ICC ରାଙ୍କିଂରେ ଭାରତୀୟ ଖେଳାଳିଙ୍କ ପ୍ରାଧାନ୍ୟ, ଜାଣନ୍ତୁ କେଉଁ ଖେଳାଳି କେତେ ନମ୍ବର ସ୍ଥାନରେ ରହିଛନ୍ତି

ନନ୍ଦିଘୋଷ ବ୍ୟୁରୋ: ପ୍ରକାଶ ପାଇଥିବା ICC ରାଙ୍କିଂରେ ଭାରତୀୟ ଖେଳାଳିଙ୍କ ପ୍ରାଧାନ୍ୟ । ବ୍ୟାଟିଂ, ବୋଲିଂ ଏବଂ ଅଲରାଉଣ୍ଡର ତାଲିକାର ଟପ୍ ୧୦ ଲିଷ୍ଟରେ ଭାରତୀୟ ଖେଳାଳିମାନେ ପ୍ରାଦାନ୍ୟ ବିସ୍ତାର କରିଛନ୍ତି । ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଭାରତର ବିଜୟ ପରେ ଖେଳାଳିମାନେ ଆଇସିସି ରାଙ୍କିଂରେ ଉପରକୁ ଉଠିଛନ୍ତି । ତେବେ ଚତୁର୍ଥ ଟେଷ୍ଟରେ ଖେଳିନଥିବା ଜଶପ୍ରିତ ବୁମରା କିନ୍ତୁ ବୋଲିଂ ତାଲିକାରେ ଶୀର୍ଷରେ ରହିଥିବାବେଳେ ଅଶ୍ବିନୀ ଦ୍ବିତୀୟ ସ୍ଥାନକୁ ଉତୀର୍ଣ୍ଣ ହୋଇଛନ୍ତି । ତେବେ ଟପ୍ ୧୦ ତାଲିକାରେ ପାକିସ୍ତାନର ଜଣେ ମଧ୍ୟ ବୋଲର ସ୍ଥାନ ପାଇନାହାନ୍ତି । ସାହିନ ଆଫ୍ରିଦ ୧୨ ନମ୍ବର ସ୍ଥାନରେ ରହିଛନ୍ତି ।

ବୁଧବାର ICC ପକ୍ଷରୁ ସଦ୍ୟ ପ୍ରକାଶିତ ଏହି ଟେଷ୍ଟ ରାଙ୍କଂରେ ଭାରତୀୟ ଖେଳାଳିମାନେ ପ୍ରାଧାନ୍ୟ ବିସ୍ତାର କରିଛନ୍ତି । ତେବେ ବୋଲରଙ୍କ ମଧ୍ୟରେ କାଗିସୋ ରାବାଡା ୩ ନମ୍ବର ସ୍ଥାନରେ ରହିଛନ୍ତି । ଅଷ୍ଟ୍ରେଲିୟ ଖେଳାଳି ପାଟ୍ କମିନ୍ସ ଏବଂ ହାଜେଲହୁଡ୍ ଚତୁର୍ଥ ଏବଂ ପଞ୍ଚମ ସ୍ଥାନରେ ରହିଛନ୍ତି । ସେପଟେ ରବିନ୍ଦ୍ର ଜାଡେଜା ଷଷ୍ଠ ସ୍ଥାନରେ ରହିଥିବାବେଳେ ଟପ୍ ୧୦ରେ ତିନିଜଣ ଭାରତୀୟ ବୋଲର ସ୍ଥାନ ପାଇଛନ୍ତି ।