କେନ୍ଦୁଝର: କେନ୍ଦୁଝର ଜିଲ୍ଲା ବଡ଼ବିଲରେ ଯୁବକଙ୍କ ଉନ୍ମତ୍ତ କାଣ୍ଡ । ପୌର ନିର୍ବାହୀ ଅଧିକାରୀଙ୍କ ଉପରେ ପେଟ୍ରୋଲ ଢ଼ାଳି ନିଆଁ ଲଗାଇବାକୁ ଉଦ୍ୟମ । ଅଳ୍ପକେ ବାର୍ତ୍ତିଲେ ନିର୍ବାହୀ ଅଧିକାରୀ ଅଭିଷେକ ପଣ୍ଡା । ପେଟ୍ରୋଲ ଢ଼ାଳିଥିବା ଯୁବକକୁ କାବୁକଲେ ପୌର କର୍ମଚାରୀ । ଅଭିଯୁକ୍ତ ଯୁବକ ଅଭିଷେକ ଗୁପ୍ତା ବଡ଼ବିଲ ଥାନାରେ ଅଟକ । ନିଜ ଘର ସମ୍ମୁଖ ସରକାରୀ ଜମିରେ ଥିବା କିଛି ଦୋକାନ ଘର ଉଚ୍ଛେଦ ନହେବାକୁ ନେଇ ଅସନ୍ତୁଷ୍ଟ ଥିଲେ ଯୁବକ।
ଭିଜିଲାନ୍ସ ଜାଲରେ ପୋଲିସ୍ ବାବୁ
ଜୟପୁର: ଭିଜିଲାନ୍ସ ଜାଲରେ ପୋଲିସ୍ ବାବୁ। ୫ ହଜାର ଟଙ୍କା ଲାଞ୍ଚ ନେବାବେଳେ ଧରାପଡିଲେ ଜୟପୁର ଟାଉନ ଥାନା ଏଏସଆଇ ଅନିଲ କୁମାର ନାୟକ। ଜଣେ ବ୍ୟକ୍ତିଙ୍କ ଗାଡି ମୁକୁଳାଇବା ପାଇଁ ୫ ହଜାର ଟଙ୍କା, ଜଣେ ବ୍ୟବସାୟଙ୍କ ମାଧ୍ୟମରେ ଲାଞ୍ଚ ମାଗିଥିଲେ । ଗାଡ଼ି ମାଲିକ ବ୍ୟବସାୟଙ୍କୁ ୫ ହଜାର ଟଙ୍କା ଦେଇଥିଲେ । ପୂର୍ବ ପ୍ରସ୍ତୁତି ଅନୁସାରେ ଭିଜିଲାନ୍ସ ଗାଡିଚାଳକଙ୍କୁ ରଙ୍ଗ ବୋଳା ଟଙ୍କା ଦେଇଥିଲା । ବ୍ୟବସାୟୀଙ୍କ ଠାରୁ ଟଙ୍କା ନେଉଥିବାବେଳେ ଜୟପୁର ପୁରୁଣା ଏସଡିପିଓଙ୍କ ଆବାସ ଗୃହ ନିକଟରେ ଧରିଥିଲା ଭିଜିଲାନ୍ସ ଟିମ୍ । କେମିକାଲ ପରୀକ୍ଷା ପରେ ଏ ଏସ୍ ଆଇ ଅନିଲ କୁମାର ନାୟକଙ୍କୁ ଜୟପୁର ଭିଜିଲାନ୍ସ ଗରିଫ କରିଛି । ଘଟଣାରେ ଦୁଇ ଜଣ ସାକ୍ଷ୍ୟ ନିମନ୍ତେ ଜଣେ କନିଷ୍ଠ ଯନ୍ତ୍ରୀ ଏବଂ ଜଣେ କିରାଣୀଙ୍କୁ ନେଇଛି ଭିଜିଲାନ୍ସ ଟିମ୍ ।
ରାମ ଭକ୍ତ ଜାଭେଦ ଅଖତର, କହିଲେ ମୋ ଭଳି ନାସ୍ତିକ ପାଇଁ ଏହା ଗର୍ବର ବିଷୟ
ଅଯୋଧ୍ୟା: ଅଯୋଧ୍ୟା ରାମ ନଗରୀରେ ଏବେ ଉତ୍ସବର ମାହୋଲ । କାରଣ ଆସିବେ ପ୍ରଭୁ ରାମ । ସଜେଇ ହୋଇଛି ପୂରା ସହର । ସାରା ଭାରତରେ ଏବେ ସମସ୍ତଙ୍କ ମୁହଁରେ ରାମ ରାମ । ତେବେ ଏହାକୁ ନେଇ ଏବେ ବିଭିନ୍ନ ପ୍ରକାର ବାର୍ତ୍ତା ଆସୁଛି । ବହୁ ବଡ଼ ବଡ଼ ସେଲିବ୍ରିଟିଙ୍କୁ ରାମଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ନିମନ୍ତ୍ରଣ ଦିଆଯାଇଛି । ତେବେ ଏହାରି ଭିତରେ ବଲିଉଡର ଲୋକପ୍ରିୟ ସିଙ୍ଗର ଜାଭେଦ ଅଖତର ରାମଙ୍କ ବିଷୟରେ କହିଛନ୍ତି ।
ନିକଟରେ ଜାଭେଦ ଅଖତର ମହାରାଷ୍ଟ୍ରର ଔରଙ୍ଗାବାଦରେ ଆୟୋଜିତ ଏକ ଚଳଚ୍ଚିତ୍ର ମହୋତ୍ସବରେ ଅଂଶଗ୍ରହଣ କରିଥିଲେ । ସେହି ସମୟରେ ସେ ରାମ ମନ୍ଦିର ଉର୍ଦ୍ଦୁ ଭାଷଶ ଏବଂ ଅଜନ୍ତା ଏଲୋରା ଗୁମ୍ଫା ବିଷୟରେ କହିଥିଲେ ।
ରାମ ମନ୍ଦିର ବିଷୟରେ ସେ କହିଛନ୍ତି ଯେ, ଅଯୋଧ୍ୟାରେ ରାମ ମନ୍ଦିର ନେଇ କାହାରି କିଛି ଆପତ୍ତି ନାହିଁ । ସୁପ୍ରିମକୋର୍ଟଙ୍କ ନିଷ୍ପତ୍ତି ଅନୁସାରେ ମନ୍ଦିର ନିର୍ମାଣ କରାଯାଉ । ଏହାକୁ ଏକ ବଡ଼ ପର୍ବ ଭାବେ ପାଳନ କରିବାରେ ମଧ୍ୟ କୌଣସି କ୍ଷତି ନୁହେଁ ।
ଗତ ଦିପାବଳିରେ ଶିବାଜୀ ପାର୍କଠାରେ ଦିପୋତ୍ସବର ଆୟୋଜନ କରାଯାଇଥିଲା । ଏହି ଉତ୍ସବରେ ସେ ଜୟ ଶ୍ରୀ ରାମ ବୋଲି ବି କହିଥିଲେ । ତାଙ୍କ କହିବା ଅନୁସାରେ ରାମାୟଣ ଆମ ସଂସ୍କୃତି, ଇତିହାସ ଏବଂ ଧରୋହର ମଧ୍ୟ ।
ମୁଁ ସେହି ଦେଶରେ ଜନ୍ମ ନେଇଛି ଯାହା ରାମ ସୀତାଙ୍କ ଥିଲା । ମୁଁ ରାମ ଏବଂ ସୀତାଙ୍କୁ କେବଳ ହିନ୍ଦୁଙ୍କ ଧରୋହର ବୋଲି ମାନେ ନାହିଁ । ଏହି ଦେଶରେ ଯେଉଁ ବି ହିନ୍ଦୁସ୍ଥାନୀ ଜନ୍ମ ନିଏ ସେ ତାଙ୍କୁ ମାନେ ।
ଏଠାରେ ଆମେ କହି ରଖିବାକୁ ଚାହୁଁଛୁ ଯେ, ଆସନ୍ତା ୨୨ ତାରିଖରେ ଅଯୋଧ୍ୟାରେ ଭବ୍ୟ ରାମ ମନ୍ଦିରରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ହେବ । ଏଥିରେ ଦେଶ ତଥା ଦେଶ ବାହାରୁ ବହୁ ମାନ୍ୟଗଣ୍ୟ ବ୍ୟକ୍ତିଙ୍କୁ ନିମନ୍ତ୍ରଣ ଦିଆଯାଇଛି ।
ଫିଟ୍ ନାହାନ୍ତି ସାମି, ଖେଳି ନପାରନ୍ତି ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍
ନୂଆଦିଲ୍ଲୀ: ଜାନୁଆରୀ ୨୫ ତାରିଖରୁ ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଖେଳିବ ଭାରତ। ଦକ୍ଷିଣ ଆଫ୍ରିକାରେ ସିରିଜ ଡ୍ର କରିବା ପରେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଜିତିବା ଲକ୍ଷ୍ୟରେ ମେନ୍ ଇନ୍ ବ୍ଲୁ । ତେବେ ଆହତ କାରଣରୁ ଟିମ ଇଣ୍ଡିଆରୁ ବାହାରେ ଥିବା ଦୃତ ବୋଲର ମହମ୍ମଦ ସାମି ଏହି ସିରିଜ ଖେଳି ନପାରନ୍ତି । ବିଶ୍ବକପ ପରେ ବିଶ୍ରାମ ନେଇଥିବା ସାମି ଆହତ କାରଣରୁ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ ମଧ୍ୟ ଖେଳିପାରିନଥିଲେ । ସାମିଙ୍କ ଗୋଡ଼ରେ ଆଘାତ ଲାଗିଥିବାବେଳେ ସେ ଫିଟ୍ ହୋଇନାହାନ୍ତି । ବିଶ୍ବକପରେ ତାଙ୍କ ଦମଦାର ପ୍ରଦର୍ଶନ ଟିମ ପାଇଁ ଗୁରୁତ୍ବ ବହନ କରିଥିବାବେଳେ ଶକ୍ତିଶାଳୀ ଦଳ ବିପକ୍ଷରେ ସାମିଙ୍କ ଉପସ୍ଥିତି ଦରକାର ବୋଲି କ୍ରିଡ଼ାପ୍ରେମୀମାନେ କହିଛନ୍ତି । ସାମିଙ୍କ ବଦଳରେ ମୁକେଶ କୁମାର ସ୍ଥାନ ପାଇବେ ବୋଲି କୁହାଯାଉଛି । ଦକ୍ଷିଣ ଆଫ୍ରିକା ଟେଷ୍ଟ ସିରିଜରେ ଆଭେଶ ଖାନଙ୍କୁ ସୁଯୋଗ ମିଳିଥିଲା । ବୁମରା, ସିରାଜ, ମୁକେଶ କୁମାର ଏବଂ ପ୍ରସିଦ୍ଧ କ୍ରିଷ୍ଣା ପ୍ରମୁଖ ଦୃତ ବୋଲିଂ ଭାର ସମ୍ଭାଳିବେ ।
ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବକୁ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀଙ୍କୁ ନିମନ୍ତ୍ରଣ
ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବକୁ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀଙ୍କୁ ନିମନ୍ତ୍ରଣ କରାଯାଇଛି । ଶଙ୍କରାଚାର୍ଯ୍ୟଙ୍କୁ ଛତିଶଗଡ଼ ରାୟପୁରରେ ନିମନ୍ତ୍ରଣ କରିଛନ୍ତି ଗଜପତି ମହାରାଜ । ଲୋକାର୍ପଣ ଉତ୍ସବରେ ଯୋଗଦେବାକୁ ଆମନ୍ତ୍ରଣ ଜଣାଇଛନ୍ତି ପୁରୀ ଗଜପତି । ଆସନ୍ତା ୧୭ ତାରିଖରେ ପୁରୀ ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବର ଭବ୍ୟ ଆୟୋଜନ ହେଉଛି । ଏଥିରେ ରାଜ୍ୟ ତଥା ରାଜ୍ୟ ବାହାର ଶହ ଶହ ସାଧୁସନ୍ଥଙ୍କୁ ନିମନ୍ତ୍ରଣ କରାଯିବା ସହିତ ପ୍ରମୁଖ ଧାର୍ମିକସ୍ଥଳୀର ଦେବଦେବୀ ଓ ଶ୍ରୀଜଗନ୍ନାଥ ମନ୍ଦିରକୁ ନିମନ୍ତ୍ରଣ କରାଯାଇଛି । ଆଜି ରାୟପୁରରେ ଶଙ୍କରାଚାର୍ଯ୍ୟଙ୍କୁ ଭେଟି ଲୋକାର୍ପଣ ଉତ୍ସବକୁ ନିମନ୍ତ୍ରଣ କରିଛନ୍ତି ପୁରୀ ଗଜପତି ମହାରାଜ ।
ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ଉତ୍ସାହିତ ଯୁବଗୋଷ୍ଠୀ
ଗଜପତି: ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ଉତ୍ସାହିତ ଯୁବଗୋଷ୍ଠୀ। ନିଜ ଦକ୍ଷତା ପ୍ରତିପାଦନ କରିବାକୁ ପାଇଛନ୍ତି ସୁଯୋଗ। ପାରଳାଖେମୁଣ୍ଡି ପୌର ପରିଷଦ ପକ୍ଷରୁ ଆୟୋଜିତ ହୋଇଛି ବିଭିନ୍ନ କ୍ରୀଡ଼ା ପ୍ରତିଯୋଗିତା। ଯାହାକୁ ନେଇ ଖୁସି ବ୍ୟକ୍ତ କରିବା ସହ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଯୁବଗୋଷ୍ଠୀ।
ଯୁବ ଗୋଷ୍ଠୀଙ୍କୁ ଆଗକୁ ବଢାଇ ଏକ ନୂତନ ଓଡ଼ିଶା ଗଠନର ପରିକଳ୍ପନା କରିଛନ୍ତି ରାଜ୍ୟ ସରକାର। ଯୁବ ସମାଜ ମଧ୍ୟରେ ପ୍ରତିଭା ସନ୍ଧାନ ପୂର୍ବକ, ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଆୟୋଜିତ ହେଉଛି। ପାରଳାଖେମୁଣ୍ଡି ପୌର ପରିଷଦ ପକ୍ଷରୁ ଏନେଇ ଆୟୋଜିତ ହୋଇଛି ବିଭିନ୍ନ କ୍ରିଡା ପ୍ରତିଯୋଗିତା। ସ୍ଥାନୀୟ ଷ୍ଟାଡିୟମ ଓ କଲେଜ ପଡ଼ିଆରେ ବ୍ୟାପକ ପ୍ରସ୍ତୁତି କରାଯାଇଛି। ଏଥିରେ ଭାଗ ନେଇଥିଲେ ଶତାଧିକ ଯୁବକ। କ୍ରିକେଟ, ଖୋଖୋ, ଫୁଟବଲ, ଭଲିବଲ, ଆଦି ପ୍ରତିଯୋଗିତାରେ ଭାଗନେଇ ନିଜର ଦକ୍ଷତା ପ୍ରଦର୍ଶନ କରିଛନ୍ତି।
ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ଯୁବବର୍ଗଙ୍କୁ ମିଳିଛି ଉପଯୁକ୍ତ ମଞ୍ଚ। ଏହା ମାଧ୍ୟମରେ ପ୍ରତିଭାବାନ ଯୁବକଙ୍କୁ ଆଗକୁ ବଢ଼ିବାର ସୁଯୋଗ ମିଳିଛି। କ୍ରୀଡ଼ାର ବିକାଶ ହେବା ସଙ୍ଗେ ସଙ୍ଗେ ଉତ୍ସାହିତ ହୋଇଛନ୍ତି ଯୁବ ବର୍ଗ। ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ଆନୁଷଙ୍ଗିକ ପଦକ୍ଷେପ ନିଆଯାଇଛି। ଦକ୍ଷ ତଥା ପ୍ରତିଭାବାନ ଯୁବକଙ୍କୁ ଉତ୍ସାହିତ କରିବା ପାଇଁ ଅର୍ଥରାଶି ତଥା ଅନ୍ୟାନ୍ୟ ପ୍ରୋତ୍ସାହନ ପ୍ରଦାନ କରାଯାଉଛି। ଏଭଳି ଏକ ସୁଯୋଗ ପାଇ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି ଯୁବଗୋଷ୍ଠୀ।
ଦର୍ଶକଙ୍କୁ ଟିଭି ଦେଖିବା ହେବ ମହଙ୍ଗା
ନନ୍ଦିଘୋଷ ବ୍ୟୁରୋ: ଦର୍ଶକଙ୍କୁ ଟିଭି ଦେଖିବା ହେବ ମହଙ୍ଗା । ବିଭିନ୍ନ ବ୍ରୋଡକାଷ୍ଟର ସେମାନଙ୍କର ମାସିକ ଦରରେ ବୃଦ୍ଧି କରିଛନ୍ତି । ବିଭିନ୍ନ ଚ୍ୟାନେଲ ଦରରେ ବୃଦ୍ଧି ପରିଲକ୍ଷିତ ହୋଇଛି । ଜୀ ଏଣ୍ଟରଟେନମେଣ୍ଟ, ସୋନି ପିକଚର୍ସ, ଭାୟକମ୧୮ ଦର ବଢ଼ାଇଛନ୍ତି । ବିଭିନ୍ନ ବିଷୟ ପ୍ରସ୍ତୁତିରେ ଅଧିକ ଖର୍ଚ୍ଚ ହେଉଥିବାରୁ ବଢ଼ିଲା ଦର । ନଭେମ୍ବର ୨୦୨୨ରେ NTO 3.0 ଲାଗୁ କରିଥିଲା TRAI । ଭାୟକମ୧୮ ମାସିକ ପ୍ୟାକରେ ୨୦ରୁ ୨୫ ପ୍ରତିଶତ ବୃଦ୍ଧି । ଜୀ ଏଣ୍ଟରଟେନମେଣ୍ଟ ନିଜର ମାସିକ ଦରରେ ୯ରୁ ୧୦% ବୃଦ୍ଧି । ସୋନି ପିକଚର୍ସ ମଧ୍ୟ ମାସିକ ଦରରେ ୧୦ ପ୍ରତିଶତ ବୃଦ୍ଧି କରିଛନ୍ତି । ଏଣିକି ପୂର୍ବ ଅପେକ୍ଷା ଗ୍ରାହକଙ୍କୁ ଅଧିକ ରିଚାର୍ଜ କରିବାକୁ ପଡ଼ିବ ।
କ’ଣ ଏହି ମାର୍କୋର୍ସ? କେଉଁଠି କରନ୍ତି କାମ? କିପରି ହୁଏ ନିଯୁକ୍ତି?
ନୂଆଦିଲ୍ଲୀ: ସୋମାଲିଆ ପାଖରେ ଏକ ଯାହାଜ ଅପହରଣ କରାଯାଇଥିଲା । ଯାହାଜରେ ଥିବା ଭାରତୀୟଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ସେଠାରୁ ଭାରତୀୟଙ୍କୁ ଉଦ୍ଧାର କରିଛନ୍ତି ନୌସେନାର କମାଣ୍ଡୋ ମାର୍କୋର୍ସ । ଗୁରୁବାର ସନ୍ଧ୍ୟାରେ ଏହି ‘ଏମଭି ଲୀଲା ନର୍ଫାଲ୍କ’ ନାମକ ଏହି ଜାହାଜ ଅପହରଣ ଖବର ଆସି ପହଞ୍ଚିଥିଲା । ଲାଇବେରିଆର ପତାକା ଲାଗିଥିବା ଏହି ଜାହାଜ ଉପରେ ନୌସେନାର କମାଣ୍ଡୋ ମାର୍କୋର୍ସ କଡ଼ା ନଜର ରଖିଥିଲେ । ସୁଯୋଗ ମିଳିବା ମାତ୍ରେ କମାଣ୍ଡୋମାନେ ଅପରେସନ୍ ପୂରା କରିଥିଲେ । ଏହି ଜାହାଜରେ ଥିବା ୧୫ ଭାରତୀୟଙ୍କ ସହ ମୋଟ ୨୧ କ୍ରୁଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।
ସମୁଦ୍ର ଲୁଟେରାମାନେ ଜାହାଜକୁ ଅପହରଣ କରିବାକୁ ଚେଷ୍ଟା କରିଥିଲେ । ଭାରତୀୟ ନୌସେନା ସେମାନଙ୍କୁ ସେଠୁ ପଳାଇଯିବାକୁ କଡ଼ା ଚେତାବନୀ ଦେବା ପରେ ସେମାନେ ଜାହାଜକୁ ଛାଡ଼ି ଦେଇଥିଲେ ।
ତେବେ ଏହି ପୂରା ଅପରେସନରେ ମାର୍କୋର୍ସ କମାଣ୍ଡମାନେ ସବୁ ଦାୟୀତ୍ବ ନେଇଥିଲେ । ସେମାନେ ନଥିଲେ ହୁଏତ ଅପସେସନ ସଫଳ ହୋଇପାରିନଥାନ୍ତା । ବୀରତ୍ବର ପ୍ରମାଣ ଦେଇଥିବା ଏହି ମାର୍କୋର୍ସ କମାଣ୍ଡ କ’ଣ ? ଏମାନେ କେଉଁ ସବୁ କାମ କରନ୍ତି? ଏହା କେବେଠୁ କାମ କରୁଛି? ଜାଣନ୍ତୁ ଏହି ମାର୍କୋର୍ସ କମାଣ୍ଡୋଙ୍କ ବିଷୟରେ ପୂରା ତଥ୍ୟ ।
ଭାରତୀୟ ସେନାର ସାମୁଦ୍ରିକ ୟୁନିଟକୁ MARCOS ବୋଲି କୁହାଯାଏ । ଯାହାର ସରକାରୀ ନାମ ହେଉଛି ମେରାଇନ୍ କମାଣ୍ଡୋ ଫୋର୍ସ (MCF) | ଏହା ଭାରତୀୟ ନୌସେନାର ଏକ ସ୍ୱତନ୍ତ୍ର ୟୁନିଟ୍ | ପୂର୍ବରୁ ଏହାକୁ ଇଣ୍ଡିଆନ୍ ମେରାଇନ୍ ସ୍ପେଶାଲ୍ ଫୋର୍ସ କୁହାଯାଉଥିଲା | ପରେ ଏହାର ନାମ ‘ମାର୍କୋସ୍’ ରଖାଯାଇଥିଲା |
୧୯୮୭ ମସିହା ଫେବୃଆରୀରେ ଏହାକୁ ପ୍ରତିଷ୍ଠା କରାଯାଇଥିଲା । ମାର୍କୋସ୍ ସବୁ ପ୍ରକାର ପରିବେଶରେ କାମ କରିବାକୁ ସକ୍ଷମ | ଏମାନେ ସବୁ ସ୍ଥାନରେ ଶତ୍ରୁଙ୍କ ପାଇଁ ଘାତକ ପ୍ରମାଣିତ ହୋଇଛନ୍ତି । ଏହି ସେନା ନିଜର କାର୍ଯ୍ୟଶୖଳୀ ପାଇଁ ଆନ୍ତର୍ଜାତୀୟ ଖ୍ୟାତି ମଧ୍ୟ ଅର୍ଜନ କରିଛି | ସେନା ଜେଲମ୍ ନଦୀ ଏବଂ ବୁଲର୍ ହ୍ରଦରେ କାମ କରନ୍ତି | ଏହି ହ୍ରଦ ୬୫ ବର୍ଗ କିଲୋମିଟର ଯାଏ ବ୍ୟାପିଛି | ଏଠାରେ ମଧୁର ଜଳ ଥିବାରୁ ମାର୍କୋସ ଜାମ୍ମୁ କାଶ୍ମୀରରେ ଆତଙ୍କବାଦ ବିରୋଧରେ ମଧ୍ୟ ଅଭିଯାନ ଚଳାନ୍ତି ।
ମାର୍କୋର୍ସର ଇତିହାସ
1986 ଏପ୍ରିଲରେ ଆମେରିକାର ନୈାସେନା ସହିତ ଭାରତୀୟ ନୈାସେନା ମିଶି ଏକ ସ୍ବତନ୍ତ୍ର ବାହିନୀ ଗଠନ ପାଇଁ ଯୋଜନା ଆରମ୍ଭ କରିଥିଲା । ସମୁଦ୍ରରେ ଆକ୍ରମଣ ଏବଂ ଅନୁସନ୍ଧାନ ତଥା ଆତଙ୍କବାଦ ବିରୋଧୀ କାର୍ଯ୍ୟ ରୋକିବା ପାଇଁ ତିଆରି ହୋଇଥିଲା। ୧୯୫୫ରେ ଗଠିତ ଏକ ଡାଇଭିଂ ୟୁନିଟରୁ ତିନିଜଣ ସ୍ୱେଚ୍ଛାସେବୀ ଅଧିକାରୀଙ୍କୁ ମନୋନୀତ କରାଯାଇଥିଲା ଏବଂ କରୋନାଡୋରେ ଯୁକ୍ତରାଷ୍ଟ୍ରର ନୈାସେନା ସିଲ୍ ସହିତ ତାଲିମ ଦିଆଯାଇଥିଲା | ଭାରତୀୟ ସାମୁଦ୍ରିକ ସ୍ପେଶାଲ ଫୋର୍ସ (IMSF) ଆନୁଷ୍ଠାନିକ ଭାବରେ ଫେବୃଆରୀ ୧୯୮୭ ରେ ସୃଷ୍ଟି ହୋଇଥିଲା ଏବଂ ତିନିଜଣ ଅଧିକାରୀ ଏହାର ପ୍ରଥମ ସଦସ୍ୟ ଥିଲେ। ୧୯୯୧ରେ, IMSF ର ନାମ ‘ମେରାଇନ୍ କମାଣ୍ଡୋ ଫୋର୍ସ’ (MCF) ରଖାଗଲା |
କେମିତି ହୁଏ ଚୟନ?
୨୦ ବର୍ଷ ବୟସ ଯୁବକଙ୍କୁ ଏଥିପାଇଁ ଚୟନ କରାଯାଏ । ସେମାନଙ୍କୁ ଅତି କଷ୍ଟ ଚୟନ ପ୍ରକ୍ରିୟା ଏବଂ ତାଲିମ ଦେଇ ଗତି କରିବାକୁ ପଡେ | ଆମେରିକୀୟ ଏବଂ ବ୍ରିଟିଶର ସ୍ୱତନ୍ତ୍ର ବାହିନୀ ମାର୍କୋସଙ୍କ ତାଲିମ ଦେବାରେ ବହୁ ସାହାଯ୍ୟ କରିଥିଲେ । ଏଥିରେ ୮ ମାସର ପାଠ୍ୟକ୍ରମ ବି ରହିଛି । ଏହି ତାଲିମ ବ୍ୟବସ୍ଥାରେ ବାୟୁସେନା ଅପରେସନ୍, ଯୁଦ୍ଧ ଡାଇଭିଂ, ଆତଙ୍କବାଦ, ଅପହରଣ, ଡକାୟତି ବିରୋଧୀ ଅପରେସନ୍, ଯୁଦ୍ଧ ଇତ୍ୟାଦି ଅନ୍ତର୍ଭୁକ୍ତ। ଏହାର ଅଧିକାଂଶ ପ୍ରଶିକ୍ଷଣ INS ଅଭିମନ୍ୟୁରେ କରାଯାଏ ।
କେଉଁ ଯାଗାରେ ହୁଏ ମାର୍କୋର୍ସଙ୍କ ଟ୍ରେନିଂ?
ମାର୍କୋସ୍ ଭାରତୀୟ ସେନା ସ୍ପେଶାଲ୍ ଫୋର୍ସ ଅଧିକାରୀଙ୍କ ସହ ଭାରତୀୟ ସ୍ପେଶାଲ୍ ଫୋର୍ସ ଟ୍ରେନିଂ ସ୍କୁଲ୍, ଏବଂ ଅନ୍ୟାନ୍ୟ ସେନା ବିଦ୍ୟାଳୟରେ ଅଭ୍ୟାସଗତ ଯୁଦ୍ଧରେ ଟ୍ରେନିଂ ନିଅନ୍ତି | କର୍ଣ୍ଣାଟକର ବେଲଗାମରେ ଜୁନିୟର ଲିଡର୍ସ କମାଣ୍ଡୋ ଟ୍ରେନିଂ କ୍ୟାମ୍ପ, ଅରୁଣାଚଳ ପ୍ରଦେଶର ତାୱାଙ୍ଗରେ ପାର୍ବତ ଘାଟକ୍ ବିଦ୍ୟାଳୟ, ରାଜସ୍ଥାନ , କାଶ୍ମୀରରେ ମଧ୍ୟ ଟ୍ରେନିଂ ନିଅନ୍ତି ।
ଏହି କମାଣ୍ଡୋ ମାନଙ୍କର ଶାରିରୀକ ଫିଟନେସ ପରୀକ୍ଷା କରାଯାଏ । ହେଲ୍ସ ଓ୍ବିକ୍ ବୋଲି ଏକ ପ୍ରକ୍ରିୟା ରହିଛି ଯେଉଁ ପରୀକ୍ଷା ଦେଇ କମାଣ୍ଡୋ ମାନେ ଯିବାକୁ ବାଧ୍ୟ । ଶହେ ପ୍ରତିଶତ ମଧ୍ୟରୁ ୮୦ ରୁ ୮୫ ଭାଗ କମାଣ୍ଡୋ ଫେଲ୍ ହୁଅନ୍ତି ବାକି ପାସ ହୋଇଥିବା କମାଣ୍ଡୋ ହିଁ ଅପରେସନରେ ଭାଗ ନିଅନ୍ତି ।
ସଲମାନ ଖାନଙ୍କ ଫାର୍ମ ହାଉସରେ ପ୍ରବେଶ ଉଦ୍ୟମ କରି ଦୁଇ ବ୍ୟକ୍ତି ଗିରଫ
ମୁମ୍ବାଇ: ଅଭିନେତା ସଲମାନ ଖାନଙ୍କ ଫାର୍ମ ହାଉସରେ ପ୍ରବେଶ ଉଦ୍ୟମ କରି ଦୁଇ ବ୍ୟକ୍ତି ଗିରଫ । ମୁମ୍ବାଇ ଅନ୍ତର୍ଗତ ପନବେଲସ୍ଥିତ ଫାର୍ମ ହାଉସରେ ଗତ ୪ ତାରିଖରେ ୨ ଜଣ ବ୍ୟକ୍ତି ପ୍ରବେଶ ଉଦ୍ୟମ କରିଥିଲେ । ଗିରଫ ୨ ଅଭିଯୁକ୍ତ ହେଲେ ଅଜେଶ କୁମାର ଓମପ୍ରକାଶ ଗିଲ୍ ଓ ଗୁରୁସେବକ ସିଂ ତେଜସିଂ ଶିଖ୍ । ସୁପରଷ୍ଟାରଙ୍କୁ ଦେଖିବା ଲାଗି ସେମାନେ ଅର୍ପିତା ଫାର୍ମହାଉସରେ ପ୍ରବେଶ ଉଦ୍ୟମ କରିବା ସହ ସିକ୍ୟୁରିଟି ଗାର୍ଡଙ୍କୁ ଭୁଲ ସୂଚନା ଦେଇଥିଲେ । ସେମାନେ ସଲମାନଙ୍କ ଫ୍ୟାନ ହୋଇଥିବାରୁ ତାଙ୍କୁ ଭେଟିବାର ସୁଯୋଗ ଦେବା ଲାଗି ସେମାନେ ସିକ୍ୟୁରିଟି ଗାର୍ଡଙ୍କୁ ଅନୁରୋଧ କରିଥିଲେ । ଅଭିଯୁକ୍ତ ୨ ଜଣ ପାଚେରୀ ଡେଇଁବା ସହ ତାର କାଟି ଭିତରକୁ ପ୍ରବେଶ ଉଦ୍ୟମ କରିଥିଲେ । ସେମାନଙ୍କ ନିକଟରୁ ପୋଲିସ ଆଧାର କାର୍ଡ ଜବତ କରିଛି । ଲରେନ୍ସ ବିଷ୍ଣୋଇ ଗ୍ୟାଙ୍ଗଠାରୁ ଧମକ ପରେ ଗତବର୍ଷଠାରୁ ସଲମାନଙ୍କୁ ଦିଆଯାଇଛି ଓ୍ବାଇ ପ୍ଲସ ସିକ୍ୟୁରିଟି ।
ଗୁଣି ଗାରେଡି ସନ୍ଦେହରେ ଆକ୍ରମଣ
ଭୁବନେଶ୍ବର: ରାଜଧାନୀ ଭୁବନେଶ୍ବର ସହିଦ ନଗର ତାରିଣୀ ବସ୍ତିରେ ଗୁଣି ଗାରେଡି ସନ୍ଦେହରେ ପରିବାରକୁ ଆକ୍ରମଣ । ୩୦ ରୁ ୪୦ ଜଣ ଲୋକ ସଂଘବଦ୍ଧ ଭାବେ ପୁରା ପରିବାରକୁ ଆକ୍ରମଣ କରିଥିବା ନେଇ ଅଭିଯୋଗ ହୋଇଛି। ମାଡ଼ମାରି ମୁହଁ ଫଟାଇବା ସହ ପରିବାରର ଝିଅକୁ ଦୁର୍ବ୍ୟବହାର ନେଇ ଶହୀଦନଗର ଥାନାରେ ଏତଲା ହୋଇଛି । ସହିଦ ନଗର ଥାନାରେ ଏତଲା ଦେଇଛନ୍ତି ଆକ୍ରମଣର ଶିକାର ପରିବାର ଲୋକେ । ତେବେ ଘଟଣାପଛରେ ଆଉ କିଛି କାରଣ ରହିଥିବା ପୋଲିସର ସନ୍ଦେହ କରୁଛି। ପୂର୍ବ ଶତ୍ରୁତାରୁ ଆକ୍ରମଣ ହୋଇଥିବା ପୋଲିସର ସୂଚନା ଦେଇଛି। ଏତଲା ପରେ ଉଭୟ ପକ୍ଷକୁ ଥାନାରେ ଡକାଇ ପଚରାଉଚରା କରୁଛି ପୋଲିସ।