ଭୁବନେଶ୍ବର: ୨୦୨୪ ନିର୍ବାଚନରେ ସବୁ ପୁରୁଣା ରେକର୍ଡ ଭାଙ୍ଗିବ ବିଜେଡି। ସିଟ୍ ସଂଖ୍ୟା ବୃଦ୍ଧି ପାଇବା ସହ ଷଷ୍ଠଥର ପାଇଁ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ। ବିକାଶ କାମରେ ଲୋକେ ଖୁସି ଓ ନବୀନଙ୍କ ପ୍ରତି ଲୋକଙ୍କ ଆସ୍ଥା ଅତୁଟ ରହିଛି ବୋଲି କହିଛନ୍ତି ବରିଷ୍ଠ ବିଜେଡି ନେତା ଅନଙ୍ଗ ଉଦୟ ସିଂହଦେଓ। ପଶ୍ଚିମ ଓଡ଼ିଶାରେ ଉଭୟ ବିଧାନସଭା ଓ ସଂସଦୀୟ କ୍ଷେତ୍ରରେ ୨୦୧୯ ଅପେକ୍ଷା ଦଳ ଭଲ ପ୍ରଦର୍ଶନ କରିବ। ଅନ୍ୟପଟେ ବିଜେଡି ସଂଗଠନକୁ ତୃଣମୂଳସ୍ତରରୁ ମଜବୁତ କରି ଆଗକୁ ବଢିଚାଲିଛି। ଏହା ଦଳକୁ ବଡ଼ ସଫଳତା ଦେବ ବୋଲି ଆକଳନ କରିଛନ୍ତି ବିଜେଡି ନେତା।
୨୦୨୪ ହେବ ରେକର୍ଡର ବର୍ଷ। ନିର୍ବାଚନୀ ରାଜନୀତିର ସବୁ ରେକର୍ଡ ଭାଙ୍ଗିବେ ନବୀନ। ବଡ଼ ବିଜୟ ହାସଲ କରିବ ବିଜେଡି, ଷଷ୍ଠଥର ମୁଖ୍ୟମନ୍ତ୍ରୀ ହେବେ ନବୀନ। ଅନଙ୍ଗ କହିଲେ, ବିକାଶରେ ଲୋକେ ଖୁସି। ବିଜେଡି ପ୍ରତି ରହିଛି ଅତୁଟ ଆସ୍ଥା। ବିକାଶ ଦେବ ବିଜେଡିକୁ ବଡ଼ ବିଜୟ। ବିକାଶମୂଳକ କାମରେ ଖୁସି ଅଛନ୍ତି ଓଡ଼ିଶାବାସୀ। ଉପକୂଳରୁ ଉତ୍ତର, ଦକ୍ଷିଣରୁ ପଶ୍ଚିମ ସବୁଠି ପୁଣି ନବୀନ, ପୁଣି ବିଜେଡି। ୨୦୨୪ରେ ବିଜେଡିର ସିଟ ସଂଖ୍ୟା ବୃଦ୍ଧି ହେବା ସହ ଭୋଟହାର ବି ବଢିବ ବୋଲି ଆକଳନ କରିଛନ୍ତି ବରିଷ୍ଠ ବିଜେଡି ଉପସଭାପତି ଅନଙ୍ଗ ଉଦୟ ସିଂହଦେଓ।
ନବୀନ ପଟ୍ଟନାୟକ ୨୪ରେ ଷଷ୍ଠଥର ପାଇଁ ମୁଖ୍ୟମନ୍ତ୍ରୀ ହେବା ସହ ନିର୍ବାଚନୀ ରାଜନୀତିର ସବୁ ପୁରୁଣା ରେକର୍ଡ ଭାଙ୍ଗିବେ। ବିଜେଡି ପ୍ରତି ଲୋକଙ୍କ ଆସ୍ଥା ଅତୁଟ ରହିଥିବାରୁ ୨୦୦୦ମସିହାରୁ ବିଜୟ ଧାରା ଜାରି ରହିଛି ଓ ଆଗକୁ ବି ରହିବ ବୋଲି ଅନଙ୍ଗ କହିଛନ୍ତି। ଏହାସହ ୨୦୧୯ ଅପେକ୍ଷା ୨୦୨୪ରେ ପଶ୍ଚିମ ଓଡ଼ିଶାରେ ବିଜେଡି ଅଧିକ ସିଟ୍ ଜିତିବ ବୋଲି ସେ ଆକଳନ କରିଛନ୍ତି। ୨୦୧୯ରେ ବିଜେଡି ୧୨ଟି ସଂସଦୀୟ କ୍ଷେତ୍ର ସହ ୧୧୩ ବିଧାନସଭା ଆସନ ଦଖଲ କରିଥିଲା। ୨୪ରେ ନିଜର ଏହି ରେକର୍ଡ ଦଳ ଭାଙ୍ଗିବ ବୋଲି ବରିଷ୍ଠ ନେତା ଆକଳନ କରୁଛନ୍ତି।
୧୯୯୦ ମସିହାରେ ଜନତା ଦଳ ୧୨୩ ସିଟରେ ଦଖଲ କରିଥିଲା। ୨୦୨୪ ସାଧାରଣ ନିର୍ବାଚନରେ ଏହି ରେକର୍ଡ ଭାଙ୍ଗିବା ଲକ୍ଷ୍ୟରେ ବିଜେଡି ତୃଣମୂଳସ୍ତରରୁ କାମ ଆରମ୍ଭ କରିଦେଇଛି। ମିଶନ ୨୧ରୁ ୨୧ ସଂସଦୀୟ ସିଟ ଦଖଲ କରିବାକୁ ଦଳ ଟାର୍ଗେଟ ରଖିଛି। ଦଳର ବରିଷ୍ଠ ଓ ଯୁବନେତା ଦଳକୁ ବଡ଼ ବିଜୟ ଦେବାକୁ ଗ୍ରାଉଣ୍ଡରେ ସଂଗଠନ କାମକୁ ଜୋରଦାର କରିଛନ୍ତି।
ଆଗକୁ ସବୁ କ୍ଷେତ୍ରରେ ଓଡ଼ିଶା ୧ନମ୍ବର ରାଜ୍ୟରେ ପରିଣତ କରିବାକୁ ମୁଖ୍ୟମନ୍ତ୍ରୀ ଲକ୍ଷ୍ୟ ରଖିଛନ୍ତି। ରୂପାନ୍ତରିତ ଓଡ଼ିଶା ପୂରା ଦେଶରେ ରାଜ୍ୟକୁ ନୂଆ ପରିଚୟ ଦେଇଛି। ବିଜେଡି ସାଂସଦ, ବିଧାୟକ, ବରିଷ୍ଠ ରାଜନେତାଙ୍କ ସହ ବିଭିନ୍ନ ଜାତୀୟ ଗଣମାଧ୍ୟମରେ ସର୍ଭେ ରିପୋର୍ଟରେ ୨୪ ନିର୍ବାଚନରେ ବିଜେଡି ବଡ଼ ସଫଳତା ପାଇବା ନେଇ ଆକଳନ କରିଛନ୍ତି ।
