ମାର୍ଚ୍ଚ ୨୨ଠାରୁ ଭାରତରେ ଓହ୍ଲାଇ ପାରିବ ନାହିଁ ବିଦେଶୀ ବିମାନ
କରୋନା ଭୟାବହତାକୁ ଦୃଷ୍ଟିରେ ରଖି ଏହାକୁ ରୋକିବା ନେଇ ଭାରତ ସରକାରଙ୍କ ପକ୍ଷରୁ ବିଭିନ୍ନ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି । ମାର୍ଚ୍ଚ ୨୨ ପରଠୁ କୌଣସି ଅନ୍ତର୍ଜାତୀୟ ପାସେଞ୍ଜେର କିମ୍ୱା ବ୍ୟବସାୟୀକ ଫ୍ଳାଇଟ୍ ଭାରତରେ ଅବତରଣ କରିବନାହିଁ ।
ଲୋକପ୍ରତିନିଧି, ସରକାରୀ କର୍ମଚାରୀ ଏବଂ ଡାକ୍ତରଙ୍କ ବ୍ୟତୀତ ୬୫ ବର୍ଷରୁ ଊର୍ଦ୍ଧ୍ୱ ସମସ୍ତ ନାଗରିକଙ୍କୁ ଘରେ ରହିବାକୁ ନିର୍ଦ୍ଦେଶ ଦେବା ଲାଗି ରାଜ୍ୟ ସରକାରଙ୍କୁ ଭାରତ ସରକାରଙ୍କ ପକ୍ଷରୁ କୁହାଯାଇଛି । । ସେହିଭଳି ୧୦ ବର୍ଷରୁ କମ୍ ପିଲାମାନଙ୍କୁ ଘରୁ ବାହାରକୁ ନଛାଡ଼ିବାକୁ ପରାମର୍ଶ ଦିଆଯାଇଛି ।
ଛାତ୍ରଛାତ୍ରୀ, ରୋଗୀ ଓ ଦିବ୍ୟାଙ୍ଗଙ୍କ ବ୍ୟତୀତ ଅନ୍ୟ କୌଣସି ଯାତ୍ରୀଙ୍କୁ ରିହାତି ନଦେବା ଲାଗି ବେସାମରିକ ବିମାନ ଚଳାଚଳ, ରେଳବାଇକୁ ନିର୍ଦ୍ଦେଶ ଦିଆଯାଇଛି ।
ସେହିଭଳି ଜରୁରୀକାଳୀନ ସେବାରେ ଜଡ଼ିତ କର୍ମଚାରୀଙ୍କ ବ୍ୟତୀତ ଘରୋଇ କମ୍ପାନୀ କର୍ମଚାରୀଙ୍କ ପାଇଁ ଓ୍ୱାର୍କ ଫର୍ମ ହୋମ୍ ବ୍ୟବସ୍ଥା ଲାଗୁ କରିବାକୁ ରାଜ୍ୟ ସରକାରମାନଙ୍କୁ ନିର୍ଦ୍ଦେଶ ଦିଆଯାଇଛି ।
