ରିଲ୍ସ କରୁ କରୁ ଜଳପ୍ରପାତକୁ ଖସିପଡ଼ିଲେ ଦୁଇ ଯୁବତୀ

ମାଲକାନଗିରି : ବିପଦ ଆଣିଲା ରିଲ୍ସ ନିଶା । ଅଳ୍ପକେ ବର୍ତ୍ତିଲେ ଦୁଇ ଯୁବତୀ । ରିଲ୍ସ କରୁ କରୁ ଅସାବଧାନତା ବଶତଃ ପାଣି ଭିତରକୁ ଖସି ପଡ଼ିଲେ ଦୁଇ ଯୁବତୀ। ପାଣିର ପ୍ରଖର ସୁଅ ଏମାନଙ୍କୁ ଭସାଇ ନେଇଥିଲା। ବଂଚିବା ପାଇଁ ଚିତ୍କାର କରୁଥିଲେ। ପାଖରେ ପରିବାର ଲୋକ ଥିଲେ ବି କେହି କିଛି କରି ପାରୁନଥିଲେ । ତେବେ ୨ଜଣ ଡ୍ରାଇଭର ନିଜ ଜୀବନକୁ ବାଜି ଲଗାଇ ପାଣି ଭିତରକୁ ଡେଇଁ ପଡିଥିଲେ। ଆଉ ମରଣ ମୁହଁରୁ ଦୁଇ ଜଣଙ୍କୁ ଟାଣି ଆଣିଥିଲେ। ଏ ଦୃଶ୍ୟ ହେଉଛି ମାଲକାନଗିରି ଜିଲ୍ଲା ଗୋବିନ୍ଦପାଲି ନିଟକରେ ଥିବା ଗୁମ୍ମାଝରଣ ଜଳପ୍ରପାତର।

କୁଡୁମୁଲୁଗୁମ୍ମାର ୨ ଯୁବତୀ ପରିବାର ସହ ପିକନିକ ପାଇଁ ଆସିଥିଲେ। ବୁଲାବୁଲି କରିବା ସହ ଖୁସିର ମୁହୂର୍ତ୍ତ ସାଇତି ରଖିବା ପାଇଁ ରିଲ୍ସ କରୁଥିଲେ। ଆଉ ଅସାବଧାନତା କାରଣରୁ ସେମାନଙ୍କ ଗୋଡ଼ ସେଠାରେ ଖସି ଯାଇଥିଲା। ସେମାନେ ପାଣି ଭିତରକୁ ଖସି ଯାଇଥିଲେ। ତେବେ ଦୁଇ ଯୁବତୀଙ୍କୁ ଦୁଇଜଣ ଡ୍ରାଇଭର ଉଦ୍ଧାର କରିଛନ୍ତି ।