ନନ୍ଦିଘୋଷ ବ୍ୟୁରୋ: ରଣଜୀ ଟ୍ରଫି ଇତିହାସରେ ପ୍ରଥମ ଘଟଣା । ୧୦ ଓ ୧୧ ତମ ଖେଳାଳି ଶତକ ଅର୍ଜନ କରିଛନ୍ତି । ୧୨୯ ବଲ୍ରୁ ୧୨୦ ରନର ଅପରାଜିତ ଶତକୀୟ ପାରି ଖେଳିଥିଲେ ଅଫ୍ ସ୍ପିନର ତନୁସ କୋଟିଆନ୍ । ଦ୍ରୁତ ବୋଲର୍ ତୁଷାର ଦେଶପାଣ୍ଡେ ୧୨୯ ବଲ୍ରୁ ୧୨୩ ରନ୍ ଅର୍ଜନ କରିଛନ୍ତି । ତନୁସଙ୍କ ପାଳିରେ ୧୦ ଚୌକା ସହ ୨ଟି ଛକା ରହିଥିବାବେଳେ ତୁଷାର ୧୦ଟି ଛକା ସହ ୮ଟି ଚୌକା ମାରିଛନ୍ତି । ବରୋଦା ବୋଲରଙ୍କୁ ଧୁଲାଇ କରିଥିଲେ ଏହି ଯୋଡ଼ି । ଶେଷ ଓ୍ବିକେଟ ପାର୍ଟନରସିପରେ ବଡ଼ ବଡ଼ ସଟ ଖେଳି ନୂଆ ରେକର୍ଡ ଅର୍ଜନ କରିଛନ୍ତି । ୨୪୦ ବଲରେ ଦଶମ ଓ୍ବିକେଟ ଭାଗିଦାରୀରେ ୨୩୨ ରନ୍ର ପାର୍ଟନରସିପ୍ କରିଥିଲେ । ସେପଟେ ପ୍ରଥମ ଶ୍ରେଣୀ କ୍ରିକେଟରେ ଉଭୟ ପ୍ରଥମ ଶତକ ମଧ୍ୟ ହାସଲ କରିଛନ୍ତି । ୧୧ ନମ୍ବର ସ୍ଥାନରେ ଶିବରାମକ୍ରୀଷ୍ଣାଙ୍କ ରେକର୍ଡ ଭାଙ୍ଗିଛନ୍ତି ଦେଶପାଣ୍ଡେ । ୨୦୦୦-୦୧ ସିଜନରେ ତାମିଲନାଡ଼ୁ-ଦିଲ୍ଲୀ ମ୍ୟାଚରେ ୧୧୫ ରନ୍ କରିଥିଲେ ଶିବରାମକ୍ରିଷ୍ଣା ।
