ନିଶାସକ୍ତ ୱାଡରଙ୍କ ଆକ୍ରମଣରେ ଜେଲର ଓ ସହକର୍ମୀ ଆହତ

ସମ୍ବଲପୁର: ସମ୍ବଲପୁର ସର୍କଲ ଜେଲରେ ନିଶାସକ୍ତ ୱାଡରଙ୍କ ଆକ୍ରମଣ । ୱାଡରଙ୍କ ଆକ୍ରମଣରେ ସର୍କଲ ଜେଲର ଦୁଇ କର୍ମଚାରୀ ଆହତ ହୋଇଛନ୍ତି । ଗତରାତିରେ ଜେଲ ୱାର୍ଡର ଅଶୋକ ଥାଟି ନିଶାସକ୍ତ ଅବସ୍ଥାରେ ଡ୍ୟୁଟିକୁ ଆସିଥିଲେ । ତାଙ୍କୁ ବାରଣ କରିବାରୁ ଆଲୋକ କର ଓ ଜେଲର ଅନ୍ୟ ଜଣେ କର୍ମଚାରୀଙ୍କୁ ମୁଥ ମାରି ମୁହଁ ଫଟାଇ ଦେଇଥିବା ଅଭିଯୋଗ ହୋଇଛି ।

ନିଶାସକ୍ତ ୱାର୍ଡରଙ୍କୁ କାବୁ କରି ଧନୁପାଲି ପୋଲିସକୁ ଖବର ଦିଆଯାଇଥିଲା । ୱାଡରଙ୍କୁ ଥାନାକୁ ଆଣିବା ପରେ ମାମଲା ରୁଜୁ କରାଯାଇଛି । ତେବେ ନିଶାସକ୍ତ ଅବସ୍ଥାରେ ଯେତେବେଳେ ତାଙ୍କୁ ସହକର୍ମୀ ଜେଲର ଭିତରକୁ ଯିବାକୁ ବାରଣ କରିଥିଲେ ସେ ମଧ୍ୟ ଏହି ଆକ୍ରମଣର ଶିକାର ହୋଇଥିଲେ । ୱାର୍ଡରଙ୍କୁ ଥାନାରେ ଅଟକ ରଖି ପଚରାଉଚରା କରାଯାଉଥିବା ସୂଚନା ମିଳିଛି । ୱାର୍ଡରଙ୍କ ଏଭଳି କାର୍ଯ୍ୟକଳାପକୁ ସାଧାରଣରେ ନିନ୍ଦା କରାଯାଇଛି ।