ଖୁବଶୀଘ୍ର ଆରମ୍ଭ ହେବ ବୈଷୟିକ ଶିକ୍ଷାନୁଷ୍ଠାନର ଅନ୍ଲାଇନ୍ କ୍ଲାସ୍, ଜୁଲାଇ ୯ରୁ ବିପିୟୁଟି ପରୀକ୍ଷା
1 min read
ଭୁବନେଶ୍ୱର: ଲକ୍ଡାଉନ୍ ଯୋଗୁଁ ଛାତ୍ରଛାତ୍ରୀଙ୍କ ପାଠ ପଢ଼ାରେ ବ୍ୟାଘାତ ଘଟିଛି । ଛାତ୍ରଛାତ୍ରୀ ନା ସ୍କୁଲ ଯାଇ ପାରୁଛନ୍ତି ନା ଟ୍ୟୁସନ୍ ଯାଇ ପାରୁଛନ୍ତି । କରୋନା ସଂକ୍ରମଣ ଭୟ ସବୁଠି ରହିଛି । ତେବେ ଖାଲି ସ୍କୁଲ ଛାତ୍ରଛାତ୍ରୀ ନୁହେଁ କଲେଜ ପଢ଼ୁଆ ଛାତ୍ରଛାତ୍ରୀଙ୍କ ପାଇଁ ମଧ୍ୟ ସମାନ ପରିସ୍ଥିତି ଦେଖାଦେଇଛି । ଏବେ ସୁଦ୍ଧା ସବୁ କଲେଜ ଖୋଲିବା ସହ ନୂଆ ପାଠ୍ୟକ୍ରମ ଆରମ୍ଭ ହେବା କଥା । କିନ୍ତୁ ଲକ୍ଡାଉନ୍ କାରଣରୁ ତାହା ଆରମ୍ଭ ହୋଇପାରି ନାହିଁ ।
ତେବେ ପିଲାଙ୍କ ପାଠପଢ଼ାକୁ ଦୃଷ୍ଟିରେ ରଖି ସରକାର ଅନ୍ଲାଇନ୍ କ୍ଲାସ୍ର ବ୍ୟବସ୍ଥା କରିଛନ୍ତି । ଘରୋଇ ସ୍କୁଲମାନେ ନିଜ ନିଜର ପିଲାଙ୍କୁ ଅନ୍ଲାଇନ୍ ମାଧ୍ୟମରେ ପାଠ ପଢ଼ାଇବା ଆରମ୍ଭ କରିସାରିଥିବା ବେଳେ ଏବେ ରାଜ୍ୟ ସରକାର ମଧ୍ୟ ସ୍କୁଲ୍ ଛାତ୍ରଛାତ୍ରୀଙ୍କୁ ଅନ୍ଲାଇନ୍ରେ ପାଠ ଫଢ଼ାଇବା ପାଇଁ ନିଷ୍ପତ୍ତି ନେଇସାରିଛନ୍ତି । ମୋବାଇ ଆପ୍ ମାଧ୍ୟମରେ ଛାତ୍ରଛାତ୍ରୀ ଘରେ ବସି ଅନ୍ଲାଇନ୍ରେ ପାଠ ପଢ଼ିପାରିବେ ।
ଏହି ପରିପ୍ରେଖିରେ ବୈଷୟିକ ଶିକ୍ଷାନୁଷ୍ଠାନଗୁଡ଼ିକ ମଧ୍ୟ ଅନ୍ଲାଇନ୍ରେ ପାଠ ପଢ଼ା ଆରମ୍ଭ କରିବା ନେଇ ଯୋଜନା କରିଛନ୍ତି । ଜୁଲାଇ ଦ୍ୱିତୀୟ ସପ୍ତାହ ସୁଦ୍ଧା ଅନ୍ଲାଇନ୍ କ୍ଲାସ୍ କେବେ ଆରମ୍ଭ ହେବ ତାହା ନିଷ୍ପତ୍ତି ନିଆଯିବ । ଏନେଇ ସୂଚନାଦ ଦେଇଛନ୍ତି ବୈଷୟିକ ଶିକ୍ଷାମନ୍ତ୍ରୀ ପ୍ରେମାନନ୍ଦ ନାୟକ । କୋଭିଡ୍୧୯ କାରଣରୁ ବୈଷୟିକ ଶିକ୍ଷାନୁଷ୍ଠାନ ଗୁଡ଼ିକ ଏବେ ଖୋଲାଯିବା ନେଇ ଆଶଙ୍କା ପ୍ରକାଶ ପାଇଛି । ତେଣୁ ଏଭଳି ନିଷ୍ପତ୍ତି ନିଆଯାଇଛି ବୋଲି କହିଛନ୍ତି ମନ୍ତ୍ରୀ ।
BPUT ପରୀକ୍ଷା ନେଇ ମଧ୍ୟ ମନ୍ତ୍ରୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଆଗାମୀ ଜୁଲାଇ ୯ରୁ ୨୯ ମଧ୍ୟରେ ପରୀକ୍ଷା କରାଯିବ । ଅନ୍ଲାଇନ୍ରେ ପରୀକ୍ଷା ହେବ । ପରୀକ୍ଷାରେ ମଲ୍ଟିପୁଲ୍ ଚଏସ୍ର ପ୍ରଶ୍ନ ଉତ୍ତର ରହିବ ।
