଓ, ଗ୍ୟାଙ୍ଗ ମ୍ୟାନ ଚିନ୍ତଲା କ୍ରିଷ୍ଣମନାଇଡୁ, ବିଜୟନଗରମର ପିଲା ନାଗରାଜୁ, ପାସେଞ୍ଜର ଗାର୍ଡ ଏମ. ଶ୍ରୀନିବାସ, ଶ୍ରୀକାକୁଲମର ଟେଙ୍କଲା ସୁଗୁନାମା, ଚେରୁପାଲ୍ଲୀର ରେଡ୍ଡି ସିତମ ନାଇଡୁ ଓ ବିଜୟନଗରମର ମାଜି ରାମୁଙ୍କ ମୃତ୍ୟୁ ହୋଇଛି ।ଅନ୍ୟପଟେ ଶେଷ ପର୍ଯ୍ୟାୟରେ ପହଞ୍ଚିଛି ଉଦ୍ଧାର କାର୍ଯ୍ୟ । ରେଳଧାରଣାରୁ ହଟାଯାଉଛି ଦୁର୍ଘଟଣାଗ୍ରସ୍ତ ବଗି । 
ଏନେଇ ବିଜୟନଗରମ୍ ଯୁଗ୍ମ ଜିଲ୍ଲାପାଳ କେ. ମୟୂର ଅଶୋକ ସୂଚନା ଦେଇଛନ୍ତି । ସିନାଲ ଓଭରସୁଟରୁ ଦୁର୍ଘଟଣା ଘଟିଥିବା ସିପିଆରଓ ସୂଚନା ଦେଇଛନ୍ତି । ଟ୍ରେନ୍ ଦୁର୍ଘଟଣା ପରେ ୪୫ଟି ଟ୍ରେନ୍ ବାତିଲ ହୋଇଛି । ୨୬ଟି ଟ୍ରେନର ରୁଟ୍ ପରିବର୍ତ୍ତନ ହୋଇଥିବା ବେଳେ, ୧୧ଟି ଟ୍ରେନକୁ ଆଂଶିକ ବାତିଲ କରାଯାଇଛି । ଷ୍ଟେସନରେ ଅଟକି ରହିଥିବା ଯାତ୍ରୀଙ୍କ ପାଇଁ ସ୍ବତନ୍ତ୍ର ଟ୍ରେନ କିମ୍ବା ବସ ବ୍ୟବସ୍ଥା କରାଯାଉଛି ବୋଲି ପୂର୍ବତଟ ରେଳ ବାଇ ସିପିଆରଓ ସୂଚନା ଦେଇଛନ୍ତି । ବିଶାଖାପାଟନା ପଲାସା ପାସେଞ୍ଜର ଟ୍ରେନର ୧୧ଟି କୋଚକୁ ପରବର୍ତ୍ତୀ ଷ୍ଟେସନ ଆଲମଣ୍ଡା ଷ୍ଟେସନକୁ ନିଆଯାଇଛି । ସେହିପରି ବିଶାଖାପାଟଣା ରାୟଗଡା ପାସେଞ୍ଜର ଟ୍ରେନର ୯ଟି ବଗିକୁ ପୂର୍ବ ଷ୍ଟେସନ କଣ୍ଟକପାଲିକୁ ଅଣାଯାଇଛି ।