ଭୁବନେଶ୍ବର: ଶନିବାର ଓଡ଼ିଶା ଭିଜିଲାନ୍ସ ପକ୍ଷରୁ ଭୁବନେଶ୍ବର ସୂର୍ଯ୍ୟନଗରସ୍ଥିତ ରାଜ୍ୟ ଭିଜିଲାନ୍ସ ଏକାଡେମୀରେ ଦିନିକିଆ ରାଜ୍ୟ ରାଜ୍ୟ ବାର୍ଷିକ ସିଭିଓ-୨୦୨୩ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ରାଜ୍ୟ ସରକାରଙ୍କ ଦ୍ବାରା ମନୋନୀତ ବିଭିନ୍ନ ବିଭାଗର ମୁଖ୍ୟ ଭିଜିଲାନ୍ସ ଅଧିକାରୀମାନେ ଉପସ୍ଥିତ ଥିବାବେଳେ ବିଭାଗୀୟ ମୁଖ୍ୟ ଓ ରାଜ୍ୟର ବିଭିନ୍ନ କ୍ଷେତ୍ରରେ ସରକାରୀ ସିଭିଓମାନେ ଆଭାସୀ ମାଧ୍ୟମରେ ଯୋଗ ଦେଇଥିଲେ । ଏହି ସମ୍ମିଳନୀକୁ ଭିଜିଲାନ୍ସ ନିର୍ଦ୍ଦେଶକ ଯଶଓ୍ବନ୍ତ କୁମାର ଯଠଓ୍ବା ଉଦଘାଟନ କରିଥିଲେ । ସରକାରୀ ପାଣ୍ଠିର ସଠିକ ବ୍ୟବହାର ସୁନିଶ୍ଚିତ କରିବା ସହ ଆଭ୍ୟନ୍ତରୀଣ ଭିଜିଲାନ୍ସ ଉପରେ ଧ୍ୟାନ ଦେବାକୁ ସେ ସିଭିଓ ମାନଙ୍କୁ ପରାମର୍ଶ ଦେଇଥିଲେ । ସେପଟେ ସିଭିଓ ସମ୍ମିଳନୀରେ ମୁଖ୍ୟ ଅତିଥୀଭାବେ ଭୁବନେଶ୍ବର ଉନ୍ନୟନ କମିଶନର ଅନୁ ଗର୍ଗ ଯୋଗ ଦେଇ ସାର୍ବଜନୀନ କ୍ଷେତ୍ରରେ ଦୁର୍ନୀତିର ମୁକାବିଲା ପାଇଁ ଭିଜିଲାନ୍ସ ସଂଗଠନ ସହ ସମନ୍ବୟ ରକ୍ଷା କରି ଦୃଷ୍ଟାନ୍ତମୂଳକ ପଦକ୍ଷେପ ନେବାକୁ ସେ ସିଭିଓ ମାନଙ୍କୁ ପରାମର୍ଶ ଦେଇଥିଲେ ।
ଚିନି ନୁହେଁ, ଲୁଣ ଯୋଗୁ ମଧ୍ୟ ହୋଇପାରେ ଡାଇବେଟିସ୍
ବ୍ୟୁରୋ ରିପୋର୍ଟ: ବର୍ତ୍ତମାନର ଖରାପ ଲାଇଫ୍ ଷ୍ଟାଇଲ୍ ଯୋଗୁ ଅନେକ ସ୍ୱାସ୍ଥ୍ୟ ଜନିତ ସମସ୍ୟା ସାମ୍ନାକୁ ଆସୁଛି । ଏହି ପରି ଅନେକ ସ୍ୱାସ୍ଥ୍ୟ ଗତ ସମସ୍ୟାକୁ ନେଇ ଲୋକମାନେ ଅତ୍ୟଧିକ ଚିନ୍ତିତ ରହୁଛନ୍ତି । ଏତେ ସବୁ ସମସ୍ୟା ମଧ୍ୟରେ ହାର୍ଟ ଆଟାକ, ଡାଇବେଟିସ୍ ଓ ଟାଇପ୍ – ୨ ଡାଇବେଟିସ୍ ଭଳି ରୋଗରେ ପ୍ରାୟତଃ ବିଶ୍ୱରେ ଅନେକ ଲୋକ ପିଡିତ । ଏହି ସବୁ ରୋଗ ମଧ୍ୟରେ ଡାଇବେଟିସ୍ ଏପରି ଏକ ସମସ୍ୟା ହୋଇଗଲାଣି, ଯେ ଏଥିରେ ବଡ ଲୋକଙ୍କ ଠାରୁ ଆରମ୍ଭ କରି ପିଲା ମଧ୍ୟ ଏହି ରୋଗର ସମ୍ମୁଖୀନ ହେଉଛନ୍ତି । ତେବେ ଆମେ ଆଜି ଆପଣଙ୍କୁ ଜଣାଇବୁ ଯେ ଡାଇବେଟିସ୍ ରୋଗୀଙ୍କ ପାଇଁ ଚିନି ବ୍ୟତୀତ ଲୁଣ ମଧ୍ୟ ଅନେକ ବିପଦପୂର୍ଣ୍ଣ ହୋଇପାରେ ।
ବର୍ତ୍ତମାନ ଆମେ ବିଶ୍ୱାସ କରୁଛୁ ଯେ ଡାଇବେଟିସ୍ ରୋଗୀଙ୍କ ପାଇଁ ଚିନି ଖାଇବା ବହୁତ ହାନିକାରକ ହୋଇଥାଏ । କିନ୍ତୁ ଏବେ ଏକ ରିସର୍ଚ୍ଚରୁ ଜଣାପଡିଛି ଯେ ଚିନି ବ୍ୟତୀତ ଲୁଣ ଯୋଗୁ ମଧ୍ୟ ଟାଇପ୍-୨ ଡାଇବେଟିସ୍ ହେବାର ଆଶଙ୍କା ରହିଛି । ଯଦି ଆପଣ ଟେବୁଲ୍ ଲୁଣ ବ୍ୟବହାର କରୁଛନ୍ତି, ତେବେ ବର୍ତ୍ତମାନ ଆପଣଙ୍କୁ ଏଥିପ୍ରତି ସାବଧାନ ହେବା ଉଚିତ୍ । ଏବେ ଏକ ନୂଆ ରିସର୍ଚ୍ଚରୁ ଜଣାପଡିଛି ଯେ ଟାଇପ୍-୨ ଡାଇବେଟିସ୍ ହେବାର ଆଶଙ୍କା ଥିବା ରୋଗୀଙ୍କ ପାଇଁ ଚିନି ସହିତ ଲୁଣ ଛାଡିବାର ସମୟ ଆସିଛି ଓ ଏଥି ପ୍ରତି ସେହି ଲୋକଙ୍କୁ ଅଧିକ ସାବଧାନ ରହିବକୁ ପଡିବ ।
ଯଦି ଆପଣ ଖାଦ୍ୟରେ ଅଧିକ ଲୁଣ ବ୍ୟବହାର କରୁଛନ୍ତି । ତାହେଲେ ସାବଧାନ ହୋଇଯାଅନ୍ତୁ, ନଚେତ ଆପଣଙ୍କ ସ୍ୱାସ୍ଥ୍ୟ ପ୍ରତି ହୋଇପାରେ ଏକ ବଡ ସମସ୍ୟା । କିଛି ସୂଚନା ଅନୁସାରେ, ଖାଦ୍ୟ ଖାଇବା ସମୟରେ ବାରମ୍ବାର ଖାଦ୍ୟରେ ଲୁଣ ପକାଇ ଖାଇବା ଦ୍ୱାରା ଟାଇପ୍ – ୨ ଡାଇବେଟିସ୍ ରୋଗ ହେବାର ବିପଦ ଅଧିକ ବଢି ଯାଇଥାଏ ।
ଲକ୍ଷ ଲକ୍ଷ ଲୋକଙ୍କ ଉପରେ ହୋଇଛି ରିସର୍ଚ୍ଚ :
ଏହି ରିସର୍ଚ୍ଚରେ ପ୍ରାୟ ୪ ଲକ୍ଷରୁ ଅଧିକ ବୟସ୍କ ଲୋକଙ୍କୁ ସାମିଲ କରାଯାଇଥିଲା ଓ ସେମାନଙ୍କ ଲୁଣ ସେବନ କରିବାକୁ ନେଇ ସର୍ଭେ କରାଗଲା । ଏହି ସର୍ଭେରେ ୧୧.୮ ବର୍ଷର ହାରାହାରି ରିସର୍ଚ୍ଚରେ, ୧୩,୦୦୦ ରୁ ଅଧିକ ଟାଇପ୍ 2 ଡାଇବେଟିସ୍ ରୋଗ ବିକଶିତ ହୋଇଛି ।
ତେବେ ଆମେ ପୂର୍ବରୁ ଅନେକ ରିସର୍ଚ୍ଚ ଜରିଆରେ ଜାଣିଛୁ, ଯେ ଲୁଣ କମ୍ ସେବନ କରିବା ଦ୍ୱାରା ହାର୍ଟ ଆଟାକ ଓ ଉଚ୍ଚ ରକ୍ତ ଚାପ ଭଳି ସମସ୍ୟାରୁ ବଞ୍ଚି ପାରିବେ । ହେଲେ ଏହା ଏକ ପ୍ରଥମ ରିସର୍ଚ୍ଚ ଯେଉଁଥିରେ, ସାମ୍ନାକୁ ଆସିଛି ଯେ କମ୍ ଲୁଣ ଖାଇବା ଦ୍ୱାରା ଟାଇପ୍ – ୨ ଡାଇବେଟିସ୍ ସମସ୍ୟାରୁ ମଧ୍ୟ ବଞ୍ଚିବା ପାଇଁ ସାହାଯ୍ୟ ମିଳିପାରେ ।
ଏହି ରିସର୍ଚ୍ଚରୁ ଜଣା ପଡିଛି ଯେ, ଅତ୍ୟଧିକ ଲୁଣ ଖାଇବା ଦ୍ୱାରା ଟାଇପ୍ -2 ଡାଇବେଟିସ୍ ହେବାର ଆଶଙ୍କା ଅଧିକ ରହିଛି । ହେଲେ ପ୍ରଚୁର ପରିମାଣରେ ଲୁଣ ଖାଇବା ଦ୍ୱାରା ମୋଟା ହେବା ଏବଂ ଫୁଲିବା ଭଳି ବିପଦ ମଧ୍ୟ ବଢିପାରେ ।
ଏହି ରିସର୍ଚ୍ଚରେ ସାମିଲ ଥିବା ଲୋକମାନେ କହିଛନ୍ତି, ଯେ ଆପଣମାନେ ନିଜ ଖାଦ୍ୟରେ ଲୁଣ କମ୍ ମାତ୍ରାରେ ବ୍ୟବହାର କରିବା ଉଚିତ । କାରଣ ଏହା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ଠିକ୍ ରହିବା ସହ ଅନେକ ରୋଗରୁ ମଧ୍ୟ ରକ୍ଷା ପାଇପାରିବେ । ଏହା ସହ ଏପରି ମଧ୍ୟ କହିଛନ୍ତି, ଯେ ଏକ ସୋଡିୟମ ଭଳି ଜିନିଷ ସନ୍ଧାନ କରାଯାଉଛି, ଯାହାକୁ ଆପଣମାନେ ନିଜ ଖାଦ୍ୟରେ ବ୍ୟବହାର କରିପାରିବେ । ଯାହା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ଠିକ୍ ରହିବ ଓ ଟାଇପ୍ –୨ ଡାଇବେଟିସ୍ ରୋଗରୁ ମଧ୍ୟ ବଞ୍ଚି ପାରିବେ ।
ସାଇବର ଠକଙ୍କ ନୂଆ ତରିକା, ଏମିତି ଠକନ୍ତି ସାଇବର ଲୁଟେରା..
ବ୍ୟୁରୋ ରିପୋର୍ଟ: ସାଇବର ଠକଙ୍କ ନୂଆ ତରିକା । ଠକିବାକୁ ବ୍ୟବହାର କରୁଛନ୍ତି ନୂଆ ନୂଆ ପଦ୍ଧତି । ବର୍ତ୍ତମାନ ପ୍ରତ୍ୟେକ ଲୋକଙ୍କ ହାତରେ ମୋବାଇଲ ଆଉ ଦ୍ରୃତ ଇଣ୍ଟରନେଟ । ଯାହାଫଳରେ କି ସହଜ ହେଉଛି ଅନଲାଇନ ପେମେଣ୍ଟ । ସମସ୍ତେ UPI ପେମେଣ୍ଟକୁ ବେଶି ଗୁରୁତ୍ବ ଦେଉଛନ୍ତି । ଗୋଟିଏ କ୍ଲିକରେ ହେଇଯାଉଛି ପେମେଣ୍ଟ । ଆଉ ଏବେ ଏହି UPI ଦେୟ ଠକେଇକୁ ଆହୁରି ସହଜ କରିଛି । ସାଇବର ଠକେଇର ଅନେକ ତରିକା ଆପଣାଉଛନ୍ତି ଠକ । ଏବେ ଠକାମୀର ଆଉ ଏକ ନୂଆ ପଦ୍ଧତି । ଏହି ଠାକାମିରେ ଠକ ଆପଣଙ୍କୁ କୁହନ୍ତି ଯେ ଅନ୍ୟକୁ ଟଙ୍କା ପଠାଇବା ବେଳେ ଭୁଲରେ ଆପଣଙ୍କ ଆକାଉଣ୍ଟକୁ ପଳାଇଛି । ଆପଣଙ୍କ ମଧ୍ୟ ଉକ୍ତ ଠକ ଦ୍ବାରା ପେମଣ୍ଟର ମ୍ୟାସେଜ ଆସିଥାଏ । ବାସ୍ତବରେ ଉକ୍ତ ଏସଏମଏସ ବ୍ୟାଙ୍କ ଦ୍ବରା ପଠାଯାଏ ନାହିଁ ବରଂ ଏହି ଠକ ମାନଙ୍କ ଦ୍ବାରା ନିଜ ନମ୍ବରରୁ ପଠାଯାଇଥାଏ । ପ୍ରାୟତଃ ଲୋକ ଉକ୍ତ ଏସଏମଏସ ଦେଖି ନିଶ୍ଚିତ ହୁଅନ୍ତି ଯେ ଟଙ୍କା ଆସିଛି ଆଉ ଟଙ୍କା ଫେରସ୍ତ କରିବାର ଭୁଲ ମଧ୍ୟ କରନ୍ତି । ଯଦି ଆପଣ ସେମାନଙ୍କୁ ଟଙ୍କା ଟ୍ରାନ୍ସଫର କରୁନାହାଁନ୍ତି ତେବେ ସେମାନେ ଫୋନ କରି ଧମକ ଦିଆନ୍ତି । ପୋଲିସ ନିକଟରେ ଅଭିଯୋଗ କରିବାକୁ ମଧ୍ୟ ଧମକ ଦିଅନ୍ତି । ତେବ ଏଭଳି ଫୋନ କିମ୍ବା ଏସଏମଏସ ଆସିବା ଦ୍ବାରା ସତର୍କ ହେବା ଆବଶ୍ୟକ । ପ୍ରଥମେ ଆପଣଙ୍କ ଆକାଉଣ୍ଟ ଯାଞ୍ଚ କରନ୍ତୁ ।
ସୋସିଆଉ ମିଡିଆରେ ଭାଇରାଲ ହେଉଛି ଟାଇଗର-୩ର ନୂଆ ପ୍ରୋମୋ
ମୁମ୍ବାଇ: ସଲମାନ ଖାନଙ୍କ ଆଗାମୀ ସିନେମା ଟାଇଗର ଥ୍ରୀ ଏବେ ରିଲିଜ ଅପେକ୍ଷାରେ । ଚଳିତ ମାସ ଦିୱାଲିରେ ପରଦାକୁ ଆସିବ ଏହି ସିନେମା । ଏହା ପୂର୍ବରୁ ନିର୍ମାତା ସିନେମାର ନୂଆ ପ୍ରୋମୋ ଭେଟି ଦେଇଛନ୍ତି । ଯାହା ରିଲିଜ ହେବା ମାତ୍ରେ ସୋସିଆଲ ମିଡିଆରେ ଛାୟିଯାଇଛି । ଆଡଭାନ୍ସ ବୁକିଂ ପୂର୍ବରୁ ଆସିଲା ଟାଇଗର ଥ୍ରୀର ନୂଆ ପ୍ରୋମୋ । ସଲମାନ ଖାନ୍ ଓ କ୍ୟାଟ୍ରିନା କୈଫଙ୍କ ଅଭିନିତ ଏହି ସିନେମାର ରିଲିଜ ନେଇ ଅପେକ୍ଷା କରି ବସିଛନ୍ତି ଫ୍ୟାନ୍ସ । ଏହାରି ଭିତରେ ନିର୍ମାତା ଏବେ ଦର୍ଶକଙ୍କ ପାଇଁ ନୂଆ ଧମାକାଦାର ପ୍ରୋମୋ ଭେଟି ଦେଇଛନ୍ତି । ପ୍ରୋମୋର ଆରମ୍ଭ ହୋଇଛି ଖଳନାୟକ ଆତିଶଙ୍କ ଭୂମିକାରେ ଥିବା ଇମ୍ରାନ ହାସମିଙ୍କ ଦମଦାର ଡାଇଲଗରୁ ।
୦ ସେକେଣ୍ଡର ଏହି ପ୍ରୋମୋରେ ଭରଫୁର ଆକ୍ସନ ସିନ୍ ବି ରହିଛି । ରିଲିଜ ହେବା ମାତ୍ରେ ଏହା ଏବେ ସୋସିଆଲ ମିଡିଆରେ ଛାୟିଯାଇଛି । ସଲମାନ ଖାନ୍ ଓ କ୍ୟାଟ୍ରିନାଙ୍କ ଏହି ବହୁପ୍ରତୀକ୍ଷୀତ ସିନେମା ଏଥର ଦିୱାଲି ଅବସରରେ ୧୨ ନଭେମ୍ବରରେ ପରଦାକୁ ଆସିବାକୁ ଯାଉଛି । ରିଲିଜକୁ ଆଉ ମାତ୍ର ଅଳ୍ପ ଦିନ ବାକି ଥିବା ବେଳେ ଏବେ ଏହାର ଆଡଭାନ୍ସ ବୁକିଂକୁ ଅପେକ୍ଷା କରି ରହିଛନ୍ତି ଦର୍ଶକ । ଏଥିପାଇଁ ୫ ନଭେମ୍ବରରୁ ଆରମ୍ଭ ହେବାକୁ ଯାଉଛି ଆଡଭାନ୍ସ ବୁକିଂ । ହିନ୍ଦୀ ଭାଷା ବ୍ୟତିତ ତାମିଲ, ତେଲୁଗୁ, କନ୍ନଡ, ମାଲାୟଲମ୍ ଆଦି ୫ଟି ଭାଷାରେ ମୁକ୍ତିଲାଭ କରିବ ଭାଇଜାନଙ୍କ ଏହି ସିନେମା । ମନିଷ ଶର୍ମା ସିନେମାର ନିର୍ଦ୍ଦେଶନା ଭାର ତୁଲାଇଥିବା ବେଳେ ୟାଇଆରଏଫ ସ୍ପାଏ ୟୁନିର୍ଭସ ଏହାର ପ୍ରଯୋଜନା ଦେଇଛି ।
ବ୍ରେନ୍ ଡେଡ୍ ମହିଳାଙ୍କ ଅଙ୍ଗଦାନ କଲେ ପରିବାର
ଭୁବନେଶ୍ବର: ବ୍ରେନ ଡେଡ୍ ମହିଳାଙ୍କ ଅଙ୍ଗଦାନ କଲେ ପରିବାର ଲୋକ । ତାଙ୍କ ଅଙ୍ଗଦାନ ଫଳରେ ୭ ଜଣଙ୍କ ରୋଗୀ ପାଇବେ ନୂଆ ଜୀବନ । ଗ୍ରୀନ କରିଡରରେ ପଠାଯାଇଛି ଅଙ୍ଗ । ବ୍ରହ୍ମପୁରର ୫୬ ବର୍ଷୀୟା ମହିଳା କ୍ରିଷ୍ଣା ପଣ୍ଡା ସ୍କୁଟି ଚଲାଇ ଯାଉଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ । ତାଙ୍କର ବ୍ରେନ ହାମରେଜ୍ ହୋଇଥିଲା । ନଭେମ୍ବର ୧ ତାରିଖରେ ତାଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଆଡମିଶନ କରାଯାଇଥିଲା । ୨ ନଭେମ୍ବରରେ ତାଙ୍କର ବ୍ରେନ୍ ଡେଡ୍ ନେଇ ଘୋଷଣା କରିଥିଲେ ଡାକ୍ତର । ସମସ୍ତ ଚେଷ୍ଟା ସତ୍ତ୍ୱେ ତାଙ୍କୁ ଆଉ ରିକଭରି କରାଯାଇ ପାରିବ ନାହିଁ ବୋଲି କହିଥିଲେ ଡାକ୍ତର ।
ଏହାପରେ କ୍ରିଷ୍ଣାଙ୍କ ପରିବାର ଲୋକେ ମହିଳାଙ୍କ ଅଙ୍ଗଦାନ ପାଇଁ ନିଷ୍ପତ୍ତି ନେଇଥିଲେ । ସେମାନଙ୍କ ଅନୁମତି କ୍ରମେ SOTTOକୁ ଅବଗତ କରାଯାଇଥିଲା । SOTTO ପାଖରୁ ଅନୁମତି ମିଳିବା ପରେ ତାଙ୍କର କିଡନୀ, ଫୁସଫୁସ, ହୃତପିଣ୍ଡ, ଯକୃତ ପ୍ରଦାନ କରିବାକୁ ନିଷ୍ପତ୍ତି ହୋଇଥିଲା । ଏହି ଅଙ୍ଗ ଦ୍ଵାରା ୭ ଜଣ ରୋଗୀଙ୍କ ଜୀବନ ବଞ୍ଚିବାକୁ ଯାଉଛି । ଭୁବନେଶ୍ବରରେ ଏକ ହସ୍ପିଟାଲରେ ମହିଳାଙ୍କ ଅଙ୍ଗ ହାର୍ଭେଷ୍ଟିଂ କରାଯାଇଛି । ଚେନ୍ନାଇ, କୋଲକାତାର ଆପୋଲୋ ହସ୍ପିଟାଲ, MGM ହସ୍ପିଟାଲ, ସମ ଅଲ୍ଟିମେଟ ଓ SCB ମେଡିକାଲ କଲେଜକୁ ଏହି ଅଙ୍ଗ ଗ୍ରୀନ କରିଡର ଯୋଗେ ପଠାଯାଇଛି । ଏଥିପାଇଁ କମିଶନରେଟ ପୋଲିସ ପକ୍ଷରୁ ଗ୍ରିନ୍ କରିଡ଼ରର ବ୍ୟବସ୍ଥା କରାଯାଇଥିଲା । ଘରୋଇ ହସ୍ପିଟାଲରୁ ବାହାରି ବରମୁଣ୍ଡା, ଫାୟର ଷ୍ଟେସନ, ଓୟୁଟି ଦେଇ ବିମାନବନ୍ଦର ନିଆଯାଇଥିଲା ।
ଖରିଫ୍ ଧାନ ସଂଗ୍ରହ ପାଇଁ ବଡ଼ ପଦକ୍ଷେପ
ଭୁବନେଶ୍ବର: ସ୍ବଚ୍ଛତାର ସହ ହେବ ଖରିଫ୍ ଧାନ ସଂଗ୍ରହ । ଏଥିପାଇଁ ରାଜ୍ୟ ସରକାର ସବୁ ବ୍ୟବସ୍ଥା କରିଛନ୍ତି । ବ୍ୟବସ୍ଥା ଠିକ୍ ଚାଲିଛି କି ନାହିଁ, ତାହା ଅନୁଧ୍ୟାନ କରିବା ପାଇଁ ସବୁ ସଚିବ ମଣ୍ଡି ବୁଲିବେ । ଚାଷୀ ଯେଭଳି କୌଣସି ସମସ୍ୟାରେ ନପଡ଼ିବେ, ତା’ ଉପରେ ନଜର ରଖିବାକୁ ସବୁ ମଣ୍ଡିରେ କ୍ୟାମେରା ବ୍ୟବସ୍ଥା ହୋଇଛି । ସମବାୟ ବିଭାଗରେ ଫାଇଭ-ଟିକୁ ଦିଆଯାଇଛି ଗୁରୁତ୍ୱ । ଚାଷୀ ସୁଫଳ ପାଇବେ । ସଚିବମାନେ ମଣ୍ଡି ବୁଲି ଅନୁଧ୍ୟାନ କରିବା ପାଇଁ ରାଜ୍ୟ ସରକାରଙ୍କ ନିଷ୍ପତ୍ତିକୁ ବିରୋଧୀ ଓ ଚାଷୀନେତା ସ୍ବାଗତ କରିଛନ୍ତି ।
ଖରିଫ୍ ଧାନ ସଂଗ୍ରହ ପାଇଁ ବଡ଼ ପଦକ୍ଷେପ । ସ୍ୱଚ୍ଛତାର ସହ ସୁରୁଖୁରୁରେ ହେବ ଧାନ ସଂଗ୍ରହ । ମଣ୍ଡି ବୁଲିବେ ସବୁ ସଚିବ । ଅସାଧୁଙ୍କ ଉପରେ ରହିବ କଡ଼ା ନଜର । ଧାନ ସଂଗ୍ରହ କେମିତି ହେଉଛି, ମଣ୍ଡିର ସ୍ଥିତି କ’ଣ ଅଛି ? ଖରିଫ ଧାନ ସଂଗ୍ରହ ପାଇଁ ରାଜ୍ୟ ସରକାର ନେଇଥିବା ପଦକ୍ଷେପ କେତେ କାର୍ଯ୍ୟକାରୀ ହେଉଛି, ସଚିବମାନେ ଗସ୍ତ କରି ଏସବୁ ଅନୁଧ୍ୟାନ କରିବେ । ଧାନ ସଂଗ୍ରହରେ ସ୍ୱଚ୍ଛତା ଆଣିବାକୁ ସଚିବମାନେ ମଣ୍ଡି ବୁଲିବା ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ମଣ୍ଡିରେ କ୍ୟାମେରା ବ୍ୟବସ୍ଥା କରାଯାଇଛି । ଚାଷୀଙ୍କ ପାଇଁ ହୋଇଛି ପିଇବା ପାଣି ଓ ଆଲୋକ ବ୍ୟବସ୍ଥା । ସଚିବମାନେ ଜିଲ୍ଲାପାଳମାନଙ୍କ ସହ ଆଲୋଚନା କରି ସମସ୍ୟା ସମାଧାନ କରିବେ । …
ସମବାୟ ବିଭାଗରେ ଫାଇଭ-ଟିକୁ ଗୁରୁତ୍ୱ ଦିଆଯାଇଛି । ପ୍ରକୃତ ଚାଷୀ ପଞ୍ଜୀକରଣ କରିଛନ୍ତି କି ନାହିଁ, ତାହା ଜାଣିବାକୁ ପୂର୍ବରୁ ଅସୁବିଧା ହେଉଥିଲା । ବର୍ତ୍ତମାନ ସାଟେଲାଇଟ ସର୍ଭେ ଦ୍ବାରା ବାସ୍ତବ ସ୍ଥିତି ଜଣା ପଡୁଛି । ଧାନ ସଂଗ୍ରହ ନେଇ ଭୁଲ ତଥ୍ୟ ଦେଇଥିବା ଲୋକଙ୍କ ବିରୋଧରେ ରାଜ୍ୟ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଖରିଫ ଧାନ ସଂଗ୍ରହ ନେଇ ରାଜ୍ୟ ସରକାରଙ୍କ ବଡ଼ ପଦକ୍ଷପକୁ ସ୍ବାଗତ କରାଯାଇଛି । ଚଳିତ ଖରିଫ ଋତୁରେ ଧାନ ସଂଗ୍ରହ ସୁରୁଖୁରୁରେ କରିବାକୁ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଲମ୍ବା ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି । ପ୍ରତ୍ୟେକ ଦିନ ଜିଲ୍ଲାସ୍ତରରେ ସମୀକ୍ଷା ବୈଠକ ବ୍ୟବସ୍ଥା କରାଯାଇଛି ।
ରୂପାନ୍ତରଣର ସାରଥୀ ଭି.କେ. ପାଣ୍ଡିଆନ
ଭୁବନେଶ୍ବର: ପୁରୀରେ କେତେ ବାଟ ଆଗେଇଛି ବିକାଶ କାର୍ଯ୍ୟ । ଗ୍ରାଉଣ୍ଡକୁ ଯାଇ ସମୀକ୍ଷା କରିଛନ୍ତି 5T ତଥା ନବୀନ ଓଡ଼ିଶା ଅଧ୍ୟକ୍ଷ ଭି.କେ ପାଣ୍ଡିଆନ । ଶନିବାର ଭୋରୁ ପୁରୀ ଗସ୍ତ କରି ପ୍ରଥମେ ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିଥିଲେ । ପରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ । ପରିକ୍ରମା ପ୍ରକଳ୍ପ କାମ ତ୍ଵରାନ୍ଵିତ ଡିସେମ୍ବର ୧୫ ସୁଦ୍ଧା ସମ୍ପୂର୍ଣ୍ଣ କରିବାକୁ ନିର୍ଦ୍ଦେଶ ଦେଇଛନ୍ତି 5T ଅଧ୍ୟକ୍ଷ । ସେହିପରି ଶ୍ରୀକ୍ଷେତ୍ରରେ ଥିବା ବିଭିନ୍ନ ମଠର ପୁନରୁଦ୍ଧାର କାମ ତ୍ବରାନ୍ୱିତ କରିବା ପାଇଁ 5T ଓ ନବୀନ ଓଡ଼ିଶା ଅଧ୍ୟକ୍ଷ ନିର୍ଦ୍ଦେଶ ଦେଇଛନ୍ତି । ପୁନରୁଦ୍ଧାର ସମୟରେ ମଠର ଇତିହାସ ଓ ପରମ୍ପରାକୁ ଗୁରୁତ୍ଵ ଦେଇ ସମସ୍ତ ଭାଗୀଦାର ମାନଙ୍କ ସହଯୋଗରେ କାମ କରିବାକୁ ପରାମର୍ଶ ଦେଇଛନ୍ତି ଭି.କେ ପାଣ୍ଡିଆନ୍ ।
ପରିକ୍ରମା ପ୍ରକଳ୍ପ ଲ୍ୟାଣ୍ଡସ୍କାପିଂ କାମରେ ଜଗନ୍ନାଥ ସଂସ୍କୃତି ସହ ଜଡିତ ବିଭିନ୍ନ ଦେଶୀୟ ବୃକ୍ଷ ଓ ଗୁଳ୍ମ ଲଗାଇବାକୁ ମଧ୍ୟ ପରାମର୍ଶ ଦେଇଛନ୍ତି । ଏହାଛଡ଼ା ମେଘନାଦ ପାଚେରୀ ନିକଟରେ ମନ୍ଦିରର କ୍ଷୁଦ୍ର ପ୍ରତିକୃତି ନିର୍ମାଣ କରିବାକୁ ପରାମର୍ଶ ଦେଇଛନ୍ତି । ମହାପ୍ରଭୁଙ୍କ ଦର୍ଶନ ପାଇଁ ଆସୁଥିବା ଯାତ୍ରୀମାନେ ଯେପରି ବିନା ବାଧାରେ ମନ୍ଦିରରେ ପହଞ୍ଚି ପାରିବେ, ସେଥିପାଇଁ ମନ୍ଦିରକୁ ସଂଯୁକ୍ତ କରୁଥିବା ରାସ୍ତାକୁ ଅବରୋଧ ମୁକ୍ତ ରଖିବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ସ୍ଥାନୀୟ ଲୋକ ତଥା ସେବାୟତଙ୍କ ସୁବିଧା ପାଇଁ ଦୁଇ ଚକିଆ ଗାଡିର ପାର୍କିଂ ପାଇଁ ପର୍ଯ୍ୟାପ୍ତ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି 5T ଅଧ୍ୟକ୍ଷ । ମେଘନାଦ ପାଚେରୀ ପାଖରୁ ଅସ୍ଥାୟୀ ନିର୍ମାଣକୁ ସ୍ଥାନାନ୍ତର, ପରିକ୍ରମା ପ୍ରକଳ୍ପର ବିଦ୍ୟୁତ୍ ବ୍ୟବସ୍ଥା କାମ ନିର୍ଦ୍ଧାରିତ ସମୟରେ ଶେଷ କରିବା ଉପରେ ଗୁରୁତ୍ଵ ଦେଇଛନ୍ତି ଭି.କେ ପାଣ୍ଡିଆନ୍ ।
ଜଗନ୍ନାଥ ବଲ୍ଲଭ ପାର୍କିଂ କାମ ସହ ଯାତ୍ରୀଙ୍କ ପାଇଁ କରାଯାଉଥିବା ବିଭିନ୍ନ ସୁବିଧାର ବିକାଶ, ପ୍ରମୋଦ ଉଦ୍ୟାନ ଓ ଶ୍ରୀସେତୁ କାମର ଅଗ୍ରଗତିର ସମୀକ୍ଷା କରିବା ସହ ନିର୍ଦ୍ଧାରିତ ସମୟ ମଧ୍ୟ କାମ ଶେଷ କରିବାକୁ ନିର୍ଦ୍ଦେଶ ଦେଇଥିଲେ ଭି.କେ ପାଣ୍ଡିଆନ୍ । ଏଥିପାଇଁ ଅଧିକ ଲୋକ ନିୟୋଜିତ କରିବାକୁ କହିଥିଲେ 5T ଓ ନବୀନ ଓଡିଶା ଅଧ୍ୟକ୍ଷ । ପୁରୀରେ ବିକାଶ କାର୍ଯ୍ୟର ସମୀକ୍ଷା ବେଳେ ଉପସ୍ଥିତ ଥିଲେ ବିଜେଡି ସାଙ୍ଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ, ପୁରୀ ଜିଲ୍ଲାପାଳ, ଏସପି ଏବଂ ଓବିସିସି ଅଧିକାରୀ
ଦିଲ୍ଲୀରେ ଛାତିଥରା ଦୁର୍ଘଟଣା
ନୂଆଦିଲ୍ଲୀ: ଦିଲ୍ଲୀରେ ଛାତିଥରା ଦୁର୍ଘଟଣା । କେତେକ କାର୍, ବାଇକ ଓ ସ୍କୁଟରକୁ ଧକ୍କା ଦେଲା ଦ୍ରୁତଗାମୀ ବସ୍ । ଘଟଣାସ୍ଥଳରେ ଜଣେ ପ୍ରାଣ ହରାଇଥିବାବେଳେ ଜଣେ ଆହତ ହୋଇଛନ୍ତି । ଦୁର୍ଘଟଣାର ସିସିଟିଭି ଚିତ୍ର ସମ୍ପୂର୍ଣ୍ଣ କଏଦ ହୋଇଛି । ଆଜି ଦିଲ୍ଲୀର ରୋହିଣୀ ଅନ୍ତର୍ଗତ ବିଶ୍ରାମ ଚୌକରେ ଅପରାହ୍ଣ ୨ଟା ୪୫ରେ ଡିଟିସିର ଏକ ଦ୍ରୁତଗାମୀ ବସ୍ କେତେକ କାରକୁ ଧକ୍କା ଦେବା ସହ ଯାତ୍ରୀ ପ୍ରତୀକ୍ଷାଗାର ନିକଟରେ ରହିଥିବା କେତେକ ବାଇକ ଓ ସ୍କୁଟରକୁ ଧକ୍କା ଦେଇଥିଲା । ଏହି ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବାବେଳେ ଜଣେ ବ୍ୟକ୍ତି ଆହତ ହୋଇଛନ୍ତି । ଦୁର୍ଘଟଣା ଦେଖି ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଡ୍ରାଇଭରଜଣକ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଥିବା କୁହାଯାଇଛି । ଡ୍ରାଇଭରକୁ ପୋଲିସ ନିଜ ହେପାଜତକୁ ନେଇ ତଦନ୍ତ କରିଛି । ଗତମାସରେ ଡିଟିସିର ଏକ ବସ ଧକ୍କାରେ ଜଣେ ୩୬ ବର୍ଷ ବୟସ୍କ ମହିଳାଙ୍କ ମୃତ୍ୟୁ ଘଟିଥିଲା ।
ହମାସ ମୁଖ୍ୟ ଇସମାଇଲ ହାନିଆ ଘର ଉପରେ ମିସାଇଲ୍ ଆଟାକ୍
ଗାଜା: ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ୨୯ ଦିନରେ ପହଞ୍ଚିଲାଣି । ଏହାମଧ୍ୟରେ ଖବର ଆସୁଛି ଯେ ହମାସ ମୁଖ୍ୟ ଇସମାଇଲ ହାନିଆଙ୍କ ଘର ଉପରକୁ ମିସାଇଲ୍ ମାଡ଼ କରିଛି ଇସ୍ରାଏଲ୍ ସେନା। ଅଲ-ଆକସା ରେଡିଓର ରିପୋର୍ଟ ଅନୁଯାୟୀ, ଇସ୍ରାଏଲ ଡ୍ରୋନ ଦ୍ୱାରା ଗାଜା ସ୍ଥିତ ଇସମାଇଲ ହାନିଆର ଘର ଉପରକୁ କ୍ଷେପଣାସ୍ତ୍ର ପକାଇଛି। ତେବେ ଏହି ଆକ୍ରମଣ ସମୟରେ ଇସମାଇଲ ଘରେ ନଥିବା ବେଳେ ତାଙ୍କ ପରିବାର ସଦସ୍ୟ କେହିଥିଲେ କି ନା ଜଣାପଡିନାହିଁ।
ସୂଚନାନୁସାରେ, ଗାଜା ସହରକୁ ସବୁ ଦିଗରୁ ଘେରି ରହିଛି ଇସ୍ରାଏଲ। ଦୁଇ ଦିନ ମଧ୍ୟରେ ୧୫୦ରୁ ଅଧିକ ହମାସ ଆତଙ୍କବାଦୀ ନିହତ ହୋଇଛନ୍ତି ଇସ୍ରାଏଲ୍ ସେନାବାହିନୀ ଗାଜାକୁ ସବୁଆଡୁ ଘେରାବନ୍ଦୀ କରିଛି। । ଏପଟେ ଇସ୍ରାଏଲ ଦାବି କରିଛି ଯେ ବର୍ତ୍ତମାନ ପର୍ଯ୍ୟନ୍ତ ୧୦୦୦ ହମାସ୍ ଆତଙ୍କବାଦୀଙ୍କୁ ହତ୍ୟା କରାଯାଇଛି । ଏହି ଘଟଣାରେ ଇସ୍ରାଏଲର ୨୪ ସୈନିକଙ୍କ ଜୀବନ ଯାଇଛି । କେବଳ ଗାଜାରେ ୧୦ ହଜାରରୁ ଅଧିକ ଲୋକ ପ୍ରାଣ ହରାଇଥିବାବେଳେ ଇସ୍ରାଏଲରେ ୧୪୦୦ ଜଣଙ୍କ ମୃତ୍ୟୁ ଘଟିଛି।
ଇସ୍ରାଏଲ ସେନା ମୁଖପାତ୍ର କହିଛନ୍ତି ଯେ ସୈନିକମାନେ ଅସ୍ତ୍ରଶସ୍ତ୍ର ଏବଂ ଏୟାରକ୍ରାଫ୍ଟ ଜରିଆରେ ହମାସ ଉପରେ ଆକ୍ରମଣ କରୁଛନ୍ତି। ସେନାଙ୍କ ଟାର୍ଗେଟରେ ରହିଛି ହମାସ୍ କମାଣ୍ଡ୍ ସେଣ୍ଟର, ଦୁଇଟି ଲଞ୍ଚିଂ ପୋଜିସନ୍, ତିନୋଟି ସୁଡଙ୍ଗ ଏବଂ ଆଣ୍ଟି ଟ୍ୟାଙ୍କ ମିସାଇଲ୍ ଲଞ୍ଚିଂ ସେଣ୍ଟର।
ଜେଲ ଗଲେ ଟୁଟୁ ନାୟକ
ଭୁବନେଶ୍ବର: ଗିରଫ ହୋଇ ୧୪ ଦିନିଆ ବିଚାର ବିଭାଗୀୟ ହାଜତକୁ ଗଲେ ସିନେ ପ୍ରଯୋଜକ ସଞ୍ଜୟ ନାୟକ ଓରଫ ଟୁଟୁ । ମହିଳା ସାମ୍ବାଦିକଙ୍କୁ ମାଡ଼ ମାରିବା ଅଭିଯୋଗରେ ଟୁଟୁ ନାୟକଙ୍କୁ ଗିରଫ କରିଛି ଖାରବେଳ ନଗର ଥାନା ପୋଲିସ । ଗିରଫ ପରେ ଟୁଟୁଙ୍କୁ କୋର୍ଟରେ ହାଜର କରାଯାଇଥିଲା । ଟୁଟୁ ନାୟକଙ୍କ ଜାମିନ ଆବେଦନ ଶୁଣାଣିକୁ ସଂରକ୍ଷିତ ରଖିଛନ୍ତି JMFC କୋର୍ଟ । ଆସନ୍ତା ସୋମବାର ଜାମିନର ପୁନଃଶୁଣାଣି ହେବ । ମହିଳା ସାମ୍ବାଦିକଙ୍କୁ ମାଡ଼ ମାରିଥିବାନେଇ ଗତକାଲି ଅଭିଯୋଗ ହୋଇଥିଲା । ପୋଲିସର ଏକ ସ୍ବତନ୍ତ୍ର ଟିମ୍ ଟୁଟୁଙ୍କୁ ପଚରାଉଚରା କରିବା ପରେ ଗିରଫ କରିଥିଲା । ତାଙ୍କ ବିରୋଧରେ ଦଫା 354, 294, 341, 323ରେ ମାମଲା ରୁଜୁ ହୋଇଛି ।