ନୂଆଦିଲ୍ଲୀ: ଝଗଡା ହେଲେ ମହିଳାମାନେ ଆଖିର ଲୁହକୁ ତାଙ୍କ ଅସ୍ତ୍ର ଭାବେ ବ୍ୟବହାର କରନ୍ତି ବୋଲି କିଛି ଅନେକ ଲୋକ କୁହନ୍ତି । କିନ୍ତୁ ଏହା ମଧ୍ୟ ସତ୍ୟ ଯେ, ଯେତେବେଳେ ଝଗଡା ହୁଏ ସେତେବେଳେ ମହିଳମାନେ କାନ୍ଦନ୍ତି ଆଉ ତାହା ପରେ ପରେ ଝଗଡା ଶେଷ ହୋଇଯାଏ । କୁହାଯାଏ, ପୁରୁଷମାନେ ମହିଳା ମାନଙ୍କ ଲୁହ ଦେଖିଲେ ଦୁବର୍ଳ ହୋଇଯାନ୍ତି । କିନ୍ତୁ ଏହା ସତ୍ୟ ନୁହେଁ । ବରଂ ଲୁହ ଏକ ଏମିତି ଅସ୍ତ୍ର ଯାହା ଦ୍ବାରା ପୁରୁଷ ଓ ମହିଳା ସେଚତନ ହୁଅନ୍ତି ।
ଲୁହରେ ଅଛି ଏକ ରାସାୟନିକ ସଙ୍କେତ
ବାସ୍ତବରେ କହିବାକୁ ଗଲେ, ଏକ ଗବେଷଣାରୁ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ ପାଇଛି । ପିଏଲ୍ଓଏସ୍ ବାଓଲୋଜିରେ ଗୁରୁବାର ପ୍ରକାଶିତ ଏଭଳି ଏକ ରିପୋର୍ଟ ସାମ୍ନାକୁ ଆସିଛି । ଏହାକୁ ନେଇ ଇସ୍ରାଏଲର ବିଜମେନ ଇନଷ୍ଟିଚ୍ୟୁଟ ଅଫ୍ ସାଇନ୍ସ ପକ୍ଷରୁ ଏକ ଗବେଷଣା କରାଯାଇଛି । ଯେଉଁଥିରୁ ଜଣାପଡିଛି, ମଣିଷଙ୍କ ଲୁହରେ ଏକ ରାସାୟନିକ ସଙ୍କେତ ଥାଏ, ଯାହା ରାଗ ସହିତ ଜଡିତ ମସ୍ତିଷ୍କର ଦୁଇଟି ଅଂଶର କାର୍ଯ୍ୟକଳାପକୁ ମନ୍ଥର କରିଥାଏ। ଏହି କାର୍ଯ୍ୟର ନେତୃତ୍ୱ ନେଇଥିବା, ପି.ଏଚ.ଡି. ଛାତ୍ର ଶନି ଏଗ୍ରୋନ୍ କହିଛନ୍ତି, ଯେତେବେଳେ ଗେବଷଣାକାରୀମାନେ ଗବେଷଣା ପାଇଁ ବ୍ୟକ୍ତି ଖୋଜିବା ଆରମ୍ଭ କଲେ, ଅଧିକାଂଶ ମହିଳା ଆଗକୁ ଆସିଲେ କାରଣ କାନ୍ଦିବା ସେମାନଙ୍କ ପାଇଁ ସାମାଜିକ ଦୃଷ୍ଟିରୁ ଅଧିକ ଗ୍ରହଣୀୟ ।
ମହିଳା ମୂଷାଙ୍କ ଲୁହ ପୁରୁଷ ମୂଷାଙ୍କ ମଧ୍ୟରେ ଝଗଡା ହ୍ରାସ କରିଥିଲା ଏବଂ ଅନ୍ୟ ମୂଷାଙ୍କ ଆକ୍ରମଣରୁ ରକ୍ଷା ପାଇବା ପାଇଁ ପୁରୁଷ ମୂଷାମାନେ ନିଜ ଲୁହକୁ ପ୍ରୟୋଗ କରିଥିଲେ ବୋଲି ପୂବର୍ରୁ ଏକ ଗବେଷଣା ଜଣାପଡିଥିବା ୱାଇଜମ୍ୟାନ୍ ଇନଷ୍ଟିଚ୍ୟୁଟ୍ ଟିପ୍ପଣୀ କରିଛି । ଲୁହର ବାସ୍ନା ଟେଷ୍ଟୋଷ୍ଟେରନ୍ ହ୍ରାସ କରିଥାଏ ବୋଲି ଅନ୍ୟାନ୍ୟ ଅନୁସନ୍ଧାନରୁ ଜଣାପଡିଥିବା ବୈଜ୍ଞାନିକମାନେ କହିଛନ୍ତି । ଏଗ୍ରୋନ୍ ନ୍ୟୁଜ୍ ୱିକ୍କୁ କହିଛନ୍ତି ଯେ, ଲୁହର ଗନ୍ଧ ପରେ ପୁରୁଷମାନଙ୍କରେ ଟେଷ୍ଟୋଷ୍ଟେରନ୍ ସ୍ତର ହ୍ରାସ ହୋଇଥିବା ପୂର୍ବ ଫଳାଫଳଗୁଡିକ ମଧ୍ୟ ସୂଚିତ କରେ । ମୂଷା ପରେ, ଆମେ ଅନୁମାନ କଲୁ ଯେ ଲୁହ ମଣିଷରେ ମଧ୍ୟ ସମାନ ପ୍ରଭାବ ପକାଇବ । ଲ୍ୟାବରେ ଏହାର ପ୍ରଭାବ ଦେଖି ଆମେ ଆଶ୍ଚର୍ଯ୍ୟ ହୋଇଗଲୁ ।
ଆଖିର ଲୁହରେ ପୁରୁଷମାନଙ୍କର ପ୍ରତିଶୋଧ ପାଇଁ ଇଚ୍ଛା ୪୩.୭% ହ୍ରାସ ପାଇଥାଏ । ଏପରି ପରିସ୍ଥିତିରେ, ଗବେଷକମାନେ ୬୨ ଜଣଙ୍କୁ ଗଭୀର ଭାବରେ ଅଧ୍ୟୟନ କରିଥିଲେ । ସେମାନଙ୍କ ମଧ୍ୟରୁ ଚାରିଜଣ ଲୁହ ଦ୍ୱାରା ପ୍ରଭାବିତ ହୋଇଥିଲେ କିନ୍ତୁ ଏହାର ବାସ୍ନା ଦ୍ୱାରା ନୁହେଁ ।
ଲିଭରପୁଲ୍ ଜନ୍ ମୋରେସ୍ ବିଶ୍ୱବିଦ୍ୟାଳୟର ମନୋବିଜ୍ଞାନୀ ଡକ୍ଟର ମୀନା ଲିୟନ୍ସ କହିଛନ୍ତି, ଏହି ଅନୁସନ୍ଧାନ ଉଲ୍ଲେଖନୀୟ, କିନ୍ତୁ ଏହାକୁ ସମ୍ପୂର୍ଣ୍ଣ ସଠିକ୍ ଭାବରେ ବିବେଚନା କରାଯିବା ଉଚିତ୍ ନୁହେଁ। ସେ କହିଛନ୍ତି ଯେ ଘରୋଇ କଳିରେ ଅପରାଧିଙ୍କ ଆକ୍ରୋଶ ହ୍ରାସ କରିବା ପାଇଁ ଲୁହର କିଛି ଫରକ ପଡେ ନାହିଁ । ଲିୟନ୍ସ କହିଛନ୍ତି, କାନ୍ଦିବାର ସାମାଜିକ ପ୍ରସଙ୍ଗ ଅତ୍ୟନ୍ତ ଜଟିଳ । ମୁଁ ସନ୍ଦେହ କରୁଛି ଯେ, ଲୁହ ପ୍ରଭାବଶାଳୀ ହୋଇପାରେ କିନ୍ତୁ ଏହା କେବଳ ଆକ୍ରୋଶକୁ ହ୍ରାସ କରିଥାଏ ।
